"Protein zararmi" degan savolga trenerlar tomonidan qanday javob berilsa, men ham "Ruxsatnoma" so'raganlarga shunaqa javob bergim keladi.

@Renessansstudy

Hozirda imtihon 25, 26, 27-aprel, 1, 2, 3, 4, 11, 12-may kunlari o'tkazilishi ma'lum bo'ldi. Yana juda ko'p talabgorlarning imtihon kuni hali aniq emas, bu yana 2-3 kun qo'shimcha imtihon bo'lishidan darakdir.

Yo'llanmasi chiqmagan talabgorlarning barchasiga bugun kechki paytgacha yo'llanmasi chiqadi.

@Renessansstudy

Bugun milliy sertifikat 2-qism 15-variantni tahlil qilamiz. Tahlil 21:00 da boshlanadi. 20:00 dan boshlab javoblaringizni botga yuborishingiz mumkin bo'ladi.

@Renessansstudy

Misha, 25-may "otmen", bitiruvni imtihonda qilamiz? Bir odam ikki yo'l boshiga borib, o'ngga yuraymikin, chapga yuraymikin deydi-ku! Bu kungi imtihonda bitiruvchilarning irodasi ham sinaladi😁

@Renessansstudy

Juda katta miqdordagi tavakkalchilar va chala-chulpa tayyorlanganlarning xato javob belgilashi yaxshiroq o'qiganlarning natijasini yuqorilatib boraveradi. Talabgorning ko'payishidan faqat va faqat qobiliyatli talabgorlarga foyda.

@Renessansstudy

Bu yerda Samgin ustoz kelayotgan imtihon bo'yicha o'z xavotirlarini bildiribdilar. Shu bo'yicha ayrim qo'shimcha ma'lumotlarni berib o'taman:

1) Agentlikda ekspertizadan o'tkazilgan test topshiriqlari avvaldan yetarlicha mavjud bo'ladi. Hatto kuzgi imtihonning testlari ham hozirdan tayyorlab bo'lingan degan fikrdaman. Agentlik talabgorlarning ko'p bo'lishini ham bilar edi. Eng asosiysi, testlar har ehtimolga qarshi ko'proq variantda tayyorlanishi avvalgi imtihonlardan ma'lum.
2) Esselarni tekshirish uchun ekspertlar yetarli darajada saralab olingan. Yana qo'shimcha ravishda ekspertlarni o'qitish ham boshlangan. Avvalgi imtihonlarda hamma ekspertlar ham esse tekshirmagan deb eshitgandim, bu safar barcha kuchlar safarbar etilgan bo'lishi kerak.
3) Imtihon natijalari qabul yakunlanguncha e'lon qilinadi. Bizning fanimiz birinchi marta bunaqa tig'iz paytga kelib qolgani uchun bizga g'ayritabiiy tuyilyapti, aslida, har yili qaysidir fan shunaqa sanalarga to'g'ri keladi va natijalar o'z vaqtida e'lon qilinadi.
4) Savollarning takrorlanishi ankor testlar bilan bog'liq. Boshqa test topshiriqlari deyarli yangi bo'ladi. Ba'zi hollarda ilmiy matnlar takrorlanishi turgan gap, ammo savollarda biroz o'zgarishlar kuzatiladi.

@Renessansstudy

Muhim!!!

Raqamlar va qo'shimchalar qanday yoziladi? 2ta / 2 ta

Raqamlar va matematik o'lchovlar qanday yoziladi? 5% / 5 % | 2cm / 2 cm

Darajani ko'rsatuvchi birliklar qanday yoziladi? 10° / 10 ° | 3² / 3 ²

Hududlarda uylarga berilgan maxsus kotegoriyalar qanday yoziladi? 4A / 4 A / 4-A

Valyutaning maxsus belgilari qanday yoziladi? $100 / 100$ / 100 $

| belgisi nimani anglatadi, qayerda foydalaniladi?

/ belgisidan nima maqsadda foydalaniladi.

Raqamlardan keyin keladigan ) belgisi nima maqsadda qo'yiladi?

