الواحد تلقاه مواليد 2005-2009 ويقول ليك يا حليل السودان زمان.
ياتو سودان زمان دا.؟ انت حاضر السودان زمان هو.؟

ياخوانا شهر الوقوع في الحب حيخلص ونحنا واقعين في الفلس بس.

أهلاً بنسائم الشتاء، ولا عزاء لمحبي الصيف..

مصر دي نسائم شتاء م فيها من قولت تيت كبس برد شنو ي البرد ادينا فرصة شوية

الطلع هدوم الشتا الفات
ولقاها ما قدرو يجيني بجاي

خبر ارتباطي غير صحيح اشاعة ومحاولة لقطع الارزاق

هتاخد حاجه هتسيب قصادها حاجه،
هتاخد الكارير هتسيب الـ Social life،
هتاخد المناسب هتسيب اللي بتحبه،
هتاخد الـ Risk هتسيب المضمون،
بس خليك جدع ومتبصش ع الحاجه اللي سيبتها،
انت سيبتها عشان تكسب حاجه تانيه أهم، ع الاقل بالنسبالك
،، كل واحد لعبته متفصله عليه بالمللي…
عمر م حد بص في طبق غيره و شبع
اللهم لك الحمد حمدآ مباركآ طيبا علي جميع نعمك و فضلك،

اخدت الكارير والحياة الاجتماعية بقت 0 تواصل مع الناس

انا سوداني وانت سوداني بتكلمني مصري ليه ي انسان ليه بس

ملكش دعوه

صباح الخير اما بعد
الحياة مزاج ما ازعاج

مشحونون بردات فعل
فاتها الوقت المناسب

#مذكرات_زولة_بايرة
بقلم: ريان عبد اللطيف

الجزء 01


انا ريان عبد اللطيف عمري 26 سنه نحن خمسه اخوان من بنات لاولاد انا الفي النص (ملطشه ماف زول حاسي بي) تحتي ولد وبت وفوق لي بت واكبر واحد ولد اتخرجت لي 3سنه درست محاسبه ماليه عاطله ومستنيه سيد النصيب ( لمن يجي بوري القدقد للنمله اضنينها ولبسه حلق منو) علما بانو اختي الاصغر مني متزوجه وعندها تلاته چاركوك صغير... ( وانا لسع بايره) بنات اهلنا كلهم عرسو) وانا لسع بايره ( فضلت انا بس في الحله بايره) الحفلات الفي حلتنا كلها حفلات طهور خلاص بنات الحله كملو... جت عليهن محننات ومدخنات الا أنا ( انا ما معترضه علي قدر الله ولا اي شي لكن حاره والله😂😂وفي ليلتن من ليالي الشتائي الباردتي كنتوو ماشيتن الي الدكان لابسه توب الهزاز و لافه شعري كعكات ورادمه شلوفتي فازلين .. وواذا بي اسمع صوت بقول لبتاع الطبليه طلع لي المفتاح يا محمد سريع الناس دي واقفه راجياني اتلفت لقيت ليك شاب طول بعرض لابس تشيرت ابيض وجينز كحلي شي عجيب شال المفتاح من سيد الطبليه وانا ماشه وبعاين ليهو عايزه اشوف وشو بقدام عفصت لي كيس وساخه قدامي لقيت نفسي راكبه في صندوق البيبسي وبعد دا كلوو ما شفت وشو بتاع الدكان قال لي دايره شنو يا بت عبد اللطيف قلت ليهو اديني بصل بي خمسه كيس زيت وكيلو رز وصلصه و... قبل ما اتم كلامي جاني ضل في ضهري وزول بقول لو سمحت عليك الله سجاير اتلفت لقيت ليك الود القبيل الكان واقف في الطبليه نزلت من صندوق البيبسي براحه وشلت كيسي وباقي الحاجات م شلتها وما دفعت القروش من اللبشه الود سمح سماحة الحرامي السرق الساوند والحفله شغاله 😂😂😂وانا ماشه وبفكر دا ساكن معانا هنا ف حلتنا الجافه دي شويه كدا اسمع ليك صوت بنادي يا ريان.. شعر جلدي كلو قام اتلفت براحه لقيت ليك الود الما بغباني واقف ومبتسم.. جاتني هزه في صدري والكيس الشايلاهو في يدي بقي لي تقيل ختيته ف الوطه في قلبي قلت ليهو يا عيون ريان وحواجبها ( عارف اسمي وكمان مبتسم بعرفني من وين دا الشوكلاته دا 😍 قال لي بتاع الدكان دا ما اديتيهو القروش وباندتك وقعت ومشي 😂😂 خلاني بتلفت زي حاير خلاني فااات رووح... اتاري مع نزلتي ديك باندتي انزلقت ما الشعر ماجغاهو زيت لمن طافح فوق للتوب عاد انا قايله بلاقي واحد زي دا في سري قلت لي كان عارفه نفسي بلاقيك كان لبست اسكيرت وبلوذه وجيت الدكان . اديت بتاع الدكان القروش ومشيت دخلت البيت ...... مرت تلاته يوم ..عندي صحبتي راجلها عازم اصحابو في البيت قالت لي تعالي اشتغلي معاي .. اها قمت من الدقش قشرت ومشيت ليها بدري .. عسي ولعل واحد من اصحاب راجلها يشوفني و.اعرس زيي وزي باقي البنات واتفك من سيرة اها لسه ماف حاجه اها ما ف زول جاك.. والناس الما بتريح دي واتلم ياخ..

