عندها امتحانات

والله حصل😂💛
ربنا يوفقك يرب 💛💛🦋

من وأنا صغير عندي حُب عظيم لمجال التكنلوجيا.
كُنت بقرأ وبشاهد فيديوهات عن تطوير التطبيقات والتعديل عليها، إتعلمت أون لاين ودرست لُغة البرمجة.. وشوية شوية بقيت اصنع تطبيقات ألعاب ما تصلح تتنشر لأنها تافهة وبسيطة وح تكون غير مقيّمة، لمن كنت بسعد جداً والله لأني أنجزت حاجة.
ومع فترة الدراسة وجِرسة الطب، وقفت شوية، لكن أخلي هوايتي؟ اااا وين يااا..
رجعت تاني والمرة دي جبتها كبيرة، فكرت في إسم تطبيق يكون محتواهو جميل بحيث يقدر يفيد الناس ككُل، وطلّت على بالي أصمم تطبيق كتب وروايات يكونوا في واجهة واحدة، بحيث يتيح للمستخدم يتصفح أي كتاب هو عايزو في صفحة واحدة.

اليوم جيت اقول ليكم أنا صممت تطبيق "بوكداد | BOOKDAD" على إسمي طبعاً 😂❤️
وانا مبسوط والله بالإنجاز دا، لأنو أخد من زمني كتير والله، لكن طلعت بحاجة زابطة.

🤙على العموم التطبيق فيهو مميزات جميلة جداً، قول لي كيف؟
التطبيق مقسّم لعدة أقسام، فيهو روايات عربية، روايات سودانية، كتب تنمية بشرية، كتب تطوير الذات، كتب دينية، كتب لغات.
- بتقدر تقرأ بدون ما تحتاج تحمّل أي ملف، ولو عايز تحمِّل فوق في زر تحميل للملف.
- بتقدر تتحكم في حجم صفحة الكتاب أثناء القراءة
- حجم التطبيق صغير جداً فقط 15MB 😌
- التطبيق مناسب لجميع الهواتف واللوحات الإلكترونية 😋


والحاجة الزااابطة العايز اقولها، لو في أي زول بيبحث عن كتاب او رواية معينة وما لاقيها يراسلني عبر التطبيق ،وح يتم إضافتها فورا على التطبيق 💙شفتو كيف😌

رابط تحميل التطبيق بشكل مباشر🔰❤️
https://www.mediafire.com/file/d5lla7l6racq9u8/??????.apk/file

‏أنتَ الذي تُعيدُ الأشياءَ إلى أماكنها..
من يُعِيدُك💛"؟!

متنومو زعلانين🥺
بكرة الطف💛🦋"!

عارفاكم صاحين
وما نمتو لسة
اصلا زهجج..
طبب متقومو تصلو ركعتين😔💛🦋"!

"ما يفسده العالم..
تصلحه سجدة..
مليئة بالحديث مع الله..
ودعوة فى قيام الليل 💛🦋"!

#رحم_الوجع(16)
بقلم سندس مالك

قال لي قولي طيب سامعك؟ قلتا ليهو اوعدني انك حتقيف معاي دايما وما حتخذلني " قلتا ليهو كده لاني بقيت بخاف من الخذلان شدييد بقيت بخاف اخت املي في زولي ويجي يحطمو وبقيت ماقادره اتقبل صدمات في زول "
ابراهيم: سندس انتي بتسألي كده ومتأكده اني معاك في اي وقت وما حاتخلى عنك يوم ولا حاسمح لي. زول ياذيك انتي امانه عندي
- إبراهيم انا بحبك شديد
ابراهيم: يااااه انتي عارفه الكلمه دي انا كنتا مشتاق ليها قدر شنو 😍
- ربنا مايحرمني منمك ويطول في عمرك لي ان شاء الله
ابراهيم: قولي لسه كمان وكمان 😍
- روحي وعمري ودنيتي الحلوه..
ابراهيم : ياخ انا اسعد راجل في الدنيا لانو مرتي اميرة حساسه وجميله
- خلاص ماتخجلني كده وامشي نوم
ابراهيم: يعني بعد الكلام ده ماغيرتي رايك ودايراني انوم هنا
- 😂😂 لا ياحبيبي ماغيرتا رايي واذا انت كنتا بتتغزل عشان كده تعبتا روحك بس يا حبيبي يلا يلا قوم 😂
ابراهيم: قاايم خلاص😒غايتو الله يصبرني بس انا كلمتك كان لقيتيني بالليل هنا اوعك تتخلعي 😌
_ ابراهيم 😱 قصدك شنو، اقوم يعني اطلع انوم بره ولا كيف
ابراهيم: خلاص خلاص كنتا بهظر والله😂 وبعدين انا وعدتك يا حبي يلا انا قايم تصبحي على خير
- تلاقي الخير حبييبي
" نمنا اي زول براهو وكانت اول مره ننوم تحت سقف واحد.. نمتا مطمنه انو ابراهيم ماحيعمل شي من غير رضاي.. نص الليل قمتا اتقلب عايزة مويه وماعارفه اعمل شنو ولا بعرف مطبخهم بي وين قمتا براحه من سريري ومشيت قعدتا جنب ابراهيم لقيتو نااايم في اخر نومه بقيت بتأمل فيهو وفي عيونو ورموشو وملامحو كلها وهو نايم.. بقيت بتذكر زمان في الجامعه لما اقول ليهو بتعمل في شنو ويقول لي عايز انوم ❤ اول مره كانت اشوفو وهو نايم لكن عطشانه شديد ولازم اصحيهو.. بقيت بقول ليهو حبييبي حبييبي وبهبش في شعرو براحه لحدي ماصحى وابتسم..
ابراهيم: حبييبي غيرتي رايك بسرعه كده ولا شنو ماقدرتي تبعدي واحنا في نفس الغرفه
- ابراهيم 😂😂 حيوان كده ليه. انا عطشانه قوم جيب لي مويه اشربها ابراهيم: حبييبتي تأمري انتي
"،قام جاب لي الموية من مطبخهم شربتا منها والباقي ختيتو جنبي وغطيتها ورجعتا سريري رقدتا لحدي ما جا الصبح وابراهيم قام يصلي استحما واتوضا وجا صحاني براحه سندس سندس.. فتحتا وقلتر ليهو صباح الخير قال لي صباح النور الصبح اذن يادوب اذا عليك صلاه قومي اتوضي.. قلتا ليهو حااضر ☺ قايمه هسي وقمتا مشيت استحميت واتوضيت وجيت قعدتا في الكرسي وراهو لقيتو بصلي قبل الصبح ركعتين غير الرقيبه والصبح بعد خلص قال لي نصلي جماعه؟ قلت ليهو اي .. وقف قدامي وبقى امامي وصلينا سوا بعدها اي زول مشى يسبح براهو وانا متعوده انوم بعد الصبح ساعه كده اما ابراهيم مابنوم.. لما صحيت لقيتو لابس وجاهز وبلبس في الساعه قلتا ليهو ابراهيم ماشي وين انت؟ قال لي ماشي الشغل يا سندس الدكان وبعدها ماشي شركة زين كنتا مقدم اوراقي للشغل بشوف البحصل شنو.. اذا عايزة حاجه اديني تلفون بس.. قلتا ليهو طيب الله معاك البيت بهناك فيهو منو؟ قال لي امي واخواتي بشربو في الشاي ابوي ومحمد طلعو قبل نص ساعه كده.. قلتا ليهو طيب حاقوم اشرب معاهم الشاي.. قال لي طيب خلي بالك من نفسك يلا مع السلامه حبيبي وطلع مشى الشغل
لببستا فستان نص كم وتحت الركبه معاهو توب من تياب الشيله كان خفيف ومشترياهو للبيت اصلا.. وكحلتا عيوني وسرحتا شعري كعكه ومشيت ليهم بهناك لقيت ام ابراهيم واختو الكبيره قاعدين في البرنده زي عريشه كده واختو الصغيره جابت الشاي سلمتا عليهم وقلتا ليهم اصبحتو كيف.. امو ردت لي من طرف نخرتها كده، اهلا واختو ما ردت بس عاينت لي وسكتت طنشتهم وسكتا اختو الصغيره جات قعدت جنبي وابتسمت لي قالت لي كيفك ياعروستنا الحلوه قلتا ليها الحمد لله تمام.. قالت لي يومكم كيف ان شاء الله خير في البداية مافهمتا سؤالها وتاني حتى استوعبتا اننا عرسان وقصدها ليلتنا كيف قلتا ليها الحمد لله واتظاهرتا بالخجل امو كانت بتعاين لي جوووه عيوني عشان تشوفني برد كيف.. قالت لي الحمد لله ياعروستنا راجلك طلع بدري ولا شنو؟ قلتا ليها اي والله طلع من الصباح قال عندو شغل كتير راجيهو.. قالت لي الله يعينك ابراهيم ده حياتو كلها شغل اصلوو مابقعد معانا في البيت من يجي يطلع ويدخل اصلا ما بنشوفو كتير من ايام الجامعه والحزب الكان ماسكو الفتره ديك شغلو زياده والله مرات لما بقول ليهو اقعد نفسي اشوفك يااخوي قلتا ليها بكل عفويه تاني ماحتشتاقي ليهو لانو حيقعد في البيت خلاص مش انا جيت قالت لي ايواا 😍 وريتينا يا بت عاد كان قعد يكون عملها ظاهره مرتو التقعدو معانا ونحنا من زمان نحنس فيهو 😂😂 قلتا كلامي وما قصدي شي كان لكن ام ابراهيم فهمت غلط وردت لي طوالي قالت لي ابراهيم ماقعد مع امو الربتو مافي شي بقعدو تاني .. قلتا ليها انا ماقصدي شي اخت ابراهيم الصغيره قرصتني من تحت يعني اسكتي.. طوالي لميت خشمي علي وسكتا بعدها امو واختو قامو وخلو لي الشاي

