понимать / понять
ပါညီမာ့ခ်ျ / ပါညာ့ခ်ျ (သိရှိသည်)

အပေါ်က သီချင်းလေးရဲ့ ခေါင်းစဉ်ကတော့ “Понимаешь?” “မင်းသိရဲ့လား” ဆိုတာပဲ ဖြစ်ပါတယ်။

ဒီနေရာမှာ ရှေ့က “မင်း” ဆိုတဲ့ Ты ကို ဖျောက်‌ထားပေမယ့်လို့ понимаешь လို့သုံးထားတာဖြစ်တဲ့အတွက် -ешь အဖြစ် ပစ္စုပ္ပန်ကာလတွင် ты ဖြင့်တွဲရေးရတဲ့ ကိရိယာပုံစံ ရေးသားထားတဲ့ အတွက်ကြောင့် “မင်း” လို့ပေါင်းထည့်ပေးခြင်း ဖြစ်ပါတယ်။

အဲ့ဒီအတွက် သီချင်းလေးနားထောင်ရင်း понимать / понять ရဲ့ ကြိယာပုံစံ အသုံးပြုဖို့အတွက် အောက်ပါတို့ကို လေ့လာမှတ်သားထားကြစေလိုပါတယ်။

လက်ရှိကာလ/ပစ္စုပ္ပန်ကာလမှာ သုံးချင်ရင်

Я(ငါ) → понимаю
Ты(မင်း/သင်) → понимаешь
Он/она/оно(သူ/သူမ/သဘာဝ) → понимает
Мы(ကျွန်ုပ်တို့) → понимаем
Вы(မင်းတို့/ခင်ဗျား) → понимаете
Они(သူတို့) → понимают


အတိတ်ကာလမှာ သုံးချင်ရင်

Я/он (ငါ/သူ) → понимал / понял
Я/она (ငါ/သူမ) → понимала / поняла
Оно (သဘာဝ) → понимало / поняло
Мы/вы/они (ငါတို့/မင်းတို့/သူတို့) → понимали / поняли


အနာဂတ်ကာလမှာ သုံးချင်ရင်

Я(ငါ) → буду понимать / пойму
Ты(မင်း/သင်) → будешь понимать / поймёшь
Он/она/оно(သူ/သူမ/သဘာဝ) → будет понимать / поймёт
Мы(ကျွန်ုပ်တို့) → будем понимать / поймём
Вы(မင်းတို့/ခင်ဗျား) → будете понимать / поймёте
Они(သူတို့) → будут понимать / поймут


အမိန့်ပေးတဲ့ပုံစံနဲ့ သုံးနှုံးပြောချင်ရင်တော့
Ты(မင်း) → понимай / пойми (သိလား)
Вы(မင်းတို့) → понимайте / поймите သိရဲ့လား)

စသည်ဖြင့် ရှေ့က ပြုလုပ်သူ(S)၏ အမျိုးအစားကိုကြည့်ပြီး နောက်က သုံးနှုံးရမှာတွေပဲ ဖြစ်ပါတယ်။

ရုရှား ဘာသာစကားတွင် လေယူလေသိမ်းပေါ်မူတည်ပြီး
အဓိပ္ပါယ်ပြောင်းလဲ ခြားနားသွားကြတာတွေ၊
စာလုံးတွဲရေးရင် တစ်မျိုး အဓိပ္ပါယ်ရပြီး
ခြားရေးရင် အခြား အဓိပ္ပါယ် ထွက်တာလေးတွေ ရှိပါတယ်။

အပိုင်း(၇)

дурманить  ဒူရ်မာညိ့ခ်ျ
дур манить ဒူရ် မာညိ့ခ်ျ


ပထမ စကားလုံးဖြစ်တယ့် дурманить ဆိုတာကတော့ “ယစ်မူးသည်/ဆွဲဆောင်တယ်” ဆိုတဲ့ အဓိပ္ပါယ်ရပါတယ်။

ဥပမာအားဖြင့် -
Этот цветов запах дурманит голову.
အယ်သာ့ထ် စဗျယ်သော့ဖ် ဇာပါ့ခ် ဒူရ်မာညိ့ထ် ဂေါ်လာဗူ
“ဒီပန်းအနံ့က ခေါင်းကို မူးနောက်စေတယ်” လို့
အဓိပ္ပါယ်ရပါတယ်။

Его голос дурманил меня.
ရီဗော် ဂေါ်လာ့စ် ဒူရ်မာညီလာ မီညာ
သူရဲ့ အသံလေးက ကျမကို ယစ်မူးသွားစေခဲ့တယ်။/ သူရဲ့အသံလေးက ကျမကို ဆွဲဆောင်ခဲ့တယ်။

အထက်ပါ ဝါကျ(၂)ကြောင်းမှာ дурманить ကို ကြိယာပုံစံ သုံးနှုံးထားတာ ကွာခြားမှုရှိတာကို တွေ့မြင်ရမှာပါ။ ဘာလို့လဲဆိုတာကို အောက်မှာ ကြည့်ရအောင်

လက်ရှိကာလ/ပစ္စုပ္ပန်ကာလမှာ သုံးချင်ရင်

Я(ငါ) → дурманю
Ты(မင်း/သင်) → дурманишь
Он/она/оно(သူ/သူမ/သဘာဝ) → дурманит
Мы(ကျွန်ုပ်တို့) → дурманим
Вы(မင်းတို့/ခင်ဗျား) → дурманите
Они(သူတို့) → дурманят


အတိတ်ကာလမှာ သုံးချင်ရင်

Я/он (ငါ/သူ) → дурманил
Я/она (ငါ/သူမ) → дурманила
Оно (သဘာဝ) → дурманило
Мы/вы/они (ငါတို့/မင်းတို့/သူတို့) → дурманили


အနာဂတ်ကာလမှာ သုံးချင်ရင်

Я(ငါ) → буду дурманить
Ты(မင်း/သင်) → будешь дурманить
Он/она/оно(သူ/သူမ/သဘာဝ) → будет дурманить
Мы(ကျွန်ုပ်တို့) → будем дурманить
Вы(မင်းတို့/ခင်ဗျား) → будете дурманить
Они(သူတို့) → будут дурманить


