Иньеста Нестеров дарвозасига гол урган ўйин

2003 йил Ўзбекистон U-20 терма жамоаси БАА мезбонлик қилган Жаҳон чемпионатида иштирок этган.

Виктор Борисов бошчилигидаги ёшларимиз "ўлим гуруҳи"да дастлаб Мали (2:3), сўнгра Аргентинага (2:3) кичик ҳисобларда мағлуб бўлишган. Гуруҳдаги охирги турда вакилларимиз Иньеста бошчилигидаги Испанияга қарши майдонга тушишган. Айнан Иньестанинг 15-дақиқада урган голи ягона бўлиб қолган - 0:1.

Мазкур мундиалда Испания финалга қадар етиб борган ва Бразилияга ютқазиб қўйган. Аргентина эса 3-ўрин учун баҳсда Колумбияга ютқазган.

Қуйида Испанияга қарши баҳснинг тўлиқ видеошарҳини томоша қилинг.
👇👇👇
https://www.youtube.com/watch?v=VA7FI_fidu4

Николай Ширшовнинг Хитойга урган голи ёдингиздами?

ЖЧ-2002 саралаш босқичининг иккинчи раунди сўнгги туридан ўрин олган Тошкентда кечган Хитойга қарши баҳсни ёдга олишга қарор қилдик. Амалда мундиал йўлланмасидан қуруқ қолган терма жамоамиз мазкур баҳсдан аввал Владимир Сальковни истеъфога чиққан, майдонга эса унинг ёрдамчиси Леонид Остроушко бошлаб тушганди. Минглаб мухлислар қаршисида кечган ўйиндаги ягона ғалаба голига Николай Ширшов муаллифлик қилади. Кейинчалик собиқ футболчи интервьюларида терма жамоадаги энг муҳим голи ва ўйини сифатида айнан биз эслаётган баҳсни келтириб ўтган.

ЖЧ-2002 саралаши иккинчи босқич

Ўзбекистон - Хитой 1:0

Тошкент. "Пахтакор" стадиони. 15 000 томошабин.

Бош ҳакам: Родриго Бадилья (Коста-Рика)

Гол: 1:0 - ШИРШОВ Николай, 90

Ўзбекистон: САФОНОВ Евгений; ФАЙЗИЕВ Даврон (МЎМИНЖОНОВ Илҳом, 84); АЛИҚУЛОВ Асрор; ЛУШЧАН Сергей; АШУРМАТОВ Бахтиёр; ШИРШОВ Николай; ҚОСИМОВ Миржалол; ХВОСТУНОВ Александр; ДАВЛЕТОВ Февзи; ШАЦКИХ Максим; ИРИСМЕТОВ Жаъфар (ҲАМИДУЛЛАЕВ Бахтиёр, 66).

Хитой: ОУ Чулянг (ФУ Бин, 70); ВУ Ченгйинг (ЯНГ Пу, 75); ЛИ Минг; СУ Маожен (ШАО Джиайи, 63); ЛИ Вей Фенг; ШЕН Си; КУ Бо; ДУ Вей; ЛИ Сяо Пен; КИ Хонг; ВЕЙ Син.

Огоҳлантириш: ФАЙЗИЕВ Даврон 41.

Бу видеони "Барселона" мухлисига юборинг ва бошқа ҳеч нима деманг 🥺

@retro90foto

Pepsi компаниясининг 2002 йилда олган рекламасини кўрганлар борми?

@retro90foto

Pepsi компаниясининг 2003 йил олган рекламаси. Девид Бекхэм ва Икер Касильяс ўртасидаги дуэль.

@retro90foto

Ёдимиздан чиққан юлдуз - Пьер ван Хойдонк

Пьер ван Хойдонк (1969 йил 29 ноябрда туғилган, Стенберген, Нидерландия) — нидерландиялик машҳур ҳужумчи футболчи. У 1990-йиллар ва 2000-йиллар бошида Европанинг энг самарали форвардларидан бири сифатида танилган. Бўйи баланд (193 см), ҳаводаги курашларда кучли ва жарима зарбаларини маҳорат билан ижро этиши билан машҳур бўлган.

🏟 Клуб фаолияти

Ван Хойдонк профессионал фаолиятини Росендал клубида бошлаган. Кейин у НАК Бреда жамоасига ўтиб, ўзини иқтидорли тўпурар сифатида намоён қилди.

Унинг кейинги фаолияти Европанинг қатор машҳур клублари билан боғлиқ:

Селтик (Шотландия) — жамоа етакчиларидан бирига айланган.

Ноттингем Форест (Англия) — Премьер-лигада тўп тепган.

Витесс — самарали ўйини билан мухлислар меҳрини қозонган.

Бенфика (Португалия) — ҳужумда муҳим ўрин тутган.

Фейеноорд — унинг энг катта муваффақиятлари айнан шу клуб билан боғлиқ.

🏆 Асосий ютуқлари

Кубок УЕФА (2001/2002) ғолиби — «Фейеноорд» сафида.

Нидерландия чемпиони.

Турли мамлакатларда миллий кубоклар соҳиби.

2001/02 йилги мавсум айниқса ёрқин бўлган: у ҳал қилувчи ўйинларда муҳим голлар урган, жумладан финалда ҳам жамоаси ғалабасига катта ҳисса қўшган.

@retro90foto