عندي تعليق بسيط، إنه مش لازم تكون الشخص اللي الكل بيدور عليه، عشان كلمة (مناسب) دي بتختلف بين الناس، لحد ما تقابل شخص مناسب ليك أنت، وأنت مناسب ليه والحياة تبقى زالفل.
سواء صداقة أو زواج، العلاقات عموما..
لكن المقصود إنه العمل على تنمية نفسك باستمرار، هتخليك لما تلاقي الشخص المناسب ليك، يكون عارف إنك كمان المناسب ليه+ التركيز على الآخر بشكل مفرط مينفعش يخليك تنسى نفسك...
الكومنت ف العموم كان على فيديو بيقول إنه أنا بدور على مواصفات كذا وكذا، فصاحب الفيديو بيقول حلو، أنا عاوز مواصفات معينة، لكن عمري سألت نفسي الشخص اللي بالمواصفات دي عاوز حد مواصفاته ايه؟ هل أنا مناسب ليه؟

دي الفكرة، إنك تلغي الاستحقاقية بتاعت إنه من حقي أختار مواصفات الآخر وطالما أنا شايفه مناسب فهو كذلك شايفني كده، وده ف الحقيقة فكر سيئ وكل ما تتبناه أكتر هيصعب عليك تقبل فكرة الرفض أكتر وأكتر...

فالمقصود من الآخر، اشتغل على نفسك نفسيا وجسديا ودينيا (وماديا لو أنت رجل)، تلقائيا هتزود فرص إنك تلتقي وتدخل في علاقة مع ناس شبهك، أو بمعنى أصح ناس تتمنى تكونوا سوا.. عشان هم كمان يتمنوا يكونوا معاك 🤍


#واخدبالك
#نــص

الولاد اللي بتبعت للبنات على صراحة إنهم معجبين بيها ف عالم موازي....

مرة سمعت عن بنت، في ولد فضل يبعتلها ٤ سنين على صراحة إنه معجب بيها... يا ولد!
طب وبعدين؟ المفروض تعمل ايه هي؟ تجيب اتنين جاتوه وتيجي تطلب حضرتك من الوالد يعني؟
إما حضرتك بتتسلى وعاوزها تبادلك وتتكلم ف الحرام، أو إنك لا تمتلك القدر الكافي من المبادرة والإقدام والشجاعة ما يتمتع به الرجال، وفي الحالتين مذموم🙂

طبعا الأفضل للبنت تترفع إنها تضع مثل روابط صراحة على العامة عشان متعرضش نفسها لمثل هؤلاء.

وبالنسبة للكلام اللي ف البوست اللي تحت، في شباب برده كتير بيعملوا كده للأسف، وأحيانا بيكون عاوز يتقدم فعلا مش بيتسلى، لكن يقولك عاوز أكون متأكد إنها هتقبلني قبل ما أتقدم، يا ولد برده!

المفروض الرجل بيتقدم لبنت النهاردة، رفضته؟ يروح لواحدة تانية مناسبة بكرة عادي جدا وهكذا لحد ما يلاقي بنت الحلال اللي يناسبوا بعض..
لكن معرفش ايه عقدة الخوف من الرفض والترد اللي تفشّت في الرجالة دي الله المستعان

#واخدبالك

عالعموم صلِّ على الحبيب وأَكثِر..
يمكن تيجي من عند ربنا


[ولولا إذ دخلت جنتك قلت ما شاء الله...]
#قرآن
🔍 سورة الكهف
🎙محمد صديق المنشاوي

يعطي مشاعر رمضان ومصر القديمة وإذاعة القاهرة أيام التمانينيات ساعة الفطار 🤍🤍

[هو الذي جعل لكم الليل لتسكنوا فيه والنهار مبصرا...]
#قرآن
🔍 سورة يونس
🎙محمد رفعت