Салам, Бача (လေးစားပါတယ် ညီအစ်ကိုတို့)
Виват! Шурави! (ဆိုဗီယက်စစ်ပြန်တွေက နှုတ်ဆက်ပါတယ်)

ဒီသီချင်းလေးမှာ သုံးထားတဲ့ တချို့ စကားလုံးတွေရဲ့ အဓိပ္ပါယ်လေးတွေဟာ ယူဆချက်အမျိုးမျိုး ယူဆလို့ရပါတယ်။ အဲ့ဒါလေးတွေကတော့
🔹 Салам ဆိုတာကတော့ အလေးပြုတယ်၊ အရိုအသေပေးတယ်လို့ အဓိပ္ပါယ်ယူနိုင်တဲ့ အာရဗီဘာသာစကား ဆလန်ဆိုတဲ့ ငြိမ်းချမ်းရေး၊ လုံခြုံရေး၊ သက်သာချောင်ချိရေး၊ နှုတ်ခွန်းဆက်ခြင်း စတဲ့ အဓိပ္ပါယ်တွေ ရပါတယ်။
🔹 Бача ဆိုတာကတော့ ညီအစ်ကို၊ သူငယ်ချင်း၊ ဆွေမျိုးထက်ပိုတဲ့ တစ်ဦးနဲ့တစ်ဦး စည်းလုံးမှုရှိကြတဲ့ သူတွေကို ခေါ်ဝေါ်သုံးစွဲတဲ့စကားလုံးပါ။ ကျတော်တို့ ဗိုလ်လောင်းဘဝက စီနီယာ ဂျူနီယာအလိုက် ခွဲပေးတဲ့ ဂါဒီယမ်လိုပါပဲ။ ဂါဒီယမ်တွေဟာ ကိုယ့်ရဲ့ ညီအစ်ကိုအရင်းထက်တောင် စည်းလုံးချစ်ခင်ကြပါတယ်။ Бача လို့ ခေါ်ဝေါ်သုံးစွဲရင် ခိုင်မြဲတဲ့ သံယောဇဉ်ကြိုးနဲ့ ချည်ထောင်ထားသလို လေးနက်မှု ရှိပါတယ်။ သူ့ရဲ့အဓိပ္ပါယ်က ညီအစ်ကို၊ ကောင်လေး၊ ကလေးလို့လဲ အဓိပ္ပါယ်ရပါတယ်။
🔹 Виват ဆိုတာကတော့ ဝါစက အနေနဲ့သုံးတဲ့ ရွှင်လန်းတဲ့နှုတ်ဆက်ခြင်း၊ ဆန္ဒကိုဖော်ပြတဲ့ အာမေဋိတ်စကား အသက်ရှည်ပါစေ၊ အသက်ရှင်ပါစေ၊ ငြိမ်းချမ်းပါစေဆိုတဲ့ အဓိပ္ပါယ်ရပါတယ်။

ဒီသီချင်းကတော့ အာဖကန်စစ်အတွက် သီးသန့် သီဆိုထားတဲ့ တေးစီးရီးထဲက တစ်ပုဒ်ဖြစ်ပါတယ်။ အာဖကန် စစ်ပြန်ဆိုဗီယက် စစ်သားတွေဟာ မိမိကိုယ်ကို Шурави လို့ သတ်မှတ်ကြပါတယ်။ အဓိပ္ပါယ်ကတော့ ဆိုဗီယက်ယူနီယံဆိုတဲ့ အဓိပ္ပါယ် ရပါတယ်။ Шурави ဆိုတာကတော့ ပါရှန်းစကား šouravī (советский)၊ အာရပ်စကား шура (совет) ဆိုတဲ့ ဆိုဗီယက်ယူနီယံ (ဆိုဗီယက်)ဆိုတဲ့ အာရဗီ ဘာသာစကားကနေ ဆင်းသက်လာတာ ဖြစ်ပါတယ်။

၁၉၈၉ ခုနှစ် ဖေဖော်ဝါရီလ ၅ ရက်နေ့မှာ ဆိုဗီယက်ယူနီယံဟာ အာဖကန်နစ္စတန်ကနေ ဆိုဗီယက်တပ်ဖွဲ့တွေကို အပြီးအပိုင် ဆုတ်ခွာကြောင်း ကြောငြာခဲ့ပြီး ၁၉၇၉ ခုနှစ်ကစပြီး အာဖကန်ကို ဝင်ရောက်ခဲ့တဲ့ ၉ နှစ်ကြာ စစ်ပွဲအဆုံးသတ်ခဲ့ခြင်း ဖြစ်ပါတယ်။

အဲ့ဒီအာဖကန်စစ်ပွဲအတွင်းမှာ ကျဆုံးခဲ့တဲ့ စစ်သည်တွေကို ဂုဏ်ပြုတဲ့အနေနဲ့ ရေးစပ်ထားတဲ့ သီချင်းဖြစ်ပါတယ်။ ကိုးနှစ်ကြာဖြစ်ခဲ့တဲ့ အာဖကန်စစ်ပွဲအတွင်းမှာ အရပ်သားတစ်သန်းခန့်၊ မူဂျာဟီဒင်တိုက်ခိုက်ရေးသမား ၉၀၀၀၀၊ အာဖဂန်တပ်ဖွဲ့ဝင် ၂၀၀၀၀ ကျော်နဲ့ ဆိုဗီယက်စစ်သား ၁၄၀၀၀ ကျော်တို့ သေဆုံးခဲ့ရတယ်လို့ သိရပါတယ်။

