" إن الله على كل شيء قدير "

اقرع باب الكريم وتأهب للعطايا

-جمعة مباركة 🥀✨

#Rona

عش الشعور الذي يولد فيك بعفوية ”,“لا يهم ما يكون“ ,“لا يهم ما سيقال عنك ”,”المهم ان يكون حقيقا”,”
الحياااة ليست للدمي
للعقول السليمة ✋

‏ولن يفلت من بين يديك ما ساقه الله لأجلك و لن يفوتك رزقك و إن تأخر 🌾💫

#Rona

‏أُحاولُ ألا أكونَ حَبيبَكْ
وبالرغمِ عني وعنكِ أكونْ
فكيفَ نُفسِّرُ هذا الجنونْ؟
أراكِ بكلِّ اتجاهٍ أمامي
وأرصُدُ حُبَّكِ أنَّى يَكونْ
كأنَّ هواكِ تَجلَّى بِقلبي
لِيُشرِقَ منهُ ضِياءُ العيونْ💜

#عبدالعزيز_جويدة

ـ ‏الحُب ليست كلمّات تسردها فقط..
الحُب وقتًا تهديه لمن تُحب ..

#غسان_كنفاني

ابتداء من اليوم الثامنه مساءً
رواية #القلب_الازرق 💙

للكاتبه ًReema abbase

🔖 #من_الارشيف 📚

رواية #بت_شهادة_عربية

للكاتبة : شهد عبدالله

https://t.me/RwayatSudan/3550

♻️ شير لي ناسك 👥

#القلب_الازرق 01

في صفحتها علي الفيس كتبت :
"‏سأبقى ثُقباً في مُنتصف عقلك، وربما قلبك ولن تستطيع تجاوزي .."🌚
-كالعاده اول م نذلت البوست اتفجر لايكات ..وتعليقات .. والخاص كمان مليان رسايل بس ولا بترد عليها ولا بترد علي التعليقات كلها . كل الناس متشوقه تعرف الشخص اللي هي بتكتب عنو ، منو ذه اللي يستاهل كميه الحب البتتكلم عنها ف كل حرف هي بتنذلو .💜 .
حكايتنا المره دي عن شهد حسين الشخصيه الغامضه الهادئه . البتخاف علي نفسها وتحميها بعيدا عن اهلها وجوطتم .. انسانه جميله وجذابه مكان م تمشي بتلفت الانظار . تقيله وما بجذبها اي احد . مشهوره جدا ع السوشيال ميديا بس بدون م احد يقدر يصاحبها وحنعرف سر الحكايه دي لقدام 😉😌
امها جراحه مخ واعصاب وم فاضيه اربع وعشرين ساعه مسافره .. وم موجوده ابوها صاحب مؤسسه وكمان م فاضي لما يرجع البيت زول نوم .. ده لوجا اصلا .اختها بتقرا بره السودان واخوها كمان (ليالي وعمرو)
عايشه مع حبوبتها زينب النصري ام امها .. عندها نفوز ومره قادره . رداحه درجه اولي وهراششه . 😊
شهد م عندها اصحاب ابدا غير صاحب واحد اسمو سلطان اتعرفت عليو كيف حنعرف لقدام . 👏
-جات داخله الجامعه كانت عارفه ان اليوم في يوم ثقافي وحفلع وبرامج زي دي طوالي اشترت اكل ومشت قعدت بعيد تحت ضل شجره كبيره فتحت اللاب توب وبدت تشتغل عليو..
شهد " محترفه هكرز عالميه سلطان العلمها وبقي عندها شغف ب الحاجه دي مع انها بعيده من تخصصها اللي هو الطب 😍. بتعمل عمليات هكرز كبيره وتاخد عليها قروش .. وخافيه اي بيانات عنها في الشبكه .. خلصت وضمنت ان قروشها نذلت وقفلتو الكلام ده كلو قريب الساعه .
-خلصت عمليه مهمه وبعدها اول م قفلت اللاب توب لقيت بنت قاعده قدامي عايننا لبعض مسافه بس م ركذت معاها كتير كملت اكلي وشلت تلفوني فتحت النت وبقيت بتفرج ع تلفونات دايره اطلب منها .. الحفله بدت والبت دي لسه قاعده قدامي . ماحاولت اسالها ولا اتكلم معاها بقيت بعاين ليها لحد م هي اتكلمت بصوت رايق وهادي ونعوم انا لين . م رديت ليها واصلت قالت لي بس م بحب الزحمه ف لقيت المكان ده فاضي وقعدت هنا م رديت وقبلت منها اي نعم تصرف حيوان شديد لكن م حاولت تتكلم معاي تاني.. الحفله بدت والناس دي كولها مهيصه كان في معارض قمت مشيت علشان اتفرج واشوفها بقيت ماشه وبعاين والبعجبني بصورو .. في اساور حلوه كده قمت اشتريت اتنين البت قالت لي ممكن تاخدي وحده ليك وحده لصحبتك قلت ليها اوكيه شلتهم ومشيت 😹. في ولد جمبها قال ليها براحه كده اسي دي بت وانتو بنات قعدت تضحك قالت لية عندك حق والله نحنا لينا الشمس والسخانه اسكت ساي .عاينت ليهم كده 😅قلت ليو خليني امشي علي الاقل. خجل وسكت البت بكل رحابه وظرافه قالت لي اصلو شليق كده معليش . ابتسمت ليها ومشيت . رجعت مكاني قعدت فيهو بس البت كان معاها وحده تانيه بتونسو . قعدت وانا ساكته لحد م تلفوني ضرب كانت دي حبوبه الو ي بت ي شهد انتي وين/ ؟ بكل برود ف الجامعه قالت لي ابوك هنا داير يسلم عليك قلت ليها م فاضيه انا اسي ي حبوبه ابوي عاوزني ينتظرني ولو ذمنو م بسمح يسافر طوالي، قالت لي اصبري لي ي بت اللذينا لمن تجي قلت ليها صابره ي مذه يلا . وقفلت الخط😒
-لما اليوم خلص كانت الساعه 6 مساء البتين طلعو قبل مني ب فتره ركبت العربيه وانا ماشه شفت البت الكانت جنبي وهي بتبكي جمب مستشفي بصراحه الفضول خلاني اوقف وانذل امشي ليها .. مشيت قلت ليها مالك بتبكي قالت لي امي تعبانه هنا . جات صحبتها جاريه قالت ليها ماتخافي حتبقي كويسه والله . ابوها واقف قريب مننا واختها اختها راقده ف كتف ابوها وبتبكي وابوها ذاتو دموعو جاريه . قلت ليها طيب معاها شنو امك قالت لي م عاوزين يورونا ليهم ساعتين صحبتها قالت لي وانتي مالك اصلا . عاينت ليها ومشيت دخلت قلت للمرضه ام البت دي فياتو غرفه ابت تجاوب لي قمت خنفتها من قميصها طوالي اشرت لي علي الغرفه مشيت دخلت ليهم لقيت الدكتور قال لي محتاجه جراح مخ واعصاب وهنا م عندنا للاسف .. وحالتها مابتتحمل تاخير .. عاينت لاولادا الببكو عليها وراجلا قمت اتصلت ع امي وبقلبي بقول يارب ترد يارب ترد يار طوالي الخط فتح الوو . قلت ليها دكتوره حنان صح قالت لي ايوا قلت ليها م عرفتيني قالت لي ابدا . سكتت مسافه قلت ليها انتي في السودان قالت لي ايوا منو معاي قلت ليها انا شهد ي امي . اخدت ليها مسافه ساكته قلت ليها في وحده زميلتي امها حتموت لو م اتعملت ليها عمليه وم لاقين جراح ممكت تجي قالت لي ف يات مشفي .وريتها ليهو قالت لي طيب انقلوها ب اسعاف ل رويال كير وانا ح استقبلكم هناك قلت ليها تم .. طلعت ل لين قلت ليها مافي جراح هنا لازم ننقلا رويال كير ابوها قال لي بس انا م عندي امكانيه ل رويال كير اسي الدكتوررقال لي مافي جراح اصلا هناك قلت ليو في حنان النصري قال لي ب خلعه بس الدكتوره دي الا تحجزو عندها من بدري قلت ليو دي امي ممكن تطلع لي المريضه ف اسعاف وتبطل اساله فارغه قال لي

