جاتني صدمه حضاريه وم عرفت اقول شنووو .. قلت الحمد لله اني م اعترفت ليهوو اني بحبوو شديد . تاني قلت قضاا اخف من قضاااا والحمد لله علي كل حال🌚. بس بعد شويه قلبي وجعني شديد وبقيت ببكي مشيت اتوضيت وصليت وبقيت بدعي ي رب رجعو لي يارب رجعوووو لي ياررب انا مابتحمل الجرح ده يارب . انا روحي متعلقه فيهوو ردو لي يارب . انا قللبي ضعييف وبقيت ببكييي . بحرررقه .. يومين لا باكل ولا بشرب لحد م اليوم التالث الجرس دقاااا .م فتحت ف قامو فتحو الباب ب المفتاح من البواب .. حق الطواري . كنت نايمه ع الكنبه . اللي جوو ديل امي وابوي وعمو مخلص وديمه اختي😉. صحيت وانا مخلوعه بعاين ليهمم ومصرصره وعيوني محمرره ووارمه قمت ع حيلي طوالي وقعت ف الارضض .. طبعا عدم الاكل وماباخد ادويتي .. ولا بشرب ..
-صحيت ف المستشفي الدكتور قال لي قلنا بقيتي كويسه م قلنا اهملي صحتك اسمعي كويس المرض ممكن يرجع ليك لو اهملتي ف روحك م بنلعب ي ريم اسمعي الكلام فاهمه علي؟ هذيت راسي . م كان جمبي زول بس هوا طلع انا طلعت المحلول مني وقمت قعدت بس الباب اتفتح وجات امي داخله ووراها الباقيينن.. ياخ انا بكيت بكاااا ف الدنيا دي ..اتفشيت اايوم داك كنت مشتاقه ليهممم وخصوصا امي مشتاقه ل ريحتهاا ل انها تضمني حتي النكد حتي لما تمنعني امشي حته ضمتني شدديد وبقت تقرا لي علي راسي وتقولي لي ريمتي ي روح امك انتي كلو لي خيرر ي روحي وباستني . قالت لي براحه سلمي ع ابوك . كنت م بشوف كويس من الدموع والبكااا وجسمي مهبط شديد ابوي لماني عليهووو وقال لي انتي قدرتي ع السرطان ي بتي م ح تقدري تنسي واحد زي ده .. ان شالله حتبقي كويسه والفتره دي تعدي . م تبكي خلاص . عموو مخلص م بيضمني عليهو ابدا بس بيبوسني ف راسي .. باسني وقال لي بتي الحلوه .. ربنا بيمتحنك ف لازم تنجحي ولا ما كده ؟؟ قلت ليهوو طبعااا ي عموو . وانا لازم انجحح بس م بقدر انا تعبت خلاص .. جات ضمتني ديمه انا الفيني كملت بس وانا ضاماها الدكتور والنيرس جو داخلين شاكلوني شكل .. ورقدوني لحد م كملت الدربات .. وجابو لي اكل . قلت للمرضه اكلكم ده مرض لي معدتي قالت لي كملي ده وحجيب ليك وجبه حلوه ع حساب الدكتور 😂 قلت ليهت دكتور منو قالت لي وائل قبل شويه اتصل واتطمن عنك . فجاه تلفونا ضرب . قالت لي ده هوا هسا قلت ليها هاتي . امي طوالي شالت منها التلفون ادتو ل ابوي . قال ليهوو لخد هنااا ي ولد الناس اظن الحكايه انتهت وبتنا عندنا وما بغلبنا نوقفك ف حدك ف الززززم حدودك م تخليني اتصرف تصرفات م كويسه فاهم .؟ طلقتهااا زيك زي الرجال الخيبانين لو راجل كنت تجي قدامهاا تطلقهاا. ولا تجيني انا تقول لي بتك دي عملت كده وكده مش تطلقهاا كده لعب هووو .. عمو مخلص شالو منوو . قال ليو ي وائل بجد خزلتني فيكك انا يوم سلمتك ليها قلت ليك شنو وانت حلفت لي بشنو ؟ شفت تاني لو السما انطبقت ع الارض عينك م حتختها ف عينها اخس عليك ي وائل ..ابوك زاتو خجلان من عملتك دي امشي لا بارك الله فيك 🌚 وطططق قفل الخط انا اانبسطت نوعا ما عشان عندي سند وعندي ناس يقيفو قدام اي زول ععوز يأزيني بس الكان واجعني عاوزه اعرف هو ليه عمل كده . اي نعم انا كنت ببعدة وقلت ليهو طلقني مره بس هوو زعل مني ساعتها بس هسي ليه فجاه؟ قلت مصيري ح اعرف والصبرر جميل .. طلعنا كان الجووو حلو كانت الدنيا عصرر ابوي قال نمشي نتغدااا بعداك نرجع كنت عارفه انو ععوز يغير لي جوو م عارضتا مشينا مطعم سوداني بيعرفو هوو قعدناا جابو الاكل ده نفسيتي تلقائيا اتفتحت لما شفت كبسه اكلت كوييس مليت الكرشويه .. وشربت عصيرر . وبعدها جبناا حلوو . قلت ل ابوي شيل معانا كبسه تاني .. عشان ناكلا بعدين لما نجوووع وابشركم التلاجه فاضيه☝️فيها جبنه وزيتون ولحمه م نجيضه وكم فاكهه عاضه كده .. قالو لي م يهمك نحنا اصلا م قادين كتير وسايقنك معاناا عاينت لي امي اشرت لي ب اسكتي لبعدين .. مشينا البيت وابوي وعمو مخلص طلعوو .. امي مشت تصلي . وديمه مسكت ايدي وقعدتني قالت لي ريم بس ععوزه اقول ليك كم كلمه كده اي نعم انتب اختي الكبيره بس انتي اتخبطتي كتيررررر .وعينك طلعت ي عيني ودي ابتلاااءت بتحصل لاي انسان بعد من ربنا او حتي لو قريب منوو . ي ريم فتشي علي ربنا وقرب ليو الموضوع بسيط اي نعم بتصلي وبتصومي بس بتحسي ب ضيق وتعب نفسي .. الموضوع بسيط وجميل صدقيني اول م تفتشي علي ربنا كل مشاكلك حتتحل خليكي ف اي حاجه بتعمليها عارفه وواثقه ان ربنا معاكي وانو واقف جمبك .صاحبي مليوون صاحبه جدعه بس خليكي عايشه ومعتمده وواثقه في الله وبس. عشان يوم ما حتبقي براكي حتتقوي ب ربنا زي م حصل ليكي الفتره الفاتت . 💔😭 كانت بتتكلم ودموعها نازله ..قلت ليهاا : بس انا كل ما احاول اقرب من ربنا ابعد؟
قالت لي البحرر الهادي لا يصنع بحار ماهرر .فاهماني ي ريم؟؟! ابتسمت تلقائيييا وحسيت براحه كده فجاه جوااااي .. قلت ليهااا انتي نعمه يلا . الله يخليكي لي وتسوقيني من ايدي ع الجنه ساعديني لحد م اتحسن واق

نزعو

در اعمل القلتيهوو لي ده .. 😘❤😉انا بحبك جددددا. قالت لي م شفتي انا نفسيتي كانت كييف لاني م قادره اجيكك ابوي ده كرهتوو حياتو 💔😭 ضميتتااا وانا حاسه جواي كان ف حاجه اتصلحت .. قمت من جمبها علي غرفتي لقيت امي قاعده بتصلي لسه .. شلت ملابس ودخلت وانتو بكرامه ع الحمامم اخدت دووش ..وجيت طالعه وانا منتهششه . تقول عصرو فوقي ليمووون بارد 😘😝
جيت صليت .الفرض وصليت كم ركعه زياده نوافل وحاسه ب راحه غريبه شديد. ❤️
جات ديمه داخله تقريبا كانت حاسه ب ان كلامهاا نجحح معاي وشديد كمان .. فتحت تلفونهااا وقعدت بعد شويه سالتها : حصل شنوو ف موضوع مومن !
ديمه : اتقدم لي وبابا رفضوو لانو ماعاوز يخسر اخوهوو .. ابوي شايف عرس الاهل مدمرر وبيخرب ..فاااا انا راي ابوي هوا الصح عندي لانوو قرار زي كده م بقدر اخدوو وابوي عندوو خبره وادري بمصلحتي مني 😊 (يعني لاحظو للبت دي بتتكلم ب اريحيه ومبتسمه كده وااي بحبهااا كيف) قلت ليهاا يااااخ ربنا يكملك بعقلك ويهديني قالت للي امين ياررب . بس انتي قولي ياررب . قلت يارب يارب .. بقت تتفرج ف غرفتي وقفت جمب امي بقو بيعاينوو ف الحيطه ف صور كتيررررره لي من اول م بديت العلاج كل شهر باخد وحده كنت . امي دي بس بقت تبكي .. جو ابوي وعمو مخلص لقوهاا بقو يعاينوو هم زاتممم عمو مخلص قال لي والله شكلك تحفه ياا ريموو . .. الحمدلله الشفاك وعافاككك .. الحمدلله .. الحمدلله ابوي ده دمووعوو نزلت . عمو مخلص قال لي اها ديل الاتنين ده حالم من يوم م رجعو من هناا .. قلت ليهم خلاص فتره وعدت والحمدددلله .. يلاا مطرودين عاوزين ننوووم .. بقوو بضحكو . ف غرفتين ف الشقه وحده حقتي وحده ل عموو وابوي وامي وديمه معااي. اخدو دوش كده وروقوو وجوو قعدوو .. ديمه بقت تحكي لي وتونس فيني وامي ضاماني عليها❤ قلت ليها ماما حبوبه كيفا قالت لي متصبره وقلبها عليكي شديد .. م بتقزر تسمع صوتك اول م نتصل عليك تطلع من البيت .لحد م نخلص .. الحمد لله ي بتي الحمدلله انك بخيررر .. ديمه قالت لي شكلك تحفه النبي يلا سيلفي هي طبععا شعرااا طوييييل شديد تبارك الله ولونو بني غامق خلقه كده .. اها انا جمبها حمد ولد لو م الحلق .. عملت اي لاينرر وروووج واخدت ليك السيلفي نزلتو ف صفحتها ف الانستغرام وتويتررر وكتبت .: انا واختي 💋 مين زينا ؟؟! انا الليله اسعد اخت في الدنيا الحمدلله علي اني شفتك بخيرر ي ضنااياا 👋❤️
صحباتها بقو بعلقو ليهاا ومنعمممم قال : ريمم ياااا احيييينا الهند بقتك مززه مززاززه ماف منها .😉😉 لقد انبرشتااا ..
دانه : يخسي عليكم وانا ؟ لكن ريموو واحشاني !! تعالو بسرعه
اهاا فجاه اشوف ذياد كاتب خيانات من وراي . الصباح بدري وانا عازمكم ي احلي اخوات❤
قلت ليهاا ي ديمه . لو اتقدم ليك ذياد بتوافقي؟؟! قالت لي ابوي لو وافق انا م عندي مانع ابدا .. هوا بيعرف اكتر مني .
قلت ليهاا لا انتي اصلا كده ولا بتقرطسيني . قعدت تضضحك قالت لي والله ياخ م عارفه بس تقريبا ع قول دانه دايما نكديه كده امي بتتكلم تلفون خلصت وجات رقدت قالت لي اخدتي دواك قلت ليها لا بدوني ليهو م باخدو براي اي نعم بتدلع 😂😂 جابتو لي اخدتوو ورقدت طوالي .. راااااحه نفسيه عمييييقه كنت حاسه بيهااا .. بس جواي وجع وائل م بيروح .. بليل جاتني حمه كعبه شديد امي صحت لقتني كده . هي وديمه قامو ديمه وقفت المكييف .. عملو لي كمادات وغيرو لي ملابسي للصباح م نززلت .. اتصلو ب الدكتور قام جا هو زاتوو اداني حقنه . ووصاهم يعملوو الكمادات .. بس . لو م نذلت بعد ساعه ييجيبوني النستشفي . ابوي قال ليهوو طوالي نوديها اسي .. اتحرركنا ع المستشفي . والحراره كل م ليهاا زايده دخلوني العنايه المكثفه لان الحراره عاليه وممكن تاثر الي الدماغ . عديت تلات ايام في الحال ده واليوم الرابع طلعوني منهااا .. واليرم الخامس طلعت البيت . كنت حاسه حيلي مهدود،.. ابوي كان حاسس وامي كمان ان الحصل لي ده بسبب وائل وبسبب موضوع الطلاق .. شويه شويه ديمه وامي طلعوني من الوضع الانا فيهوو ده اكتئبتا .. كنت بضحك وبهظر معاهم بس بدون نفس روحي رايحه مني .. لحد م يوووم قاعده ماسكه تلفوني جاتني رساله طويله من وائل .مكتوب فيهاا .. انا اسف مع انها كلمه سخييييفه وحقيره شديد قدام الانا عملتوو فيك . ريم انا عارف انك بتحبيني ومتعلقه بي وانا حبي ليك بحرر ماليهوو اخرر وسمااا ماليها حدود . بس انا غلطت غلطه وكان لازم اصلحهاا يعز علي انك تنجرحي بسببي بس والله من يوم م جاتك حمي وانا ماقادر اتلم علي نفسي ريم انسيني انا واحد حقير وازيتك ولو كنتي معاي ماكنت ح اقدر احافظ عليكي . دكتوره امل حامل وانا ابو البيبي .. ريم انا ندمان بس مابقدر ارمي ولدي ف الشارع .ومابقدر كنت اخليكي ع زمتي واعاين ليك وانتي بتكرهيني .. خلي بالك من نفسك عشان اهلك ع الاقل. انا م ح تسمعي عني تاني . وفي امان الله ..
قريتهااا .وحسيت ب اني صغيره شديد واني مغفله . رديت ليهوو مادام الاسف وربنا زي م زرع حبك جواي

زعو .. وان شالله نصيبي جاااي ومبررك البيبي ومسامحاك . مع السلامه . 🙋🏾‍♀.
ارتحت بعد م عرفت السبب .. جات امي لقتني . قالت لي يلا اكلي جابت لي الاكل لحد السرير شلت لي لقمتين وخليتوو .. قالت لس مش افضل نمش السودان . قلت ليها خلينا هنا .. قالت لي مرتاحه هنااا قلت ليها ايووه . شغل عندي والجامعه بمتحن ع الاون لاين .. واهوو . قالت لي نشوف ابوك يقول شنوو .. .. اليوم التاني نزلت الشغل ووجبت شغلي البيت . لقيت ابوي وزياد وعمو مخلص بلعبو كشتينه قعدت لعبت معاهممم وغلبتهممم ابوي فال لي الاخت قمرجيه قديمه قلت ليهوو امي م تسمعك محرماني الكتشينه بلعبها مع بنات جيرانا كنت...

