Qaranglar-da, kitobni men yanvar oxirida nashriyotga berganman. Shu bilan mening rolim tugadi.

O'chakishib, kitobni chop etadigan bosmaxona ham aynan shu kundan boshlab boshqa binoga ko'chishni boshladi. To ko'chib bo'lgancha kutib turdik. Boshqa ilojimiz ham yo'q edi.

Texnik ishlar tugadi. Hozir qachon chiqishini aytsam, nashriyotga juda katta bosim bo'lib ketadi. Shuning uchun chiqvolsin, biroz tarqatvolaylik, keyin payshanba kuni "chiqdi" deb yozaman)

@Renessansstudy

Xabaringiz bor milliy sertifikat kitobining 2-qismi bugun nashrdan chiqdi. Ertaga hududlarga yanada ko'proq tarqatiladi.

Mabodo hududlarga yetib bormagan bo'lsa, nashriyot telefonlariga murojaat eting. Tezda yetkazib berishadi.

@Renessansstudy

Kim kitobni oldi? Taassurotlarni aytinglar-chi!

@Renessansstudy

Бугун 11-синфларга дарсга кирдим.
Йиллик режамдаги мавзудан сал четлаб, аср мавзусини- экология ва атроф-муҳитни асраш, тоза ичимлик суви ва озиқ-овқат муаммоси, инсоният яқин келажакда жуда катта глобал хавф остида эканлигини, бутун Ер сайёраси катаклизмга тушиб қолишини етарли мисоллар, илмий далиллар, кузатганларим ва ўқиганларим орқали 45 минут тушунтириб бердим- "жағим тинмади".
Камига катта монитор орқали лавҳа ҳам қўйиб бердим.

Дарс сўнгида ўқувчилардан нима фикрларингиз бор, табиат ва уни асраш ҳақида қандай таклифларингиз, ғояларингиз, лойиҳаларингиз бор деб сўрадим.
Ҳеч кимдан садо чиқмади.

Афсусланиб тургандим, бир ўқувчим қўл кўтарди.
Хурсанд бўлдим.
-Хайрият- е.
Қани, марҳамат.
Нима фикрларинг бор, қандай таклифларинг, қўшимчаларинг бор, марҳамат- дедим.
-Устоз. Бўлдими.
Жавоб беринг.
Курсим бор(!)- деса бўладими.
Зўрға ўзимни босдим...

Биз фарзандларимизни "олим" қилаётгандирмиз, эҳтимол.
Бироқ, одам қилолмаяпмиз.

Балки уларга илм ўргатаётгандирмиз.
Бироқ шу илмни қаерга, нима мақсадда ишлатишлари кераклигини ўргатмаяпмиз.

Ўқувчиларимиз ер юзида неча хил ўсимлик, неча хил гуллар, неча хил мевалар, бир йиллик ва кўп йиллик ўсимликлар, уларнинг ҳужайрасидан тортиб, тур, синф, классификатсияларини ҳам билишар, аммо, ўз ҳовлисига, кўчасига, мактабига қачон битта ниҳол экканини эслолмаса керак.

Электр токини, ток кучини, кучланишни, кетма-кету параллель уланишларнинг қонун-қоидаларини, Кулон қонуни, Ом қонуни, Кирхгофф қонуни, Жоул-Ленс қонунларини, атмосфера ҳодисаларини "ёрворишар", балки.
Бироқ, электр энергиясини тежашни, ҳавони ифлослантирмасликни хаёлларига ҳам келтиришмайди.

Дунё океанлари, машҳур шаршаралар, энг катта кўллар, энг узун ва энг серсув дарёларни билишар.
Бироқ, маҳалласидан оқиб ўтувчи ариққни ахлатлардан тозалашмайди.
Уйидаги сув жўмраги ҳуда-беҳуда очиқ.
Сувни ёп десанг, пулини тўлаяпманку, дейди.

Аслида айб ўзимизда.
Экология ва атроф-муҳитни асраш, дов-дарахтлар ва гулларни кўпайтириш, ичимлик сувини исроф қилмаслик кераклигини уқтирамиз-у бироқ, мактабларда бир замонлар уюштириладиган шанбаликларни, ўқувчиларнинг ўз синф хоналарини тозалаб, гулларга сув қуйиш каби ишларни мажбурий меҳнат баҳонасида йўқ қилиб юбордик.

Биз таълимнинг мазмунини ўзгартиришимиз керак.
Афсуски биз фақат унинг сиртини ялтироқ қилиш билан оворамиз.

Аввал айтгандим, яна айтаман
Таълим тизимида қилинган оқилона ва стратегик ислоҳот камида 25 йилдан кейин натижа беради
Аммо халқ ва давлат камида 250 йил бахтли яшайди

Биз эса тизимда деярли ҳар йили узоқни кўзламаган ислоҳотлар, янгиликлар, "пиар"лар қилиш билан оворамиз.

Ваҳоланки, таълим тизими ҳар қандай давлатнинг "оғир карвон"и.
тутуриқсиз ислоҳотларни "ёқтирмайди".

Мактабларда технология фани ўргатилади.
Аммо ўқувчиларнинг аксарияти арра, теша, рандани ушлашни билмайди.
Кетмон десанг белкуракни, белкурак десанг елка қисадиган авлодни шакллантирдик. Энг оддий сантехника ишларида уқуви йўқ.