حاضرر .
عشره دقايق ب التمام الاسعاف اتحركت ركب معاها راجلا وولدا ولين واختها وصحبتم ركبو معاي .انا كنت ساكته وم اتكلمت لحد م امي اتصلت لي قالت لي وين انتو قلت ليها دقيقتين واحنا بنوصل قالت لي تمام المريضه اسمها منو وريتهاا وقريت ليها الملف كلو حرف حرف قالت لي تمام م تمشي قبل م اشوفك قلت ليها ي امي لكن قالت لي ب اختصار كلامي واضح تجي لي داخله مع المريضه انا منتظراك .. لين قالت لي امك شاطره قلت ليها اشطر زوله ف المجال ده م تخافي 😊
ده كلو وانا مستغربه من نفسي انا ليه بساعدم وكيف الصدفه دي خلتني اتكلم مع امي .. وصلنا ودخلت مع ام لين جوا طوالي واهلها وقفو قدام الغرفه لقيت امي لابسه لبس العمليات جات ممرضه اخدتني فوق بقيت قاعده وشايفه العمليه كولهاا .. لحد م خلصت بجد امي شاطره ياخخخ ♥بغض النظر عن زعلي منها لكن هي شاطره .. لما انتهت انا مشيت تحت لقيت امي بتغسل قلت لبها ها كيفها قالت لي حتبقي كويسه انشالله قلت ليها ب خجل منها شكرا قالت لي تعالي طلعنا ل لين واهلها بره انا كنت مركزه في نظرات الخوف العلي وش لين حتي صحبتها دموعها علي وشها .. انا ليه ماعندي صحبات؟! .. امي طمنتم وقالت ليهم حتحتاج عمليه تانيه بس بعد فتره تلاته اشهر ان شالله ابعدوها عن اي اتربه واي ضغوطات نفسيه ..لاحظت ل امي ول تعاملا مع اهل المريضه وهدوءها وتماسكها وكيف هي زوله راقييه وتعملا لطيف .. جات ماشه لين شكرتها وشكرتني وابوها نفس الشي .. قمت قلت ليها انا بقعد هنا انتي امشي قالت لي لا ومسكتني من ايدي مشيت معاها المكتب .. اول م دخلنا ضمتني ليها . قالت لي الحمدلله اني شفتك كويسه قلت ليها ليه مالك .. بعدت شويه وقالت لي مافي شي مهم المهم انك كويسه قلت ليها انتي من متي هنا قالت لي بليل .. قام تلفوني ضرب دي حبوبه قلت ليها مع زميلتي ف المستسفي قالت لي وابوك ده قلت لبها ابوي يمشي ل شغلو وم ينتظرني ماراجعه البيت انا وقفلت الخط ..

