#Рассказ အသံဘယ်လို ထွက်မလဲ?

ပုံပြင်/ဝတ္ထုတို/ဇာတ်လမ်းတိုလို့ အဓိပ္ပါယ်ရတဲ့ အထက်ပါစကားလုံးဟာ (он) အုပ်စုဝင် ဖြစ်ပါတယ်။ Рассказ တွင် စကားလုံး စုစုပေါင်း(၇)လုံး ရှိပြီး အသံထွက်ရှိမှုကတော့ (၆)သံသာ ပါရှိပါတယ်။ စကားလုံး(၇)လုံးတွင် ဗျည်းအက္ခရာ (၅)လုံးပါပြီး၊ သရအက္ခရာ (၂)လုံး ပါဝင်သည်။ ဗျည်းအက္ခရာ (၅)လုံးကတော့ (р, с, с, к, з) တို့ဖြစ်ပြီး၊ သရအက္ခရာ (၂)လုံးကတော့ (а,а)ဖြစ်ပါတယ်။ အသံထွက် ယူဆနည်းကတော့ အက္ခရာ (၇)လုံး ရှိတဲ့အနက် (၄)လုံးမြောက် ဗျည်းအက္ခရာဖြစ်တဲ့ (с) အသံကို ဖျောက်ဆိုရမှာ ဖြစ်သလို (၇)လုံးမြောက် ဗျည်းအက္ခရာဖြစ်တဲ့ (з)ကို (с)အသံ ထွက်ရမှာ ဖြစ်ပါတယ်။ အောက်တွင် ဖော်ပြချက်ကို ကြည့်ပါ။

Р - ဗျည်းအက္ခရာ (မူလ “ရ” အသံထွက်ရပါမယ်)
а - သရအက္ခရာ
с - ဗျည်းအက္ခရာ (မူလ “စ” အသံရှည် ရွတ်ဖတ်ရပါမယ်)
с - ဗျည်းအက္ခရာ (ဒီစကားလုံးရဲ့ အသံကိုတော့ ဖျောက်ရပါ့မယ်)
к - ဗျည်းအက္ခရာ (မူလ “ကာ/က” အသံထွက်ရပါမယ်)
а - သရအက္ခရာ
з - ဗျည်းအက္ခရာ (ဒီစကားလုံးရဲ့ မူလအသံ “ဇယ်/ဇ အစား “с-စယ်/စ” အသံထွက်ရပါမယ်)

Площадь အသံဘယ်လို ထွက်မလဲ?

ရင်ပြင်၊ ကွက်လပ်၊ ဧရိယာ၊ အကျယ်အဝန်းလို့ အဓိပ္ပါယ်ရတဲ့ အထက်ပါစကားလုံးဟာ (она) အုပ်စုဝင် ဖြစ်ပါတယ်။ Площадь တွင် စကားလုံး စုစုပေါင်း(၇)လုံး ရှိပြီး အသံထွက်ရှိမှုကတော့ (၆)သံသာ ပါရှိပါတယ်။ စကားလုံး(၇)လုံးတွင် ဗျည်းအက္ခရာ (၄)လုံး၊ သရအက္ခရာ (၂)လုံးနဲ့ ထူးခြားတဲ့ဝိသေသလက္ခဏာရှိတဲ့ များကီးဇနာ့လို့ အသံထွက်တဲ့ (ь) အသံပျော့အက္ခရာ(၁)လုံး ပါဝင်ပါတယ်။ ဗျည်းအက္ခရာ (၄)လုံးကတော့ (п, л, щ, д) တို့ဖြစ်ပြီး၊ သရအက္ခရာ (၂)လုံးကတော့ (о, а)ဖြစ်ပါတယ်။ အသံထွက် ယူဆနည်းကတော့ (о)ပေါ်မှာ ударение လို့ခေါ်တဲ့ ဖိသံ တင်ထားတဲ့အတွက် မူလအသံထွက်ရမှာဖြစ်ပြီး ခြွင်းချက်အနေနဲ့ (а) အသံကိုတော့ အီ(и)အသံပျော့/သံညှင်း ထွက်ဆိုရမှာဖြစ်ပြီး (дь)ကိုတော့ ပေါင်းပြီး သယ်/တယ် (т) အသံပျော့/သံညှင်း ထွက်ရမှာ ဖြစ်ပါတယ်။ အောက်တွင် ဖော်ပြချက်ကို ကြည့်ပါ။

