بلال فضل عمل حلقة من كام يوم عن سيد قطب

وبيقول إن سيد قطب كان في البداية متطرف في الانحياز لمن يسمون الضباط الأحرار فبيقول بسخرية:
طب يا عم سيد نصبر بس نشوف ايه نظامهم. ممكن بعد كده يبقوا طغاة ويعدموا ناس. تاتا تاتا

الغريب إن بلال فضل صاحب التغريدة الشهيرة

بيان الجيش واضح ولا مجال للحديث عن انقلاب عسكري إلا من كذابي الإخوان، مرسي استهان بشعبه وقرر أن يكون رئيسا لعشيرته فقط فأسقطه الشعب، إنجاز ثورة يناير الأهم كان استرداد الشعب لحقه في تقرير مصيره وهذا ما لم يفهمه مبارك ولا طنطاوي ولا مرسي وكل من لا يفهم ذلك سيسقطه الشعب".

وأضاف: "اليوم لدينا فرصة ذهبية لكي نعود إلى حدود 11 فبراير وكل من يتخيل أنه سيستطيع بعد ثورة أن يحكم منفردا ويطيح بالباقين هو واهم سيفشله الواقع، وإلى كل مناصري الإخوان:لا يستحق مرسي أن تبكوا عليه لحظة واحدة، لا تفرطوا في نقطة دم واحدة من أجل هذا الكذاب.. اتقوا الله في بلدكم وأنفسكم".

وختم فضل تدوينته قائلاً: "كل المخاوف مشروعة ولكن الضامن هو إرادة الشعب، قامت الثورة لكي يقرر المصريون مصيرهم وأي حاكم يكرر أخطاء مبارك وطنطاوي ومرسي سيلقى مصيرهم".

ماعنديش مانع ينتقد سيد قطب

لكن أنت المفروض دودة كتب وعصير كتب وحوارات. ماستفدتش ليه من أخطاء سيد قطب اللي قرأتها في الكتب؟!

قبل عشرين عامًا، صحبت ثلاثة من أصدقائي إلى مطروح في رحلة صيفية وأقمنا هناك بشقة في شارع يطل على شارع إسكندرية الشهير.

وفي اليوم الأخير أو قبل الأخير من المصيف، استيقظ أصحابي مبكرا ليزوروا شاطئ الغرام، وفضلتُ أنا أن آخد قسطا أطول من النوم، لاسيما بعد أن مللت البحر.

وقبيل أذان الظهر بنصف ساعة تقريبا رأيت من النافذة منظرا لم أره في حياتي إلا في الحرمين. الرجال يتحركون صوب أحد المساجد وعليهم أقمصة ناصعة البياض.

كنت أصلي في البيت لكن هذا المشهد دفعني إلى شهود الجماعة في المسجد. استلقيت بعد الصلاة في المسجد. كنت أحس نشوة عجيبة وكأن الإيمان زاد في قلبي أضعافا.

لم أخرج من المسجد حتى صليت العصر. تكرر المشهد قبل كل أذان. يمشون فرادى وجماعات قبل نصف ساعة من الأذان. أما أنا فكنت أهرع إلى المسجد لأحصل اللذة نفسها.

عدت إلى القاهرة وقد تغير قلبي. أحببت المساجد وأحببت أهل مطروح. ودّعت المدينة وحلمي أن أقيم بها حتى أموت. لكني لم أعد إليها قط ولا أظنني أعود.

ذقت حب المساجد في مطروح، وأحببت أهل مطروح. وتعلمت ما تصنع القدوة وصحبة الخير والمجتمع الإيماني في القلوب. دروس كبيرة في بضعة أيام.

كان آخر مصيف في حياتي. ولا أستحل الذهاب إلى المصايف.

وكان هذا قبل اللحية

عشان فيه عورات واختلاط ومنكرات لا يفعلها إلا الفساق.

وعشان المنكرات الموجودة في المصايف يجب تغييرها

وأقل درجات التغيير هو ترك المكان.