#يتبع 🌚

#القلب_الازرق💙
02

امي ما قالت اي حاجه ولا علقت علي اللي حصل قلت ليها طيب يلا انا ماشه ف نفس الوقت جات داخله ممرضه قالت ليها جاهزين للعمليه التانيه قالت ليها تمام جايه . طلعنا سوا من المكتب . هي طلعت فوق وانا نذلت الحسابات دفعت القروش 😊. لاول مره ف حياتي احس اني راضيه عن نفسي وعن تصرف انا عملتو ..
-ف نفس الوقت اهل لين كانو بيسالو علي وم لقو لي اثر لحد م امي جاات المرور الليلي للمريضه قامت لين قالت ليها ي دكتوره وين شهد امي ب استغراب ليه م جات ليكم تاني ؟!
لين قالت ليها بصراحه انحنا م صحبات اصلا بس شفتها اليوم وجات لقتني هنا ببكي ف اتصرفت زي م انتي شايفه مع ان عمري م اتوقعت منها كده .. امي سالتها ليه؟/ لين قالت ليها لانها غريبه تحسيها مغروره وشايفه نفسها معاها فلوس م عندها حاجه ل زول دايما بعيده من الناس انا عمري م شفتها قاعده مع احد قببل كده من القاعه وبتطلع تقعد براها بعيد وده الروتين بتاعها 😓.. امي بقت بتفكر ف الوضع ده . وسكتت م جاوبت ع لين لما جات طالعه لين طلبت رقمي منها امي ادتو ليها وطلعت ..
-بعد اربعه اياام صحيت الصباح متاخره وم عندي مزاج امشي الجامعه طلعت صبحت ع حبوبه ونزلت الاندر قراوند فيهوو الاآت رياضيه بقيت بعمل رياضه وبسمع اغاني فجاه اتزكرت لين وامها قمت طلعت بسرعه ولبست وطلعت مشيت المستشفي دخلت ب حكم اني بت دكتوره حنان ماف زول سالني لقيت امها براهاا سلمت عليها قلت ليها انا شهد قالت لي كتر خير ك ي بتي م قصرتي الله يسعدك ويجبر بخاطرك زي م انقدتي حياتي قلت ليها العفوو ده واجبي ي خاله ان شالله بخير اسي قالت لي الحمدلله تمام امك زاتها م قصرت معاي اخدت لي قعده جنبها اتونست معاها كده الزياره ممنوعه ف الوقت ده بس انا قعدت معاهاا لحد اذان العصر بعدها طلعت رجعت البيت..
يمكن في ناس كتيره تسال ليه شهد بتتصرف كده؟!
شهد لما كان عندها 15 سنه اتعرضت لمحاوله اعتداء من واحد جارم ف لندن علشان تدافع عن نفسها ضربتو ف منطقه مابين الساقين ولما جات تطلع قبضها تاني ف كشحت عليو مويه حاره الحاجه دي الشرطه اعتبروها تصرف وحششي منهاا والقاضي حكم عليها انها تدخل الاصلاحيه لاعاده التأهيل .. كل غضبها كان علي اهلها انهم م حاولو يطلعوها او يلاقو ليها حل غير انها تدخل مع الناس القاتلين والحاصل ليهم مصايب .. هناااك ف الاصلاحيه حياتها كلها اتغيرت تماما .. بقت انطوائيه جدا وماليها ب احد اصحابها اتخلو عنها بعد م دخلت الاصلاحيه .. اهل الولد كان عندهم واسطات جووا الاصلاحيه وقدرو يأزو شهد بطريقه بشعه .. يوميا جلسات كهربااا زياده عن اللازم مع انها ما محتاجه ليها بتنضرب وبدو ليها اكل شبه فضلات .. بيدو ليها حبوب هلوسه وحقن كمان .. لما امها وابوها جو ليها زياره كلمتم بس م صدقوها من هنا ابتدت تفقد الثقه فيهم وفي اخوانها كمان حكت ل عمرو اخوها م صدقها وليالي ابوها كان بيمنعها تجي تزورها 😢😢
الوضع بقا مستمر لحد م ظهر سلطان سعودي الجنسيه واللي هو محترف هاكرز اخترق اجهزه امن الانتربول الفرنسي واتقبض عليو علم شهد كل صغيره وكبيره في العالم ده بقت ببساطه تقدر تخش وتطلع من اي نظام بسهوله وبدون م اخد ياخد بالو ويعرف حاجه .. انطوت علي نفسها ف الاصلاحيه بعد م سلطان طلع بس كانت بتقرا وتلعب رياضه وتقوي نفسها يعني ماف اي بني ادم يقدر يضربها او يعتدي عليها لا ب كلام ولا ب جسد في الوقت ده رفضت نهائيا تشوف اهلهاا ولا تتعامل معاهم .. طلبت منهم لاب توب جابوهو ليها . ومن هنا ابتدت بقت تعمل عمليات هكرز ب مبالغ كبيره . وكمان في البنوك بتسحب قروش من اي حساب بدون م البنك ينتبه وتحول لحسابات وهميه هيا اللي عاملاها 🌚😅
قضت سنتين ف الاصلاحيه وقبل م تطلع دبرت وخططت مع سلطات وورطت الولد اللي اعتدي عليها ب قضيه عمرو م حيقدر يطلع منها . اشترو هروين ب كميات كبيره وسطان ختاها ف غرفتو وكل يوم بيحط ليهو حبوب ف الشاي والعصير لحد م كتر ف دموو .وبلغو الشرطه اللي داهمتو بدون م يشعر ولقو الحاجات دي عندو وف دمو اتحكم عليو ومرمي ف السجن حاليا☺️😍
-لما طلعت علاقتها ب اهلها بقت سيئه شديد بس قاعده ف غرفتها وقافلاها عليها وغرقانه ف عالمها الجديد.. كل يوم مشكله مع ابوها بقت بتتعمد تعمل مشاكل بره البيت علشان يمنعها تطلع اخرتها جات حبوبتها واخدتها السودان ولحد اسي هي معاهاا 😒
بس زي م بقولو مافي احد بيعوض مكان الاهل . شهد مراقبه اهلهاا ب كاميرات مراقبه كل واحد بيعمل شنو وحاصل شنو ف حياتو .. بس انها تتواصل معاهم دي مستبعده جدا ومستحيله 😒
-بعد كم يوم مشت الجامعه واول م دخلت القاعه سمعت بنات بيتكلمو وحده قالت ليهم هي جابو كذا دكتور جديد ليه م عارفه بس احسن زاتو التغير حلو انشالله يكون مذ . 😒 الدكتور جا داخل بجد كده هو حاجه خارقه بس انا ف حالتي شايفاو عادي شديد لابس قميص ابيض وجاكيت بدله رمادي رهيب .. والجسم والسكسوكه كسار تكسر فظيع ♥😍 البنات بس يعلقو وراي وحده قالت ووواي لااا انا ماشه

