ရုရှား အက္ခရာထဲမှာမှ သရအက္ခရာထဲတွင် ပါဝင်တဲ့ “ё” (ရော်) ဆိုတဲ့ အက္ခရာလေးရဲ့ ရာဇဝင်လေးကို ဗဟုသုတရဖွယ် တင်ပြလိုက်ပါတယ်။

ရုရှားအက္ခရာမှာ “е နဲ့ ё” ဆိုတဲ့ ပုံစံတူ အက္ခရာနှစ်လုံးဟာ ထူးခြားစွာနဲ့ “သရ” လို့သတ်မှတ်ခြင်း ခံထားရတဲ့ စကားလုံးတွေပါ “е” ပေါ်မှာ အစက်ပါတာနဲ့ မပါတာပဲ ပြောင်းလဲမှု ရှိကြတာပါ။ တချို့စကားလုံးတွေမှာ “е” ပေါ်မှာ အစက်ပါရင် အဓိပ္ပါယ်တစ်မျိုး၊ မပါရင် အဓိပ္ပါယ်တစ်မျိုး ပြောင်းလဲသွားကြပါတယ်။

“ё” ဆိုတဲ့ စကားလုံး အက္ခရာလေး ဖြစ်ပေါ်လာပုံကတော့ ၁၇၈၃ ခုနှစ် နိုဝင်ဘာလ ၂၉ ရက်(နိုဝင်ဘာလ ၁၈)မှာ အသစ်ဖန်တီးထားတဲ့ ရုရှားအကယ်ဒမီရဲ့ ပထမဆုံးအစည်းအဝေးကို စိန့်ပီတာစဘတ်သိပ္ပံအကယ်ဒမီရဲ့ ဒါရိုက်တာဖြစ်တဲ့ မင်းသမီး Екатерина Дашкова ရဲ့ အိမ်မှာ ကျင်းပခဲ့ပါတယ်။ အစည်းအဝေးမှာ တက်ရောက်လာသူတွေဟာ စာလုံးပေါ်မှာ သက်ဆိုင်တဲ့အသံကို ဖော်ပြဖို့‌အတွက် စာလုံးနှစ်လုံးနဲ့ ရေးထားတဲ့ "io" အစား "ё" ကို မိတ်ဆက်ပေးဖို့ အကြံပြုခဲ့ပါတယ်("io" ကို ဘီလာရုစ် မှာတော့ အသုံးပြုကြဆဲ ဖြစ်ပါတယ်)။ ထိုသို့ အကြံပြုခဲ့တဲ့ “ё” ကတော့ အသစ်ဒီဇိုင်းဆွဲခြင်းမပြုလုပ်ဘဲ ယခင်ရှိပြီးသား “е” ပေါ်တွင် အစပ်နှစ်စက် တင်လိုက်ခြင်းဖြင့် "io" အစား “ё” အဖြစ် အစားထိုးလိုက်ခြင်းပဲ ဖြစ်ပါတယ်။

မင်းသမီးလေးရဲ့ ဆန်းသစ်တဲ့ စိတ်ကူးကို ထိုအချိန်က ထိပ်တန်းယဉ်ကျေးမှုဆိုင်ရာ ပုဂ္ဂိုလ်အများအပြားက ထောက်ခံခဲ့ကြပါတယ်။ Гавриил Державин ဟာ ပုဂ္ဂိုလ်ရေးပေးစာမှာ "ё" ကို ပထမဆုံးအသုံးပြုခဲ့သူ ဖြစ်ပါတယ်။ ၁၇၈၄ ခုနှစ် နို၀င်ဘာလမှာ ပေးစာအသစ်ဟာ တရားဝင် အသိအမှတ်ပြုမှုကို ရရှိခဲ့ပါတယ်။