اها من وصلت كدا دخلت جوني اولادها الصغار جاريين خالتو ريان جات.. قلت ليهم هيييي خالتو ريان بتاعت فنيلتك.. بعدين انتو متين بقيتو تتكلمو وتجرو انا قبل ايام مش خليتكم بتحبو وبترضعو 😥 جات طالعه صحبتي قالت لي الله اكبر عليك ههههه اها بدينا نجهز كدا قالت لي يا ريان انشا الله تطلعي ليك بواحد من ديل عاد رجال تمام ومرطبين 😉 من الفرحه قرقرت طشت محشي 😂😂😂 ما واعيه بروحي لمن بقت الساعه 3 انتهينا من الغدا ساعة زمن مافي نشوف ليك العربات دي اتردمت جمب الباب .زي التسالي.. .وانا خشمي بقي فاتح مبتسم م قادره ارجعه التقول جابو شيلتي ههههه ...... رصينا الصواني والاكل وكلو بقي جاهز جو سته عايزين يشيلو الاكل جا داخل راجل صحبتي قحه كدا عشان يخشو اها اول ما جو داخلين انا اعاين ساي واتفرج واعزل 😂 واثناء ما انا متنحه اشوف ليك الولد الشفته قبل 3 يوم واقف برا الحوش وبتكلم بالتلفون.. طوالي قبلت عكسه وقلت وواي دا الجابو هنا شنو فجأه جاتني رشا صحبتي قالت لي امشي شوفي الحلا بردت ولا لا وطلعي البارد قلت ليها دقيقه قالت لي دي فرصتك يا عويره قلت ليها الواقف برا دا منو قالت لي دا حسن صاحب أحمد راجلي مالو قلت ليها شفتو قبل كم يوم ف حلتنا قالت لي بري م بعرف عنو شي غير انو صاحب احمد وبتذكر جا حضر عرسنا قالت لي ليه مالو يعني قلت ليها لا لا مافي شي ااها بعد الغدا احمد مقدم حسن ع الباب ونادي رشا عشان يسلم عليها قالت ليهو م تقعد معانا شويه قال ليها ويين ياخ انا ماشي لي الدروشاب وشغال بعد دا كلو قالت ليهو طيب لمن انت ماشي هناك م تسوق معاك صحبتي بالمره هي ساكنه الدروشاب قال ليها جدا ياخ وبالمناسبه الاكل حلو جدا وبس بقي واقف جاتني رشا قومي لقيت ليك عربيه للدروشاب .. قلت ليها عربية شنو قالت لي صاحب احمد لبست سريع وطلعت القي ليك ف وشي سلم علي عادي وركبت ف العربيه وساكتين مافي زول اتكلم فجأه قال لي شكلك دا م غريب علي.. قلت لي اي شبهي كتير.. قلت اتقل عشان م يقول البت خفيفه قال لي بس انا متأكد شفتك ف حته.. قلت لي يمكن قال لي اسمك منو قلت ليهو ريان ضحك قلت ليهو خير مالك قال لي مافي شي انا يا ستي حسن دكتور صيدلان

ي ماسك صيدليه هنا في الدروشاب و قاعد مع عمي.. قلت ليهو تشرفنا وصلت المحطه القبل بيتنا قلت ليهو حانزل هنا قال لي اوك.. ركن كدا نزلت اشوف ليك امي معاها مرتين جايه من بعيد وبتأشر بيدنها وهايجه شكلها ماسكه ليها موضوع محمس ولو شافتني موضوعي مستحمي... تاني انقشطت معاهو قال لي مالك قلت لي الشارع دا فيهو كلاب وديني البهناك ههههه قاعد يضحك نزلني بالشارع التاني ونزلت وجري دخلت البيت واوضتي طوالي يا كافي البلا لا انجزت مع زول لا شال رقمي لا شي تم ع الموضوع دا أربعه شهور وتاني ما صادفته ولا حتي في الحله... يوم بالليل جاتني مكالمه من رقم غريب

يتبع....