اقعد قدام .. نفسي ابوس العميد علي قراراتو البتجيب لينا دكاتره يفتحو نفسنا للقرايه. الولد جمبها قال ليها انتو م ممكن تكونو خفيفات قدر كده وبختك ي العميد حتلاقي ليك بوسه واتنين 😉 بقو يضحكو انا عاينت ليهم كده😒 الدكتور قال لي البتتلفتي دي قومي فوق وقفت . قال لي انا كنت بقول فشنو قلت ليو م عارفه قام كتب ورقه واداها لي قال لي امشي بيها للعميد فتحت الورقه عاينت ليها مكتوب فيها شغب في المحاضره 😂😂قلت ليهو لا بالله قال لي اتفضلي قمته ختيت ليو الورقه وطلعت 😌😒

#يتبع 🌚

أزهِر من جديد أثبِت لهُم أنَّ الذبول خُرافة.💜

"لو تخطئين الف مرة ما تركتك لغريب " أجمل ما قيل في الغفران.

#القلب_الازرق
03
طلعت من القاعه قعدت بره لحد م المحاضره خلصت نادوني مكتب العميد دخلت الدكتور قاعد والعميد قاعد قال لي الدكتور ده اشتكي منك ي شهد صالح عملتي شنو قلت ليو العملتو اني في مجموعه وراي كانو بتكلمو وم كنت قادره اسمع اتلفتت عشان انبهم ف الدكتور وقفني ف اللحظه دي العميد قال لي والورقه الاداها ليك ليه م شلتيها قلت ليو اسي اجي ادي ليك ورقه مكتوب فيها شغب ف المحاضره انت زول عميد مع احترامي للدكتور م اي مشكله بسيطه وسوء تفاهم زي ده يجيبو الطالب العماده كان بكل بساطه تطردني او تحرمني من الدرجات بس مافي داعي للموضوع ده كلو لاني م اتكلمت ولا زوله شغب ومشاكل . العميد قال لي مشالله غايتو فيصحه وتقولي لي م بتاعه مشاكل قلت ليو ابدا م بحب المشاكل الدكتور بس كان مبتسم وبيعاين لي انا والعميد واحنا بنتناقش قال ي شهد ياريت الحصل ده م يتكرر بس وتقدري تتفضلي . طوالي شلت شنطتي وطلعت 😅🌚اجي ي اخواتي .. لقيت فجر صحبه لين قامت سلمت علي مع اني م كده معاها وقالت لي الدكتور عمل ليك شنو قلت ليها ولا شي قالت لي تعالي عازماك فطور قلت ليها لا شكرا م عاوزه قالت لي م هو م علي كيفك وجرتني من ايدي علي الكفتريا . قعدت وجابت الاكل ولا علي كيفي اكلت لاني كنت جعانه قلت ليها اها عاوزه شنو قالت لي وهي بتضحك علي فكره م اي احد بيقرب منك معناها هو عاوز منك حاجه فاهمه؟ قلت ليها فهمت وانتي عاوزه شنو قالت لي عاوزه اكون صحبتك م اكتر ولا اقل قلت ليها ليه؟؟! قالت لي لانك منطويه ع نفسك كده وغريبه وحابه اكون جمبك " استغربت منها شديد وبقيت ساكته ف اللحظه دي جات بت ماشه والولد مدا رجلو ف قامت واقعه وشايله عصير اتكب ع اللاب كوت بتاعي وتلفوني طبعا اخلاقي جات ف راس مناخيري واصلا عندي مشاكل ف اني اسيطر علي نفسي بس عاوزه اقوم كده فجر مسكت ايدي قالت لي لا اقعدي روقيي مامستاهله البت اعتزرت لي ومشت عاينت للولد 😒قال لي تعالي اكليني م رديت ليهو مسحت تلفوني ب اللاب كوت وشلت اللاب كوت عاوزه اجدعو فجر مسكتو مني قالت لي فعلا انتي متكبره قلت ليها مالك ي بت انتي .. ؟ قالت لي ده بودوهو الدراي كلين م بجدعوهو ف القمامه انا القدامك دي لفيت سبعع مرات علشان الاقي لابكوت مقاسي قلت ليها ودي مشكلتك انتي م انا قالت لي بلا كلام كتير معاك وادي لي رقمك قلت ليها ولشنو ب ذهج كده قالت لي عاوزاوو يلا كتبتو ليها عملت لي جرس ظهر لي اسمها ب "فجر الدخيري" قلت ليها بالله الدخيري ده ابوك اسمو كده؟ قعدت تضحك قالت لي حضرتك مستفزه ي اوختاه بس معلش ح امشيها ليك ارح .. قلت ليها وين ؟! قالت لي ح نودي اللاب كوت ده يتنضف وبعدها ح نمشي ل لين لانها عازمانا غدا قلت ليها والمحاضرات قالت لي ف حال لابسه نظارات وم بتشوفي بيها المحاضرات اليوم اتلغت لان الدكتوره استبدلوها لحد م يجيبو دكتوره جديده😄😉