п - ဗျည်းအက္ခရာ (မူလ “ပယ်/ပ” အသံထွက်ရပါမယ်)
л - ဗျည်းအက္ခရာ (မူလ “လယ်/လ” အသံထွက်ရပါမယ်)
о - သရအက္ခရာ
щ - ဗျည်းအက္ခရာ (မူလ အသံပျော့/သံညှင်း “သျှာ/သျှ” အသံ ထွက်ရပါမယ်)
а - သရအက္ခရာ (ခြွင်းချက်အနေနဲ့ မူလ “အာ/-ာ” အသံကိုဖျောက်ပြီး အသံပျော့/သံညှင်း “и-အီ/-ီ” အသံထွက်ရပါမယ်
дь - ဗျည်းအက္ခရာ (မူလ “ဒယ်” အသံကိုဖျောက်ပြီး အသံပျော့/သံညှင်း “т- သယ်/တယ်/ထယ်/ထ်” အသံထွက်ရပါမယ်)

ရှေ့တန်းရောက်စစ်သည်တွေအတွက်
၂၀၀၈/၀၉ လောက်က ကြိုက်ခဲ့ရတဲ့
ရုရှားသီချင်းလေးဖြစ်တဲ့
Когда окончится война
စစ်ကြီးပြီးသွားခဲ့ရင်
ဆိုတဲ့ သီချင်းလေးနဲ့ ဂုဏ်ပြုလိုက်ပါတယ်

ဘေးအန္တရာယ်ကင်းစွာနဲ့ မိသားစုနဲ့ ပြန်လည်ဆုံတွေ့ကြပါစေ
နိုင်ငံတော်အတွက် ဆူးငြှောင့်ခလုတ်တွေကို
အထိအခိုက်နည်းစွာနဲ့ ရှင်းထုတ်နိုင်ပါစေကြောင်း
ဆုမွန်ကောင်းတောင်းပေးလိုက်ရပါတယ်

သီချင်းအတွက် movie ကိုတော့
ရုရှား-ယူကရိန်း လက်ရှိဖြစ်နေတဲ့
စစ်ပွဲက movie ကို ယူသုံးထားပါတယ်

စိတ်မကြည်တဲ့အချိန် ဘယ်လိုပြောကြမလဲ?

Что? ‌ ဘာလဲ?

Это не твоё дело. အဲ့ဒါမင်း‌$လုပ်မဟုတ်ဘူး

Прекрати! တော်လိုက်တော့(ရပ်လိုက်)

Какого чёрта ты делаешь? မင်းဘာတွေ $တလွဲလုပ်နေတာလဲ?

Заткнись. ပါးစပ်ပိတ်လိုက်တော့

Я не могу представить свою жизнь без тебя.