အခုသီချင်းလေးမှာ Бача ကို ညီအစ်ကိုတို့၊ Виват ကို နှုတ်ဆက်ပါတယ်၊ Шурави ကို ဆိုဗီယက်စစ်ပြန်လို့ ကျတော့်အနေနဲ့ သုံးနှုံးထားပါတယ်။ အထက်ဖော်ပြပါ အဓိပ္ပါယ်တွေကိုလဲ ယူသုံးလို့ရပါတယ်။

Группа крови
သွေးအုပ်စု

Movie ကတော့ လက်ရှိ ရုရှား-ယူကရိန်း စစ်ပွဲက
ပုံရိပ်တွေ ဖြစ်ပါတယ်

Родина (အမိနိုင်ငံ/တိုင်းပြည်)

Родина начинается на пороге твоего дома. Она огромна и прекрасна. Родина всегда с тобой , где бы ты не жил. И у каждого она одна. Как мама. Родина - мать своего народа. Мы любим родину.

အမိနိုင်ငံဆိုတာဟာ မင်းရဲ့အိမ်တံခါးပေါက်ဝကနေ စပါတယ်။ သူမဟာ ကြီးမားပြီးတော့ လှပပါတယ်။ အမိနိုင်ငံဟာ မင်းနေထိုင်ရာ နေရာတိုင်းမှာ မင်းနဲ့အတူ အမြဲရှိနေပါတယ်။ ပြီးတော့ လူတိုင်းမှာ ဇာတိချက်မြှုပ် တစ်ခုစီ ရှိကြပါတယ်။ မိခင်လိုပါပဲ။ အမိ‌နိုင်ငံဟာ မိမိလူမျိုးရဲ့ မိခင်ပါပဲ။ ငါတို့ဟာ အမိနိုင်ငံကို ချစ်တယ်။


Родина လိုပဲ рождения ဆိုတာကတော့ မွေးဖွားရာအရပ်/ဇာတိ ဖြစ်ပါတယ်။

Родина ကို အမိနိုငံ/တိုင်းပြည်အပြင် အောက်ကစာသားလို
Этот город — моя родина. ဒီမြို့ဟာ ကျွန်တော်ရဲ့ ဇာတိချက်မြှုပ် ဖြစ်တယ်။
ဆိုတဲ့ “ဇာတိချက်မြှုပ်” အဖြစ်လဲ သုံးလို့ရပါတယ်။

Мама-родина(အမိမြေ)

ပြီးခဲ့တဲ့ ဇွန်လ ၁၀ ရက်က ကမ္ဘာကျော် ရုရှားအနုပညာရှင် Олег Газманов နဲ့ Александр Маршал တို့ ပူးပေါင်းပြီး Газманов ရဲ့ "Мама-Родина(အမိမြေ)" သီချင်းအသစ်ကို ဖျော်ဖြေခဲ့တဲ့ ဗီဒီယိုဖိုင်ဟာ website တွေပေါ်ကို ရောက်ရှိခဲ့ပါတယ်။

Олег Газманов က "Мама-Родина" သီချင်းဟာ သူ့ကို ပုဂ္ဂိုလ်ရေးအရ စိတ်ထိခိုက်စေတဲ့ စိတ်ခံစားမှုဆိုင်ရာ ဇာတ်လမ်းတိုတစ်ပုဒ်ဖြစ်ကြောင်း မှတ်ချက်ပြုခဲ့ပါတယ်။

“ဒီသီချင်းနဲ့ဆိုရင် ကျွန်တော် ပြုပြင်ပြောင်းလဲရေးဆိုတဲ့ ဝါဒဖြန့်မှုနဲ့ သူ့မျိုးဆက်မှားနေတယ်လို့ ယုံကြည်မိတဲ့အတွက် အမေ့ကို တောင်းပန်ပါတယ်” လို့ ပြောခဲ့ပါတယ်။

Олег Газманов နဲ့ Александр Маршал တို့ဟာ Donbas ရီပတ်ဗလစ်ကန်တွေကို ထောက်ခံအားပေးမှုကြောင့် လူသိများပါတယ်။ သူတို့နှစ်ဦးစလုံးဟာ LPR နဲ့ DPR တို့မှာ အကြိမ်ကြိမ် ဖျော်ဖြေခဲ့ကြပါတယ်။

ဒီသီချင်းရဲ့ စာသားအရ ငါဟာ ပြုပြင်ပြောင်းလဲရေးဆိုတဲ့ ဝါဒဖြန့်ချိရေးရဲ့ "ဦးဆောင်" ခံရပြီး သူမရဲ့မျိုးဆက်မှားတယ်လို့ ယုံကြည်ခဲ့တဲ့ အတွက်ကြောင့် ငါ့ရဲ့မိခင်ကို တောင်းပန်ပါတယ်။ ငါမှားတယ်၊ ငါ့အမေဆုံးသွားပြီ။ မင်းရဲ့မိဘတွေနဲ့ မင်းရဲ့အမိမြေကို ဂရုစိုက်ပါ လို့ မှတ်ချက်ပြုခဲ့ပါတယ်။

ဒီနေရာမှာ သူဟာ သွေးဆောင်ဖြားယောင်းခြင်း "သွေးဆောင်ခြင်း" ခံခဲ့ရပြီး ဆိုဗီယက် အမိမြေကို သစ္စာဖောက်ခဲ့ပါတယ်။

သီချင်းလေးကိုတော့ အတတ်နိုင်ဆုံး မြန်မာမှု ပြုပေးလိုက်ပါတယ်။

အဓိပ္ပါယ်ဆင်တူသော်လည်း ခြားနားမှုရှိသည့် စကားလုံးများ အပိုင်း(၁)