Иван Дмитриев ဟာ ၁၇၉၅ ခုနှစ်မှာ မော်စကိုတက္ကသိုလ် ပုံနှိပ်တိုက်မှာ “И мои безделки” ဆိုတဲ့ စာအုပ်ကို ထုတ်ဝေစဉ်မှာ “ё” နဲ့ ရိုက်နှိပ်တဲ့ စကားလုံးတွေ ထည့်သွင်း အသုံးပြုခဲ့ပါတယ်။ အက္ခရာ "ё" နဲ့ ရိုက်နှိပ်တဲ့ ပထမဆုံးစကားလုံးကတော့ "всё(အားလုံး)" ဆိုတဲ့ စကားလုံးဖြစ်ပါတယ်။ အဲ့ဒီနောက် "огонёк(အလင်း)", "пенёк(ငုတ်တို)", "безсмёртна(မသေနိုင်သော)", "василёчик(ပြောင်းဖူးပွင့်)" စတဲ့ စကားလုံးတွေ အသုံးပြုခဲ့ကြပါတယ်။

၁၇၉၆ ခုနှစ်မှာ Николай Карамзин ဟာ ၎င်းရဲ့ ပထမဆုံးစာအုပ်မှာ "ё" ပါဝင်တဲ့ "зарёю(အရုဏ်ဦး/အရုဏ်တက်)"၊ "орёл(လင်းယုန်)"၊ "мотылёк(လိပ်ပြာ)"၊ "слёзы(မျက်ရည်)" နဲ့ "потёк(စီးဆင်းသည်)" ဆိုတဲ့ စကားလုံးတွေက်ု ရိုက်နှိပ်ထုတ်ဝေခဲ့ပါတယ်။ ၁၇၉၈ ခုနှစ်မှာ Гавриил Державин ဟာ "ё" အက္ခရာ - Потёмкин နဲ့ ပထမဆုံးမျိုးရိုးအမည်ကို အသုံးပြုခဲ့ပါတယ်။

၁၉၀၄ ခုနှစ်မှာ စာလုံးပေါင်းကော်မရှင်ကို Императорская академия наук(Imperial Academy of Sciences) ကို စတင်ဖွဲ့စည်းခဲ့ပြီး အဲ့ဒီအချိန်က အကြီးဆုံးဘာသာဗေဒပညာရှင်တွေ ပါဝင်ခဲ့ပါတယ်။ နောက်ဆုံး ၁၉၁၂ ခုနှစ်မှာ ရေးဆွဲခဲ့တဲ့ ကော်မရှင်ရဲ့ အဆိုပြုချက်တွေဟာ အသံထွက်နိယာမကို အခြေခံပြီး ရေးဆွဲခြင်းတွေကို ရိုးရှင်းအောင်ပြုလုပ်ခြင်း (မည်သည့်အသံကိုမျှ ဖော်ပြခြင်းမရှိတဲ့ စာလုံးတွေကို ဖယ်ရှားခြင်း ဥပမာ စကားလုံးတွေရဲ့ အဆုံးမှာ "ъ" နဲ့ တူညီတဲ့အသံတွေကို ဖော်ပြတဲ့ စာလုံးတွေအစား အခြားစကားလုံးတွေနဲ့ အစားထိုးခဲ့ပါတယ်။ ဒါ့အပြင် ကော်မရှင်ဟာ "ё" ဆိုတဲ့အက္ခရာကို နှစ်လိုဖွယ် စကားလုံးအဖြစ် အသုံးပြုခြင်းကို အသိအမှတ်ပြုဖို့ လုပ်ဆောင်ခဲ့ပါတယ်။

၁၉၁၈ ခုနှစ် ဇန်နဝါရီလ ၅ ရက် (ပုံစံဟောင်းအရ ၁၉၁၇ ခုနှစ် ဒီဇင်ဘာ ၂၃ ရက်)မှာ ဆိုဗီယက်ပြည်သူ့ပညာရေးကော်မရှင်ရုံးခွဲ Анатолий Луначарский က လက်မှတ်ရေးထိုးထားတဲ့ အမိန့်တစ်ရပ်ကို ထုတ်ဝေခဲ့ပြီး၊ ပြုပြင်ပြောင်းလဲထားတဲ့ စာလုံးပေါင်းကို မဖြစ်မနေထည့်သွင်းပြီး “ё” ဆိုတဲ့ အက္ခရာကို အသုံးပြုရန် အကြံပြုခဲ့ပါတယ်။