အမိန့်ပေးတဲ့ပုံစံနဲ့ သုံးနှုံးပြောချင်ရင်တော့
Ты(မင်း) → дурмань
Вы(မင်းတို့) → дурманьте

စသည်ဖြင့် ရှေ့က ပြုလုပ်သူ(S)၏ အမျိုးအစားကိုကြည့်ပြီး နောက်က သုံးနှုံးရမှာပဲ ဖြစ်ပါတယ်။

နောက်တစ်လုံးဖြစ်တယ့် дур манить ရဲ့ အဓိပ္ပါယ်ကတော့ “လူမိုက်ကခေါ်ဆောင်တယ်” လို့ အဓိပ္ပါယ် ဖြစ်သွားပါတယ်။ ရှေ့စာလုံး дур ဆိုတာကတော့ дурак(ဒူရခ်) ဆိုတဲ့ အရူး/လူမိုက် လို့ အဓိပ္ပါယ်ရပါတယ်။ Манить ဆိုတာကတော့ “မြူဆွယ်တယ်/သွေးဆောင်ဖြားယောင်တယ်/လက်ယက်ခေါ်တယ်/အချက်ပေးတယ်" လို့ အဓိပ္ပါယ် ရပါတယ်။

ဥပမာအားဖြင့် -
Полиция поманила дурака.
ပါလီစီရာ ပေါ်မာညီလာ ဒူရာကာ
လူမိုက်ကို ရဲက လက်ယက်ခေါ်ခဲ့တယ်။

Когда доктор/врач поманил дурака на лечение.
ကာ့ဂဒါ ဒေါ့ခ်သာရ်/ဗရာခ်ျ ပါမာညီလ် ဒူရာကာ နာ့ လယ်ချယ်ညီရယ်
အရူးကို ဆေးကုသရန်အတွက် ဆရာဝန်က အချက်ပေးခဲ့တယ်။


အထက်ပါ ဝါကျ(၂)ကြောင်းမှာ манить အစား поманить(ပေါ်မာညိခ်ျ) ကို ပြည့်စုံတိကျတဲ့ ကြိယာပုံစံ သုံးနှုံးထားတာကို တွေ့ရမှာဖြစ်ပါတယ်။ Манить/ поманить ရဲ့ ကြိယာပုံစံ ပြောင်းလဲမှုတွေကို အောက်မှာ ကြည့်ရအောင်

လက်ရှိကာလ/ပစ္စုပ္ပန်ကာလမှာ သုံးချင်ရင်

Я(ငါ) → маню
Ты(မင်း/သင်) → манишь
Он/она/оно(သူ/သူမ/သဘာဝ) → манит
Мы(ကျွန်ုပ်တို့) → маним
Вы(မင်းတို့/ခင်ဗျား) → маните
Они(သူတို့) → манят


အတိတ်ကာလမှာ သုံးချင်ရင်

Я/он (ငါ/သူ) → манил / поманил
Я/она (ငါ/သူမ) → манила / поманила
Оно (သဘာဝ) → манило / поманило
Мы/вы/они (ငါတို့/မင်းတို့/သူတို့) → манили / поманили


အနာဂတ်ကာလမှာ သုံးချင်ရင်

Я(ငါ) → буду манить / поманю
Ты(မင်း/သင်) → будешь манить / поманишь
Он/она/оно(သူ/သူမ/သဘာဝ) → будет манить / поманит
Мы(ကျွန်ုပ်တို့) → будем манить / поманим
Вы(မင်းတို့/ခင်ဗျား) → будете манить / поманите
Они(သူတို့) → будут манить / поманят


အမိန့်ပေးတဲ့ပုံစံနဲ့ သုံးနှုံးပြောချင်ရင်တော့
Ты(မင်း) → мани
Вы(မင်းတို့) → маните

အထက်ပါ поманить ဆိုတာမှာ “м” နောက်က “а” ပြုတ်ကျကျန်ခဲ့ရင် помнить ‌(ပေါ်မ်ညိ့ခ်ျ) “သတိရခြင်း” ဆိုတဲ့ အဓိပ္ပါယ် သက်ရောက်သွားပါလိမ့်မယ်။

много народу မနောဂါ နာရော့ဒူ
много народа မနောဂါ နာရော့ဒါ

အထက်ပါစကားလုံးကတော့ “‌လူတွေအများကြီးပဲ” လို့ အဓိပ္ပါယ် ရပါတယ်။

ကော်ဖီဆိုင်ထဲမှာ/ဆိုင်တစ်ခုခုအတွင်းမှာ လူတွေအများကြီးပဲ ဆိုတာကို ပြောချင်ရင်
много народу လို့သုံးကြမလား?
много народа လို့ သုံးကြမလား? ဆိုတာအတွက် ရှင်းလင်းချက်ကလေးကို ကြည့်ကြရအောင်။

народа/народу ဆိုတာကတော့ народ(နာရော့ထ်) ဆိုတဲ့စကားလုံးကနေ ဖြစ်ပေါ်လာတာပဲ ဖြစ်ပါတယ်။ အဲ့ဒီ народ ဆိုတဲ့ စကားလုံးကို အသုံးပြုပုံ (၃) မျိုးနဲ့ အသုံးပြုကြပါတယ်။

ပထမတစ်မျိုးက နိုင်ငံတစ်ခုအတွင်းမှာ၊ အစိုးရတစ်ခုအောက်မှာ နေထိုင်တဲ့သူတွေ အားလုံးကို ခေါ်ဆိုတာဖြစ်ပါတယ်။

ဒုတိယတစ်မျိုးက ဘာသာစကား၊ ယဉ်ကျေးမှု၊ လူမျိုးအရင်းအမြစ် တစ်ခုခုတူလို့ စုဖွဲ့နေတဲ့ လူအစုအဖွဲ့/လူမျိုးစုကို ခေါ်ဆိုတာဖြစ်ပါတယ်။

တတိယတစ်မျိုးကတော့
အနည်းကိန်းပုံစံနဲ့ပဲ အသုံးပြုလို့ရတဲ့
လူများဆိုတဲ့ အဓိပ္ပါယ်ဖြစ်ပါတယ်။