မင်းမရှိဘဲ ငါ့ဘဝကို ဘယ်လိုမှ စိတ်ကူးယဉ်ပုံဖော်လို့ မရပါဘူးကွာ

Часы ဘယ်လိုအသံထွက်မလဲ

Часы ဆိုတာကတော့ နာရီလို့ အဓိပ္ပါယ်ရပါတယ်။ လက်ပတ်နာရီ၊ စားပွဲတင်နာရီ၊ နံရံကပ်နာရီ မှန်သမျှကို часы ဟု ခေါ်ဆိုသုံးစွဲပါတယ်။ Час ဆိုတာကတော့ နာရီပါပဲ။ ဒါပေမယ့် သူကတော့ ထိုးနာရီကိုခေါ်တာပါ။ ဘယ်နှစ်နာရီရှိပြီ ဆိုတာကို ဖော်ပြရာမှာ အသုံးပြုပါတယ်။ Часы မှာ အက္ခရာ(၄)လုံးရှိပြီးတော့ ဗျည်းအက္ခရာ(၂)လုံး၊ သရအက္ခရာ(၂)လုံး ရှိပါတယ်။ ဗျည်းအက္ခရာတွေကတော့ (ч, с) ဖြစ်ပြီးတော့ သရအက္ခရာကတော့ (а, ы) တို့ဖြစ်ပါတယ်။ ဒီနေရာမှာ ударение လို့ခေါ်တဲ့ ဖိသံဟာ ы(အီး)ပေါ်မှာရှိတဲ့အပြင် ခြွင်းချက်အနေနဲ့ သရ (а/အာ) အသံကို သရ (и/အီ) အသံထွက်ပေးရပါမယ်။ ဒါ့ကြောင့် часы ကို အသံထွက်မယ်ဆိုရင် (ချာစီး)လို့မထွက်ရဘဲ (ချီစီး)လို့ ထွက်ရမှာပဲ ဖြစ်ပါတယ်။

Ч - ဗျည်းအက္ခရာ(ချာ)
А - သရအက္ခရာ(အာ)(မူလ အာ အသံဖျောက်ပြီး и/အီ အသံထွက်ရန်)
С - ဗျည်းအက္ခရာ (စယ်/စ)
Ы - သရအက္ခရာ(အီး)

ရက်/လ တွေကို ဘယ်လိုအသုံးပြု ပြောဆိုကြမလဲ

ရုရှားဘာသာစကားမှာ “လ” အားလုံးဟာ(он) လို့ခေါ်တဲ့ အထီး/ပုလ္လိင်တွေပဲ ဖြစ်ပါတယ်။

အကြောင်းအရာမပါရှိပဲ ရက်စွဲသီးသန့် ဘယ်လိုသုံးမလဲ
မေးခွန်းအနေနဲ့

Kакое сегодня число ?(ဒီနေ့က ဘယ်နှစ်ရက်နေ့လဲ)

အထက်ပါမေးခွန်းကို ဖြေဆိုဖို့
၁။ ဒီနေ့က ဘယ်နေ့ဆိုတာ သိရမယ်။
၂။ ရက်စွဲ(обычная цифра/သာမန်ဂဏန်း)ကို именительный падеж, нейтральный род, единственное число တွင်ထားရှိရပါမယ်။ စကားလုံး အဆုံးသတ်မှာ (-ое/-е) နဲ့ အဆုံးသတ်ရပါမယ်။
၃။ ရုရှားတွင် “လ” အားလုံးဟာ (он) လို့ခေါ်တဲ့ အထီး/ပုလ္လိင်တွေပဲ ဖြစ်ပါတယ်။ ၎င်းကို родительный падеж, единственное число တွင် ထားရှိရပါမယ်။ စကားလုံး အဆုံးသတ်မှာ (-а/-я) နဲ့ အဆုံးသတ်ရပါမယ်။

အဲ့ဒီအချက်သုံးချက်ကို ကြည့်ပြီး ဥပမာအနေနဲ့ ဖြေကြည့်မယ်။

Сегодня четвёртое июня. (ဒီနေ့က ဇွန်လ လေးရက်နေ့ပါ)

ဒီအဖြေကို ကြည့်ရင်
၁။ Четвёртое ဆိုတာကတော့ (именительный падеж, нейтральный род, единственное число) ဖြစ်ပါတယ်။ မူရင်းစကားလုံးကတော့ четыре ဖြစ်ပါတယ်။ (именительный падеж, мужской род) အနေနဲ့ကတော့ четвёртый ဖြစ်ပါတယ်။
၂။ Июня ဆိုတာကတော့ (родительный падеж, единственное число) ဖြစ်ပါတယ်။မူရင်းစကားလုံးကတော့ июнь ဖြစ်ပါတယ်။

