Tadbirni REVO asoschisi @Yura_Sultonov o‘z taqdimoti bilan boshlab berdi. U kompaniya oldiga qo‘yilgan katta maqsadlarga erishishda, avvalo, jamoaning bir yo‘nalishda birlashishi muhim ekanini ta’kidladi. Shuningdek, oldinda REVO jamoasini yanada yirik loyihalar va yangi bosqichlar kutayotganiga alohida to‘xtaldi.

Kompaniyaning HR yo‘nalishi taqdimotida esa ichki jarayonlarni tizimlashtirish, jamoa bilan ishlash va kompaniya rivoji uchun muhim bo‘lgan yo‘nalishlarda amalga oshirilgan ishlar ko‘rsatib berildi.

Avtomato jamoasi platformada amalga oshirilgan ishlar va kelgusi rejalar haqida so‘z yuritdi. Shuningdek, to‘lov o‘tkazmalari bilan bog‘liq yo‘nalishdagi ishlar va istiqboldagi vazifalar taqdim etildi.

Qisqa vaqt ichida faoliyatini yo‘lga qo‘ygan REVO Media jamoasining natijalari esa ishtirokchilarda katta qiziqish uyg‘otdi. Amalga oshirilgan loyihalar, shakllanayotgan yangi media yondashuv va qisqa davrda erishilgan ko‘rsatkichlar ko‘pchilik tomonidan ijobiy baholandi.

REVO Lab ham yoz davomida amalga oshirilgan ishlar, qo‘llab-quvvatlangan tashabbuslar va erishilgan natijalar bo‘yicha o‘z sarhisobini taqdim etdi.