لكل المهتمين بالتطوع معنا بقسم التصميم والمونتاج ✨

مو كل فكرة علمية بتكون واضحة لحالها ..
في مجهود عم ينبذل حتى نحوّلها لمحتوى مرئي مفهوم ومؤثر 😌

📍 #فريق_التصميم مسؤول عن إعداد  محتوى بصري بسيط وواضح وجذاب ✨
من تصاميم، لإنفوجرافيك، لمواد بصرية تدعم المشاريع والتواصل 🔬

📍 #فريق_المونتاج بيهتم بإنتاج فيديوهات قصيرة وتوضيحية، تحويل المعلومات لمحتوى مرئي سهل الفهم وتحسين جودة العرض البصري للمشاريع ✨

🎯 شو بيعمل الفريق؟
🔹️ تبسيط #المعلومات العلمية بصرياً
🔹️ تحويل البيانات إلى تصاميم واضحة ومرتبة
🔹️ دعم المشاريع والحملات بهوية بصرية موحّدة

🧠 الأدوات المستخدمة للتصميم:
Photoshop | Illustrator | InDesign | XD
Canva | PowerPoint

📌 نبحث عن #أشخاص لديهم:
• خبرة أو أعمال سابقة
• فهم أساسي لمبادئ التصميم / المونتاج
• التزام وروح عمل جماعي

🤝 التطوّع معنا هو مساحة #عمل_حقيقية
فيها تعاون وتطوير مستمر ✨

إذا كنت مهتم وعندك أساس قوي وبدك تستخدم مهاراتك بشي إله #أثر_حقيقي! ❤️

📥 قدّم معنا
https://resref.com/design-team-form/

#ResRef

🌟 بعد ما تجاوز عدد المتقدمين بمشروع Res Opportunities ال 550 شخص .. شو قررنا؟

طبعاً ما توقّعنا التفاعل يوصل لهالدرجة 😍
كنتوا كتار .. وحماسكن كان أضعاف⚡️

وبناءً على #رغبتكن وإصراركن،
قررنا #نزيد_عدد_المقبولين بالبرنامج 👀🔥

مو بس هيك ..
قررنا نعلن عن #مسابقة لحجز مقاعد #مباشرة ❤️‍🔥

🎯 شو فكرتها؟
كل مشترك بياخد رابط دعوة خاص فيه،
وكل ما يدعو ناس أكتر .. فرصته اكبر 🚀

⏳مدتها؟
بتبلّش هلق وبعد 3 أيام منعلن النتيجة ..

🏆 اللي بنضم عن طريقه عدد إضافات أعلى بشرط يكون متجاوز الـ 100 عضو .. بياخذ مقعده بشكل مباشر ضمن برنامج Res Opportunities
بلا لف ولا دوران 😏🔥

✨ لأنو اللي بيشارك العلم وبينشره وبيتعب عبناء المجتمع، هو فعلاً يستاهل يكون جزء من هالقصّة 🌱

جاهز تشارك؟ ابعتلنا ع معرف الفريق @ResRefTele لنبعتلك رابطك الخاص 👀💙

وبالتوفيق للجميع ✨

#ResRef

مو كل الأبحاث بتاخد حقها .. مو لأنّها ضعيفة، بل لأنّها ما وصلت للمكان الصح 👀

🔍 المشكلة مو بالنشر بحد ذاته، المشكلة بكيفية تقديم البحث للعالم بعد ما يننشر!
وفي أبحاث قوية جداً .. بس ما حدا سمع فيها، وما أحدثت التأثير اللي بتستحقه 💭

💡 من هون إجت مقالتنا الجديدة ضمن مشروع #Mastering_Research بعنوان:

✨ ما بعد النشر: تعزيز أثر البحث وتنمية المسار المهني✨

📖 بهالمقالة ما رح نحكي بس عن “شو تعمل بعد النشر”،
رح نحكي عن #عقلية_الباحث بعد النشر .. وكيف تنتقل من مجرد كاتب بحث لشخص فعّال بالمجتمع العلمي 🌱

📌 شو رح تاخد من المقالة؟
🔹 كيف تحدد الجمهور المناسب لبحثك وتوصّله لإله.
🔹 دور المنصات العلمية والرقمية بتوسيع انتشار أبحاثك.
🔹 كيف تبني حضور علمي إلك كباحث (Academic Presence).
🔹 استثمار بحثك بفتح أبواب (منح، مؤتمرات، فرص عمل).
🔹 الفرق بين “بحث منشور” و”بحث مؤثّر”.
🔹 كيف تفكر بخطوتك الجاية بعد كل نشر.

