صحيت الصباح وانا مصدعه....نسبه لزعله امبارح والبكي البكيتو.....محتاره في امير ونفسي اعرف مالو....قعدت مع نفسي وراجعتها يمكن سويت شي غلط زعلو.....بس م لقيت احنا لحد اخر لحظه قبل م نعرف بحادث فريد كنا كويسين....جات ف بالي انو شافني انا وماهر لما ضماني عليهو....ايوه انحنا غلطنا....بس اذا هو فعلا شاف ف كان حيجي ويواجهني....بس هو فضل انو يتغير كده ويتجاهلني....التفكير غلبني والصداع كان قوي لدرجه اني شديت شعري بألم.....بعدها قمت وعملت روتيني اليومي....نزلت تحت وانا سامعه صوت ناس....رجعت غرفتي ولبست عبايتي ولفيت الحجاب وطلعت تاني....لقيت ماهر ومعاهو اخواتو وامير وتسابيح وامها وفريد قاعد بالكرسي المتحرك....اتفاجأت لما شفت علا صحبتي....كانو بتونسو وبضحكو....بسبب تسابيج وحكاويها....ابتسمت لا اراديا....يخوانا تسابيح دي كائن لطيف جدا ويتحب من اول مره❤‍🩹....عيني وقعت ع فريد وهو بعاين ل تسابيح بكل حب وهي بتحكي....كان مركز مع حركاتها وهي بتتكلم....ابتسمت وقلت مع نفسي:- ربنا يجبر بخاطرك ويجعلها من نصيبك....في جوز عيون تانيه كانت مركزه عيونها علي امير المره دي....كانت علا صحبتي....ابتسمت تحت تحت....كملت مشي لحد م وصلتهم وسلمت عليهم....حضنت علا وهو بهمس ليها وبقول:- مشتاقين....همست لي هي برضو وقالت:- كتيروالله....ضحكنا مع بعض وبعدها كملت....لما جا دور ماهر....عاينت ليهو وانا لاويه خشمي وكمان بغضب....ابتسم ونزل عيونو....قعدت وبقيت اعاين ليهم واحد واحد....لما عاينت لي امير لقيتو بعاين لي تسابيح....حاولت اكضب عيوني بس هو برضو كان بعاين ليها بنظرات اعجاب....دعيت انو م يحصل شي يفرق بين اخواني....بعدها احنا البنات دخلنا المطبخ واحنا بنتونس وبنحضر الفطور....انتهي موال الفطور والشاي....بعدها كل زول شاف شغلو بوين....تسابيح مشت مع فريد تغير ليهو الشاش....وانا وعلا وامنيه وقطوف اخوات ماهر دخلنا غرفتي نتونس....اما امير وماهر م عرفتهم مشو وين....علي العصر كده الجرس بقي يضرب بطريقه هستيريه....قمت واستاذنت من علا وقطوف....لما قربت ع الباب قلت بصوت عالي:- جاين ي جماعه الصبر....لما فتحت الباب اتفاجأت ب سوزان قدامي....لزتني لورا بعنف وقالت وهي بتصرخ:- انا نفسي اعرف شي واحد بس....انتي احسن مني ف شنو لما ماهر يخليني ويجيك انتي؟....انا احسن منك ف اي حاجه حتي اني احلي منك....كفايه اني بت حلال وجايه بطريقه شرعيه....وانتي؟ انتي شنو انتي بت حرام.... لي تعيشي مبسوطه في حياتك بعد م دمرتي حياتي ودمرتي فرحتي؟....هدت شويه وقالت وهي أنفاسها عاليه:- انا متأكده انو ماهر م عارف انك بت حر*ام...لو كان عارف م كان حيقعد معاك ولا ثانيه....عايز بوحده م معروف اصلها من فصلها شنو؟....لما يسألوهو ويقولو ليهو بت منو يقول شنو؟ ح يقول والله هي بت حرام؟ انتي بتضحكي علي نفسك ولا شنو؟....سكتت لما سمعت صوت ماهر ب وراها وكان معاهو امير....ماهر اتحرك ل عندنا وقال ل سوزان:- انتي جايه تعملي شنو هنا؟.... سوزان عاينت لي من فوق لي تحت وقالت:- جيت ازكرها بحاجه هي كانت ناسياها بس....و اتحركت بعد م قالت كلامها ده....عاينت لي ماهر وانا عيوني مليانه دموع....جريت ل اقرب حمام وقعدت وبقيت ابكي....كلامها كان بزن ف راسي وم راضي يطلع منو....كلمه بت حر* ام كانت بتتردد قدامي....شايفاها ف كل مكان....غمضت عيوني وبقيت ابكي بهستيريا....سمعت صوت ماهر من ورا الباب وهو بقول:- سما اطلعي وفهميني فشنو.. سما انتي سامعاني؟....كنت بس ببكي ودموعي م راضيه تقيف....بقيت ع الحاله ديك ساعه كامله....وماهر بس بتكلم معاي وبواسي فيني حتي من قبل م يعرف السبب....عاينت لي روحي ف المرايه وقلت اني لازم اوريهو....دي حقيقه فعلا انا كنت ناسياها....طلعت بره وماهر مجرد م طلعت جاني بلهفه وقال لي:- انتي كويسه ي سما؟.... عاينت ليهو بحزن وقلت ليهو:- انا عايزه اقول ليك حاجه....حقولها وانا خايفه من رده فعلك بعدين...بس انا لازم اقولها....ماهر قال لي بخوف:- مالك ياخي قولي....سكت مسافه وانا باخد ف نفسي وقلت:- انت عارف عارف انو انا اخت فريد وامير وعارف امي لكين م عارف ابوي....ضحكت وقلت:- تصدق حتي انا م عارفاهو ولا شفتو اي م تستغرب انا م شفتو....انا اخت امير وفريد بطريقه غير شرعيه....يعني انا بت حر**ام...بديت ابكي وقلت:- ف لحظه شيطان امي وابوي غلطو وانا كنت نتيجه الغلطه دي....اكيد استغربت ف الحصل ف المستشفى بس م سألتني من الموضوع....لكين اسي عرفت ديلك اخواني من ابوي....وانت عارف الباقي....رفعت راسي عشان اشوف ردت فعلو لقيتو مصدوم شديد....سكت وبقي يعاين لي بس....سكوتو كان طويل خلي ميه فكره وفكره تجي ف راسي....قلت ليهو وانا فاض بي:- عليك الله م تسكت كده وتعزبني قول حاجه....لو ح تخيليني م حلومك والله ولو عايز ترجع لي سوزان كمان ارجع م حزعل والله....