ကော်ဖီဆိုင်ထဲမှာ လူအများကြီးဆိုတာမှာ သုံးထားတဲ့ народ ဟာ အောက်ဆုံးပုံစံ (စကားပြော၊ အနည်းကိန်း) ဖြစ်တဲ့အတွက် народа လို့ -а ပေါင်းပေးပြီး ပြောရတာပဲ ဖြစ်ပါတယ်။ -у ပေါင်းပြီး ပြောတဲ့အသုံးက စကားပြောအသုံးမှာ သုံးကြတာ ဖြစ်ပေမဲ့ စကားပြော(လမ်းဘေးအပြော) ပိုဆန်ပါတယ်လို့ သိရပါတယ်။

ဒီနေရာမှာ လူပုဂ္ဂိုလ်လို့ သုံးချင်တာ ဖြစ်တယ့်အတွက် “လူ” ဆိုတဲ့ человек (ချယ်လာဗျယ့်ခ်) ကို အများကိန်းပုံစံ “လူများ” люди ဆိုတာနဲ့ သုံးရင်လဲ ရပါတယ်။

ဥပမာ အနေနဲ့
Много людей в кафе. မနောဂါ လူဂျယ့်ရ် ဗ်ကာဖျယ်
Много народа в кафе. မနောဂါ နာရော့ဒါ ဗ်ကာဖျယ်

“ကော်ဖီဆိုင်ထဲမှာ လူတွေအများကြီးပဲ” လို့ အဓိပ္ပါယ် ရသွားပါတယ်။

အဲ့လိုမှမဟုတ်ပဲ အချိန်ပါထည့်ချင်ရင်

Сейчас много людей в кафе. စီးရ်ချာ့စ် မနောဂါ လူဂျယ့်ရ် ဗ်ကာဖျယ်

Сейчас много народа в кафе. စီးရ်ချာ့စ် မနောဂါ နာရော့ဒါ ဗ်ကာဖျယ်

(Или) အီလီ (သို့မဟုတ်)

Сейчас в кафе много людей. စီးရ်ချာ့စ် ဗ်ကာဖျယ် မနောဂါ လူဂျယ့်ရ်

“အခု ကော်ဖီဆိုင်ထဲမှာ လူတွေအများကြီးပဲ” လို့ အဓိပ္ပါယ်ရပါတယ်။

Сейчас (စီးရ်ချာ့စ်) ဆိုတာကတော့ ယခု/အခု လို့ အဓိပ္ပါယ်ရပါတယ်။

ဒီနေရာမှာ “кафе” နဲ့ “кофе” ကိုမမှားပါစေနဲ့။
🏪 Кафе ကာဖျယ် ဆိုတာက ‌“ကော်ဖီဆိုင်” ဖြစ်ပြီးတော့
☕ Кофе ကော်ဖျယ် ဆိုတာက “ကော်ဖီ” ပဲ ဖြစ်ပါတယ်။

“ Кафе နဲ့ кофе ” အဲ့ဒီနှစ်လုံးဟာ စပြီးရုရှားစာ သင်ကြားသူတွေအဖို့ ရုတ်တရက်ဆို မှားတတ်ကြပါတယ်။

В кафе было много народа.
ဗ်‌ကာဖျယ် ဘီလာ မနောဂါ နာရော့ဒါ
ကော်ဖီဆိုင်ထဲမှာ လူအများကြီး ရှိခဲ့တယ်။

အထက်ပါ ဝါကျမှာ было ဆိုတာကတော့ быть (ဘိခ်ျ)(ရှိသည်/ဖြစ်သည်) ကနေ ဆင်းသက်လာတာပါ။ အတိတ်ကာလမှာ ရှိခဲ့တယ်လို့ သုံးနှုံးချင်တဲ့အတွက် (я/он, я/она, оно, мы/вы/они) ဆိုတဲ့ (ငါ/သူ၊ ငါ/သူမ၊ သဘာဝ၊ ငါတို့/မင်းတို့/သူတို့)ကိုကြည့်ပြီး (был, была, было, были) ဆိုပြီး သုံးရမှာ ဖြစ်ပါတယ်။ ဒီနေရာမှာ кафе ဆိုတဲ့ ကော်ဖီဆိုင်ဟာ “оно” ကို အထူးပြုချင်တာ ဖြစ်တဲ့အတွက် было နဲ့ အသုံးပြုထားတာပဲ ဖြစ်ပါတယ်။

C Thu Htet

ရုရှား အက္ခရာများရဲ့
ပုံနှိပ်စာလုံးရယ်၊
လက်ရေးစာလုံးရယ်၊
အသံထွက်ရေးရယ်ကို
ကျက်မှတ်လို့ရအောင်
တင်ပေးလိုက်တာပါ

ရယ်စရာကောင်းတဲ့ ရုရှားစကားစုတွေနဲ့ ပြောစကားများ (၁) 😊😊😊
Смешные русские фразы и поговорки(1)

Да нет, наверное. ဒါ ညယ့်ထ် နာဗျယ်ရ်နာရယ်
🔸 да (ဒါ) → ဟုတ်တယ်
🔸 нет (ညယ့်ထ်) → မဟုတ်ဘူး
🔸 наверное (နာဗျယ်ရ်နာရယ်) → ဖြစ်နိုင်ပါတယ်/ဖြစ်နိုင်ချေရှိသော

အဲ့ဒီအတွက် တစ်ခုခြင်း ဘာသာပြန်ရင်တော့ “ဟုတ်တယ်၊ မဟုတ်ဘူး၊ ဖြစ်နိုင်တယ်” ဆိုတဲ့ ကြောင်တောင်တောင် နိုင်တယ့် အဓိပ္ပါယ် ထွက်သွားမှာပါ။

အဲ့ဒီ ဝါကျတစ်ခုရဲ့ အစ စကားလုံးဖြစ်တဲ့ "Да" ဆိုတဲ့ စကားလုံးဟာ စာရေးသူ/ဖြေကြားသူရဲ့ စိတ်ခံစားချက်ကို ပေါ်လွင်စေဖို့ အတွက်ပဲ အသုံးပြုတာ ဖြစ်ပါတယ်။ ရုရှားလူမျိုးအချို့ကို မေးခွန်းတစ်ခုမေးလိုက်ရင် သူက “Да нет, наверное” လို့ဖြေရင် “ငါ မသေချာပေမယ့်လို့ မဟုတ်နိုင်ဘူးဆိုတာ သေချာတယ်” လို့ အဓိပ္ပာယ်ရပါတယ်တဲ့။