بس الجرس دقاا ديل اصحابي الهنديات اتنين وحده مغربيه وحده سودانيه جووو قعدو معانااااا غيرو جوو وطلعوو بعد العشااا اليوم التاني الصباح صحيت بقرار اني عاوزه اقرررا هنااا .. اكمل دراستي هناااا . صحيت لقيتم بفطرو طلعت قعدت معاهم وفجرت القنبله . ابوي رفض وامي كمان قلت ليهممم ب العقل كده انا قعدت براي مده طويله واتعودت وسالت حيسمحو لي اقرا من المستوي التاني .. ف خلوني علي راحتي انا م صغيره وحم ش اعيش ف السكن الجامعي عشان ترتاحوو . بعد جهاد وتعب حتي وافقوو طوالي بديت الاجرراااآت ظبطوها لي والسنه كانت باديه . طوالي نزلت دراسه وكنت مجتهده شديد اهلي جا اليوم اللي لازم يسافرو فيهوو .😍 كان يوم صعب علي وعليهمم لان م ح اشوفم الا بعد سنه كامله اتجرست شديد للحظه حسيت اني م ح اقدر اقعد وماشه معاهم .بس تاني اتمالكت نفسي .. ودعتهم ودخلو صاله المغادره. 😍❤️ لاخر لحظه ديمه بتوصي فيني ب القالتو لي قلت ليها حااااضرر ي روح اختك ان شالله وح ابقي اتراسل معاكم .. متخافي ❤️. دراستي هناك دي فتحت لي مجالات تانيه كتيره زي تنظيم الevents في وحده سودانيه ومعاها اخوها عندهم شركه حقت تنظيم افراح وفعاليات ع حسب اللي انت ععوزو شغلوني معاهم .. كنت بتعرف ع ناس كتيره بخدمهم ويخدموني علاقاتي وااسسعه بس ماعندي صاحب شديد الله ورقبتي ❤️ دخلت كورس بتاع لغه فرنسيه شغلت نفسي شديد لدرجه نسيت فيهاااا وائل واهلي زاتم تواصلي معاهم قلا شديد .. لحد م فيووم اتصلت علي ديمه .. وصوتهااا باكي كده قلت ليها فشنوو احكي لي قالت لي انا تعبانه شديد بس مؤمن حيتزوووج 😢😢😢 وبقت بتبكي .. شعور زفت ان حد قريب ليك ببكي ومحروووووق وانت م عارف تعمل ليهو شنوو بقيت بحاول اضحك فيهاا لحد م ضحكت .. قلت ليهااا امشي ادخلي ليك ف اي جم . ولا اشتركي ف كلاس بتاع زومبا .. ياخ حمااااس وحتغيري جووو .. قالت لي والله بكون الزيت .. رسلت ليها فيديو بتاعنا حق الزومبااا اتحمست قالت لي خلاص من بكره وانا نازله زومباااا اصلا حاسه روحي تخنتااا .وريتها نادي ظريف بتمشيهو ليلي .. ورسلت ل ليلي تمشي ليهاااا .. قالت لي ي زوله ظابط اختك دي بجيها ليك بس ي ريم خليتيني براااي انا كمان صحبتك حاسه روحي وحيده كده ..وماعارفه اعمل شنوو قلت ليها وين يقين قالت لي اتزوجت وم سمعت عنها تاني وغيرت تلفونها قلت ليها ي صحبتي عارفه روحي قصرت فيك ومتلومه م عارفه اقول ليك شنو 😍بس اعفي لي اوعدككك م ح اتعولق تاني قالت لي اقسمبالله ياريم تتعولقي بخسرك طوالي . قالت لي تاني اختها جايه الهند وشالت رقمي حتلاقيني عاد اختها دي دسيسه بطريقه واو .. اهاا بقيت طوالي مشغله النت وبتراسل معاهمم اذا كان ده الحيخليني قريبه منهم او م يخليهم م يذعلو مني .. ديمه وليلي بقو قريبات لبعضض وعرفتها تاني ب وحده صحبه ديمه اسمهاا ريان😘 بقو م بتفرقوو التلاته .. ونزلو الزومبا مع بعض .. انا كنت بمشي الزومبا العصرر بعد دوام الجامعه .. بجد بعد ساعتين متعشيه واموري ظابطه بس اقعد اقرررررا ماشه ب معدل ثابت لحد م جا يووووم انا بعمل الفحص الدوري كل اربعه اشهررر يلا مشيت الليله وكان اربعااء .. لقيت في ولد شاب مع الدكتور قام الدكتور قال لي اقعدي انا طلبتك . الولد ده عندوو كانسر في الدماغ ومحتاج يتشال بس حيأثر علي النططق والحركه ويمكن يتشلا بس افضل من م يتعذب كده .. الولد ده جمييييل جمال انييق ومرتب و ممهذب ومبتسم .. قال للدكتور بس انا م عاوز اعمل عمليه . عاوز اعيش كده براحتي اعمل اللي انا عاوزو واللي بمزاجي العمليه يمكن تفقدني اي حاجه انا بحبهااا اهمها اني امشي واني ارغي 😍 قلت للدكتور انا مطلوب مني شنو هسي . قال لي تسوقيهو تعرفيهوو ع المجموعه الاتعالجتي معاهااا واهو يتعرف عليكم ويكون معاكم لحد م يقتنع . قلت ليهووو انا ممكن اوصلو ل يسرااا وهي تتكفل بيهووو لاني مدروشه مع الجامعه . هدي نتيجتس شوفا خليني امشي . الولد قال لي انتي اتعاملتي مع المرض كيف قلت ليهوو ده انا كنت مرعوبه بس ف الاخيرر عشت اللحظه وقلت ربنا ما بخزلني . واهو لحد اسي ربنا معاي وانا بخير .. اتوكلت وعملت الكيماووي واسي لي تمنيه اشهرر متعافيه .. اعملا وحتي لو اتشليت م شفت مسلسل حلاوه الدنيا الراجل اتعطل ورجل تاني زي البومب .. اسمع مني .. وقوم ارح اوديك لل

شله الفاسده .. 😂 نتيجتي نضيييفه .. شلتها وطلعت .. مشينا للباقين في مجمع لمرضي السرطان بندعم فيهو بعضنا جبتو .. قلت ليو صحي اسمك منو قال لي عبدالله . قلت ليوو يااسلااام ع الاسممم . عبد الله شفت ي عبددالله عشان انا بحب اسمك ده ح اساعدك .. بس م هسي . عندي كلاس . ادي لي رقمممك اداني رقموو ورنيت ليهووو .. وعرفتو ب يسرررا وطلعت . يسراا دي بت ابوها هندي وامها سودانيه رئيسه الجمعيه .. بتاعتنا دي،.💙
مشيت النادي ومنوو كان عندي امتحان الصباح قعدت ازاكر طوال الليل قلت اتصل ع امي دقيت ليها م ردت ولا عمو مخلص الصباح ردت لي قالت لي انا طلعت حامل .. انبسطتا انبسااااااط قلت

لييهااا الف مبرووووك اخيررا في بيبي ف الاسرره دي والله انبسطتا ليك ي ماما😍😍👣

قلت ليها الف مبرووووك ي ماما يااخ والله لو بعرف كنت زغرطتا ليكم .. واي ح اربيهوو انا وادلعوووو وي حبذا لو كانت بت عارفين كانو جاتني طاقه اجابيه كبيره كده . بقيت متحمسسسه شديد امي دي فجأه سكتت قلت ليها فشنو .. قالت لي مافي شي بس ذهجانه قلت ليها امي م تكوني دايره تتوحمي الوحم اياهوو !؟ قالت لي م عارفه والله هاك مخلص هدا ليهو . عموو كيفك ،،قال لي مشتاقين ي بت ابوك قلت ليهو كتير والله والف مبروووك . واعمل حسابك انا الح اسميهوو وريتكك قال لي طوالي ي زوله بس يجي ب السلامه 😘 خلي بالك علي ماما اوع تذعلا عارف بجي اطلقا منك وارجعا لابوي واحرمك من بتك ونشيل بيتك بحجه انو عندك ولد عندنا واي ح نشرشحك قال لي ملاحظه لي روحك الشريره ولا لا قلت ليهة بس عشان تعرف .. قال لي اخوالك هنا بس امك شايله ف قلبها عليهم . قلت ليهوو ليه ؟ قال لي م جووها لما كنتي مريضه اول شي وتاني جو بعد الوفاه بكم كده .. قلت ليهوو ي عموو ديل خوتم خوه الشلاليف والقلب الما نضيف اضرب الهم بالفررررح .. وامي دي بس ضحكهاا وطلعها كل خميس م بتحب النكد وخليك رومانسي اهمشي انا مختصره روحي منكم واسي اتصورو لي كم سيلفي مشتاقاكم والله قال لي حاضر من عيوني وح اخلي بالي منهاا دي حبيبتي ياخ .قلت ليهو يلااا وقفلت .. بس ثواني رسل لي الصوررر يااااخ مبسوطين وبضحكو رسلت ليهمم فيديوو قلت ليهممم عوافيكمم ومشتاقه ليكم بس عندي امتحان ادعو لي بيباي 💙 . دخلت الامتحان حليت كويس شديد لما طلعت في بت هنديه سالتني من الامتحان قلت ليها حلو قالت لي معقد قلت ليها م حسيت ب كده ليه ..
-بعد فتره اتصل علي ذياده يتطمن علي . فجأه قال لي يلا عاوز اخد خطوه ايجابيه قلت ليهو اهااا قال لي عاوز اتقدم لاختك .. ممكن ؟! قلت ليهووو ايوووووووي اخير بورتك حتتفكا ي صحبي الف مبرووووك قال لي دقيقه انا م ح اخطب الا وانتي هنا قلت ليو بس انا لسه فاضل اربعه اشهر ع م اخلص التيرم واحتمال م اجي قال لي معناهت ماف عرس بس. ذياد م تصعبهاااا علي قال لي لا اله الله الله ؟ قلت ليو محمد رسول الله ،،قال لي ح اتقدم ولو وافقو ننتظرك لحد م تجي او ننحدد وتجي العرس اقسم بالله ماتجي انا بقطعو معاك 😒قلت ليهو خير طيب .. قال لي تمام انتي اسالي لي . ديومتي وردي لي قلت ليو م متواصل معاها قال لي هيا يوم شفتها معاك ف الهند سالتها قالت لي عاوز اي كلام قولو ل بابا وهو بوصلو لي الكلام واضضح قلت ليو Daiiiiiimقصفتك النمره 😂😂 اختي العسل بقيت بضحك متكيييفه منهااا قال لي عشان كده انا بحبهااااا .. قلت ليو احترم نفسك دي اختي . يلا اقغل وراي كلاس كنت داخله الزومبا يلا جسمي ده بقا ظابط ظبطه معلمممم .. شعري طال . شويه لحد اكتافي . 😍 بقيت غيررررر .. ❤️💋 انتشرت ع السوشيال ميديا . خصوصا اخواتي مجنونات ولازم اشارك معاهم بعد خلصت الكلاس دقيت ل ديمه ب الايمو .. مكالمه فيديو قلت ليهااا كيفكك قالت لي برضووو ف الزومبا ومعاها البنات سلمت عليهممم وليلي دي فجاه قالت لي عايني جاني عريسس .. اسكتي ساااااي ابوي بيجمع ف معلومات عنووو قلت ليها عاجبك قالت لي نووو عاجبني منعم النبي تحنني قلبو علي قلت ليها حاضر من عيون عيوني 😍قلت ل ديمه لما ترجعي البيت كلميني جات صحبتي هنديه بتتكلم معاي ب الهندي وديل بعاينوو قالو ليها مافيها رقصه البت م فهمتم ترجما ليهاا قالت ليهممم دقيقه شغلت الاغاني ويلا حتتتووو رزززز ورتم الطفا النوررر منوو😂😂💃
قفلت منهممم .. وطلعت انا والهنديه اسمها راني 😍راني دي من اسره غنيه شديد بس متواضعه للموت عذمتني غدااا مشينا اكلنااا ومزمززنا ثثثثمح ،، وشلنا اكل معانا تاني .. هي قاعده معاي ف السكن بس انا غرفتي براي .. قلت ليهاا انتي ادخلي وانا ماشه عندي شغل كان البت واخوهااا الحكيت ليكم عندهم ايفينت لوفد سوداني وانا حترجمم من سوداني ل هندي .. الايفينت كان زابط ياخ اشتقت لاهل السودان من ضمن الوفد ديل كان ابوهو ل وائل من م شافني نزل راسوو شكيتك ل الله ي وائل .جا علي سلم وقال لي والله خجلان منك يعلم الله بس اعمل شنو ولدي م خلا لي جهه اقبل عليهااا .. قلت ليهو ي عموو كل زول بيتحاسب ع زنبو براووو .. ولا يهمك ي غالي حصل خيرر كيفك انت قال لي كويس والله . بقيتي كويسه انتي،! قلت ليهو الحمدلله تمامم وعال العال .. يلا عن ازنك . مشيت بعد خلص الايفنت شلت قروشي ياخ شغل بجيب قروش خياليه . 😍 الساعه كانت اتنين صباحاا .. قلت للتوينذ ودوني لانو احتمال انطرد لقيت راني منتظرامي جمب الباب .. نبذتني نبذ شديد حتي دخلنا . قلت ليها ي داب خلصت مالك . قالت لي ابقي مره اتاخري تاني كده خفت عليكي 😢وضمتني قلت ليهااا اسفه يقلبي .. ووريتها القروش طبعا بتشيلم هي تخبيهم لاني ببعزقم شالت حبه ادتني ليهممم والباقي شالتوو . البت دي فظيعه يلااا عندها مشغل حق خياطه فساتين وكده . قلت ليها عرس اختي دايراك تظبطي لينا فساتين وواحد لحنه العروس،. ولي انا ودانه ❤️ودايراك تسافري معاي قالت لي