بالنهايه دي حياتك وانت حتختار شريكه حياتك....سكتني وقال لي:- انتي شريكه حياتي ال انا عايز اكممل كلامها...وسكوتي ده بس عشان اقدر استوعب البتقولي فيهو.....وانا سلفا عارف بالقصه بس بالبدايه م صدقت الحكايه....سما عاينت ليهو ب استغراب وقالت:- كيف يعني عارف ؟... قال لي:- سوزان اللي حكت لي بس انا م صدقتها وقل تاليف منها عشان اخليك....وبعدين الكلمه بتاعت بت حر**ام دي شيليها من بالك....انتي م عندك زنب ف الحصل ولا انا م عندي حق عشان الومك ف حاجه م عندك يد فيها... بالنهايه دي حكمه ربنا هو كاتب تجي كده....وكل حاجه لي خير....ف ناس كتيره جات بالطريقه دي...وحاليا هم مرمين ف الشارع....لكين انتي الحمدلله ربنا رزقك ب اخوان يعوضوك عن كل حاجه حصلت صح؟....وكمان اداك راجل حلو كده زي ولا كيف....قال اخر جمله وهو بيضحك....قلت ليهو وانا لسه ببكي:- يعني م ح تخليني؟.... قال لي وهو بحاكي فيني:- مستحيل ي بكايه😂....مسحت دموعي وانا بضحك وضربتو ف رجلو وقلت:- انا م بكايه وم نسيت الحصل ولسه زعلانه....عاينت ليهو لقيتو مصدوم لويت ليهو خشمي ومشيت مجرد م اتلفت بقيت اضحك فيهو....سمعت صوتو وهو بقول:- ضحكتي انا عارفك ضحكتي....قبلت عليهو وطلعت ليهو لساني وكملت مشي وانا مبتسمه❤‍🩹.


اني اكتفيت بك حضورا وغيابآ، وانتظارا وتعلقا، وامنيه اصعد بها الي السماء لعلها تستجااب❤‍🩹.

______

عند فريد وتسابيح.
بلسان الكاتبه:-

تسابيح كانت ماسكه كتف فريد وبتنظف ليهو ف الجرح....كانت ف مرايه قدام طوالي ف كان فريد بعاين ليها من هناك....كانت مركزه مع الجرح شديد....وكل شويه تسألو وتقول:-قعد يوجعك؟... م كان برد لانو كان مركز ف ملامحها....لما لقت مافي رد عاينت ليهو وقالت:- فريد انا بتكلم معاك....عاين ليها وقال بكل هدوء:- انتي لي سمحه كده؟.... عاينت ليهو ف المرايه وقالت:- اااا....صلحت طرحتها ب ارتباك وكملت:-هي م تتكلم كتير م تشتتني عليك الله....ابتسم ووهو بمسك يدها ويجيبها يقعدها قدامو وقال:- انسينا ف الجرح ونظافتو وخلينا في المهم....قالت وهي بتقوم:- خليني اكمل البعمل فيهو وبعدين قول ال انت عايز تقولو....فريد مسكها تاني وقال:- انتي اصلا خلصتي تاني ف شنو؟... قالت ليهو:- فريد الجرح التاني م نظفتو ياخي....قال ليها وهو بعاين ف عيونها:- انا قلت ليك اقعدي عايز اتكلم معاك ف موضوع مهم...نزلت عيونها منو وقالت:- طيب م تعاين لي بعيونك السمحات ديل....فريد ضحك وقال:- بعاين غصب عني....اخد نفس وكمل وهو بعاين ليها:- يمكن ده م وقت مناسب اتكلم فيهو....ولا دي حاله تخليني اقول الكلام ده....بس انا بقيت م قادر اتحكم ف مشاعري اتجاهك....تسابيح انا بحبك....بحبك؟ لا والله ده كلمه او مصطلح بسيط قدام ال انا بحسو اتجاهك....اخدتي علقي وبقيتي محتله كل تفكيري....خيالك طبيعي ملازمني....انا مجرد م اتزكرك بنسي كل حاجه وبضحك من غير وعي او سبب....انا م حطول عليك بالكلام....اها ي بت الناس تقبلي تبقي مرتي وقره عيني وام اولادي؟....تسابيح عاينت ليهو وهي خجلانه شديد وقالت:- انا لو لفيت الدنيا كلها م حلقي زيك....اي وحده محلي كانت حتقبل وهي مغمضه عيونها....خدت نفس وكملت:- حتي انا بحبك...كيف ومتين والله م عارفه....فريد عاين ليها بفرح وقال:- حتنظريني لحد م ابقي كويس واقيف ع رجولي؟....قالت ليهو:- انتظرك العمر كلو❤‍🩹....بعدها سريع سريع قامت وقالت:- خليني انظف الجرح التاني...بقت تتظف وهي واصله الحد من الفرح....فرحها بسيط قدام فرح فريد بيها كان بعاين ليها وكل مشاعر الحب كانت ف عيونو❤‍🩹.


_مرحبا👋🏻.
_انا أٌحبك ❤‍🩹.
_ مع السلامه 🫶🏻.