قلت ل نفسي دي اي سؤال عندها اجابه ليو .. قلت ليها ارح طيب قالت لي حنمشي ب المواصلات لاني م بعرف ب عربيه قلت ليها لو تموتي هنا م بمش معاك ب مواصلات انا عندي ازمه م ح اركب مواصلات ف الحر ده ماشه ارح م ماشه انقلعي .. ركبت وبقيت واقفه وهي واقفه وتنقنق وف الاخر جات ركبت قالت لي ب نبره طفوليه كده ممكن م تهرشيني ؟ قعدت اضحك😂قالت لي م هدا بتعرفي تضحكي انعل ابو شكلك زاتو ياخ 😅😹😹😹 قلت ليها انتي نقناقه لكن قالت لي اتعودي م مشكله .. عاينت ليها وسكتت .. ها يلا اتصلي ع لين وخليها تبعت ليك اللوكيشن ع الوتسب قالت لي فكره والله عاينت ليها😼قالت لي وااي حقيره انتي قعدت اضحك عليها . رسلو اللوكشين واتحركنا قلت لبها حنمشي لشنو ف بيتم قالت لي خالتو طلعوها واليوم عاملين ليها كرامه ف شنو معزومين اتصلو ليك مارديتي وخلوني انا اتورط واجيبك قلت ليها كويس ي ستي 👽☠..
-قضيت يوم حلو معاهم ونسه وضحك حسيت ان دي ما انا بجد انبسطت واستمتعت ..😪😻 ياريت الجو الحلو ده لو يحصل جوا بيتنا والاحلي دعوات امها لينا ولي انا ب الذات بعد م اتغدينا سمعتهم بيسلمو علي احد فجاه امي جات داخله سلمت ع الناس وقعدت انا كنت بعيده م شافتني بعد م قعدت حتي عاينت لي ومعاها حبوبه حبوبه حمرت لي نظام تعالي سلمي علي امك قمت مشيت سلمت عليها حبوبه قالت لي وهي بتكرش ف اسنانها سلمي ع امك كويس ي بت بوستها ع راسها ومشيت منها . قلت ل نفسي امي اشوفها ب بيت الغربا وف البيت م اشوفها . ذعلت ذعل 😤. جابو شاي انا شربت شاي ياخ ظابطين شاي حلو حلاه جات فجر ولين فجر ادتني اللاب كوت قالت لي ابقي بت تاني اعملي زي حركتك دي قلت ليها انتي امي مثلا قالت لي اي امك غصب عنك 😠😣لين دي رقيقه طبعا قالت لي بجد ي شهد منورانا كنت خايفه انك م تجي قلت ليها النور نورك بس تقوبي شنو ف الاخر جيت ..😉اختها جات اتونست جنبي قالت لي تعالي بابا عاوز يسلم عليك مشيت معاها سلمت وشكرني قال لي الله يرزقك علي قدر نيتك الانقذت ام العيال وربنا يوفقك ويديك العافيه ي بتي 😔 . م بحب زول يشكرني كده..

لما جينا طالعين امي وحبوبه ركبو عربيتم وانا ركبت براي . لما وصلنا البيت دخلت وراهم لقيتم قاعدين حبوبه قالت لي امك كيف تسلمي عليها كده قدام الاغراب م رديت ليها امي قالت ليها ي امي خلاص م حصل شي قالت ليها كيف يعني م حصل شي انتي ي بت قايله نفسك كبرتي خلاص ع امك وانك حتغلبيني والله اكسر ليك راسك ده حته حته قلت ليها قومي كسريني ونهرتها قومي يلا قامت ضربتني كف عاينت ل امي وانا ساكته حبوبه عندها عصايه مشت جابتها وجات عاوزه تضربني امي وقفت قدامي قالت ليها انا مامنه بتي عندك وانتي اتاريك بتضربي فيها قالت ليها عمري م ضربتها لكن الليله ب ادبها ترد لي ف وشي وزحت امي وجات بقت بتضرب فيني انا بحكم اني متعوده ع الضرب والذله اكلتها زي الما حصل شي ايدي ف كوعي بقت تنزف امي دي تصرخ وتقول م صرخت حبوبه دي لمن فترت حتي سابتني اصلي م بكيت ابدا . حبوبه مسكتني تعملي كده تاني لذيتها مني قلت ليها م ح اعمل الا كده عنادا فيك بس 😒😏
-كالعاده قفلت علي نفسي الغرفه ولبست تشيرت وقعدت عقمت الجروح الفي جسمي ولفيت شعري وقعدت ع النت بقرا وبتفرج علي عمليات مخ واعصاب لاني فجاه لقيت نفسي حابه المجال ده لانو دقيق وبشبهني . شويه وحسيت ب صوت بره .. فتحت الباب براحه لقيت امي وحبوبه قاعدات وامي بتبكي وبتقول ليها تدقي بتي قدامي م كفاك الضرب الكنتي بتضربيني ليهو؟! كده حتكرهيها فيني زياده ماتخليني اندم اني خليتها تجي معاك ي امي وبتبكي جيت ماشيه ب جمبهم مشيت المطبخ شلت باقه بيبسي كبيره وديتها الغرفه وتلج ومشيت سخنت اكل وشلتو ومشيت م اشتغلت بيهم كتير 😔😒

