🍃 Tilanchidan bir narsa tilanmoq oqilning ishi emas.

🍃 Dunyo bir tilanchidir. Sen, asl Podshohni unutib, dunyodan bir narsalar istamoqdasan..!

🍃 Bechora dunyo!
U ham ta’siri kuchli bo‘lgan sharobdan ichib, mast bo‘lgan va bir joyda turolmay, chayqalib turmoqda...

©Jaloliddin Rumiy

@Rumiy_Jaloliddin 🍃

🍃 Men bir baliqman.
Ishq esa men suzgan dengiz.
Ishqdan ko‘zlarim to‘la yosh bo‘lsa ham, u ko‘zyoshlarimni qayerdan bilsin?
Boshimni undan chiqarayin desam, baliqman.
Nafasim to‘xtaydi...

©Mavlono Rumiy

@Rumiy_Jaloliddin 🍃🍃

🌿 Qaysi payg‘ambar qayerda yashaganini bilasizmi?

Otamiz Odam va Onamiz Havvo — janubiy-g‘arbiy Osiyoda yashagan (yashagan joylari hozir qaysi davlatga to‘g‘ri kelishi haqida aniq ma’lumot yo‘q).

Nuh alayhissalom — Iroq Yaman
Idris alayhissalom — Falastin
Solih alayhissalom — Arabiston
Hud alayhissalom — Yaman
Ibrohim alayhissalom — Falastin
Lut alayhissalom — Iordaniya
Ismoil alayhissalom — Arabiston
Is’hoq alayhissalom — Falastin
Ya’qub alayhissalom — Falastin
Yusuf alayhissalom — Misr
Shu’ayb alayhissalom — Arabiston
Ayyub alayhissalom — Suriya
Horun alayhissalom — Misr
Muso alayhissalom — Misr
Zulkifl alayhissalom — Falastin
Dovud alayhissalom — Falastin
Sulaymon alayhissalom — Falastin
Alyasaʼ alayhissalom — Suriya
Ilyos alayhissalom — Suriya
Yunus alayhissalom — Falastin
Zakariyo alayhissalom — Falastin
Yahyo alayhissalom — Iordaniya
Iso alayhissalom — Falastin

Muhammad sollallohu alayhi vasallam — Arabiston

@Rumiy_Jaloliddin 🍃

🍃 Ayol bilmaganga Nafs,
Bilganga esa Nafasdir...

©Jaloliddin Rumiy

@Rumiy_Jaloliddin 🍃

🌿 – Bolam, sen yeyaver, mening qornim toʼq.
– Mana bu goʼshtni yegin, men goʼshtni uncha yoqtirmayman.
– Mana bu pulni olaver, menda unga ehtiyoj yoʼq.
– Mana bu choyshabni yopin, men sovqotmayapman.
– Yigʼlama, men kasal emasman....

Ona...

@Rumiy_Jaloliddin 🍃

🍃 Ishqning borlig'ida shu darajada yo'q bo'ldimki, U yo'qlik minglab borliqdan ko'ra yoqimliroqdir...

©Jaloliddin Rumiy

@Rumiy_Jaloliddin 🍃

🌿...

- Sen bilan o’qiladigan namozlar…
- Sen bilan o’qiladigan Qur’onlar…
- Sen bilan o’qiladigan duolar…
-Sen bilan kuladigan hazillar…
-va sen bilan Jannatlarda ham birga bo’lmoqlikni istayman qalbim chechagi…

@Rumiy_Jaloliddin 🍃

🍃 "Yashashdan qo‘rqasizmi, o‘limdanmi!?" deyishadi. Ikkisidan ham qo‘rqmasligimizni aytamiz. "Nega?" deb so‘rashsa, "Yashasak-Allohning panohida, o‘lsak - Allohning huzuridamiz" deymiz...

©Salim Ayyubiy

@Rumiy_Jaloliddin 🍃

🌿 Tirikmisiz..? Hayotni qadriga yeting.!

- Charchadingizmi.? Alloh yaratgan tabiat qoʻyniga chiqing, dam oling, tafakkur qiling!

- Yiqildingizmi.? Allohdan sabr va kuch soʻrab, turing oʻrningizdan!

- Sizdan soʻrasalar, siz bering,oʻylanmang.!..

- Sizni qadrlamasalar,xafa boʻlmang,qadr xam soʻramang.!

- Eshikni yopib xaydadilarmi.? U joyga aslo qaytib bormang.

- Sizga oʻrgatsalar, oʻrganing saboq oling.!

- Hayot sinovlari sizni sindirmoqqa chogʻlansa, aslo taslim boʻlmang.!

- Sizni sotsalar, kechirim bilan jazolang (qalbingizga qaytib kirgizmang, kirgizish ixtiyoringiz)

- Sizga qalb eshigini ochsalar, u qalbga kirishdan avval ifloslangan poyabzalingizni yechib kiring.

- Qachondir qalblardan quvilsangiz xafa boʻlmay keting, sabrli va kuchli boʻling.!
tirikmisiz? - Alloh siz bilan.!

