🔻 رواية #الزولة_الفرحة 🔻

▫️ كاملة ▪️

https://t.me/RwayatSudan/9681

♻️ شير لاصحابك 👥

كتير بنعرف ناس عبر مواقع التواصل الاجتماعي بس ....
كتير ناس بنحبها ...و ما حصل شفناها في الواقع ... بنعرفها من خلف الشاشات ..
كتير ناس عرفناهم و حبيناهم و لاقيناهم و بقو اصحابنا .... كانت بدايتنا في النت ....
الحياة ما دايما حلوة ... بس كمان لم اكون عندك اصحابك ... بيخلوك تتخطى كل شيء ...




يلا ادوني رايكم عاوزني ابدا ليكم متين ؟؟

#ادمن_جديدة
#و رواية_جديدة
#انتظروني_في_عالم_افتراضي
#قريبا..
#خوخة

Now

بسم الله
نبدأ .....

القصة في مختصرها بتحكي عن بت عايشة حياتها في العالم الافتراضي ...
عشان كدا جا من هنا اسم ...
عالم افتراضي ....


#الكاتبة ...
اخلاص الريح المبارك حاج علي ..
كلية الطب_جامعة البطانة ...



#خوخة

#عالم افتراضي 🖥
"الاولى"

هااااااي .. اعرفكم بي ايوة مجرد تعريفكم بي و بالدنيا الانا عايشة فيها موضوع طوييل و كدا
لكن اتحملوني بس 😄😄انا عايشة معظم حياتي في العالم الافتراضي او الاسفيري زي ما بيحبو بعض الناس اسموه في مواقع التواصل و كدا سناب واتس ايمو تلقرام فيس بنتا kik لاين bbm انستا تويتر و مواقع كتييرة تانية ... مشهورة في العالم دا باسم ميرا الاسم دا بحبه شديد انا 💚 بنزل بوستات وبعمل مسابقات و جوائز و بعمل لايف و عندي كل يوم اسنابايه... يعني باختصار عمري في العالم الافتراضي .. ماما وبابا بعملو لي لايكات و مرات بدوني كومنتات لكن ما كتير لانهم ما فاضيين و كدا .. بابا علشان شغله و ماما اصلا ما بتدخل كتير ست بيت و كدا ....انا كمان ست بيت و كدا 😂😂 بعرف اعمل اي حاجة و لو خلوني براي بعمل اي شيء .. بس ما بحب الشغل و كدا ..لكن لو ختوني امام الامر الواقع و حدي بشتغل ...
حاليا انا بدرس في الجامعة في طب الجزيرة يادوب برلومة و كدا لي شهر من نزلت ... عمري حاليا 18 سنة اتولدت في اوكرانيا ... و جيت السودان عشان امتحن تالت ثانوي هنا ... ايوة صح جيت السودان من اكتر من سنة لكن ما كونت اي صداقات نهاي على ارض الواقع .. بس بالعالم الافتراضي عندي كم شخص كدا اضفتهم بعد جيت السودان دخلت في كم قروب سوداني و اتعرفت على ناس من هناك ...واجهت مشكلة اللغة لم جيت السودان لانه كانت اول مره اجي فيها ايوه صح قبل ما انزل السودان كان دخلت معهد تعليم لغة عريبة لكن لم جيت هنا لقيتهم بيتكلمو باللهجة المحلية فكان في كتير كلمات ما بفهمها و حاليا في الجامعة و كدا المصطلحات الي بيستخدموها دي نهاااااي ما بفهمها ... ايوة صح نزلت من شهر بس للان ما صاحبت ولا بعرف حتى شخص واحد ...حتى قروبي البشتغل معاه ما بعرفهم طبعا الا اسم رئسنا مؤيد .. طبعا نظامنا كورسات و اول ما نزلنا كان كورس انترودكشن وزعونا على قروبات كل قروب ودوه لي مكان قروبي كان لمستشفى مدني التعليمي و كان عملنا معرض ما اشتغلت معاهم و لا حتى اجتماعاتهم ما حضرتها بتخلص محاضراتي و برجع على البيت ...