. حااضر من عيوني ي عيوني

الايام مشت وفاضل اسبوع ع العرس .. انا طوالي نزلت السودان وهاككك ي السلامممم والشوق لاهلي امي دي بس بقت قابضه فيني .. اتفكيت منها بالعافيه قلت ليااا بالله ي امي م قدر ده خنقتيني .. خليني اسلم ع ابوي ده وضميتووو قال لي نورتي السودان ي روحي ابوك انتي 😍 عساكي طيبه قلت ليهو طيبه طاب حالك ي غالي..
اتحركت مشيت طوالي للعروسه .. دخلت لقيتها نايمه جيت قعدت جمبهااا وبستها ع خدهااا فتحت بقت بتعاين لي قلت ليها قومي سلمي ع اختك حبيبتككك بقت بتصرررخ .. وتنطط ف السرير .. بقت الجسمممم رشاقه موبالغه واللون بقا سوريه بس 😣 قلت ليها عاوزه اتحبس النبي فيكم عاوزه اعرس حرام عليكم 😂😂 والحلو كل شويه ذياد يتصل عليهاا انا ف اللخير شلت تلفونها قلت ليها ذياد ي خره انت شنو البتعمل فيهو ده. قال اي عشان انتي تجي تلاقيني وحشتيني ي زقه والله قلت ليهووو ابقااااا زول جنتل كده وشوف لي عريس البوره كعبه. قال لي الليله حنتي علي فكره وكلمتك وخبرتك وعلمتك الليله حنتي ولازم تجي م عندي ليك اي عزررر اتصرفي قلت ليوو خلاص فهمناا جايه .. دهيه تاخدك .ديمه نطت لي انشالله اليكرهوهو قال لي شايفه كييف قلت ليها استغفرك اللهم واتوب اليك 🌚😔 .. قلت ل ذياد خلاص يلا انا بجي بس ابعت لي حد ياخدني عشان م بعرف المكان قال لي خلاص ظابط برسل ليك زول .ياخدك . وع كده قفلت ومشيت اتجهز قلت لي ديمه انا جايه زوله فررررررحه وجاهزززه وده فستانك بتاع الحنه يلا عجبها عجب م طبيعي كل مره تعاين ليهوووو😉 قلت ليها دانه وينهاا قالت لي ده كلو ف السوق تخيلي . قلت ليها انا جبت ليها فستان بس يرب يعجبها ووليلي وين قالت لي كلهم ف السوق ومخلني براي .قلت ليهاا اتعودي يختي .وانا طالعه قالت لي عسسسسسل يخواني . وصوري لي ذياد حبيبي بالله قلت ليها استفرغ ليك هنا ..😒كان الساعه 7 . .كنت لابسه .بنطلون اسود قماشتو رقيقه كده بناتيه .. والتشيرت عنابي فاققققع قصيرر لحد تحت الكمر شويه .وفوق ليهم جايه اسووود مرصع ب العنابي اللامع سلسال طويل المكتوب فيهوو ريم . الجايباة امي بعد التعديل ولابسه ساعه فضي .وحلق فضي برضو صغنتوت💙. وجيت نازله .. كلهم م عرفوني تقريبا انا من شعري قامم تاني لغيت الطرحه نهايي .. والجسم ظبط ب الزومبا كلي اتغيرت يخوانا . المهممم وانا واقفه منتظره العربيه تجي لي .. شفت اولاد داخلين واحد منهم كان منعم ده العرفتو بقا بعاين لي مسافه .. قلت ليهوو اي اتخلفت ع كبرك وم عرفت بت عمك . قال لي بت عمي منو المذه الانا مابعرفا دي.؟ قلت ليهووو لا بجد م عرفتني كل الاولاد المعاو بقو يعاينوو قلت ليهو انا ريم يهبل .. فرحه ساي جااا عاذ يضمني قلت ليوو يلا اوووع تقرب لي . بقا يضحك يااخ حمدالله ع السلامه بقيتي واو عديل كده . قلت ليهو طول عمري ي بيبي . المهم امشي سوق الشفع ديل دخلم بيعاينو كده مالم هبل ولا .. قال ليهم يا شباب عيونكم بالله بس في توسان جات وقفت . ونزل منها ولد لا اله الا الله محمد رسول الله . اناكانو ضربتني كهربااا بس مثلتااا العبط .الولد الانضضف من مطار دبي الدولي جاا وقف وبصوت جهورررر قال لي منعم ي ابو الشباب مساللخير منعم قال ليهو هلا والله اتفضل .. قال ليوو انا ولد عموو ل ذياد باعتني اجيب اخت العروسه.. اسمها ريم ممكن تناديها لي .. قال ليهوو هدي ليهااا عاينت ليهةة قلت ليهو اتاخرت يلا .قال لي ب ابتسامه كده . انا لي ساعه لافي م لاقي البيت وناسف ع التاخيرررر ي مادموزيل 😍 اهاا انا اعلن انبراشيي . قلت ليهوو تمام يلا نمشي .. منعم يشيل ويغمزز لي قال لي لما تجي راجعه اديني خبررر وبعدين نحنا جايين كدي اعملي حركات الليله قلت ليو تعال ساي م عندي ليك القشه💔😭 قعد يضحكك .. الولد فتح لي الباب بكل هدوء ركبت وطوالي انطلقناا. م حاولت اتكلم معاو ابداا .. بس هو سالني وين باقي البنات مش مفروض اهل العروسه يجو حنه العريس قلت ليهوو انا حاليا تبع العريسس لانوو زي اخوي وانا المعرفاو ع اختي. 😉قال لي والله حاجه ژابطه الله يدينا اخوات كده انا اخواتي غير وديني المول وديني السوق داك جيب لي ايسكريم ياخ بس طلبات 💔قلت ليو اسال ذياد ذاتوو هارياو طلبات انا . نحنا جنس اتولدنا للطلبات😂😂بقا يضحكك واللهم الثبات😊 وصلنا الصاله لقينا الحفله شغاله جايب عبدالعزيز بقاله .. 💙دخلنا الصاله العيون بقت علينااا انا وفجاه الفتوغرافي اخد لينا صوره انا لمن اتكيفتااا 🤭 لاقانا زياد اخدني ب الحضن ياااخ بريدو ريده الود ده .. حمدالله ع سلامتك ي اختي البريدا قلت ليهو تسلملي ي غالي ي حبيب الغاليه 😂😂 بقا بضحك ساقني عرفني ع اهلوو امي زوله كبيره ورايقه قاعده ف كرسيهاا .. عرفتني قامت سلمت علي بكل حنيه .. الامهات السودانيات .. اخواتو تلاته تومات . عسسسسلات يااااخ سلمت عليهمم . وبقو بسالو فيني وينم الباقياتت وكده قلت ليهم انا تبع ذياد هم براهمم بجو قالو لي زابط😍. ذياد بس واقف جمبي قلت ليهو كدي لحظه سيلفي للعروسه .. هو لابس جلابيه علا

الله شفتو قماشتها سمحه كده ب الكبدي،.. حلوه عليهو تبارك الله والولد الجابني لابس وحده بي ببضااا ب الاسود .قال لي طالعه مذه قلت ليهو عارفه . ويلا دخل الداره يرقص انا قعدت ف الطربيذه بعد شويات كده اهلي جووو .. دانه دي جات من هناك جاريه علي جبيبتي ي ناس وليلي دي اصلا م مصدقه .كل مره تقرص روحها ععععع .. قالو نجامل العريس دخلو الدارره يرقصو ومعاهم منعم .. ومومن عاينت ليهوو كده .. قال لي المزه كيفك قلت ليهوو كويسه واقطع وشك مني تعرس وانا ماف حنكك بيشش .. وسفهتو دخلت ف غنيه ححننوهو وفرحت اموو وديل الجنيات ف الحوش اتلموو .. 💃💋الحفله دي جايبه كميه مذذ اولاد وبنات مبالغه . قام ذياد جيت جمبو ف اغنيه هرشوني وجلدوني وانا تبتاا هنا بوايس هنا نجده وهنا ماما رهنا بابا وانت زوغتااا❤️💃 قال لي مجنونه بغني مع الفنانه .. اختوو قالت لي الا تغني لينا سيره .. يلاا طوالي صحب العريس وقف الفنانه .قال ليهاا سيرت للعريس ب صوت اختو . انا عيني بقت ترف براهاا👋😒 ،، قلت ليهم انعل ديشكم ذاتوو .. ومشيت وقفت .. غنيت اغنيه البلالي ليل ليلي انا هجيييج ياولد البلالي ليل ليلي انا الداير العرس يجي هنا . والبريدو سافر عطبره ساتر حالو فوق عدمو ولقا . البكاسي وقفت سوا واحد رايد واحد لووا واحد شايقي علي مستوي 💋💃💃💃💃 الحبوبات الكباررر كلهن نزلن الداره .. والعجب ذياد لمن مدمع من الفرحه .. وانا زاتب دمعت فرحانه ليهوو شديد . اتزكرت يوم الاتصل وهوو ببكي يااخ تبا ل اي بت بتجرح ولد وتعمل فيهو عمليه زي دي ترضيها لاخوك هااا ترضيهاا؟؟
الناس دي هزت وقعدو للعشااا .. رسلت الصور ل ديمه تشيل وتنبرش هي والنعاهاا قلت ليهاا م شفتي المزز القاعدات يرموك ورااا ي بيبي . بس ضربت لي راني قالت لي وصلت الصاله الاديتي لي عنوانها اطلعي لي قمت طلعت ليهاا بره جبتها عاد انتاج هندي جات معاي داخله الاولاد ديل سمع اضاني شهقوووو .. دخلنا قعدنااا .. جابو العشاا وعرفتها ع اختي وع ليلي .. وصحباتم وبنات خالات ديمه الانا ما هاضماهممم .. 😅😒 بس راني،دي سامعه اغنيه مكاشفي القوم وفي الهند يوم نشغلاااا بنقلب الشقه فوق تحت .. رقيص حق ظاررر الله خلقووو . قالت لي الغنيه دي حتشتغل ولا نقوم نشغلا قلت ليهاااا اركزي خلي الامور دي ف حفله اختي .. سقتها باركت ل ذياد شغاله اغنيه العربيه تقوم بينا كب تقع بينا رب .. شغلت تلفونهااا وفتحت الاسناب ونغني ونرقص مع الاغنيه والناس يعاينووو ليناااا .. قلت ل ذياد النبي تشغل مكاشفي القوم قال لي اوع العمايل حقت الهند م ناقص فضايح .. هوو بعيد عنكم حاضرنا مره .قلت ليهو وانت معانا .. بس شغلا الديجي .. انا وراني وذياد ده لمن فترناااا زومبا عدددديل خطواتنا منظثه مع بعص عاد شي راغي يخخ❤️ .. الحفله لسه شغاله قلت ليوو ذياد ولا دقيقه تانيه انا م قادره افتحح يلااااا شوف لينا عربيه الباقين قاعدين . راني قالت ليهو لالااااا انا كده خلاص شبعت رقيص اتفشيت 😳وجيبو لينا صحانتنا فضيحه خلاص شلنا اكلنا وقعدنا ناكل لحد م راني قالت لي فشنوو قلت ليها مبسوططه شديد.. ذياد جا قمت عاينت ليو مسافه قال لي مالك . قلت ليووو الله يسعدككك اوع تذعل اختي . قال لي انشالله حاضرر بس م من اسي وصيني بعد العقد قلت ليهو احتمال اختفي واسافر م معروف .. حصلت لحظه صمت كده ودموعي نزلت .. قال لي م تبكي الله يخليك قلت ليهو انجزز لينا العربيه انا تعبانه من جيت م رقدتا .. بس جا ولد قبيل .. قاال ليو ي لؤي عزبناك بس ممكن ترجع المذذ ديلا . قال لي جداااا .. طوالي،طلعنا وذياد معانااا قال لي مشين بيت امك قلت ليو اااي قال لي بكره فطوري معاكم م تنوموو لوقت متاخر راني قالت ليهووو اوعععك من فطور تسعه داك بقتلك قال لي رايك شنو قلت ليو ذياد اختاني انا نعسانه .. قال لي خلاص يلااا بس م تنسي دواك باي .. ومشاااا .. راني قاعده وراي . وصفت ليهوو بيتنا فجاه راني قالت لي . انتي م اخدتي اجازه ناس الشغل الولد واختو جو لي وانا م عرفت ليهم وزعتهم واديتم رقمك ف السودان قلت ليها هبله انتي بتبالغي .. دي ورطه يااخ كدي لبعدبن بتصل ليهم 😉 قلت لل لؤي معلش عزبناك معاناا .. قال لي ولووو م تقولي كده .. سايق وخشمو عندوو وصلنااا نزلنااا .. طوالي ع جووو .. لقيت امي وعمو مخلص بتعشوو طوالي قعدت جعانه والله م اتعشيت سمح . امي قالت لي انتي ده لبس ليك قلت ليها ايووون ده لبس لي وده استايلي كده تاني . عمو مخلص قال لي من اسي بتي ماليك بيهاا وريتك قلت ليهو والله اشيلا واشرد 😂😂قعد يضحكك .. عرفتهم ب راني صحبتي .. عمو مخلص طوالي انسحب وخلاناا مع امي بقت بتسال فيني بتفحصي بتاخدي دواك . جني وجن السيره دي انا طوالي طلعت وخليتمم راني متعوده ع اسلوبي الزفت ده..غيرت لي ببجامه مريحه وطلعت ل راني وحده ورقدت .نمت طوالي .. الصباح صحيت ع صووت التلفون لقيت ده ذياد قلت ليوو اهاا قال لي ريم.ارح منتظرك تحت قلت ليو هووي منتظرني لشنو كمان ذياد بالله