ဆိုဗီယက်ခေတ် ၁၉၄၂ ခုနှစ်မှာ အက္ခရာ "ё" ကို တရားဝင် အသိအမှတ်ပြုပြီး ကျောင်းစာများတွင် ё" ကို မဖြစ်မနေ လက်တွေ့သင်ကြားပို့ချ အသုံးပြုရန် အမိန့်ထုတ်ပြန်ပြီးနောက် ၁၉၄၂ ခုနှစ်တွင် "ё" ကို တရားဝင် အသိအမှတ်ပြုခဲ့ပါတယ်။ တစ်နှစ်အကြာမှာ "ё" အက္ခရာအသုံးပြုနည်း လမ်းညွှန်ကို ထုတ်ပြန်ခဲ့ပါတယ်။ ၁၉၅၆ ခုနှစ်မှာ သိပ္ပံအကယ်ဒမီနဲ့ USSR ရဲ့ အဆင့်မြင့်ပညာရေးဝန်ကြီးဌာနက အတည်ပြုပြီးနောက် "ရုရှားစာလုံးပေါင်းနဲ့ သတ်ပုံစည်းမျဉ်းများ" ကို "ё" အက္ခရာအသုံးပြုခြင်းဆိုင်ရာ စာပိုဒ်တွေနဲ့ ထုတ်ဝေခဲ့ပါတယ်။ ဒါပေမယ့်လို့ လက်တွေ့မှာတော့ ၎င်းရဲ့ အသုံးပြုမှုဟာ ရွေးချယ်ခွင့်ရှိနေဆဲ ဖြစ်ပါတယ်။

ရုရှားဖက်ဒရေးရှင်းဟာ ခေါင်းစဉ်စာရွက်စာတမ်းတွေမှာ အက္ခရာ "ë" အသုံးပြုမှုကို ထိန်းညှိပေးခဲ့ပါတယ်။ ၂၀၀၇ ခုနှစ် မေလ ၃ ရက်နေ့ ရက်စွဲပါ ရုရှားဖက်ဒရေးရှင်း ပညာရေးနဲ့ သိပ္ပံဝန်ကြီးဌာနက ပေးစာတစ်စောင်တွင် နိုင်ငံသားများအား တရားဝင်နိုင်ငံတော်စာရွက်စာတမ်းများ ထုတ်ပေးတဲ့ အာဏာပိုင်များအား သင့်လျော်သောအမည်များဖြင့် စာလုံး "ё" ကို အသုံးပြုရန် ညွှန်ကြားထားပါတယ်။

၂၀၀၉ ခုနှစ် ဇူလိုင်လ ၂၀ ရက်နေ့ ရက်စွဲပါ ရုရှားဖက်ဒရေးရှင်းရဲ့ ပညာရေးနဲ့ သိပ္ပံဝန်ကြီးဌာနက စာတစ်စောင်တွင် ကျောင်းဖတ်စာအုပ်များတွင် "ё" ဟူသော စာလုံးကို အသုံးပြုရန် အကြံပြုထားပါတယ်။

ရုရှားဖက်ဒရေးရှင်းရဲ့ ပညာရေးနဲ့ သိပ္ပံဝန်ကြီး Дмитрий Ливанов ရဲ့ အဆိုအရ "e" နဲ့ "ё" စာလုံးများ အသုံးပြုခြင်းဆိုင်ရာ စည်းမျဉ်းများကို ဥပဒေပြုအဆင့်မှာ ပြဌာန်းသင့်ကြောင်း သိရှိရပါတယ်။

ယခု အက္ခရာ "ё" ဟာ စကားလုံးပေါင်း ၁၂၅၀၀၀ ကျော်နဲ့ ရုရှားနဲ့ ယခင် USSR နိုင်ငံသားတွေရဲ့ မျိုးရိုးအမည် ၂၅၀၀၀ ကျော်မှာ အသုံးပြုနေကြပါတယ်။