၁။ “а” / “и”

အထက်ပါ စကားလုံး(၂)လုံးသည် ဝါကျများကို ဆက်သွယ်ရာတွင် “နှင့်” ဆိုသည့် အဓိပ္ပါယ်ဖြင့် အသုံးပြုကြပါသည်။ သို့ရာတွင် မည်သည့်အခြေအနေများတွင် အသုံးပြုရမည်ဆိုသည့် သတ်မှတ်ချက် ရှိပါသည်။

“а” ကို ပထမဝါကျနှင့် ဒုတိယဝါကျ ကြားတွင် ဆန့်ကျင်ဘက် (သို့မဟုတ်) ကွဲလွဲမှုအချို့ (သို့မဟုတ်) ရှုပ်ထွေးသော ဝါကျတစ်ခုရှိ စာကြောင်းများကြားတွင် “а” ဖြင့် သုံးရပါမည်။ ဆိုလိုသည်မှာ ဆန့်ကျင့်ဘက် အဓိပ္ပါယ်ရသော စာကြောင်းများကို ချိတ်ဆက်ရာ၌ အသုံးပြုရခြင်း ဖြစ်သည်။

ဥပမာ -

Я люблю кофе. А мои друзья любят чай.
Я люблю кофе, а мои друзья любят чай.
ငါကော်ဖီကို ကြိုက်တယ်။ ဒါပေမယ့် ငါ့သူငယ်ချင်းတွေက လ္ဘက်ရည်ကို ကြိုက်ကြတယ်။
ငါကော်ဖီကို ကြိုက်တယ်၊ ဒါပေမယ့် ငါ့သူငယ်ချင်းတွေကတော့ လ္ဘက်ရည်ကို ကြိုက်ကြတယ်။

Я люблю кофе а не чай.
ငါကော်ဖီကို ကြိုက်တယ် ဒါပေမယ့် လ္ဘက်ရည်ကို မကြိုက်ဘူး။

အထက်ပါ ဝါကျကိုကြည့်ပြီး “а” ရဲ့အဓိပ္ပါယ်သည် “နှင့်” ဟုဆိုသော်လည်း “သို့သော်၊ ဒါပေမယ့်၊ သော်လည်း” ဟူသည့် ဆန့်ကျင်ဘက် ပြောလိုသော နေရာများတွင် အသုံးပြုရပါသည်။

ဒါ့အပြင် “а” ကို မင်းရော/ခင်ဗျားရော/မင်းတို့ရော ဟူသည့် А ты/ вы တို့တွင်လည်း အသုံးပြုနိုင်သည်။

ဥပမာ -

Я люблю чай. А ты?
ငါ လ္ဘက်ရည်ကြိုက်တယ်။ မင်းရော လ္ဘက်ရည် ကြိုက်လား။

Меня зовут Антон. А вас?
ငါ့နာမည်က အန်သွန်ပါ။ ခင်ဗျားနာမည်ကရော။

“и” ကို ဝါကျတစ်ကြောင်းတွင် စကားလုံးနှစ်လုံးကို ချိတ်ဆက်ရန်အတွက် အသုံးပြုသည်။

ဥပမာ -

Я люблю чай и кофе.
ငါ ကော်ဖီနဲ့ လ္ဘက်ရည်ကို ကြိုက်တယ်။

နောက်တစ်ခုကတော့ ငါလဲပြုလုပ်သလို သူတို့လဲပြုလုပ်သည်လို့ ပြောချင်သည့် အခါမျိုးတွေမှာလဲ အသုံးပြုပါတယ်။ Тоже ဆိုသည့် “လည်းပဲ” ဟူသည့် စကားလုံး အဓိပ္ပါယ်နဲ့ ဆင်တူပါသည်။

ဥပမာ -

Я люблю кофе, и мои друзья любят кофе.
ငါကော်ဖီကိုကြိုက်သလို ငါ့သူငယ်ချင်းတွေကလည်းပဲ ကော်ဖီကို ကြိုက်ကြတယ်။

ရုရှားဘာသာစကားတွင် союз လို့ခေါ်တဲ့ သမ္ဗန္ဓ (၃) မျိုး ဖြစ်တဲ့ ပုဒ်ဆက်သမ္ဗန္ဓ၊ ဝါကျဆက် သမ္ဗန္ဓ၊ အဓိပ္ပာယ်ဆက်သမ္ဗန္ဓ (ပုဒ်အချင်းချင်းကိုလည်းကောင်း၊ ဝါကျအချင်းချင်းကိုလည်းကောင်း၊ အဓိပ္ပာယ်အချင်းချင်းကိုလည်းကောင်း ဆက်စပ်ပေးသော စကားလုံး) ရှိပါတယ်။

၂။ что / чтобы

အထက်ပါ စကားလုံးတွင် что ဆိုသည့်စကားဟာ အမေးစကားလုံးအနေနဲ့ အသုံးပြုပါက “ဘာလဲ” ဟုအဓိပ္ပါယ်ရပြီး союз လို့ခေါ်တဲ့ ဝါကျတစ်ကြောင်းနှင့်တစ်ကြောင်း ချိတ်ဆက်ရာတွင်တော့ “လို့/ဟု/ဘာ/ဘာကြောင့်” လို့အဓိပ္ပါယ်ရပါတယ်။