في وشي كنتا بسأ

ل نفسي انا عملتا شنو؟ اخت ابراهيم الصغيره قالت لي سندس معليش امي كلامها حار بس عايزت افهمك حاجه امي بتريد ابراهيم شديييد وهو كمان متعلق بيها.. لو كنتي عروس عاديه ماكانت حتتحسس منك لانها حتكون واثقه انو ولدها بريدها براها لكن انتي حبيبتو وهو بريدك شدييد وامي شافت حبو ليك في اي حاجه عملها عشانك فطبيعي انها تغير وتخت في راسها انك شلتي ولدها منها وانو بقى عندو حبيبه بحبها اكتر من امو .. امي ما حتخليك وحتعبك كتير واستحملي البتشوفيهو والبتسمعيهو عشان تقدري تستقري مع راجلك والا يا سندس لو ما استحملتي حتلقي نفسك انتي الخسرانه قلتا ليها الله يعيني امك في مقام امي واي شي منها حاقبلو عشان هي ام ابراهيم .. ومشيت لبيتي بهناك شلتا المكنسه وبديت انضف وارش الغرفه لانها كانت من خرسانه ولازم تترشا عشان تبرد ومافي مكيف فيها بس مروحه وحده والصاله كانت من الزنك وفيها سريرين وكرسيين حديد رشيت الارض برضو لانها كانت من خرسانه برضو خليتهم براهم بهناك وبخرتا البيت وبعدها فتحتا الدولاب وبديت اطبق في ملابسي واجهز فيها في ضلفتي مشيت بعد خلصتا لي اختو الصغيره وقلتا ليها ضلفت ابراهيم فيها هدوم بسيطه! قالت لي اي امبارح ما نقلناها كلها تعالي اساعدك ومشت ورتني دولابي بدينا نفضي ليهو من هنا لي هناك وبعد خلصتا من ترتيب دولابو شلتا ملابسو الوسخانه وختيتها في الارض وطويت مرتبة السرير بتاعت البرنده وختيت الطشط ليهو ومليتو هو والجردل وبعدها قعدتا في السرير وبديت اغسل واخت في الجردل وامصر الهدوم و اشرها في الحبل لما جات اختو تناديني للفطور اتخلعت فيني وشاكلتني قالت لي لييه تعملي كده يابت بعدين انتي نسيتي رجلك مامفروض ترهقي روحك وانتي عروس ياسندس غسيل شنو عليك الله قلتا ليها ماتعبتا وخلاص انتهيت بعدين اتسليت شويه.. قالت لي يلا الفطور ختيناهو بعدين انتي لو زهجانه تعالي بهناك احضري في التلفزيون قاعد في الصاله عشان ما تملي من القعاد لما ابراهيم يكون بره.. قلتا ليها طيب ان شاء الله حأجي بهناك لما ازهج ومشيت معاها فطرتا معاهم وما كان في اي جو ونسه بعد خلصتا الفطور رجعتا بيتي طوالي كان عندي باب نص بدخل لي بيتهم وباب شارع براي لما رجعتا قفلتا باب النص وباب الشارع اصلا كان ابراهيم قافلو وشايل معاهو المفتاح قعدتا براي بس فاتحه تلفوني وبتفرج في الفيسبوك لحدي ما الظهر اذن وصليت لقيت ملابس ابراهيم نشفو وما كان في مكوه مشيت تاني بهناك لقيتهم نايمين الا ام ابراهيم قلتا ليها ياخالتو عايزة مكوه اكوي لي ابراهيم ملابسو عاينت لي من طرف وقالت لي المكوه في المطبخ بتاعت فحم.. انا بصراحه مابعرف مكوه الفحم اي صاح مابت عز لكن هدومي بغسلها في الغساله وبكوي بالكهرباء سألتها باستغراب مكوة فحم؟ قالت لي اي بس ماتكون الهانم ما بتعرفها قلتا ليها وانا خايفه منها تفهمني تاني غلط بعرفها بس نسيتها بصراحه.. ادتني نظره بمعنى فهمتك مدلعه عند اهلك ما وحيده عاد انتي.. قالت لي ختي الفحم في النار وافتحي المكوه دخليهو جوه اقفليها كويس وامشي اكوي بيها لما تحسي الفحم برد تعالي سخني الفحم زاتو لحدي ما يبقى رماد قلتا ليها طيب شكرا ومشيت المطبخ كنتا مستغربه ام ابراهيم دي قاسيه كده ليه ! ياخ ابراهيم ده احن زول لاقاني امو دي تقسى كدت كيف على بت يتيمه في الدنيا وبراها.. شلتا المكوه وكانت تقيله شديد مشيت فرشتا الهدوم وبديو اكوي ومكوتها عجيبه 😍كيفتني شديد بعد خلصتا من القمصان لقيت الفحم برد مشيت تاني سخنتو وجيت كويت البناطلين وخلصتا.. ختيتهم لي ابراهيم في السرير ونمتا نومة الضهريه
صحيت العصر برضو صليت ولستحميت جاتني اختو للغداء .. مشيت اتغديت معاهم وقلتا اساعدها عشان مايقولو مابتعمل حاجه دخلتا المطبخ وغسلتا معاها العده ونضفنا وبعدها عملنا شاي وهم قالو مابشربو شلناهو ومشينا بيتي قعدت تتونس معاي قالت لي شفتي ياسندس العرس ده ورطه والله قلتا ليها ليه بتقولي كده ما مرتاحه مع راجلك ولا شنو؟ قالت لي راحة شنو ياحسره كان شفتي عندي حمواات زي العقارب زي حمواتك كده.. قلتا ليها😂😂يابت انتي بتقطعي في امك واختك وبتقولي عقارب😂😂 قالت لي ماحموات لكن في النهايه غايتو زي مابقول ليك العرس ده ورطه غير الايام الاولى و الحفله وايووي يوووي وخلاص مشيتو وشهر العسل الكلو يومين بس ماشهر😂😂وبعدها بتشوفي طيارتك بدت تهبط😂😂 والاجواء السعيده بدت تختفي والراجل زاتو ببدا يوريك فنونو والنسابه بظهروا وشهم الحقيقي والامور الكانت مستتبه بتبقى متتوتره والاحوال بتجوط وتاني لا حبيبي لا حبيبتي.. تاني تشتغلوا ياراجل جيب معاك وليه ماجبتا لي وسويت لي وهو يشتغل ليك اعملي وافعلي واتركي وبقيتي كسلانه😂 ومالك اهملتي روحك ياوليه 😂 وما بتشبهي النسوان كده مالك.. 😂😂 وملكه االجمال الزمان كان شايفها بتبقى الشغاله الفي البيت فجأة سبحان الله😂😂 بقيت بسمع فيها وبضحك ضحكتني من جوه قلبي بطريقة كلامها ومحاكاتها لي العرس كلام ابراهيم في محلو كان بحكي