نساء كثيرات يجهلن هذا الحكم

يجب تغطية المنطقة بين الرقبة والذقن

لا أعلم عصرا اختلط فيه الحلال بالحرام كهذا العصر

مأذون يتلو آيات من كتاب الله على عروس شبه عارية في زفاف مختلط اختلاطا فاحشا

شيوخ يقعدون أمام مذيعات متبرجات ليكلموا الناس عن غض البصر ووجوب الحجاب

أناس يطالبون "كوافير" بأن تتقي الله في عروس متبرجة وأن تعاملها بالأجرة العادية

لاعبو كمال أجسام يسجدون لله شكرا وعوراتهم مكشوفة، ولاعبات تنس وركض يسجدن وعوراتهن مكشوفة

ممثلون وممثلات يقرؤون القرآن قبل مشاهد القبلات والتعري، ويتحدثون عن كرم الله ورحمته أن وفقهم للمعاصي

آباء وأمهات يبكون ويسجدون شكرا لفوز أبنائهم في مسابقات للغناء

مسلمون ينكرون على مغنية لأنها تغتاب مطلقها، ويطالبونها بالتركيز في فنها الحرام وتقديم المزيد من الأغاني و"كليبات" التبرج

ثمّ مكان في قلبي لهؤلاء الذين ينشغلون ببرامج التربية ويحضون الناس على صرف أوقاتهم إلى ما ينفع.

وممن لمست فيهم همة واجتهادًا في تعليم الناس وتغيير الواقع تغييرا حقيقيا وليس افتراضيا - الشيخ أحمد يوسف السيد.

وقد لقيت الرجل مرة واحدة ووجدته فوق ما ظننت. أدب وتواضع ورغبة أحسبها صادقة في خدمة الدين.

وإني لأتقرب إلى الله بحب الصالحين وإني لأظنه منهم ولا أزكيه على الله.

اللهم ارض عن عبدك أحمد يوسف السيد وعن كل من يدل الناس على دينك.

نقول تاني: ما تكتبش قائمة منقولات. أي حد بيقنعك إنها من الشرع هو كاذب.

قائمة المنقولات هي ورقة ضغط على الزوج مش لضمان حق البنت. أنت بتشتري عفش وأهلها بيشتروا عفش وبيتكتب ده كله عليك. وفي أكثر من 90% من الحالات مراتك مش بتتطالب بالعفش. دي بتقول إنك بددته. يعني أنت مثلا اشتريت عفش ب100 ألف جنيه هاتلاقي مراتك واقفة قدام القسم بتقول ده مش العفش بتاعي. وهاتبقى مطالب تدفع 100 ألف جنيه + اللي جابته زوجتك وإلا تتحبس. فطبعا أنت عشان ماتتحبس ترضخ لأي شروط حتى لو الشروط دي هاتحولك لسوسن في البيت. ذكر منزوع القوامة وليس له على زوجته أي حقوق.

ثانيا: قائمة المنقولات ده عبارة عن ورقة زور. أنت كتبت فيها إنك استلمت العفش على سبيل الأمانة. في الحقيقة هو مش أمانة عندك لأن أنت ومراتك بتنتفعوا بها وممكن مراتك تكسر منه حاجات بقصد أو بغير قصد. ومراتك معاها مفتاح الشقة يعني ممكن لو كرهتك وماعندهاش ضمير تخليك في الشغل وتروح تاخد العفش اللي أنت قلت إنه أمانة وفي حيازتك. وبعد كده تطالبك به وتحبسك.

ثالثا: القائمة دي لو مهر المفروض تاخده عند الخلع. لكن القانون بيعتبر القائمة دي إيصال أمانة خارج قصة الزوجية أصلا. يعني تختلع منك وتحبسك. مفيش شرع بيقول كده في الدنيا.