اللحظه دي امي جات داخله وانا من الفرحه كنت واقفه في نص السرير امي قالت لي يا بت دا شنو لمن فكرت لنفسي قلت ليها الشبكه 😂😂😂 قال لي انا شكلي ضربت ف وقت ما مناسب حاتصل ليكي تاني قلت ليهو لاااا بصوت عالي.. قال لي شنو.. قلت ليهو اقصد ما مشكله عادي وتبعتها بضحكه ظريفه كدا 😂😂 قال لي تمام يلا تيك كير لمن اتصل عليك تاني.. وبس قفل... وانا بقيت شغاله تيك كير.. يقول لي انا تيك كير .😲.. بس بعد الكلمه دي مشيت شحدت ليك امي قروش وجريت السوق جبت كريم الوش وكريم الجسم والاكياس وزيت الدخان للحبسه... هو القال لي يقول لي تيك كير منو براهووو عشمني... واتجلبطت تمااااام ولبست اكياسي ما قال لي تيك كير خلاص الموضوع بقى جدي.. يا جماعه نكون واقعيين نحن كمان ... وقلت لي امي زغرتي عشان الناس دي تعرف وامي ما فاهمه الموضوع وزغردت ثواني مافي الحله دي كلها كسرت في بيتنا بتبارك 😂😂 صراحه انا ما قايله الموضوع حيتطور قدر دا ...دا كلو كوم والبجو ببكو معاي وبقولو لي عشان صبرتي ربنا نصرك.... 😂😂😂انا جايه من حرب ياخ ولا بلعب في الفريق القومي... اليوم داك عدى وكملت لي امي قروش الصرفه كلهن بالعصير والحلاوه....😂😂 اليوم داك انتهي وحسن ما دق لي واليوم التاني برضو والتالت والرابع اسبوع والود ما دق قمت طوالي شلت تلفوني واتصلت عليهو.. قلت ليهو الوو قال لي أهلين يا ريري ازيك.. ريري😍 بس قلبي دا ددق ددق اشتغل دلوكه.. قلت ليهو وينك مختفي قال لي في البدايه الللففف مبروك رشا قالت لي خطبوك😨... ( في سري سبيت لرشا لجدها العاشر) قلت ليهو لا لا دا العادي بتاعنا اصلا الخطاب كتار ويومي في بيتنا بس انا برفض.😤. قال لي يعني انتي ما اتخطبتي... قلت ليهو يهمك كتير..😊. قال لي لا لا بس بسأل بعدين انتي زوله اختي وصحبتي.. اتمالكت نفسي وقلت ابلعها عشانو.. قلت ليهو تمام... قال لي اتمني انو الناس تكون علي تواصل ونتلاقي.. قلت ليهو متين... قال لي متين وبقي يضحك قلت ليهو امممم قال لي بكرا المسا عندك حاجه قلت ليهو ما عندي قال لي خلاص نتلاقي رايك شنو..... هو انا عندي راي بعد رايك يا تاج راسي 😂😂😂 .. قلت ليهو تماام موافقه.. قال لي يلا تيك كير ...قلت لي ف جواي بي تيك كير دي انت يوم بتغطس حجري.... وقفلت ع كدا

😂😂😂 من الفرحه نجدت مرتبتين لضيوف العرس...

يتبع.....