အထက်ပါ ဝါကျဟာ ဩစတေးလျ လူမျိုးတွေသုံးတဲ့ (Straya!) နဲ့ နယူးဇီလန်လူမျိုးတွေသုံးတဲ့ (Ey!)  “Yeah, no” ဒါမှမဟုတ် “yeah, nahhh.” နဲ့ သွားပြီး ဆင်တူပါတယ်တဲ့။

FB acc က ပုံထဲကအတိုင်းဖြစ်သွားတော့ အကောင့်အသစ်ဖောက်တာ မရတာနဲ့ အခုလတ်တလော ဒီ channel လေးမှာရှိပါမယ်။ Р.В Мать Сын အကောင့်ပြန်ရရင်တော့ FB ကိုတက်လာလဲ့ပါမယ်။ အကောင့်အပိုရှိတဲ့သူများအနေနဲ့လဲ ကုသိုလ်ပြုလို့ရပါတယ်
အကောင့်ပေးချင်သူများ အောက်ပါ telegram acc ကို ဆက်သွယ်ပေးကြပါ 😊😊😊😢😢😢
https://t.me/kohtut49
😄😄😄😢😢😢

Р.В Мать Сын

ရယ်စရာကောင်းတဲ့ ရုရှားစကားစုတွေနဲ့ ပြောစကားများ (၂) 😊😊😊
Смешные русские фразы и поговорки(2)

Руки не доходят посмотреть
ရူကီ ညိ့ ဒါခေါ်ဂျာ့ထ် ပါစမော်သရယ့်ခ်ျ
🔸 руки (ရူကီ) → рука (ရူကာ) “လက်” ကိုအများကိန်းအဖြစ် ရေးထားခြင်း။
🔸 не (ညိ့) → မဟုတ်ဘူး (нет) နဲ့အတူပင်။
🔸 доходят (ဒါခေါ်ဂျာ့ထ်) → доходить (ဒါခါဂျိခ်ျ) “ရောက်ရှိတယ်/လက်လှမ်းတယ်” ဆိုတဲ့စကားကို လက်ရှိပစ္စုပ္ပန်ကာလ они “အများကိန်း” အဖြစ် ကိုယ်စားပြု ရေးထားခြင်း။
🔸 посмотреть (ပါစမော်သရယ့်ခ်ျ) → “ကြည့်သည်”

အဲ့ဒီအတွက် တစ်ခုခြင်း ဘာသာပြန်ရင် လက်တွေက၊ မဟုတ်ဘူး၊ လက်လှမ်းတယ်၊ ကြည့်သည် (လက်တွေက ကြည့်ဖို့ လက်လှမ်းမမှီဘူး) ဆိုတဲ့ ကြောင်တောင်တောင်နိုင်တယ့် အဓိပ္ပါယ် ထွက်သွားမှာပါ။


အထက်ပါ အသုံးအနှုန်းကို တိုက်ရိုက်ဘာသာပြန် စာသားအရ မပြန်သင့်ပါဘူး။ "Руки не доходят" ဆိုတဲ့ စာသားအရ "လက်တွေက လက်လှမ်းမမှီဘူး" လို့ အဓိပ္ပါယ်ရပြီးဝောာ့ သူဆိုလိုချင်တဲ့ အဓိပ္ပါယ်ကတော့ “တစ်ခုခုလုပ်ဖို့ အချိန်မရှိဘူးလို့” ဆိုလိုတာပါတဲ့။ ဒီစကားစု ၃ ခုပြီးရင် သင်မလုပ်နိုင်တဲ့ လုပ်ဆောင်ချက်ကို သတ်မှတ်ပေးမယ့် ကြိယာတစ်ခုခုကို သုံးနှုန်း ပြောဆိုနိုင်ပါတယ်တဲ့။ ကိစ္စတစ်ခုခုကို “Руки не доходят посмотреть” လို့ပြောဆိုသည်မှာ ရေးသူ/ပြောသူဟာ “တစ်စုံတစ်ခုကို ကြည့်ရှု့ဖို့ အချိန်မရှိဘူး/အချိန်မရဘူး” လို့ ဆိုလိုပါတယ်။

ဥပမာအနေနဲ့
Руки не доходят посмотреть в этот проект.
ရူကီ ညိ့ ဒါခေါ်ဂျာ့ထ် ပါစမော်သရယ့်ခ်ျ ဗ်အယ်သာ့ထ် ပရာအယ့်ထ်
“ဒီပရောဂျက်ကို ပြန်ကြည့်ဖို့ အချိန်မရှိဘူး” လို့ ပြောချင်တာပဲ ဖြစ်ပါတယ်။

ရယ်စရာကောင်းတဲ့ ရုရှားစကားစုတွေနဲ့ ပြောစကားများ (၃) 😊😊😊
Смешные русские фразы и поговорки(3)

Начистить репу какому-то перцу/хрену .
နာချီစ်ကျိခ်ျ ရယ်ပူ ကာကော်မူ သော် ပျယ်ရ်ဆူ/ခရယ်နူ

အထက်ပါစကားသံကို ကြားရရင် မိမိအနေနဲ့ ပတ်ဝန်းကျင်ကို သတိထားဖို့ လိုပါမယ်။

🔸 начистить (နာချဖိစ်ကျိခ်ျ) → သန့်ရှင်းရေးလုပ်သည်/အရောင်တင်သည်။
🔸 репу (ရယ်ပူ) → репа (ရီပါ) “မုန်လာဥ” ကို ကြိယာအနေနဲ့ အသုံးပြထားခြင်း။
🔸 какому (ကာကော်မူ) → “ဘာလဲ” как ဆိုတဲ့ အမေးဝါကျကို Дательный/Третий падеж “кому, чему” အနေဖြင့် သုံးထားခြင်း။
🔸 то (သော်) → အဲ့ဒီနောက်/ပြီးနောက်။
🔸 перцу (ပျယ်ရ်ဆူ) → перец(ပျယ်ရယ်စ်) ဆိုတဲ့ ငြုပ်ကောင်း/ဆဲဆိုခြင်း/ဝေဖန်ခြင်း/ထိုးနှက်ခြင်း/ဖိနှိပ်ခြင်း ကို ကြိယာအနေနဲ့ ရေးထားခြင်း။
🔸 хрену (ခရယ်နူ) → хрен(ခရယ်န်) ဆိုတဲ့ သင်္ဘောဒန့်သလွန်/ဆဲရေးတိုင်းထွာခြင်း(horseradish) ကို ကြိယာအနေနဲ့ ရေးထားခြင်း။