____


بلسان امير:-

كنت جاي علي فريد اطمن عليهو....لما وصلت غرفتو سمعت صوت تسابيح....كنت عايز ادخل بس وقفت لما سمعت كلام فريد لي تسابيح....كنت ملاحظ اخر فتره ف تقرب بين فريد وتسابيح....بس انا م ختيت فيها حاجه....فكره انو فريد وتسابيح بحبو بعض كانت بعيده شديد...كانت مستحيل تخطر في بالي....رجعت خطوات لي ورا وانا مكسور....م حقول مخزول لانو الاتنين ما كانو عارفين بمشاعري اتجاها....انا زول كتوم....م بظهر مشاعري لي اي شخص....بحب دائما احتفظ بيها لي نفسي....طلعت برا وانا حاسي الدنيا ضيقه....طلعت وانا ضايع مشتت تفكيري كلو كان في تسابيح وفريد....قلبي كان بيعتصر من الألم....عاينت قدامي بشرود....ف صوت جواي كان بقول:- م تزعل....كل حاجه قسمه ونصيب....الحاجه ال مكتوبه ليك عمرها م حتكون ليك....اتأكد ربنا معاك عالم بحالك وعارفو....زي م اخد منك حيديك....ربنا م حيشقيك الا عشان يرضيك....وم ح يبكيك الا عشان يعوضك....وم ح يأخد منك الا عشان يديك...وربنا بياخد منك حاجه من جهة عشان يديك افراح كتيره من جهة تانيه....وبيبعد عنك ناس انت حبيتهم شديد ....وبقرب منك البليق بيك بس انت عاين حولك وحتشوف....ربنا وحده هو البدبر ليك امرك بحكمته....ارضي بحكمة الله....اصبر واستحمل عشان ربنا يديك احسن

واكتر....واصبر عشان اخوك فريد....عشان م تأثر علي نفسياتو خصوصا فتره الحادث دي....فقدت من شرودي وانا ماخد قرار اني لازم انسي تسابيح لانو هي م لي لي فريد....لازم ارضي بالواقع واتخطي.... انا عارف انو م ساهل....بس عشان فريد....وربي زي م زرع حب تسابيح ف قلبي قادر انو ينزعو💔❤️.

بأي إبداع عميق خلق الله الألم ؟.

_____

[ صباح يوم الجمعه....الساعه..1:55 ظهرا].

بلسان الكاتبه:-

بعد صلاه الجمعه...الكل كان مجتمع....فيهم الحزين بس مبين عكس ذالك...وفي المبسوط شديد وطاير السما بالفرح....بس الحزن م بدوم فتره طويله....كل شخص ف الدنيا....بتجي عليهو فترات حزن....او ابتلاءات.....بس طبعا احنا لازم نكون صبورين عشان نجتاز المحنه دي....الدنيا امتحان صعب واحنا لازم نتجاوزو....في عز قعدتهم وانبساطهم....دخل عليهم محمد اخو سما من ابوها وهو مندفع وقاطع الأجواء الاسريه دي وبقول لي فريد:- انت بقيت نص راجل...ونفسك انت م حتقدر تهتما بيها....ف ما حتقدر تهتم ب سما.... وال بتعمل فيهو ده غلط وسما دي اختنا وم صح تحرمنا منها....سما كانت عايزه تتكلم بس فريد سبقها وقال:- اولا وعليكم السلام....ثانيا من عدم الزوق انك تجي داخل بالطريقه الهمجيه دي من قبل م تضرب الباب او الجرس....وبعدين اتفضل اقعد....محمد قال:- انا ما جاي اقعد واتونس وبتاع انا عايز سما بس....فريد عاين لي امير....امير فهم نظراتو ووقف قدام محمد وجراهو وقال ليهو:- ي حبيبنا كدي استهدا بالله واقعد كدي عشان نتفاهم....بالفعل محمد قعد...فريد عاين لي سما وقال:- سما انا حسالك كم سؤال تمام؟... سما هزت راسها ب استغراب وسكتت...فريد كمل كلامو وقال:- سما حصل انا وامير قصرنا معاك؟... سما هزت راسها وقالت:- لا طبعا....فريد قال:- طيب انتي مضايقه من وجودك معانا؟.... سما استغرابها ذاد ف قالت لي فريد:- فريد دي شنو الاسئله دي؟....فريد عاين ليها وهز راسو من سكات...سما كملت:- لا طبعا م مضايقه.... قال ليها:- طيب انتي عايزه تمشي مع اخوك محمد؟ بالنهايه انتي اختهم وم ح احرمك منهم.... سما قالت وهي بتعاين بقرف لي محمد:- انا مستحيل امشي معاه ولا عايزاهم وانا قلتها قبل كده غير فريد وامير م عندي اخوان تاني....فريد عاين لي محمد وقال:- تمام انت حاليا سمعت رد اختك....وهي م عايزه تمشي معاك وردها واضح....ف انت م حتاخدها بالغصب مننا طالما هي مرتاحن معانا....وانا طول م عايش وفيني نفس م حقصر من اختي في حاجه....انا قبل م اعتبرها اختي اعتبرتها بتي....واعتقد مافي ابو بقصر ف حق بتو....ولو انا عاجز عن المشي اخوها امير معاها برضو....قاطعو ماهر وهو بقول:- م تنساني انا اللي حبقي راجلها ف المستقبل القريب جدا...وانا طبعا حختها ف عيوني وم ححوجها لي....اعتقد سما تلاته رجال واقفين قدامها فما تخاف عليها....واي وقت انت عايز تشوفها وتسلم عليها حبابك عشره البيت بابو مفتوح ليكم ف اي وقت....محمد عاين لي فريد وامير وماهر وقال لي روحو:- م تجازف القروش تطير....والله ديك يفرموك عادي م عندهم مشكله... م تنسي العملو اخوك اشرف ممكن ف اي لحظه يرموكم في السجن....اتحمحم وقام ع حيلو وهو بقول:- طيب ي جماعه ظاهر انو واقفين قدامها رجال يحموها...م عندي كلام اقولو بعد كلامكم....ووقت م عايزين نشوفها حنجي ووقت هي عايزه تجينا كمان خليها تجي....سما قالت تحت تحت:- م اعتقد حيجي يوم واكون عايزه اشوفكم والله...محمد سمحها بس كتم غيظو جوا حنانو وبعدها استأذن وطلع.


اقتباسه:-

ومرةً في العمر ، يقف الانسان بجوار أحدهم ولا يود التحرك حتى لو فاته العالم❤‍🩹.

يتبع....