ه بطل حركات😔 .
قال لي دقيقتين وح اجي ليك فوق . معقوله صحبتك صاحيه وانتي لا 😒 قمت ع حيلي الحمام و جيت صليت وسريع لبست عفريته جينز . ومعاها جاليه لحد فوق من الركبه بشويه .. اسود .. وسبورت ليموني .. وطاقيه قماش صناعه يدويه ..ونزلت جيت نازله شايله تلفوني وشنطه صغيره .سلمت عليهووو وراني قاعده تتبسم زي الضب 😂 امي قالت لي جايه بعثه نوم انتي .جايه ل عرس قلت ليها مفروض طيارتي بعد حفله العرس ب ساعه للعلم فقط قالت لي ماف زول حيخليك تمشي اصلا قعدت اضحك وطلعناااا .. ويالدهشتي لما لقيت لؤي بره بيتكلم تلفون .. قال لينا صباح الخير . راني وانا ردينا صباح النور .. ذياد قال لينا ارررح قام ذياد ركب مكان السواق . قال لي عازمكم ف مكان حيعجبك . يلا ااتحركنا وبسال فيهوو الناقص شنو تاني .. وكده ضربت لي ديمه وداقه جرس قالت لي الفنانه لغت م حتجي قلت ليهاا انا بتصرف بشوف لي فنانه م تجوطي رووووقي .. قلت ليهااا رشا السامراب تنفع معاك قالت لي اي حاجه زنق بس قلت ليهاا ي بت ي زناقه انتي 😂 انا ذياد عازمني فطور بخلص واجيي .. طيب وقفلت زياد قال لي انا موضوع الحفله ده م عاجبني قلت ليهة الطلب رايك منو اصلااا .. راني ردت ليهوو هووي ي سوداني ي مخك مقلب مالك نحنا جاين من اخر الدنيا غشان تجي تعمل حركاتك دي لؤي قال ليها هو قال ماعاجبو مش منعها قلت ليهو ولا يقدر يمنعا اصلا .. انت عملت حنتك صح قال لي صح قلت ليو بس خشمك عندككك .. نعمل حنتما ونجبجب م حيدخل غير اولادنا احنا حتي اهل العريس مادايرنهمم امس م قدرنا نتفشاااا .. راني قالت ليو صحييي كتمتو ع نفسناااا .. 😒 لؤي قال ده كلو وما اتفشيتو بتتفشو كيف انتو 😂😂😂 قلت ليهووو اسكت ساي شافنا ذياد ده .. ذياد قال ليهةوو ديل الجوز مسطولات الحمدلله ديمه هاديه قلت ليهو الله لا يوريك شياطينهااا دي كمان 😳😉.. قال لي اي من امس شياطينها قايمهه علي وحاليا هي ذعلانه قلت ليهو اها بدينا الغلطط .. المهم ارح ناكل وبنفركش العرس بعدين . نزلنا ف مطعممم ظريف قلت ليهمم عاوزه لحمه اي نوع م مشكله وعاوزه فول .. وجبنه وعاوزه معاوو سلطه خضرااا وبس .. راني قالت لي م تكب فيهو زيت الفول يلا وبسرعه لانو مستعجلين 😊 وبس . الاولاد بقو بعاينو لينا كدااااا😔 زياد قال لي ليه تطلبي لينا قلت ليهوو انتو حتطلبو سمك وانا ممنوعه منوو خالص ف شنوو حتحترم اختك وتاكا الطلبتو ليك حلو قال لي ذيت .. واديت المنيو ل لوي قلت ليو اما انت ف اطلب العاوزو قال لي الولد جيب لينا سلطه ب الدكوه..وكم حاجه كده وبيبسي . وشيه . المهم الطربيزه اتملت .الاكل جاا وبدينا ناكل واحنا ساكتين . قلم ذياد طلع تلفونو قال لي انا اللغيت الفنانه . قلت ليهوو اهاا والحل شنو هسي قال لي ماعارف .قلت ليهو انا ح اطلب فنانه لينا برانااا انت مشكلتك وين قال لي م عاوز زول يصورا قلت ليهو وانت بتتصور معاي ليه قال لي انتي اختي قلت ليوو تمام وهي اختي انا كمان وم اعتقد حتخاف عليها اكتر مني تمام .. خليها تنبسط وم تنكد عليها يعني شنو صوروهاا .. قال لي يااخ خلاص انتي حقاره بس قلت لي ااااي .. ضربت ل بيموو زولي يااااخ .. سلم علي سلام حارر كده .. قلت ليهو اسمعني .. تتصرف دايره رشا السامراب الليله ب اي طريقه .. قال لي بس كده دسيسسس . قلت ليو م عدمناك وكلم لي خالتوو مريم ب الحنه الليله واديتو العنوان واخواتك وبنات خالاتك واسرتك الحلوه كلهااا وناس كلتنا كلهم عليك الله قال لي اصلي كيييف وعقبال ليك ي بيكوو ياخ قال لي اوعبيي .. قلت ليهو انجز واديني خبر قال لي تمام .😒 ،، راني قالت لي عاوزين ديجي .كمان ذياد قال ليهو هي انتي التانيه قالت ليهة م سالتك في ديجي بنات .قلت لبها لالا دايرين قسمه ولا انصاااف . كدي اقيفي لوي قال لي انتي بتعرفي السودان كلوو يلا بقيت بضحك اتصلت علي .. واحد اسموو مبرأ .ده زول بتاع حفلات وكده قلت ليهوو دايراك تسال تشوف لي انصاف ولا قسمه الفاضيه احجزا الليله ضروري قال لي دسيس بديك مسدج ب الببقا عليوو . جهزي عربونك بس قلت ليهوو حلووو😘😉. اها عاينت لي ذياد قال لي اوكلي عشان ماشين السوق قلت ليهو اصلي كيييف .البدله م جبتهاا قال لي لسه منتظرك قلت بس خلاص ح اطقم معاكك .. راني قالت لينااا انتوو متخلفين بس م اكتررر .. اكلنا وطلعناااا محل البدل .. لوي انفصل مننا مشا يشتري ليهوو وانا وراني وذياد برانا ظبطتو ليكك بدله خطيره مره وحده .. ب حاجاتهااا واي شي عاوزوو لقيت لؤي واقف جمب القمصان وبيعاين ليهمم .. قال لي بدل م تعايني لي ساعديني قلت لي شيل الاخضر بس اوف وايت حلووو .. طوالي نزلوو تاني اخترت كحلي واسود راقيان شديد نزلتهممم اديتم ليهووو وجيت طقمتهم ليهو مع البناطلين .. واديتم ليهووو . قال لي شكررا . رجعنا واحنا لافين قلت ليهو وقف لندخل هنااا .. كان محل بناتي دخلو معانا .. راني وانا طقمنا ليناا لبسه كنغوليه ب بناطلين . وشلت لي مكواه سيراميك حقتي بايظه . واشتريت اكسسوارات .. وساعه ل ذياد قلت

ليهو تبع البدله
. قلت ليهم انتو امشوو نازلين بيت ابوي،. نزلونا وفاتوو لقيت البيت مليان بشريه م بعرفم دخلت طوالي غرفه ديمه قالت لي واي انااا ي ريم الفنانه قلت ليها حجزت ليك رشااا واسي قسمه برضو فاضيه اهاا رايك قالت لي احبنكك انا يلاااا عثل . الحمدلله .. دانه قالت لي اها لقبتيني كيف م بقيت حاجه فاخره قلت ليها اقسمبالله افخر نوع كمان الذومبا الزيت .. وقفت جمبهاا واخدت سيلفي .. وطوالي الانستغرام .قالت لي اي جيبي لي معجبين يااخ 😂😂 راني . قالت لي وااي فجاه جوعتااا انا بعد الاكل داك قلت ليهت عشان حمنا يلاا .دانه وينها ليلي . قالت لي تحت قلت ليهاا اجرووو جيبو لينا اكل .. جابوهو لينا اكلنلا وديمه معاناااا . قلت ليها عايني زياد ده م تسمعي كلاموو ونقنقتو الفارغه دي عوديهوو انك م حتسمعي كلامو لو م مقتنعه فاهماني اوعي تبقي مسكينه تتناقشوو واذا لذم الامرر تقاطعيهوو عديل لكن اوعيي تنومي برا غرفتك فاهمه قالت لي حاضررر .. وم تدخلو زول بيناتكم اوعيي .. مشاكلكم بتتحلا جوا غرفتكم تمام ؟ قالت لي تمام .راني قالت ليهتا ونفسك ثم نفسك اوعي تقعدي مبتشتنه دايما ب ميكبك ومتعطره ومتشيكه اوعي من بجامات البيت دي تلبسيها ساعه النووم بس .. خليكي موديرن ❤️مليناها نصايحح ونحنا بناكل الله علينااا .. قلت ليهمم يلا ننوم عشان الحفله ودينه مشت الكوافيرر انا وراني اخدنا نومتنا وقمنا مشينا البيت ..المغرب اتدوشنااا كده وروقناا وبدينا نلبس لقيت امي لبست توووووب ب الكبدي رهيب❤️ وقاشراهااا قشره . قلت ليها اسي مع الحمل ده ف داعي للكعب العالي قالت لي م يخصك .. ومشت قعدت تعمل ميكب ..
-انا وراني لبسنااا واتكششخنااا واخرر قشرات لبست فستان تحت من الكبه حبه وتلات تربع لونو رمادي ع فضي كده.. ظابط فيني .. وعامله شعري افريكانو.. ظبطتو لي الحبشيه.. وراتي فستانها نفس حقي بس لونو ترابي كده كل لون احلي من التاني .اتجيهنا وطلعنااا .. جينا نازلين عمو بقا يصفر لينا .امي م اشتغلت بيهو مشت ركبت ساي 😂😂 نفسنه الحوامل عاد . وصلنا لقينا الحفله شغاله .. دخلت ولقيت الحفله اولاد وبنات يعني فتحوهااا .. قلت وانا مالي بس داخله كده لاقاني باسل وجراح . عاينت ليهمم كدااااا .. قام جراح جا سلم علي . كيفك قلت ليو تمام قال لي بقيتي تمام قلت ليو حمدالله بقينا بنعاين ل بعض مسافه .. جات يقين عاينت لي مسافه قالت لي ريمم وضمتني اتعاملت معاها بهدوء قلت ليها كيفك قالت لي بخيرر .قلت ليها دايماااا عن ازنكم .ومشيت طوالي . باسل م قرب لي ولا انا قربت ليهوو مشيت ا دانه وليلي وقفت جنبهم ومعاي راني لحد م العروسه جات والحفله بدت جاني منعن رقص معاي شويه وهو برقص قال لي عايني بصوره جاده كده داير صحبتك دي انا تقدري تشوفيها لي اساليها لو بتوافق علي .. قلت ليو راني قال لي ليلي ياخ راني دي م بتمشش معانا .. قلت ليو حاضررر اشوفا واوريك .😂😂 ديمه طلعت خيال .. عثوله وبريئه وهي اصلا رزينه كده.. ف مبالغه .. صورتها كم صوره واتصورت جمبها واتخارجت ع الطربيذه جمب امي .. قلت ليها حاسه روحي تعبانه ي امي قالت لي كور علي ي بت مالك قلت ليهاا ضربات قلبي ذايده بدون سبب . لقيت جراح ويقين بعاينو لي .. فجأه امي قالت لي سمعتي ب وائل قلت ليها مالوو . قالت لي زوجتو ماتت ف الولاده وفقدو الجنين ذاتو ماتت بي ولدا . والله اتوجعت عليهووو يعني حاره والله .. قلت ليها واي الله يرحمهاااا .. ويصبروو كمان قالت لي بكره بوصلو السودان نمشي نعزيهممم قلت ليها تمشي براك مع راجلك انا مابمشي بتصل ليهو تلفون بس ..دايره تتكلم قلت ليهت امي ياخ الطربيزه دي خليتها ليك وقمت طلعت بره الصاله . جاتني ضيقه كده بدون سبب .. قعدت بره مسااافه.جات راني ادتني سيجاره قالت لي بتريحك قلت ليهاا لاالاااا لو ف الهند كان نقول دايره تجيبي لي سمعه 😂 قالت لي مالك قلت ليها اصحابي فجاه ظهروو ووائل مرتو ماتت .قالت لي كل حاجه باظت لازم تتصلح ب طريقه من الطرق قومممي يلاا .. ساقتني ودخلنا قعدت جنب ديمه .. بعد شويه نشوف ليك اهل العريس بي عريسم جايين داخلين والصينيه قداممم وبي بخورررا وحركاتهااا 😘 كانت لفته حلوه منهممم .. العريس وقف جمب العروس والله غضبت غضب .. خشمها ده م فتحتو تاني .. ولا ابتسمت.. لؤي جا سلم عليهاا وحاول يلطف الجوو ف الاخررر طلعت دخلت جوااا نظام تغير او كده .. واتصلت عليهوو قالت ليهو ذياد شكرا ليك خربت لي حفلتي واياك ترجع تكلمني تاني اي ح يتم الزواج بس اعرف اني كارهه حركاتك دي ولو م بطلتهااا م ح نكون سوا ابدا . انت اناني ي ذياد وقفلت الخط ف وشووو .. وبقت تبكي . بعد شويه اهل العريس عملو خروج تكتيكي .. والحفله شغاله .. طلعنا هججنااا لؤي جا سالني وبن العروسه قلت ليووو حردت الحفله وقاعده جوااا لا بجد حركتكم خوررر شديد .. قال لي قلت ليهوو بس عمل الفي راسوو .. غاظني غيظ ذياد 😒