انا ساكنة مع ماما اسماء ام امي .. في شقة في مدني قريب من الجامعة و ماما ساكنة في الشقة الي فوقنا ... مع عمو حسن الي هو زوجها و اخوي مقداد ...
ماما و بابا انفصلو من كان عمري عشرة سنة و ماما جات السودان و خلتني مع بابا في اوكرانيا .. بابا اتزوج ليه واحدةة اوكرانيه و جاب منها بت اسمها مرام حلوة و عيونا زرقاء عمرها 7سنة بتكلم معاها بالاسكايب... بابا شغال مهندس في شركة في اوكرانيا هناك ... و ماما بعد جات السودان بي تلاتة سنة كدا اتزوجت من عمو حسن .. و جابت منو اخوي مقداد عمرو زي خمسة سنة كدا ... ماما شغالة معيدة في جامعة الجزيرة في اقتصاد ... علشان كدا انا بقرأ ابناء عاملين ... ايوة يعني خاص لكن بدفع ربع القيمة ...
يلا اوريكم انا منو .. انا مريم سموني على عمتي مريم الله يرحمها اتوفت قبل اسبوع من ولادتي و بابا كان بحبها شديد .... لوني ما فاتح فيه شوية سمرة و عيوني عسلية شعري ماشي حالو مستور 😂😂🙈💔 لكن طولو محترم علشان كدا كل مرة بمش الكوفير اسشورو 😂🙈💔محجبة و الحمد لله ..ما عندي شغلة باللبس و الطلعات و الكشخات و المكياج نهاااااي ...بلبس اقرب عباية لي و بمش الجامعة بس برضو بكون انيقة و كدا ... لانو ماما بتحب الظهور و الكشخ و الموقع الاجتماعي و كدا ... فبتجيب لي اي حاجة و معاها طقمها يعني لو عباية معاها شنطتها و جزمتها و ساعتها و اكيد الطرحة طبعا💚 و بابا برضو ما مقصر معاي بيرسل لي من اوكرانيا كل شهر مصروفي و هدايا و مرات بيجيب لي كسوة من هناك ...طبعا عندي فساتين و لبسات تعقد بس ما قاعدة البسها طبعا مستحيل البسها في البيت و طلعة ما بحب اطلع حتى الحفلات و المناسبات و كدا ما بحب امشي ليها نهاااي و كل مرة انا في شكلة مع ماما في موال الحفلات و الطلعات دا ...
في البيت الي هو الشقة .. ساكنين انا و ماما اسماء برانا .. و بيجينا مرات اخر الاسبوع خالو عماد .. ما بحبه انا ما بحبه نهااااي خالو عماد ... هو اصغر واحد طبعا ...و بيقرى هندسة الجزيرة خريج السنة دي ... بالرغم من انه بيقرأ هنا بس كدا ساكن في داخليه خاصةة هو و اصحابةة و ما بيجينا الا اخر الاسبوع و ما اخر كل اسبوع زاتو .. عنده حركات ما بحبها و تصرفاته غريبة و طبعا دايما انا في شكلة معاه مرات بحس انه بيتعاطى مخدرات .. طبعا هو دلوعه البيت و كدا كل اخوالي و خالاتي مدلعنه و بيرسلو ليه قروش غيامة ...كلهم طبعا برة السودان الا خالتو نهى دي اتزوجت قبل تلاتة شهور و رحلوها بورسودان كانت ساكنة معانا ...
بالنسبة لي اهل بابا كلهم ساكنين كسلا ..ما قاعدة امشي ليهم نهاي من جيت السودان مشيت ليهم مرة واحدة بس ما حبيتهم كدا ... بس الا عمو حامد ساكن في الخطوم دا طيبان شديد الوحيد الي بيتصل علي و بيسال مني بمشي ليه مرات كدا و مرات هو بيجيني بالذات لو بابا رسل لي هدية بيجي هو يجيبها