Men ogohlantirdim, siz esa bunga jiddiy qarang.

@Renessansstudy

Milliy sertifikatga topshiradiganlar uchun imtihonda juda katta ehtimol bilan tushadigan so'zlar ro'yxatini beraman. Siz yodlab chiqasiz. Keyin rahmat aytasiz. Faqat yopiq guruhimga beraman degandim, lekin sizga ham ilingim keldi.

Kanalimizni kuzatib boring, bugun yo ertaga yuklayman.

@Renessansstudy

Bizda 3 soatlik reklama bor, tahlil boshlangani haqida ogohlantira olmaymiz. Shuning uchun 21:00 da kanalga kirishingiz va tahlilda qatnashishingiz mumkin.

@Renessansstudy

⚡️SERTIFIKATDAGI BARCHA DARSLARMNI SIZGA BERMOQCHIMAN
NIMA DEYSIZ???🥰🙄

✅ ESSE DARSI VIDEODARSI 20ga yaqin esselar va tahlillari

✅GRAMMATIKA hammasi VIDEODARS + AUDIODARS darslari

✅MUMTOZ ADABIYOT G’azallar tahli metodikasi + g’azal tahlillari

✅SHE’RIY SAN’ATLAR videodars+ test tahlillari

✅ ILMIY MATNLAR VA BADIIY MATNLAR barchasi tahlili bilan

✅ RASH TESTLAR 10dan ziyod

💫 129.000 evaziga barchasi sertifikat tarmog’idagi darslar jamlanmasi

Proba dars sifatida yopiq guruhga g’azal tahlil metodikasi va bir qancha g’azallar tahlili joylashtirilgan

👇🏻Proba darsni olish uchun👇🏻
https://t.me/+zDnQjs-bpZs2Mjcy

👇🏻Proba darsni olish uchun
https://t.me/+zDnQjs-bpZs2Mjcy

Bizning kanal
t.me/OchilovaD_Onatilikursi

📄 Rash natijalari (Umumiy)

A: 48 ta
A+: 12 ta
B: 309 ta
B+: 147 ta
C: 133 ta
C+: 279 ta
NC: 93 ta

Test sifatida shakllantirilishi mumkin bo'lgan so'zlar va ularning imlosi.

Ushbu so'zlarning imlosini eslab qolish qat'iy tavsiya etiladi.

UPD: bu faylda ayrim so'zlar imloviy jihatdan xato yozilgan bo'lishi mumkin, uni rasmiy lug'at bilan tekshirish talab etiladi.

@Renessansstudy

Milliy sertifikat imtihoniga kiradiganlar uchun bugundan vazifalar berib boraman:

1) 1-, 2-savolni to'g'ri ishlash uchun yuqoridagi so'zlar imlosini yaxshilab yodlab chiqing. Bundan tashqari, bosh harflar imlosiga alohida e'tibor bering.

2) 3-savolni to'g'ri ishlash uchun 8-,9-sinf yangilangan ona tili darsligidagi barcha xorijiy so'zlar va ularning o'zbekcha variantini ko'rib chiqing. Ikkala darslikda ham bunaqa so'zlar ko'rsatilgan. Bundan tashqari, atamalar va ularning o'zbekcha shakli bo'yicha kanalga fayl tashlangan, undagi so'zlarni ko'rib chiqing.

3) 4-savolni to'g'ri ishlash sinonimlik qoidalarini yaxshilab o'qing, kanalda bu bo'yicha test tashlaganman, uni ishlang. Bundan tashqari 8-,9-sinf yangilangan ona tili darsligida turli so'zlar va ularning izohi berilgan, shularni yaxshilab o'rganib chiqing. Sababi 4-savol yo sinonimdan, yo so'zning izohini topishdan bo'ladi.

4) 5-savolni to'g'ri ishlash uchun iboralarni yaxshilab ko'rib chiqing. Ayniqsa, 8-,9--sinf yangilangan ona tili darsligidagi iboralar, ularning ma'nodoshligi, antonimligi, shakldoshligi - barchasini ko'rib chiqing.