🌿 تأليف: الدكتورة لمى العضل
طبيبة مقيمة في قسم الجراحة العظمية، عضو في الاتحاد السوري للطب الرياضي، مؤسسة ورئيسة مجلس إدارة جمعية المُلهمون/INSPIRERS، باحثة مؤلفة بعدة أبحاث علمية منشورة.

🌿 تدقيق: الدكتور حسام البردان
ماجستير في الطب الباطني والأمراض الصدرية، دكتوراه في طب العناية المشددة، عضو هيئة تدريس في كلية الطب بجامعة دمشق والجامعة السورية الخاصة. شغل مناصب قيادية في مشفى المواساة الجامعي، وتلقى تدريباً متقدماً في المملكة المتحدة في الرعاية التنفسية والتهوية الآلية وهو مدرّب معتمد، كما يسهم في تدريب طلاب الدراسات العليا والإشراف على الأبحاث، وعضو في جمعيات علمية في الأمراض الصدرية.

🌿 ترجمة وتنسيق: الدكتورة شهد المنصور
باحثة، طالبة طب بشري وترجمة إنجليزية (تعليم مفتوح)، مشرفة ضمن فريق الميديا ResRef، مهتمة بالتعليم الطبي والصحة العامة والأنظمة الصحية، ولها عدة أبحاث علمية منشورة في مجلات محكّمة دولياً وبوسترات قُدّمت في مؤتمرات دولية.

✨ إذا بدك بحثك يكون إله حضور وتأثير حقيقي .. مو بس رقم بين الأبحاث،
فهالمقالة رح تغيّر طريقة تفكيرك بالكامل 👀💙

اقرأها عموقعنا وابدأ تبني أثر أبحاثك بشكل أذكى 🚀
أو حمّل ملف المقال باللغة العربية/الانكليزية ✨

#ResRef

بسم الله الرحمن الرحيم

《كُلُّ نَفْسٍ ذَائِقَةُ الْمَوْتِ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ فَمَنْ زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ وَمَا الْحَيَاةُ الدُّنْيَا إِلَّا مَتَاعُ الْغُرُورِ》

تتقدم أسرة ريسريف بخالص العزاء للزميل الدكتور منير عباس في وفاة والده ..

نسأل الله عزّ وجل أن يتغمد الفقيد بواسع رحمته وأن يجعل الفردوس مثواه وأن يلهم أهله وذويه الصبر والسلوان.

🏆✨ إعلان الفائزين بمسابقة Res Opportunities على تيليغرام ✨🏆

بعد 3 أيام من الحماس الكبير والمنافسة القوية 🔥
وبعد ما شفنا تفاعل رائع وتوسّع كبير بالمشاركة ..

صار الوقت #نعلن_النتائج 👀💙

🎉 الفائز الأول (من القناة): Nour Mahfoud

🎉 الفائز الثاني (من الكوميونيتي): Ali Azizi

مبروك إلكم! ❤️
تأثيركم كان مميز وواضح واستحققتوا المكان بكل جدارة!

منحب نتشكر كل شخص شارك، وتفاعل
وجودكن هو اللي صنع هالنجاح الحقيقي ✨

📌 وللي ما حالفهم الحظ هالمرة أو ما لحقوا على مسابقة التليغرام ..
تابعونا 👀

📍 بناءً على طلبكم ..
رح نعلن قريباً جداً عن #مسابقات_جديدة على فيسبوك وإنستاغرام لحجز مقاعد مباشرة ضمن البرنامج 🚀❤️‍🔥

💙 استنّونا .. القادم أقوى!

#ResRef

🔥 بعد ما شفنا حماسكن الكبير وتفاعلكن الرهيب على برنامج Res Opportunities .. قررنا نعمل شي جديد 👀❤️‍🔥

بناءً على طلبكن وأسئلتكن الكتيرة عن فرص إضافية للقبول 🙌
قررنا نطلق #مسابقة_جديدة خاصة بفيسبوك وإنستاغرام! 🚀

💥 كيف بتربح؟
1️⃣ اكتب تعليق من حسابك على هاد البوست.
2️⃣ خلي رفقاتك يتفاعلوا مع تعليقك.