لي لحد عندي ...
كدا البارت الاول كلو انتهى بالتعريف و بي انا منو و دنيتي العايشة فيها و كدا ... زي ما قلت ليكم الكلام عنها حيكون كتير ... ان شاء الله ما تكونو زهجتو 🙈💔💚

#عالم افتراضي 🖥
"التانية"


طبعا الليلة السبت حاليا الساعة زي عشرة ...مفروض طبعا حاليا اكون في البيت بذاكر و كدا ... لكن عشان حضرته السيد عماد ما عاوز اكل البيت انا و ماما اسماء حاليا معاه في مطعم ... "طبعا دا بث مباشر لي " ....يلا افرجكم على المطعم الصراحة هو اطلالته حلوة .. طبعا دي ماما اسماء .. يلا ماما اسماء سلمي عليهم ..ههههه ماما اسماء دي عسل و الله ... يلا شايفين الي جاي داك دقييييقة اكبر ليكم الصورة ايييوة الي لابس تيشيرت احمر و بنطلون اسود دا ...دا الزفت عماد ... ما بحبووو يا عالم ما بحبووووو ... ههه طبعا عبق الامكنة بتقول لي في التعاليق ما هداهو مز حبيه .. بقوليها طبعا اول حاجة هو خالي للاسف طبعا😂🙈💔تاني حاجة حتى لو مز ما بحبوووو ...يلا وصل هدا كان كعادته بتكلم بالتلفون اول ما يدق بيشيله و يقوم جاري ..."طبعا عماد جرا مني التلفون و وقف البث "
لي تعمل كدا اديني تلفوني ...ما من حقك تشيله مني
عماد:و الله ما عندنا بنات بعملو لايف وحركات بالله قله ادب البنات دي ما بتنفع معاي انا سامعه
ما عندك شغله بي ماما و بابا موافقين انت منو بالله عشان تعترض
عماد:ياخي وهم امك و ابوك شنو بالله دا حنكك عليك الله اكلي و خلي الطلس
ما باكل و لو سمحت رجع لي تلفوني
عماد:اها مافي تلفون ليك الليله التلفون القاعدة فيه الاربع و عشرين ساعة دا شوفيه نهايه الاسبوع عشان كدا اكلي اكلك
ما عاوزة اكل نفسي و انا حرة فيها "طبعا ماما اسماء سمعها تقيل عشان كدا ما سمعت كلامنا "
ماما اسماء: مريم يا بتي مالو وشك اتغير كدا عماد دا بنضم معاك كدا زعلك ؟؟
عماد:عماد شنو بالله يا حاجة بتك دي مدلعه ساي و دايما صاره وشيها بالله ما كل شيء تلزقوه فيني انا
ماما اسماء:شايفاك شلت تلفونها و البت دي ما بتعيش من غيرو اليوم كلو في التلفون دا
عماد:بااااس عليك لمممممبه انت قلتيها اليوم كلو في التلفون عشان كدا انا شلتو منها
ماما اسماء:هسي ما تاكلي يابتي
ما عاوزة الحمد لله شبعانه جيت معاكم ساي عشان ما اقعد براي
عماد:احسن ليك تاكلي لو اكلتي ولا لا ما برجع ليك التلفون عشان كدا احسن ليك تنسمي
ما بنسم قلت ليك ميه مرة ما عندك شغلة فيني "زعلت وقتها شديد لي يعمل كدا طبعا ما بكيت ليه نهاي بس رجعنا البيت قفلت علي باب غرفتي و بكيت "
تاني يوم كان جامعة و كدا قمت مع صلاة الصبح استحميت و اتوضيت و وقفت في المصلاية عشان اصلي بس فجاة اسمع ليك صوت الزفت عماد برة بيصرخ كدا و جاااايط ... طوالي فتحت باب غرفتي
خير مالك جايط الوقت صبح ياخ ارحمنا..امش صلي في الجامع مع الرجال ياخ
عماد:و الله ياهو الناقصني انت بالله انت و الحاجة دي خليكم بعيد مني الدين دا ما غصب ما ممكن كل مرة مصحياني الساعة اربعة قوم صلي ياخ دايرين تتحاسبو معاي انتو "طبعا اتصدمت من كلامه الي بيقول فيه دا .. طلع ماما اسماء صحته للصلاة و هو كان مساهر بحضر في كورة لي برشلونة "
طوالي قلت لي ماما اسماء تخليه و رجعتها غرفتها قلت ليها تقرأ قران عشان تهدأ .. بعديها مشيت المطبخ عملت الشاي و كان في كيك طلعته و زينته و جبته لقيت الزفت عماد رجع نام في الكنبة في حتته ناديت ماما اسماء و جينا شربنا الشاي و قعدت اتونست معاها و نسيت الوقت فجاة عاينت لي ساعة الحيطة لقيتها 7:30 يا الله انا ماصليت 😨😨🙈💔و عندي محاضرة الساعة 8 و ما جاهزة زاتو😭🙈💔جري مشيت صليت الله يتقبل بس و لبست العباية الي كنت لابساها امس في المطعم كانت مرمية في طرف السرير و جريت معاها الطرحة سرعة سرعة لفيتها بي بهدلة و شلت شنطتي و نزلت الشارع 😂🙈💔طبعا الشنطة كان لونها برتقالي و انا لابسة عباية تشكيلتها باحمر الشنطة كان شلت فيها يوم الخميس مع عباية تشكيلتها بالبرتقالي ... طبعا نزلت الشارع اكيد حتسالو نزلت الشارع لي ؟؟ و انا بنت ناس و شقة و كدا ... نزلت لانها اول حاجة مستحيل امشي لي ماما في شقتها اقول ليها تعالي و ديني قاعدة اتصل عليها و الزفت عماد شال تلفوني ..تاني حاجة اكيد حتبهدلني و لي تتاخري و و الله ما بتحمل انا ... اهو نزلت اشوف لي مواصلات ايوة صح شقتنا قريبة من الجامعة لكن برضك محتاجة اركب مواصلات ... طبعا الزفت عماد عنده سيارة لكن مستحيييل اقول ليه يوديني حيزلني بيها سنة لي قدام .."ما وقفت كتير جات سيارة و ركبت و صلتني لحد باب الجامعة طبعا بتعرفو مشوار المرثون لحدي كلية الطب"
بس نزلت و حاسبت و انطلق ايها البوكيمون 😂🙈💔 بقيت جارية انطلقت بسرعة البرق الدكتور كريه و ما بدخل و محاضرته مهمه ..و من الجري عبايتي النوع الي بي مكبس المكابس فتحت فمسكتها في يدي و بقفل فيها و لسة جارية .. قمت طقشت في واحد 🙈💔"طبعا اتخلعت و قلت اعوذ بالله لم اتخلع بقول كدا"
قام قال لي بتتعوذي من شنو انت ؟؟ مدام جارية كدا ما تعايني قدامك
قلت ليه اول حاجة انت قلتها مستعجة تاني حاجة طيب انت الما مستعجل ما كان تعاين قدامك ..
قال لي بالله في بنات لسانهم طويل كدا
قلت ليه بالله ابعد عني و