- Yaralangan sherga, sogʻlom sherdan koʻra ogʻriqlar shijoat, kuch va xaybat berganidek, yiqilgan va qalbi yaralangan inson xam hayotda kuchli, shijoatli va sabrli va qoʻrqmas boʻlib boradi...

@Rumiy_Jaloliddin🍃

🌿 Hali shunday kun keladi...
Hovuchingizdagi duolaringiz ijobatidan yum~yum yig‘laysiz...

🌿 Hali shunday kun keladi, sabringizga tasanno aytasiz. Chunki orzularingiz ushaladi...

🌿 Hali shunday kun keladi, sizni qo‘l bilan ko‘rsatganlar, sizga qarsak chaladi...

🌿 Hali shunday kun keladi, daromadingiz kengayib o‘zingiz o‘ylamagan ulkan saxovatli ishlarni boshlaysiz...

🌿 Hali shunday kun keladi, Allohim "Bo‘l" deydi va hammasi bo‘ladi... Qadrligim, bo‘ladi, shunga ishoning...

@Rumiy_Jaloliddin 🍃

🍃 Bir ziyonga uchrash bir qancha ziyonlarni daf etadi.

Jismimiz, molimiz jonimizga fidodir. Jonimizga keladigan balo jismimizga, molimizga keladi. Gʻazabga uchradingmi podshohlarga mol-mulkingni berib, boshingni qutqarasan. Ish bilmaydigan johilmisan? Falokatga uchragach podshohdan molingni yashirishga tushasan.

©Jaloliddin Rumiy

@Rumiy_Jaloliddin 🍃

🌺 Saxarligu, iftorlikda beminnat xizmat qilayotgan Muslimalarimizga beadad ne'matlari bo'lgan Jannatda eng oliy maqomlarni bergin Robbim!

Robbim sizlarni Jannati bilan siylasin Jannat qalblilarim!

@Rumiy_Jaloliddin 🍃

🥰 Ramazon Hayiti Muborak Bo'lsin! 🎉

Allohu akbar! Allohu akbar!
La ilaha illallohu vallohu akbar!
Allohu akbar va lillahil hamd!

@Rumiy_Jaloliddin🍃

🍃 Tuproq kabi jim qolganimda bilki, chaqmoq qadar osmonni larzaga keltirmoqda faryodim.

©Hazrati Mavlono Rumiy

@Rumiy_Jaloliddin 🍃

🌿 Hayot kitoblarda bitilgan rivoyatlarga o‘xshaydi…

🌿 Har kuni yangi saxifa…

🌿 Bir beti mahzun kechsa…

🌿 Keyingi saxifasi quvonchga to‘la bo‘ladi…

🌿 Shuning uchun ham "Xavotir olmang!" Qorong‘ulikdan keyin yorug‘lik, musibatdan keyin albatta omad keladi...

🌿 Hayot sahifalarini varoqlayvering-da, Allohga tavakkal qiling, o‘zi shundoq ham hayot qisqa, zavqlanib yashang!

@Rumiy_Jaloliddin 🍃

🍃 Agar qalbingni og‘ritayotgan bo‘lsalar, Hafa bo‘lma!
Allohning: "Men singan qalblardaman", deb aytganini unutdingmi?

©Mavlono Rumiy

@Rumiy_Jaloliddin 🍃

« J »oningiz sog‘,
« U »mringiz uzoq,
« М »artabangiz ulug‘, 
« А »yyomingiz qutlug‘ bo‘lsin.!

🌙 Juma ayyomingiz muborak bo‘lsin !

@Rumiy_Jaloliddin 🍃

🍃 Alloh taolo kunduzni mehnat qilib, rizqingni topishing uchun senga ehson etdi. Kechani esa ishq uchun, sevishmoq uchun yaratdi.

🍃 Sening sevishganingni, sevgiling ila uchrashganingni badnazarlar ko‘rmasin deya, kechani qorong‘uliklar bilan pardaladi.

🍃 Xalq kecha bo‘ldi deguncha, uyquga ketadi. Oshiqlar esa butun kecha Allohga yolvoradilar, duo qiladilar, uning bilan so‘zlashadilar.

©Jaloliddin Rumiy

@Rumiy_Jaloliddin 🍃

🌿 Muslima hikoya qiladi :

   Bundan bir necha yil avval hayotimizda ajoyib voqea bo‘lib o‘tgan edi.
    O‘sha vaqtlari akam to‘y qilayotgan, ya’ni egizak qizlarini turmushga berayotgan  kezlar edi. Aksiga olib to‘y bo‘lishiga uch kun vaqt qolgan bo‘lsa- da , xo‘jayinim shu choqqacha akamning to‘y bilan qutlab , to‘yona berolmagan edilar. Endi ro‘zg‘or-g‘orda . Shunaqa kutilmagan vaziyatlar bo‘lib turar ekan. Qaramog‘imizda  ona- bola sigir buzoqchasi bilan   va yana bitta boquvdagi novvosimiz bor edi. Ochig‘i to‘yonaga shu novvosni moʻjallab yurgan edik. Ammo har doim ham bandaning aytgani bo‘lavermas ekan. Uni kelasi bozorga olib chiqib sotamiz degan kunimiz,  novvosimiz daladagi kichkinagina ariqchada uyalab  tarrakdek harom  qotib qoldi. Buyam bir sabab ekan- da. Bo‘lmasa shunday gungursdek novvosning o‘limiga  kengligi yarim quloch chiqmaydigan ariq sabab bo‘larmidi...