أكتر تعليق بجيب تفاعل على الفيس، وأكتر تعليق بجيب تفاعل على الإنستا .. هنن الفايزين معنا! 🎉

بس بشرط 👀
كل تفاعل لازم يكون عامل لايك للصفحة + لايك للكومنت 🌱

⏳ مدة المسابقة:
من هلق ولمدة 3 أيام فقط!

🏆 والرابحين؟
رح يتم اختيار أكتر المشاركين تفاعلاً ليحصلوا على مقاعد مباشرة ضمن برنامج Res Opportunities 😍

لأنو الشخص اللي بينشر الفائدة وبيحفّز غيره .. أكيد بيستحق يكون جزء من مجتمع Res 🌱💫

جاهزين؟ 🔥
بلّشوا من هلق وخلّونا نشوف طاقتكن 👀💙

#ResRef

في أشخاص بيكونوا حجر الأساس بكل إنجاز بيصير ✨

وضمن فريق ResRef، في اسم عم يشتغل بخلفية المشهد ليصنع #فرق_حقيقي بالمحتوى التعليمي وجودته 💙

✨ د. آلاء الديري ✨
مشرفة القسم التعليمي (Education Team) ب ResRef 🔥

من خلال هالدور، بتأشرف على عملية إعداد #المقالات_التعليمية الموجهة لتعليم أساسيات البحث العلمي، وبتحرص تكون المعلومات دقيقة، واضحة، سهلة الفهم، ومنظَّمة لكل المهتمين 📚✨

من خلال عملها بتأشرف على المتطوعين ضمن القسم، وبتتابع شغلهم خطوة بخطوة، من تنظيم المهام لغاية إخراج محتوى علمي عالي الجودة، مع دعم مستمر وتوجيه عملي ✨

وبالإضافة لهالشي، عندها دور مهم ضمن قسم ضبط الجودة، من خلال مراجعة جداول المقاييس وتدقيقها للحفاظ على أعلى معايير الدقة والموثوقية ✅

آلاء بتمتلك مهارات قوية بالبحث العلمي، الترجمة، كتابة المحتوى الأكاديمي، وتنظيم العمل، إلى جانب إتقان أدوات العمل المكتبي 💻📊

وعم تساهم بعدة مشاريع بحثية حالياً، الأمر اللي بيعكس شغفها وتطورها المستمر بهالمجال 🔬💫

وكان إلها تجربة بتنظيم SAMS 23rd International Conference، واكتسبت خبرة عملية بتنسيق الفعاليات الأكاديمية 👏

آلاء #مثال_للالتزام والتطوير المستمر بالفريق، ووجودها عم يضيف #قيمة_حقيقية وعم ينعكس بشكل مباشر على جودة المحتوى التعليمي 💙

من ResRef .. منقلك شكراً لكل المجهود اللي عم تقدميه، ومنتمنالك كل التوفيق 🤍✨

#ResRef

لسا الفرصة موجودة! 🔥

مسابقة Res Opportunities على الفيسبوك والإنستاغرام #مستمرة 👀💙 والمنافسة عم تكبر أكتر وأكتر!

إذا ما شاركتوا لسا .. هاد الوقت 🚀
علّقوا على #بوست_المسابقة وخلو التفاعل يشتغل 🔥

📍 رابط المسابقة على فيسبوك: https://www.facebook.com/share/p/1CQYXVg5iP/

📍 رابط المسابقة على إنستاغرام: https://www.instagram.com/p/DYC-KGXDAkv/?igsh=MW9rOHlsMWllZHpoMw==

وللتذكير بشروط المسابقة:
🏆 أكتر تعليق تفاعلاً على الفيس + أكتر تعليق تفاعلاً على الإنستا رح يربحوا مقاعد مباشرة ضمن برنامج Res Opportunities 😍

بشرط التفاعل على التعليق يكون عامل #متابعة_للصفحة ✨

⏳ باقي وقت محدود جداً!
شاركوا وخلو رفقاتكن يدعموكن 💥🔥

#ResRef

🫥 كلنا منمر بهي اللحظة: مراجع مفتوحة، أفكار براسك .. بس الصفحة فاضية.