*فتاة_ذابلة
بقلم المبدعين سارة و عبير و لمياء و صديق
(٢٩ )

بلسان الكاتب
في اتنين واقفين بتناقشو واحد مسيطر على الحوار و بهدد في التاني و التاني ظاهر عليه خايف شديد من الزول المعاه الاول بتلكم بصوت عالي انا داير قروشي ما بعرف تتصرف و تجيب لي القروش من تحت الارض ان شاء الله تسرق لو ما جبتها انت العارف البحصل عليك شنو ولا نذكرك بالحصل لي ابوك التاني ظهرت على ملامح وشو خوف شديد بعد الجمله دي و هو بعاين لي تحت و هو برجف من الزول و بتذكر في الحصل لي ابوه كيف مات بسببو .
الاول هو رئيس شركة عقارات كبيرة و تخصص مزارع بس المزارع دي بتكون مزروعة بنقو و هو بيشتري المزراع بعد ما يغصب الفلاح على البيع بالقوة و ببيع الارضي بعد استهلاكها لي الأغنياء على شكل مزارع صغيرة لي العطل و الاستراحه اسمو الزين و اسمو معروف بين تجار البنقو و الاغنياء هو عندو مشكلة مع ابو محمد و اشرف زمان وقت ابوهم كان غنيان كان بيتعامل معه و ابو محمد كان بيجيب ليه الناس الاغنياء ديل و بشيل منو عمولة بس ابو محمد كان خسيس شديد و كان بسرق من الزين بالدس بس وقت عرفو اكتشف انو سرق منو مبلغ كبير فقرر يقتلو سريع بس بعد يرجع قروشو .
ابو محمد كان ضيع القروش المعاه كلها شراب خمرة. و نسوان و كان بتعرف على زوجات الاغنياء و زي ايمان ام امير و فريد وقت الزين عرف انو ابو محمد ما عندو قروش قام خطفو هو و محمد و اشرف و ختاهم في مزرعه و جاء اتكلم معاهم و قال لي ابو محمد لازم تدفع ولا بحرقك انت و اولادك الوقت داك كان ابو محمد سكران فما فهم حاجة محمد كان خريج جديد من الجامعه و دارس قانون و اشرف كان في سنه اولى جامعه و قاري تقنية معلومات ابو محمد بتكلم كلام ما مفهوم و بينبذ في الزين طبعا الزين زهج منو و قام حرقو قدام اولادو لانو عرف انو محمد كان بساعد ابوه و بذور ليه الورق حق المزارع و كانو ببيعو المزرعه لي اكتر من زول خارج البلاد دا بدون انهم كانو بسرقو منو قروش كتيرة باكتر من طريقه الزين لانو ببيع بنقو كان محتاج يبيض قروشو فكان بيشتري بيها عقارات و يبيعها و محمد و ابوه كانو بيبيعو ليه اوراق عقارت مزورة شغلهم كان متقن بس بسبب انو ابو محمد كان سكير شديد فكان مرات بحكي الخطط لي النسوان البشرب معاهم فمرة سمعو واحد و كلم الزين فلم الزين راجع الحسابات و الاوراق عن محامي أكتشف انها كلها مزورة غضب شديد و حرق ابو محمد حي في المزرعه و قرر يخلي محمد و اشرف يعوضو بدل ابوهم السرق منو مبلغ كبير .
بعد الزين ما حرق ابو محمد قال ليهم اسمعوني انتو. من اسي بقيتو سلعه في يدي ولازم تدفعو دين ابوكم او تموتو زيو محمد انت حتزور لينا ورق العقارات و اشرف حيبيع لينا النقو و يجيب ناس تشتري العقارات محمد و اشرف خافو من الزين شديد و بقو يشتغلو معاه و يدفعو لي الان ليهم خمسه سنه شغالين محمد بقى محامي عقارت معروف لكن ما عرفو انها مزورة لانو ببيع لي المغتربين بس و بهوية مزوره و ماف زول عارفو و اشرف اكبر موزع بنقو معروف بين الشباب بالباشا و صاحب السعادة و اشرف كان ببيع اكتر من نوع من المخدرات في مناطق كتيرة و عندو موزعين و مراكز توزيع كلها في الخفاء .
الزول التاني الواقف مع الزين دا هو محمد و الزين بهدد فيه عشان طول ما دفع ليه و الحركة دي اسمها فركة ودان عشان محمد يخاف و يدفع ليه القروش اللسه ما خلصت و الزين عاوز يقلع بيت ناس محمد لانهم اتخرو في الدفع و بيت ناس محمد عاجب الزين شديد و من زمان وهو منتظر الفرصه دي و حاليا جاتو على طبق من ذهب نخلي الحوار هنا .
______
بلسان اشرف
بعد العملوهو فيني فريد وماهر حتصدقو لو قلتا ليكم انا يومين كاملين قاااعد مربط في حتتي ديك ولمن حيلي اتهد من الجوع والعطش بس فجااءة فتحتا عيوني لقيت محمد واقف قداامي ماحتصدقو كمية الفرحه الانا فرحتهاا وقتهاا محمد دا وهو بعاااين لحالتي دي قال لي ما حاسامح العمل فيك كداا ورجعناا البيت امي حضنتي مساااافة وهي بتبكي وبعدها خلوني اغير وامي جابت لي اكل وعصاير بقيت اكل زي المجنون وبشرب لغاااية مابطني اتنفخت رقدتا تحت المكيف ونمتا وانا مبتسم مامصدق اني اخيرا رجعتا البيت واني حاليا في غرفتي ونايم وانا شبعان ومرتاااح لمن صحيت لقيت محمد قاعد بعاين لي قال لي من قبييل منتظرك تصحى اقعد احكي لي الوصلك للمرحلة دي شنو قلتا ليهو انت لقيتني كيف قال لي انت ليه دايما بتنسى انو اخوك رجل قانون المهم احكي حكيت ليهو من اتصال فريد ومقلبهم العملوهو فيني قال لي انت عاارف انو في نفس يوم اختفاءك دا بالليل فريد عمل حادث وهو اسي في المستشفى حقك اتاخد بدون ما اي زول فينا يدخل طبعا فرحتا وقلتا ليهو مات؟ قال لي ماعارف والله بسأل منو بعدهاا بكم يوم محمد جا راجع البيت وظاهر عليهو خايف قلتا ليهو الحصل شنو قال لي فريد اتشلا وسماا ابت تجي معاي البيت وفوق دا كلو كمااان لاقيت الزين مما قال الزين انا زاتي بقيت ارجف قال لي حيشيل بيتناا قلتا ليهو ونحنا حنقعد وين محمد قال لي