ဒီဥပမာကိုကြည့်ပြီး ရက်/လတွေကို အကြောင်းအရာမပါဘဲ ပြောဆိုနိုင်ဖို့အတွက် ဇယားတိုင်လေးပါ ဖော်ပြပေးလိုက်ပါတယ်။

ရုရှားဘာသာစကားမှာ Падеж လို့ခေါ်တဲ့ ကာရက/ကြိယာ၏အဓိပ္ပါယ်ကိုပေါ်လွင်စေခြင်း(၆)ခု ရှိပါတယ်။ အဲ့ဒါတွေကတော့

၁။ именительный падеж
၂။ родительный падеж
၃။ дательный падеж
၄။ винительный падеж
၅။ творительный падеж
၆။ предложный падеж

“Есть” နဲ့ “Нет” အသုံးပြုပုံပြုနည်း

Есть ဆိုတာကတော့ ရှိသည် ဆိုတဲ့ အဓိပ္ပါယ်ရပြီး нет ဆိုတာကတော့ အငြင်းစကားလုံး မဟုတ်ဘူး၊ မရှိဘူး ဆိုတဲ့ အဓိပ္ပါယ် ရပါတယ်။
မိမိမှာ ပိုင်ဆိုင်ခြင်းပြရန် “есть” ဖြင့် အသုံးပြုရန်အတွက် အောက်ပါအချက်တို့ကို သိထားရပါမယ်-
၁။ есть (именительный падеж) ဖြစ်သည်။
၂။ မိမိတွင် ပိုင်ဆိုင်ခြင်းပြဖို့အတွက် မိမိပြောဆိုလိုသော စကားလုံးသည် မူလအတိုင်း(кто?, что?) ဖြင့် အသုံးပြုနိုင်သည်။
ဥပမာ -
У меня есть машина.
အထက်ပါ စာကြောင်းမှာ У меня ဆိုတာကတော့ ကျွန်ုပ်မှာ/ကျွန်တော့်မှာ ဆိုတဲ့ အဓိပ္ပါယ်ရပြီး есть ဆိုတာကတော့ ရှိသည် ဆိုတဲ့ အဓိပ္ပါယ်ရပါတယ်။ အဲ့ဒီ‌မှာ နောက်က машина (что?) ကတော့ ကား/စက်ပစ္စည်း လို့အဓိပ္ပါယ် ရပါတယ်။ အဲ့ဒီအတွက် တစ်ကြောင်းလုံး ဘာသာပြန်ရရင် ကျွန်တော့်မှာ ကားရှိတယ် ဆိုတဲ့ အဓိပ္ပါယ် ရပါတယ်။

У меня есть младший брат.
အထက်ပါအတိုင်းပဲ младший брат(какой?/кто?) ကတော့ ညီငယ်/ညီလေး လို့အဓိပ္ပါယ်ရပါတယ်။ အဲ့ဒီအတွက် တစ်ကြောင်းလုံးကို ဘာသာပြန်ရရင် ကျွန်တော့်မှာ ညီလေး ရှိတယ် ဆိုတဲ့ အဓိပ္ပါယ် ရပါတယ်။