الله ما فاضية ليك خليني الحق محاضرة الزفت الدكتور دا 😭🙈💔"وقمت جارية ولا اعتزرت لحقت المحاضرة لو ما لحقتها بعد دا كلو كان مت 😂🙈💔"
عندنا الليلة محاضرتين التانية الساعة 1 و حاليا الساعة 11 فتحت شنطتي علشان اطلع تلفوني اتذكرت انه ما معاي 😭🙈💔بقيت زهجانة و ما عارفة اعمل شنو ارجع البيت و لا اقعد قمت بقيت ماشة بس ماشة وين لست ادري حيثما اخذتني قدماي اسير "طبعا ما حصل حمت الجامعة بس حدي كليتنا و هي زاتها ما حصل حمتها الليلة من الزهج حمت و لقيت حتات كتير حلوة و اتعرفت على كليات تانية "
الساعة واحدة الا ربع رجعت القاعة قعدت قدام جات قدت جمبي واحدة قامت طلعت تلفونها بعد شوية قالت لي معاك رصيد قلت ليها لا 😑🙈💔"طبعا جواي دا شنو السؤال الغبي دا مثلا حيكون معاي كرت ما نزلته " بعد شوية التفتت على البنت الى ورانا و قالت ليها معاك رصيد البنت قالت ليها ايوة و مدت ليها تلفونها قامت البت الي جمبي شالته و قالت ليها صاحبتي قالت لي اضرب ليها لم تقرب المحاضرة و طلع ما معاي رصيد "طبعا انا بقيت مندهشة البنت ضربت و رجعت للبنت الي ورانا التلفون و بقو بتعرفو على بعض انا شغالة في نفسي بسم الله ما شاء الله الله اكبر ما هذا يا عالم 😂😂🙈💔"بعديها خلص المحاضرة و رجعت البيت ...


انتظروني في الجاي 🙈💜

عالم افتراضي 🖥
"الثالثة"