Что ဆိုသည့် союз ကို သတင်းအချက်အလက် သို့မဟုတ် တစ်စုံတစ်ဦး၏ အတွေးအမြင်များ၊ ထင်မြင်ယူဆချက်များကို ဖော်ပြရန်အတွက် အသုံးပြုနိုင်သည်။ ဝါကျ၏ အဓိပ္ပာယ်ပေါ်မူတည်၍ ကြိယာ၏ ပုံစံသည် ပစ္စုပ္ပန်၊ အတိတ်နှင့် အနာဂတ်ကာလများတွင် ဖြစ်နိုင်သည်။

ဥပမာ -

Я сказала сестре, что собираюсь в отпуск.
အပန်းဖြေခရီးအတွက် စီစဉ်နေတယ်/ပြင်ဆင်နေတယ်လို့ အစ်မကို ငါပြောခဲ့တယ်။

Я сказала моему сыну, что он хорошо сделал домашнее задание.
ငါ့ရဲ့သားဟာ သူ့အနေနဲ့ အိမ်စာတွေ ကောင်းကောင်းလုပ်ခဲ့တယ်လို့ ငါပြောခဲ့တယ်။

Я думаю, что сдам экзамен успешно.
အစမ်းစာမေးပွဲကို အောင်မယ်လို့ ငါထင်ပါတယ်။


Чтобы ဆိုသည့် စကားလုံးရဲ့ အဓိပ္ပါယ်ကတော့ က/ချင်/ရန်/ဘို့/အလို့ငှာ လို့ အဓိပ္ပါယ်ရပါတယ်။

Чтобы ဆိုသည့် союз ကို တောင်းဆိုချက်၊ အမိန့်နှင့် ဆန္ဒရှိခြင်း(ဆန္ဒမရှိခြင်း) ကို ဖော်ပြရန်အတွက် အသုံးပြုနိုင်သည်။ ကြိယာ၏ ‌အသုံးပြရသည့် ပုံစံသည် အနာဂတ်ကာလနှင့် အဖြစ်အပျက်များအကြောင်း ပြောနေသော်လည်း အတိတ်ကာလတွင်အသုံးပြုရသည့် (-л, -ла, -ло, -ли) စသည့် ကြိယာပုံစံ စကားလုံး အဆုံးသတ်များဖြင့်သာ အသုံးပြုရသည်။

ဥပမာ-

Мать сказала, чтобы он шёл в школу.
အမေက သူ့ကို ကျောင်းသွားရန် ပြောခဲ့တယ်။

Я хочу, чтобы вы это знали.
ကျွန်တော်ကတော့ ခင်ဗျား ဒါကို နားလည် သိထားစေချင်တယ်။

Я хочу, чтобы моя сестра поехала со мной в отпуск.
အပန်းဖြေခရီးကို ငါ့ရဲ့ညီမနဲ့အတူ သွားချင်မိတယ်။

Я хочу, чтобы мой экзамен был сдан успешно.
ငါ့ရဲ့ အစမ်းစာမေးပွဲကို အောင်မြင်မှု ရချင်တယ်။

Я сказала моему сыну, чтобы он сделал уроки.
ငါ့ရဲ့သားကို သူ့ရဲ့ သင်ခန်းစာ လေ့ကျင့်ခန်းတွေလုပ်ခဲ့ဖို့ ငါပြောခဲ့တယ်။

Надо, чтобы все пришли.
အားလုံး လာခဲ့ဖို့ လိုအပ်တယ်။

အဲ့ဒီအတွက် သိထားသင့်သည်က союз အနေနဲ့ что ကိုသုံးရင် သူ့နောက်က глаголы (ကြိယာတွေ)ဟာ ပစ္စုပ္ပန်/အတိတ်/အနာဂတ် အတွက် သူ့ပုံစံအတိုင်း ရေးမှာဖြစ်ပြီး союз ဖြစ်တဲ့ чтобы ကိုသုံးရင် သူ့နောက်က глаголы (ကြိယာတွေ)ဟာ အတိတ်ကာလပုံစံ ရေးရမှာဖြစ်ပြီးတော့ အနာဂတ်မှာ ပြုလုပ်သည့် အဓိပ္ပါယ် ရရှိမှာပဲ ဖြစ်ပါတယ်။

ရုရှားဘာသာစကားတွင် союз လို့ခေါ်တဲ့ သမ္ဗန္ဓ (၃) မျိုး ဖြစ်တဲ့ ပုဒ်ဆက်သမ္ဗန္ဓ၊ ဝါကျဆက် သမ္ဗန္ဓ၊ အဓိပ္ပာယ်ဆက်သမ္ဗန္ဓ (ပုဒ်အချင်းချင်းကိုလည်းကောင်း၊ ဝါကျအချင်းချင်းကိုလည်းကောင်း၊ အဓိပ္ပာယ်အချင်းချင်းကိုလည်းကောင်း ဆက်စပ်ပေးသော စကားလုံး) ရှိပါတယ်။ အဲ့ထဲက поэтому (ထို့ကြောင့်၊ ယင်းကြောင့်၊ သို့ဖြစ်ရကား၊ အဲ့ဒီတော့) နဲ့ потому что (သောကြောင့်၊ အဘယ်ကြောင့်ဆိုသော်၊ ဘာကြောင့်လဲဆိုတော့) ဆိုတဲ့ စကားလုံးနှစ်ခုကို ဝါကျတွင် မှားရေးမိပါက ဝါကျရဲ့ ဆိုလိုချင်တဲ့ အဓိပ္ပါယ်ကို လုံးဝပြောင်းလဲသွားစေပါတယ်။