#يتبع 🌚

#القلب_الازرق
04
. قاعده في كوفي شووب براي بعد المغرب وبراقب ف الناس دي من بعيد نوع من انواع عدم الموضوع .. شفت شاب ثلاثيني داخل المحل وجا قعد لابس نظاره طبيه بقيت براقب فيهو وهو بيتكلم ف الجوال ب انتباه دقيقتين وجات بت حلوه ومحترمه كده قعدو كانو حلويين شديد مع بعض . كل مره بيرجع نظارتو ل ورا بطريقه حلوه يعني الناس البلبسو نظارات بفهموني نظراتو ليها وهي بتتكلم حط ايدو علي خدو وبقا مراقبا . ضحكت ليو وضربتو علي خفيف ب كف ايدو ابتسمو ل بعض انا فتحت جوالي وابتديت اكتب :
عزيزي
راقبتك اليوم من بعيد، تتمشى في الشوارع المزدحمة كعادتك. لم أفهم أبدًا سر حبك لهذه العاده ، أتوقع إجابات لأسئلة لم اسألها، لكنك دائمًا تملك إجابات مختلفة تبهرني.
رأيتك بوضوح وسط الزحام: لم أخطئ هالتك يومًا، يمكنني تمييزك من أقل الأشياء: شالُك الأسود، تشيرتك القطني الابيض .، عيناك. طبعًا.
كنتُ أعلم أنك لا ترانب ، انتهزتُ الفرصة وبحثتُ عن الشىء الذي أحبه فيك جدًا: عفويتك. أن تمد يديك لتعيد نظارتك الطبيه ل مكانها انها عادتك الاجمل أن تفرك يديك استجلابًا لدفء لا تحتاجه، أن تبتسم لكل من يبتسم في وجهك، وهو شىء ما زال يُشعرني بالغيرة إلى الآن، لسبب بسيط وهو أني أحب ابتسامتك لا أريد أن يشاركني فيها شخصٌ آخر، حتى العفوية منها.
راقبتُك اليوم من بعيد، كان هذا هو الحدث الأهم في يومي، ماذا عن يومك انت؟!💙
-جات لي تعليقات كتيره قلت بعد م ارجع البيت اقراهم .. حسيت بعد شويه ان البت الكنت مراقباهم بتعاين لي وبتتكلم .. م ركذت معاها كتير . دفعت الحساب وطلبت قهوه تانيه وشلتها وطلعت ع البيت ☺️
-بعد كم يوم قاعده ف القاعه فتحت الفيس لقيت تعليقات كتيره ع اخر بوست نزلتو .. ودي احلي حاجه ان هويتي مجهوله حسابي ب #الدرويشه_السمراء لقيت تعليق جزبني كاتب :
سبحان الله كل م تنزلي شي بحسك معلس وكاتباو عشاني كتاباتك بتلمسني من الاعماق ربي يوفقك وحاطط قلب ازرق 💙.
رديت ليو .:
اكتب عني وعنكم .. بس ليه حاطط قلب ازرق؟!
ردا لي وكانو منتظرني من بدري :
-
- ان الورود الزرقااء تعني سأبقى احبك رغم كل شيء الى ما تبقى من العمر ، و القلب الازرق يحمل نفس المعنى..!!

- لا.. .. بل الازرق هو لون الاتساع.. ذاك الاتساع الذي لا حدود له.. الذي لا يمكن احتوائه.. الذي يفيض دائماً .. و يخرج عن السيطرة.. ليحكم دائماً .. لون السماء و فضاءه .. الازرق هو لون العمق الذي لا يصله سوا النادرون .. لون البحار.. الذي يصل لعمقها المخاطرون بقلوب ذو نبض متسارع.. متلهف للعمق اكثر.. و شغف بالزرقه كثيراً ..
يتسع لكل هذا الحب المزدحم لك ..
و عميق ... لانك النادر الذي وصل له..
الذي بلغ العمق.. قلبك الذي فاض بك.

