من ألطف الحاجات اللي ممكن ألاحظها في إنسان، إنه بيحاول جاهدًا ميوقّعش غيره في اللي هو وقع فيه...
كـ نوع من الحب، العطف، الشفقة، الرحمة.. أيا كان المُسمّى.

لو اتخذل من ناس كتير حواليه بيحاول يكون النقيض
لو مكنش حد بيسمعه بيكون مستمع جيد
لو اتعرض لإساءة أبويّة بيحاول يكون والد كويس
لو كان طول عمره خايف بيحاول يطمنك
لو الكل بيرفضه عشان عيب بسيط بيحاول يكون مساحة آمنة
ومثال آخر.. لو دفع فلوسه في حاجة متستحقش بيحاول يحذر حد بيفكر يشتريها
لو اتعلم درس ف الحياة بالطريقة الصعبة، هيتلبس شخصية الحكيم الصيني ويقدملك زتونة خبرته على طبق من ذهب عشان متغلطش غلطته (وبتغلط برده بس ده مش موضوعنا)

ومن خلال الملاحظة تلاقي إنه قاعدة (فاقد الشيء لا يعطيه) اتنسفت واتفسرت بطرق مختلفة واتخذت مناحي نفسية عديدة
ممكن يكون الشخص بيعمل ده عن وعي أو بدونه، لأنه فعلا مش حابب غيره يكرر تجربته الأليمة..
وممكن نوع من الشعور الإيجابي بيحصله لما يشوف غيره بيتم إنقاذه من أخطائه الشخصية، فيُسقط الموضوع على نفسه كحيلة إنه أنقذ نفسه في صورة الطرف الآخر..
وممكن يكون رغبة الإنسان في إنه يكون (المُنقذ) وشعوره إنه يملك زمام الموقف هم اللي يدفعوه

معرفش التفسير الحقيقة

أخشى فقط إنه النوع ده من الناس تنقلب عليه الصفة الطيبة دي ويقع في فخ محاولة إصلاح حاجات مش ف إيده ومش في مساحة تأثيره أو دوره إنه يعملها، فخ (I can fix it) بل يحس بتأنيب الضمير لو مقدرش يصلح الوضع اللي الآخر واقع فيه

أخشى كمان إنه يُبالغ في منح ما مُنع منه، فيمنحه في غير موضعه مع أشخاص خطأ أو في أوقات خطأ
أو يتم استغلاله وتنقلب عليه الصفة

لكن في العموم لما بلاحظ حاجة شبه دي بكون ممتنة للشخص، إنه اختار يكون شخص طبيعي لطيف بدل ما يكون مريض نفسيا ويكرر دائرة الأذى + بشوفها نوع من سلامة الصدر الحقيقة

علم نفس زي مانت فاهم، تنمية ذاتية والجو ده، العطف على النفس والحوارات دي

الفون كله خطه كده..
عاملاه من سنوات ببرنامج اسمه Zfont ابحثي عنه وطريقة الاستخدام يوتيوب

ولا يهمك، محبّي التفاهات لبعضيهم 🫶🏻

يزورني بين الحين والآخر طيفٌ من الرغبة في الكتابة عن شيءٍ ما بِعدَم اعتبار ماهيّته، وأنتقل لحالةٍ شعورية كأنني في بيتٍ صغير على جبلٍ أخضر لا أملك فيه إلا ريشةً وورقة صفراء وشُرفةً أرى منها كل ما قد يُرى من شُرفةٍ على جبلٍ أخضر، ثم أكتشف أنه (الكلام على ايه) فلا محتوى يُكتَب، ولا شيءَ يُحكَى..
أعود من خيالي وأراني على أريكتي؛ أجلس القرفصاء، فأُمسك بقلمي، وأول ورقةٍ تُقابل يدي، وأسأل نفسي "عمّ ستكتبين؟ ألِمجهولٍ جديد؟ أم تحكين حكايةً ودروسا مستوحاة من قصة مرت في فيلمٍ رأيتِه في العاشرة وعلق في ذهنك؟ أم عن زُرقة السماء؟ أم عن عبقرية الخالق في وضع كل ذرةٍ في محلّها؟ أم عن ضعف الدولة العثمانية وتصارع الحكّام؟ أم عن الحب؟"
لحظةٌ وأصارح نفسي بأنني لست فيلسوفة، ولا أقرأ في السياسة، ولا أفهم حكمة الله في كثيرٍ من الأحيان... فأتجه لما أُحيط به علمًا؛ وأرى الجمال فيما لا يُرى.
ربما تجدني أكتب عن كيفية التقاط العصفور طعامَه، أو عن جمال اصطفاف السحب وسَرَيانها خلف بعضها كأنما تلاحق الحياة، أو عن شعورٍ عابرٍ في عدة صفحات ثم تسمعني أهمس "ليس مُعبّرًا بما يكفي، لم يصف تلك الحالة التي مررت بها بعد"، أو ربما تجدني أكتب عن الحب، فأُطيل وأُسهب في وصفِه لأقل صورةٍ رأيتُها منه كإمساك أُمِّ ليَد طفلها لعبور الطريق، أو تغيّر نبرة رجلٍ في خطاب محبوبته فيصبح أكثر هدوءًا ورعايةً عمّا اعتاد من خشونة، وبين النّبرتين لحظاتٌ يَفصلُها صوتُ من يحب..