၂၀၀၅ ခုနှစ်တွင် Ульяновск မြို့မှာ "ё" ဆိုတဲ့ အက္ခရာအတွက် အထိမ်းအမှတ် ကျောက်တိုင် တစ်ခုတည်ဆောက်ခဲ့ပါတယ်။ အထိမ်းအမှတ်ကျောက်တိုင်ကို စိုက်ထူသူကတော့ Ульяновск မြို့မှ အနုပညာရှင် Александр Зинин ဖြစ်ပါတယ်။

#р_в_мать_сын

Что за "герои" они издеваются над мирным населением? Если ты солдат, то иди к солдату и не ставь бедных гражданских между ними.

ဘယ်လို “သူရဲကောင်းများ” ဆိုတဲ့သူတွေက အရပ်သားတွေကို အနိုင်ကျင့် စော်ကားနေကြတာလဲ။ မင်းက ကိုယ့်ကိုယ်ကို စစ်သားလို့သတ်မှတ်ရင် စစ်သားဆီသွားပါ အပြစ်ကင်းတဲ့ ပြည်သူတွေကို စစ်သားတွေကြားထဲ ဆွဲမထည့်ပါနဲ့။

#р_в_мать_сын

Когда ты забудешь, кто я,
взгляни на ночное небо.
Когда тебя накроет прохлада луны,
ты вспомнишь мои прохладные объятия
и поцелуи из прошлого.

ငါဘယ်သူလဲဆိုတာကို မင်းမေ့သွားတဲ့အခါမှာ
ညဘက် ကောင်းကင်ကြီးကို မော့ကြည့်လိုက်ပါ။
လရဲ့အေးမြမှုက မင်းကိုဖုံးလွှမ်းသွားတဲ့အချိန်မှာ
အတိတ်က ငါ့ရဲ့ အေးမြတဲ့ပွေ့ဖက်မှုတွေနဲ့
အနမ်းတွေကို
မင်း သတိရသွားပါလိမ့်မယ်။


#အိပ်မပျော်လို့_လကြီးကိုကြည့်ပြီး_ရေးချင်ရာရေးခြင်း
Когда လို့မသုံးဘဲ Если လို့သုံးလဲ အဆင်ပြေပါတယ်
😀😀😀😀😀


#р_в_мать_сын

ရုရှားနိုင်ငံ သယ်ယူပို့ဆောင်ရေးယာဉ်လိုင်းများ၏ ရုပ်သံလိုင်းပေါ်မှ မြတ်ရွှေတိဂုံ
ရုရှားနိုင်ငံ မော်စကိုမြို့ရှိ သယ်ယူပို့ဆောင်ရေးယာဉ်လိုင်းများပေါ်ရှိ ရုပ်သံလိုင်းများပေါ်တွင် ယနေ့မှ စ၍ မြန်မာနိုင်ငံမှရွှေတိဂုံစေတီတော်မြတ်ကြီးအကြောင်း ထုတ်လွှင့်ပြသလျက်ရှိသည်။ မော်စကိုမြို့ရှိ သယ်ယူပို့ဆောင်ရေးယာဉ်များ(မြေအောက်ရထား၊မြေပေါ်ရထား၊လျှပ်စစ်ရထား၊ ဓါတ်ရထား၊ ခရီးသည်တင်မော်တော်ယာဉ်၊ သင်္ဘောများ) တွင် ပြည်သူများသို့ သတင်းအချက်အလက်များမျှဝေရန် နှင့် ဝန်ဆောင်မှုပေးရန် ရုပ်သံလိုင်းများပြသလျက်ရှိပါသည်။ ရုရှားနိုင်ငံ၏ ဗဟုသုတရဖွယ်အချက်အလက်များ၊ အစိုးရထုတ်ပြန်ချက်များကိုနေ့စဉ်ကြေငြာလျက်ရှိပါသည်။ ယနေ့တွင်တော့ တမူထူးခြားစွာ မြန်မာနိုင်ငံ၏ ရွှေတိဂုံစေတီတော်မြတ်ကြီး အကြောင်း တင်ဆက်ပြသခဲ့ပါသည်။ Moscow Transport ရုပ်သံလိုင်းသည် မည့်သည့်ဘာသာ၊ မည့်သည့်နိုင်ငံအကြောင်းကိုမှ ယခုကဲသို့အထူးတလည် တင်ပြခြင်းမျိုးကို မတွေ့ရှိခဲ့ရချေ။ ယခုကဲ့သို့ ရုပ်သံလိုင်းကြီးမှ တင်ဆက်မှုကို မြင်ရသောအခါ ဗုဒ္ဓဘာသာဝင်တဉီး အနေဖြင့် ဝမ်းမြောက်ရသကဲ့သို့ ရုရှား-မြန်မာ ချစ်ကြည်ရေး ၏ အတိမ် အနက် ကို ခန့်မှန်းမိပါသည်။ ရွှေတိဂုံ စေတီတော်မြတ်ကြီး၏ ရုပ်သံလွှင့်မှုအား မည်သည့်အချိန်ထိ ဆက်လက်ထုတ်လွှင့်မည်ကိုမသိပါ။ ပုံမှန်အားဖြင့် အကြောင်းအရာတခုအား mostransport television မှ ထုတ်လွှင့်မှုသည် တလခန့်ကြာတက်ပြီး တနေ့လျှင် ကြိမ်ဖန်များစွာ ပြသလျှက်ရှိသည်ကိုသိရပါသည်။