انا في فكرة في راسي والله بس عايزه تظبيط ووقتها حنقدر نتخلص من دينا في نفس الوقت نحنا حنشيل قروش قلتا ليهو فكرتك شنو قال لي قلتا ليك عايزه تظبيط
_____
على لسان فريد:-
القعده في الكرسي بالجد ما حاجه حلوة ابداا انا مامعترض على حكمة ربناا بقيت ماقادر امشي الشركه لو في اي ورق او ملفات انا لازم اشوفها امير بجيبها لي في البيت وهو بهتم بلامور الماليه ما بعرف للادارة فكنا محتاجين لزول يدير الشركه لغاااية ما انا ارجع امير قال لي انو دي مسؤولية كبيره وانو مابنقدر نثق في اي زول قلتا ليهو معاك حق بس مابنقدر نخلي الشركه بدون ادارة قال لي الموضوع برجع ليك حاولتا اتكلم معاهو في موضوع امي عشان يصالحهاا وكداا بس هو مما اجيب ليهو السيره طوالي بتهرب
____
على لسان ماهر:-
ناس شركة التأمين ديل بحبو المماطله زي عيونهم يعني انا بطلع ليهم من صباااح الرحمن يقولو لي لسه لسه جيب الاوراق الفلانيه ومافي شبكه وماحسبنا المساحه في النهاية خليتهم بقيت ماقعد امشي ليهم مشيت محل المعرض بتااعي تلفوني دقا كانت سماا رديت عليهاا قالت لي وينك قلتا ليها في المعرض قالت لي ما عملو شي صح قلتا ليها لا والله حتى ماجو شافو زهجتا منهم انا تاني ماحامشي ليهم ومابقدر اشتري واحد جديد اساسا خلااص انا فقدتاا الامل قالت لي ماتقول كداا حتنجح ياماهر قلتا ليها من وقت كنتا صغير وانا بقول حانجح وزي ما شايفه كل ما اقول خلاص قربتاا ووصلتا القمة يحصل شي يرميني الارض شكلي كدا ما حانجح قالت لي ماعهدتك متشائم انت رسام موهوب حاول قلتا ليها حتى لو عايز احاول كل حاجاتي حقت الرسم اتحرقت قالت لي مش كان فريد قال لي في عرض في باريس وعلى اساس انت حتشارك فيهو قلتا ليها دا قبل ما المعرض يتحرق قالت لي حتشااارك احسن مما اكلم ليك فريد لو عرف حتلقى نفسك في المعرض بس بقيت اضحك قلتا ليها خلاص بفكر قالت لي ماتفكر حاول انجز وانا معاك 💜 قلتا ليها انتي معاااي قالت لي اي معاك قلتا ليها معناها كل الامور حتهون لو كداا 💜
____
على لسان الكاتبة:-
كلهم قااااعدين في البيت بتونسو الباب دقاا مشا امير عشان يفتح الباب لقاها امو قال ليها امي...



نهاية الحلقه التاسعه والعشرون
قراءة ممتعه💜🥀

*فتاة ذابلة🥀*
*#بقلم المبدعين سارة وعبير ولمياء وصديق*

(30)