Поэтому။ ။ လုပ်ဆောင်ချက်တစ်ခုရဲ့ အကျိုးဆက် (ရလဒ်) အကြောင်း ပြောတဲ့အခါမှာ ဒီ союз ကို အသုံးပြုပါတယ်။

ဥပမာ -

Я занимаюсь спортом, поэтому редко болею.
ငါ အားကစား ပြုလုပ်တာကြောင့် နေမကောင်းဖြစ်ခဲ/ဖျားခဲပါတယ်။

Сегодня была хорошая погода, поэтому я провела весь день с семьёй на свежем воздухе.
ဒီနေ့ ရာသီဥတုသာယာတာကြောင့် မိသားစုနဲ့အတူ တစ်နေကုန် လေညှင်းခံခဲ့တယ်။

Я занят, поэтому не пойду в кино.
ငါ မအားတဲ့အတွက်ကြောင့် ရုပ်ရှင်ရုံကို မသွားရဘူး။

Идёт дождь, поэтому в комнате темно.
မိုးရွာနေလို့ အခန်းထဲမှာ မှောင်မဲနေတယ်။


Потому что။ ။ လုပ်ဆောင်ချက်တစ်ခုအတွက် အကြောင်းရင်း/အကြောင်းပြချက်ကို ပြောတဲ့အခါမှာ ဒီ союз ကို အသုံးပြုပါတယ်။

ဥပမာ -
Я не упал, потому что он поддержал меня.
သူက ငါ့ကို ထိန်းထားခဲ့လို့ မလဲသွားခဲ့ပါဘူး။
(သို့)
ငါ မလဲသွားခဲ့ပါဘူး၊ ဘာလို့လဲဆိုတော့ သူက ငါ့ကို ထိန်းထားခဲ့လို့ပါ။

Сегодня я не иду на работу, потому что я болен.
ဒီနေ့ အလုပ်ကို ငါမသွားပါဘူး၊ ဘာလို့လဲဆိုတော့ ငါ ဖျားနေလို့ပါ။

Ты не видишь трудности, потому что можешь их легко преодолевать.
မင်း အခက်အခဲ မတွေ့ခဲ့ဘူး၊ ဘာလို့လဲဆိုတော့ သူတို့ကို အလွယ်တကူ ကျော်ဖြတ်နိုင်ခဲ့လို့ပါ။

မှတ်ချက်။ ။ потому что နဲ့ အဓိပ္ပါယ်တူတဲ့ နောက်တစ်လုံးကတော့ так как ဆိုတဲ့ စာလုံးပဲ ဖြစ်ပါတယ်။ ဒီနေရာမှာ так как ဟာ ဒုတိယဝါကျတွင်သာမက ဝါကျအစတွင်လည်း အသုံးပြုလို့ရပေမယ့်လို့ потому что ကတော့ ဝါကျအစမှာ သုံးလို့မရပါဘူး။

ဥပမာ -

Сегодня я не иду на работу, так как я болен.
ဒီနေ့ အလုပ်ကို ငါမသွားပါဘူး၊ ဘာလို့လဲဆိုတော့ ငါ ဖျားနေလို့ပါ။

Так как я болен, я не иду сегодня на работу.
ငါဖျားနေတဲ့အတွက်ကြောင့် ဒီနေ့ ငါ အလုပ်မသွားဘူး။

ရုရှားနိုင်ငံရဲ့ (၈)ကြိမ်မြောက် နိုင်ငံတကာ စစ်ဘက်နည်းပညာဖိုရမ် "Army-2022" ကို ၂၀၂၂ ခုနှစ် ဩဂုတ်လ ၁၅ ရက်နေ့မှ ၂၁ ရက်နေ့အထိ Patriot Expo၊ Kubinka လေတပ်စခန်း နဲ့ Alabino စစ်ရေးလေ့ကျင့်ရေးကွင်းမှာ ကျင်းပသွားမယ်လို့ သိရှိရပါတယ်။

Army game -2022 ပြိုင်ပွဲကို နိုင်ငံပေါင်း ၃၁ နိုင်ငံက အသင်းပေါင်း ၂၃၀ ကျော် ပါဝင်မှာဖြစ်တဲ့အကြောင်း ရုရှားကာကွယ်ရေးဝန်ကြီးဌာနက သောကြာနေ့က ပြောကြားခဲ့ပါတယ်။ ယခုနှစ်မှာ ဆော်ဒီအာရေးဗီးယားနဲ့ ရဝမ်ဒါအသင်းတွေဟာ ပြိုင်ပွဲမှာ ပထမဆုံးအကြိမ် ပါဝင်ယှဉ်ပြိုင်ကြမှာ ဖြစ်တဲ့အကြောင်း သိရှိရပါတယ်။

မြန်မာပြိုင်ပွဲဝင်အသင်းတွေအနေနဲ့ ယခင်နှစ်များကထက် ပိုမိုကောင်းမွန်တဲ့ ရလာဒ်တွေ ရရှိနိုင်ပါစေလို့ ဆုတောင်းပေးလိုက်ပါတယ်။

ဖမ်းဆီးရမိ ယူကရိန်း စစ်သည်တွေကတော့
သူတို့ရဲ့ သမ္မတနဲ့ အရာရှိတွေကို ကောင်းချီးပေးနေပြီ
အဲ့ထဲကမှ ပြောစကားတစ်ခုဖြစ်တဲ့

Президент у нас клоун и козёл
ငါတို့ရဲ့ သမ္မတက လူရွှင်တော်တစ်ယောက်နဲ့ ဆိတ်သိုးတစ်ကောင်ပဲ

