-
من رأى في نفسه خمولا ووهنا في الطاعة ونحن نستقبل الشهر الكريم

فليحرص على أسباب القوّة ومنه الذكر أول النهار وقبل النوم:

يقول ابن القيم عن شيخ الإسلام:
ثم جلس يذكر الله إلى قريب من انتصاف النهار ثم التفت إليَّ وقال: هذه غدوتي،ولو لم أتغدَّ سقطت قوتي».

فالذكر يرفع عنك الوهن.

- بصائر.

"مَن لم يجاهد نفسَه وقت الصِّبا

‏ضاعت عليه مراتب الأخيار!"

إن الله يراك.

السلام عليكم ، بسم الله والحمد لله ،

باقي علي شهر رمضان اسبوع ، من البودكاست النافعه جدًا في أمر التهيئة لرمضان وكان لها أثر طيب جدا ومُثمر في بداية نشرها شعبان الماضي سلسلة رمضان كاست ،

مهما قرأت كتب أو سمعت محاضرات متحرمش نفسك خير السلسله دي


١- رمضان توبه للشيخ أحمد جلال

https://youtu.be/3WHJS0-eBK0?si=Up2Sr0sXmHpl-gn3


٢- رمضان والقرآن د أحمد عبدالمنعم

https://youtu.be/H9SXCa8s58w?si=g8EkZJIJl_R-qEgt


٣- رمضان والتغير د حازم شومان

https://youtu.be/mLQqCjr4Zf8?si=pNacFHg0sT3aIiJu


٤- رمضان فرصة د أحمد سيف

https://youtu.be/XTSmKax8Tmc?si=o5GsWZWQPBvvBPv2


محتاجين نسمعهم بتركيز كويس جدا ونعيرهم قلوبنا ونطلع منهم بقرارات مصيريه لرمضان ، اللهم سلم إلينا رمضان ، وتسلمه منا مُتقبلاً

السلام عليكم ورحمة الله وبركاته

ممكن نبدأ من اللحظة دي؟

نشوف إيه متراكم أو إيه محتاج يخلص قبل رمضان!

-سلسلة بنسمعها نقعد نخلصها
-الكتاب اللي بنقرأه نخلصه
-الختمة اللي بنقرأها نخلصها
-نخلص مقررات الدورات اللي مشتركين فيها
أي شيء متراكم ممكن نخلصه؟

عشان لما ندخل رمضان نبقى داخلين بدون متراكم وفيه همة إني أعمل حاجات كتير

وندكر نفسنا أنا خلصت قبل رمضان الحاجات دي فبالاستعانة بالله
هقدر أكمل بإذن الله.

شدوا الهمة
وقوموا اكتبوا المتراكم كله في ورقة وقلم
وابدأوا انجزوا خطوة خطوة

علوا الهمّة
عندنا شهر كامل مش عايز لمحة واحدة من الفتور
الله يعين يا رب

....

"في كلِّ مرَّةٍ يستدعيكَ حُزنُك لسببٍ مَا؛ استدعِ أحزانَ العالمِ في قلبِك واحمدِ الله..
فحزنُك على عدمِ توفُّر مادِّيتك، لا يشبهُ حزنَ مَن بُترت قدمُه؛ أو اكتشفَ للحظةٍ أنَّ هناك ورمًا قد توسَّط جسدُه!
تعلَّم كيفَ توازنُ مساحةَ الحزِن في داخلِك، وابقَ حامدًا للهِ شـاكرًا لأنعمهِ!".

📮📩💚💚💚💚💚💚💚💚💚💚💚💚💚💚💚💚💚💚💚💚💚💚🪴. ""

لما الأخت تسمع حلقة ولا درس علم لحد بيتكلم عن الشروط اللي لازم تتوافر في الشخص اللي متقدم لخطبتها وِفقًا للشرع بتكون متخيلة إن الدين هو محور الجواز

في حين إن أي شخصية ناضجة، واعية بالواقع اللي عايشين فيه دلوقت، على علم فعلًا، هتلاقيها بتتكلم بنسبة كبيرة جدًا في الموضوع دا عن الشخصية وفقًا للدين مش بتتكلم عن الطاعة نفسها!


لما بنت من بنات اليومين دول–اللي أغلبهم معندهمش نضج بالمرة– تتخيل إن فيه أخت ملتزمة على خلق ودين تزوجت، أول شيء بيتبادر لذهنها (أكيد وخداه قوام، صوام، السبحة مش بتفارق إيده ليل ونهار!! دا بيتنفس قرءان مش أكسچين من العادي بتاعنا دا!)

في حين إنك لو اتكلمتي مع ملتزمة بجد من واقع الحياة اللي بتعيشها هتقولك، لا انا وخداه بيصلي فروضه، بيصوم رمضان، بيتقي الله جدًا في كل قرش بيدخله عليا وعلى ولادنا، بيتقي الله فيا وفي أهلي، ولو اختلفنا بيرجع للشرع مش بيحكم هواه.