အဲ့ဒီအတွက် တစ်ခုခြင်း ဘာသာပြန်ရင် သန့်ရှင်းရေးလုပ်ပါ၊ မုန်လာဥကို၊ ဘာလဲ၊ ပြီးရင် ထိုးနှက်ခြင်း/ဆဲရေးမှု ဆိုတဲ့ ကြောင်တောင်တောင်နိုင်တယ့် အဓိပ္ပါယ် ထွက်သွားမှာပါ။


အထက်ပါ ဝါကျအသုံးအနှုန်းက ဘာကိုဆိုလိုချင်တာလဲ။ ပထမပိုင်းအနေနဲ့ “Начистить репу” ရဲ့ စာသားအရ “မုန်လာဥကို အခွံခွာရန်” ဆိုတဲ့အဓိပ္ပာယ်ဖြစ်ပေမယ့်လို့ ဒီနေရာမှာ အဓိပ္ပာယ်ကောက်ဖို့ရာ “တစ်စုံတစ်ဦးကို ရိုက်နှက်ရန်” သို့မဟုတ် “တစ်စုံတစ်ဦးကို မျက်နှာကို ထိုးကြိတ်ခြင်း” လို့ ဆိုလိုခြင်းပဲ ဖြစ်ပါတယ်။ ရုရှားတွင် “репа” ဆိုသည်မှာ မုန်လာဥကို ဆိုလိုသော်လည်း တရားမ၀င်အသုံးပြုမှုမှာတော့ “မျက်နှာ” လို့လည်း အဓိပ္ပာယ်ရပါတယ်တဲ့။ ဒုတိယအပိုင်းအနေနဲ့ "какому-то перцу/хрену" ရဲ့ စာသားအရ "အချို့သော ဟင်းသီးဟင်းရွက် ငရုတ်ကောင်း သို့မဟုတ် horseradish" ကို ဆိုလိုခြင်း ဖြစ်ပါတယ်။ ဒါပေမယ့်လို့ ဒီနေရာမှာ ဆိုလိုချင်/ပြောချင်တဲ့ တကယ့် အဓိပ္ပါယ်ဟာ “Перец” နဲ့ “хрен” ကို အလွတ်သဘော ပြောဆိုတဲ့နေရာမှာ “ကိုယ့်လူတို့” လို့ အဓိပ္ပာယ်ရပါတယ်တဲ့။ အဲ့အတွက် လူငယ်တွေဟာ သူတို့ရဲ့ သူငယ်ချင်းများကို အထက်ပါအတိုင်း ခေါ်လေ့ရှိပါတယ်။

ဒါ့ကြောင့် ရုရှားမှာ တစ်စုံတစ်ယောက်ဟာ “Начистить репу какому-то перцу/хрену” ဆိုလာရင် အဲ့လူဟာ တစ်စုံတစ်ဦးရဲ့ မျက်နှာကို ထိုးသတ်မယ်လို့ ဆိုလိုခြင်း ဖြစ်ပါတယ်။ အဲ့စကားကြားရရင် သတိထားပါ။

ရယ်စရာကောင်းတဲ့ ရုရှားစကားစုတွေနဲ့ ပြောစကားများ (၄) 😊😊😊
Смешные русские фразы и поговорки(4)

Вешать лапшу на уши.
ဗျယ်ရှာ့ခ်ျ လာပ်ရှူ နာ အူရှီ

🔸 вешать (ဗျယ်ရှာ့ခ်ျ) → ချိတ်ဆွဲသည်။
🔸 лапшу (လာပ်ရှူ) → лапша (လာပ်ရှာ) “ခေါက်ဆွဲ” ကို ကြိယာအနေနဲ့ ရေးထားခြင်း။
🔸 на (နာ) → где? ဆိုသည့် နေရာ ကိုဖော်ပြရန် အသုံးပြုထားသော “အပေါ်တွင်/အပေါ်မှာ”။
🔸 уши (အူရှီ) → နားများ။


အဲ့ဒီအတွက် တစ်ခုခြင်း ဘာသာပြန်ရင် ချိတ်ဆွဲသည်၊ ခေါက်ဆွဲ၊ အပေါ်မှာ၊ နားများ ဆိုတဲ့ ကြောင်တောင်တောင်နိုင်တယ့် အဓိပ္ပါယ် ထွက်သွားမှာပါ။


အထက်ပါ ဝါကျအသုံးအနှုန်းက ဘာကိုဆိုလိုချင်တာလဲဆိုရင် Вешать лапшу на уши ကို တိုက်ရိုက်ပြန်ဆိုတဲ့အခါ “နားရွက်ပေါ်မှာ ခေါက်ဆွဲကို ချိတ်ဆွဲထား” လို့ အဓိပ္ပါယ်ရပြီး အဓိပ္ပါယ် တိုက်ရိုက် ဘာသာပြန်လို့မရပါဘူးတဲ့။ ပြီးတော့ ဘယ်သူကမှလည်း ခေါက်ဆွဲကို နားမှာ မချိတ်ဆွဲထားပါဘူး။ ဒီစကားစုရဲ့ ဦးတည်ချက်ကတော့ "လိမ်ညာတယ်" ဆိုတဲ့ အဓိပ္ပါယ် တစ်ခုတည်းသာရှိပါတယ်တဲ့။ ဒါကြောင့် တစ်ယောက်ယောက်က "Вешает лапшу на уши" ဆိုရင် “သူဟာ လိမ်ညာလှည့်ဖြားရတာကို ကြိုက်တယ်” လို့ ဆိုလိုခြင်း ဖြစ်ပါတယ်တဲ့။

"မင်းရဲ့နားရွက်ပေါ်မှာ ခေါက်ဆွဲ ချိတ်ဆွဲထား" ဆိုတာမှာ လှည့်ဖြားရန်၊ မဟုတ်မမှန်သတင်းပေးခြင်း၊ နားထောင်သူရဲ့ အကြားအာရုံကို တလွဲဖြစ်စေကာ အမှန်တရားအစား၊ မဖြစ်နိုင်တဲ့ အရာတွေကို ကြားစေရန် ဖြစ်ပါတယ်။ အထက်ပါ ဝေါဟာရကို ရုရှားရဲ့ နယ်ပယ်ဒေသ နေရာတိုင်းမှာ ကြားနိုင်ပါတယ်။


