Роппа-роса 15 йил олдин Бақоев Иорданияга иккита гол урганди

Қатар мезбонлиги остида ўтказилган 2011 йилги Осиё кубоги Ўзбекистон терма жамоаси учун ҳозирча тарихдаги энг яхшиси бўлиб турибди.

Боиси, аввалги турнирларда чорак финалдан ортга қайтган жамоамиз бу сафар ярим финал босқичига қадар етиб борди. Гарчи, кейинги икки беллашувда мағлуб бўлган бўлсакда якунда қитъанинг кучли тўрт жамоаси қаторидан жой олди. Демак, бугун бизга тарихий ғалабани тортиқ қилган Иордания билан ўйинни ёдга оламиз.

Вадим Абрамов шогирдлари гуруҳ босқичининг сўнгги турида Хитой билан 2:2 ҳисобида дуранг қайд этган ҳолда биринчи ўрин билан чорак финалга чиқди. Рақиб Аднан Ҳамад бошчилигидаги Иордания терма жамоаси эди. Улар ҳам ҳудди биз каби гуруҳда етти очко тўплади. Фақат, иккинчи ўринни эгаллади. Ушбу ҳал қилувчи ва бир баҳсдан иборатлиги футболчиларга қўшимча масъулият юкларди. Боз устига ортга ҳеч қандай йўл йўқлиги сабаб икки жамоани фақат ғалаба қониқтирарди. Таркибда олдинги ўйинларга қараганда сезиларди ўзгаришларга қўл урилганини кўришимиз мумкин. Максим Шацких, Виктор Карпенко, Станислав Андреев, Олим Навкаровларнинг ўрни Санжар Турсунов, Саҳоб Жўраев, Улуғбек Бақоев, Шавкат Муллажонов, Жасур Ҳасанов билан тўлдирилди. Қайсидир маънода рақиб учун кутилмаган таркиб десак ҳам бўлади.

Футболчилар учрашувнинг дастлабки дақиқаларидан асосан эҳтиёткорликка урғу қаратишди. Биргина гол ўйинни буткул ўзгартириб юбориш ҳеч гапмаслигини билишарди. Бизнинг ҳужумларимиз Жасур Ҳасановнинг қанотидан уюштирилди. Жамоа Ҳасановнинг тезкорлигидан ва дриблингларидан унумли фойдаланиш пайида бўлишди. Айнан унинг тўп узатмалари иорданиялик ҳимоячиларни шошириб қўйди. Шунингдек Гейнрих бир қатор кескин вазиятларни голга айлантира олмади. Тенг курашлар остида ўтган биринчи бўлимда ҳисоб очилмади. Ғалабага бўлга иштиёқ ва хоҳиш терма жамоамизда кучли эканлиги яққол кўзга ташланди. 46-дақиқада Иордания терма жамоаси ўйинчиси Сервер Жепаровни қўполлик билан тўхтатиб қолинади. Стандартни Жепаровнинг ўзи амалга оширади, унинг заргарона узатмасини Улуғбек Бақоев боши билан голга айлантиради. Жарима майдончаси ичида ҳимоячилар ҳужумчимизни эътиборсиз қолдиришганди.

Қизиқ бир маълумот, Вадим Абрамов мусобақага тайёргарлик жараёнида Бақоевни якуний таркибга киритишни ўйламаган эди. Ўқув йиғин машғулотларида ўзини кўрсатган ва катта эҳтимол билан турнирга бориши кутилган Ярослав Крушельницкий жароҳат олади. Унинг ўрнини тўлдириш мақсадида тезкорлик билан таркибга ҳужумчи Улуғбек Бақоев таклиф қилинади. 2-рақам аслида Крушельницкий тегишли эди. Орадан уч дақиқа ўтгач таблодаги ҳисоб ўзгарди. Тўпни марказда назорат қилаётган Гейнрих қанотда тезлик билан кетаётган Жасур Ҳасановга оширади, у эса ўз услубида тўпни марказий ҳужумчи Бақоевга узатади. Махоратли форвард жамоадошининг пасини Амир Шафи қўриқлаётган дарвоза тўрига жойлаб қўйяди.