قعدنا لحد م الحفله انتهت .. لما طلعنااااا سقت ديمه معاي بيتنا قالت لي انا ح اتوبوو تاني يعمل حركه زي كده .. رسلت ليهوو رساله .. حركتك دي ابقااا قدرهااا وبكره ح اعمل حنه تاني عنادا فيك .بقا يتصل وتكنسل فيهوووو اتصل لي قلت ليهوو مش عملت الفي رايك اتحكل نتايجوو يلااا 👋🏾 عشان انت اناني وا تدخلني بيناتكن يلا وقفلت الخط .. بي ليلناا ده ظبطنا اوضاعنا والساعه 12 ضهر عندنا حفله ف الاند قراوند حقنااا اصلا معموووول جاهز صاله كبيررررره م فارشنهااا .. عزمنا صحباتمنا القريبات بس . راني دي متكييييفه قالت نلبس بناطلين بس .. اصبحنا الصباح نزلنا انا وراني والشغالات . وليلي جاتنا نضفنا المكان والفنانه صحبه بيكوو جاتنا من بدري قونه من الموت .. حاجه خطيره .. لابسه بنطلون يحردو البناطلين ليهاا .. عملنا اكل ومشروبات جبناهاااا ويلااااا الحفله دي بدت يااخ شخلعه عجيبه الناس دي لابسه قصيرر ومن الاول وريتم تصوير ماااااف .. اتفشينا رقيص لحد الساعه خمسه عصرررررا .. لما طلعت فوق البيت لققيت تلفوني بضرب .. لققتو رقم غريب رديت لقيتها يقين قالت لي انتي ف البيت قلت ليهت خير فشنو قالت لي ضروري لازم نحكي قلت ليها تمام تعالي محل الايسكريم القريب لينا ده .قالت لي حلوو ،، لبست عبايه وطلعت .. ليهااا سقتا عربيه عموو مخلص يحليلو عملنا ليهو حظرر تجوول 🤘
-دخلت قعدت منتظراهااا .جات هي وباسل وجراح .. قعدو التلاته .. وكل واحد،بيعاين للتاني قلت ليهم عارفين اغرب حاجه انوو ي باسل انت ولد خالتي دي الورطه الكبري 🙀 .. جراح قال لي نحنا الخلانا نبعد ان نحنا الوحيدين الماعرفين ب قصه مرضك دونا عن كل النلس وكنتي قاصذه تتشاكلي معاي وتبعدينا منك .. قلت ليها يقين انتي مش كنتي قاعده لما انا حكيت الخبر ده قالت لي ايوه قلت ليها طيب انتي عزرك شنوو .. قالت لي لانك محضرتي عرسي .. 😼 قلت ليها يقين عرسك ده انا ماعارفاو ولا عندي فكره عنووو ده اول شي تاني حاجه انا كنت باخد كيماوووي كنت محبوسه ف غرفه ومابطللع منها الا كل اربعه اشهر فاهمه وانتي م وريتينيولا جاتني رساله منك .. قالت لي انا اتصلت قلت ليها ما شفتهاا .. يلا .. باسل قال لي انا بعتت ليك مسدجات م شفتيها قلت ليهو ابدا وهدا الواتس رسايل من سنتين ل ورا ماف اسمك اخرر رساله منك شوفا هدي ليهااا .. قلت ليهمم ي جراح انت عزرك شنو حتي لو نفسنت فيك واتقلبت عليك خوتك لي فايدتها شنو لو م وقفت معاي ف وقت زي ده .. رد لي . اصلا باسل ده م متوقعه منو حاجه .انا .. قال لي م وقفاي معاي لما امي ماتت .. انا سكتت هنااا .. قلت ليهو البقيه فحياتك بس انا ما كنت عارفه .. وحتي لو عارفه ماكنت حقدر اجي م استهوان ولا استهتار مني بس ظرفي م بسمح .. وانت عارف وانتي وانت .كلكم . واسي اعزاركم دي اقبح من انكم تقولوها لي .. .. سكتو كلهمم . قلت ليهم في حاجه تاني ولا خلاص لان انا حاليا م بقيت محتاجاكم ف حيلتي ولا انتو محتاجني انت امك اتوفت والله يرحما وكان حيرحمني انا كمان .. وانتي اتزوجتي جراح اها تاني شنووو .. وباسل انت م عارفه اقول ل شنوو بس انت عاوز تنتقم مني لاني اتزوجت .بس ابشرك طلقني وكسرني زي م انتو اصحابي عملتو معاي .. وياريت تبعدو وتخليكم ف حالكم جراح قال لي ابدا ماحنبعد غصبن عنك حنفضل .. وكنا متابعين حالتك مع امك اساليهااا.. يقين بقت بتبكي .باسل قال لي انا م كده ولا حاولت ابعد عنك بس انتي ي ريم الععوزه تشوفي كده 😾 انا بحبك وعاوزك لي ارجعي لي قلت ليو بس انا ماعاوزاك ولا عاوزه غيرك كده مرتاحه.. فجاه هبطتااااا واغمي علي .. صحيت بعد شويات لقيت نفسي ف العربيه .. مودني وين قلت ليهمم قال لي الميتشفي قلت ليوو لاااا .. ودوني اكل بس . وقفنا جمب مطعم لان من امس م اكله حاجه انا .. اكلنااا .. كلهم مخلوعين طبعااا .. يقين قالت لي اتطلقتي ليه قلت ليهاا دقيقه .. كنت مرتاح اني عامله زعلانه وهمم خايفين علي كده .. وريتهاا الفيديوو كنت مسجله المكالمه صوره وصوت . جراح قال لي الحيوان ده لو شفتوو حضبحو زي الخروف قلت ليهووو لاا ولشنووو مع نفسووو ح اعرس سيد سيدوو .. استنو بس علي .. 😯 باسل قال لي ده اللي هوا انا . قلت ليو ابدااااا .. انت م تننفعنيش.. بس تلفوني رنااا لقيتها امي بتسالني انتي وين قلت ليها جايه قالت لي ذياد هنا ومصر يطلع لاختك تعالي سرعه .. قلت ل جراحح قوم وديني بسرعه .. اتحركنا شلت الاكل معاي جعانه والله . وصلت وانا متلبشه منووو .. ديل قلت ليهم عاينو انتو م عارفين روحكم اجحفتو ف حقي قالو لي ايوووه فعلا .. جراح قال لي انا اتحمقتا لان م وريتيني قلت ليهو ي سيدي واسي م معروف ممكن يزجع لي تاني وبوريك ف شي تاني . انا بجدد ذعلانه منكممم شديد يعني انتو الوحيدين الكنت دونا عن كل الناس بنتظركم تتصبو لي ولا تبعتتتو لي رسايل سنه وزياده وانتووو بعدتو م اعتقد حنرجع زي اول بس بنشوف البحصل .. يلااا عن ازنكمم .. باسل اوع تجي داخل انقلع بينكم قال لي بيت ابوك قلت ليو بيت امي ي شاطر

ر
-دخلت البيت لقيت .. ذياد ولؤي قاعدين وقلت ليهووو كيفكم ب بياخه كده امي طوالي طلعت من جمبنا . ذياد طوالي اتفتح عاوز يشاكل قال لي انتي بتقوي اختك علي انا مامنعتها من حفله بس تركب راس علي انا؟ دي قله ادب جديده قلت ليهووو عاين احترم نفسك اول حاجه تاني حاجه محترمين غصبا عن راسك متعلمين الادب وقله الادب وانت قليت ادبك ورجعناهاا ليك بس كده .. انت حتتزوجا عشان تتحكم فوقااا؟؟ لاااا ماعشت ولا كنت قال لي مش اختك دي ماادايرااا زاتي لوو اصلا حتكونو كده قلت ليهوووو دقيقه يللا اقيفف هنا مشيت جبت ديمه قلت ليهوو قول ليهت كلامك ده . قال لي تركبي راس وعنادا فيني انا اقعد الليل كلوو دمي محروق عشان حبيت ابسطك واجيك يوم حنتك ؟ قالت ليهوو بكل برود ده كان قصدك متاكد؟؟؟ سكت طوالي ..؟! قالت ليهو رد .. طبعاا لووي ده بس يعاين وخشمو عندو ذياد قال ليها الارتباط ده كده ما حايمشي لووو بتعاندي فيني من هسي . ردت ليهوو : وانا بعاند براي كده؟؟ انا م حيوانه عشان تمشيني علي مزاجك فاهم؟؟ ولو شايف انك حتفضل كده يبقا احسن من هسي كل واحد يشوف حياتوو وانا بقول لاهلس اني م ععوزه اكلمل وبعفيك من المهمه دي .. بقا بيعاين ليهاا مصددووووم . قال لي شفتي نتايجج العناد البتعلميها ليهوو ده زي م خربتي زواجك عاوزه تخربي زواجنا . م اتوقعت منو كلام زي ده . ذيمه قالت ليهوو ليه م عندي راي عشان هي تقوي راسي انا اعند بني ادم ع وش الارض وماتغلط ع اختي فاهم! قال ليها انا اسسسف سامحيني .. قالت لي بشرط تحلف قدام لوي وريم انك م حتغصبني ع حاجه م عاوزاهاا ولا وربنلوح ارجع بيت اهلي قال لي والله العظيم م حيحصل . قال لي ريم انا اسف قلت ليهو ابدا اسفك ما مقبووول وما مضطرره اقبلو واتفضل بره بيتي . واتذكر ف اي لحظه ديمه تديني الاوكيه حطلقك منهااا وحخرب بيتكم زي م خربت حقي .. اخس ع خوتك وع عرفتك كلهااا .. طلع وووشووو ده محتقن عديل دم 🙄.. لؤي قال لي عن اذنكم قلت ليو انت م مقصود ب الطرده .. واتفضل قال لي عارف مامحتاجه تفسري لي . وطلع.مشيت قعدت كملت اكلي ديمه دي بس تعاين .. مستحيل ابكي قدام زول .. العرس كان بكره .. ليلي جات ساقت ديمه .. ومعاهم صحباتم .وانا معاي راني ف بيتنا . دخلت الغرفه وبقيت ابكي .. لمن فترت وف اخر المطاف نمت .. صحيت ع صوت التلفون بضرب لقيتوو ده الدكتور بتاعي قلت ليهو اهلااا خيررر قال لي لازم تجيني المستشفي بكره قلت ليهو ليه ف شنوو . قال لي التحاليل العملتيها قبل السفرر ظهرت حاجات م مكويسه قلت ليهوو لا ياااخ م تقولا قال لي حتبقي كويسه .. تعالي بكره قلت ليهو انا ف السودان حسي . ياااخ عرس اختي بكره قال لي بعد بكره لازم تكوني هناااا .. قفل . وانا بي هنااا اتفقعت بكاااااا .. خلاص تعبت من الحياه دي تاني ح ابدا من الصفررر .. جات امي تدق لي ف الباب قلت ليهاا شنو قالت لي افتحي فتحت قالت لي ..متلك بتبكي لمتني عليهااااا شديد قالت لي فيكي شنو ؟؟ قولي لي قلت ليهاا ح اشتاق ليكي بس ي امي قالت لي ماشه وين انتي قلت ليهت مسافره بكره ..بليل لو لقيت طياره بقت تبكي وذعلت .. قلت ليها امي بالله ماتعملي كده براي كارهه الدنيا دي .. طوالي نزلت تحت . ركبت عربيه امي ومشيت ماعارفه ماشه وين الدنيا كانت فجرر .. لافت لحد م الدنيا اصبحت مشيت الساعه عشره الملاهي .. الجو مغيممم .. كان . انا ممكونه وخلاااص جسمي بقا برجفف قلت ل بتاع الساقيه عاوزه اركب براي وحدفع ليك عن المقاعد الفاضيه دي ..كلهاا بس وقفني فوق تمام قال لي حلووو ..
ركبت برايي ولما وقفت فوق اطلقت العنان ل دمووووووعي بقيت ببكي وبقول ليه يارب انا كنت خلاص عوزه ابدا حياتي 😭😭😭😭😭😭 .. قعدت قريب الساعتين فوق .ف الاخر اشرت ليهوو ينزلني نزلت ودفعت ليهووو ومشيت الصيدليه اشتريت مسكنات قويه .. ورجعت البيت