رجعت البيت و عصافير بطني تزقزق 🙈💔ما بحب اكل الجامعة رجعت على المطبخ على طول لقيت لي شوية فطائر و شوربة عدس سخنتهم و ها قد حان وقت تعبئة الثلاجة 😂🙈💔 "انا عادة هاااادئة و ما بتكلم و الناس بتتمنى تسمع صوتي ولو لمرة .. بس لو في شخص غلط في حقي ما بخليه برد ليه طوالي و لساني طويل ..و لو كنت زهجانه دا شيء ثاني بتكلم باي شيء 😂🙈💔"بعد عبيت ثلاجتي مشيت سلمت على ماما اسماء و منها مشيت غرفتي رميت حاجاتي في الارض و طلعت الايباد حقي ... ايوة انه الزفت عماد اخد مني التلفون ما فارقة معاي بس برضك تلفوني دا انا بحبه شديد ... عندي شبكة يعني راوتر يعني وايفاي في البيت و اصلا لم اكون في البيت بشتغل بالايباد بس علشان ما بقدر اطلع بيه لحجمه و كدا فبشتغل بتلفوني .. طبعا فتحته و فتحت صفحتي في الفيس و عملت بث مباشر "عملت اكسبت لي بابا و ماما ...ماما عشان ماعاوزاها تعرف باني اتشاكلت مع عماد ..و بابا لانه حيزعل لو عرف انه شالو تلفوني مني " السلام عليكم طبعا بعتذر كتييييير كتيييير على الي حصل امبارح طبعا دا الزفت عماد وقف البث لا ما كدا و بس لا كمان اخد تلفوني و ما حيرجعه الا اخر الاسبوع "عملت بث قريب نص ساعة بعدها وقفته و بقيت انطط بين مواقع السوشيال ميديا "بعدها طلعت اللاب تب حقي و جبت الهارد ديسك و بقيت اتفرج ... طبعا انا اوتاكو kpop ... و للي ما بعرفو المصطلحين ديل اوتاكو يعني محب للانمي و kpop يعني محب لكوريا .. ايوة بعرف انه الانمي ياباني لي بحب كوريا يعني مفترض اكون jpop بس يلا طلع كدا 😂🙈💚و ايوة يعني انا كنت في اوكرانيا مفترض تكون ثقافتي غربية و كدا بس لا انا بحب الشرق كتييير 🙈💚بقيت بتفرج على انمي كان يادوبك بديته طبعا انا بتفرج كل التصنيفات بس بحب الرعب اكتر ..كنت بتفرج على انمي حفل الجثث ... بعد خلصت نادتني ماما اسماء عشان اقطر ليها القطرة في عيونها ... و انا قاعدة معاها الباب دق كان زي الساعة 6يعني مع المغرب كدا ...لبست توب و انا اصلا ما بعرف البسه 😂🙈💔و فتحت الباب طلع محمد ولد خالتو منال الي هي اخت ماما.. "محمد دا شهادة عربية قطر و بيقرا صيدلة الجزيرة في سنة رابع ساكن مع ناس عمته بس بيجينا من فترة لي فترة "...سلم علي و دخل .. مشيت جبت ليه الضيافة و كدا و التوب زهجني قمت مشيت غرفتي و قعدت هناك ... محمد بقى بيتونس مع ماما اسماء و لانها ما بتسمع كويس كان برفع صوته و انا بقيت سامعه ونستهم ... قال ليها انه عمار ولد خالو عبد الله حيحول الجزيرة و حيجي يقعد معاها هنا في الشقة "عمار دا برضو واحد شهادة عربية قلت ليكم اخوالي و خالاتي كلهم برة السودان هو بيقرا طب الخرطوم في ثالث و ساكن داخلية و ما مرتاح و دايما بيشكي فشكله خلاص استسلم و حيحول الجزيرة و يجي يسكن معانا ...طبعا الناس دي اشكالها ما بعرفها و لا حصل اتكلمت معاها بس بعرف كل اخبارها من الناس الي بتجي تتونس مع ماما اسماء "طبعا محمد دا عادي بيبيت معانا مرات بس يلا زي الساعة عشرة كدا ماما اسماء نادتني "انا كنت بقرأ و زهجانة ما صدقت طوالي خليتها ولبست عبايتي و طلعت"ايوة يا ماما اسماء
ماما اسماء:ما اكون حميتك من قرايتك يا بتي
لا لا يا ماما العفو يووخ .. قرايت شنو خلصت اصلا
ماما اسماء:ولد خالتك دا دخل استحمى بالله عشاني اعملي ليهو كيكة عزيهو بيها
بس كدا يا ماما عيوني اعمل عشانك احلى كيكة
ماما اسماء:الله يحفظ لي يا بتي
مشيت عملت الكيكة عملت كيكة اسفنجية و غطيتها بالشوكولاه و كتبت عليها بكريمة بيضاء happy time with mama asmaa 🙈💚
و عملت معاها عصير و حليب بارد ... جبتهم ليهم في البلكونة قعت معاهم بقى محمد اسال فيني عن اخباري و عن الجامعة و انا بس شغالة الحمد لله الحمد لله و كاني لا اجيد في الكلمات الاها 😂🙈💔قام قال لي ماما اسماء بتك دي هادئة شديد و الله مافي زيها الايام دي بس ماما اسماء ما سمعته... فبس كدا اكلت سرعة سرعة و رجعت غرفتي طفي النور و شغلت الاب تب و بقيت بحضر في kemi no nawa ... بعد خلص فتحت الاسناب و كانت الساعة زي واحدة كدا عملت الاسناباية اليومية حقتي و نمت ...
صحيت بكرة الصباح صليت الصبح و رجعت نمت علشان ما عندي محاضرة الا الساعة 3 طولاني يعني متطلبات جامعة عربي و انقليزي و كدا .... صحيت مع زمن الفطور لقيت ماما اسماء عاملة ليها قراصة بدمعة و عاملة بيض بالطوة و جايبة ليها طعمية و فول من الدكان و اصلا في جبنة في البيت "طبعا انا بعشق الاكل و بعشق الاكل الي بتعمله ماما اسماء صح في اكلات كدا ما بتنفع معاي لكن في اكلات بالجد بموت فيها بالذات القراصة بالدمعه 🙈💚"رصيت معاها الفطور و جا محمد فطر معانا طلع كان عنده محاضرة واحدة الساعة 7 خلصها وجا راجع طوالي عشان يودي ماما اسماء لمقابلة العيون .. بعد الفطور طوالي ماما اسماء اتجهزت و طلعو .. بقيت في البيت براي غسلت عدة الفطور و رجعت غرفتي شلت الايباد و دخلت kik طبعا بتعرفوه الكيك بس الي بتلقاه

