شبكة نشطاء روﭺ آﭬـا

Bajarê Efrînê ku ji aliyê rêveberiya wê ya xweser ve dihat birêvebirin û bû penagehek ji bo hemû gelê Sûriyê, ji ber ku bajarekî ku ewlehî, biratî û aşitî tê de serdest bû û îro jî piştî dagîrkirina wê û koçberkirina xelkên wê bûye navendek ji bo bicihkirina komên terorîst.

Dewleta Tirk a dagirker û çeteyên wê, bi polîtîkayên guhertina demografiya ku ji aliyê faşîzmê ve ji bo ji holê rakirina nasnameya neteweyî, çandî û dîrokî ya Efrînê û polîtîkayên koçberkirina miletê Efrînê tên meşandin, sûcên herî hovane yên qirkirinê li dijî bajarê Efrînê û gelê wê pêk hatin, ev Hemû binpêkirin li dijî peyman û yasayên navnetewî ne.

Dewleta Tirk a dagirker û çeteyên wê ji destpêka dagirkirina Efrînê heta îro bi zanebûn darên zeytûnan birîn û bermahiyên dîrokî û çandî wêran kirin, komên terorîst ji herêm û neteweyên cuda bi cih kirin û ji bo niştecihkirina wan li Efrînê kar kirin, bi koçberkirina niştecihên Efrînê yên resen, ta ku karesata erdhejê ji bo bidestxistina pereyên alîkariya welatên curbicur ji bo kesên ziyan dîtine, û bicihkirina çeteyên komên terorîst heta ku hejmara niştecihan gihişte zêdetirî 40 bajarokan, herwiha kar ji bo desteserkirina milk û malên xelkê Efrînê û gundewarên wê hat kirin.

Mijar li vê derê nesekinî, lê dewleta Tirk a dagirker û çeteyên wê li dijî welatiyên ku di malên xwe de man û ji ber sedemek din nekarîn derkevin komkujî pêk anîn , weke malbata bi xwîna sar qetil kirin di Newroza sala borî de li Cenderesê , ya dawîn jî kuştina xortê ciwan Ehmed Mamo , û avêtina wî di bîrê de, û ev tawan her roj li ber çav û guhên civaka navdewletî û mafên mirovan berdewam in, saziyên mirovî, bêyî ku tedbîr li wan bê kirin.

Em di Rêveberiya Xweseriya Demokratîk a kantona Cizîrê de, di dema ku em polîtîkayên dagirkerî û qirkirina faşîzma Tirk û çeteyên wê û yên ku li Efrînê û herêmên din ên dagirkirî , û bêdengiya navneteweyî jî şermezar dikin, li hember tawan û dagîrkeriyê jî em bang li civaka navdewletî û saziyên wê dikin ku bi berpirsyariya xwe rabin û hemû hêzên navdewletî yên aktîv di kirîza sûriyê de ku bi erkê xwe rabin, her wiha em bang li wan dikin ku ku dawî li şerê Tirkiyê bînin û ku dawî li dagirkeriyê bîne û Ji hemû herêmên dagirkirî vekişe, vegera bi ewle ya şêniyên bajarê Efrînê û gundên wê yên resen, û berpirsyariya sûcên rejîma Tirk a faşîst û çeteyên wê li ser sûçê wan yê şer bikin.

Her wiha em bang li hemû hêzên neteweyî û demokratîk ên Sûriyeyê dikin ku li hemberî polîtîkayên dewleta Tirk a dagirker û plan û daxwazên wê yên berfirehtir bibin yek.

Her wiha em berxwedana gelê xwe di kampên berxwedanê yên Şehba de, tevî hemû şert û mercên dijwar û polîtîkayên dorpêçkirinê yên ku rejîma Şamê dimeşîne, silav dikin û em daxwaz dikin ku dawî lê bîne û berpirsyariyên xwe li hemberî dewleta Tirk bi cih bîne.

dagirkirina xaka Sûriyeyê, polîtîkayên koçberkirinê yên ku ji aliyê dagirkeriyê ve tên meşandin û komkujiyên wê yên li ser gelên Sûriyeyê.

Em destnîşan dikin ku berxwedana gelê me wê dawî li dagirkerî, faşîzma Tirk û terora wê bîne, berxwedana wan jî silav dikin.

Her wiha em tekez dikin ku destpêka her çareseriyek ji kirîza Sûriyê re bi dawî anîna dagirkeriya Tirkiyê li ser axa Sûriyê ye û bidawîkirina terorîzmê û piştevaniya wê ji terorîstan ne , yên ku bi bicihkirina wan li navçeyên dagîrkirî bûne metirsî li ser tevahiya cîhanê.
Em soza rizgarkirina Efrîn, Serê Kaniyê, Girê Spî û hemû herêmên dagirkirî, vegera şêniyên xwe yên resen û rakirina hemû şopên dagirkeriyê nû dikin.
.
Ji şehîdên berxwedana Efrînê û hemû şehîdên azadiyê re rêz û silav.

Bijî berxwedana Efrînê
Rêveberiya Xweseriya Demokratîk a Kantona Cezîrê

232 views08:26