လယ်စိုက်ကြစို့သူငယ်ချင်း အောက်အီးအီးအွတ် 🌾🐓
The Strongest Warrior Just Wants a Peaceful Farming Life (絕世強者只想回家種田)

ကမ္ဘာမြေကလူငယ်လေး ကျင့်ကြံရေးလောကကိုဝိညာဉ်ကူးပြောင်းလာပြီးနောက် စနစ်ခိုင်းသမျှ မစ်ရှင်အကုန်ကြိုးစားလုပ်ခဲ့လေတယ်။ အနုပညာ၊ အတတ်ပညာ အမျိုးပေါင်း၃၆၀လောက် ကြိုးစားလုပ်ကိုင်ပြီးနောက် စနစ်ရဲ့စွန့်ပစ်ခြင်းခံလိုက်ရရှာသတဲ့။

သိုင်းဝိညာဉ်မရှိ သိုင်းသမားမဖြစ်နိုင်ဘူးဆိုပေမဲ့ ဘဝကိုအလျှော့မပေးဘဲ လယ်စိုက် စက်ရုံထောင် ပစ္စည်းတွေရောင်းပြီး အေးချမ်းတဲ့နေ့စဉ်ဘဝလေးကိုဖြတ်သန်းဖို့ ဆုံးဖြတ်လိုက်ရှာတယ်။

ဒါပေမဲ့ သူမသိတာက သူစိုက်ထားတဲ့ သစ်ပင်မြက်ပင်တွေက ဝိညာဉ်စွမ်းအင်ကြွယ်ဝပြီး နတ်ဆေးအလားအစွမ်းထက်၊ မွေးထားတဲ့ သားရဲတိရစ္ဆာန်တွေက ဒဏ္ဍာရီလာနတ်သားရဲတွေဖြစ်၊ အလကားရလာတဲ့မြင်းက နဂါးမျိုးနွယ်စုရဲ့မင်းသားဖြစ်၊ ဒါတင်မကသေးပါဘူး။

တတ်ထားတဲ့အသိပညာဗဟုသုတတွေနဲ့ ပစ္စည်းကောင်းလေးဖန်တီးလိုက်တာ လောကကြီးကိုတုန်လှုပ်စေတဲ့ မှော်ရတနာလက်နက်တွေဖန်တီးမိနေလေရဲ့။ အမှတ်မထင်ပြောလိုက်တဲ့စကား၊ အာရုံလာလို့သီဆိုမိတဲ့သီချင်း၊ ဘာရယ်မဟုတ်ရေးလိုက်တဲ့လက်ရေးလှကဗျာတို့ဟာ လောကကြီးကိုဗြောင်းဆန်သွားစေလေသတဲ့။

ဒီလိုနဲ့ သူမသိလိုက်ခင်မှာပဲ ဒီကျင့်ကြံရေးလောကသားတွေရဲ့အမြင်မှာ ကမ္ဘာမြေဆိုတာ အဆင့်မြင့်တားမြစ်နယ်မြေကြီးဖြစ်နေပြီး သူကတော့ ထိပ်ခေါင်ဇာတ်မြှုပ်ဆရာကြီးဖြစ်သွားတော့တာပေါ့။

ကဲ လူငယ်လေးတွေအကြိုက် စွမ်းအားတွေတဖြူးဖြူးချပြရင်း တစ်ဖက်မှာလည်း အူတက်အောင်ရယ်ရမဲ့ ဒီအမိုက်စားကားလေးကို အခုပဲ SoulAnimedom မှာကြည့်ရှုဖို့ ဖိတ်ခေါ်လိုက်ပါရစေနော် 🐸

#ReviewByCarrot
#SoulAnimedom
#Anime
#絕世強者只想回家種田

ထည်ဝါခံ့ညား ဆရာသမား ♦️🌟
No.1 Grandmaster in History (史上第一祖师爷)

အကယ်၍များ ရှောင်းယန်၊ ရှီဟောက် (ခေါ်) ဟွမ်းနဲ့ ဝမ်လင်တို့ တစ်နေရာတည်းမှာဆုံဖြစ်ခဲ့သည်ရှိသော်……

အဟမ်းအဟမ်း ကျွန်တော်ကတော့ ကမ္ဘာမြေကနေ ကျင့်ကြံရေးလောကဆီ ဝိညာဉ်ကူးပြောင်းခံလိုက်ရသူပဲဖြစ်ပါတယ်။ သိတဲ့အတိုင်း စနစ်သခင်ကြီးကလည်း နောက်ကလိုက်လာပြီး တပည့်လက်ခံ၊ ဂိုဏ်းထောင်၊ ဘိုးဘေးဆရာလုပ်ဖို့ အသက်အန္တရာယ်နဲ့ လာခြိမ်းခြောက်ပါတယ်။

ဒီအခါမှာတော့ အသက်လေးကိုကာကွယ်ဖို့အတွက် ရှိုးစမိုးအပြည့်နဲ့ဝတ်စားဆင်ယင်ပြီးနောက် တပည့်ရှာပုံတော်ခရီးထွက်လိုက်ပါတော့တယ်။ အဲဒီမှာတွေ့လိုက်ရတာကတော့…..

အသက်၆လတောင်မပြည့်သေးဘဲ အထွတ်အထိပ်တာအိုအုတ်မြစ်လုယူခံလိုက်ရရှာတဲ့ ရှီထျန်းဟောက်…… ငယ်စဉ်ကတည်းကပါရမီရှင်ဖြစ်ခဲ့ပေမဲ့ လက်စွပ်တစ်စုံကြောင့် ကျင့်ကြံဆင့်နောက်ပြန်ဆုတ်ပြီး လူတကာစော်ကားခံရကာ စေ့စပ်ပွဲဖျက်သိမ်းခံရတော့မဲ့ရှောင်းယန်…..

မြို့စားမင်းအိမ်တော်က ကိုယ်လုပ်တော်ရဲ့သားဖြစ်ပြီး မိခင်အတွက်ဂုဏ်ဆောင်ပေးချင်ပေမဲ့ အမြဲတစေ အနိုင်ကျင့်ခံနေရရှာတဲ့ကျူးယိ……

ကျင့်ကြံရေးဂိုဏ်းထဲဝင်ရောက်ဖို့ရာ ပါရမီမပါတာကြောင့်ဖြုတ်ချခံလိုက်ရပြီး အသက်နဲ့ရင်းကာ အသေအကျေကြိုးစားဝင်ရောက်ခဲ့ပေမဲ့ အထင်သေးစော်ကားမှုတွေသာခံရတဲ့ဝမ်လင်……

ကဲ အစရှိတဲ့ဒီကလေးတွေကို ရင်ခွင်ပိုက်ပြီး လောကကြီးကိုစိုးမိုးနိုင်အောင် အားတက်သရော ပျိုးထောင်ပေးလိုက်ကြရအောင် 😉🙈

#SoulAnimedom
#Review
#史上第一祖师爷