بحوث_RESEARCHES

رأي من آراء طلابنا.

@P_R_T_D
https://t.me/Researches0

243 viewsبحوث_RESEARCHES, edited 08:11

كلام مهم لازم يقال بكل وضوح…
المشكلة مو بس إنّو البعض يفهم مرحلة السادس بصورة غلط، لكن الأخطر هو الفكرة الشائعة إنو "هاي مرحلة عابرة وخلاص". هذا مفهوم غير صحيح تمامًا. لأنو السنوات اللي راح تقضيها بالكلية هي أساس يحدد مسارك المستقبلي… مسار ممكن يكون طويل وممكن يكون قصير حسب اختيارك.
اللي يروح معهد يدخل طريق صعب جدًا يطلع منه، لأنو يتقيّد بقيود ما تسمحله يتطور بسهولة.
بينما اللي يروح بكالوريوس تكون أمامه آفاق مفتوحة للتطور من الماجستير وصاعد، غير فرص أخرى كثيرة ما يسع المجال لذكرها.
ونفس الشي ينطبق على الأقسام العلمية.
مثلًا:
اللي يدخل أشعة يدخل مسار ضيق جدًا، يحتاج منه جهد وتطوير قوي حتى يثبت نفسه، غير الخطر الإشعاعي الكبير خصوصًا بالعراق بسبب ضعف الاهتمام بالعزل.
أمّا التمريض فهو مجال أسهل بكثير من ناحية العمل، وبدون تعقيد كبير ممكن يحقق دخل ممتاز جدًا إذا كان الشخص ذكي، إضافة إلى إمكانية إكمال الماجستير والدخول بمجال أكاديمي وعملي قوي.
لهذا، قضية "أحب هذا القسم أو ما أحبه" مو دقيقة أبدًا… لأن أغلبها ناتجة عن جهل بتفاصيل الأقسام، وتتغير بسهولة لما الطالب يعرف الحقيقة المستقبلية لكل مجال.
وبالمقابل، فكرة "خلص هالكم سنة بأي طريقة" أيضًا فكرة خاطئة.
لأن هالسنوات قد تسوق الطالب نحو مستقبل محدود وتضيّع جهده ووقته وماله… وكل هذا بسبب اختيار غير مدروس.
نحتاج ندرس الموضوع بدقة، نبحث، نسأل، ونتحرى قبل لا نقدم على أي قسم. مو اختيار عشوائي ومو على أساس "أحبه وما أحبه".
أحجي هذا الكلام من خبرة وتجربة… من جلسات طويلة ويا طلاب، ومن مواقف شفت بيها الندم بعين اللي دخلوا أقسام "كانوا يحبوها" بدون ما يعرفون خباياها.
السادس مرحلة تمرّ بيها بسرعة، وتفكّر دائمًا إنو المشكلة تنتهي أول ما تدخل كلية… لكن الحقيقة إن أغلب الطلاب ما يرضون عن تخصصاتهم بعد ما يكتشفون واقعها.
فديروا بالكم… وابحثوا زين قبل لا تختارون.
ورجاءً… انقلوا هذا الكلام لطلاب السادس لأن فعلاً يحتاجوه.

@P_R_T_D
https://t.me/Researches0

❤1❤‍🔥1👏1

891 viewsبحوث_RESEARCHES, 08:32