လို့ပြောထားတဲ့ movie လေးပါ

သူတို့ အဆိုအရ နိုင်ငံရဲ့ အာဏာပိုင်တွေနဲ့ ထိပ်ပိုင်းအရာရှိတွေဟာ လုံးဝအရည်အချင်းမပြည့်မီကြောင်း သိရှိရပါတယ်

ငပွကြီးနဲ့ G-7 ကတော့ ပွနေကြပြန်ပြီ
ဒဏ်ခက်အရေးယူတာ ဘယ်သူတွေ ထိသလဲဆိုတာ သိသိကြီးနဲ့ ကမ္ဘာ့စီးပွားရေးကဏ္ဍကို မြောင်းထဲရောက်အောင် ဆွဲချချင်နေတယ်နဲ့ တူတယ်။ နိုင်ငံငယ်တွေကိုသာ ဒဏ်ခက်ပို့ဆို့တာ အလုပ်ဖြစ်ပေမယ့် ရုရှားလို စွမ်းအင်နဲ့ စားသောက်ကုန် ကိုင်ထားတဲ့ နိုင်ငံကို ပိတ်ဆို့တော့ ဘယ်သူတွေ ပိုပြီးအထိနာမလဲ။ ရုရှားနဲ့ ကုန်သွယ်ချင်တယ့် နိုင်ငံတွေမှ ပေါလွန်းလို့ကို။ ဟန်ကိုယ့်ဖို့နဲ့ သိက္ခာအကျမခံချင်တာနဲ့ အကုန်ပျက်ဆီးရာ ပျက်ဆီးကြောင်းပဲ လုပ်ချင်နေကြတယ်နဲ့ တူတယ်။

အမေရိကန် အိမ်ဖြူတော်မှ ရုရှားဆန့်ကျင်ရေး ပိတ်ဆို့အရေးယူမှုအသစ်တွေ ပြင်ဆင်မှုကို ကြေညာခဲ့ပါတယ်။ အဲ့ဒါတွေကတော့

🔹 အမေရိကန် ကူးသန်းရောင်းဝယ်ရေးဌာနဟာ ဆီမီးကွန်ဒတ်တာတွေ အပါအဝင် အမေရိကန်နည်းပညာဆိုင်ရာ ကုန်ပစ္စည်းတွေကို ရုရှားဖက်ဒရေးရှင်းသို့ တင်ပို့တယ့် ကုမ္ပဏီတွေကို ပိတ်သိမ်းပစ်မှာ ဖြစ်ကြောင်း

🔹 G7 ဟာ ရုရှားဖက်ဒရေးရှင်းနိုင်ငံရဲ့ ကာကွယ်ရေးကဏ္ဍအပေါ် ကန့်သတ်ချက်တွေ တိုးချဲ့သွားမှာ ဖြစ်ကြောင်း

🔹 G7 နိုင်ငံတွေဟာ ရွှေတင်ပို့မှုမှ ရုရှားဖက်ဒရေးရှင်းရဲ့ ၀င်ငွေကို ကန့်သတ်ရန် ရည်ရွယ်ထားပြီး အမေရိကန်ဘဏ္ဍာရေးဌာနဟာ ၎င်းရဲ့ တင်သွင်းမှုကို တားမြစ်တယ့် အမိန့်ကို ထုတ်ပြန်မှာ ဖြစ်ကြောင်း

🔹 ယူကရိန်းအခြေအနေနဲ့ ဆက်စပ်ပြီး ရုရှားဖက်ဒရေးရှင်းနိုင်ငံမှ လူပုဂ္ဂိုလ်တွေကို ပိတ်ဆို့အရေးယူမှု စာရင်းမှာ အမေရိကန်ဟာ နောက်ထပ်လူ ၅၀၀ ခန့်ရဲ့ အမည်တွေကို ထည့်သွင်းမှာ ဖြစ်ကြောင်း

🔹 Biden ဟာ ရုရှားကုန်စည်အုပ်စု ၅၇၀ ကို အခွန်တိုးမြှင့်မယ်လို့ ကြေညာခဲ့ကြောင်း

သိရပါတယ်

သီတဂူဆရာတော်ဘုရားကြီးဦးဆောင်သော သီတဂူသာသနာပြုအဖွဲမှ
ရုရှားနိုင်ငံ၊ စိန့်ပီတာစဘတ်မြိုရှိ မဟာယာနဘုန်းတော်ကြီးကျောင်းကို
သွားရောက်လေ့လာခြင်း မှတ်တမ်း movie လေးပါ

ရုရှားဖက်ဒရေးရှင်းနိုင်ငံ နိုင်ငံခြားရေး ဝန်ကြီးဌာနရဲ့
သတင်းနဲ့ ပြန်ကြားရေးဌာန ညွှန်ကြားရေးမှူးဖြစ်တဲ့
Мария Владимировна Захарова ရဲ့
အမေရိကန်နဲ့ ၎င်းရဲ့မဟာမိတ်တွေရဲ့
စစ်ရေးဆိုင်ရာများကို ပြောဆိုရှင်းလင်းတဲ့ Movie ဖိုင်ပါ

သတ်မှတ်ချက် အရည်အချင်း မပြည့်မီတဲ့ ရင်းနှီးမြုပ်နှံသူတွေအတွက် နိုင်ငံခြားအစုရှယ်ယာတွေ ဝင်ရောက်ခွင့်ပိတ်ဖို့ ရုရှားဗဟိုဘဏ်က အဆိုပြုထားပါတယ်။