မိမိမှာ မရှိကြောင်း/ မပိုင်ဆိုင်ကြောင်းပြရန် “нет” ဖြင့် အသုံးပြုရန်အတွက် အောက်ပါအချက်တို့ကို သိထားရပါမယ်-
၁။ нет (родительный падеж) ဖြစ်သည်။
၂။ မိမိတွင် မရှိကြောင်း/မပိုင်ဆိုင်ကြောင်း ပြဖို့အတွက် မိမိပြောဆိုလိုသော စကားလုံးသည် မူလစကားလုံးကို ပေါင်းထည့်ရတာတွေ ရှိပါတယ်(кого?, чего?) ဖြင့် အသုံးပြုနိုင်သည်။
ဥပမာ -
У меня нет машины.
အထက်ပါ စာကြောင်းမှာ У меня ဆိုတာကတော့ ကျွန်ုပ်မှာ/ကျွန်တော့်မှာ ဆိုတဲ့ အဓိပ္ပါယ်ရပြီး нет ဆိုတာကတော့ မရှိဘူး ဆိုတဲ့ အဓိပ္ပါယ်ရပါတယ်။ အဲ့ဒီ‌မှာ နောက်က машины (чего?) ကတော့ ကား/စက်ပစ္စည်း လို့အဓိပ္ပါယ် ရပါတယ်။ အဲ့ဒီအတွက် တစ်ကြောင်းလုံး ဘာသာပြန်ရရင် ကျွန်တော့်မှာ ကားမရှိဘူး ဆိုတဲ့ အဓိပ္ပါယ် ရပါတယ်။

У меня нет младшего брата.
အထက်ပါအတိုင်းပဲ младшего брата(кого?) ကတော့ ညီငယ်/ညီလေး လို့အဓိပ္ပါယ်ရပါတယ်။ အဲ့ဒီအတွက် တစ်ကြောင်းလုံးကို ဘာသာပြန်ရရင် ကျွန်တော့်မှာ ညီလေး မရှိဘူး ဆိုတဲ့ အဓိပ္ပါယ် ရပါတယ်။

အလားတူ (был, была, было, были နဲ့ не было) ဆိုတဲ့ ရှိခဲ့တယ်/ဖြစ်ခဲ့တယ် နဲ့ မရှိခဲ့ဘူး/မဖြစ်ခဲ့ဘူး ကိုလဲ အထက်ပါအတိုင်း အသုံးပြုရပါမယ်။ အလွယ်တကူ အသုံးပြုနိုင်ဖို့ အောက်ပါ အလွယ်နည်းလေးကို သိထားဖို့ လိုပါတယ်။

Есть ဖြင့် ရေးပါက မူရင်းစကားလုံးကို ပြောင်းစရာမလိုပေမယ့် нет ဖြင့်ရေးလျှင် မူရင်းစကားလုံးကို အောက်ပါအတိုင်း ပြောင်းလဲပေးရပါမယ်။

၁။ Он တိုင်းကို “а/я” ပေါင်းထည့်ရမယ်။
၂။ ခြွင်းချက် й/я ဖြင့်ဆုံးသော музей/календарь လိုစကားလုံးတွင် музея/календаря ဆိုပြီး “я” ပေါင်းထည့်ပေးရပါမယ်။
၃။ Она တိုင်းကို “ы/и” ပေါင်းထည့်ရပါမယ်။
၄။ Она စကားလုံးများမှ “а” ဖြင့်ဆုံးသော စကားလုံးများကို “ы” ပေါင်းထည့်ပေးရပါမှာ ဖြစ်ပြီး “я/ь” ဖြင့်ဆုံးသော စကားလုံးများကို “и” ပေါင်းထည့်ပေးရပါမှာ ဖြစ်ပါတယ်။
၅။ ခြွင်းချက်အနေနဲ့ “а” ဖြင့်ဆုံးသော “г, к, х, ж, ш, ч, щ” တို့ရဲ့နောက်မှာတော့ “и” ပေါင်းထည့်ပေးရပါမယ်။
၆။ Оно တိုင်းကို “а/я” ပေါင်းထည့်ပေးရပါမယ်။
၇။ “о” ဖြင့်ဆုံးသော စကားလုံးကို “а”ပေါင်းပြီး “е” ဖြင့်ဆုံးသော စကားလုံးကို “я” ပေါင်းရပါမယ်။

Нравится/нравятся ကို ဘယ်လိုသုံးမလဲ

Нравится/нравятся ဆိုသည့် (ကြိုက်နှစ်သက်သည်) ကို အသုံးပြုရာတွင် အောက်ပါတို့ကို သိရှိထားရမည်။