لي عنها انها الذ

زوله في البيت وانها ظريفه وطيبه كنتا بضحك وبسمع فيها وبنشرب في الشاي بتاعنا.. ونستني وضحكتني وفرقت بي شديد وبقت بتحاكي، لي في حمواتها وحده اسها سميره قالت لي شوفتي ياسندس سميره دي اخت راجلي الكبيره سمييينه شدييد قدر ده 😌 لما تجي ماشه ده التقولي زلزال حاصل وبعد ده بتقارن نفسها بي وتجي تشحدني قميص لما تكون بايتت معانا في بيتي التقولي انا قدرها المره الشحمانه دي قلوا ليها واااي منك😂😂انتي شايله حالها سميره دي قالت لي والله الا تشوفيها قدر شنو وبعد ده قال بتغير مني على اخوها عليك النبي هسي اخوها ده يغيرو عليها في شنو معصعص وزي سلك الاقاشي ناشف كده... قلتا ليها غايتو انتي صعبه شديد😂😂 قالت لي انتي صحي ياسندس ليه ما محننه وعروس عروس كده.. هسي اخوي يعاين لي رجلينك الناشفاات ديل.. قلتا ليها ناشفات😂😂😂 قالت لي اي يعني مافيهم حنه وانتي عروس قلتا ليها ماجاهزه هسي وماعندي نفس للحاجات دي قالت لي وابراهيم؟ قلتا ليها ماعندو مانع وعلى سيرة ابراهيم تلفوني ضرب لقيتو هو قلتا ليها ده اخوك ولد حلال قعدت تغمز لي وتشاغلني .. رديت ليهو قدامها لاني ارتحتا ليها قلتا ليهو هلا حبييبي قال لي السكره كيف؟ قلتا ليهو الحمد لله انت جايي بتين قال لي انا في الباب قلتا ليهو بجد😳 قفلتا منو قلتا ليها ابراهيم جا شالت صينيه الشاي وقالت لي استأذن بعد ده انا وهي طالعه بي باب النص لاقت ابراهيم داخل بي باب الشارع سلمت عليهو ومشت جا ابراهيم داخل لي جوه وانا قاعده في السرير سلم علي وفتح دولابو لقاهو مرتب عاين للسرير لقاني كويت ليهو ملابسو الوسخانه عاين لي باستغراب سندس؟ قلتا ليهو لقيتني ست بيت كيف بالله 😉 ابتسم كده وقال لي ست بيت بس انتي ست الناس يابت 😘 قلتا ليهو راجلي اتغدا ولا لسه قال لي ما اتغديت عايز اخد دوش اول وجاييك عندي لي خبر استنيني بس.. قلتا ليهو خبر شنو؟ قال لي مفاجأه

#تابعوني

رحم الوجع
بقلم سندس مالك
الجزء17
....
قلتا ليهو خلاص استحما وانا بكون حضرتا ليك الغداء في المسافه دي قال لي تمام.. مشيت بهناك لقيت شذى اخت ابراهيم الصغيره بتفرش في الحوش وجايطين حوليها اولاد رغده اختها الكبيره.. جو جاريين لي الولدين وسلموا علي واحد عمرو زي خمسه سنين اسمو احمد والتاني الكبير سبعه سنين اسمو محمد على اخوها قلتا لي شذى عايزه اخت لي ابراهيم الغدا ودخلتا حضرتا ليهو الصينيه وختيت ليهو كسره وملاح ملوخيه ورز وسلطه خضرا زي ما اتغدينا نحنا وجيت شايله الصينيه لحدي ماقربتا على باب النص رجلي البتعتر وجعتني واتلوت ووقعتا بالصينيه في الارض💔😢 صرختا رجلي رجلي وااااي 💔😢 جات شذى جاريه تلحقني وام ابراهيم ورغد كانوا سمعوا صوتي وانا بكورك جوا جاريين لقوني واقعه في الارض والصحانه مكسره وماسكه رجلي مافي وحده فيهم قربت الا شذى كانت بتسأل فيني حصل شنو؟ رجلك مالها! قلتا ليها رجلي 😭 قالت لي اتسندي علي ارفعك عاينتا ليها لقيت امها ورغد واقفين بعيد وبعاينو لي قلتا ليها بقوم براي لأني زعلتا من منظرهم وهم شمتانين فيني ابراهيم جا يشوفني اتاخرتا ليه لقاني واقعه اول مافتح الباب.. قال لي سندس😳في شنو.. شذى سندس مالها 😳 قالت ليهو ماعارفه لقيتها مرميه كده والله عاين للصينيه وهي مرميه قال لي شذى كدي زحي بعيد شويه عشان اشيلها وقام شالني ودخلني جوه بيتنا وفي غرفتنا وشذى جرت جابت الكوريك وبقت بتلم في العده الاتكسرت.. ابراهيم قال لي خلاص اسكتي ماتبكي مافي حاجه حصلت حبيبتي.. قلتا ليهو ابراهيم 😭💔انا عاجزه يا ابراهيم ماحاقدر اعمل حاجه تاني 😭 قال لي سندس اهدي مافي شي هسي انتي ماعاجزه وماتقولي كده تاني .. حاجه عاديه دي الحصلت يلا قشي دموعك دي وارح معاي نخت الغدا سوا تاني قلتا ليهو ابراهيم ماتمشيني انا عارفه اني عاجزه وما حاقدر اكون مره زي النسوان 😭 قال لي سندس ده كلام شنو كمان انتي ست النسوان قلتا ليك خلاص ماتبكي وبعدين يرضيك اكون قاعد جعان كده وما يهمك قلتا ليهو خلاص امشي اكل براك قال لي لا الليله لو ما اكلتا من يدك ما حاكل قلتا ليهو ابراهيم عليك الله خليني قال لي مابخليك اصبري دقيقه ومشى المطبخ ختا كسره وملوخيه في صحن واحد وجا شايلو قعد جنبي في السرير واداني الصحن قال لي يلا بسم الله اول لقمه لإبراهيم من ايد مرتو حبيبتو شلتا الكسره وبقيت بأكل ليهو لقمه لقمه وهو كان مبسوط بعد انتهينا مشى غسل يدو وجاب لي مويه في جك و وجردل فاضي بقى بكب لي وبغسل لي في يديد وانا في السرير بعدها طلع دفق المويه في الحمام وجا قال لي طيب يا ستي انا عندي ليك خبر حلو قلتا ليهو صحي ماقلتا لي في شنو؟ قال لي انا اتوظفتا عند ناس زين مهندس تقنيات الدوام بالمسا والصباح السوق وكده حاقدر اعيشك عيشه تستاهليها احسن من كده قلتا ليهو ابراهيم فرحتني شديييد😍😍انا مبسووطه ليك من جوه قلبي الله يوفقك ويعدلها عليك من اي سكه تلقى الخير قال لي الله على الدعوه الحلوه دي حبييبي
قلتا ليهو انا عندي منو غيرك يا نور العين قال لي طيب امشي اسلم على ناس البيت ماشفتهم الليله واجي اقعد اتونس معاك تمام قلتا ليهو تمام يا ابراهيم انت مش عندك لابتوب بتشتغل بيهو كنتا في الجامعه؟ قال لي اي مالو؟ قلتا ليهو عايزاهو احضر ليهو قال لي والتلفزيون مالو؟ بهناك قلتا ليهو اولاد رغد احمد ومحمد ماسكنو من الصباح وبعدين احسن اكون قاعده هنا قال لي تمام بجيبو ليك وطلع حسيت بيهو عرف في حاجه مشى لي ناس امو وسلم عليهم وقعد امو قالت ليهو ابراهيم بقت كيف؟ قال ليها كويسه سندس يا امي
قالت ليهو كويس طيب يابنات كدي خلوني مع اخوكم ده شويه.. رغد وشذى قالوا ليها حاضر يا امي وخلوهم براهم اتعدلت في قعدتها وقالت لي ابراهيم اسمعني يا ولدي انت من يوم عرفتا البت دي انا كنتا حاسه انها مامناسبه ليك بس سكتا عشان خاطرك ياولدي انت ولد صغير واي بت بتتمناك لزومو شنو تعرس وحده معاقه عشان شفقان عليها انها يتيمه بعدين دي معاقه وحتفضل كده طول عمرها ما حتقدر تعيش معاها..قال ليها امي! ده كلام شنو البتقولي ليهو ده اولا انتي عارفه اني ماعرست سندس شفقه فيها وتانيا سندس مامعاقه وحتى لو كانت كده انا ماحاخليها عشان حاجه زي دي وياريت تاني ماتغلطي فيها يا امي عشان مايحصل بينا زعل قالت ليهو ابراهيم بتتكلم معاي بالاسلوب ده عشان سندس! يعني هسي بقت بتهمك اكتر من امك صاح؟ قال ليها امي هسي ده كلام شنو اكيد ماحتهمني اكتر منك انتي امي وحبيبتي بس عليك الله ما تخبريني بينكم وتحاولي تقارني بينك وبينها عشان انا ما اتعب اكتر يا امي.. قالت ليهو امشي خلاص لمرتك راجياك وقامت على حيلها زهجانه ابراهيم قام وراها وشال اللابتوب من فوق راس الدولاب وجاني في بيتنا
ختاهو لي وقال لي سندس ده الابتوب لو دايره تحضري قلتا ليهو طيب حبييبي بس لاحظتا ليهو مزعوج ومشى رقد في سريرو طوالي قلتا ليهو ابراهيم في حاجه؟ قال لي لالا بس تعبان ومرهق قلتا ليهو طيب ارتاح.. ابو ابراهيم جا داخل البيت ب