المشكلة غالباً مو نقص معلومات، بل طريقة التعامل مع الكتابة نفسها 🌱

التركيز بالـكتابة ما بيجي من “الانتظار لحد ما تجيك الجملة الصح”،
بيجي من إنك تشتغل رغم إنك مو جاهز 100% ✅

إذا بدك تكتب فعلًا، جرّب التالي: 👇🏻
• لا تبدأ بهدف الكمال، ابدأ بهدف “مسودة أولى”
• قسّم الفكرة: كل مرجع = فكرة بسيطة بجملة أو جملتين
• اكتب بشكل عشوائي بالبداية، وبعدين رتّب
• حدّد وقت قصير (20–30 دقيقة) تكتب فيه بدون أي تشتيت
• سكّر الموبايل .. لأن كل إشعار حرفياً بشتت تركيزك

أول ما تبلّش تكتب، عقلك بيصير أوضح،
والـ discussion اللي كنت مأجلها .. بتبلّش تمشي لحالها 😌

جرب اليوم، حتى لو كتبت أسوأ فقرة بالبداية .. المهم تبدأ ✍️

#ResRef #Research #ScientificResearch #بحث_علمي

إعلان الفائزين بمسابقة Res Opportunities على فيسبوك & إنستاغرام ✨🏆

بعد 3 أيام من الحماس الكبير والمنافسة القوية 💥

صار وقت إعلان نتائج المسابقة 🔥

🎉 الفائز الأول (على إنستاغرام):  يارا صفية

🎉 الفائز الثاني (على فيسبوك): Hala H Saleh

ألف مبارك المقاعد المباشرة ضمن البرنامج البحثي التدريبي 🤍
تميزكم وتفاعلكم كان واضح واستحققتوا المكان بكل جدارة 👏🏻

شكراً لكل شخص شارك معنا 🤍
تفاعلكم هو الي صنع هالنجاح  ✨🙏🏻

#ResRef

📌 18 مرجع من أصل 30 داخل دراسة منشورة .. كانوا غير موجودين أساسًا! 👀

🚨 دراسة حديثة منشورة في مجلة The Lancet كشفت تصاعد خطير بظاهرة الاقتباسات المفبركة داخل الأبحاث الطبية الحيوية 🔬

بعد تدقيق أكثر من 2.5 مليون ورقة بحثية ..
تم العثور على آلاف المراجع الوهمية
التي لا وجود لها بأي قاعدة بيانات علمية حقيقية.

📈 والأخطر؟
إن نسبة هالاقتباسات ارتفعت بشكل ضخم من منتصف 2024!
بالتزامن مع الانتشار الواسع لاستخدام أدوات الكتابة بالذكاء الاصطناعي.

⚠️ المشكلة مو بس “خطأ أكاديمي”
لأنه #المراجعات_المنهجية والإرشادات السريرية
تعتمد على الدراسات المنشورة لبناء قرارات طبية حقيقية.

يعني لما تدخل #مراجع وهمية لقاعدة الأدلة العلمية ..
فالخطأ ممكن يوصل بالنهاية لرعاية المرضى نفسها!😔

📊 بعض الدراسات التي تم تدقيقها
احتوت على عدد ضخم من المراجع المفبركة!

والأصعب؟
إن أغلب المقالات المتأثرة ما تم اتخاذ أي إجراء تجاهها وقت المراجعة.

💡 هاد الشي بيذكرنا إنه:
استخدام أدوات #الذكاء_الاصطناعي بالبحث العلمي
لازم يرافقه تدقيق وفهم ومسؤولية حقيقية.

لأنو قوة البحث مو بعدد الكلمات أو سرعة الكتابة ..
بل بصدق المعلومة ومصداقية الدليل.
وأي خلل بهالمصداقية ممكن ينعكس على مجتمع كامل. 🫠

📖 إذا حابب تقرأ اكتر عن الموضوع ..
فوت عالرابط واقرأ البحث هلء 🔥

#ResRef

💫 أحياناً بتكون فكرة بحثك عبقرية والبيانات اللي جمعتها قوية جداً .. بس لما توصل لمرحلة الصياغة، بتحس إنو النص عم يظلم قوة الفكرة 👀

✨ الفرق بين البحث اللي بيخطف أنظار المحكمين والبحث اللي بينرفض، مو دائماً بيكون بالنتائج!