#مذكرات_زولة_بايرة
بقلم: ريان عبد اللطيف

الجزء 02

ومن تلفوووني رنه اتهجمت ياخ انا لي تلاته سنه ماف زول ضرب لي الساعه 12😂😂💔 من زمن الجامعه آخر يوم تلفوني دق الساعه 12 كان وفاة حبوبتي زينب ولي يوم الليله تاني لمن سماعة تلفوني بنى فيها العنكبوت..💔 وجريت علي التلفون واول ما ختيته ف أضاني الخط فصل.💔. زمان كنت بخت التلفون بعيييد.. جبته ختيته ف الكوبس الجمبي ومشيت سويت لي شاي وجيت حرسته😂💔.. تشوفوني مقنبره في نص السرير تحلفو تقولو برضع✋.. ولا عندي شافع بقوم في سنون مساهر بي😂💔..(. احححي انا يا ريت) ما علينا نرجع لموضوعنا واثناء ما انا منتظره جات أمي ماره.. جاتني قريب لي وشي لمن حوصت قالت لي ريان.. المسهرك ل تلاته صباحا شنو😐 قلت ليها يمه عندي ضرس😢.. اقدر اقول ليها تلفوني دق مشت المطبخ جابت ليها قرنفل وفتيل ريحه وجات كمدتن لي في خشمي😑 وبخت لي تزعطاشر بخه من الريحه خلت خشمي يشطشط نخريني ديل اتنفخن بقن زي (نفق صينية السوق المركزي) 😥خلت دموعي يتشتتن😭... قالت لي يلا نومي كدا بترتاحي ومشت😞 .. بس خليته مشت بهنا مشيت غسلت خشمي واتسوكت خمسه مرات.😅. .اصبحت الصباح نهزتني من سته وانا عين مفتحه وعين مغمضه حسب ما نايمه زي الناس (ما كنت منتظره التلفون) قلت ليهو يمه في شنو الساعه 6 قالت لي قومي النايمه ليها شنو 😈النوم دا كان بنفع كان نفع الكلب😏... قلت ليها يمه دا كلب ودي انا وجريت البطانيه قلت ليها خلينا انوم عليك الله😳.. فجأه أحس ليك بحاجه (صاااااقطه) في اضاني😦 بعد شويه جاتني نقطة مويه فتحت البطانيه بسرعه القي ليك امي كابه في راسي جك مويه ومشت😂 وحسب البطانيه تقيله المويه ما دخلت بسرعه😆..... قمت علي حيلي قلت اصلا الزول ما برتاح إلا في بيتو.. 😅جاتني بالشباك قالت لي بيت شنو يخربك.. البنات كلهن فالحات يا يمه جابن رجال الا انتي يا المنحوسه..😯. خشمي دا بقي أغبااااش وكتفي الشمال بقي يرجف براهو من الغيظ😂..جدعت لي مقشاشتين قالت لي قشي بالاركان.. (انااكنس الساعه 6 وبالاركان ليه ياخ 💔😢 ) بلعب كوره أنا... واثناء ما انا بكنس اسمع ليك زغاريد.😅.. (خير اللهم اجعله خير.. صراحه انا لما اسمع صوت بكا في الحله بقيت افرح جاده والله... انتو ما عارفين اصوات الزغاريد دي بتبهدلني كيف هههه..😂. شغاله اقول يا رب طهور يا رب ولاده يا رب نجاح دكتوراه اي حاجه لكن عرس لا... ) مرقت راسي بالشارع اشوف ليك حنان مرة جيرانا لافحه توبها وماشه... قلت ليها يا حنان الزغاريد دي وين قالت لي دي بت إقبال جابو شيلتها.. قلت ليها بت إقبال منو 😨✋ دقيقه ما تقولي لي الفي سنه سابعه قالت لي آي ... بلعت ريقي وخشمي بقي مررررر... قلت ليها البت دي عمرها 15 😐 قالت لي أغلد منك وحجمها اكبر منك قلت ليها انتي بتقارنيني بيها ليه. ... بتقارنيني بيها لشنوو عايزه تثبتي شنووو انتي قالت لي هي يا ريان يا بتي ما قصدي شي قلت ليها لا قصدك.. الفيكي اتعرفت يا خالتو حنان.. وانا حاشتكيكم لمحكمة الاسره والطفل لانو البت دي قاصر .. 😟 علي كدا قفلت الباب... شلت جردل الفول ومرقت الدكان واخلاقي ف نخرتي.😥.. جا شافع بجمبي مترتر ليهو عجله قال لي خالتو ريان كيفك.. صقعته بالبستله صقعه وحده ما شفت الا غبارو..😑. أمانتآ تقدقد عيونك انا قدر أمك.... اها محجوب سيد الدكان وهو بكب لي الفول شغال لي عارفه يا ريان الزول بعد كدا يبدا يعاين لي مستقبلو ويكون نفسو..😛 طوالي سعدلت توبي قلت لي اها.😍..قال لي ما معقول يومي نحن مع الزباين والزحمه دي والزول يرجع البيت لازم يلقي لي زول مستنيهو يرعاهو يطبطب عليهو😶 بس ابتسمت سنوني ديل انبكشن برا شلوفتي 😀وتاني البدخلن شنو قال لي دايرك تكلمي لي فاطمه جارتكم عندها بت خالته جات معاها يومداك.. قبل م يتم كلامه شلت البستله فرغت الفول كلو في القدره.😂😂.. وقلت لي اديني زبادي.. قال لي مالك في شنو يا هنايه.. قلت لي اديني زبادي (سررررريع سريعععع ) صرخت فيهو😂 وفي سري بقول سريع يا قاسي يا ما بتحس يا ما عندك انسانيه 💔 وشلت الزبادي ومشيت وانا قلبي مكسور... لانو كان نفسي في الفول والله💔💔✋