عد العشاء وده توقيتو كل يوم قعد مع مرتو وسألها مننا العرسان كيف؟ قالت ليهو عرسان شنو ياحاج قال ليها بسم الله في شنو مالك قالت ليهو مرت ولدك االيله وقعت بصينيه الغدا قال ليها وهي كويسه؟ قالت ليهو اي كويسه هسي ده كل همك قال ليها مالك بتكبري في المواضيع ساي في شنو هسي! قالت ليهو يعني دي صينيه وماقدرت عليها وريني كيف حتقدر تعيش ولدك ولو جابت اولاد منو حتراعيهم كيف اذا هي ماقدرت ترفع صينيه غدا.. قال ليها انتي هسي غضبانه كده عشان بس هي وقعت الصينيه يامره اعقلي عليك الله وبطلي امورك دي وماتنسي البت دي حبيبة ابراهيم وماحيرضى ليك فيها ولا حرف.. قالت ليهو كرهتونا البيت حبيبة ابراهيم وحبيبتو وبعدين بتهتمو بيها اكتر من اللازم انت ومحمد و شذى لما تكبروا ليها راسها وتطلهع لينا فيتو بسببكم قال ليها انتي بتتكلمي كده عشان ده ولدك وبتغيري عليهو بس ماتظلمي بت الناس معاك يامره ربنا بسألك لانها بت يتيمه قالت ليهو ولدي دمر حياتو بس بالعرس ده هو بستاهل وحده احسن من كده وبستاهل بت حلوه وشديييده ولدي سيد الرجال يجيب ست ستها قال ليها عارفين ده كلو بس ولدك ما داير غير البت دي احسن ليك تهدي وتبطلي امورك دي عشان ماتخسري ولدك قالت ليهو كلكم مطلعني غلطانه.. عدى شهر على قعادي معاهم في البيت وايامنا زي بعضها بنتناقش في اقل حاجه وام ابراهيم بتزعل من اي شي بعملوا وابراهيم كان بمشي يراضيها عشان ماتعمل مشكله معاي وبحاول يوقفها عند حدها.. جرحي بدا يبرى شويه وانشغلتا بحياتي الجديده حتى طولتا من اهلي ومن صحباتي وجاتني حياه شغلتني من اي شي في الدنيا.. بعد مرا الشهر وابراهيم على حالو معاي فكرتا انو هو بيستاهل اتغير عشانو و رجلي بقت كويسه وبمشي بيها احسن.. ضربتا لي شذى تلفون وقلتا ليها تعالي لي في بيتي جاتني لقتتي لابسه عبايتي قالت لي مالك في شنو؟ قلتا ليها ارح نمشي السوق الليله شلتا من ابراهيم قروش عايزه اشتري حاجات قالت لي طيب البس عبايتي واجيك نمشي سريع ونجي قبل اذان الضهر عشان راجلي حيرجع الليله بالليل وعايزه اجيب الحنانه قلتا ليها طيب مشينا السوق اشتريت ملابس حلوه للبيت وجينا راجعين مشيت باريتها لحدي ما جهزت نفسها واتحننت وانا اتحننت ورسمتا معاها واتدخنتا زيها وشلتا جسمي كلو و وشي وحواجبي بعدها شذى قالت لي ارح اكوي ليك شعرك يا مرت اخوي قلتا ليها قروشي خلصت والله في السوق قالت لي انتي عويره يابت شعرك ده علي انا دي تعالي معاي المطبخ بس قلتا ليها حتعملي شنو 😳 قالت لي غسلي حنتك وتعالي مشيت معاها المطبخ جابت كرسي قعدتني وشالت مقص ختتو في النار يسخن قلتا ليها انتي عايزه تحرقيني! قالت لي اصبري بس حتشوفي وحتدعي لي معاك انتي قايلانا بنمشي كوافير وكلام كتير وحات الله اي شي بنسويهو برانا حنه وشيل ودخان و ووش الا الرسم الصراحه مابنعرف ليهو عشان كده قلتا ليك جيبي الحنانه ترسم ليك كدي يلا اقسمي لي شعرك ده لكعكات سريع.. قلتا ليها اتوكلتا على الله وسلمتك امري غايتو بصراحه اتخلعتا اول ماخلصت وشفتا روحي بالمرايه لقيت شعري يخلع😍 الليله ابراهيم حيتخلع شدييد.. قلتا ليها تسلمي لي انتي تعالي احضنك وبستها في خدودها الاتنين ومشيت بيتي كنتا مجهزاهو ومبخراهو وبديت اتسرح واتمكيج براي ولبستا فستاني الجبتو من السوق كان سيتان بالابيض من فوق مقفول بي فيونكه من ورا الضهر فاتح وفوق للركبه و من تحت كان كلو تل حسيت اني ساندريلا اتولدت حتى نفسيتي ااتغيرت وحسيت بالراحه والباب دقا😍 قلبي بدا يدق ولابسه شبشبي بتاع البيت كلو بلمع وبتني في رجولي وشعري مسدول على ضهري ابراهيم دخل وبقى بنادي فيني سندس سندس؟ حلفتا ما ارد ليهو الا يدخل الغرفه كنتا ورا الباب دخل لقاها مبخره والسراير ملصقه مع بعض وفي التربيزه في كاستين وجنبهم ورده حمراء و مشروب فينو.. استغرب اكتر وبقى بنادي ياسندس؟ قلتا ليهو نعم ياعيون سندس.. قبل علي والدهشه كانت وااضحه😍
ماعرف يعمل شنو اول ماشافني بقى بعاين لي من فوق لتحت وهو مخلوع قلتا ليهو ابراهيم ماتعاين لي كده وتسكت، قرب علي وبقى بعاين من قريب قال لي انتي حقيقيه! قلتا ليهو لا ملاك. قال لي انتي مرتي سندس الخليتها منكوشه وبي بجامتها الصباح ديك والكان شنبها لحدي حلقها قلتا ليهو ياكلب 😒 شنب اليخنقك بعدين انا مامنكوشه يا حيوان 😒 قال لي سندس دقيقه اناماقادر استوعب حتى صوتك اتغير.. وقعد في طرف السرير من خلعتو قعدتا اضحك فيهو😂😂قلتا ليهو ياحبييبي اتاريك محروم يياخ😂💔 قال لي كدي اصبري ماقادر افهم التغير ده حصل بتين من الصباح لحدي هسي اجي القاك وحده تانيه قلتا ليهو عجبتك؟ قام على حيلو ومسك يدي وقال لي انتي جننتيني يابت ماكنتا متخيل مرتي قمره كده بعدين ده شنو؟ قلتا ليهو ده فينو
قال لي يعني بعد جمالك الدوخني عايزه توديني دنيا تانيه بي فينو ؟ قلتا ليهو ابراهيم😂😂 فينو ده مابسكر وانت عارف بس انا بحبو بالتلج الكتير على فكره انت متغدي؟ قال لي غدا شنو واكل شنو هسي انا ماعايز اشوف اي شي بعد وشك