الأزرق هو عقلك ..
تفكيرك ازرق.. طموحك ازرق ..
خيالك واسع جداً ..
لا تظهر تفاصيل الاشيااء التائه فيه..
لا يُمل من التامل به..
و محاولة استكشافه..
يتسع لسبع و سبعون الف نجمه
لسبع و تسعون الف مجره..
لسبع و تسعون الف غيمه بيضاء..
و لسبع و سبعون الف قطرة مطر 💙

رديت ليو ب حماس غريب لاول مره يحصل معاي:
معناها من اليوم م ح استخدم غيرو 💙
بقيت مبتسمه تلقائيا دخلت حسابو وبقيت بعاين ل صورو فعلا لابس نظاره طبيه "البلبسو نظارات انتو عشششق انتو *الاجمل ياه♥" لحيتو لايقه عليو الصوره لابس فيها قميص رمادي وبنطلون جينز علي رمادي وشبط مقفل اسود ومدخل ايديهو ف جيوبو وبيضحك 😌.. وانا بعاين للصوره فجاه سمعت صوت وحده بتقول لي فعلا جميل وكسار لمن بهناك .. عاينت ليها براحه لقيتها دي البت الكانت يوم المعرض مع الولد الشليق اتزكرتوها😊😂قلت ليها صحيي بتعايني مالك قالت لي كدي زحي زحي قعديني ذحيت ليها وقعدت معاي اتونسنا قالت لي اسمي ورد بقرا مستوي تالت لكن قلت ليها تشرفت لكن قالت لي لكن احلي حاجه اني عرفت الدرويشه السمراء دي منو ياخ باعته ليك ريقويست من سنه اسكت قعدت اضحك قلت ليها اسي اوافق ليك وافقت ليها ويلا الا تاخد سيلفي معاي اخدتها وجات طالعه شالت رقمي قالت لي يلا بلاقيك بعدين اوكيه؟؟ قلت ليها حلووو .بقا عندي ناس بقعد معاهم ولو غبت بفقدوني بس علاقتي معاهم حدها الجامعه بره بيضربو لي م برد او بكون نايمه . وجات الامتحانات وعلاقتي ب حبوبه محدوده شديد ايام الامتحانات دي مشت علي صعبه شديد لحد م خلصت 😏
اجازتي اسبوع واحد بس فيوم اتصلت لي لين قالت لي طالعين تجي معانا قلت ليها والله يااخ مكسله قالت لي منتظرنك يلا شويات ولبست وطلعت ليهم مشينا اتونسنا حسيت اني بجد فرقت معاهم انهم بيهتمو لامري لين قالت لينا باسل جا واتقدم لي امس وابوي بيسأل وبيشاور ف اعمامي وكده كلهم بقو يباركو ليها ودي تحضنها ودي تغمز ليها فجر قالت ليهم اما انا اموري وضحت اخيرا مع حسام وواتساب ومكالمات فل .. ورد بقت تضحك قالت ليهم اما انا الوحيده تقريبا البحب من طرف واحد لين عاينت ليها ممن متي؟ ليه م صارحتيهو ؟ وفجأه كلهم عاينو لي ! قلت ليهم ف شنو فجر قالت لي انتي

قلت ليها انا شنو كمان لين ردت لي نظام بستجوبو فيني بتحبي؟ قلت ليها لا ابدا ولا علي بالي .. الكلام ده صدمني انا قبل منهم لحد م ...!🌚