عايز تتجوز. اشتري شبكة دهب بمبلغ تتفق عليه أنت وأهل زوجتك كمهر (مش كهدية). وجهز شقتك في حدود إمكانياتك. من غير نيش ولا أوضة أطفال ولا إسراف مالوش لازمة. مش لازم الثلاجة تكون عدد مهول من الأقدام ولا الغسالة تكون 14535 بروجرام. وقل له يا عمي لو سمحت مش عايزك تحط سجادة في الشقة. كتر خيركم. واكتب في القسيمة إن مفيش قائمة منقولات وإنك اشتريت العفش كله ودفعت مهر.

هاتقول لي مفيش حد بيرضى بكده. هاقول لك دور على واحدة على قد حالها واتجوزها. واحدة بتنام في عشة وعندها دين وأخلاق أحسن لك من طبيبة أو مهندسة تحملك فوق طاقتك.

والموضوع مش قصة ذكورية ونسوية. لأن اللي بيكتفك بالقائمة هو والد الزوجة (ذكر).

القانون بيخلي الزوجة تختلع منك في لحظة وتاخد حضانة ومسكن ونفقات بأنواعها وقبل ده بتاخد القايمة سواء كنت إنسان كويس أو مش كويس. يعني تبقى الزوجة تقدر تفارقك لأقل سبب وبمنتهى السهولة وأنت زي الكروديا ماتقدرش تطلقها لو هي مش كويسة؟!

بوست تثقيفي

لو نشرت بوست مزعل النس**ات فالطرق التالية بتتعمل عشان يردوا على البوست

1- رسائل كتير على الخاص وتعليقات على العام عنوانها: "طب وبالنسبة لـ"
يجيبوا أي قصة لحد قريبهم. قصة حقيقية أو متألفة. لاستعطاف صاحب البوست.

طب وبالنسبة للي بيضرب مراته ويدبحها
طب وبالنسبة للي بيطفي السجائر في وراك مراته

2- اختراع قصة واعتبارها نتيجة للبوست بتاعك
بنت خالتي ماتت بسبب البوست بتاعك
صديقتي انتحرت بسبب البوست بتاعك
أمي اتطلقت بسبب البوست بتاعك

3- وضع النصوص العامة في المواضع الخاصة
حضرتك الزواج مودة ورحمة
وعاشروهن بالمعروف
النبي قال استوصوا بالنساء خيرا

4- الأسلوب منفر
كلامك صحيح لكن أسلوبك منفر قوي
الرسول كان طيب وحنين صلى الله عليه وسلم

5- البحث عن بوست لأي ذكر معارض للبوست. ذكر مثلا اسمه سيد.
ده الكلام السليم
ربنا يبارك للأستاذ سيد بحب طريقته قوي. مابتابعش حسام عبد العزيز من 3000 سنة
اللهم سيد♥️
حبيت 🥰

6- الردح
يا عرة الرجالة
يا أشباه الرجال
تلاقي مراتك كذا
امال لو شكلك حلو كنت قلت ايه؟
وسامتك مقوية قلبك

7- ادعاء الحكمة والاهتمام بالأولويات كقضية التغير المناخي والأزمة الأوكرانية الروسية
فيه حاجات أولى من دي تتكلم فيها

ملخص حوار مع أم عمر (أخت أردنية في قائمة أصدقاء فيسبوك) وذلك بعد تحويل الحوار من اللهجة الأردنية إلى اللهجة المصرية

1- الخاطب عندنا حر في المكان اللي بيسكن فيه. يعني يختار أي شقة. إيجار أو تمليك.
2- الخاطب حر في العفش اللي يجهز به شقته يعني ممكن يجيب عفش مستعمل ويتزوج بكر لم يسبق لها الزواج.
3- الخاطب حر في كل تفاصيل الفرح (يعني يعمله في مكان في البيت أو على السطح. أي شيء. هو حر).
4- المهر من 3 آلاف لـ 5 آلاف دينار (في الغالب يكون دهب وملابس). والمهر يتجمع في أقل من سنة.
5- والد العروسة ممكن يساعد بنته.