رحم الوجع
بقلم سندس مالك
الجزء18
.....
صحينا الصباح سوا لقينا الوقت متأخر والضهر قرب قلتا لي ابراهيم الضهر قرب نحنا نمنا كتير والصبح ما صليتو قال لي حبييبي انا صليت الصبح لكن لقيتك نااايمه قلتا اخليك تصحي براك وجيت نمتا اول مره انوم طوالي بعد الصبح تصدقي قلتا ليهو اي شي حيبقى بشبهني في البيت ده قال لي ياريت لو اي شي يبقى زيك ده يوم العيد قومي يلا ياعروسه اتجهزي وصلي وانا حاعمل فطور خفيف لينا تمام😘 قلتا ليهو طيب حبيبي قايمه ومشيت استحميت وصليت الضهر كان اذن لكن كنتا جعانه ونفسي في شاي ابراهيم لقيتو نضف الغرفه وجاب صينية الفطور وختاها وانتظرني لما جيت قال لي عايزه نفطر طوالي ولا نصلي اول قلتا ليهو نفطر لأني جعانه كنتا بتكلم معاه وهو مقبل على الصينيه لحدي ما قربتا منو واتلفت لقاني جنبو لابسه فستان كوبي ليهو حزام من النص بالأبيض ورافعه شعري ومنزله خصل وعامله كحل وقلوس وبدره خفيفه ومتعطره بعطري لانو ماعندي ريحة سودانيه لما شافني ابتسم من الفرحه قال لي حبييبي انتي كل يوم بتبقي احلى من القبلو قلتا ليهو ماتخجلني ياخ قال لي انتي حلوه كده ليه ياخ كل ما اشوفك بحس انو دي اول مره بشوفك فيها تعالي قربي.. قربتا منو شال يديني الاتنين ومسكهم ضماهم بي يدينو الاكبر مني بشوويه وقال لي من اول يوم نزلتي ليهو الجامعه وبقيتي بت كبيره وواعيه كان نفسي تكوني مرتي وما اتمنيت وحده غيرك اصلا ولا يوم ياحبيبتي قلتا ليهو طيب يا حبيبي مرتك حتمووت من الجوع خليها تاكل وبعداك اتفرج فيها زي ماعايز ماهي اصلا حقتك براك.. ضحك وقال لي طيب اتفضلي ياحلوه وانا الحأكلك بنفسي عاينتا للصينيه لقيتو محضر لي جبنة بوك البحبها ونوتيلا وجبنة مضفره وزيتون ومارتديلا وعيش رجيم لأني كنتا بحب العيش ده شدييد و عصير ماذا قلتا ليهو ابراهيم 😍 بتين جبتا الحاجات دي قال لي لما انتي يا استاذه قعدتي سنتين في الحمام قلتا ليهو يا سخيف😒 انا عروسه بعدين طبيعي اقعد في الحمام واجهز روحي عشان حضرتك تتخلع لما تشوف جمالي.. قال لي انتي مالك هسي زعلانه كده 😂😂💔خلاص اسف ياعروستي اقعدي سنيين في الحمام وما حأسألك تاني.. قلتا ليهو اسكت مني يلا قال لي سندس انتي ليه مابتلبسي حجل؟ قلتا ليهو حجل شنو هسي! لبستي دي مامحتاجه اي حجل.. قال لي تتذكري الحجل اللبستيهو اليوم داك في الجامعه؟ قلتا ليهو اي قاعد معاي مالو؟ قال لي وين خاتاهو؟ قلتا ليهو في الرف الفوق قال لي دقيقه طيب.. مشى جاب الحجل وقعد في الارض ورفع رجلي البعتر بيها في رجلينو ولبسني ليهو وقال لي لما لبستيهو في الجامعه عجبني شدييد بس ابيت اظهر ليك كده لأنك لبستيهو للناس كلها حسيت انو دي حاجه بتخصني براي ومامفروض زول يشوفك ليهو غيري بعدين عايني حلو كيف في رجلك الحلوه.. قلتا ليهو ابراهيم ❤انت العيونك حلوه عشان كده بتشوفني حلوه الوقت كلو بجد انا محظوظه بيك والله قام على حيلو وقعد جنبي واكلنا فطورنا ولقمه مني ليهو ولقمه منو لي وبعدها قمنا طلعتا الحجل واتوضيت وصليت وراهو زي كل مره وجيت لبستا الحجل تاني وقعدتا.. ابراهيم كان طالع للشغل وجهز و جا ودعني ومشى، قعدتا شويه كده بحضر في اللابتوب تلفوني ضرب رديت لقيتها دي رندا..
_ حبييبتي والله اشتقتا لييك
رندا: اسكتي يا كلبه ياخاينه انا مش قلتا ليك حتتغيري معاي بعد العرس
_ رندا ما تقولي كده حبييبتي
رندا: مادايره كلام معاك لقيتي ابراهيم ونسيتي الدنيا صحي اللي لقا احبابو نسى اصحابو
_ يا بني بطلي كلامك ده هسي وطمنيني انتي كيفك؟
رندا: يعني هاماك شدييد صح.. اقسم بالله لو ما عشرتنا ما كان جيتك افتحي باب الشارع يا زفته انا بره
_ بره 😍 يعني جيتيني حبييبتي دقايق بس البس توبي وافتح ليك..
" اول ما فتحتا الباب ليها نست الشكله والزعل واخدتني بالاحضان صحبتي سندي البتريدني سلمت علي وابت تفكني من حضنها بتذكر اخر مرت اتلاقينا قبل شهر واخبارنا اتقطعت حتى بالتلفون.. سلمت علي ودخلنا بيتي جوه طبعا هو صغير ومابقدر ادخلها الغرفه قعدتها بره في البرنده بتاعتي وقلتا ليها دقيقه اجيب ليك مويه حبيبتي مشيت بهناك البيت مافيهو غير ام ابراهيم ورغد دخلتا المطبخ لقيت رغد بتعمل في مكرونه بالجبنه قلتا ليها رغد ازيك قالت لي كويسه الحمد لله و سكتت مشيت التلاجه كبيت مويه بارده في كبايه وكبيت مويه بارده عشان اعمل عصير ليمون شلتا ليمونه وقطعتتها رغد كانت بتعاين لي بطرف عينها ولما قطعتها قالت لي انتي عارفه الليمون بقى بكم؟ قلتا ليها بكم؟ قالت لي لو كنتي بتصرفي في البيت ده كان عرفتي قلتا ليها نعم؟ قالت لي ما كل دقيقه تفتحي التلاجه وتشيلي براحتك دي ما تلاجة ابوك.. عاينتا ليها وسكتا وكتمتها جواي كبيت السكر ودموعي في عيوني وشلتا العصير والمويه لي رندا وطبعا لاحظت لي خلقتي اتقلبت قالت لي مالك يابت في شنو قلتا ليها مافي حاجه ودموعي في عيوني.. قالت لي سندس! قلتا ليها مافي شي يارندا انتي اخبارك شنو والحاصل ليك احكي لي؟ قالت لي والله مع الخدمه الوطنيه وج

رجرتها الكتيره قلتا ليها واها مافي عريس؟ قالت لي سندس ده الجيت اقولوا ليك تتذكري صاحب ابراهيم اللاقيتو في عقدك قلتا ليها ايوا ماجد اظنو؟ قالت لي بس ياهو زاتو 😍 طبعا نحنا ربطنا من الوقت داك ياسندس وامورنا ماشه كويسه والحمد لله بنتكلم وبنتعارف على بعض بس عايزه اعرفو اكتر من ابراهيم قلتا ليها ايواا يعني من وراي عايشه حياتك مش قالت لي مش لما تفضي لي انتي بالأول يا استاذه.. كم مره كنتا بدق في رقمك ومابتردي ومرات بتصل على ابراهيم وبكون بره البيت صحي هو كيف يابتي؟ قلتا ليها تمام والله لكن مشغول شديد اغلب الوقت بكون قاعده براي قالت لي ليه بتقعدي براك ياسندس وفي ناس عمك؟ قلتا ليها ماحابه امشي البيت هناك قالت لي طيب ونسابتك؟ قلتا ليها نسابتي ديل خليهم براهم عليك الله قالت لي يعني ما كويسين صح؟ قلتا ليها والله بحاول اتجنبهم قدر ما اقدر لكن لازم تحصل نقاشات و كلامات بعدين ام ابراهيم صعبه يارندا شديييد قالت لي اوعا تكون غلطت معاك؟ قلتا ليها هي ام ابراهيم في الاخر انا ماحاقدر اعمل ليها شي بس ماعارفه هي شاماني كده ليه! قالت لي احتمال بتغير وده شي طبيعي انو ولدها واخر العنقود وكده قلتا ليها طيب دي فهمناها رغد دي مالها ناشفه معاي ومعاملتها سيئه ولازم تعاين لي بعين حقاره بتقتلني من جوه قالت لي سندس خوفتيني عليك حبيبتي قلتا ليها ماتقلقي ابراهيم معاي وفي اي شي بسندني وانا عشانو حاستحمل اي شي والله قالت لي برضو ماتخليك مسكينه عشان اهل ابراهيم مايحقروا بيك يا سندس 😢 ماعايزاهم يأذوك.. قلتا ليها ماتخافي مافي شي بجيني بعدين انا مابخلي زول يغلط معاي ويتمادى.. قالت لي اها وابراهيم علاقتو كويسه معاك بعد العرس ولا اتغير قلتا ليها بالعكس يا رندا العرس حلو بالمناسبه ماتخافي من الحاجه دي وماتقلقي ابراهيم هو زاتو وبالعكس دلعو لي زاد.. عموما انتي عارفه اني ما البت النقناقه ديك والبتجيب الهم والنكد وحتى بعد العرس ماكنتا المره الكعبه الجنها مشاكل بالعكس والله دايما كنتا بحب اهظر واتونس معاهو حتى تصدقي للان ماجبتا ليهو سيره بي حركات امو واختو.. قالت لي طيب شذى موقعها شنو! قلتا ليها شذووويه دي صحبتي الجديده الشالتني منك 😛 قالت لي سندس😡انا كده بغير انتي صحبتي برااي بعدين مافي زول بجي محلي يا بت احسن ليك قلتا ليها انتي منو الزييك يا سكرتي تعالي ابوسك حبييبتي 😘😘 قالت لي والله بحبك شدييد ومابرضى فيك ولا بحب زعلك انتي اختي ياسندس في اي وقت حتلقيني جنبك بعدين انتي قايله ابراهيم براهو البعزك لا ياستي انا بعزك واكتر منو لانك حبيبة قساي.. حضنتها شدييد وحسيت بي ريحة اهلي في رندا من طيبتها وعفويتها وقلبها الابيض حسيت اني عايزت ابكي من غير سبب في حضنها بس مسكتا روحي عشان تطمن علي وماتقلق.. قعدنا اتونسنا وبقت بتحكي لي عن ماجد واخبارو وبعمل شنو وسمعتها وانا مبسوطه الزوله دي مر اتغيرت معاي من عرفتها اربعه سنين وهي على نفس الحال والطيبه
لحدي العصر كده صلينا سوا وكان لازم اخت ليها تتغدا معاي حتى تطلع ما كنتا دايره امشي المطبخ تاني خصوصا بعد السمعتو من رغد شلتا تلفوني ودخلتا الغرفه ضربتا لي ابراهيم قلتا ليهو حبيبي انا دايره قروش ضروري قال لي طيب امشي الدولاب ووصف لي مكان القى القروش وين قلتا لي رندا دقيقت البس ونمشي نتغدا بره هنا جنبنا مطعم بعمل كبسه رههيييبه مره ابراهيم جاب لي منهم قالت لي طيب.. قلتا ليها اي عشان اغير جو من قعدت البيت اتحججتا بي كده عشان ما تتحسس ولبسنا وطلعنا اتغدينا وجيت راجعه فتحتا الباب وقعدتا جوه اقلب في الفيسبوك بتاعي لاقاني بوست كنتا كاتباهو من سنتين " ولما يبدا صباحك بي اعز الناس على قلبك ربنا يخليكم نعمه دايمه حبايب قلبي التلاته " قبلتا على الحيطه بعد قريت البوست وبكييت لاني اتذكرتا اهلي بقيت ببكي وببكي من جوه قلبي لما انهرتا براي.. الوقت داك جا ابراهيم دقا الباب ما قدرتا افتح ليهو فتحو بالمفتاح وجا داخل لقاني ضامه نفسي زي الاطفال ومدمدمه بالتوب وببكي وبعض في يدي.. اتخلع لما شافني كده رمى تلفونو في السرير وجا قعد جنبي وبسأل فيني سندس مالك؟ حصل شنو حبييبي؟ قلتا ليهو ابراهيم اناتعبانه قال لي متعبك شنو حبيبتي كدي قومي تعالي في حضني ضماني وقلتا ليهو اتذكرتهم عرفني قاصده اهلي ضماني بشده وقال لي اهدي ياغاليتي اهدي يا حياتي انتي
+