على لسان فريد:-
جية ايمان فاجاءتني الصراحه بقينا نعاين ليهاا قلتا ليها خير قالت لي جيت اطمن عليك ياولدي بقيت كيف قلتا ليها كوويس الحمدلله قالت لي والله يافريد بعد ما امير طلع البيت بقاا لي كئيب مابقدر اقعد فيهو برااي عليك الله يا اولادي خلونا نرجع تعالو معااي انت وامير لسه مكانكم محفوظ في البيت قلتا ليها انا وامير طيب وسما؟ قالت لي دي مافي داعي ليهاا امير قال ليهاا اذا متوقعه نتعامل معاك عااادي ونرجع معاك البيت فانتي بتحلمي يا امي واذا لسه بقول ليك امي فدا بسبب التعويده ما اكترر قالت لينا طيب انا عايزه اطمن على فريد عايزاهو يتعالج قدام عيوني لغاااية مايمشي على رجلينو ماتحرموني من الحاجع دي امير عاين لي وقال لي انت لسه حتسمعها؟ عاينت لينا وقالت طيب حاجي كل فترة واطمن عليك ومشت عاينتا لامير قلتا ليهو ماتنسى انو دي امك وانو شالتك9شهور وانو الاسلااام وصانا عليهاا امير ضحك باستهتار وقال لي كأنو الكلام دا اتقال قبل كداا؟ طبعا فهمتو هو قاصد انو زمان كان بيقول لي كدا عشان اتصالح معاهاا وانا كنتا برفض امي طلعت وامير قفل الباب وراهاا عاين لي قلتا ليهو ليه كداا؟ قال لي كل ما اعاين لوشها بشوف ابوي وكيف كان بحترمها وبعاملها بطيبه وشوف هي كافأتو بشنو قلتا ليهو طيب وسماا قال لي كل ما اعاين ليها هي كمااان بشوف قدامي راجل تاني دخل حياة امي وامي خانت ابوي معاهو يعني سما كلها على بعضها بتشكل قدامي الخيانه بس قلتا ليهو ماصح تعاقب سما على حاجه هي ماليها ذنب فيهاا هي ضحيه اذا مالقت الحب من امها ولا التقبل على الاقل تلقاهو من اخوانهاا امير عاين لي وسكت قلتا ليهو سما بتحبك يا امير ماتبقو عليها انت وامها والدنياا كدا حرام والله وكتيير قال لي مواعيد دواك جااات مشا يجيبو قلتا ليهو سما مشت السوبر ماركت اول ماترجع اتعامل معاها طبيعي سااامع نهااائي ماردا لي سفهني سفههه سمعتا تلفوني بدق جابو لي قال لي تسابيح ومشا رديت ليها مع قولة الو قالت لي اخدتا الدواء؟ قلتا ليها سلمي اول قالت لي كويسة انا اها اخدتا الدواء مواعيدو جات قلتا ليها اسي حاخدو قالت لي وماتنسى تاكل اتصالي الجاي القاك اكلتا واخدتا الدواء قلتا ليها حااضر اي اوامر تانيه قالت لي لاا وقفلت الخط امير جا جاب لي الدواء
_____
على لسان سما:-
طلعتا من السوبر ماركت وراجعه البيت لاقاني الولد الاسمو محمد القالو هو اخوي سلم علي وقال لي سما كيفك؟ قلتا ليهو كويسة الحمدلله وجيت اتحرك قال لي دقيقه ممكن نتكلم عادي تديني فرصة لانو انا اخوك كمان خليني اشرح ليك بعض الامور وبعدها حاسوقكك نمشي بيتنا تتعرفي على اخوانك واختك التانين قلتا ليهو عندي اخت؟ قال لي طبعا اي اسمها هبه عمرها تقريبا من عمرك لو سمحتي صدقيني ماحااذيك اساسا مافي اخ بياذي اختو لو سمحتي نتكلم شوية بس واعرفك على اخوانك التانين قلتا ليهو طيب بس حاكلم فريد عشان مايقلق قال لي طيب بقيت افتش في تلفوني قلبتا عليهو الشنطه كلهاا مالقيتو قلتا ليهو ما لقيت تلفوني ممكن تلفونك قال لي مغلق للاسف اسي لمن نمشي البيت بختو في الشاحن وبديك تتصلي بقيت واقفه مساافة متردده بس كلامو صح مافي اخ بياذي اختو واكبر مثال فريد💜 فمشيت معاهو اشر ليهو لبتاع ركشه ركبنا واتحركنااا مشينا مساافة طويلة شدييد وانا قلقتاا قمتا سألتو قلتا ليهو ليه ماسألتو عني من قبل وابوي وين قال لي متوفي وما سألنا لانو قريب حتى عرفنا بيك ومما عرفنا بقينا نفتشك زعلتا على ابوي كان نفسي الاقيه واشوف اذا في شبه بيناا بس للاسف بالجد مشينا مساافة طويلة شدييد لمن سألتو نحنا معقول للان ما وصلنا قال لي قربنااا مشينا ومشينااا لغاااية ما وصلنا مزرعه بعيده محمد نزل وانا خايفه جاني بالجهه التانيه ونزلني بالغصب واشر لبتاع الركشه يمشي وبقا جاريني وانا بتصارع معاااهو لغاااية ما وصلنا محل كداا وجا طالع راجل شكلو غريب محمد قال ليهو دي هي البت الحكيت ليك عنها دي الجوهره الحتسدد ليك دينك وعليهو حلاوة كمان لو عايز الراجل عاين لي من فوق لتحت وابتسم ابتسامة جانبيه وقال لمحمد شكلنا حنتسلى كتييير
______
على لسان ماهر:-
مشيت على معرض صحبي زاهر لو بتتذكرو دا المعرض الخربت لي فيهو سما لوحتي الكنتا حاشارك بيها 😅 لقيتو قاعد سلمتا عليهو قال لي ووين ياااخ طولتا منك قلتا ليهو قاااعد والله قال لي اها عملتا شنو في معرض باريس جهزتا نفسك قلتا ليهو لالا لانو لا عندي الهام لا عندي امل زاهر ضحك قال لي في فاطمه تنفع؟ 😹 بقيت اضحك قلتا ليهو هي زاتها ماحتساعدني بس بالجد معرضي اتحرق ومن بعدو ممكن تقول انو شغفي اتعدم مالاقي طريقه نفسياا كدا ماقاادر وغير كدا حاسي نفسي ماحانجح قال لي والله ياماهر اول مرة اشوفك متشائم كدا رغم انو معرض باريس كان فرصة لاتعوض ومن خلالو اسمك كان حيكون عالمي قلتا ليهو الخير في مااختاره الله هزا راسو وقال لي تشرب شاااي قلتا ليهو بشرب مشا