- فانتي تبقي قاعدة كدا فاتحة القوس مستنياها تكمل، وهي في الحقيقة قفلت القوس وحطت نقطة من بدري وخلص الموضوع!!!!!

-غريبة يعني! الاه!
فين قيام الليل!؟
فين صلاة السنة؟!
فين الصدقات اللي من كترها مش لاقيين ناكل!
فين طلب العلم في المساجد واللف على مشايخ الأمة عشان علوم الدين اللي من كترهم مبنشوفش بعض غير في الأعياد، مااحنا مشغولين بقا بالعلم ههه!!


فين يا ولاد صفحته على الفيس اللي متفرغ فيها للرد على الملاحدة،والشيعة، وأعداء الدين من اليهود والنصارى والمجوس!

هو فين الالتزام دا؟!

....

الحقيقة يا أختنا، والله العظيم هي دي العقليات اللي نحب نشوفها الفترة الجاية، لإن سذاجتكم كترت نسبة الطلاق الفترة الأخيرة وعقدت الناس في الدين وأهل الدين!

هو ايه الدين يا أختي بالنسبة لك؟!

طاعته؟!
دا دليل انه تقي يعني؟!

طب ما الخوارج النبي ﷺ شهدلهم إن صلاتنا متجيش في صلاتهم حاجة واللهِ!

دا انتي من شدة طاعتهم بتبقي في ذهول!

لكن تيجي على التقوى اللي بجد بقا، دول خوارج يعني كلاب النار!

تحبي نحكيلك كام قصة عن ذكور دخلت البيوت كانت دقنهم سبقاهم، وبعد جوازهم بشهر أو أقل سمعنا صوت مراته وهي بتستغيث من كتر الضرب والإهانة؟!

ولا الأخ اللي تزوج واحدة صاحبتنا، مكانش يحلاله كدا قراية سورة الكهف غير وهو قاعد معاها في الجلسة يوم الجمعة! لا ومقولكيش كان لما يحب يطمن عليها مكنش يسألها(عاملة ايه؟) زي الناس التوتو الطبيعيين دول!

دا اول ما يشوفها يسألها(صليتي السُنة؟)

يااه، إنه حقًا رائع.

هذا الرائع اللي واقف قدام حضرتك، بعد تلت شهور من الجواز طلبت الطلاق منه بعد ما شافت الويل، أبسط الويلات انه طلع بيتعاطى مخدرات، لا وكان بيحطلها في الأكل علشان تبقا زيه من منطلق ( لا تعايرني ولا أعايرك الهم طايلني وطايلك ههه).

ولما حللت لقت نسبة من المخدرات في الدم وهي لا تدري..

قسمًا بالله دا اتقالي منها هي شخصيًا ومش هذكر بقية التفاصيل، دي أقل حاجة اتحكت، مع العلم انه ملتحي، وطاعته تبارك الله تشوفيه كدا تقولي فُزتُ ورب الكعبة!
وانتي متعرفيش انك بعد تلت شهور من جوازك منه هتشمي كُلّة تحت الكبري معاه أصلا!


فلما تختاري يا حبيبتي، لا تبصي لطول لحية، ولا لنقابك نفسه، ياما منتقبات ميعرفوش عن الدين شيء، وياما ملتحيين واقفين في محكمة الأسرة ومنهم اللي ملطم مراته لا عارفة تاخد منه لا حق ولا باطل

عشان لما واحدة تيجي تقولي دا ملتزم بس مش لاقي شغل!

وتسأليها عن سعيه في لقمة عيشه تلاقي الباشا أصلااا بيتأمّر وعايز شغلانة بعينها ومعطل بنت الناس معاه في خطوبة تلت أربع سنين عشان الشغل المتاح مش جاي على مزاج سيادته!

او تيجي تقولي متقدملي أخ(انا كلمة أخ دي بقت تخوفني أساسًا!) بس هو عنده مشكلة؟!
- خير يا حبيبتي مشكلته ايه؟
= قالي انه طالب علم على ايد الألباني قبل ما يموت، ولحق ابن تيمية في آخر أنفاسه، حافظ مصحفين من وهو عنده تلت شهور، بس مشكلته إنه صفحته مختلطة على الفيس وبيرد على النساء في التعليقات (بغير ضرورة االي هو لا لا تحسب أن الدين بعيد عن حب وحياة وكدة) ومشكلة تانية انه بيتفرج على مسلسلات وافلام بس تاريخية والله!


أنا: لا طالما تاريخية يجوز، عارفة لو مكانتش تاريخية! كنت هقولك ارفضيه.

- وحاجة كمان، بيحضر أفراح مختلطة، بس أنا لما ناقشته قالي انه عشان صلة الرحم وعشان مينفعش يزعل حد منه.

انا: لا طالما صلة رحم يجوز، دا لو عايز نحللُّه الخمر والميسر في الفرح مش الأغاني وعدم غض البصر بس نعملها كله يهون عشان طاعة صلة الرحم.

انا مش عارفة دين ايه اللي قاعدين نتعلمه ومش عارفين نطبق منه حرف في واقعنا دا والله!!!!