اها تاني تلفوني دق المره دي ما استنيتو نور زاتو خلي اسمع النغمه هههه قلت الووو قال لي غريبه امس ما تردي والله تردي بالسرعه دي قلت ليهو منو معاي ( بصوت رقيق) قال لي معليش ما بتعرفيني اتلاقينا طول الله اعلم تكوني متزكراني قلت ليهو منو قال لي انا حسن.. قعدت براحه في السرير وحيلي ما شالني قلت احسن اتأكد.😍. قلت ليهو حسن منو قال لي دكتور حسن كان وصلتك من بيت صحبتك رشا لي بيتكم.. بس بقيت ما عارفه اقول شنو قلت اها اتزكرتك قال لي ازيك انتي كويسه قلت ليهو بخير الحمد لله وانت قال لي انا الحمد لله تمام...قال لي طبعا محتاره من وين جبت رقمك... عايزه اقول ليهو اي محتاره والله قلت ليهو آي مبسوطه والله... قاعد يضحك قال لي جبتو من رشا في نفس اليوم الرجعتك فيهو بس انا سافرت لشغل اليوم التاني طوالي وياداب رجعت.. في

رضو انتي طفله... قلت لي ف سري طفله عاقله بالغه ست بيت ومره ونص..... انا كان همي كلو في الموضوع العرس 😂 الزول دا بقول في شنو انا ما عارفه... قال لي من اول يوم شفتك عجبتيني.. بتصرفاتك ورواشتك وضحكتك وخجلك... كلك علي بعضك كدا... حلقي نشف كرررر اتكلت في الكرسي وطقطقت اصابعيني... ما تستغربو قاعد اعمل (ريفريش) لنفسي طولت ما سمعت كلام سمح 😂😂 قال لي حتي توترك دا بحبه... كبيت لي كبايه مويه كربعتها.... وطلبنا الاكل اكلنا واحنا راجعين في الشارع قال لي ع فكره اليوم حلو معاك وعدى بسرعه قلت ليهو وانا مبسوطه اني لاقيتك والله قال لي عارفه يا ريان.. انتي بتشبهي خطيبتي شديد.... بس راسي بقي كبييير حسيت بيهو تقل وجاتني حاجه قويه تقول فنوني بي طوبه... بلعت ليك ريقي تزعطاشر مره وعيني الشمال دي رت رت رجفت بقت بتغمض براها.... قال لي الله يرحمها ويغفر ليها.... بس جوعرت ليك وفكيت البكيه 😭😭😭😭 بكيت بي حرقه قال لي مالك قلت لي ما تقول لي ماتت وابكي واتنجخ واتنفض... التقول بعرفها ( اول مره في حياتي افرح علي موت زول) مسك يدي قال لي عليك الله ما تبكي لو بتعزيني... قلت لي ف سري والله انا بعزك لكن انت ما عارف انا المبكيني شنو 😂😂😂 يعني فرضا انو خطيبتك دي ما كانت ماتت انا كان طرشتك الاكل الاكلناهو دا بنخرينك 😂 اها لمن قربنا نصل قال لي دا شارع الكلاب انزلك بالشارع التاني عارف وقاعد يضحك وعرفت انو حنك الكلاب ما مشي فيهو 😂 عايزه انزل كدا قال لي ريان حاشوفك متين تاني قلت ليهو.ف سري.. هو الشوف دا كم مره اوعدك الشوفه الجايه مدى الحياه... وكان ما جيت بالعافيه شيخ أبكر بجيبك 😂😂 ..قلت ليهو بينا تلفونات ومشيت... ختيت رجلي كدا بدور افتح الباب اتصل قال لي كدا عرفت البيت.... 😍 قلت لي قصدك شنو قال لي بس كنت عايز اعرف بيتكم وعرفته..... انا من الفرحه نزلت الستاير والملايات غسلتهن... عشان الزمن ما يضايقنا ساي يمكن عرسي بعد اسبوع 😂😂😂

يتبع.....

t.me/Tomarket_ai_bot/app?startapp=r-0000Bq1t

Farm TOMATO with me and secure your token allocation through Tomarket.ai!

I've prepared a warm welcome meal just for you! 🍅

Use my link to get 2,000 TOMATO! Limited time offer.