Ўйинчиларимизнинг икки голига 58-дақиқада Башар Бани Ёсин Игнатий Нестеров дарвозасини ишғол қилиб жавоб қайтаради. Бурчакдан оширилган тўпни посбонимиз қайтаришга муваффақ бўлади, қайтган тўпга эса Башар биринчи бўлиб етиб келади ва орадаги фарқни қисқартиради. Зарбани қайтаришда жароҳат орттириб олган Нестеровнинг ўрнига Темур Жўраев майдонга тушади. Гарчи, ушбу баҳсда тўп ўтказмаган бўлсада, Австралия ва Жанубий Кореяга қарши кечган ўйинларда ўз дарвозасидан тўққизта тўп олиб чиқади. Биз учун ярим финал эшикларини очган учрашув тўлақонли Бақоевнинг бенефисига айланган дея оламиз.

Ўзбекистон – Иордания 2:1
21.01. 2011. Доха. “Халифа” стадиони. 16073 томошабин.
Бош ҳакам: Абдул Малик Башир (Сингапур)
Голлар: Улуғбек Бақоев 46, 49 - Башар Бани Ёсин 58.
Ўзбекистон: Игнатий Нестеров (Темур Жўраев, 62), Шавкатжон Муллажонов, Саҳоб Жўраев, Одил Аҳмедов, Азиз Ҳайдаров, Темур Кападзе, Сервер Жепаров, Санжар Турсунов, Жасур Ҳасанов (Станислав Андреев, 57), Александр Гейнрих (Анзур Исмоилов, 70), Улуғбек Бақоев.

https://www.youtube.com/watch?v=kTOje2bBH3I

Кўпроқ тарихий кадрлар бу ерда
👇👇👇
@retro90foto

🇫🇷 Жибриль Сиссе "Пахтакор"га ўтгани кимнинг ёдида?

Кўпроқ тарихий кадрлар бу ерда
👇👇👇
@retro90foto

1994 йил АҚШ мезбонлик қилган Жаҳон чемпионатида урилган энг чиройли 10 та голни томоша қилинг.

Кўпроқ тарихий кадрлар бу ерда
👇👇👇
@retro90foto

Австралиядан шармандали мағлубият қабул қилиб олинган ўйин

Бундан роппа-роса 15 йил олдин Қатар яшил майдонларида ўтган Осиё кубоги ярим финалида Ўзбекистон терма жамоаси Австралияга 0:6 ҳисобида ютқазганди.

Вадим Абрамов бошчилигидаги жамоа Иорданияни ютганидан кейин тарихда илк бор ярим финалга чиққан. Бироқ бу босқич биз учун жуда баландлик қилди. Чорак финалда Игнатий Нестеров жароҳат олгани боис Австралия билан учрашувда дарвозани Темур Жўраев қўриқлаган. "Соккерузлар" қарши ҳужумда бизни бир неча бор жазолашган. Австралия сафида Европа топ клубларида ўйнаётган футболчилар кўпчиликни ташкил қиларди.

Бу мағлубият Ўзбекистон миллий терма жамоаси тарихидаги энг йирик иккинчи мағлубият бўлди.

Ўзбекистон - Австралия 0:6
Осиё кубоги-2011 Ярим финал
25.01.2011. Доҳа, "Ҳалифа" стадиони, 24826 томошабин.
Ҳакам: Али Ҳамад Ал Бадвави (БАА)
Голлар: 0:1 - Гарри Кюэлл 5, 0:2 - Саша Огненовски 35, 0:3 - Дэвид Карней 65, 0:4 - Брет Эмертон 74, 0:5 - Карл Валери 82, 0:6 - Робби Крус 83.
Ўзбекистон: Тимур Жўраев, Саҳоб Жўраев, Анзур Исмоилов, Одил Аҳмедов, Виктор Карпенко (Азиз Ибрагимов 71), Жасур Ҳасанов (Марат Бикмаев 55), Сервер Жепаров, Азиз Ҳайдаров, Тимур Кападзе, Максим Шацких (Санжар Турсунов 60), Улугбек Бакаев.