#يتبع

#القلب_الازرق 💙
05
كلامي صدمني من جواي قبل منهم بس م كان ف ايدي حاجه لما لقوني م جاوبت تاني غيرو الموضوع بس انا م طلع من بالي ابدا لما رجعت البيت وجا ف بالي الولد بتاع ال #القلب_الازرق 💙 مدري ليه مشيت دخلت صفحتو وبتفرج علي صورو لاحظت ل انو اغلب البوستات بتاعتو عن events في حياتو اغلبها عن فرقه وكلام دكاتره ف شلت اسمو واخترقت الحساب بتاعو والميل عرفت كل حاجه عاوزه اعرفها عنو :
اسمو عبدالله عندو 36 سنه دكتور . شغال تابع ل طاقم طبي ممتاز متخصص غير انو كثار دي بعرفااا من صورو .. علاقاتو مع البنات م كتيره ع السوشيال ميديا عدا عن البنات اللي ف حياتو قرايبو وصحباتو واخواتو 😒.والدكتورات المعاو وخصوصا وحده اسمها غفران م فضل لي الا اشيل عنوان بيتم وامشي ليهو😒 .. قفلت البحث وفتحت المسنجر لقيت رساله من عبدالله معلق لي علي بوستات كتيره انا منزلاهاا انبسطت م ادري ليه بس ك نوه من انواع الغبااء الوجداني والغرور الحاصل لي قفلتوو ورقدت نمت ..
الاجازه زي م هي قضيتها نووم من السرير للكنبه بليل ع الهاكرز وبنهار بنووم يوم عيوني اتورمت واتهيجت وبقت حمراا شديد جيت طالعه من غرفتي ع المطبخ اشيل تلج لقيت حبوبه ف وشي ي بت مالا عيونك كده حمراا ووارمه كنتي بتبكي قلت ليها لا واجعاني م انتظرتني اكمل قالت لي البسي عبايتك وارح الدكتور قلت ليها انا زاتي دكتوره مامحتاجه ل احد عاينت لي مسافه المهم احرجتني طوالي سكتت .. عملت اتصال وجاتني قالت لي مش مادايره تمشي الدكتور زاتو بجيبو ليك هنا جات بعد ساعه كده دكتوره ف التلتينات اسمها عفراء دكتوره عيون بعد عاينت لي وكده قالت لي الضووء تخففيهو الفتره دي ابعدي عن الجوال والكمبيوتر والنظاره محتاجه تتغير كتبت لي علي مرهم وحبوب ومس شكرتها وفاتت طوالي .. 😔
-بعد العصر حبوبه كانت جمبي شايفاها كل شويه تعاين لي قامت قالت لي امك قبيل اتصلت بتسال عنك قلت ليها صحي حلو طيب كيف هي قالت لي كويسه . م وريتك خالك ايوب بكره جاي ب اولادو عشان تكوني عارفه قلت ليها ي حبوبه اسمعيني انا ابدا مابيهموني لا خالي ولا جدي زاتو اذا كان اهلي انا م فارقه معاهم ومشغولين عني ب مشاغلم الباقين يفيدوني ب شنو؟! م بفرق معاي زول غيرك انتي ولو عاوزه تقنعيني ب العكس بخلي ليك البيت واشوف لي داخليه .. بس قبضتني من ايدي قالت لي الاسلوب ده عدليو نسيتي الجلده قلت ليها عادي دقيني تاني وح ارجع اقول نفس الكلام بقت محتاره معاي .. رجعت غرفتي لبست لي عبايه وطلعت .. الحساب بتاعي م فيهو ولا قرش قمت اتصلت ع ابوي اول م ردا لي قلت ليهو حسابي ليه م فيهو فلوس؟! قال لي لاني ععوز اعرفك بتتصرفي من وين وحبوبتك م بتدي ليك ؟! الوقت ده كلو .. قلت ليهو عمرك م حتعرف . عمري م ح احتاج ل قروشك وفتحت الكاميرا وقطعت البطاقات الائتمانيه قدامو وقفلت .. مشيت ل حبوبه قلت ليها عاوزه قروش ادتني بدون نقاش طلعت طوالي مشيت عملت كشف نظر قالو لي النظاره تجهز بعد ساعه مشيت الصيدليه اشتري المرهم والحاجات الكتبتم لي الدكتوره .. لسه م ادوني ليهم جا داخل راجل وبقا يكورك عارفه اني لو فضلت ح انفعل ودي م حاجه تخصني شلت حاجاتي بسرعه وطلعت .. ع المستشفي شلت النظاره وماشه شفت بنوته عندها زي اربعه سنوات واقفه براها وبتبكي بكا هستيري .. نزلت وبقيت واقفه متابعاها م عارفه ليه بس كده بكاها ده م بكا ساي .. اكتر من ربع ساعه والبت بتبكي مشيت ليها قلت ليها ليه بتبكي قالت لي بصوت مليان بكي م لقيت حبوبه مشت وخلتني قلت ليها طيب ماتبكي انا ح اقعد جمبك لحد م حبوبه تجي بقت ماسكه ف ايدي واحنا قاعدين قريب تلاته ساعات والدنيا ضلمت ولسه م جا زول والبت ابتدت تبكي تاني قمت قلت ليها انتي بيتكم وين قالت لي جمب الجامع قلت ليها اسمو جامع شنو قالت لي فيهو شيخ النعيم كنت مستغربه ان كيف طفله زي دي اهلهاا يسيبوها للوقت ده وم بفتشو عنها سقتها ومشيت اول جامع لاقاني كانت صلاه العشا . سالت راجل قال لي شيخ النعيم في الجامع القدام مشيت تاني سالت قالو لي اي موجود بس بيصلي المشكله انو البت نامت .. طفله ياخ بجد كسرت خاطري اتمليت ملي قلت الواحد كان يسوقها ويمشش ويخلي اهلها يولعو بت زي البسبوسه لو لقاها احد وساقها ح تعمل شنو؟!
ملاحظه اي عارفاها متكرره: بس ياريت اي ام تنتبه لاطفالا م يتكلمو مع شخص غريب في الشارع .. م ياخدو حاجه من زول غريب ولو حتي حلاوايه الا وانتو موجودين الذمن بقا كعب والنفوس م نضييفه .. الكلام ده علي عاتق الامهات ب الذات .. "
بقيت واقفه م عارفه اقبل يمين ولا شمال قلت اكيد اهلها بيفتشو عليها اقرب بيت جمبو ناس مشيت عليو ب العربيه نذلت وخليتها جوا نايمه الطفله اسمها نون .. لقيت وحده بتبكي قلت ليها خير ي اخت مالكم قالت لي انتي منو قلت ليها جارتكم هنا . قالت لي اختي دي بتها م لاقينهااا شافعه مرقت مع حبوبتها وحبوبتها عندها زهايمر وشوفه عينك نفتش ومحل دخلت م اتلقت وووووواي ي اختي الله يصبرررك .. قلت ليها ايوااه

عاينت لام
ن

ون كانت بتبكي وقاعده متكرفسه يقولو ليها ارح خشي جوا بتتلقي حلفت م تتحرك . قالت ليهم انتو م بتحسو انا بتي ضايعه م بتعرف شي ف الدنيا تقولو لي بتتلقي ماف زول يسالني الداير يخش يخش وخلوني ف حالي وقعدت تبكي وخاته ايديها ف وشهاا كسرت خاطري والله لمن دمعتاا😭. قمت مشيت ليها .قلت ليها ممكن تجي معاي قالت لي ب استغراب وين قلت ليها تعالي وحتعرفي مشت معاي جمب العربيه قلت ليها لقيتها جمب سوبر ماركت بتبكي قالت لي بيتنا جمب جامع شيخ النعيم م صدقتني فتحت ليها الباب لقتها نايمه طوالي سجدت وبقت تقول الحمدلله الحمد ليك ياااارب وقامت علي ضمتني 😢😢😢😭وهي بتبكي

#يتبع