اشهد ان الله عطا وجهك قبول
‏كل ما اشوفه اشـوف العافيه

‏جيتك و صدري من اللهفه يقول
‏ممتلي شـوق و مشاعر دافيه

‏انت حتى الشعر في وصفك خجول
‏ و كل كلمه في سمـوك وافيه

‏نصف ساعه فاهي بوجهك و اقول
‏اشهد ان وجهك يجيب العافيه .

بـ الهون ما عادك على الخافق تمون
يا أول غرامٍ في شبابي شعاني

نسل الحرار الشقر ماتقبل الدون
تشوم بنت معربين المجَاني

ياكيف برضى موقف الذل والهون !
وأنا عيوفٍ ماتحب الهواني

من صدتي بتموت ضامي ومغبون
وتبطي على مثلي صويبٍ تعاني

خسرت لك من ندّر الغيد مزيون
صعبٍ تحصل مثلها فـ الزياني

يمكن تموت الأرض لو ما ضحكتي
‏و تظما البساتين النديّه و الأشجار

‏صباح الخير امّا بعد:

‏"رغم امتداد التعب عيّى يموت الطموح / بـابٍ وراه اعتزازي .. طارقه طارقه"

يا فتنةٍ ربي خلقها على الأرض البراح
‏تمشي و كنّ الوطى صايرٍ ميدانها

‏فارقه بالعنق و القدّ و السحر المباح
‏والعيون اللي هدبها هزم فرسانها
‏
‏تفتخر و تماري و صيتها عذبٍ قراح
‏وارثه صيت الفخر من فعل جدّانها

‏طايشه ما تلتفت لا أرتفع صوت الصياح
‏مهرةٍ محدٍ عسفها و شدّ عنانها

صباااح ااالخير
‏مع استمرار السعي محمد عبده ينصح
‏" لوو حرمت النفس مدة من هواها /الهنا باكر يضوي لي شموعة ❤️ ".

«أنا قنعت من الوصل والبعد، والناس أجمعين - وقلوب تبغيني وأنا ما عاد أبيها كلّها»
-صالح حمد وأنا

‏أحب الربوع ، ولو تجسّد بإنسان بيكون
‏« رفيقٍ ما يُملّ، سمح المحيّا، طيّب وطروب» ❣️

شـمَس المحبّة للغرُوب أستعدّت
‏ولا عاد ليّ في ظل رجواك مقيّال

‏ما عدت أشدّ الحبل ولا أتمسك به
‏صحيح إني ما أفرط بـ اللي غلاتهم تساوي روحي
‏بس - ما أشدّ الحبل لحالي - الوقت يكفل كل جرح و يداويه إلا الغلا جرحه مايبرا مع الوقت

‏"الخاطر إن طاب من حاجة عليها السلام
لو إنها أغلى من عيوني علي عفتها".

‏"يوم شفت الورد ينبت على أطراف الطريق
‏قلت أكيد إنّك تمرّين دايم.. من هنا"

«مرحبا والساعة اللي تجيبك راس مال
‏في دقايقها نعيم القلوب الشاقيه»

‏"يالله أشرح خاطري عقب الطواري‏ وأرحم اللي دايمٍ نفسه حزينه "

"قلبي ما هو بمسخرٍ نبضه لوردٍ فيه شوك
‏ونفسي ماهي مرهونة لضيقة عصير ولا عصر

‏حتى الكلام اللي يعقّد حاجب الوجه الضحوك
‏أحبّ أقوله بالفم المليان ما أحبّ أختصر!"

__مزيد الوسمي.

‏" وأحب أكون المنفرد بالوقت الأول والأخير
‏ وأدور اللي فالزمن مالا يرغبونه .. وأرغبه "

القصايد على مثلك قصيرة مقام
أنتي اكبر من الشعّار .. وأقلامهم

‏«ما ورانا شيء» جُملة عَربية سُعودية تُقال بين الأعزاء
‏والمحبين ، تأسرْني المَوَدَّة و الليُونَة البَالغة فيها
‏وكأنها تعني: العمر متاح بأكمله ما دُمت موجودًا

‏ــــــ يحدث الآن ، الحاله الجويه :
‏«مطر و نسانيس البراد تحوفني من كل صوب
‏ و أحسه غرّق ضلوعي قبل لا يغرّق ثيابي »
‏ ❣️❣️❣️❣️❣️❣️❣️