https://www.youtube.com/watch?v=MMGlo211owc

Кўпроқ тарихий кадрлар бу ерда
👇👇👇
@retro90foto

Александр Гейнрихнинг ЦСКА сафидаги ягона голини ёдга оламиз

2003 йил бошида "Пахтакор" клуби Гейнрихни Москванинг ЦСКА клубига трансфер қилган. Ўша мавсум Валерий Газзаев ЦСКАни биринчи бор Россия чемпиони қилган эди.

"Армиячилар"нинг чемпионлигига ўзбекистонлик ҳужумчи ҳам ҳисса қўшган. 16-турдан ўрин олган "Зенит"га қарши баҳсда Гейнрих 56-дақиқада захирадан майдонга тушади. Бу Саша учун Россия чемпионатидаги дебют учрашув эди. 79-дақиқада ҳамюртимиз ўз дебютини гол билан безайди ва жамоасини мағлубиятдан қутқариб қолади - 2:2. Бироз вақт ўтгач Гейнрих пенальти ишлаши ҳам мумкин эди, аммо бош ҳакам унинг йиқилишини 11 метрли нуқтани белгилаш учун етарли деб ҳисобламайди.

Гейнрих ўша мавсум яна битта ўйинда захирадан майдонга тушган холос. ЦСКА эса чемпионатни 59 очко билан биринчи ўринда тугатади. "Зенит" 56 очко билан иккинчи ўрин билан кифояланади холос.


ЦСКА (Москва) - "Зенит" (Санкт-Петербург) - 2:2

11.07.2003. 16-тур. Москва. "Динамо" стадиони. 12500 томошабин.

Бош ҳакам: Александр Евстигнеев.

Голлар:
0:1 - Кержаков Александр (Радимов Владислав), 12
1:1 - Попов Денис (Гусев Ролан), 31
1:2 - Спивак Александр (Мареш Павел), 69
2:2 - Гейнрих Александр, 79

ЦСКА (Москва): 1.Мандрикин Вениамин; 3.Соломатин Андрей; 5.Семак Сергей; 6.Березуцкий Алексей; 7.Яновский Игорь (11.Гогниев Спартак, 56) (26.Гейнрих Александр, 76); 8.Гусев Ролан; 20.Ярошик Иржи; 21.Попов Денис; 24.Березуцкий Василий; 25.Рахимич Элвер; 28.Шершун Богдан.

"Зенит" (Санкт-Петербург): 16.Малафеев Вячеслав; 25.Кирице Даниэль; 46.Лобов Константин; 38.Недорезов Игорь (3.Горак Мартин, 82); 8.Мареш Павел; 20.Катульский Алексей (34.Бистров Владимир, 46); 2.Радимов Владислав; 27.Денисов Игорь (10.Аршавин Андрей, 46); 6.Спивак Александр; 26.Макаров Дмитрий; 11.Кержаков Александр

Огоҳлантиришлар: Рахимич Элвер, 16; Лобов Константин, 31; Макаров Дмитрий, 54; Аршавин Андрей, 55; Недорезов Игорь, 61; Гогниев Спартак, 63; Соломатин Андрей, 72; Радимов Владислав, 78
Четлатиш: Аршавин Андрей, 74 (2СК).

https://www.youtube.com/watch?v=O4K-cqIzaJQ

2014 йил Бразилияда ўтган Жаҳон чемпионатида урилган энг чиройли 10 та голни томоша қилинг.

Кўпроқ тарихий кадрлар бу ерда
👇👇👇
@retro90foto

1998 йил Францияда ўтган Жаҳон чемпионатида урилган энг чиройли 10 та голни томоша қилинг.

Кўпроқ тарихий кадрлар бу ерда
👇👇👇
@retro90foto