يجهزو وانا بقيت اعاين لعلبة الالوان والفرشه والله يديني براها بقت تاكلني وتقول لي قوم اعمل حاجه ماتقعد كداا شلتاا لي لوحه فاضيه علقتها وشلتا الالوان وبديت احرك في الفرشه فجااءه يديني بقو يبدعو براااهم وبقيت الون وارسم وانا فرحااان شدييد لمن زاهر جاا شافني كداا قلتا ليهو لقيتها يا زاهر لقيتها قال لي لقيت شنو قلتا ليهو لقيت امل انا عااارف حارسم شنو وشنو اللوحه الحتخليهم يقبلوني في المعرض زاهر ابتسم لي وقال لي اصلاا انا واثق فيك قلتا ليهو يلا مافي زمن لازم اتصل على مهند اسي واقول ليهو يسجل اسمي لازم اتحرك قال لي والشاي قلتا ليهو مرة تانيه طلعتا وانا متحمس ضربتا لمهند وقلتا ليهو انا لقيت الامل ممكن تسجل اسمي قال لي يعني حتشارك في المعرض؟ قلتا ليهو ان شاااءالله ورجعتا البيت وانا مبسوط
_____
على لسان تسابيح:-
واقفه ماسكه تلفوني وبعاين للزمن امي عاينت لي وقالت لي مالك يابت قلتا ليها منتظره الدقيقه تمشي عشان اتصل على فريد اشوفو لو بلع الدواء سمع اضاني دي سمعتا امي بتقول دي لا عرفناها صحبه لا عرفناها شنو قلتا ليها مالك يا حجه قالت لي مالي فتحتا خشمي انا اسي مشت المطبخ وتاني جاتني راجعه قالت لي ممكن اطلب منك طلب؟ قلتا ليها طوالي اتفضلي قالت لي انا بثق فيك يابتي بس يعني ياريت ماتكتري مشيك لبيت ناس فريد دا لانو ماصح ماعايزه يطلع عليك اي كلام قلتا ليها حاضر ابتسمت لي وقالت لي تسلمي لي ومشت
____
على لسان امير:-
قاعد كدا سمعتا فريد بنادي علي مشيت ليهو قال لي سما دي اتأخرت طلعت من قبييل على اساس تمشي السوبر ماركت وتجي واساساالماركت مابعيد للدرجة دي اصلا انا ماكنتا عايزها تمشي براها بس هي اصرت كدي اتصل عليها شوفها وين فعلا فريد كلامو صح سما اتأخرت شلتا تلفوني واتصلتا سمعتا رنة التلفون قريبه مننا فرفعتو ولقيتو في كرسي الجلوس قلتا ليهو نستو هناا قال لي انا بديت اقلق ما مطمن ياربي مالها اتأخرت كداا قال لي امير امشي السوبر ماركت شوفهاا قلتا ليهو واخليك براك؟ قال لي انا بقدر اهتما بنفسي اساسا ما حاتحرك كتيير بس انت امشي اسأل من سما هي بت براهاا صراحة انا كمااان بديت اقلق وعايز امشي بس خايف اخلي فريد براهو بس طلعتاا وانا في الشارع ضربتا لمااهر كلمتو اني طلعتاا وفريد براهو وكداا قال لي طيب حاجي ليهو وقفلتا مشيت السوبر ماركت وطلعتا صورة سما من تلفوني ووريتها للبائع قال لي طلعت من قبيييل بس جا واحد وقف اتكلم معاها مساافه وركبو ركشه ومشو قلتا ليهو لمن ركبت معاهو كانت عاديه ولا كانت خايفه؟ قال لي عاديه ما كانت خايفه او انا من بعيد ما انتبهتا لملامحها صراحة قلتا ياربي دا منو المشت معاهو دا معقول يكون ماهر بس ماهر اسي اتكلم معاي ولو سما معاهو كان وراني طيب منو رجعتا البيت لقيت ماهر لسه ماجا وفريد طوالي سألني وريتو الحصل قال لي دا منو دا شوية وجا ماهر عاين ليناوسألنا من الحاصل انا حكيت ليهو قال لي كيف يعني مشت معاهو سما مابتمشي مع اي زول فريد قال محمد معقولا يكون محمد؟ قلتا ليهو اخر مرة لمن جانا ملامح الخوف كانت ظاهره فيهو ما اعتقد يقرب من سماا فريد داا والله لمن يدينو بقو يرجفو جيتو سريع قلتا ليهو ماتخاف ماتخااف حتكون كوويسة ماهر قال انا حاطلع افتش وماحارجع الا وهي معااي ومشاا فريد عاين لي وقال لي سما اختنا الوحيده واذا كان اخوها فريد مشلول فاخوها امير حيحميها زي ما دايما هو بخااف عليها حتى لو كان ابونا ماواحد يا امير بس هي اختناا ودي حاجه مافي زول فينا بيقدر ينكرهاا شيل رقم صحبي بتاع المخابرات وخلي يساعدك امشي فتش اختك يا امير كلام فريد صح سما اختي ودي حاجه انا مستحيل انكرهاا قلتا ليهو خلي بالك من نفسك انا ما حاتاخر وطلعتااا ضربتا لماهر قلتا ليهو يستناني وضربتا للدكتور يرسل ممرض يهتم بفريد في فترة غيابناا عايز احس بشعور الاخ الكبير 💜 مشيت على ماهر قال لي حنبدا من وين قلتا ليهو من محل قال فريد قال لي محمد؟ قلتا ليهو لو هو في سابع ارض حنحفر ونطلعو منهاا ماهر ابتسم وقال لي جداا طوالي اتحركناا
______
على لسان محمد:-
الزين جاني لقاني واقف منتظرو في حتتي بعد ما ساق مني سما وما عارفو وداها وين وبصراحه ماعايز اعرف انا ماعندي غير اخت واحده اللي هي هبه وعايز اخلص من موضوع الدين والتهديد داا قال لي اها القروش حنلقاها كيف قلتا ليهو في عندها اخ اسمو فريد بيضحي باملاكو كلها بس اختو ماتنخدش اثناء كلامي كدا تلفوني دقاا كان امير قفلتا في وشو رجع لي تاني رديت ليهو بزهج قلتا ليهو خيرر قال لي وين انت قلتا ليهو قايلني عاطل زيك؟ انا زول مشغول واسي في المحكمه لانو عندي قضيه مهمه اقفل بالله ماناقصك اناا قفلتا وعاينتا للزين قلتا ليهو دا اخوها التااني بس دا عصبي شوية واحتمال مايدينا طوالي بس فريد بدي طواالي قال لي طيب وحنشيل منو القروش كيف قلتا ليهو خلي اختو تطلبها منوو مشينا لمحل خاتي سماا كانت بتبكي في محل بعيد كداا وشكلها خاايفه قلتا ليها لو

