لو وازنت بين الـ ٣ صور دول= فهمت مقصدي من البوست.
أحيانا بحس الصورة مش كاملة في اقتباس واحد، يعني مينفعش نتعامل دايما بعقلية المتسامح بشكل مفرط مع أنفسنا، يعني كان حد بيقول مرة (لا ترضَ عن نفسك كثيرا فتظل في مكانك)
وأعتقد إنه مهما كان الإنسان متسامح مع نفسه ومحب لذاته وكل الكلام الجميل ده، سيظل جزء -وإن كان صغيرا- في داخله يخبره أن يتحرك، أنه ليس بعد، لم تصل بعد، اجتهد أكثر، لسه شوية..
وأعتقد أنه من حكمة المولى أن وضعه بداخل البشر.. لكن لو لقيت مفيش موازنة، يعني الشخص دائم الإحساس بالذنب وعدم الكفاية.. حتى لو أنجز مش هيكون متزن أو سوي نفسيا..
ولو كان دايما حاسس نفسه الجامد جمودة، برده مش هيسعى لتطوير نفسه بأي شكل تحت مسمى (أنا كده كويس، أنا بحبني زي مانا واللي عاوزني ياخدني زي مانا... إلخ)
أوضح مثال بسيط؟
شخص سمين، وهو عارف كده.. لكنه بيبص لنفسه في المرآة طول الوقت ويقول لنفسه كلام جميل من نوع إنه حلو ومسكّر... هل ده كويس؟
ده كويس في حالة واحدة، لو كان بياخد خطوة فعلية إنه يخس طالما ف إيده ده، والرضا والتقبل يكون جزء من الرحلة، وليس كل الرحلة.
(طبعا ده يختلف عن الحاجات غير القابلة للتحسين زي الطول أو المرض وهكذا.. دي حلها الوحيد فعلا هو التقبل)
لكن متفضلش البنت حاسة بانعدام ثقة ف نفسها وتيجي تشتكيلي وهي عارفة السبب زي إنه تعاملها مش كويس مع الناس أو هي تخينة بشكل مش مقبول ليها شخصيا أو غيره، أقولها تعمل ايه.. تاخد خطوة؟ لا طبعا، تمشي ورا الناس اللي بتقول حب نفسك والكلام العبيط ده..
أيوة طبعا تحب نفسك، لكن لو فكرت كويس، هتلاقي إنه حبك لنفسك يدفعك إنك تحسّن ما يمكن تحسينه، مش إنك تفضل على الوضع الحالي وتقول أنا بحب نفسي!
لو أحببت نفسَك لأكرمتَها يبن الحلال.

ده اللي بتكلم فيه، نقطة الموازنة... وعشان تكون الصورة واضحة، جبت أكثر من اقتباس ف نفس الوقت، عشان مينفعش ناخد كل واحد فيهم كقاعدة وخلاص..

(الكلام له علاقة بالبوست اللي قبله من ناحية تقبل ما لا يمكن تغبيره، والتطوير والتعلم فيما يمكن تغييره)

#واخدبالك

أنا مش متنمرة مين قال كده

أنا برده وأنا كل مرة بعمل قهوة أصورها من زاوية مختلفة عشان أوريها لأختي اللي بتعمل القهوة من غير وش=

يارب صبحنا وربّحنا وبين الدفعات التانية ما تفضحنا

ادعولنا ي ناس ادعولنا، رابعة بشري كفر الشيخ هااا

تم تفعيل وضع (يارب عديها المرادي ومش هزنق نفسي تاني يارب)

"مُستوحِشُ الأصواتِ يأنَسُ بالصّدَى"

#مخطوط

(مَا كُنتَ مثل العابرين فإنهم مرّوا عليَّ وأنت سِرتَ خلالي)

#مخطوط

(وإن أتاني يمشي أتيتُه هَروَلة)

#مخطوط

دي طبعا جزء من حديث قدسي عشان اللي مش عارفه.. إنه الله عز وجل لو قربت ليه حاجة بسيطة هيقترب منك أضعافها

(يزيدُكَ وجهُها حُسنًا إذا ما زِدتَهُ نظرا)

#مخطوط

(رب إني لما أنزت إليّ من خيرٍ فقير)

#مخطوط

(الناس واجِد لكن الوِلف غلّاب)

#مخطوط

المقولة شطر من بيت بلهحة خليجية، بتقول إنه ممكن يكون الناس حواليك كتير، لكن الأُلفة غلّابة، بتخليك تتجه لشخص محدد دونًا عن الجميع..

كان حلم ولا زال إني أتعلم الخطوط العربية... خطي أقرب للنسخ وكنت زي ما تقول خطاطة المدرثة الثغنونة، والمدرسين كانوا بيخلوني أكتب مكانهم عالسبورة وأكتبلهم ف دفاتر التحضير (كنت عبيطة وسعيدة بالاستغلال ده)، وكنت بكتب لوحات الفصل أحيانا..
وكان خطاط البلد (مدرس عربي فصل آخر) جه يوم مخصوص الفصل وطلب يشوف كشكول العربي بتاعي من الكلام اللي وصله...
واحنا بناخد درس نحو ف ثانوي المدرس شرح مثال وكان بيقول (رويدا أحسن الطلاب خطًّا) وطبعا متخيلين سعادتي...

المهم إنه اتغير خالص من قلة كتابة العربي والممارسة وبقى ميتقرأش لو كتبت بسرعة وشكرا

الفون مصمم يرجعلي ذكريات القديم والجديد ف السنة..
طاااب ي سيدي شكرن

عارف أنت لما تطلع الجاكيت الشتوي وتلاقي ف جيبه نص جنيه قديم ومنديل من السنة اللي فاتت؟
اهو نفس الإحساس كده