اون لاين بتدردش معاه بغض النظر بتعرفه ولا لا ... لقيت واحد عماني دردشت معاه كدا و بقى شغال لي رسلي لي صورتك رسلي لي صورتك قمت زهجت منه و قلت ليه ما برسلها زعل و طلع ... و انا كمان طلعت و دخلت الفيس لقيت في منشور حلوووو في قروب انمي بقيت بتجنن على الكتب البوست 😂🙈💔"ايوة صح انا في الواقع هادئة لكن في العالم الافتراضي كل الجنون و بالذات في القروبات و كدا ... و بعشق المنتديات 🙈💚"
الساعة 2 قفلت نت و قمت اتجهزت للجامعة حصلت الساعة 3 الا ربع كنت لابسة عباية سوداء سادة و معاها شنطة بيضاء و اسبورت ابيض و طرحة سوداء و ساعة بيضاء .. طبعا اصلا كل عباية عندي معاها شبط او جزمة بنوتية تبعها .. بس انا ما بقدر يعني دي جامعة مكان محترم و مرموق كيف اجي بشبط عالي او جزمة بنوتية كدا فيائما بلبس الاسبورت الابيض او الاسود اصلا هم اتنين بس 😂🙈💔
دخلت المحاضرة وقعدت في البنش الي جمب المكيف على الطرف و اول ما بدت المحاضرة كانت مملة فزهجت ..طلعت ال mb3 حقي "طبعا معظم الحاجات الي في شنطتي ما ليها علاقة بالجامعة و الدراسة 😂🙈💔" و ركبت سماعاتي و بقيت بسمع طبعا بسمع في exo في الاغنية حقت baby don't cray ...اعرفكم بexo دي فرقة كورية بتتكون من 12 فرد بيعملو اغاني و معاها show ...طلعو منهم تلاتة فبقو 9 بس 😢🙈💔 عندهم الاغنية الي رقصت عليها نافورة دبي السنة دي خشو اليوتيوب و شوفها ...🙈💚 ... طبعا الاغاني بقت تتحول تبدا دي و تخلص دي و جات اغنية d.o حقة فلم العربة .. d.o دا الاوبا حقي 🙈💚 دا اسم المغني الاساسي حقهم و الاغنية دي انا بحبها شدييييد فاندمجت معاها و بقيت بغني و نسيت اني في محاضرة و كدا 😂🙈💔 فالدكتور انتبه لي و شاكلني و طردني من المحاضرة بس الحمد لله ما صادر مني الmb3 كنت حاموت كفاية التلفون 😢🙈💔طلعت برة زهجانة و كرهانة حتى نفسي ... قلت خلاص ارجع البيت ... و انا بقطع في مرثون العودة حتى باب الجامعة فاذا بي اسمع بعض الغزل من صبية خلفي .. لم التفت اليهم فاسرعوا في المشي فاسرعت و كلما اسرعو اسرعت ... لغاية ما حصلت باب الجامعة وقفت عشان اشوف لي مواصلات بتمشي بي عند بيتنا ارجع بيها ... بس جو وقفو جمبي و قمت حمرت ليهم فهم لسه بشاغلو فيني و انا خفت منهم شديد ...في اللحظة ديك جا عماد طالع من الجامعة و معاه واحد صاحبه فرحت طبعا و في اللحظة الي عاوزة اناديه فيها ...
يلا استنوني في الفصل الجاي اوريكم حصل شنو 😊🙈💔

كل عام وانتم بـ ٲلف خير, وان شاء دوم بخير 🖤✨

عالم افتراضي 🖥
"الرابعة"