كنت مرة في جروب مصريات كانوا بيحكوا عن الموضوع ده. هي ٥٠ فوطة وملاية وكم طقم للمطبخ استغربت وسألت. وقلت لهم مفيش داعي للحاجات دي. السوق موجود ولما نحتاج نشتري. واحدة ردت علي رد صعب: وانتي زعلانه ليه هو من جيبك سيبي الناس تعيش براحتها بتنتقدي عاداتنا ليه؟! بصراحة لو أخويا فضل بدون زواج أو يسافر أي بلد مسلم يتزوج منه ولا يتورط في المصيبة دي. هو العفش مين بيستعمله؟ وازاي نطالب به؟ الله يهون على إخواننا في مصر. بعدين سؤال محيرني: الطلاق بحد ذاته خسارة على الطرفين والعفش هاتحطه فين؟ وتيجي ايه خسارة العفش جنب الطلاق (الأخت الأردنية ماتعرفش إن الهدف إذلال الزوج مش العفش)؟ البنات دول مالهمش إخوة ذكور؟!

طبعا أنا هارد على أم عمر رد هايفحمها. الكلام ده يمشي مع الرجل الأردني والسوري والمغربي والجزائري. لكن الرجل المصري مختلف عن كل رجال الكوكب. النساء عندنا بتقول كده. ولا هانكذب نساءنا ونصدقكم؟

قال علي بن أبي طالب رضي الله عنه: تزوَّجْتُ فاطمةَ رَضِيَ اللهُ عنها، فقلتُ: يا رسولَ الله ابنِ بي (يعني اسمح لي بالبناء بفاطمة اللي هو الدخلة) قال: أَعْطِها شيئًا، قلتُ: ما عندي مِن شيءٍ، قال: فأينَ دِرْعُكَ الحُطَمِيَّةُ؟ قلتُ: هي عِندي، قال: فأَعْطِها إيَّاهُ.

وجَهَّزَ رَسُولُ اللَّهِ صَلَّى اللهُ عَلَيْهِ وَسَلَّمَ فَاطِمَةَ رَضِيَ اللَّهُ عَنْهَا فِي خَمِيلٍ ، وَقِرْبَةٍ ، وَوِسَادَةٍ مِنْ أَدَمٍ حَشْوُهَا لِيفٌ

اللي هايقول لي ده علي

هاقول له ودي فاطمة يا حبيبي

س/ الرسول عليه الصلاة والسلام زوجه بفاطمة رضي الله عنها وارضاها، بعد واقعة نوم علي في فراش الرسول ليلة الهجرة رغم احتمالية تعرضه للقتل، وبعدما جرت في النهر مياه تخبر عن معدن العريس رضي الله عنه وارضاه. هل كل خاطب وقف مع حماه مواقف فاصلة كهذه المواقف وعرض نفسه للقتل؟ اكيد لا، و لو حصل في زمنا ده ابو العروس هو اللي هيروح يخطبه ويقوله يابني مش هلاقي احسن منك لبنتي.

ج/ بالمناسبة النبي صلى الله عليه وسلم قال لعلي: لن يخلص إليك شيء تكرهه. يعني مش هايقتلوك ولا يؤذوك. وده اللي حصل.

وبعدين لو بتتكلمي عن فضل علي وإن مفيش حد منا زيه فمفيش حد منكم زي فاطمة

اسمعوا كلكم مني الكلمتين دول من فضلكم

الأصل في الزواج في الإسلام إنه يستمر. والشرع بيعلمنا نتجاوز. لو بتكره حاجة في زوجتك هاتلاقي حاجات تانية تحبها. وهي تستحملك لو عندك طبع وحش شوية. حتى تأديب الناشز الهدف منه صلاح الحياة الزوجية واستدامتها مش الانتقام. ولما الأمور بتوصل لطريق مسدود الشرع بيكلمنا عن حكمين يتدخلوا للإصلاح.