عايزه ترجعي لاخوك فريد بتصل عليهو اسي وانتي حتتكلمي معاهو وتطلبي منو يحول مبلغ معين لرقم الحساب الحامليكي ليهو مديت ليها التلفون كداا فجااءة البت تعبت وبقت تجر نفسها بصعوبه انا والزين عاينا لبعض واتخلعناا قلنا بس ماتموت الزين قال لي هوي مابهمني كن ماتت اديني رقم الزول دا انا بتفاااهم معااه شال تلفوني طلعتا ليهو رقم فريد وطلع بره وانا بقيت اعاين لسما الحالتها كل ما ليها ماشه اسوء لغااية ماغمرت ودمعتها في عينها وانا بس واقف بعاااين ليها وما عارف في اللحظه ديك حسيت بشنو دي اختي ابونا واحد اختي من ابوي معقولا انا اعمل في اختي كداا بقيت واقف بعااين ليهاا وماقادر اتحرك
_____
على لسان الكاتبة:-
فريد في البيت قاعد متوتر تلفونو اتصل في التربيزه قدامو رقم غريب طوالي ردا قال لي بدون كلااام كتيير لو عايز تشوف اختك حول لي نص مليااار على رقم الحساب الحارسلو ليك فريد قال ليهو كل القروش العايزها حتصلك بس سما وين وهي كيف البت عندها سكري وعندها حقنه لازم تاخدها حرام عليك قال ليهو ماتملاني فااارغ اختك كوويسة حول القروش وحتصلك اما اذا ما عايز اختك فدا قبل مايتم جملتو فريد قال ليهو رسل رقم الحساب الزين قال ليهو شاطر وقفل الخط فريد اتصل على امير وحكا ليهو بالمكالمه امير قال ليهو ماتحول ليهو ولا جنيه يا فريد انا حالقى سماا قلتا ليهو جنيت يا امير يعني القروش اهما من سما القروش كلها على بعضها مابتهمني امير قال ليهو حريقه في القروش الهاماهو منو بس انا قربتا القى سما يافريد عليك الله يا اخوي انت بس خلي ثقتك فيني كبيره وماتستعجل تمام. فريد سكت بهناك امير ومااهر طلعو من المحكمه ماهر قال ليهو طلع واحد كذاااب وهو مافي المحكمه امير رجع لفريد وطلب منو يرسل ليهو الرقم الاتصل ليهو فريد رسلو طوالي امير وماهر مش. لصاحب فريد الشغال في المخابرات وطلبو منو عنوان الرقم قال ليهم الا باذن من الشرطه بس لانكم اخ فريد وصحبو الموضوع هنا استثناااء فريد ساعدني كتييير واسي اكييد ما حابخل عليكم بقا يبحث عن موقع الرقم وماهر ماشي وجااي في المكتب وامير بهز في رجلينو ومتوتر بعد مسااافة نص سااااعة قال ليهم لقيتو امير قال ليهو لقيتو بالجد قال ليهو اي مزرعه بعيده شوية بس بنصحكم تبلغو الشرطه امير قال ليهو كلمهم انت نحنا ماعندنا وقت والحقوناا شالو العنوان وطلعو بهنااك باب بيت ناس فريد قعد يدق ففريد حاول يقوم من الكرسي بس ماقدر وبسبب حركتو الكتير جا وقع اتألم شدييد وماقدر يتحرك 💔 الزين جا داخل لقا محمد في وقفتو ديك قال ليهو مرت نص سااعه وللان الزول دا ماحاول شكلها اختو مابتهمو زي ماقلتاا ماصحت للان دي وصحي سمعتو قال عندها سكري شكلها عشان كدا غمرت المهم رشها بموية احتمال تصحى محمد مااتحرك جا الزين بقا يهز فيهو قال ليهو هوي مالك محمد عاين ليهو وقال ليهو دي اختي بقا يردد فيها زي الجناا دي اختي دي اختي والزين بعاين ليهو لزاهو طلعو وقفل سما جوه وقال ليهو اسمعني هناا دي اخر فرصة ليك عشااان ترتاحو من قصة الدين العليكم اوعكك تتأثر حتى لو كانت اختك الله اعلم بسبب ابوك في كم اخ عندك لسة محمد دنقر راسو وسكت امير ومااهر جايين على المزرعه وماهر هو السايق كان طاااااير بالعربيه دي طيراااان لمن مطلعه غبااار ورااهم وهو بيقول حنلحقها ما حيجيهاا شي سمااا حتكون كوويسة امير قال ليهو اصلا لو زول هبشهاا حتى ولو بالغلط ما حيصبح عليهو يوم بكرا كانو ماااشين سررريع وبهناك الزين قال طالما الزول دا ماصدق تهدديدي خليني اعمل حاجه تخوفو وتخليه يعيد النظر في الموضوع كان داخل على سما مسكو محمد قال ليهو بصوت راجف: خ خ خليها اكييد حيرسل ليك القروش ما بضحي باختو هو الزين عاين ليهو وسكت خلال نظرة الزين لمحمد جااات عربية طااايرة ووقفت قدااامهم نزلو منها امير ومااهر كل واحد فيهم استلم زول وبقو يضربو فيهو امير ماسك محمد وبقول ليهو اختي وين محمد اشر ليهو على الحصيره امير جرا على الحصيره لقاها مقفولة ماهر شال المفتاااح من الزين بعد ماضربو كوويس وفتحو الباب شافو سما غمرانه جوها جارين الاتنين امير رقدها في رجلينو وحاول يصحيهااا ماهر قال ليهو لازم نوديها المستشفى امير شال سما وطلعو بيهاا ركبها ورا وركب معاها ختا راسها في رجلينو وبقا يحاول يصحي فيهاا وماهر ساايق طلعتهم من المزرعه الشرطه جاات داخله..



نهاية الحلقه الثلاثون
قراءة ممتعه💜🥀

د اخر بارت نزل اول م الكتاب ينزلو الباقي بنزلوا هنا💜💜💜


الناس تحاول تتفاعل

دعواتكم لي بالشفاء العاجل يارب 🤕

يقول الشنقيطي: "إنك ماذكرت أخًا لك بعد موته وأنت تحتسب الأجر إلا سخر الله لك من يذكرك، ولاترحمتَ على مسلم إلا سَخر الله لك من يترحم عليك"
اللهم ارحم موتانا وموتى المسلمين، لاتنسونهم من دعواتكم بهاليوم الفضيل🤍

صباح الخير للهادئين , لمن يراعون اختلاف الطباع , لبسطاء الروح , لمن يختارون احاديثهم بعناية , للمتعبين من تقلبات الحياة ولكنهم يمؤمنون بلطف الله...♥️✨

‏﷽

﴿إنّ اللهَ وملائكتَهُ يُصَـلُّونَ على النبي يا أيها الذين آمنوا صَلُّوا عليه وسلِّمُوا تسليما﴾

اللهم صل وسلم على نبينا محمد ﷺ♥️!

المواد فالسمستر دا زي الشفع الصغار كلهم جاريين عليك ويقولو ليك شيلني شيلني.

انا قاري مجال قدام الناس ماديني هيبه ، لكن بيني وبينو ماسح بي الأرض .

فلس وشنـ.ـاه وبلادة وعدم قرايه وقله ادب ،الله المستعان بس.

الحلقة الأولى

وزارة التربية والتعليم تعلن يوم 27 سبتمبر موعدا لإعلان الشهادة السودانية بحسب مصادر صحفية واعلانية .. أمنياتنا الطيبة والغالية لطلابنا وطالباتنا بالتفوق والنجاح الباهر

الحب يزيل كل العوائق 💙