في اللحظة العاوزه اناديه فيها جا هو وسلم على الاولاد الكانو بشاغلو فيني طلعو اصحابه و مستنينه عشان اطلعو مشوار سوا .. طبعا لحظتها اتغظت شديد اصلا كلهم شبه بعض .. طوالي وقفت لي بتاع امجاد و رجعت بيتنا اجرته عديل من الزعلة اجرت مشوار امجاد لي مكان قريب 😂😭🙈💔اصلا انا لم ازعل بعمل اي حاجة و ما بيهمني 😭😭🙈💔"لمن ازعل صعبة" لم رجعت البيت لقيت محمد جاب ماما اسماء و رجع ناس عمته سلمت عليها لقيتها بتجهز في الغدا قلت ليها ماعندي نفس يا ماما اسماء ...
ماما اسماء:الزعلك منو يا بتي؟؟
لا لا مافي زول زعلني بس القراية و كدا تعبانه و عاوزه ارتاح
ماما اسماء:خلاص انقوم ادخل الاكل دا التلاجة لمن تجي تاكلي كلميني
لا لا يا ماما اسماء يووووخ عايني افهميني و لا اقول ليك ... الدنيا فيها شنو اديني اكل طوالي "وقعدت اكلت معاها ماما اسماء دي انا ما بتحمل زعلها 🙈💚"
باقي ايام الاسبوع مرت مملة و كل يوم مفتقده تلفوني اكتر .. لغاية ما جا يوم الخميس .. اخيرا هاتفي الحبيب فلذة كبدي سيعود الي ...
رجعت من الجامعة زي الساعة 5 كنت تعبااانه دخلت غرفتي وجدعت حاجاتي كما العادة و نمت ما صحيت الا بي اذان العشا مخلوعة قمت استحميت و غيرت و اتوضيت و صليت العشا و المغرب .. بعدها طلعت برة على الصالة لقيت عماد يادووووبك جاي ...
اول ما شافني ناداني
عماد:ميرا ... تعالي بالله هنا عندي معاك موضوع"بسم الله اعوذ بالله استغفر الله ...موضوع شنو الي عاوزني فيه الزفت عماد"
ايوة خير في شنو ؟؟بعدين تلفوني وينه ؟؟
عماد:ما دا زاتو العايزك فيه
مالو تلفوني ضيعته اتسرق 😨🙈💔
عماد:لا لا ... تلفون زي حقك دا ما بفرط فيه"طبعا تلفوني s8 جابه لي بابا هدية بمناسبة دخولي الجامعة و كدا يعني يادوووبة ما تم شهر معاي "
طيب ماله و الله يا عماد ما بتحمل اديني تلفوني و ما عاوزة اي موضوع
عماد:من الاخر كدا تلفونك دا ما بديك ليه و الله عجبني و داير اشيله و انت خلي ابوك اجيب ليك واحد تاني قولي ليه ضاع اتسرق اي شي
كيف يعني عماد انت جادي ولا بتهظر عليك الله اديني تلفوني
عماد:عايني التلفون دا انا شلته خلاص
عماد عليك الله انت بتلفونك عنك هواوي p9 تاني عاوز شنو ...
عماد:و الله يا ميرة انا مطالب قروش فحاشيل تلفونك و ابيع تلفوني و اسدد الي علي
يا الله عماد اديني تلفوني ما عاوزة اي مشاكل معاك
عماد:قلت ليك التلفون دا بقى حقي خلاص و اساسا انا شغال بيه الاسبوع دا كله
كيف يعني تلفوني دا مقفول بي بصمة كيف يعني شغال بيه
عماد:فرمطه ياخ دي دايرة ليها اتنين تلاتة اديته لي واحد صحبي مافي شيء بيغلبه
كيف يعني فرمط تلفوني دا تلفوني فاهم يعني شنو
عماد:عليك الله ما تقدينا انا شلت الزفت دا و انتهى انطمي و امشي شوفي ليك شي اعمليه"في اللحظة ديك ماما كانت طالعة في السلالم ماشة شقتها ولم سمعت اصواتنا عالية جاتنا "
ماما:دا شنو يا ميرا بتتشاكل مع خالك مالك دي قلة ادب جديدة؟؟
يا ماما ... يا ماما عماد شال تلفوني و فرمطة كمان
ماما:لي كدا يا عماد ؟؟
عماد:ابوها بصرف بالدولار ياخ خليه اشتري ليها واحد تاني
ماما:مش قبل شهرين طارق اخوي رسل ليك تلفون عاوز بتلفون ميرا شنو ؟؟؟
عماد:مزنوق لي في قروش ياخ و عاوز ابيع تلفوني و اسدد العلي و هي ابوها بجيب ليها بس تقول ليه اتسرق و خلاص
ماما:اسمع يا عماد البت دي حاجة جايبها ليها ابوها ما تهبشها هسي ابوها اقول شنو عننا ... ماكلين حق بته؟؟ .. رجع ليها تلفونها دا هسي و قدامي و تاني ما اسمع حاجة زي دي ..."طبعا عماد بخاف من ماما لانها بتصرف عليةه و لانه باقي اخوالي و خالاتي لم يرسلو ليه بيرسلو ليةه عن طريق حساب ماما يعني عادي ممكن تعاقبة و ما تديه مصروفه "
شلت تلفوني و دخلت غرفتي بعد خليته امسح بصمته و حاجاته منه ...بقيت بقلب فيه لقيت الsd card مافي ...طوالي رجعت ليه و لقيت ماما لسة بتتكلم معاه
عماد ال sd card وين
عماد :و الله ذاكرتك دي ما هينة 64 قيقا و الله صاحبي شافها و عجبتو و اصلا كان عاوز اشتري ليه واحدة فقال لي اديها ليه
كيف يعني ... و صوري و حاجاتي كيف تديها ليه
عماد:ما انا ما غبي فرمطها و اديتها ليه
عماد عماد انت فاهم الsdcard دي بتعني لي شنو ليها اربعة سنة معاي فيها صور و حاجات من اربعة سنة كيف يعني تفرمطها و تديها لي صاحبك
عماد:ما خلاص ياخ اديته و انتهى ولا انت بس دايرة تمعطي قدام امك عشان تشاكلني و كدا
ماما:و الله بالغت يا عماد دا شنو العملته دا و الله تاني اسمع بيك عملت شيء زي دا ما بتمر على خير ...و انت يا ميرا خلاص بكرة بخليه اجيب ليك واحدة جديدة ..