နိုင်ငံခြား ရင်းနှီးမြုပ်နှံသူရဲ့ အဆင့်အတန်းကို သတ်မှတ်ရန်အတွက် ပိုင်ဆိုင်မှုအတိုင်းအတာကို ရူဘယ်ခြောက်သန်းမှ သန်းသုံးဆယ်အထိ တိုးမြှင့်ဖို့ အဆိုပြုခဲ့ကြောင်း သိရပါတယ်။

ဒါ့အပြင် ရုရှားဗဟိုဘဏ်ဟာ စက်တင်ဘာလအထိ ငွေသားဝယ်ယူမှုဆိုင်ရာ ကန့်သတ်ချက်တွေကို ဆက်လက်ထိန်းသိမ်းထားဖို့ စီစဉ်ထားကြောင်း သိရပါတယ်။

မှတ်ချက်။ ။ မြန်မာနိုင်ငံက နိုင်ငံခြားငွေကြေး သုံးစွဲသူတွေအတွက် ကျတော့်အ‌မြင်နဲ့ အကြံပေးချင်တာကတော့ ပြီးခဲ့တဲ့နှစ်က ကျတော်ပြောခဲ့ တင်ပေးခဲ့သလို တရုတ်(ယွမ်)၊ ရုရှား(ရူဘယ်လ်)၊ ဂျပန်(ယမ်း) တို့ကို ဒေါ်လာအစားထိုး ကိုင်ဆောင် အသုံးပြုကြဖို့ ထပ်မံပြီးတော့ အကြံပေးချင်ပါတယ်။

ဂူဗိမာန်နှင့် တူသော လိုင်း
(Линия, как у мавзолея)

Линия ဆိုတာကတော့ မျဉ်း၊ မျဉ်းကြောင်း၊ နယ်နိမိတ်၊ စည်း၊ နယ်ခြား၊ လမ်း၊ လမ်းကြောင်း၊ တစ်တန်းထဲ၊ လိုင်း ဆိုတဲ့ အဓိပ္ပါယ်တွေ ရပါတယ်။

Мавзолея ဆိုတာက Мавзолей ကို Родительный падеж အနေနဲ့ အသုံးပြုထားတာပဲ ဖြစ်ပါတယ်။ သူ့ရဲ့အဓိပ္ပါယ်ကတော့ ဂူသင်္ချိုင်း၊ အာဇာနည်ဗိမာန်၊ ဂူဗိမာန် ဆိုတဲ့ အဓိပ္ပါယ်ရပါတယ်။

Мавзолей В.И.Ленина в Москве.
မော်စကိုမြို့ရှိ လီနင်၏ အာဇာနည်ဗိမာန်
မော်စကိုမြို့တော်ရှိ လီနင်၏ သင်္ချိုင်းဂူ

Мавзолей Героев (в Мьянме)
အာဇာနည်ဗိမာန် (မြန်မာနိုင်ငံရှိ)

Мавзолей Героев (место захоронения Аун Сана и его соратников)
အာဇာနည်ဗိမာန် (ဗိုလ်ချုပ်အောင်ဆန်းနှင့် သူ၏ ရဲဘော်ရဲဘက်များ မြှုပ်နှံရာ နေရာ)

အပေါ်က စာကြောင်းကို ပြန်ကောက်ရရင် ဂူဗိမာန်နှင့် တူသော လိုင်း (Линия, как у мавзолея) လို့ ပေါ်ပေါက်လာတာကတော့ ရုရှားလူမျိုးများဟာ ဆိုဗီယက်ခေတ်ကစပြီး ပေါ်ပေါက်လာတဲ့ စကားစုများစွာကို အသုံးပြုနေဆဲဖြစ်ပြီး အချို့ဟာ ထူးခြားတဲ့ သမိုင်းနဲ့ ယဉ်ကျေးမှုဆိုင်ရာ အခြေအနေကို နားမလည်ဘဲ နိုင်ငံခြားသားများအနေနဲ့ ရှင်းရှင်းလင်းလင်း မသိနိုင်ပေ။

"ဒီပြပွဲကို ထရီတီကော့ဗ်ပြခန်းမှာ ကျော်သွားဖို့ ကျွန်တော်ဆုံးဖြတ်လိုက်တယ်။ ဂူဗိမာန်မှာ လိုင်းရှိတယ်။" ရုရှား၌ မကြာခဏ ကြားရတဲ့ ဒီနှိုင်းယှဉ်မှုဟာ နိုင်ငံခြားသားများအတွက် မည်သည့် အဓိပ္ပာယ်မှမရှိချေ။ ယုတ္တိဗေဒဆိုတာ ဘာလဲ၊ လိုင်းတစ်ခုနဲ့ ဂူဗိမာန်ကြားမှာ ဆက်နွယ်မှုဆိုတာ ဘာလဲ၊ ဘာလို့လဲဆိုတော့ ဒီဂူဗိမာန်မှာ လိုင်းတစ်ခု ဘာကြောင့်ရှိနေရတာလဲ။ ဒီမေးခွန်းတွေဟာ မေးသင့်တဲ့ မေးခွန်းတွေ ဖြစ်တာကြောင့် အားလုံးကိုရှင်းပြပါ့မယ်။