المسسا لبست فستاني كان ب الكوبي . ولبست طرحه لاول مره .. لبست وطلعت .. انا وراني وامي مع بعض .. وصلنا الصاله . لقيت ليلي .. اول م شافتني قعدت تعاين لي قالت لي براحه كده مالك الليله ععوزه تموتي ليه متحجبه قلت ليها الزول الله هداهو م تخلوووهو مشممم😏😏 قالت لي اها دي خليها ليه عيونك وارمه وحذينه كده قلت ليها ذعلانه بس ومخنوقه ماتركزي 💔 قالت لي م تتعاوري لي فشنوو قلت لبها خلاص بعدين .. مشينا قعدناا .. قصادي لؤي .وبعلي من لوي ابتسمت في عذ الحذن .. رسل لي فجاه ف الواتس .. التطقيمه كيف بالله هو لابس قميص تحت البدله ب الكوبي😍 قلت ليهو عجيبه ي انت .. م اخترتو ليك عبس انا 😂😂😂 ختيت التلفون . بقيت قاعده ومتمللله وزهجانه ععوزه الموضوع ده ينتهي .بس العروسه جاتت .. داخله سايقها ابوهااا لحد م وصلها ل زياد ..وبعداك جا قعد جمبناا قال لي انتي وين من امس م شفتك انا قلت ليهوو قاعده بس مشغوله كنت مع العروسه وكده قال لي اها كذبي العروسه ذاتها م لاقياك قعدت اضحك قلت ليوو ابوي م تحكها النبي قال لي شكلك ذعلانه قلت ليهوو اااي بس . قال لي قعدتك براك دي م عاجباني .. وبيني وبينك ف عريس متقدم ليك دايره اقاطعو قال لي اصبري انا قاعد اسال منووو وانشالله خير ..قولي خير قلت ليهو خيرر .. 💋.
-الناس دي هججت والفنان اشتغل .. انا قمت ومعاي راني مشينا نبارك .. ضميتااا وهنيتهاا قلت ليها الله يسعدك ويفرخ قلبك ان شالله ..❤️. قابضاني قالت لي مااك عامله كده قلت ليهاا عشان عرستي وماشه ي هبله قعدت تضحككك . قالت لي هوووي امشي ساااي قلت لبها اصبري ي كلبه . راني باركت ليها ول ذياد وانا م باركت ليهو عاينت ليهوو ومشيت طوالي 😔.. مغيوظه منو للطيش .. ماشه كده جراني منعم ف نص الداره اخدت لي رقصه .. ومشيت قعدت . امي قالت لي مالكك الليله ابيتي الرقيص خير ي طير قلت ليهاا الله هداني خلاص. الحفله خلاص انتهت والجرتق قالو بكره بعد الفطور .. الناس بدت تطلع .. جراح جااا فال لي راجعي تلفونك القديم نحنا كنا بنتصل فيهووو .. ونبعت فيهو الرسايل الظاهر انتي الغلطانه م نحنا قلت ليوو الرقم التاني انا وقفتو قال لي بس م قلتي لينا والرسايل بتمش ف الواتس فاهماني قلت ليوو ايوا تمااام طيب بشوفمم .. اسي ..بعد ارجع .. قال لي مالك انتي قلت لبهو كيف فشنوو . قال لي م تستهبلي .قلت لبو ماااف انا تماممم .. ركبنا العربيه واتحركنا البيت ..
-اصبحنا الصباح تاني في برنامج الجرتق . انا مشيت المطار عشان الحجز ومعاي ابوي قال لي نفطر ونمشي البيت قلت ليو اارحح . قعدنارف مطعم نفطرر وانا م عندي نفس كنت ف اخدت قهوه . قال لي امس حكيت ليك عن ان في عريس انا سالت زول مافيهوو غلطه . يمكن اي فيهو عيوب بس دي بتكتشفيها انتي انا العلي عملتو سالت والمفروض اعرفو عنو عرفتو قلت ليوو واهاا . قال لي المتقدم ليك ده لؤي ولد عم ذياد تمام؟ انا كنت مركذه معاوو تركيذ تقول ممتحنه 😂 قال : ولد من اسره ممتاذه .. عندهم باخره وهوووا كبتن طيارر .. ف الخطوط القطريه . ابوهو عندوو شركه بتختص ب الاقمشه ف الهند وفي فرع منها ف السودان ..حاليااا لؤي حيمسك الفرع اللي ف الهند لفتره من الزمن .. وابوهو حيجي هنا لانو طول شديد.. عندو اخت واخ .. هوا ف الوسط اخوهو متزوج واختو مخطوبه. ابوهوو زول عندو مركذ وهو الولد ذاتو انا لاحظت ل سلوكو ولد مسؤول . وعارف انك مطلقه قلت لبهو ي ابوي مطلقه بس زواجي ده من اصلو كان غلط ..قال لي المجتمع مابيفهم كده . قال لي اسي انتي فكري واديني رايك قبل السفر .. عشان لو موافقه نعمل العقد قلت ليهو يعني اصلا م حيتعمل لي عرس ذي البنات تقعدو لي كتومي كده زي العامله عمله قال لي انتي الاخترتي غلط قلت ليهو وانت كنت حاضر ليه م اعترضت ع الغلط مش انت ابوي وده واجبك ولا لا قال لي م داير معاكي نقاش لانك م بتقبلي نقد اصلا سكتتا .. طوالي ..واتحركنا البيت وانا ساكته .لما وصلنا اول م نزلت شفت زياد ولوي معاهم وائل قلت بسم الله الرحمن الرحيم ده شنو اللماهممم جو التلاته سلمو ع ابوي وائل قال لي كيفك عاينت ليهوووو ب ذهججج كده بقا يعاين لي مسافه مشيت طوالي دخلت قام جا مسكني من ايدي قال لي ف شنو حاصل ليه عامله كده قلت ليو فكني .ابوي جا زحاوو مني قال ليوو وائل الزم حدككك عشان م اغلط معاك هنا . قال لي بس عاوزك تسامحيني قلت ليهو مسامحاك بس انت سامح نفسك بالاول .. .. دخلت البيت كانو جاهزين للجرتق . امي قالت لي ي بت انتي بتطيري وين قلت ليهت كنت مع ابوي حجزت طيارتي بعد تلاته ايام .. قالت لي وانا مابتاخدي راي ليه .طرطور هنا ويلا دقت جرس قلت ليها ب صوت مكسر كزه امي ياخ ماتعملي كده واتفقعت ليها بكي .. رقدتني ع رجولا قالت لي انتي مالك متسببه هسي ابوك شاكلك قلت ليها لا .. وقعدت حكيت ليها ب موضوع العريس قالت لي ابوك قال لي . شوفي ديك ليها اموو اللابسه توب ب البني ديك والجمبها بتهااا واللابسه توب مره ولدها .. مركذين معاك .قلت ليهاا حلاتمم ناس راغيي

ين 😂😂😂. الهول كبيييير شديد جات ديمه نازله . اول م شافتني قالت لي انتي اخت التاباني سافهاني كده اصبري ي قزره .. قلت ليها يلا ي لت من هنا اجري دانه قالت لي اخيرر ح اتفرغ ليكي واكرهك دنيتك .😳 قلت ليها عيب ي دبه هي .. اتغاظتت مني .جو العريس واصحابو داخلين .. جراح معاهووو ياخ بقا مشالله رايييق والعرس نفع معاهو😉🤭 والترطيبه .. وقفت قريب من العروس بعاين ل طقوس الجرتق جا يعملو الضريره للعرسان حبوبتي .. قامت قالت الناس اللسه م عرسو البنات ارفعو طرحكم دي انا بقيت بضحك عليهم جرتني وعملت لي الضريره ف راسي قالت لي ان شالله بعد كم شهر الله يحضرني عرسك انتي ي الغاليه بقيت بضحك ابيت اقول امين ديمه قالت لي امين امين 😂 لوي كان بيصور وصورني وانا بعملو لي الضريره 😉. امو دي بس تعاين لي وتتبسم .. بعد شويه جا حنك يرشو اللبن انا زحيت منهمم طوالي لان اللبن ريحتو ساي بتقلب لي بطني وقفت ورا بعاين ليهمم وهم بتراششوو قامت اخت لؤي واقفه قريب مني قالت وواي حلوي بتين يرشوني بالبن يارررب بس 😂 رقيقه رقه قلت ليهاا اجيب ليك كبايه حليب ارشك بيهاا قعدت تضحك قالت لي جنس الرشريش حقنل ده م حبابو فاهماني اتي قلت ليها لو داك اصبري بس . 😁👍.. جات جمبي قالت لي انا بت عم ذياد اسمي توتا قلت ليها والدلع قالت لي الدلع تقوي 😂 قلت ليها هلا انا ريم اخت العروسه قالت لي وذياد ذاتو قال اختووو هسي نكرتيهةة لشنوو قلت ليها ساي بس 😊جات مره اخوهاا اسمها ايمان سلمت علي ووقفت جمبنا ولوي من هناك مبتسم انا فاهماة بس هو مفتكر ان ابوي لسه م قال لي .. زحيت من جمبهم مشيت ل ديمه اتصورت معاهااا كذا صوره .. وجيت ل امي اتصورنا .. فجاه جاتني مكالمه من رقم غريب قال لي ريم كيفك لقيتا دي يسرا مديره الجمعيه قلت ليا ازيووو .. قالت لي الاخبارررر كيف ياااااخ قلت ليها ظابطه والله انتي كيف قالت لي حتجي متي قلت ليا بعد تلات ايام قالت لي عمو التاج اتوفي ودايرين نمشي لاهلوو العزاء كنت عاوزه اعرف حتجي متي قلت ليهاا يااااخ الله يرحموو قالت لي الللهم امين . كان بسال عنك كتير قبل م يتوفي قلبي وجعني شديد الراجل ده طيب شديد كان دايما بجي لي ايام الكيماوي وكل م يجي يجيب لي بلونه 😭😭😭💔 ذعلت ذعل عليهوووو .. حسيت كانو الدور علي .. قمت طلعت بره . قعدت ف الطوطحانيه قعدت ابكي دي كانت ورا البيت .. فجاه احس ب زول وراي .. دي كانت ليلي . قعدت جمبي قالت لي احكي لي يلا مالك . قلت ليها عمو التاج اتوفي قالت لي ده البجيب ليك بلونات💔😭الله يرحمووو .. ويغفرليهووو ..بس م اعتقد انوو ده المبقيك كده ريم بطلي البتعملي فيهو ده انتي عاوزانا معاك وبتبعدينا وبعد م تبعدينا بتجي تقولي هم ليه م بسالو علي وتذعلي ونسمع فارغ بعدين بتناقضي ف روحك ليه ياااخ انا صحبتك ارمي همومك علي وانا حشيلا معاكي ح اقيف معاكي .انتي بعدتي جراح ويقين وهم لحد اسي بيحاولو معاك وانتي بتبعديهم دي انانيه منك م ع كيفك تبعدينا متي م بدالك وترجعي متي م بدالك فاهماني ! انتي ف وضع زي ده محتاجانا جمبك ماحتقدري تعيشي براك ولا تحاربي موض ذي ده براك وحالياا انا عارفه انو رجع ليك وانتي خببيتي علي ريم انا متابعه حالتك وكل دكاترك مهكره اجهزتم اي حاجه بتخصك بتوصلني ف شنوو وانا سالتك امس والليله وانتي ععاوزه تخبي السوال يلا هل حتقدري تقاومي براك .. ؟؟؟ امك داخله ع ولاده وابوك السكري اقل خبر بتعبو .. ديمه اتزوجت ودانه صغيره ويقين وجراح بعدتيهم فاضله انا ومنعم . ونحنا تقريبا بعدتينا وذياد عملا ف روحوو .. براو ووائل واتطلقتوو .. فاضل منووو تاني ي يريم ؟ سكتتا م عرفت اقول شنوو .. فعلا انا بعمل كده وبناقض ف روحي .حططت ايدا ع ايدي قالت لي فكري ف كلامي ده وارجعي لي .. انا صحبتكك وانتي وقفتي معاي ف وقت صعب مستحيل اتخلا عنك .. فاهمه ؟؟ وخلتني ومشت .. لقيت نفسي انا العملت ف روحي كده .. مسحت دموعي ودخلت لقيت ديمه بتودع فيهم ضمتني بقينا بنبكي قالت لي نحنا قاعدين كم يوم لسه متخافي تمام ولما اتصل ردي عشان م اكرهك .. تمام قلت ليها ذيت .. مشووو لما طلعو خلاص كانت الساعه تلاته . قعدنا ناكل الغداااا .. كلنا رجال ونسوان ف طاوله كبيرررره طويله . اتذكرت مهند وماهر ومريم قلت ي ربي وينم ديل سالت امي قالت لي ديل مسافرين عرس ف الشماليه .. 😊. قلت ليهاا ياااخ فرقو معاي ب جنهم ده..قلت لي ليلي منعم منتظر ردك قالت لي مهجومه كده منتظر شنوو قلت لبها السناره غمزت ي زوله موافقه عليهو قالت لي اصلاا بسرعه وريهووو واااي وقعدت تتبسم وتتهابل رسلت لمنعم قلت ليهو ليلي موافقه عليك😉 ارح طلعنا بعدين وبخلي ليكم الجو قال لي تنفعي ي بت عمي . 😍
- بعد شويات قلت لامي وينو عمو مخلص قالت لي بره قال م داير .. قمت طلعت بره لقيتو قاعد قلت ليهو عمو مالك قال لي زهجان بس يلا . قلت لبو بجد مالك قال لي والله مااافي حاجه بس ماعاجباني جيتنا كل يومين هنا ده ف الاول والاخير انا زاتي مابرضيني الكلام ده .. قلت ليو