يتبع.....

رحم الوجع
بقلم سندس مالك
الجزء19
...
بتمر ايامي و اي امبارح بشبه بكره .. بطبعي بنت هادئه وما بتحب تسأل زول وما بحب المشاكل بس اهل ابراهيم بخلو اي بنت تطلع من طورها و كأي يوم ابراهيم طلع من الصباح للشغل الأخد وقتو كلو عشان عايز يصل لوضع معين كان بشتغل وبلم في القروش وما بنبذرها لانو انا وهو متفقين نصل لوضع معين ومن بعدو نقدر نعيش حياتنا بكل راحه .. اهم شي كان عندي انو امتلك بيت يخصنا نحنا براانا وعشان الحاجه البسعى ليها دي فكرتا لي ابراهيم في الاراضي الحكوميه كانت اراضي مقدمه من الحكومه لكل زوجين يعملوا قرعه ويختاروا الفايزين والارض بتطلع بي اسمهم كتبتا اسمي واسم ابراهيم الكان مامقتنع بي حاجه زي دي رغم اني وريتو الفايزين قبل كده وانو الحاجه دي مافيهر خداع بس ماصدقني.. لكن الاراضي كانت بتطلع للمتزوجين بس فقدمتا لي ولي ابراهيم بقسيمتنا وعلى كده مفروض اراقب الجريده بدايه كل اسبوع بيعلنوا الفائز منو.. الاراضي دي طلعت لكتييير من الناس وبي شهادة البحث بتاعتها ليهم يعني تمليك اصلي.. الغرض من العملتو انو انعم بي حياة مريحه وكريمة بس ما اكتر من كده لانو ام ابراهيم كانت كل يوم بتسمعني كلام وانا بسكت وبكتم جواي عشان ابراهيم بس وعشان خاطروا.. يوم كعادتها بتطلع تمشي السوق وبتجي بتطبخ مابتخليني ادخل المطبخ عشان ما عندي حق اشاركها ولأنها شايفاني حاجه بسيطه على ولدها وكل يوم بتسمعني جملة العرس ده جا سرييع ونحنا ما مستعدين ليهو كنا وبتحاول تحسسني اني وحده خفيفه وماصدقت اني عرستا وجيت سريع لبيتهم... بحاول اطنشها دايماً
كنتا قاعده انضف في البيت كلو بخلص من بيتهم وبجي بنضف بيتي لحدي مابقيت نحيفه شدييد وروحي طالعه من التعب.. جات ام ابراهيم ودخلت المطبخ تعمل الاكل بعد خلصتا واستحميت جيت المطبخ سلمتا عليها وقلتا ليها يا امي نفسي اعمل حلا لي ابراهيم بحبو شديد كنتا بعملها في بيتنا وبشيل لي ابراهيم في الجامعه بياكل منها بحبها شديد وكان بطلبها مني طوالي الليله حابه اعملها ليهو لانو من جيت البيت ده ماحصل اكل حاجه من يدي عملتها انا وهسي لينا اربعه شهور متزوجين لو سمحتي ممكن اعمل الحلو؟ قالت لي لا مافي داعي تتعبي روحك وانا شغاله في المطبخ ما في داعي تجوطي لي بعدين انتي رجلك البتعرجي بيها دي مافي داعي تتعبي روحك عشان راجلك ما يجي يلقاك بتعتري ويقول تعبناك.. كتمتا العبره جواي وقلتا ليها انا مابشكي لي ابراهيم عن رجلي ولايوم شكيت ليهو عنها قالت لي ماضروري يحسسك انك معاقه بس هو طبعا اكيد متأزم من انو مرتو مابتقدر تمشي كويس ولا تلبس كعب عالي زي باقي النسوان حتى هو بخجل يطلع معاك حالتك دي والناس يعلقوا عليك لانو ولدي بستاهل وحده احسن من كده وحده كامله وجميله.. لكن اعمل شنو الحمد لله ربنا قدر ليهو كده بس غير الحمد ما حنقول شي.. قلتا ليها ابراهيم بخجل مني؟ قالت لي يعني الا يقول ليك كده مفروض براكي تحسي ليهو ماشايفاهو يطلع ويجيكي بالليل بس.. قلتا ليها الله قدر لي و دي قسمتي اذا ابراهيم ماراضي بقسمتي دي فممكن عادي يتنازل عني ويطلقني.. قالت لي صدقيني لو ماولدي طلقك انا ماحارتاح لاني ما راضيه كلوو كلوو بقعادك معاهو.. سكتا منها ومشيت بيتي بهناك زعلانه ومتوتره ومن جوااي محرووقه من كلامها معاي بس انتظرتا ابراهيم يجي واول ماوصل قلتا ليهو ابراهيم ارح نطلع مادايره اتغدا في البيت ده قال لي سندس بسم الله انا يادوب دخلتا وبعدين مالك في شنو؟ مكشره كده وزهجانه مالك؟ في زول سمعك حاجه قلتا ليهو لا قلتا ليك بس عايزه اطلع.. قال لي سندس في شنو بسأل فيك اتكلمي! قلتا ليهو تعبتا يا ابراهيم من الكلام البسمع ليهو كل يوم وحسيت اني وحده معاقه وعبء عليك فعلا قال لي سندس منو القال كده؟
قلتا ليهو امك كل يوم بتقول لي كده واذا انت خجلان مني عشان كده ما بنطلع وانا محبوسه هنا لما قربتا اكره نفسي من الحبسه اذا انت شايفني وحده مابتشرفك فلو سمحتا طلقني يا ابراهيم قال لي سندس يابت اهدي انا ماقلتا ليك يوم حاجه زي دي بتجيبي الكلام ده من وين انتي؟ قلتا ليهو انت عارف انو امك بتكرهني مافي داعي نتجاهل انها مادايراني ليك وانها مستخسراك علي لو سمحتا يا ابراهيم اذا انت مادايرني ماتشفق علي لاني مامحتاجه شفقتك.. قال لي سندس اقعدي كدي في السرير واهدي قلتا ليهو ما حاهدى ومادايره اسمع حاجه لاني قرفتا من العيشه دي قال لي سندس! قرفتي مني ؟ سكتا شويه لاني كنتا منفعله وبكورك وماواعيه لي نفسي وقلتا ليهو ماقرفتا منك كدي يا ابراهيم اطلع خليني اقعد براي شويه.. طلع وقفل الباب رقد بره في سرير البرنده وانا قعدتا جوه في الغرفه حسيت اني غلطتا بكلامي وانا عارفه ابراهيم شنو وانو هو بحبني قدر شنو رقدتا وفكرتا انو امو بتحاول تطلع الغضب من جواي عشان اظهر انا الغلطانه لانو عارفه ابراهيم ولدها وماحيسيبها وانا حاخسر ابراهيم اذا بقيت بضغط عليهو كده.. طلعتا بره عشان اراضيهو لقيتو نايم بملابسو بتاعت الشغل ومن غير غدا حنيت عليها شد

