كل الصور بدون أي تعديلات أو فلاتر..

هفتح الشير لسبب، لكن للتنبيه:
● هذه القناة خاصة، كل ما فيها وجهات نظر شخصية، وكل حرف يُكتب فهو مِن نُطقي إلا ما كان بين قوسين أو كُتب تحته اسم كاتبه، فلا أسامح أو أسمح باقتصاص أي كلام من سياقه مهما كان غير مهم في نظرك، ولا بنقله دون كتابة مصدره، ولا بتعديل حرفٍ فيه إذا نقلتَه.

●تنبيه آخر: ما يُنشر في القناة لا يعبر بالضرورة عن تجارب شخصية، بل مجرد أشياء راقت لي فشاركتها، أو تجربة حدثت لشخص آخر ووصلتني فقمت بسردها بطريقتي..
شخصٌ مولعٌ بالتعبير في العموم، فـ مش بالضرورة أكون أنا الموضوع.

● النشر غير ملتزم بعدد معين من الرسائل سواء بالقلة أو الكثرة، القناة في النهاية مساحة حرة للتعبير والمشاركة لحاجات ملهاش علاقة ببعض مش أكتر

الـفـهـرس

▪️أول رسالة
▪️لينك صراحة
▪️المنشورات المفيدة بالقناة


🦋الهاشتاجات المهمة بالقناة
▪️#قرآن
▪️#نــص (كل هو مكتوب ولو بالعامية، لتسهيل الوصول إليه)
▪️#كتب
▪️#تلخيص
▪️#ترشيح
▪️#قصيدة
▪️#صـراحــة
▪️#واخدبالك (حاجة مفيدة ملهاش هاشتاج محدد)
▪️#خذهاقاعدة
•-------------------------------------•

في حياتك وبأي مرحلة من عمرك، ستمر بموقفٍ ما، أو ستلتقي بشخصٍ ما، ستسمع كلمةً ما..
بها سيتغير مجرى حياتك وإن كنت غير واعٍ بذلك، ستتغير بعضُ جوانب شخصيتِك، وتتغير طريقةُ تفكيرِك وتحليلِك للأمور، ستنقلب حياتك رأسًا على عقِب، وستعود فتتساءل بعد فترة قد تطول... كيف وصل بي الحال إلى هنا؟ كيف أصبحت هكذا (سواء بشكلٍ تُفضّله أو لا)؟
عندها ستدرك معنى أن (تتغير) وتدرك مرونة تكوّن شخصية الإنسان، وكيف لا يثبت حاله، فيكون مرِحا متفائلا محبًّا للحياة ثم لا يلبث أن يصير أكثر الناس همًّا أو العكس...
هل ستعود؟ أنت من يعلم
هل يمكنك أن تعود؟ نعم بالطبع، فهذا من سنة الله في خلقه..

وأكثر الناس وَعيًا في نظري، هو من يستغل هذه السُّنة، فيستفيد من مرونة وقابلية البشر للتعلم والتغير، فيُشكّل شخصيته بنفسه قبل أن تفعل الأيام.

#نــص

غير شاكر للتجارب التي أثقلتني
غير ممتن للأيام التي طحنت جوفي
لم أكن مهتمًا بتعلم الدروس من الحياة
كنت أريد أن أحيا فقط.

- هدير خليل.

وأنا داخلة الجامعة لسه، في حد كانت بيقولنا إنه من أول سنة ف الكلية وأنت هتلاقي الناس أخدت مسارات متعددة، كل شخص هيختار الشلة بتاعته وهتلاقي اللي التزم دينيا وهتلاقي اللي قرر يخربها سواء بمزاجه أو إنه انجرف..

وقتها قلت، وكررت على مسمعي وأي حد بنصحه بعد كده، إنك لو خرجت من الكلية بنفس قلبك اللي دخلت بيه فأنت كسبان أيّما الكسب يعني، مش بطلب تطلع مثالي لكن ألا تسير مع التيار، وعالأقل تخليك واعي إنك ف تيار أصلا وسهل يحصلك أي تغير...

ودلوقتي لما قربت رحلتي في الكلية على الانتهاء اكتشفت حقيقة اللي اللي أكبر مننا قالوه فعلا... وشوفت نماذج كتير حواليا كانوا من أفضل ما يكون، تدريجيا تنازلوا عن مبادئهم واحدة واحدة، من أول الكلام اللي ملوش داعي على الجروبات المختلطة، لحد نزع الحجاب الشرعي والصحبة السيئة والاختلاط في كل مكان تحت مسمى الـ (عادزي).. وكذلك في ناس اتعلمت وكل يوم كان بيزيدهم ثباتا وكل فتنة يوضعوا فيها كانت تزيدهم قربا من طريق الحق اللهم بارك..

والشخص ده مش هيعرف اللي هو فيه إلا لو فكر لدقايق وقارن نفسه ف البداية خالص بنفسه بعد ما قربت الرحلة تنتهي..

فلو حد هنا لسه ف البداية أحب أقولك خليك واعي جدا، ولاقي ناس كويسة واعمل زي ما د حازم شومان كان بيقول واكراش عليه لحد ما تصاحبه، عالأقل لما تلاقي نفسك بدأت تتنازل تلاقي حد بيفكرك وإن لم ينطق بكلمة، كفاية إنك شايف نموذج قريب بيفكرك بالله..

وفي النهاية أنت هتتعلم وهتوضع في مواطن فتنة كثيرة كون الاختلاط وشيوع الحرام عامة بقى ظاهرة لا بد منها وانتشار افتكاسات كتير تحت مسمى الترفيه والعادي ومتكبرش الموضوع وووو، المطلوب إنه مهما كثُر الموضوع حواليكم ومهما كان مفيش غيرك أنت واتنين آخرين ف الكلية كلها، ده مش معناه إنه ده يبيح الغلط لمجرد إنك مش هتلاقي شخص ينكر عليك لأنه المعظم كده أصلا..!

واعرف إنك بقيت رقيب على نفسك، معدش بابا وماما هيدوروا وراك ف الدروس، فقولي بأمانة، شايف نفسك فين بعد خمس سنين؟
لا بهزر، حدد لنفسك طريقك من البداية ومتنساش أنت مين وعاوز تكون مين...

مش مطلوب منك تكون خارج من الكلية الهوب الواو وإن كانت المرحلة دي فرصة... لكن عالأقل تخرج زي ما دخلت...

حاسة إنه الحوار يطول أوي ولا يشمله بوست صغير لكن ف العموم..
💭 خلي نصب عينيك الدين، الأخلاق، الأصول + اقبل النصيحة من غيرك + خلي حواليك ناس شبهك أو نفسك تكون شبههم... وعيش 💭

#واخدبالك
#نــص

بما إنه معظم اللي هنا من غـانـية، كنا عملنا لايف تفصيلي ف بداية الدراسة عن كل حوارات الجامعة (هــنــا)
اسمعوه بعد الامتحانات واخدين بالكم أنتم، عشان هو كان طويل شوية، احم... شويتين