အထက်ပါ စကားရပ်ဟာ မူကွဲများစွာရှိပါတယ်တဲ့။ အယုံကြည်ရဆုံး တစ်ခုမှာ ပြင်သစ် "la poche (ла пош)” ကနေ ဆင်းသက်လာတာဖြစ်ပြီး "карман ကာရ်မာန် (အိပ်ထောင်/အိပ်ကပ်)" လို့ ပြန်ဆိုထားပါတယ်။

ရုရှားဘာသာပြန်ကျမ်းမှာ “ла пош” ကဲ့သို့ အသံထွက်တဲ့ အဲ့ဒီ စကားလုံးကို ခါးပိုက်နှိုက်တွေက အသုံးပြုခဲ့ကြပါတယ်တဲ့။ သူတို့ဆီကနေမှ “облапошить (အာဘလာပေါ်ရှိခ်ျ)လိမ်လည်လှည့်ဖြားခြင်း” ဆိုတဲ့ ကြိယာကနေ “လုယက်၊ စကားပြောအံ” ဟူတဲ့ ရုရှားဘာသာစကားသို့ ရောက်လာတာဖြစ်ကြောင်း ပြောဆိုထားပါတယ်။ ဒါပေမယ့်လို့ အဲ့ဒီအယူအဆ ယူဆချက်ဟာ နားနဲ့ပတ်သက်ပြီး ဘယ်အရာကိုမှ မပြောထားတဲ့ အတွက်ကြောင့် ပြီးပြည့်စုံတယ်လို့လဲ မယူဆနိုင်ပါဘူးတဲ့။

နောက်ထပ် ယူဆချက်ကတော့ နှစ်ဆယ်ရာစုအစောပိုင်းတုန်းက သူခိုးတွေရဲ့ ဗန်းစကားလို့ အကြံပြုထားပါတယ်။ "ухо အူခါ (နားရွက်)" ဆိုတဲ့ စကားလုံးဟာ ဂိုဏ်းတစ်ခုလုံးအတွက် အသုံးဝင်တဲ့ သတင်းအချက်အလတ်တွေကို ပျံ့နှံ့အောင်ပြုလုပ်ကြမယ့် လမ်းတွေပေါ်က ခိုးနားထောင်နေတဲ့ သူတွေကို ရည်ညွှန်းရန် သုံးခြင်း ဖြစ်ပါတယ်တဲ့။ သင့်ပါးစပ် ဒါမှမဟုတ် လက်ကို ချည်နှောင်ဖို့အတွက် ကြိုးတစ်ချောင်းကို ခေါက်ဆွဲ လို့ခေါ်ဆိုခြင်း ဖြစ်ပါတယ်တဲ့။

"Повесить лапшу на уши” “သူတို့ရဲ့နားရွက်ပေါ်မှာ ခေါက်ဆွဲ ဆွဲထားပါ" လို့ တိုက်ရိုက်မပြန်ပဲ ဒီစကားဟာ "ခိုးနားထောင်သူကို လုံခြုံအောင်ထားရန်" လို့ အဓိပ္ပါယ်ရပါတယ်တဲ့။


နောက်ထပ်ယူဆချက်အရ ရာဇဝတ်လောကနဲ့ ဆက်စပ်နေတဲ့ ဒီစကားစုဟာ "ложное обвинения” “မှားယွင်းသောစွပ်စွဲချက်/မဟုတ်မမှန် စွပ်စွဲချက်" ဆိုတဲ့ အဓိပ္ပာယ်ကနေ ဆင်းသက်လာနိုင်ပါတယ်တဲ့ (အဲ့ဒီစကားစုကို ရာဇဝတ်ကောင်များကြားမှာ “лапшой” "ခေါက်ဆွဲ" လို့လည်း ခေါ်ပါတယ်) ပြီးတော့ “фабрикацию уголовного дела”
"လုပ်ကြံဖန်တီးထားတဲ့ ရာဇ၀တ်မှု" ကို ဆိုလိုခြင်း ဖြစ်ပါတယ်တဲ့။

အဲ့ဒီအတွက် “Вешать лапшу на уши” ရဲ့ဆိုလိုရင်းကတော့ “လိမ်လည် လှည့်ဖြားခြင်း” ဆိုတဲ့ အဓိပ္ပါယ်ကိုပဲ သက်ရောက်သွားပါတယ်။

ယနေ့ ၂၃-၂-၂၀၂၂ ရက်နေ့ဟာ ရုရှားနိုင်ငံရဲ့ အဖမြေကို ကာကွယ်ခြင်းနေ့အဖြစ် သတ်မှတ်ခဲ့တဲ့ နေ့ဖြစ်ပါတယ်။

"День защитника Отечества" နေ့ဟာ (CIS) အဖွဲ့ဝင် ရုရှား၊ ဘီလာရုစ်၊ ကာဂျစ်စတန်၊ တာဂျစ်ကစ္စတန်နိုင်ငံတွေမှာ နှစ်စဉ် ဖေဖော်ဝါရီလ ၂၃ ရက်နေ့ရောက်တိုင်း ကျင်းပကြတဲ့ အားလပ်ရက် တစ်ရက်ဖြစ်ပါတယ်။ RSFSR(Russian Soviet Federative Socialist Republic) ရဲ့ တပ်နီတော် တည်ထောင်ခြင်း လေးနှစ်မြောက် နှစ်ပတ်လည်နေ့ဖြစ်တဲ့ ၁၉၂၂ ခုနှစ် ဇန်နဝါရီ ၂၇ ရက်နေ့မှာ RSFSR ရဲ့ တပ်နီတော်နေ့အဖြစ် သတ်မှတ်ခဲ့ခြင်း ဖြစ်ပါတယ်။ ဆိုဗီယက် တပ်နီတော်ကို ၁၉၁၈ ခုနှစ် ဖေဖော်ဝါရီလမှာ စတင်တည်ထောင်ခဲ့ခြင်း ဖြစ်ပါတယ်။

