شبكة نشطاء روﭺ آﭬـا

Biradostê Mîtanî
Du Dewlet Beramberî Du Taxan.
Ev (14) sal in taxên Şêxmeqsûd û Eşrefiyê birûmet li ber xwe dixin. Ev her du tax ji ber ku piraniya niştecihên wan Kurd in û azad bûne ,di jiyana xwe ya rojane de ji dema rêjîma Be es ve ji 2011z dihatin dorpêçkirin. Xurek ,kehrebe ,derman û sûtemenî ji wan dihatin birîn. Vê helwesta nemirovî ta li ser destên vê hikûmeta Veguhêz jî berdewam kir û bi pişgiriya rêjîma Tirk xirabtir dibû . Berxwedana her du taxên me û ya Benîzêd ne (6) rojên borî tenê ne. Ev (14) sal in ew berxwedan berdewam dike.
Em carê di ber feraşê kîn û çanda nejadperestiya netewî de bûn ,niha em di ber a hêzên nejadpersta netewî û hişmendiya olperestî tûndirewî de ne.
Van kesên hov bi hemû şêweyên dûr ji pîvanên mafên mirovan û bi hemû amûrên qirkirinê 105 tank û bi refan diron û 42000 çekdarên tûndirew û bi piştgiriya dewleta Tirkiyê êrîşî van taxên me kirin. Rêjîmên du dewletên Tirkiyê û Sûriyayê û bi erêkirina dewletên zilhêz nikarîbûn vîna gelê me di Şêxmeqsûdê û Eşrefiyê de bişkînin.
Van êrîşkarên tûndirew Emşat, Hemzat,Silêman şah, Nûredîn Zengî di nav wan de endamên Da iş ên dûr ji avakirina dewleta Sûriyayya şehristanî de , yên tenê bikaranîna hişmendiya yekalî kiryarên pir xirab bikar anîn: Tirs,bidarvekirin,parçekirina laşan ,lêdan ,şewtandina dibistan ,mizgeft ,nexweşxne û malan,wêrankirina taxan ,reftarên hovane û sixêv û xeberên dûr ji rawişt û exlaqan dijî kesan û kurdiyetê bikar tînin. Ciwan ji malan derdixistin û li dûv hev grêdidan û bi navê ku ev HSD ne birin deverên nediyar.cendekê pakrewanekê ji qata siyem avêtin û digotin ELLEH Û EKBER . Jin û mêr digirtin û li wan weke keftar û cinaweran kom dibûn û li wan didan. Ciwanekî Kurd hê sax kuş-tin û dil û çavên wî derxistin!.
Gelê me û Asayîşa me li gor çekên xwe yên sivik û hijmara xwe ya hindik berxwedanek dîrokî bêhempa tomar kirin, karîbûn şeş rojên biagir li ber xwe bixin û ta niha li ber xwe dixin..
Vê berxwedanê qada navnetewî seyr kir û gelê Kurd serbilind û şanaz kir. Mane yên weke pakrewan firmandar Ziyad Heleb ê li ber şihadetê digot ez lêborînê ji gelê xwe dixwazim ji ber ku va ez ê pakrewan bibim û nikaribim di ber de berdewamiya berevaniyê bikim û xatir xwestin û hêviyê serkeftinê ji me re kir û wilo ew endama Asayîş a jin a ku sê demjimêran bêrawestandin berxwedanî kir ta ku guleyên wê neman û pakrewan ket.Di wî alî de mînakên mêrxasî û baweriya berxwedanî gelek in ên ku ketine di cihê matê û ecêmayinê de ,li cem raya giştî ya herêmî û cîhanî ku ev berxwedêrên me xwediyên vê vînê ne û ji pakrewaniyê natirsin û wane û nimûne bi mêrxrasiya xwe di riwê van êrîşkarên hov û hevalbendên wan ên weke Da iş û rêjîma Tirkiyê de dan.
Mixabin rayedarên siyaseta navdewletî dest li van tûndirewan bi zextên rêjîma Tirkiyê di qirkirina gelê şêxmeqsûdê û Eşrefiyê de berdan û ji dêla ku bi HSD ve werin û pişta wê bigirin ,a ku ew hevalbendê wan ê ku ev (14) sal in şerê terorê û Da işê dike û bi hezaran qurbanî daye ,berevajî wê yekê sînor danîne pêşiya wê ji boy alîkariya wê ji wan taxên me re nebe û Rojava û Bakur û rojhilatê Sûriyayê kirine ber fera mêzîna wê siyaseta xwe ya qirêj de û di ber re rê li da işiyan vekirin ku tevlî wan êrîşkarên hikûmeta demkî bibin. Mînak ji wan daişiyan Ehmed Mensûrî yê Misrî yê ku ew cendekê wê pakrewana endama Asyîş ji qata siyan de avêt û digot Ellah û ekber.
Berxwedana her du taxên me bi wan re Benîzêd muhra xwe ya mirovahî û kurdperwerî li dilê me û dîrokê xist ,ji ber em zanin ku dagirkirina wan taxên me ne gunhên berxwedêrên me yen fedakar in. Gunhê siyaseta qada navdewletî ,hişmendiya hikûmeta demkî û li pişta wê dewletên mîna rêjîma tirkiyê û siyaseta binmaseyî ya herêmî û navdewletî ye. Vê berxwedanê ta radeyekê siyaseta herêmî û navdewletî bo me zelal kir û Kurd û ragihandina wan li Kurdistanê û der ve kirin yek.

779 views19:35