ဗုဒ်ဓသာသနံ စိရံတိဌတု
သာဓု သာဓု သာဓု
အင်းစိန် ထောင်ပိုင်ကြီး

##Катюша ( Katyusha ) သီချင်းလေးကို ကြိုက်လို့ ပြန်လည် တင်ပေးလိုက်ပါတယ်။ သူ့ရဲ့ရာဇဝင်လေးပါ သိရအောင် တင်ပေးလိုက်ပါတယ်။ အကြိုက်ဆုံးကတော့ သီချင်းဆိုတဲ့ ကလေးမလေးရဲ့ ဟန်ပန်အမူအရာနဲ့ မျက်နှာပေးလေးပါပဲ 😊😊😊🥰🥰🥰

ရုရှားအသံထွက် "Katusha", "Katjuscha", "Katiusha" ဒါမှမဟုတ် "Katjusha" ဟာ ဆိုဗီယက်ယူနီယံ ရိုးရာ သီချင်းဖြစ်ပါတယ်။ ၎င်းကို ၁၉၃၈ တွင် Матвей Блантер ( Matvey Blanter ) က ရေးစပ်ခဲ့ခြင်းဖြစ်ပြီး ဒုတိယကမ္ဘာစစ်အတွင်းမှာ မျိုးချစ်စိတ်ဓါတ်အရ ကျော်ကြားမှု ရရှိခဲ့ပါတယ်။ ရုရှားနိုင်ငံမှာ ၁၉၉၅ ခုနှစ်က စတင်ပြီး ကာသုရှာ သီချင်းဟာ လူကြိုက်များခဲ့ပါတယ်။ ဒုတိယကမ္ဘာစစ်အတွင်း ဆိုဗီယက် ( တပ်နီတော် )တွေ အသုံးပြုခဲ့တဲ့ BM-8, BM-13 နဲ့ BM-31 rocket launchers တွေကို "Катюша ကာသုရှာ" လို့ အစပြုပြီး nickname ပေးခဲ့ခြင်း ဖြစ်ပါတယ်။