طب لو مفيش فايدة؟ الطرفين في الإسلام لهم حق الفراق. مفيش حد مطلوب يعيش غصب عنه. لو الزوج تعنت فلها الطلاق للضرر ولها الخلع. ولو الزوجة مُتْعِبَة فله الطلاق وله يعضلها لتفتدي منها بمال لو زنت أو سرقت أو نشزت.

المهم الطرفين لهم حق الانفصال. فمفيش حاجة اسمها ايه اللي يضمن لي إن زوجي يطلع مسؤول ومايطلقنيش؟ مش مطلوب إنه يضمن لك. زي ما حضرتك مش مطلوب تعيشي معاه بالعافية.

القايمة وظيفتها إن الزوج يفقد حقه في الفراق مع احتفاظ الزوجة بحقها في الفراق. قرر يؤدبها على نشوز تغضب وتروح بيت أهلها وتعمل له تبديد. قال لها صاحبتك دي قليلة الأدب تغضب لبيت أهلها وتعمل تبديد. قال لها حجابك مش شرعي تغضب وتعمل تبديد.

الأب مش عايز بنته ترجع له تاني لأنه مش هايقدر يصرف عليها طول العمر. الراجل ما صدق إنها اتجوزت. والبنت مبسوطة بسلاح يستخدم في حالة إنه فكر يعدد أو رفض إنها تشتغل أو فكر يمنعها من صاحبة مفسدة أو علاقته مابقيتش حلوة بأمها. باختصار (لو فكر يمارس قوامته بالشرع).

الراجل ممنوع من الفراق لكن الست مع أي فرصة كويسة لحياة جديدة هاتعمل خلع وهاتاخد كمان القايمة وهاتاخد الطفل لأنها حاضنة.

النبي صلى الله عليه وسلم سمى النساء عوان. يعني أسيرات أو كالأسيرات لأنها محتبسة لحق الزوج وتحت طاعته. نظام القائمة حول الأزواج لعناة وأسرى. هو اللي خايف منها وبيتقي شرها.

آه ممكن الراجل يكون مش كويس. وممكن الست برضه تكون مش كويسة. فلازم يفضل الحل العادل هو سهولة الفراق للطرفين لو طرف فيهم مش كويس. أما تقييد الرجل وإطلاق يد المرأة فده باب فساد كبير. عشان كده شيخ الإسلام ابن تيمية استغرب في زمانه حبس رجل في صداق زوجته وقال ده ماحصلش في عهد النبي صلى الله عليه وسلم. ازاي راجل يتحبس في صداق؟

اقرأ كلام ابن القيم:

قَالَ شَيْخُنَا - رَحِمَهُ اللَّهُ - (يعني ابن تيمية): وَكَذَلِكَ لَمْ يَحْبِسْ رَسُولُ اللَّهِ - صَلَّى اللَّهُ عَلَيْهِ وَسَلَّمَ - وَلَا أَحَدٌ مِنْ الْخُلَفَاءِ الرَّاشِدِينَ زَوْجًا فِي صَدَاقِ امْرَأَتِهِ أَصْلًا.

(..)