أحياناً السر كلو بيكون بـ #الكتابة_الأكاديمية. النص الواضح، المترابط، والدقيق هو اللي بيعكس احترافيتك وبيخلي العالم يثق بشغلك ✅

❓ كيف منخلي كتابتنا احترافية وأكاديمية أكتر؟

🔸 الدقة والوضوح: نستبدل الوصف العشوائي بمصطلحات دقيقة، مفهومة، وواضحة.
🔸 الموضوعية: الأبحاث بتعتمد على إثباتات مبنية على المقارنة (مقارنة بالمجموعة المرجعية).
🔸 الترابط المنطقي: النص القوي بيربط بين السبب والنتيجة بانسيابية، ليوصل القارئ للاستنتاج النهائي بكل سلاسة.

📌 خدها قاعدة:
الكتابة الأكاديمية مو معناها تستخدم مصطلحات معقدة ومبهمة لتبين محترف ..

الكتابة الأكاديمية هي فن #الوضوح_والموضوعية لتوصل فكرتك العلمية بأقصر وأصح طريق 🎯

💬 شاركونا .. شو هي أصعب عقبة بتواجهكم لما تقرروا تحولوا أفكاركم لنص أكاديمي مكتوب؟ 👇

#ResRef

مشروع التخرج هو البداية .. بس الورقة البحثية هي  العالمية ! 🌍🚀

كثير طلاب بيختلط عليهم الأمر وبيعتبروا انو مشروع التخرج هو نفسه البحث القابل للنشر ..

لهيك باليوم #الثاني من سلسلة #٣٠_معلومة_بـ٣٠_يوم
عم نعرف الفروقات الجوهرية اللي بتنقل شغلك من "مجرد واجب دراسي" لـ "إنجاز أكاديمي" حقيقي! 💡


#ResRef
#scientific_paper
#MedicalResearch

🚨 بعد عقود من استخدام مصطلح PCOS أو ما كان يعرف بمتلازمة المبيض متعدد الكيسات في الطب والأبحاث ..

وبعد سنوات طويلة من الجدل العلمي، الاستشارات، ومشاركة آلاف المرضى والخبراء حول العالم 🌎

تم نشر ورقة توافق عالمية حديثاً في مجلة The Lancet أعلنت تغيير اسم Polycystic Ovary Syndrome (PCOS) #رسمياً إلى:

Polyendocrine Metabolic Ovarian Syndrome (PMOS) 🔬

📍ليش هالتغيير مهم؟
لأن الاسم القديم كان مضلِّل إلى حد كبير.

📍مصطلح Polycystic Ovaries خلا كتير ناس يعتقدوا إن المشكلة محصورة بالمبيض أو مرتبطة فقط بوجود أكياس على المبيض.

بينما الحقيقة العلمية أبعد بكتير من هيك!
الحالة مرتبطة بـ 👇🏻
• اضطرابات هرمونية
• مشاكل استقلابية
• مقاومة أنسولين
• مخاطر قلبية
• تأثيرات نفسية وجلديّة وإنجابية

والأهم، أن نسبة من المريضات ممكن يكونوا عم يعانوا من المتلازمة دون وجود تكيسات مبيضية واضحة أساساً.

💡 لهاد السبب، اجتمع الباحثون والخبراء إن الاسم القديم ما عاد يعكس الفهم العلمي الدقيق للحالة ❌

📖 الورقة نُشرت ضمن عملية توافق #عالمية_ضخمة استمرت أكثر من 14 سنة، وشاركت فيها أكثر من 50 منظمة طبية وآلاف المرضى والخبراء حول العالم.

✨ وهيك بكون تغيير الاسم مو مجرد تفصيل لغوي،
بل خطوة #لإعادة_فهم مرض كامل بطريقة أدق، وتشخيص أسرع، ورعاية أفضل لملايين النساء حول العالم.

🔗 اتركلنا تعليق اذا حابب يوصلك رابط الورقة 👇🏻

#ResRef