و

اخر يوم والعرس انتهي . فشنو تاني.قال لي طالما جيتي لي ف انا عاوز اسالك لؤي وافقتي عليهوو قلت ليهووو لسه م فكرت قال لي ممكن توافقي عشان خاطري انا طيب .. اول مره اطلب منك حاجه اتعرفي عليو ماحتندمي . قلت ليهوو اي زي وائل صح؟ قال لي نوووو بس انتي اتعرفي عليوو وانا حقيف ف ضهرك لو ما عجبك اي تفصيل فيهوو . هوا من اول يوم شافك جا طلبك وقال لي انا عاوزا ب الحلال قبل م اتكلم معاها ولا اتناقش معاها عشان م تفهموني غلط .. انا طبععا اتكييفت شديد. قلت ليوو خلاص خير ي عموو حاضر . قال لي واستخيري كمان. قلت ليوو تمام .يلا ارححح جووا قال لي ابداا واتصل ع امي قال ليها ارررح اطلعي امي جات طالعه بدون تتكلم .. ركبوو العربيه قالت لي متتتاخري تعالي البيت طوالي فاهمه قلت ليها اوكيه ..😍 دخلت لابوي قلت ليهوو انا ماششه يلا ي راني .. قالت لي تمام ابوي جا قال لي ثواني .. وكانو اهل لوي وهوو قاعدين ركزو معانا طوالي . ابوي قال لي فكرتي قلت ليو لسه ي ابوي قال لي طيب . عندك لحد بكره قلت ليهو حلوو .. يلااا سلااام .. ليلي قوومي قالت لي امشوو انتوو انا بلم حاجاتي وبجي وراكم طبععا انا فهمتهااا ونقشتهااا رفعت ليها حاجبي بقت شفته البت دي 😉😊 ودعتهمم اهل لوي امو قالت لي ان شالله عقبال عندك قريب .عاينت ليهاا كدااا☺️😅عندك لي عريس ي خالتو ولا شنوو قالت لي اااي بالحيل ي بتنا قعدت اضحك قلت لبهاا يلا اشوفك علي خير مع السلامه هم زاتم ودعو وطلعوو معانا .. انا موديني انا وراني السواق بتاع ابوي . لوي ده اديتو نظره بتاعه حب كده . فجاه كده وركبت .. اتحركنا سامعه توتا قالت ليوو احيييينا ي النظرات .. تبا لكم انتو الجووز هو م اتكلم بس بيعاين ومبتسم .وساكت. 😍😉
* اصبحت الصباح راني لقيتها لابسه قلت ليها ماشه وين قالت لي ع دبي اهلي حيلاقوني هناككك .. قلت ليها هبله انتي ودابك تقولي لي قالت لي م وقتككك ي زق مستعجله طيارتي بعد ساعه .. حيوديني زوج امك قلت ليهع انقلعي يلا طيب ودعتهااا ورجعت رقدت 🙈

👣Alhowais.❤💊:
م قدرت انوووم .. قمت بقيت بفتش ف جوالي القديم لحد م لقيتو فعلا لقيت رسايل كتيره منهممم .. ندمت ع كلامي معاهمم وقلت ل نفسي لازم اصلح الاغلاط العملتها دي قبل م اسافرر . رسلت ل يقين قلت ليها انا اسفه شديد سامحيني .اعتقد الفون ف يدها كان طوالي اتصلت لي قالت لي هبله انتي ولا هبله عندي منو غيرك انا عفي الله عن ما سلف .. قلت ليها تسلمي لي ..قالت لي بما انو بدينا صفحه جديده تعالي افطري معاي قلت لبهاا امي دي من جيت م قعدت معاها وداقه جرس بجيك وقت تاني قالت لي تمام هاك جراح . اول ماردا لي قال لي انا م ععوز معاك عباطه عاوز اعرف امس كنتي مالك قلت ليوو المرض م طلع مني لسه .. امس الدكتور اتصل علي بس كده .. قال لي وخايفه؟ قلت ليهوو انعل وشك ياخ بقا يضحكك قال لي سنه وزياده ماف زول نبذني بت فاشله انتي بقيت بضحك قال لي والله اشتقنا ليكي .يارمه .. سكتت طوالي قلت ليهوو رمه انت ومرتك زاتو . قال لي يلا اقطعي وشك م فاضين احنا .. وقفل حقيررر😳.
طلعت ل امي لقيتها بتعمل ف الفطورر ومتناقشه مع عمو مخلص وزي المتشاكلين . قعدت واحترمت روحي وسكتتا .. قلت لامي م ععوزه حاجه فيها لحمه .. مسكت فيني انا يلا وجاطت ماخلت لي شي ف الاخر قالت لي يلا فطور مافي زاتو شكلو الهرمونات متقلبه عموقال ليها الفطور ده نحنا بنعملو اقعدي طوالي قعدت قمت انا عملت بيض وختينا جبنه اي شي ف التلاجه طلعناووو .. ختينا الاكل بدينا ناكل قالت ليهو نفسي في كمثري 😍 عمو مخلص قال ليها اسي دي قالت ليو اااي وبطيخخخ احمر كمان يا سلاممم قلت ليهوو عمو الحق الوحم اشتغل يلا اتحرك قعد يضحك قال ليا المسا بمشي قالت ليهو ماحا اكل شي للمسا كان م جبتهم لي اسي مشا لبس جلابيتو وطلع 😂😂😂😂.. قلت ليهااا غايتو ي امي ولاده الكبر قالت لي ب استهتار كده هي ي بت القدري لي اسي م عرسوو انا اصلي اليوم دخ ضحكت ضحك لحد م جات حبوبه م كان شافتني نهاي من يوم م جيت فتحت بيت بكا عديل وكل دقيقتين تمسكني وتقعد تبكي الا شلت حاجاتي وطلعت خليت ليها البيت مشيت لي ليلي .. لقيتها نايمه اختها قعد تتكلم معاي قالت لي عايني متخافي وماتبدي كيماوي تاني امشي المكان الوريتك ليو م حتندمي قلت ليها زيت ح امشي.قمت دخلت غرفه ليلي وطوالي اتحشرت وراها تحت البطانيه ورسلت لامي اني مع ليلي ونومتاااا .. غايتو قله ادب شديده. صحيت علي رصعه من ليلي تصحي فوقي بقل م عندها اسلوب ابدا قالت لي قومي يختي اختك بقت بتحب ومحتاجه نصايح قلت ليها اهاا احكي قالت لييي نظام جايه بيتنا وكده طلعنا اكلنا ايسكريم واتكلمنا ماف داعي تعرفي قلنا شنوو بس المهم نحنا علي علاقه .. وحاليا ارتبطنا حنتعرف شويات كده وبعديها نخطب رايك شنو قلت ليها واحلاتي ي ليلي بقيتي صعبه قالت لي تربيتك ي كلبه حضنتهااا ياخ فرحت ليهاا كيييف تستاهل منعم الاهبل ده😂.. قلت ليها لوي متقدم لي وماعارفه اعمل شنوو مااصاحح مني م اوريهوو الحاصل قال

ت لي ومنو قال ليك انو م عارف انا وريتو اي شي هو قال لي انو اتقدم ليك ومنتظر الرد وكان عاوزني افاتحك بس انا قلت ليو لااا وحكيت ليهووو انك المرض رجع ليك .. انا بقيت بعاين ليها وفاتحه خشمي مترين قالت لي م تعايني لي كده من حقي اني اقول ليهوووو واوريهوو قلت لبها وردو كان شنوو .. قال لي ويعني شنوو كانسر عاوزا بي كانسرا دا انا وعارف انها ممكن م تبقي كويسه بس بحبهاا ودايرا النبي اقنعيها لي ..ده القالو لي ب الحرف . وحلفتو ان الموضوع ده م يطلع من بيناتنا وحلف 🌚 عايني ي صحبتي من حقك انك تعيشي وتتزوجي وتفرحي وتحبي وتتنيلي علي عينك ونفررح بيكي مش زي وائل شكيتو لي الله قلت لبها اتخطي النقطه دي نرجع . قالت لي ايوا . هوا اختاررر ويتحمل نتيجه اختياراتو ي صحبتي فشنوو انتي تعملي العليك وبس واللي هوو انك تحبيهو وحتكوني مبسوطه معاهوو . البني ادم ده نعمه ياااخ .. انا من كلامها بس حسيت روحي بحبو☺️.. قلت ليها سممممح .. نشوف اليحصل قالت لي سيبيلي نفسك وانا ح اظبطك اصلا الليله طالعه مع منعم وح ادي لوي تلفون يجي لينا يتعشي معانا قلت ليها م قدر قالت لي عندك حل تاني قلت ليها لا قالت لي قفلي خشمك ده خلاص .. اتصلت ع لؤي وانا جمبهاااا قالت ليو اسمعني انا ظبطت ليك موعد ريم طالعه معانا الليله العشاا . ف شنو انت تجي ك جنتل مان وهي م حتكسفك تمشو تتعشوو بعيد مننا واهو تتكلمو وتاخدو ع بعض وتفضو لينا الجو ي عثل 😳😳 قلت سجمي البت انحررفت خالص .وشغاله تغمز لي وتحرك ف حواجبا. قبل م تقفل قالت ليوو تعال كاشخ م تحرجني والا حتتحرج انت قفلت وانا بعاين ليها قلت لي انتي ليلي الواحده دي قالت لي دي حركات دانه وربي😂قلت ليها دانه بتكلم اولاد قالت لي م عاوزه افتن لكن استازه ورئيسه قسممم☺️😉اختك الشفتنه ع اصولاا زيك ي معلم ..قلت ليها بري ي يمه بريئه . قالت لي اتلهي مااف غدا اولا تانياااا اخدي مسكن عشان متصدعي وثالثا . محتاجين قشرات قلت ليها مع نفسك انتي اقشري بس انا ماشه ب لبسي ده ماعند

ي طاقه ابدل وغير

رر .. مشت اتظبطت هي وقشرت وانا راقده لما جينا طالعين قلت الميكب بتاعك ده اوفر شويه قامت خففتووو .. طلعنااا كانت سايقه هي وانا حاسه ب تعب ف اطرافي كلها رجولي وايدي حاسه روحي تعبانه كده.وصلنا منعم ده طاير ب الفرحه قلت ليهوو حاساك شويه وحتكفتني بس اصلو م قايمه الليله .. قال لي اقعدي ح اعتبرك ماف خليني اتغززل ب حبيبتي ياااااخ .. من يوم شفتها ف خطوبتك اموري جاطت قلت ليها ليلي انا حاسه روحي تعبانه شديد قالت لي م اخدتي حبوب قلت ليها مفروض بتنوم الحبوب دي قالت لي هدا ليهوو جااا ....جا سلم وقعد معانااا . بعد شويه منعم عديل طردناا .. قعدنا ف طاوله براناا .. قلت ليهو م عاوزه اكل انا قال لي طيب تشربي شنوو طلب لي عصير برتقال . 🥃
قالي تمام شويه كده وحنطلب اكل . بيتعامل مع الحاجات ببساطه كده قال لي يلا اسمعي انا لؤي 35 سنه كبتن طياررر . وبكره عندي طياره انتي المؤخراني .. ابوي عندو شركه اقمشه هوا اتغرب بما فيه الكفايه وهسي حيجي السودان يستقر . هنا واني شفتيها طبعا دكتوره نسا وتوليد .. اختي توتاا مخطوبه ل واحد زميلاا واخوي الكبير رماح عايش ف لندن وجو للعرس اسي ومتزوج ليو خمس سنوات ..لقيتها فرصه اني اكون هناك في حال وافقتي علي انك تتزوجيني وبعدها نشوف البحصل .😌 قلت ليهوو تمام طيب تشرفنااااا .. بس سوال انت اصلا هادي كده ولا دي حركه منك قال لي لاا انا بس م بكون مرتاح ف وجود ناس م بعرفا.. انا بصراحه حياتي جايطه وراسي جايط وعاوزك تعرفي اني كنت خاطب قبل كده بس الظروف م اسعفتني اتزوج لحسن الحظ كنت لسه ظروفي كعبه ومالاقي شغل وهي م صبرت علي .. 💔 وبس كده قلت ليهو كمل ععوزه اعرف حكايتها قال لي حلو يلا نطلب اكل عشان الونسه تحلووو قلت ليهوو تمام يلا . طلبنل وبقينا بناكل بدا يحكي : كنا مع بعض ف الجامعه مرتبطين اربعه سنوات .اتخطبنا ف سنه ثانيه ظروفنا كانت كعبه والشركه خاشه ف ديون فتره دراستي دي كلهااا والقروش البتجي بتتقسم علي انا واخواني انا حقي كنت بديهوو ل امي تجيب حاجات ل توتااا لحد م كنت خريج اشتغلت ف مطعم وي داب الدنيا سلكت معاي بدت تتغيرر علي وكنت ملاحظظ بتتعرف ع اولاد غيري وانا مطنش الحنك لحد م فيوم مشينا ليهم البيت نحدد العرس اتلاائمت ع امي وقالتا لي ف وشي املا جيبك عشان انا ولا غيري نرضا بيكك .. من يومااا بقيت بس مركذ ف شغلي وسبحان الله اول م طلعت من حياتي الخير جرا ف ايدي واشتغلت احسن شغل والشركه قروشا اتسددت ورماح امورووو ظبطت واهو انا حاليا متقدم ليكي وحابب اعرف رايك .. قلت ليهو طيب انت عارف عني كل حاجه ؟ قال لي احكي لي انتي . قلت ليهو م بحكي ليك الا بعد م استخيررر واعرف انل عاوذه شنو قال لي براحتكك طيب .. اكلنااا واتونسنااا لقيت روحي منسجمه معاهووو .. قلت ليهو بس سوال . لو جيت يوم لقيت البيت وسخان والعده م مغسله وملابسك وسخانه وماف اكل ف البيت ولقيتني راقده نايمه . حيكون تصرفك كيف ؟؟!
قال لي ح اجي اصحيك اشوفك مالك اول شي بعديهاا نرتب سوااا م اشكال بعدها نطلب اكل لحد م نخلص ترتيب وملابسي بغسلا براي انا ع فكره ..مامسؤوله منهاا قلت ليهوو ايوا تمام ريحتني . قلت ليهوو طيب يلا ممكن توديني البيت قال لي ذهجتي قلت ليو لا بس نعسانه شديد قال لي تماممم اوكلي عشان اوديك قلت ليهو لالا م ععوزه اكل خلاص شبعت قال لي طيب ممكن اكل انا هذيت راسي عاينت ل منعم لقيتوو مركذ معاي شديد .. هوو وليلي .. اشرت ليهممم ب ارح