طب هو مش ملتزم، انتي بقا بتبرري له ايه؟!

يبقا جاي لا عنده الحد الأدنى من الدين، ولا عارف يجيب مهر، ولا يفتح بيت، وتناقشيه في شغل، يحسسك انك ارتديتي عن الإسلام، ازاي اكلمك في لحيتي وطلبي للعلم تكلميني ف مسئولية وفلوس وكلام فاضي!!

"من سار حيث هواه .. هَوى"

"لو ابتلانا بدوام الرخاء؛ لاسترسلنا في الشهوات، ولو ابتلانا بدوام الشدّة؛ لأحاط بنا العجز واليأس، بل يُقلِّبنا بين القبض والبسط في كل وقت وحين، سبحانه يُرَبينا بلُطفه..
لولا الرخاء لما رُزِقنا نعمة الشكر على الرخاء، ولولا الشدائد لما رُزِقنا الافتقار إليه"
الحمدلله كثيرًا

‏أعلم أنك لا تُفلت يدي، وأنّ هذا الدرب الطويل الشاقّ الذي بسطته أمامي محروسٌ بظلّك، أعلم أنني سأركض كثيرًا لأصل، وأنني سأفقد الإتجاه أحيانًا، لكنّ عين العناية لن تُفلتني، ولا الإشارات التي تضعُها أمامي ستتوقف أن تُرشدني، أعلم أني سأتوه.. ‏وسأجلس على هوامش التعب، وسأنظر إلى السماء، وسأراك وسيصلحُ حالي وسأنهض، أعلم أنك تسامحني أكثر ممّا أستغفر، وتحرسني أكثر ممّا ألجأ، وتحميني أكثر ممّا أحذر، وتحبّني أكثر ممّا أطيع، أعلم أني بئس العبد، وأنك أنت الله الرحمن.💕

"‏النَّاسُ تُوقِدُ في بَرْدِ الدُّجَى حَطَباً
وإن قَسَا البَرْدُ بي أَوْقَدْتُ أَشْوَاقي".

د. فواز اللعبون.

رمَضانُ يدنُو يا سعادةَ خَافِقي!💕

نقفُ على أعتابِ رمضان ؛ مُنهَكين ، مستَهلَكين ، نجرُّ أذيالَ التعب ، نطمعُ في الرحمة ، في القَبول ، وفي مسحةِ الشفاءِ للقلوبِ المثخنة .
نطرُقُ الأبوابَ مستسلمينَ مُسلّمين . ننفُضُ عن أفئدتنا الغبار ، ونشدُّ أطرافَ العزمِ أملًا في الوصول .
نتمسّكُ بـ " اللهمّ إنّكَ عفوٌّ تُحبُّ العفوَ فاعفُ عنّا " ونتشبّثُ بسؤالِ " موجباتِ رحمتك ، وعزائمَ مغفرتك " ونستنجدُ بحولِكَ وقوّتكَ على ضعفنا وهواننا ، ونتلمّسُ رحمتكَ لتهزمَ قسوةَ قلوبنا وضيقَ صدورنا .
فاللهم بلّغنا رمضان ، شفاءً لا رياءً ، وسلامًا لا خصامًا ، ورحمةً لا عذابًا ووصولًا لا ضياعًا .

- هديل عبدالسلام

‎
🚫 لا تَألف الحَرام.

لا تألَف الخطأ، لا تألَف الفراغ= تَعَلَّم، عَلِّم، تَحَرَّك.❗️
‎

لا يصِحُّ صومُ رمضانَ ولا فِعلُ غيرِهِ من العِباداتِ إلا بالنِّيةِ ؛ لقولِ النبيِّ ﷺ :
«إنَّمَا الأعْمَالُ بِالنِّيَّاتِ ، وَإنَّمَا لِكُلِّ امْرِئٍ مَا نَوَى»
متفق عليه.

ويُشترَطُ في النِّيةِ للصَّومِ أن تَكونَ في اللَّيلِ وقبلَ طُلوعِ الفجرِ ؛ لقولِ النبيِّ ﷺ :
«مَنْ لَمْ يُبَيِّتِ الصِّيَامَ قَبْلَ الفَجْرِ فَلَا صِيَامَ لَهُ»
رواه النسائي.

أيْ مَن لم يَنْوِ الصِّيامَ ويعزِمْ على فِعلِهِ من اللَّيلِ فلا صِيامَ لَهُ ،
والنيةُ عملٌ قلبِيٌّ ، فيعزِمُ المُسلمُ بقلبِهِ أنهُ صائِمٌ غدًا ، ولا يُشرعُ لهُ أن يتلفَّظَ بها فيقول : نويتُ الصِّيامَ ، أو أصومُ جادًّا لَك ، أو نحوَ ذلِك مِن الألفاظِ التي ابتَدَعها بعضُ الناس.

والنيةُ الصَّحيحةُ هي أن يعزِمَ الإنسانُ بقلبِهِ ، ومَن خَطرَ بقلبِهِ أنهُ صائِمٌ غدًا فقَدْ نَوَى.
•