Keyingi topshiriqlar navbat bilab berib boriladi.

@Renessansstudy

Ertaga kanalimizda katta test bo'lib o'tadi. 19:00 da testni kanalga joylayman, 21:00 gacha vaqt beraman. Shu vaqtdan boshlab tahlil qilishni boshlaymiz.

E'tibor bering, bu test kitob tahlili emas, alohida test hisoblanadi.

Yaqinlaringizga ham xabar bering.

@Renessansstudy

Bugun kitobimizdan 16-variantni tahlil qilamiz. Javobini 20:00 dan boshlab yuborasiz, 21:00 da esa tahlili boshlanadi.

@Renessansstudy

Milliy sertifikat imtihoni bo'yicha topshiriqlarning davomi:

1) 6-savolni to'g'ri ishlash uchun uslubiyat mavzusini ko'rib chiqing. Sizga ikkita narsaning uslubiyatiga oid savol tushadi - so'z uslubiyati va qo'shimcha uslubiyati. Javobda ikkita bir xil mazmundagi ikkita so'z qo'llab yuborilgan bo'ladi. Masalan, real haqiqiy muammolar; bu ma'lumotlar ommaviy axborot vositalarida ochiq aytildi kabi.

2) 7-savolni to'g'ri ishlash uchun morfemikani yaxshilab takrorlab chiqing. Bu bo'yicha quyidagilarni yaxshilab o'rganib oling;
a) yordamchi fe'l o'rniga fe'l yasovchini almashtirish yoki aksi;
b) kelishik qo'shimchalarining belgili yoki belgisiz qo'llanishi;
c) asosga so'z yasovchi hamda lug'aviy shakl yasovchi qo'shimchalarning ketma-ket qo'shilishi;
d) me'yordan ortiq yoki kam ekanini anglatuvchi lug'aviy qo'shimchalar;
e) So'z yasovchi qo'shimchalar qaysi turkumdagi asoslarga qo'shilgani;
f) So'z yasovchi qo'shimchaning o'rniga uning ma'nodoshini almashtirish mumkinligi.

Esda tuting: siz so'z yasovchi, sintaktik va lug'aviy qo'shimchalarni mukammal bilmas ekansiz, bu testni ishlay olmaysiz. Sizdan hukmlardan nechtasi to'g'ri deb so'raydi, demak, hamma mulohaza savolda kelishi mumkin.

3) 8-savol fe'ldan bo'ladi. Siz quyidagi fe'llarni mukammal bilishingiz kerak bo'ladi:
a) o'timli va o'timsiz fe'llar;
b) fe'l nisbatlari (ayniqsa, majhul va orttirma nisbat);
c) fe'lning vazifa shakllari;
d) ko'makchi fe'lli so'z qo'shilmasi;
e) III shaxs fe'li, xabar va buyruq mayli, kelasi zamon fe'li;
f) qo'shma fe'l.

Esda saqlang: uchta gap beradi, shu gapning har birida fe'l shakllarining nechtasi ishtirok etgan deydi. Demak, yuqoridagi hamma fe'l shakli testda keladi.

4) 9-savol mustaqil so'z turkumlaridan aralash holatda yoki yordamchi so'z turkumidan savol shakllantiriladi. Bir gap beriladi, shu asosda 4 ta javobda to'rt xil turkumdan mulohaza beriladi. Bu testni ishlashda ot, sifat, olmosh, ravish va fe'l mavzusini chuqur bilishingiz lozim. Yordamchilardan savol tushsa, yo ko'makchining ma'no guruhidan, yo ko'makchining kelishik bilan almashtirib qo'llanishidan tushadi.

5) 10-savol so'zlarning bog'lanishidsn bo'ladi yoki mana bu yerda ogohlantirgan masalalardan bo'ladi. So'z birikmasi, gap hamda so'z qo'shilmasini, uni hosil qiluvchi vositalarni yaxshilab o'qib chiqing. Bu bo'yicha kanalda dars ham bor.

Davomi keyingi postlarda e'lon qilinadi. 1-qism bu yerda.

@Renessansstudy