ماعاوزة حاجة ماعاوزه منه بس خليه ابعد مني ولا خالي و لا بعرفه
و رجعت غرفتي و بقيت ببكي 😭🙈💔الذاكرة فيها صور غالية علي فيها صور و ذكريات لي صور صاحبتي سو 😭🙈💔جن سو دي صاحبتي كورية لاقيلتها في اوكرانيا كانت صاحبتي شدييييد و هي السبب الي خلاني احب الكوري ... سو كانت مريضة بسرطان الدم و اتوفت قبل

ثلاثة سنة .. هي كانت صاحبتي الوحيدة و من بعدها ادمنت النت .. هي كانت الي طلعتني من جو العالم الافتراضي و بعد رحيلها ما بس رجعت ليه لا كمان ادمنته...
ما قدرت انوم بقيت بتقلب للصباح لم اذان الصبح اذن جري اتوضيت و صليت ... ابيت اشرب الشاي و ابيت الفطور كمان ... ماما اسماء حنستني كتييير لكن برضو ما رضيت طبعا هي ماما كلمتها بالي عمله عماد ...مع صلاة الجمعة جاتني قالت لي قومي اكوي لي توبي الابيض و ارح معاي الصلاة ... قمت كويت ليها و استحميت و لبست عباية بيضاء و طرحة بيضاء و مشيت معاها ... سبحان الله مزاجي كله اتقلب و روقت ... بعدها مشيت معاها السوق جبنا كم حاجة كدا
رجعت البيت لقيت ماما منتظراني في البيت
ماما:انت طلعتي و مخلية تلفونك في البيت دقيت عليك خمسة مرات ما رديتي
معليش و الله يا ماما مشيت مع ماما اسماء الجامع و بعدها مشينا السوق ما كنتة خاتة في حسابي اننا حنمشي السوق ..
ماما:طيب خلاص يلا ارح الساعة بقت 4
ارح وين ؟؟
ماما :بسم الله مالك يا ميرا الليلة ما الجمعة و النسوان جايني انا مش كلمتك اول امس "اه صح نسيت و الله ... اخر جمعة من كل شهر نسوان الحي بتجمعو في بيت واحدة لزوم جارات و كدا هم و بناتهم ... و الليلة حيتجمعو في بيت ماما "
طوالي مشيت معاها ... لقيت عمو حسن مافي طوالي جدعت عبايتي في الصالة و دخلت المطبخ بقيت بجهز في الكيك و الجاتوه و عملت كعك و مخبوزات بحب الحاجات دي انا شديييد و عشان بحبها اتعلمت عملها كان علمتني ليها خالتو اليزا الي هي زوجة بابا .... انا مسكت شغل المطبخ و ماما كانت بتجهز في البيت و كدا و خلصت بدري و بقت بتجهز في نفسها بتحب الكشخ شديييد ...بقت اخر جييييه 🙈💚
و انا مندمجة في زينة الكيك و كدا فجاة جا عمو حسن داخل المطبخ جايب ليه فواكه و كدا طبعا اتخلعت لمن نطيت و طبعا قلت اعوذ بالله و بقيت خجلانة 🙈💔"اول حاجة عشان انا قلت اعوذ بالله ايوه بقولها عادي بس هو حيفتكر انا بكرهه لانه راجل ماما و كدا ...تاني حاجة عشان انا كنت مطلعة عبايتي ولابسه بنطلون وفنيلة صغيرونات كدا ايوه صح عادي .. بس دي كانت اول مره " هو طوالي خت الحاجات و طلع و سمعته بينادي لي ماما قال ليها انه طالع وامكن اتاخر اجي راجع الساعه واحدة ...
خلصت انا زينتي و ماما لسة ما خلصت تجهيز نفسها ... زي الساعة ستة كدا النسوان ابتدو يجو ...طبعا ماما اسماء كان جات قعدت معانا في بيت ماما ...انا بعد خلصت طوالي سقت دودي اخوي و نزلت مشيت شقتنا و بقيت قاعده معاه و شايله تلفوني برجع في تطبيقاتي الي اتمسحت و نزلت لي تطبيق استعادة ملفات محزوفه لكن رفض اشتغل معاي 😭🙈💔"طبعا الموال حق اللمه دا بيتعمل كل اخر شهر .. لكن انا نهاي ما حصل مشيت ليه طوالي ماما بتحاول تقنعمي امشي .. و الان جاني في بيتنا و مشيت خليته " بس فجاه تلفوني رنه ..


استنوني عشان تعرفو الاتصل منو🙈💚

نحن نقول كلمة " نعم "
رغم الكلمة الأنسب " لا "

ونوافق رغم رفضنا لأشياء لا تناسبنا
نحن نخجل ونستحي ، وهم " لا "

- ‏لماذا تخفي "وجهك"؟!
‏- كي لا يقرأ حزنه أحد.

أنا لكِ ومعك ، احبك حتى مرض الأربعين ضحكة الخمسين وحدة الستين ويأس السبعين ، أنا لك عكّاز الثمانين ، أنا بجانبك إلى أن يقُولوا رحمة الله علينا وأمين💙'

اكسر عظمي و لا تكسر خاطري
عندي 206 عظمه ، بس ما عندي الا خاطر واحد 💔

‏نظراتك العميقة تلك ، إلتفاتاتك البسيطة بين الثانية والأخرى ، الإبتسامات المسروقة في وسط الزُحام ، كل الأشياء التي صدرت منك استقرت في أعماقي مُباشرة ، أتساءل كيف للمرء أن يمحي أثر هذه التفاصيل من داخله بسهولة ؟💙