     Xullas ...
  
    "To‘yonani  ana topamiz , mana topamiz " deb to‘yga ham uch kun qoldi . "O‘zingda yo‘q , olamda yo‘q" deganlari rost ekan. Kimdan qarz so‘rasak , "Jonim bilan berardim-u..." deb yelka qisib , yer chizadi. O‘zimning urug‘larimdan so‘rashga istihola qilaman, ular ham  akamning ikkita qiz uzatayotganlari sababli biz kabi borini ularga to‘yona qilib berib bo‘lishgan.

    Axiri  xo‘jayinga "portladim" :
   - Men-ku mayli , ertaga o‘zingiz "To‘yga quruqdan - quruq borolmayman" deb  kuygan yuragimni battar kuydirasiz. Tili o‘n besh qarich , kekkayishining damida o‘n qozon osh pishadigan og‘aynilaringizdan qarz so‘rab ko‘rsangiz xonlikdan tushib qolmasdingiz ? Undan ko‘ra sizga bitta bahona bilan uyda o‘tirib olish oson. Menga esa to‘yning ta’timasligi bilan ishingiz yo‘q. Hech kimga qarz bermagan bo‘lsangiz ham mayliydi . Kim so‘rasa - ma ! Kim so‘rasa - ma ! So‘ramasa ham - ma ! Mana shunaqa bo‘ladi , pulni bebiliska ishlatish ...

     Xo‘jayin indamadilar .
     Bilib turibman ular o‘sha og‘aynilaridan allaqachon qarz so‘rab bo‘lganlarini . Ammo ... "So‘raganni bir beti qora, bo‘la turib bermaganni  ikki beti qora" degan gap rost bo‘lsa , bilmadim ularning qanchasi ...
 
   Turib - turib Xo‘jayinga achindim.
   Shom namozi vaqti kirdi. Ikkovimiz namozni ado etgach , men kechki ovqatimdan xabar olish uchun oshxonaga chiqib ketdim.

    Xo‘jayin esa ancha hayalladilar. Xavotir olib ichkariga mo‘ralasam ular joynamoz ustida "Voqea" surasini qiroat bilan o‘qib  o‘tirganlariga guvoh bo‘ldim . "Voqea" surasi rizqqa yo‘l boshlovchi ,rizq chaqiruvchi sura ekanligidan xabardor bo‘lganligim sabab boyagina Xo‘jayinga ta’na qilganim uchun o‘zimdan uyalib ketdim. Qilmishimdan qattiq mulzam chekdim.
   " Yo , Alloh , o‘zing kechir ... Men kimdan so‘rashni unutib qo‘yibman- a..."
    Ohista qadamlar bilan borib xo‘jayinimning duolariga qo‘l ochdim.
   Duo qilib bo‘lgach , iloji boricha muloyim ohangda so‘z qotdim :
   - Ovqatni suzaveraymi ?
     Dasturxonga endi kosalardagi sho‘rvalarni qo‘yishim bilan ko‘cha eshik qo‘ng‘irog‘i jiringladi.
    Yo‘qlaguvchidan xabar olishga ketgan to‘ng‘ich o‘g‘lim tezda ortiga qaytdi:
    - Ada , sizni bir notanish kishi so‘rayaptilar.  Uyga kiring desam unamadilar .
   Xo‘jayin hayron bo‘lgancha eshikka otlandilar. Oradan bir choy damlagulik fursat o‘tmasdan qo‘llarida polietilen xaltaga o‘ralgan bir necha bog‘lam pul bilan kirib keldilar :
    - Muslima,esingdami ? - dedilar ular hovliqqancha ,-uch yil avval Samarqandlik bir yigit mashinamni urib, ichidagi yangi qimmatbaho chinnilaringni sindirib yuborgandi. Tavallolar qilib "Bir xaftada pulini qilib beraman" deya  tilxat yozib   , shu bo‘yi yo‘q bo‘lib ketgandi.
    O‘shanda boshiga og‘ir savdolar tushib tuhmat bilan qamalib qolgan ekan. Endi mushkuli arib , uch oy avval qamoqdan qaytib kelibdi. Bu yerda o‘sha vaqtdagi  mashinani ta’mirlash uchun ketgan harajat va chinnilarning bahosi. Hozirgi narxiga to‘g‘rilab olib kelibdi. Kerakmas  desam ham qo‘yarda qo‘ymay tashlab ketdi. Xullas,  bu qo‘limizdan ketgan navvosning uchtasiga teng keladigan pul ...

    Men indamadim... Indashga madorim qolmagan edi...
Alloh buyuk...

@Rumiy_Jaloliddin🍃