أو ربما تراني لاحظت كل ما سبق عدة مرات، كتبت عن ذلك وأمثاله وإن كان في ذهني وأنا شاردتُه ولم أُسطّره... لكنني أُحب تلك الحالة الشعورية اللا إرادية، وتلك الرغبة القهرية في رؤية الجمال مِن حولي.
طالما أحببت استدعاء تلك الحالة بالتأمل منذ نعومة أظافري، ثم أحببت حبّها لي وتجزّءَها مني يومًا بعد يوم..
تُشعرني بأنني إنسان، وتُطمئِنُني أنني لا زلتُ أنا.

#نــص

هو جميل إنه الجيل الجديد بقى عنده الفصاحة والجرأة للتعبير عن رأيه وكل حاجة
بس يعني ايه أقول لأختي (٧ سنين) تهدى شوية عشان بذاكر ف الصالة فتخفض صوتها وتعملي بإيديها كده 🤌🏻 وتقولي بنبرة كلها حكمة (في حاجة اسمها أوضة مكتب بيتذاكر فيها)

صوت صرصور الحقل
نسمع صوت صرصور الحقل بقى واحنا قاعدين مش لاقيين عذر نرد بيه كرامتنا كده

ولا اللي مش تافهة والله..
يتم وضع only read الفترة دي على ما تفرج

صدقًا، الخفّة لا يعدلها شيء.

ماشية ف الشارع النهاردة عادي ومعايا بنت كمان منتقبة..
شلة شباب=

طبعا لو حد رفع إيده هيفكروه رايح يفجّر المكان

سمعني(غرباء) ف الخلفية يبني

فهرس المنشورات المفيدة نوعا ما (الباقي أفكار غير قابلة للتنظيم، أعترف)

▪️من عيّر أخاه بذنب
▪️متقدملي شخص مش ملتزم، أعمل ايه؟ ويعني ايه ملتزم
▪️أتقدم أكتر من مرة؟
▪️ازاي الإنسان يعرف عيوبه؟ ازاي ميتعرضش للأذى؟
▪️السرعة؟
▪️عفاف المُحبّ
▪️شاب بيبعت صراحة إنه معجب ببنت
▪️عن فترة الجامعة
▪️عن السوشيال ميديا
▪️ليه الإنسان مش بيتعلم من أخطاؤه؟

يمزاجك ي عمو
ي روقانك ي حجيجة

"If you do what you used to do, you will get what you used to get"

هنا تكمن القوة للشخص اللي عارف تمام المعرفة ازاي يكون سعيد وهو لوحده.. لأنه أسباب سعادته بشكل أساسي مرتبطة بيه، ليس بوجود طرف آخر..
فيقدر يترك العلاقة دي ف أي وقت حتى لو الموضوع صعب عليه، يقدر يعيش من غيرها لأنها مش متنفسه الوحيد..

لكن برده هنا يكمن كامل الاستثناء والتميز للشخص اللي اختيار يكون مع شخص زي ده... لأنه معاه ف العلاقة اختيارا وحُبّا.. وليس اضطرارا
+هيكون عارف إنه كمان يقدر يتركه في أي وقت بدون ما يحس بالذنب إنه سايبه لوحده ف الدنيا، لأنه مش لوحده ف الدنيا
+هيكون حر ف العلاقة، هيكون عنده مساحة خاصة، مش مضطر يكون ٢٤ ساعة مع الشخص ده عشان يثبتله إنه لسه بيحبه، هو بالفعل عارف إنك بتحبه

الناس بتاعت (هل أتيت لأنني أنا أم لأنك تائه ولا تعرف سوى عنواني) هتكون سعيدة بالمعنى ده

معنى مهم ذكره د. عماد في البودكاست اللي رشحته سابقًا..
مش قادرة أتفق مع معنى في العلاقات أكتر من المعنى ده


(كنت اتكلمت في بوست من سنتين عن المعنى ده، لو حضراتكم حابين ترجعوله)

▪️رابط البودكاست

بمناسبة الكلام ده، كنت سمعت رجل بيقول إنه مش عاوز زوجته تشتغل عشان هتفدر تسيبه ف أي وقت..
and that's the point man, that's the point

والحقيقة شايفاه ضعف شديد، للدرجادي شايف إنه مفيش أي ميزة ف حضرتك تخليها تتمسك بيك غير إنك بتأكلها وتشربها ولو مأكلتهاش مش هتلاقي تاكل؟

ممكن أتقبل أسباب رفض العمل زي الاختلاط أو طبيعة العمل اللي بتاخد من وقت البيت والأسرة وكل الحاجات دي... كل شخص له كامل الحرية يختار شروطه في العلاقة ويشوف حد يقبل الشروط دي..
لكن بجد؟

صحابك الملتزمين فاكرينك أوبن مايندد
صحابك الأوبن مايندد فاكرينك متشدد
وأنت ف النص بتحاول متدخلش النار مش أكتر واهي ماشية

هذه الدنيا سماء...
أنتِ فيها القمر

#قصيدة