يييد واتمنيت لو ما كوركتا واتزهجتا ليهو قربتا منو وصحيتو قلتا ليهو ابراهيم قوم اكل وتعال واصل نومتك قال لي خليني انا تعبان ماداير اكل واتقلب علي الحيطه ونام دخلتا الغرفه وقبلتا على الحيطه ونمتا لحدي ما جا الصباح صحيت لقيت ابراهيم بجهز وطالع للشغل قلتا ليهو صباح الخير قال بي صباح النور قلتا ليهو ابراهيم! صباح النور حاف كده من غير حبييبتي ولا اي حاجه؟ قال لي مستعجل يا سندس قمتا ومسكتو من يدو وقلتا ليهو انت زعلتا مني؟ قال لي انتي ماعملتي حاجه بس بتقولي كلام فارغ ماليهو داعي ياسندس قلتا ليهو ابراهيم انت ما مصدقني؟ قال لي تعالي اقعدي ومسك يدي وربت عليها وقال لي مصدقك والله وعارف امي ممكن تسمعك كلام يجرحك وتأذيك بس دي امي ياسندس وقدر ما اتكلمتا معاها مابتسمع كلامي وانتي براك شايفاني ساعي كيف عشان يكون عندنا بيت برانا وبشتغل لليل ونهار عشان اريحك في حياتك واغنيك عن كل حاجه انتي كمان افهمي راجلك وحاولي سانديهو وماتضغطيني اكتر من ضغوطات الحياه البره دي عليك الله حاولي افهميني ياسندس.. قلتا ليهو والله انا عشانك بس بسكت يا ابراهيم ودايما بطنش عشان ما اعمل مشكله واسفه اذا زعلتك امبارح قال لي ما مشكله حصل خير يلا انا طالع قلتا ليهو مع السلامه وطلع بره.. بعد شويه تلفوني ضرب لقيتو ابراهيم قال لي حبييبي قلتا ليهو عارفاك مابتقدر تطلع من غير ماتقولها ياعيوني قول قال لي الليله الساعه خمسه خليك جاهزه اول ما اقول ليك اطلعي تطلعي قلتا ليهو بالجد حنطلع برانا😍قال لي. رايك شنو نسوق ناس البيت كلهم والجيران طبعا ياهبله برانا قلتا ليهو حبييبي حتلقاني جااهزه باذن الله حبييبي انا بس قبل ماتقرب علي وريني قال لي تمام يلا الله يحفظك حبيبتي.. قفلتا منو وانا مبسوووطه قمتا استحميت ونضفتا بيتي وطلعتا ملابسي بختار في فستان يكون حلو وظابط لطلعتنا لاني ماكنتا بحب التياب ولا حصل ابراهيم شافني لابسه توب ومظبطه زي النسوان كان اغلبية لبسي فساتين زي ماكان في الجامعه .. وانا بسرح في شعري تلفوني ضرب تاني لقيتو رقم غريب رديت عليهو. الوو منو معاي؟ قال لي سندس؟ قلتا ليهو نعم منو انت؟ +

يتبع...

رحم الوجع
بقلم سندس مالك
الجزء20
......
قلتا ليهو منو انت لو سمحتو؟ قال لي انا مصطفى من المحليه عايز ابشرك اسمك واسم زوجك ابراهيم طلع مع الفائزين الاسبوع ده الف مبروك طلعت الارض بإسمكم في بحري المؤسسه قلتا ليهو بالجد ماقادره اصدق والله😭 من الفرحه قعدتا في السرير وبكيت من الفرحه ماعرفتا اصدق كيف كلام الراجل وهو بقول لي تعالي المساء وقعوا الاستلام والصباح حنتابع الاجراءات.. قمتا اتجهزتا واتأنقتا شديييد وانا منتظره ابراهيم يجي عشان نطلع وتلفوني رنا رديت تاني لقيتو ابراهيم قال لي يا سكرتي انا بره اطلعي. طلعتا لقيتو سايق عربية محمد ركبتا قدام وسلمتا عليهو قال لي انا عندي خبر حلو قلتا ليهو وانا كمان والله حبييبي عندي خبر حلووو شدييد 😍 قال لي اها قولي السيدات اولاً قلتا ليهو لا ياروحي قول انت وانا بعدك قال لي انتي حامل؟ قلتا ليهو ابراهيم😂😂 بتيين هو !قال لي اي عادي ممكن تكوني كده مالك بتضحكي قلتا ليهو استعجلتا ياروحي لسا بدري على الكلام ده بعدين مفاجأتي ليها علاقه بالبيت قال لي ياتو بيت؟ قلتا ليهو بيتنا الحنجيب ليهو البيبي قال لي بيتنا؟ قلتا ليهو ابراهيم نحنا بقى عندنا ارض في بحري بإسمي وإسمك يعني شويه شويه حنبني بيتنا هناك برانا ونرتاح 😍 وقف العربيه وقال لي سندس انتي بتقولي في شنو قلتا ليهو هسي مفروض نقابل ناس المحليه وبكره حنتابع الاجراءات يا انا يا انت المهم هسي حنوقع على انو الارض بقت تمليك لينا برانا ياحبيبي قال لي سندس 😍 قلتا ليهو مش كلمتك نحنا حنكسب وانت ماصدقتني شوف كلامي طلع صااح كيف وعشان تاني تعرف اني بحس كيف😍 قال لي سندس ماقادر اصدق والله حبييبتي ياخ انتي فرحتيييني شديييد بالخبر ده والله انتي نعمه وجاتني من رب السما انتي قدم الخير علي.. قلتا ليهو وانت حبييبي وسندي وانا ماعندي غيرك يلا وريني انت في شنو؟ قال لي انتي عارفه في حسابنا في البنك بقى في كم؟ قلتا ليهو كم؟ قال لي 20 مليون صافيه بدون ديون ولا مستحقات وان شاءالله حتزيد كل شهر لحدي ما نقدر نبني البيت انا وانتي قلتا ليهو ابراهيم انا مبسوطه شدييد والله وخلينا نتكاتف كده لحدي مانصل للدايرنو وهسي خلينا نمشي المحليه حبيبي ونجي نطلع مشوارنا.. قال لي طيب تمام يلا وفي الطريق كان بحكي لي انو نفسو يبني لي بيت سمح ويكون اساسو سمح واي شي ليهو حلو ومريح وانا نفسو يجيب لي مكيفات ويرحيني وتلاجه ومطبخ يكونو حقيني برااي واقدر اطبخ واعمل الدايراهو في المطبخ برااي وانو نفسو يجيب لينا عربيه ونطلع وننزل برانا براحتنا وانو نفسو يلم قروش كتييره ويسفرني اعمل عمليه لرجلي عشان اقدر امشي زي اول.. كنتا بعاين ليهو وهو بتكلم وعيونو كلها حب وامل وهو مبسوط اتمنيت احلامو دي تتحقق وتعبو ده يلقاهو في الدنيا دي
وصلنا المحليه ووقعنا وقالوا لي ابراهيم بكره تجي عشان نواصل الاجراءات بتاعت الارض.. بعدها طلعنا وكنتا متشوقه ابراهيم حيوديني وين؟ مشينا لمطعم اسمو فينيسيا في الخرطوم جنب شارع النيل المطعم حجز التربيزه فيهو بي خمسين جنيه بدون اي شي وبعداك قعدنا وطلبنا الاكل قلتا لي ابراهيم براحه كده يا ابراهيم المطعم ده غالي شديييد انت جبتنا هنا ليه قال لي مافي حاجه بتغلى عليك يا اغلى مابملك وبعدين من حقك تطلعي لمكان بشبهك ياراقيه كلامو كان كلو بخجل واتبسطتا من جواي انو ابراهيم ما نساني رغم انشغالو.. اتغدينا ولحدي المغرب كنا بنتونس بعدها مشينا شارع النيل لأنو المكان كان في شارع النيل الطابق الفوق بطل علي البحر بعد نزلنا وبقينا نتمشى زي ايام الجامعه..
ابراهيم: سندس تتذكري لما كنا بنتمشى في الغربي؟
- ههه سبحان الله هسي كنتا بتذكر في ايامنا زمان
ابراهيم: كنتا بتتخجلي وبتتبسمي بسبب وبدون سبب كمان
- لانك كنتا بتشاغلني طوالي يا استاذ ومابتخليني في حالي
ابراهيم: يازوله! يعني كنتي بتضايقي مثلا
- لا طبعا كنتا بتبسط لما تشاغلني
ابراهيم: عارف لانو مافي غيري بشاغلك وبعبرك
- بالله😏 ياخ انا كنتا موقفه جامعه السودان على رجل وااحده يا اخوي
ابراهيم: بالله!
- طبعا ما كنتا شايف الناس دي بتشاغلني كيف وبتجارو لما اجي عشان يتعرفو علي وبتشاكلوا في رقمي وما قادرين يصلو لي
ابراهيم : وطبعا عارفه ليه مابصلو ليك يا استاذه؟
- لا ماعارفه والله
ابراهيم: لاني كنتا مفهمهم انك مرتي والبصلك جنى على نفسو براهو
- يعني من زمان بتغير علي؟
ابراهيم: دي ماغيره ده واجب بس لانك بت جيرانا
- ابراهيم 😏 انت غياظ كده ليه؟ مابتعترف انك بتغير علي لييه؟
ابراهيم: 😂😂😂 وانتي بتزعلي وبتكشري طواالي كده لييه
- لانك بتفرسني من جووه يا ثقيل
ابراهيم: سندس
- نعم قول سرييع
ابراهيم: انا برييدك شدييد
- ابراهيم😍 وانا بريييدك اكترر
ابراهيم :تعالي نقعد هنا شويه.. تتذكرري زمان لما نتكلم سوا بقول ليك نفسي نطلع بالليل سوا
- والله ماكنتا متخيله نعرس ونطلع بالليل سوا يا ابراهيم
ابراهيم: الحمد لله
ربنا وفقنا ولمانا سوا حبييبي
" قعدنا وشربنا قهوه وقض