၁။ ပြုလုပ်သူ(နာမ်စား)သည် дательный падеж အဖြစ် အသုံးပြုရမည်။
၂။ нравится/нравятся ၏နောက်တွင် ကတ္တားပုဒ် именительный падеж အဖြစ် အသုံးပြုရမည်။
၃။ ကတ္တားပုဒ်သည် အနည်းကိန်းဖြစ်ပါက нравится ဖြင့် အသုံးပြုရမည်ဖြစ်ပြီး၊ အများကိန်းဖြစ်ပါက нравятся ဖြင့် အသုံးပြုရမည်။
၄။ именительный падеж ဖြစ်သော я, ты, он, она, мы, вы, они ကို ပြုသူ/ဖြစ်သူ(နာမ်စား) ကို дательный падеж အဖြစ် အသုံးပြုမည်ဆိုလျှင် мне, тебе, ему, ей, нам, вам, им အဖြစ် အသုံးပြုရပါမည်။

ဥပမာ အနေဖြင့်
Мне(я) нравится этот салат.
အဲ့အသုတ်ကို ငါကြိုက်တယ်။
Тебе(ты) нравятся машины?
မင်း ကားတွေ/စက်ပစ္စည်းတွေကို သဘောကျလား။
Ему(он) нравятся машины.
သူက ကားတွေ/စက်ပစ္စည်းတွေကို သဘောကျတယ်။
Ей(она) очень нравится мой брат.
သူမက ငါ့အကိုကို အရမ်းသဘောကျ/ကြိုက်နေတယ်။
Нам(мы) нравится этот город.
ငါတို့ ဒီမြိုလေးကို သဘောကျတယ်။
А что вам(вы) нравится?
ခင်ဗျား/မင်းတို့ ဘာကို သဘောကျကြိုက်နှစ်သက်လဲ။
Им(они) нравятся компьютеры.
သူတို့က ကွန်ပျူတာတွေကို သဘောကျတယ်။

ရုရှား ယောင်္ကျားလေး သူငယ်ချင်း အချင်းချင်း ခေါ်ဝေါ်ကြတဲ့ စကားလုံး(၁၀)

၁။ брат (ညီအစ်ကို)
အထက်ပါ ခေါ်ဝေါ်မှုကတော့ အထူးအဆန်း မဟုတ်ပါဘူး။ သို့ပေမယ့်လို့ လမ်းပေါ်မှာ အဲ့လို ကိုယ့်ကို လာခေါ်ရင်တော့ ကိုယ့်ဆီက တစ်ခုခု အကူအညီလိုလို့ ဒါမှမဟုတ် အနည်းဆုံးတော့ ဆေးလိပ်တောင်းသောက်ဖို့ရာတော့ သေချာပါတယ်။

၂။ друг (သူငယ်ချင်း/ယောင်္ကျားလေး သူငယ်ချင်းကိုသာ ခေါ်‌ဝေါ်သုံးစွဲသည်)
အထက်ပါ ခေါ်ဝေါ်မှုကလဲ အထူးအဆန်း မဟုတ်ပါဘူး။ ယောင်္ကျားလေးသူငယ်ချင်းကို друг လို့ခေါ်ဝေါ်ပါတယ်။ မိန်းကလေး သူငယ်ချင်းကိုတော့ подруга လို့ ခေါ်ဝေါ်ပါတယ်။ သူလဲ брат ကဲ့သို့ပင် လမ်းပေါ်မှာ အဲ့လို ကိုယ့်ကို လာခေါ်ရင်တော့ ကိုယ့်ဆီက တစ်ခုခု အကူအညီလိုလို့ ဒါမှမဟုတ် အနည်းဆုံးတော့ ဆေးလိပ်တောင်းသောက်ဖို့ရာတော့ သေချာပါတယ်။