ပထမဦးဆုံးအနေနဲ့ မင်းတို့သိချင်တာက ဘယ်ဂူအကြောင်း ငါတို့ပြောနေတာလဲ။ ကောင်းပြီ၊ ရုရှားတွေအတွက် မေးခွန်းမရှိပါဘူး။ ရုရှားတော်လှန်ရေးရဲ့ ခေါင်းဆောင် ဗလာဒီမာလီနင်ဟာ ၁၉၂၄ ခုနှစ်မှာ ကွယ်လွန်ခဲ့ပါတယ်။ ဗော်ရှီဗစ်တွေက သူ့ကို မြှုပ်နှံရန်မဟုတ်ဘဲ၊ သူ့ရဲ့ အလောင်းကို ဆေးနဲ့ပြုပြင်ရန်နဲ့ ၎င်းကို ပြသထားတဲါ အထူးဂူဗိမာန်ကို တည်ဆောက်ရန် ဆုံးဖြတ်ခဲ့ပါတယ်။ လီနင်ဟာ ဆိုဗီယက် Pantheon မှာရှိတဲ့ နိုင်ငံရဲ့ သရုပ်ပဲ ဖြစ်ပါတယ်။ ချက်ချင်းဆိုသလိုပင် များပြားတံါ အလုပ်သမားတွေနဲ့ တောင်သူလယ်သမားတွေဟာ သူ့ရဲ့ ထိန်းသိမ်းစောင့်ရှောက်ထားတဲ့ ကိုယ်ခန္ဓာကို တွေ့မြင်ရန် တန်းစီခဲ့ကြပါတယ်။

ဒီလူတန်းရှည်ဟာ ဘယ်တော့မှ အဆုံးသတ်မှာမဟုတ်ဘူးလို့ ထင်ရပေမယ့် ဒီလိုလည်ပတ်မှုဟာ အစဉ်အလာဖြစ်လာခဲ့ပါတယ်။ ရှေ့ဆောင်တွေ၊ အင်ဂျင်နီယာတွေ၊ စစ်သားတွေနဲ့ နိုင်ငံခြားကိုယ်စားလှယ်တွေဟာ တန်းစီရပ်လျက် သင်္ချိုင်းဂူသို့ ဂါရပြုရန် ခရီးစဉ်တစ်ခုလုံး စီစဉ်ခဲ့ပါတယ်။ ပူပြင်းတဲ့ နွေရာသီ ဒါမှမဟုတ် ဆောင်းရာသီဖြစ်ပါစေ လူတွေဟာ လီနင်ကို တွေ့ဖို့ တန်းစီနေကြရပါတယ်။

လီနင်ရုပ်အလောင်းရှေ့ကို ရောက်ရှိဖို့ နာရီပေါင်းများစွာ ကြာနိုင်ပါတယ် (ခန္ဓာကိုယ်ကို ကြည့်ရှုရန် တစ်မိနစ်ပင်မကြာပါ။ အဲ့မှာ အချိန်ကြာ ရပ်ကြည့်ဖို့ ခွင့်မပြုထားပါ)။ ဒါကြောင့် တစ်ယောက်က "ဂူဆီလူးလို မျိုးမျဉ်းတစ်ကြောင်း" လို့ ပြောတဲ့အခါ၊ ဒါဟာ နာရီပေါင်းများစွာ ကြာတဲ့ ရှည်လျားတဲ့မျဉ်းကို ဆိုလိုတယ်။

တကယ်တော့ ဆိုဗီယက် လူမျိုးတွေဟာ ရှားပါးကုန်ပစ္စည်းတွေ ပေါ်လာတိုင်း ဂူဗိမာန်၊ ကုန်စုံဆိုင်၊ စတိုးဆိုင်တိုင်းမှာ လိုင်းတွေနဲ့ တွေ့လေ့ရှိတယ်။ ရှားရှားပါးပါးဖိနပ် သို့မဟုတ် ဆိုဖာဝယ်ရန် လူတို့ဟာ တစ်ခါတစ်ရံ တစ်ညလုံး ရပ်စောင့်ကြရပါတယ်။

ဒါ့အတွက်ကြောင့် Линия, как у мавзолея ဆိုတဲ့ စကားစုဟာ ဆိုဗီယက်ယူနီယံ ခေါင်းဆောင်ကြီး လီနင် ‌ကွယ်လွန်ပြီးနောက်တွင် ပေါ်ပေါက်လာတဲ့ စကားစု တစ်ခုပဲ ဖြစ်ပါတယ်။ မည်သည့်နေရာတွင် ဖြစ်ပါစေ လူတန်းရှည်ကြီးအား တွေ့ပါက အထက်ပါ Линия, как у мавзолея(လီနင်ရာ ကပ်ခ် ကူး မာဘဇာ့လယ်ရာ) ဆိုပြီး နှိုင်းယှဉ်ပြောဆိုလေ့ ရှိပါတယ်။ ကျတော်တို့ မြန်မာစာတွင် ဥပမာအလင်္ကာ ကဲ့သို့ပင် ဖြစ်ပါတယ်။

မှတ်ချက်။ ။ ခေါင်းဆောင်ကြီး လီနင် လို့ခေါ်ကြတဲ့ ဗလာဒီမီယာ အီလီချ် လီနင် Владимир Ильич Ленин ကို ဧပြီလ ၂၂ ရက် ၁၈၇၀ ခုနှစ်တွင် ဆမ်းဗရိခ်ျမြို့(အိုလျာနော့မြို့)၊ ရုရှားနိုင်ငံတွင် မွေးဖွားခဲ့ပါတယ်။ ၎င်းသည် ဇန်နဝါရီ ၂၁ ရက် ၁၉၂၄ ခုနှစ် ( အသက် ၅၃ နှစ် )တွင် နှလုံးရောဂါနဲ့ ကွယ်လွန်ခဲ့ပါတယ်။

ဗဟုသုတ ရရှိကြပါစေ...