Расцветали яблони и груши
ပန်းသီးပင်တွေနဲ့ သစ်တော်ပင်တွေ ဖူးပွင့်လာခဲ့ပြီ။
Поплыли туманы над рекой.
မြူအခိုးအငွေ့များဟာ မြစ်ပေါ်မှာ မျောလွင့်လာနေတယ်။
Выходила на берег Катюша,
ကာသုရှာဟာ မြစ်ကမ်းပါးပေါ်ကို ရောက်လာခဲ့တယ်။
На высокий берег на крутой.
ငါတို့ရဲ့ ကြီးမားမတ်စောက်တဲ့ မြစ်ကမ်း‌ပါးပေါ်ကို ရောက်လာခဲ့တယ်။
( Выходила на берег Катюша,
На высокий берег на крутой. )
Выходила, песню заводила
သူမဟာ သီချင်းညည်းဆိုရင်း ထွက်လာခဲ့တယ်
Про степного, сизого орла,
ကွင်းပြင်ဆီက မီးခိုးရောင် လင်းယုန်တစ်ကောင်အကြောင်း
Про того, которого любила,
သူမချစ်ရတဲ့ တစ်ယောက်သောသူအကြောင်း
Про того, чьи письма берегла.
သူမ မြတ်နိုးတန်ဖိုးထားတဲ့ စာတွေရဲ့ ပိုင်ရှင် အကြောင်း။
(Про того, которого любила,
Про того, чьи письма берегла.)
Ой ты, песня, песенка девичья,
အိုး မင်း၊ သီချင်း၊ အပျိုစင်တစ်ယောက်ရဲ့ သီချင်းလေး
Ты лети за ясным солнцем вслед.
တောက်ပနေတဲ့ နေမင်းနောက်ကို မင်း တောက်လျှောက် ပျံလိုက်သွားပါ
И бойцу на дальнем пограничье
ပြီးတော့ အဝေးနယ်စပ်ဆီက စစ်သားလေးတစ်ယောက်ဆီကို
От Катюши передай привет.
ကာသုရှာက နှုတ်ဆက်နေပါတယ်လို့ ပြောပေးလိုက်ပါ
( И бойцу на дальнем пограничье
От Катюши передай привет.)
Пусть он вспомнит девушку простую,
သူ့ကို ရိုးသားတဲ့ သာမာန် မိန်းကလေးတစ်ယောက်ကို သတိရခွင့်ပေးလိုက်ပါ
Пусть услышит, как она поет,
သူ့ကို သူမရဲ့ ဘယ်လို‌ သီဆိုနေသလဲဆိုတာ နားထောင်ခွင့်ပေးလိုက်ပါ
Пусть он землю бережет родную,
သူ့ကို မိမိနေထိုင်ရာ တိုင်းပြည်ကို ကာကွယ်စောင့်ရှောက်ခွင့်ပေးလိုက်ပါ
А любовь Катюша сбережёт.
ပြီးတော့ ကာသုရှာက ချစ်ရသူကို ကာကွယ်ပေးပါလိမ့်မယ်။
( Пусть он землю бережет родную,
А любовь Катюша сбережёт.)
Расцветали яблони и груши
Поплыли туманы над рекой.
Выходила на берег Катюша,
На высокий берег на крутой.
( Выходила на берег Катюша,
На высокий берег на крутой.)

#р_в_мать_сын

၂၁-၃-၂၀၂၂ ရက်နေ့ ရုရှားစာ စတင်သင်ကြားမှု

ရုရှားစကားလုံးများတွင် အက္ခရာ စုစုပေါင်း (၃၃) လုံး ရှိပြီး ဗျည်း(၂၁)လုံး၊ သရ(၁၀)လုံး၊ ထူးခြားတဲ့ဝိသေသရှိတဲ့အက္ခရာ(၂)လုံးတို့ပဲ ဖြစ်ပါတယ်။

А(а) အာ
Авто́бус (အာဖ်သောဘုစ်) ဘတ်စ်ကား
Арбуз (အာရ်ဘု့စ်) ဖရဲသီး
Аптека (အာဖ်ကျယ်ကာ) ဆေးဆိုင်

Б(б) ဘယ်
Бана́н (ဘာနာန်) ငှက်ပျောသီး
Ба́бушка (ဘာဘူရှကာ) အဖွား
Банк (ဘန့်ခ်) ဘဏ်

В(в) ဗယ်
Ви́шня (ဗိရှ်ညာ) ချယ်ရီသီး
Вино́ (ဗိနော်) ဝိုင်
Вода́ (ဗာဒါ) ရေ

Г(г) ဂယ်
Гора́ (ဂါရာ) တောင်
Гру́ппа (ဂရုဖ်ပါ) အုပ်စု/အဖွဲ့
Газе́та (ဂါဇယ့်သာ) သတင်းစာ