၃။ кореш (ရင်းနှီးသောမိတ်ဆွေ)
ဒီစကားလုံးကတော့ ၂၀ ရာစုအစောပိုင်းက ဒုစရိုက် အသိုင်းအဝိုင်းတွေကနေ ဆင်းသက်လာခြင်း ဖြစ်ပါတယ်။ Yiddish ဘာသာစကားမှာ 'кореш' ဟာ 'ဆွေမျိုး' လို့ အဓိပ္ပာယ်ရပါတယ်။ ရုရှားဒုစရိုက်လောကမှာ ဂျူးလူမျိုးတွေဟာ Yiddish စကားပြောတတ်တာကြောင့် သူတို့ရဲ့ စကားတွေဟာ ရုရှားဘာသာကို ကူးပြောင်းလာပါတယ်။ လက်ရှိမှာတော့ 'кореш' ဆိုတဲ့ စကားလုံးဟာ "ရင်းနှီးသောမိတ်ဆွေ" လို့သာ အဓိပ္ပာယ်ရပြီး ဒုစရိုက်မှုဆိုင်ရာ အဓိပ္ပါယ်ကို မမှတ်ယူတော့ပါဘူး။

၄။ Земляк (နယ်သား)
ဒီစကားလုံးကတော့ ရုရှားဘာသာစကားက земля ကမ္ဘာမြေ/မြေကြီး လို့အဓိပ္ပါယ်ရတဲ့ စကားလုံးကနေ ဆင်းသက်လာတာပါ။ တစ်နယ်တည်းသား၊ တစ်ရွာတည်းသား၊ ဆွေမျိုး၊ ရပ်ဆွေရပ်မျိုးလို့ အဓိပ္ပါယ်ရပါတယ်။ ကျတော်‌တို့ တပ်မတော်အသိုင်းအဝိုင်းက ခေါ်ဝေါ်သုံးစွဲကြတဲ့ နယ်သား ဆိုတဲ့ အဓိပ္ပါယ်ဟာ ဒီ Земляк ဆိုတဲ့ စကားလုံးနဲ့ အဓိပ္ပါယ်တူပင် ဖြစ်ပါတယ်။

၅။ Старик (အဘိုးအို၊ ဘိုးတော်)
ဒီစကားလုံးကတော့ ယောင်္ကျားလေးတွေ အချင်းချင်းသာ ခေါ်ဝေါ်သုံးစွဲကြပါတယ်။ Старик လို့ခေါ်ဝေါ်တာဟာ အဘိုးအို၊ ဘိုးတော် စတဲ့ အဓိပ္ပါယ်နဲ့မဟုတ်ဘဲ ကာလကြာမြင့်စွာ သိကျွမ်းရင်းနှီးတဲ့သူ ဖြစ်တာကြောင့် ခေါ်ဝေါ်ကြခြင်း ဖြစ်ပါတယ်။ ဒီစကားလုံးကို မိန်းကလေးတွေကိုတော့ ခေါ်ဝေါ်မသုံးစွဲမိဖို့ လိုပါတယ်။ မိန်းကလေးတွေကို အထက်ပါ စကားလုံးနဲ့ ခေါ်ဝေါ်သုံးစွဲရင် ဆော်ကားသလို အဓိပ္ပါယ်သက်ရောက်သွားတယ်လို့ ဆိုပါတယ်။

၆။ Кент (သိကျွမ်းသူ/မင်း)
ဒီစကားလုံးကလဲ кореш လိုပဲ Yiddish ဘာသာစကားက ဆင်းသက်လာဖွယ် ရှိပါတယ်။ သူ့ရဲ့အဓိပ္ပါယ်ကတော့ သိကျွမ်းသူ/မင်း လို့ အဓိပ္ပါယ်ရပါတယ်။ ပုံမှန်အနေနဲ့ ရုရှားအမျိုးသားတစ်ဦးဟာ တစ်စုံတစ်ဦးကို 'Кент' လို့ ခေါ်ဆိုပါက ခင်မင်ရင်းနှီးမှုဟာ အမှန်တကယ် ရင်းနှီးကြောင်းနဲ့ သူနဲ့ အဆိုပါ 'Кент' လို့ခေါ်ခံရသူဟာ ခက်ခဲတဲ့ အချိန်တွေကို အတူတကွ ကျော်ဖြတ်ခဲ့ကြတယ်လို့ ဆိုလိုပါတယ်။