ينا الليل كلوو ونسه وضحك ولحدي مارجعنا البيت كانت الساعه تلاته جات.. ام ابراهيم كانت مساهره وسمعت الباب فتح بالليل عرفتنا كنا بره برانا الوقت ده كلو نمنا وصحينا ابراهيم طلع وانا جاني تلفون من رندا قالت لي انا جايه عليك وجايبه معاي سمك نفطر سوا قلتا ليها تمام ومنتظراك وفي نفس الوقت جات شذى لي ناس امها وقالت ليها الليله ماشه افطر مع سندس وكانت جايبه لي معاها برتقال وفول سوداني وتسالي وجات سلمت علي ولما عرفت رندا قالت لي طيب ننتظرها نفطر سوا وبعداك القهوه علي.. انتظرنا رندا لما جات وفطرنا كلنا وعملنا القهوه والبخور وقعدنا نتونس حكيت ليهم عن الارض بتاعتنا وفرحوا شدييد..
رندا: سندس بعد كده تشدوا حيلكم عشان تبنوها
- ياريت والله الله يسهل علينا بس
شذى: اي والله لازم تباصروا مصروفكم وتلموا وتبدوا بنيان
- والله ياشذى اخوك بعمل كل الفي يدو بس الله يعينو ويسهلها علينا
رندا: اي والله تعبان والحمل كتير عليهو وبقى مضغوط
شذى: انتي ياسندس ممكن تستفيدي من قعادك في البيت وتشتغلي حاجه بدل قاعده ساي تسليك بالمره وتكسبي منها رزق وتساعدي راجلك بيها والله فكره
- حاجه زي شنو يعني؟
رندا: اي والله فكره حلوه شديييد يا سندس شذى معاها حق والله
شذى: اي حاجه انتي بتعرفيها مثلا موهبه او حاجه بتعرفي ليها
- يعني انا مافي راسي فكره لكن
رندا: انتي فنانه ياسندس ممكن ترسمي لوحات وتبيعيها
شذى: ممكن والله
- انتو فايقات الرسم ده داير حاجات كتييره بعدين انا صاح فنانه لكن ماحصل رسمتا رسمات وااو يعني ولا حصل وريت فني لي زول.. رسمي ده كان وقت فراغي بس ما اكتر من كده والله
شذى: صاح كلامك الرسم دلسر مصاريف كتيره من الوان وورق ولوحات وبعدين ما مضمون البيع لانو السودانيين ناادر البشتروا لوحات
رندا: لقيتها انتي بتصممي ياسندس.. انتي بترسمي ازياء خرافيه تتذكري الازيء الكنتي بتوريني ليها في الجامعه الرهيبه دييك.. ممكن تصمممي وتبيعي والله
- رندا اكب ليك فنجان تاني هاك اشربيهو وبطلي احلامك دي عليك الله
شذى: رندا انتي غبيه ولا شنو اذا الرسم قلنا مصروفو كتير حتبقى مصممه من وين بين يوم وليله
رندا: مافي شي بعيد على الله بعدين سندس كان حلمها من زمان تبقى مصممه ازياء قرت مختبرات تلبيه رغبه لي ابوها الله يرحمو
شذى: ياريت والله تصل للدايراهو
- انتو يابنات نسيتو انو ابراهيم مانعني الشغل بره البيت
شذى: طيب نفكر في حاجه في البيت
رندا: لازم نلقى ليك حاجه عشان ماتقعدي كده وتملي
شذى: اي ياسندس بتعرفي شنو انتي وتبهري ليهو؟
- والله زمان كنتا بعمل خبيز وبتفنن في اشكالو في العيد تتذكري يارندا؟
رندا: واااي ده كيف راح من بالي.. ياخ بتعمل خبيز فظييع وبتشكلوا بي طريقه غرييبه بتذكر ناس الجامعه كانوا مخلوعيين فيها وما مصدقين انها بتعملوا براها
شذى: طيب ياغبيه انتي ماقلتي كده من الاول ليه خلاص لقيناها تعملي خبيز وانا اول وحده حاشتري كمان
رندا: وانا تاني وحده حاخد جردل منك
- ربنا يخليكم لي ياخ دايما بتحبوا تفرحوني انتو بحبكم شديييد..
شذى: بس لازم يكون عندك راس مال قوي يا سندس للمواد وللجرادل
رندا: تشيلي من ابراهيم
- يعني حيطمن وهو بسلفني؟
شذى: طبعا هو سندك ولازم يكون معاك في اي شي
رندا: يلا الفرن هديه مني ليك ياصحبتي اها تاني في اعتراض
- رندا ماممكن اقبل منك حاجه زي دي مستحيل
رندا: يابت انتي عبيطه نحنا اخوااات كم مره اقول ليك كده.. وبعدين لو مادايره هديتي اعتبريها دين مني.. وانا اشتغلتا ياسندس وده من مصروفي يعني مافيهر تكاليف بي اي ناحيه والفرن الصغير بي 300 جنيه يعني ولا شي قدامك
- برضو يارندا معليش ماحاكلفك
رندا: سندس اقسم بالله الم حاجاتي واطلع لو ماقبلتي مني مساعدتي دي وحاعتبر انك مابتعامليني زي اختك والبينا صحبه جامعه وانتهت
شذى: سندس البت دي بتريييدك ياخ ماتعامليها كده ماصاح منك
- رندا ياخ ليه تختيني في موقف كده
رندا: موقف شنو يابت ماتكبري الموضوع .. بعدين لما اعرس جيبيهو لي هديه كويس
- خلاص اتفقنا
شذى: تستاهلي انتي يامرت اخوي السمحه ربنا يحفظكم لي بعض.. كدي امشي على ناس امي بهناك اكلمها بعرس ود عم راجلي وطبعا ياسندس انتي حتجي معانا العرس ده بدون اي نقاش لانو اهلنا بسألو من مرت ابراهيم وقالوا ماشافوك للان..
" مشت شذى لناس امها وكلمتهم بالعرس وطبعا امها سألتها اذا عزمتني"
شذى: يا امي سندس لازم تحضر العرس ماشفتي اهلنا بسألوا عنها كيف
ام ابراهيم : والله ما عندي شغله بيها تمشي ولا تقعد المهم ما تباريني ولو مشوا هي وراجلها براااهم
شذى: امي ماتقولي كده هي مرت ولدك في الاخر يا امي
ام ابراهيم: يا بت خليني عليك الله مش عزمتيها من غير اذني تمشي براها مع راجلها
شذى: امي سمح ماتقعدي معاها لو لقيتيها في العرس بس ماتعملوا لينا فضيحه هناك عليييك الله ماتحرجيها قدام الناس
ام ابراهيم: اي طلعوني كعبه انتي واخوك في البيت ده
شذى: ما كعبه حاشاك يا ام محمد بس خفي على البت دي يتيمه