👣Alhowais.❤💊:
طلعناا واحنا ماشين ع العربيات منعم قال لي يلااا قدامي العربيه قلت ليهوو اررح .. بس ماشه لسه م ركبت وقعت مغمي علي .. صحيت بعد يومين ف المستشفي الغرفه كانت فاضيه صاحيه قريب الربع ساعه وم قادره اقوم من مكاني لحد م اخيرا جات امي داخله 😢 وكانها فجاه كبرت سته سنوات امي دي لماااا وشها متغيرر .. وباين عليها الارهاق .. ماقادره اتكلم كنت قعدت جمبي .. قربت وباستني علي خدي مسسسافه وسكتت .. قلت ليها ماما انا كويسه متخافي .. حسيت فجاه بدموع حارره نذلت مني الممرضه جات داخله ووراها جا الدكتور .. قام قال لي انتي عارفه ان المررض لسه فدمكك .. وكل م بديتي العلاج اسرع كل م اتحكمنا فيهوو م رديت ليهوو بس االباب دقا وجا وائل داخل .. جااا وقف جمبي قال لي حمدالله ع السلامه مارديت امي قالت ليهوو هي ليه ما بترد قال ليها ماتخافي مرهقه بس بتكون والحقنه الاخدتا ماثره عليها اطلعو خلوها ترتاح امي قالت ليهوو ما طالعه من هنا وماتناقشوني .. الدكتور قاال ليها ماتخليها تتكلم ابدا .. امي دي غضبانه مني غضب لدرجه اي حاجه بتقولا لي بعملا وانا ساكته ابوي قال لي كان ع الاقل تورينااا قلت ليهوو انا م كنت عارفه لحد م امشش هناك كنت ح اعيذ الفحوصات .وبعداكك البحصل اوريكمم .. قامم قالو لي حتبدي العلاج وهنا كانت الصدمه لما قلت ليهم م ح اخد كيماوووي ..امي قاطعتني وابوي ذعل مني اليوم الخامس جاني جراح ويقين ومنعم وليلي ومعاهم لؤي واختو ودانه .. اول م دخلو

وو علي كنت نايمه.. صحتني دانه سمعتها بتبكي قالت ليوو ي ابوي هي لي نايمه كده صحيهاا . فتحت عيوني بديت اجمع انهم حوليني عاينت ليهم كلهم عيوني براها تلقائيا وقفت عند لؤي ..كنت م قادره اعمل شي او اتكلم زاتي الدكتور قال لي ده احباط نفسي اكترر منوو شي تاني .. 😔 كل واحد،سلم علي واخر واحد سلم علي جراح مسكت ايدوو وطوالي بكيت هو زاتو دموعوو دي جات طوالي طلع وبعدو لؤي، سلم علي بقي واقف جمبي قلت ليهم ممكن تسسيبونا شويه .. طلعوو انا اصلا كنت مسكه ايدوو ف جريتو عشان يقعد جمبي لان صوتي طالع بالعافيه .. قال لي م تقولي حاجه انتي محتاجه ترتاحي قلت ليهو انت شايف وضعي حتتعب معاي . قال لي انا شكيت ليك . انتي لو مكاني حتسيبيني؟؟ انا المحتاجك اكتر م انتي محتاجاني ي ريم . انا م كنت بفكر ف الاستقرار بس يوم م شفتك يوم جيت اخدك للحنه قلبي كان خانقني شديد من دقاتوو وطواالي قال لي دي الععوزا .حكيت لامي عنك وقالت لي امشي طوالي اتقدم ليهااااا .. باس لي ايدي قال لي ريم انتي ععوزاني .بس جاوبي ب هزه راس ي اي ي لا وبقيت بعاين ل تعابيرووو وهو منتظررر ردي قمت هذيت راسي بمعني ايوه ععوزاك .. قام قال لي ازغرط وبقا بزغرط بصوت واطي كده بقا يتلفت يمين وشمال . وباسني مسسسافه ع راسي انا ابتسمت وقبلت منوو قلت ليهوو م تقول لاحد لحد م اقول لابوي قال لي م عليك باي شي ارتاحي بس ❤️😍انا بظبط كل حاجه .. قلت ليهوو لااا م تتهور فيني قال لي خليني اتولي كل شي انتي بس خليك مرتاحه ..الله يفرح قلبك زي م فرحتي قلبي ياريم😘😍 وطلع .
جوو داخلات البنات بقو يعاينو لي نص عين كده احساس في شنوو . ليلي قالت لي م شفتي الحصل شنو بعد م وقعتي شالك ختاك ف العربيه وطيران جابك هنااا ولا انتظرنا زاتووو وورتني الصوره عاد التوثيق عندها .. ابتسمت وم علقت .. دانه دي قالت ليهم عاينوو ريم دي تعبانه يلاا اطلعوو بره . سلامتك ي بيبي .. يققين قالت لي سلامتك ماحيخلونا نزورك تاني لو طولنا خلي بالك ع نفسك .. قلت ليها حاضرر طلعو وفضلت معاي دانه . قالت لي ليه ماعاوزه تتعالجي قلت ليها حتعالج بس علاج طبيعيي .. افهموني . وسكتتا .. براها طلعت.. بعد كذا يوم طلعت من المستشفي ع البيت .انا كنت ظبطت مواعيد مع ناس العلاج الطبيعي .. ف الهند .. لما وصلت البيت لقيت اهلي كلهم هناك .. قلت ليهمم في شنوو .. ابوي قال لي تعالي ساقني معاهووو قعدت انا وهو وامي قال لي نحنا م راضين عن العملتيهو ده انك م تورينا شي زي ده ده شي م بنقبلو بس ح نخت ليك العذر امي قالت : انتي وافقتي علي لؤي صح قلت ليها ايوه قالت لي وان شالله ما يخزلك برضو انا ما موافقه ع الزواج ده والععاوزنو اعملوهو قلت ليهاا امي انا عاوزاوو بليز م تحرميني منو يمكن تكون دي اخز ايام لي ععوزه اعيشها وانا مبسوطه ومرتاحه ممكن؟! يلا الاتنين امي وابوي قاموو يبكوووو .. امو وابوهوو ل لؤي جو داخلين لقوهم ببكو عارفين الحاصل اموو ضمتني وقالت لي انا حجزت مواعيد الصاله يوم الثلاثاا فاضل يومين وحتي الزفافات جاهزه بس تختاري البعجبك .. قلت ليها تسلمي ي خالتوووو . بجد اسفه طربقت ليك الحكايه راجلا قال لي احلي طربقه اختصرتو علينا وعليكم حاجات فارغه كتيره .. مره اخوهو بعد ابو راجلت زحااا مننا قالت لي م حتتدخني ام لؤي قالت ليها لااا ما حينفع معاهاا انا استشرت اخصائي .. حسيت ان الناس دي كلها بازله مجهود عشاني وقررت اني ااسمع كلامم اليوميم دي الععوزني اعملو ح اعملوو ..

ماح اذعل زول ولا

اضايق زول ننبسط،وبس طلعت غرفتي رقدت اخدت لي نومه صحوني العشااا لقيت ليكم مريم جات هي واخوانهااا نزلت اتعشيت معاهم مشغلنها لي شديد . مهند ابا يتكلم معاي عديل💔

👣Alhowais.❤💊:
قال لي انتي وحده كلبه وجبانه بس م اكتررر وحركاتك جبانه مفروض الليله حنه لؤي الحنه عصراويه .. ضربت ليهوو قلت ليهوو ابعت لي الصور اول ب اول قال لي اكيد . قلت ليوو لؤي اوع تحط حنه ف رجولكك خبرتككك وعلمتككك قعد يضحك قال لي سمح اها اي اوامر تانيه قلت ليو ماااف عيش االبهجه وانبسط ..💜 قال لي وتاني.م نفسك تكوني معاي قلت ليووو نفسي شديد قال لي احلفي قلت ليو بدون حلفان يلا انا حقفل ..
-كنت طالعه الكوافير معاي يقين وليلي مشيت بس ظبطت شعري حمام زيت وظبطت حواجب وحمام مغربي ع اصولووو😘 وصلنا البيت الساعه 9 مسااااا .. بس دخلنا البيت لقيتم كلهم قاعدين والفنان يغني بس لاقاني لؤي لابس الجلابيه وبيعرض مسكني من ايدي وبقي يرقص معاي قال لب مش نفسك تكوني معاي جبت ليك الحنه لحد عندك الحفله هججججت والناس انبسطوو انا زاتي انبسطت ..شديد جا وقف جمبي جراح قال لي مبسوطه ولا بتمثلي قلت ليهوو بجد فرحانه شديد ومرتاحه كمان.قال لي تستاهلي كل خير ي صحبتي .ي لبط قلت ليوو م ذعلان مني صح قال لي انتي هبله انتي بذعلو منك كمان 🙂 قعدت اضحك قال لي احي انا ده بس من الضحكه والوشش السمح ده .💜اخدت سيلفي مع لؤي وتوتا دي تشيل وتصور فيني ف الاخر قالت لي فرحانه فررح اخيرررا لؤلي حيعرس حلاتكم يلا😉قبضتني واتصورت معاي . امو قالت لي الله يسعدكم ي حبايبي وتشيل وتقرا علينا .بعد الحفله انتهت عمو مخلص حلف ع الناس كلها الا يتعشوو قعدنا انا ولؤي جمب بعض وبقيت باكل وانا ساكته م قادره ااتخيل اني خلاص ح اتزوووج .. قبل م نخلص اكلنااا وائل جا داخل . ومشا مع ابوي الصالون .. جا ابوي بعد مسافه ناداني انا ولؤي دخلنااا . قام ابوي قال لي ريم دام في حل ف زرع نخاع واخواتك متطابقين معاك ف اريح حل ليك انو نعملوو لازم توافقي . لؤي ماسك ايدي قال لي ابوي انا برضو كنت مفكر ف الحل ده بس ماحبيت اضغط عليك..امي قالت لي اعمليها ي بتي وريحي نفسك حسيت اني عاوزه اعيش واتخلص من المرض ده خلاص تعبت من انو كل يوم تعب ومستشفي وحقن وحبوب عاوزه اكون طبيعيه 🙂مودي قلب طوالي قلت ليهم خلاص بشوف واوريكم حعمل شنوو .ده م وقتو . بش بيني وبين نفسي كنت مقتنعه .. كلهم طلعوو وانا اخر وحده طالعه وائل وقفني قال لي نسبه نجاح العمليه 90% وان شالله بعدها حتبقي كويسه. انا واثق من ربنا م حيخزلني قلت ليهو ان شالله . قال لي سامحتيني ب نبره زول مكسور قلت ليهو ايوه سامحتك . قال لي الحمد لله طيب قلت ليهو انت م قصرت معاي وانا حابه اشكرك ع حاجات كتيره انت عملتها ماف انسان غيرك ممكن يعملا . ف شكرا قال لي غير اني كنت زوجك وواقع ف حبك انا دكتور دي مهمتي الاساسيه 🙂.. يلا ارتاحي لان بكره منتظرك يوم طويل.وارجوكي فكري ف موضوع العمليه ده م تهملس روحك للمره الالف ومليون قلت ليو طييب حاضر ده كلو احنا واقفين نتكلم ولؤي ماعجبوو الحاصل ده . قام جا وقف جمبي وائل فهم انوو مضايق طوالي انسحب قام قال لي ده شنوو قلت ليهو شنو ؟؟ بيشرح لي ف موضوع العمليه قال لي طيب ومشاا وهو ذعلان
وهم طالعين حسيتوو متنررفذ شديد قلت ي ريم م حتموتي لو راضيتيهوو قلت ل جراح جيب لي لؤي ب الباب الورا قال لي ذيت مشا ليهوو قال ليوو دايرك ف حنك لوي جا معاهووو انا كنت قاعده اول م شافني حمر ل جراح .. مسكتو من ايدو قلت ليو اقعد عاوزاك قعد وهو ساكت .. قلت ليو بتغير علي ؟ عاين لي مسافه قال لي اسالتك زي وشك ده . قعدت اضحك قلت ليوو تغير علي من حاجه خلصت وانتهت ومستحيل ارجع ليها ؟ قال لي ريم شوفي انا مافي حاجه ف الدنيا دي ممكن تذعلني منك غير انك تستهوني ب مشاعري انا انسان بغيرر لما اغير م بعرف اتصرف عشان كده سكتت واختصرت روحي .ف اطلعي من راسي هسي .. قلت ليهو طيب انا بحبك علي فكره .. وتصبح ع خيرر .وقمت دخلت وخليتوو بيعاين مصدوم 😉💜
*الليله العرس ..
صحيت الصباح ع صوت دانه بتصحي فيني بس فتحت كده قامووو يدقو ب الدلوكه ويغنوو انبسطنااا بسطه قمنا نرررقص . هيصناااااا هيصه وشغلو اغنيه فريع البان بعشق الاغنيه دي،انا ودانه رقصنا فيها رقيص لمن اتفاجئو فينااا .. لسه بنرقص توتاا وديمه جو داخلين عاينت ليهم جو من وين ديل ديمه حضنتني قالت لي احيييينا سوقنا حار ي اخواتي يلا ي دندونتي انجزي واحد بسرعه 💜

👣Alhowais.❤💊:
دانه قالت ليهاا ب غرووور انا ح اجيب واحددد واقع من الجنه لا مثيل ليه قلت ليها اتلهي ي جبانه هس وليك عين تتكلمي بعد العملتبهوو طوالي جرت واطي ديمه قالت لي عملت شنو براحه كده قلت ليها قبضتها خالطه ليها واحد امس وبتكلمو ايموو كمان شفتي المفعوصه دي طوالي نطت والله م مفعوصه قلت ليها هس ولا كلمه 🙂 قالت لي حتزليني كتير شايفاك ديمه قالت ليها امشي جيبي لينا شاي يلاا . نزلت وقعدنا انا وديمه وليلي نتونس راني ضربت لي تلفون واعتزرت ماحتقدر تجي بس حتعمل لي حفله لما امش الهند .. قلت ليها ذيت ي صحبتي .. ديمه قالت لي اها حتعملي شنوو .. ليلي قالت لي اختي بتظبط ليك الميكب ماف داعي