၇။ Кирюха (သောက်ဖော်/သောက်ဖက်)
ဒီစကားလုံးကတော့ ဗန်းစကား အသုံးအနှုန်း кирять က ဆင်းသက်လာပြီး ဒီစကားလုံးဟာ အရက်ကို နှစ်သက်သူဖြစ်ပြီး သင်နဲ့အတူသောက်တဲ့ သူငယ်ချင်း(သောက်ဖော်/သောက်ဖက်)ကို ဆိုလိုခြင်း ဖြစ်ပါတယ်။

၈။ Приятель (သူငယ်ချင်း/သိကျွမ်းသူ/အဖော်/အသိမိတ်ဆွေ)
ဒီစကားလုံးကိုတော့ မိမိရဲ့ သူငယ်ချင်းကို မခေါ်ကြပါဘူး။ ဘာလို့လဲဆိုတော့ ဒါဟာ မိမိနဲ့ လွယ်ကူတဲ့ ဆက်ဆံရေးရှိသူ တစ်ယောက်လို့ အဓိပ္ပာယ်ရပေမယ့် အဲဒါကို ခင်မင်မှုလို့ မခေါ်နိုင်သေးပါဘူး။ 'Приятель' ဟာ သူငယ်ချင်းတွေ ဖြစ်လာနိုင်ပေမယ့်လို့ အမြဲတမ်းတော့ မဟုတ်ကြပါဘူး။

၉။ Товарищ (သူငယ်ချင်း/မိတ်ဆွေ/ရဲဘော်ရဲဘက်/လုပ်ဖော်ကိုင်ဖက်)
ဒီစကားလုံးကတော့ 'товар' ဆိုတဲ့ (ထုတ်ကုန်/ကုန်ပစ္စည်း) စကားလုံးကနေ ဆင်းသက်လာတာဖြစ်ပြီးတော့ 'товарищ' ကို ရုရှားမှာ စီးပွားရေး လုပ်ဖော်ကိုင်ဖက်တစ်ဦးလို့ အဓိပ္ပာယ်ဖွင့်ဆိုဖို့ ကနဦး အသုံးပြုခဲ့ပါတယ်။ ဒါပေမယ့်လို့ ဆိုဗီယက်ခေတ်မှာ အဲ့ဒီစကားလုံးဟာ USSR မှာရှိတဲ့ လူတွေသာမက အမျိုးသားတွေ အတွက်ပါ ကျယ်ပြန့်တဲ့ အသုံးအနှုံးတစ်ခု ဖြစ်လာခဲ့ပါတယ်။ ဒီစကားလုံးကို အမျိုးသမီးတွေကိုလည်း ခေါ်နိုင်ပါတယ်။ လက်ရှိမှတော့ ဒီစကားလုံးဟာ အသုံးပြုမှုနည်းပါးပြီး အဲ့ဒီစကားလုံးအစား 'приятель' ဆိုတဲ့ စကားလုံးကို အသုံးပြုကြပါတယ်။

၁၀။ Знакомый (မျက်နှာသိ/မြင်နေကျ/တွေ့နေကျ/အသိမိတ်ဆွေ)
ဒီစကားလုံးဟာ မိမိနဲ့သိကျွမ်းတဲ့လူကို ဆိုလိုတာ ဖြစ်ပေမယ့်လို့ သူငယ်ချင်းများ ဒါမှမဟုတ် အပေါင်းအသင်းများ မဟုတ်ကြပါဘူး။ မိမိအနေနဲ့ သူတို့ရဲ့ အသိအကျွမ်းဖြစ်နေပြီး အဲဒီလူနဲ့ ဆက်ဆံရေးကောင်းဖို့ မလိုအပ်ပါဘူး။