وَلَمْ يَقْضِ أَحَدٌ مِنْ أَصْحَابِ رَسُولِ اللَّهِ - صَلَّى اللَّهُ عَلَيْهِ وَسَلَّمَ - وَلَا مَنْ بَعْدَهُ لِامْرَأَةٍ بِصَدَاقِهَا الْمُؤَخَّرِ، إلَّا أَنْ يُفَرِّقَ بَيْنَهُمَا مَوْتٌ أَوْ طَلَاقٌ، فَتَقُومَ عَلَى حَقِّهَا.
قُلْت: مُرَادُهُ بِالْمُؤَخَّرِ: الَّذِي أُخِّرَ قَبْضُهُ عَنْ الْعَقْدِ، فَتُرِكَ مُسَمًّى، وَلَيْسَ الْمُرَادُ بِهِ: الْمُؤَجَّلَ. فَإِنَّ الْأُمَّةَ مُجْمِعَةٌ عَلَى أَنَّ الْمَرْأَةَ لَا تُطَالِبُ بِهِ قَبْلَ أَجَلِهِ، بَلْ هُوَ كَسَائِرِ الدُّيُونِ الْمُؤَجَّلَةِ، وَإِنَّمَا الْمُرَادُ: مَا يَفْعَلُهُ النَّاسُ مِنْ تَقْدِيمِ بَعْضِ الْمَهْرِ إلَى الْمَرْأَةِ، وَإِرْجَاءِ الْبَاقِي، كَمَا يَفْعَلُهُ النَّاسُ الْيَوْمَ، وَقَدْ دَخَلَتْ الزَّوْجَةُ وَالْأَوْلِيَاءُ عَلَى تَأْخِيرِهِ إلَى الْفُرْقَةِ، وَعَدَمِ الْمُطَالَبَةِ بِهِ مَا دَامَا مُتَّفِقَيْنِ.
وَلِذَلِكَ لَا تُطَالِبُ بِهِ إلَّا عِنْدَ الشَّرِّ وَالْخُصُومَةِ، أَوْ تَزَوُّجِهِ بِغَيْرِهَا، وَاَللَّهُ يَعْلَمُ - وَالزَّوْجُ وَالشُّهُودُ وَالْمَرْأَةُ وَالْأَوْلِيَاءُ - أَنَّ الزَّوْجَ وَالزَّوْجَةَ لَمْ يَدْخُلَا إلَّا عَلَى ذَلِكَ وَكَثِيرٌ مِنْ النَّاسِ يُسَمِّي صَدَاقًا تَتَجَمَّلُ بِهِ الْمَرْأَةُ وَأَهْلُهَا، وَيَعِدُونَهُ - بَلْ يَحْلِفُونَ لَهُ - أَنَّهُمْ لَا يُطَالِبُونَ بِهِ. فَهَذَا لَا تُسْمَعُ دَعْوَى الْمَرْأَةِ بِهِ قَبْلَ الطَّلَاقِ، أَوْ الْمَوْتِ، وَلَا يُطَالَبُ بِهِ الزَّوْجُ وَلَا يُحْبَسُ بِهِ أَصْلًا، وَقَدْ نَصَّ أَحْمَدُ عَلَى ذَلِكَ، وَأَنَّهَا إنَّمَا تُطَالِبُ بِهِ عِنْدَ الْفُرْقَةِ أَوْ الْمَوْتِ، وَهَذَا هُوَ الصَّوَابُ الَّذِي لَا تَقُومُ مَصْلَحَةُ النَّاسِ إلَّا بِهِ.

قَالَ شَيْخُنَا: وَمِنْ حِينِ سُلِّطَ النِّسَاءُ عَلَى الْمُطَالَبَةِ بِالصَّدَقَاتِ الْمُؤَخَّرَةِ، وَحَبْسِ الْأَزْوَاجِ عَلَيْهَا، حَدَثَ مِنْ الشُّرُورِ وَالْفَسَادِ مَا اللَّهُ بِهِ عَلِيمٌ.
وَصَارَتْ الْمَرْأَةُ إذَا أَحَسَّتْ مِنْ زَوْجِهَا بِصِيَانَتِهَا فِي الْبَيْتِ، وَمَنْعِهَا مِنْ الْبُرُوزِ، وَالْخُرُوجِ مِنْ مَنْزِلِهِ وَالذَّهَابِ حَيْثُ شَاءَتْ: تَدَّعِي بِصَدَاقِهَا، وَتَحْبِسُ الزَّوْجَ عَلَيْهِ، وَتَنْطَلِقُ حَيْثُ شَاءَتْ، فَيَبِيتُ الزَّوْجُ وَيَظَلُّ يَتَلَوَّى فِي الْحَبْسِ، ‌وَتَبِيتُ

