معنى مهم ذكره د. عماد في البودكاست اللي رشحته سابقًا..
مش قادرة أتفق مع معنى في العلاقات أكتر من المعنى ده


(كنت اتكلمت في بوست من سنتين عن المعنى ده، لو حضراتكم حابين ترجعوله)

▪️رابط البودكاست

بمناسبة الكلام ده، كنت سمعت رجل بيقول إنه مش عاوز زوجته تشتغل عشان هتفدر تسيبه ف أي وقت..
and that's the point man, that's the point

والحقيقة شايفاه ضعف شديد، للدرجادي شايف إنه مفيش أي ميزة ف حضرتك تخليها تتمسك بيك غير إنك بتأكلها وتشربها ولو مأكلتهاش مش هتلاقي تاكل؟

ممكن أتقبل أسباب رفض العمل زي الاختلاط أو طبيعة العمل اللي بتاخد من وقت البيت والأسرة وكل الحاجات دي... كل شخص له كامل الحرية يختار شروطه في العلاقة ويشوف حد يقبل الشروط دي..
لكن بجد؟

صحابك الملتزمين فاكرينك أوبن مايندد
صحابك الأوبن مايندد فاكرينك متشدد
وأنت ف النص بتحاول متدخلش النار مش أكتر واهي ماشية

هذه الدنيا سماء...
أنتِ فيها القمر

#قصيدة

والله وخلصنا النسا وفضينا نعمل هواياتنا..
-طب وباقي الامتحانات؟
=والله وخلصنا النسا و...

-ليه بيقولولنا نخفي مشاعرنا واهتمامنا بالطرف الآخر عشان ميشوفش نفسه علينا؟ مش العلاقات موجودة عشان الطرفين يرتاحوا وتبقى الدنيا فراشات؟

= إِذا أَنتَ أَكرَمتَ الكَريمَ مَلَكتَهُ
وَإِن أَنتَ أَكرَمتَ اللَئيمَ تَمَرَّدا

شوف أثر إكرامك وإحسانك للطرف الآخر (طبعا إلى حدٍّ مقبول مش أوفر)
استقبله استقبال حسن وانبسط وتحسنت العلاقة= لوز العنب
شاف نفسه عليك فعلا= مش لوز العنب ولا الكرنب حتى

♡

الإنسان كل يوم بيكتشف إنه لا يعلم مثقال ذرة في أي حاجة والله.. كل يوم ربك بيكشفلك إنه الدنيا كبيرة وواسعة وفيها الكثير والكثير لسه محتاج تكتشفه وتتعلمه...
بل أحيانا ممكن تكتشف إنه كل اللي تعلمته في السابق كان صحيح بناء على نظرتك القاصرة في الوقت ده، وتلاقي إنك مع الوقت بتكوّن شخص تاني جديد خالص.. بأفكار تانية خالص بعلم تاني خالص غير اللي اعتقدته طول حياتك.
أو تكتشف إنه معرفتك السابقة كانت 0.00001% من الصورة، بينما الصورة الكاملة لسه بتحاول توصلها في كذا مجال.. وإنك لسه موصلتش...
ويمكن من حكمة ربنا إنك متوصلش لأنه يظل كل شيء في أي شيء كبير وفوق قدرة البشر على استيعابه... فتفضل بتحاول تتعلم، تحاول تمشي، تحاول توصل

فنسأل الله أن يعلّمنا ويُفقّهنا ويرزقنا البصيرة

«‏ليس لي عملٌ أُواجِهُ به الله إلا أنّي أُحبّه»

الحويني رحمه الله

قلة احترام الخصوصية وقلة الذوق وسوء الفهم وانتشار الغباء الاجتماعي...
رايحين بينا على فين هااا؟ رايحين بينا على فين

أتمنى النوع ده يبقى ياخد كبسولة (اللهم ارزقني حُسن الأدب، اللهم حَلِّني بأخلاق الإسلام) يوميا وميتعبش أمة محمد معاه

[ألم يأن للذين ءامنوا أن تخشع قلوبهم....]

🎙 محمود علي البنا
🔍 سورة الحديد

#قرآن

[لا يقف القطارُ لراكبٍ متردد]

صحيح إنه كل شيء بأمر الله...
لكن الكثير من فرص الحياة بتضيع على المتردد والمتكاسل.
وبيرجع يواسي نفسه إنه كل شيء بأمر الله وينسى يوصل القطر في الوقت المناسب والأخذ بالأسباب اللي هي بأمر الله برده..

مظبوط..
عشان كده دايما كانوا يقولولنا انتبه للـ (مُدخَلات) يعني أي حاجة بتدخل على عقلك حتى لو حاجة عابرة زي مشهد بسيط..

أفتكر كان مُعلم ليا ف ثانوي الله يحفظه كان بيكلمنا عن معنى مختلف لغض البصر غير الإثم... كان يقول (مين أصلا عنده الطاقة لو مرّ على 100 شخص ف اليوم يركز فيهم كلهم وفي البيوت والسيارات وكل حاجة حواليه؟ ده شيء مرهق للذهن إنه يركز في كل حاجة)

عنده حق، أصل برده لما تلاقي إنك بتركز في حاجات تافهة وتضخمها وتبدأ تاخد من تفكيرك، ده بيخلي مساحة التفكير المفيد تتراجع...

غير طبعا تأثير السوشيال ميديا اللي يخلي 5 أفكار تمر على عقلك ف الدقيقة الواحدة.. فتلاقيك زعلان، بعدين فرحان، بعدين نتضايق، بعدين مش رايق..
ويمكن تلاقي نفسك عايش حياة ناس غيرك، بتحزن لهموم لا تخصك بأي شكل.
ويمكن زي ما البوست بيقول، مجرد الإحساس العابر بسبب جملة قرأتها أو مقطع قصير شوفته.. يخلي يومك كله سلبي وأنت تفضل تدور على السبب ومتلاقيش لأنه السبب تايه وسط كل الأحداث والمشاعر المتلخبطة اللي حصلت..
أو لأنه رجّعلك ذكرى قديمة أو ضغَط على جرح قديم، أو لأنه صاحب الكلام نشره بطريقة شاعرية جاذبة فحسيت إحساسه وأنت ولا ليك علاقة بأي حاجة ولا فاهم حاجة وعمال تلعب بمشاعرك وخلاص...

والحل؟
-تقليل المدخلات اللي ملهاش لازمة قدر الإمكان.
-شوفلك حياة، وبطل تعيش حياة غيرك.

وبسكده

"المؤمن في الدنيا مشغولٌ بِجَمع ثمن الجنة"

-د. خالد أبو شادي

الفيديو كله جميل جميل!

حد صوّره أثناء صلاة الفجر، الإمام يُحاكي طريقة المنشاوي رحمه الله.

#قرآن

فكرتها اسكيمة والله لحد ما استوعبت إنه ده تفريغ محاضرة مخ وأعصاب فلازم تسبّح فعلا
(المعنى الحرفي للي بيذاكر نفس الكلام كأنه أول مرة)

محاضرات النسا والولادة، المخ والأعصاب، والقلب بالذات..
هي أكتر محاضرات هترمي فيها الكتاب كده وتقفل الريكورد.. عشان تسكت ثانيتين ذهول من عظمة الخالق وتقول هو ازاي ربنا كده... وبعدين تفتكر إنك لازم تسبّح عشان تكمل مذاكرة مفيش وقت للانبهار...