USSR ဆိုဗီယက်ခေတ် ၁၉၂၂ ခုနှစ်က စတင်ပြီး ဖေဖော်ဝါရီလ ၂၃ ရက်နေ့ကို "День Красной армии"“တပ်နီတော်နေ့” ၊ ၁၉၄၆ ခုနှစ်တွင်တော့ "День Советской армии" “ဆိုဗီယက်တပ်မတော်နေ့” နဲ့ ၁၉၄၉ ခုနှစ်မှ ၁၉၉၁ ခုနှစ်အထိ - "День Советской армии и Военно-морского флота" “ဆိုဗီယက်ကြည်းတပ်နဲ့‌ရေတပ်နေ့” အဖြစ် နှစ်စဉ် ကျင်းပလေ့ရှိပါတယ်။

ဆိုဗီယက်ယူနီယံပြိုကွဲပြီးနောက် ဖေဖော်ဝါရီလ ၂၃ ရက်နေ့ကို "День защитника Отечества" “အဖမြေကာကွယ်ခြင်းနေ့” အဖြစ် ပြန်လည်သတ်မှတ်ပြီး ရုရှားတွင် ကျင်းပကြကာ (CIS) အဖွဲ့ဝင် အခြားနိုင်ငံ‌တွေမှာလည်း ကျင်းပလေ့ရှိပါတယ်။

С Днем защитника Отечества для России! В этот день желаем всему миру - мира.

#р_в_мать_сын

ရုရှား အက္ခရာထဲမှာမှ သရအက္ခရာထဲတွင် ပါဝင်တဲ့ “ё” (ရော်) ဆိုတဲ့ အက္ခရာလေးရဲ့ ရာဇဝင်လေးကို ဗဟုသုတရဖွယ် တင်ပြလိုက်ပါတယ်။

ရုရှားအက္ခရာမှာ “е နဲ့ ё” ဆိုတဲ့ ပုံစံတူ အက္ခရာနှစ်လုံးဟာ ထူးခြားစွာနဲ့ “သရ” လို့သတ်မှတ်ခြင်း ခံထားရတဲ့ စကားလုံးတွေပါ “е” ပေါ်မှာ အစက်ပါတာနဲ့ မပါတာပဲ ပြောင်းလဲမှု ရှိကြတာပါ။ တချို့စကားလုံးတွေမှာ “е” ပေါ်မှာ အစက်ပါရင် အဓိပ္ပါယ်တစ်မျိုး၊ မပါရင် အဓိပ္ပါယ်တစ်မျိုး ပြောင်းလဲသွားကြပါတယ်။

“ё” ဆိုတဲ့ စကားလုံး အက္ခရာလေး ဖြစ်ပေါ်လာပုံကတော့ ၁၇၈၃ ခုနှစ် နိုဝင်ဘာလ ၂၉ ရက်(နိုဝင်ဘာလ ၁၈)မှာ အသစ်ဖန်တီးထားတဲ့ ရုရှားအကယ်ဒမီရဲ့ ပထမဆုံးအစည်းအဝေးကို စိန့်ပီတာစဘတ်သိပ္ပံအကယ်ဒမီရဲ့ ဒါရိုက်တာဖြစ်တဲ့ မင်းသမီး Екатерина Дашкова ရဲ့ အိမ်မှာ ကျင်းပခဲ့ပါတယ်။ အစည်းအဝေးမှာ တက်ရောက်လာသူတွေဟာ စာလုံးပေါ်မှာ သက်ဆိုင်တဲ့အသံကို ဖော်ပြဖို့‌အတွက် စာလုံးနှစ်လုံးနဲ့ ရေးထားတဲ့ "io" အစား "ё" ကို မိတ်ဆက်ပေးဖို့ အကြံပြုခဲ့ပါတယ်("io" ကို ဘီလာရုစ် မှာတော့ အသုံးပြုကြဆဲ ဖြစ်ပါတယ်)။ ထိုသို့ အကြံပြုခဲ့တဲ့ “ё” ကတော့ အသစ်ဒီဇိုင်းဆွဲခြင်းမပြုလုပ်ဘဲ ယခင်ရှိပြီးသား “е” ပေါ်တွင် အစပ်နှစ်စက် တင်လိုက်ခြင်းဖြင့် "io" အစား “ё” အဖြစ် အစားထိုးလိုက်ခြင်းပဲ ဖြစ်ပါတယ်။

မင်းသမီးလေးရဲ့ ဆန်းသစ်တဲ့ စိတ်ကူးကို ထိုအချိန်က ထိပ်တန်းယဉ်ကျေးမှုဆိုင်ရာ ပုဂ္ဂိုလ်အများအပြားက ထောက်ခံခဲ့ကြပါတယ်။ Гавриил Державин ဟာ ပုဂ္ဂိုလ်ရေးပေးစာမှာ "ё" ကို ပထမဆုံးအသုံးပြုခဲ့သူ ဖြစ်ပါတယ်။ ၁၇၈၄ ခုနှစ် နို၀င်ဘာလမှာ ပေးစာအသစ်ဟာ တရားဝင် အသိအမှတ်ပြုမှုကို ရရှိခဲ့ပါတယ်။

Иван Дмитриев ဟာ ၁၇၉၅ ခုနှစ်မှာ မော်စကိုတက္ကသိုလ် ပုံနှိပ်တိုက်မှာ “И мои безделки” ဆိုတဲ့ စာအုပ်ကို ထုတ်ဝေစဉ်မှာ “ё” နဲ့ ရိုက်နှိပ်တဲ့ စကားလုံးတွေ ထည့်သွင်း အသုံးပြုခဲ့ပါတယ်။ အက္ခရာ "ё" နဲ့ ရိုက်နှိပ်တဲ့ ပထမဆုံးစကားလုံးကတော့ "всё(အားလုံး)" ဆိုတဲ့ စကားလုံးဖြစ်ပါတယ်။ အဲ့ဒီနောက် "огонёк(အလင်း)", "пенёк(ငုတ်တို)", "безсмёртна(မသေနိုင်သော)", "василёчик(ပြောင်းဖူးပွင့်)" စတဲ့ စကားလုံးတွေ အသုံးပြုခဲ့ကြပါတယ်။