‌الْمَرْأَةُ فِيمَا تَبِيتُ فِيهِ

يعني يا نطع يكون مرتبك ألفين جنيه وعايز تجيب شبكة كمهر وتجهز شقتك بالأساسيات وماتكتبش قايمة؟

خليك راجل واكتب على نفسك وصل أمانة بربع مليون جنيه وابقى سددهم من الألفين جنيه بعد ما تدفع الكهرباء والغاز والمواصلات وتدي مراتك مصروفها وتجيب بامبرز لابنك. هي دي الرجولة والعقل

منقول بتصرف

ترك جابر بن عبد الله رضي الله عنه زواج البكر (وهو أفضل)، وتزوج الثيب لتقوم على أخواته الصغيرات وتؤدبهن، وأقره النبي صلى الله عليه وسلم على فعله.

فابحث عن الزوجة التي تُيسّر عليك وتجد معها راحتك، وإن كانت ثيبا أو أقل منك تعليما أو كانت من غير بلدك.

ولا تلتفت لعتاب أمك وحثها إياك على نكاح الأبكار فإنها أول من يبكيك فور الحكم عليك بالحبس في محكمة جنح القاهرة الجديدة.

موضوع القايمة ده كشف كارثة أكبر من قصة المهر

كثير من النساء اتربت على إنها تقيس رجولة الشخص بجيبه. يا شحات ويا كحيان ويا أبو مرتب ألفين جنيه. وده كلام بتقوله آنسات.

أنت متصور واحدة زي دي بتقول كده قبل الجواز. لما تعيش مع راجل هاتحترمه ازاي؟

هل فيه في الإسلام حاجة اسمها إن الراجل يبقى قليل الرجولة لو رزقه قليل؟!

المجتمع ده مليان أمراض

على فكرة عيشتنا دلوقتي مرفهة كتير عن عيشة الصحابة ومع ذلك ماتلاقيش قلة الأدب والتعيير بالرزق ده في زمانهم

أهو أنا اضطريت بسبب الغربة إني أجهز أربع شقق

كل ما أروح مدينة أو بلد أجهز شقة

تخيل بقى لو كنت كاتب قايمة كمان!

ليه؟ أبو تريكة؟!

يراد لنا أن نتحول إلى مجاذيب نتمسح بحديد "السيدة" ونطلب الشفاء والمدد من الموتى. هذا هو الدين الذي ترضاه لنا مؤسسات السيسي، ولا يرضاه لنا رب السيسي.

حسبكم كلام ربكم وكلام نبيكم صلى الله عليه وسلم.

قال تعالى: وَإِذَا سَأَلَكَ عِبَادِى عَنِّى فَإِنِّى قَرِيبٌ ۖ أُجِيبُ دَعْوَةَ ٱلدَّاعِ إِذَا دَعَانِ ۖ فَلْيَسْتَجِيبُواْ لِى وَلْيُؤْمِنُواْ بِى لَعَلَّهُمْ يَرْشُدُونَ

وقال صلى الله عليه وسلم: إذا سألت فاسأل الله وإذا استعنت فاستعن بالله

هذا كلام ربك وكلام نبيك فلا تكن كأهل الكتاب أحل لهم أحبارهم ورهبانهم الحرام فاتبعوهم فقال الله فيهم: ٱتَّخَذُوٓاْ أَحْبَارَهُمْ وَرُهْبَٰنَهُمْ أَرْبَابًا مِّن دُونِ ٱللَّهِ وَٱلْمَسِيحَ ٱبْنَ مَرْيَمَ وَمَآ أُمِرُوٓاْ إِلَّا لِيَعْبُدُوٓاْ إِلَٰهًا وَٰحِدًا ۖ لَّآ إِلَٰهَ إِلَّا هُوَ ۚ سُبْحَٰنَهُۥ عَمَّا يُشْرِكُونَ

اللهم عليك بدار البدع والفسق دار الإفتاء فإنهم يضلون عبادك.