Д(д) ဒယ်
Дом (ဒွန်းမ်/ဒေါမ်) အိမ်
Де́рево (ဂျယ်ရယ်ဗာ) သစ်ပင်
Де́душка (ဂျယ်ဒူရှကာ) အဖိုး

Е(е) ရယ်
Еда́ (ရယ်ဒါ) အစားအစာ
Ежеви́ка (ရယ်ဇျယ်ဗီကာ) ဘလက်ဘယ်ရီသီး
Её (ရီရော်) သူမ

Ё(ё) ရော်
Ёж/Ёжик (ရော့်ရှ်/ရော်ဇျိခ်) ဖြူကောင်
Ёлка (ရော်လ်ကာ) ထင်းရှူးပင်
Ёрш (ရော်ရ်ရှ်) ဝက်မှင်ဘီး

Ж(ж) ဇျယ်
Журна́л (ဇျူးရ်နာ့လ်) ဂျာနယ်/မဂ္ဂဇင်း
Жа́рко (ဇျာရ်ကာ) ပူသော
Жена́ (ဇျိနာ) အမျိုးသမီး/မိန်းမ (женщина အတိုကောက်)

З(з) ဇယ်
Звезда́ (ဇဗျယ်စ်ဒါ) ကြယ်
Зонт (ဇွန်းထ်) ထီး
Зо́лото (ဇော်လာသာ) ရွှေ

И(и) အီ
Игра́ (အီဂရာ) ကစားနည်း
Информа́ция (အင်န်ဖာရ်မာဆီရာ) သတင်းအချက်အလက်
Институ́т (အင်န်ဆသီသု့ထ်) ကောလိပ်/ပညာရေးအသင်းအဖွဲ့

Й(й) အီခရက်ကာရယ်/အိရ်
Йод (ရော့်ထ်) အိုင်အိုဒင်း/ဓာတ်
Йо́га (ရော်ဂါ) ယောဂကျင့်စဉ်
Йо́гурт (ရော်ဂူရ်ထ်) ဒိန်ချဉ်

နေ့စဉ်စကားပြော မိတ်ဆက်ခြင်းအတွက် အသုံးပြရန်
Здравствуй/-те (ဇသရာ့စ်ထ်ဗွီ/ကျယ်) မင်္ဂလာပါ
Привет (ပရီဗျယ့်ထ်) ဟိုင်း
Как дела? (ကာ့ခ် ဂျယ်လာ) အဆင်ပြေလား/နေကောင်းလား
Спасибо, хорошо, а ты/вы? (ဆပါဆီဘာ ခါရာရှော, အာ သီ/ဗီ) ကောင်းပါတယ် ကျေးဇူးတင်ပါတယ် မင်းရော/မင်းတို့ရော
До свидания. (ဒါဆဗီဒါညီရာ) နှုတ်ဆက်ပါတယ်
Пока (ပါကာ) တာ့တာ
Приятно познакомиться! (ပရီရာ့ထ်နာ ပါဇနာကော်မိထ်ဆာ) တွေ့ရတာ ဝမ်းသာပါတယ်
Давай снова встретимся! (ဒါဗာ့ရ် ဆနော်ဗာ ဗ်ဆသရယ်ကျီမ်ဆာ) နောက်ထပ်ဆုံတွေ့ကြတာပေါ့


Пока мои друзья. (ပါကာ မာရီ/မိုင်ရီး ဒရူဇီရာ) တာ့တာ ကျွန်တော့်ရဲ့/ငါ့ရဲ့ သူငယ်တို့
Пока мой друг. (ပါကာ မွေ့ရ် ဒရုခ်) တာ့တာ ကျွန်တော့်ရဲ့/ငါ့ရဲ့ သူငယ်ချင်းရေ

Р.В Мать Сын

lesson1

lesson2