၁၇၉၆ ခုနှစ်မှာ Николай Карамзин ဟာ ၎င်းရဲ့ ပထမဆုံးစာအုပ်မှာ "ё" ပါဝင်တဲ့ "зарёю(အရုဏ်ဦး/အရုဏ်တက်)"၊ "орёл(လင်းယုန်)"၊ "мотылёк(လိပ်ပြာ)"၊ "слёзы(မျက်ရည်)" နဲ့ "потёк(စီးဆင်းသည်)" ဆိုတဲ့ စကားလုံးတွေက်ု ရိုက်နှိပ်ထုတ်ဝေခဲ့ပါတယ်။ ၁၇၉၈ ခုနှစ်မှာ Гавриил Державин ဟာ "ё" အက္ခရာ - Потёмкин နဲ့ ပထမဆုံးမျိုးရိုးအမည်ကို အသုံးပြုခဲ့ပါတယ်။

၁၉၀၄ ခုနှစ်မှာ စာလုံးပေါင်းကော်မရှင်ကို Императорская академия наук(Imperial Academy of Sciences) ကို စတင်ဖွဲ့စည်းခဲ့ပြီး အဲ့ဒီအချိန်က အကြီးဆုံးဘာသာဗေဒပညာရှင်တွေ ပါဝင်ခဲ့ပါတယ်။ နောက်ဆုံး ၁၉၁၂ ခုနှစ်မှာ ရေးဆွဲခဲ့တဲ့ ကော်မရှင်ရဲ့ အဆိုပြုချက်တွေဟာ အသံထွက်နိယာမကို အခြေခံပြီး ရေးဆွဲခြင်းတွေကို ရိုးရှင်းအောင်ပြုလုပ်ခြင်း (မည်သည့်အသံကိုမျှ ဖော်ပြခြင်းမရှိတဲ့ စာလုံးတွေကို ဖယ်ရှားခြင်း ဥပမာ စကားလုံးတွေရဲ့ အဆုံးမှာ "ъ" နဲ့ တူညီတဲ့အသံတွေကို ဖော်ပြတဲ့ စာလုံးတွေအစား အခြားစကားလုံးတွေနဲ့ အစားထိုးခဲ့ပါတယ်။ ဒါ့အပြင် ကော်မရှင်ဟာ "ё" ဆိုတဲ့အက္ခရာကို နှစ်လိုဖွယ် စကားလုံးအဖြစ် အသုံးပြုခြင်းကို အသိအမှတ်ပြုဖို့ လုပ်ဆောင်ခဲ့ပါတယ်။

၁၉၁၈ ခုနှစ် ဇန်နဝါရီလ ၅ ရက် (ပုံစံဟောင်းအရ ၁၉၁၇ ခုနှစ် ဒီဇင်ဘာ ၂၃ ရက်)မှာ ဆိုဗီယက်ပြည်သူ့ပညာရေးကော်မရှင်ရုံးခွဲ Анатолий Луначарский က လက်မှတ်ရေးထိုးထားတဲ့ အမိန့်တစ်ရပ်ကို ထုတ်ဝေခဲ့ပြီး၊ ပြုပြင်ပြောင်းလဲထားတဲ့ စာလုံးပေါင်းကို မဖြစ်မနေထည့်သွင်းပြီး “ё” ဆိုတဲ့ အက္ခရာကို အသုံးပြုရန် အကြံပြုခဲ့ပါတယ်။

ဆိုဗီယက်ခေတ် ၁၉၄၂ ခုနှစ်မှာ အက္ခရာ "ё" ကို တရားဝင် အသိအမှတ်ပြုပြီး ကျောင်းစာများတွင် ё" ကို မဖြစ်မနေ လက်တွေ့သင်ကြားပို့ချ အသုံးပြုရန် အမိန့်ထုတ်ပြန်ပြီးနောက် ၁၉၄၂ ခုနှစ်တွင် "ё" ကို တရားဝင် အသိအမှတ်ပြုခဲ့ပါတယ်။ တစ်နှစ်အကြာမှာ "ё" အက္ခရာအသုံးပြုနည်း လမ်းညွှန်ကို ထုတ်ပြန်ခဲ့ပါတယ်။ ၁၉၅၆ ခုနှစ်မှာ သိပ္ပံအကယ်ဒမီနဲ့ USSR ရဲ့ အဆင့်မြင့်ပညာရေးဝန်ကြီးဌာနက အတည်ပြုပြီးနောက် "ရုရှားစာလုံးပေါင်းနဲ့ သတ်ပုံစည်းမျဉ်းများ" ကို "ё" အက္ခရာအသုံးပြုခြင်းဆိုင်ရာ စာပိုဒ်တွေနဲ့ ထုတ်ဝေခဲ့ပါတယ်။ ဒါပေမယ့်လို့ လက်တွေ့မှာတော့ ၎င်းရဲ့ အသုံးပြုမှုဟာ ရွေးချယ်ခွင့်ရှိနေဆဲ ဖြစ်ပါတယ်။

ရုရှားဖက်ဒရေးရှင်းဟာ ခေါင်းစဉ်စာရွက်စာတမ်းတွေမှာ အက္ခရာ "ë" အသုံးပြုမှုကို ထိန်းညှိပေးခဲ့ပါတယ်။ ၂၀၀၇ ခုနှစ် မေလ ၃ ရက်နေ့ ရက်စွဲပါ ရုရှားဖက်ဒရေးရှင်း ပညာရေးနဲ့ သိပ္ပံဝန်ကြီးဌာနက ပေးစာတစ်စောင်တွင် နိုင်ငံသားများအား တရားဝင်နိုင်ငံတော်စာရွက်စာတမ်းများ ထုတ်ပေးတဲ့ အာဏာပိုင်များအား သင့်လျော်သောအမည်များဖြင့် စာလုံး "ё" ကို အသုံးပြုရန် ညွှန်ကြားထားပါတယ်။

၂၀၀၉ ခုနှစ် ဇူလိုင်လ ၂၀ ရက်နေ့ ရက်စွဲပါ ရုရှားဖက်ဒရေးရှင်းရဲ့ ပညာရေးနဲ့ သိပ္ပံဝန်ကြီးဌာနက စာတစ်စောင်တွင် ကျောင်းဖတ်စာအုပ်များတွင် "ё" ဟူသော စာလုံးကို အသုံးပြုရန် အကြံပြုထားပါတယ်။