Физика фани ўтилади.
Аммо уйда лампочка, включателни алмаштиришни, электр симларини пайвандлашни, оддий радиоприёмникни тузатишни, дазмолнинг спиральини алмаштиришни билишмайди.

География ўтилади. Аммо дунё томонларини, ўзи турган жойнинг географик кенглигини, чегарадош республикаларни, мамлакат пойтахтларини, демографик "портлаш", урбанизатсия нималигини, ерларни қачон юмшатиш, қачон ўғит бериш, қачон суғоришни билишмайди.
Нега биздан шарқ томондаги мамлакатлар вақт бўйича олдин, ғарб томондаги мамлакатлар эса орқада эканлигига қизиқиб ҳам кўришмайди.

Хорижий тилларнинг ҳеч бўлмаса биттасида фикрини ифодалай олмайди.

Иншо, баён, диктантни қўя туринг, ариза, билдиришнома, тавсифнома, маълумотнома- иш қоғозлари ёзишни билмайди. Битта гапда 5-6та хато.
Ишонмасангиз кўчалардаги баннерларга эътибор беринг. Ҳар икки гапнинг биттаси хато.

Davomi👇👇👇

Математика, геометрия ўқитилади.
Аммо таъмирталаб уйига қанча бўёқ, қанча гулқоғоз- қанча хом-ашё кетишини чамалаб билмайди.Жахон тарихи у ёқда турсин, аксарияти юртимиз тарихини билмайди.
"Собир Рахимов ким?" деган саволга "Метро бекатининг номи" ,"Ренессанс" нима? деган саволга "Телеканал номи" дейишганига қандай чидаш мумкин.

Яқинда бир мажлисда иштирок этдим.
Табриклар, қарсаклар, мақтовлар.

Билсам, ўқувчилар ОТМ ларга кириш учун имтиёз берадиган хориж ва миллий сертификатларни олишибди.
Ажойиб.
Баракалла.

"Сертификатчи" ўқувчилардан бирига қизиқиб савол бердим.

-Навоийдан битта айт.
-Йўналишимда йўқ(!)
-"Хамса"ни санаб бер
-Вариантлар борми(!)
-Бобурдан айт.
Бош чайқайди.
-Қодирий асарларини санаб бер.
Жим.
-Ренессанс нима?
Жимжитлик.
-Энг яхши кўрган адибинг ким?
-Энг яхши асаринг қайси?
-Битта шеър айтиб бер.
-Мадҳиямизни айтиб бер
-"Серқуёш"ними..?

Биз кўп нарсага эришаётгандирмиз, эҳтимол.
Лекин ундан кўп нарсани бой бермаяпмизми.

Ота-оналарни, афсуски, биз-педагогларни ҳам фақат болаларимизни ўқишга кириши-ю алламбало(аслида ҳеч кимга керак эмас)жадваллар қизиқтираяпди.
Фарзандларимиз талаба бўлса бўлди.
Битирувчиларимиз ОТМларга кўпроқ кириб, фоизимиз ошса, бизга шу керак.

Натижада ўқувчилар ўзларига керакли бўлган фанларни ўқиб, қолган фанларга деярли эътибор беришмаганлигидан фанлар уларнинг наздида керак-нокеракка ажратилди.

Хўш, энди айтинг.
Ўша ОТМ ларга қабул қилинган битирувчиларнинг неча фоизи талабалик даврида ўқишни яхши давом эттирдию, неча фоизи диплом ишини муваффақиятли ҳимоя қилди.
Улардан қай бири ҳаётда ўз йўлини топиб кетдию, қай бири адашди.
Қай бири илм кетидан қувдию, қай бири мол-дунё кетидан қувиб, коррупция ва бошқа ёмон ишларга ўралашиб қолди.
Қай бири халқим, деди.
Қайси бири ҳалқумим, деди...

Жиноятчилар ҳам, коррупсионерлар ҳам, товламачию ўғри-каззоблар ҳам қачонлардир ўқувчи бўлган.

Қачонлардир улар ҳам мактабга борган.
Ёзишни, ҳисоблашни, "Алифбе"ни ўрганишган.

Устозлари қўлларидан ушлаб "Она", "Ватан", "Мактаб" каби муқаддас сўзларни ёзишга ўргатишган.
Ҳар ҳолда онасини қорнидан жиноятчи бўлиб туғилишмагандир.

Ёзмишларимда бор эди.
Бугунги жиноят кечаги тарбиянинг маҳсулидир.

Маҳалладаги битта жиноятчи учун оила билан бирга мактаб ҳам, жамият ҳам тенг айбдор.

Таълим, хусусан, мактаб таълими бундай бўлмайди.
Мактаб таълими ўқувчини ОТМГА киритиш учун эмас(!), ҳаётга тайёрлаш учун керак.

Биз эса, афсуски, мақсадни кичик оламиз- "Олий таълимга кириш".
Ахир ОТМГА кирмасдан туриб ҳам киши жамиятда ўз ўрнини топиши, мавқейини ошириши, ҳаётини йўлга қўйиши мумкинку.

Мен бу билан ўқувчиларимизнинг илм олиш шаштини пасайтирмоқчи эмасман.
Шунчаки, педагогларимизга фарзандларимизнинг аввало ҳаётда қоқилмасликларини, ҳаёт синовлари олдида довдираб қолмасликлари ҳамда ҳар қандай муаммога ечим топа олишга ўргатишлари кераклигини уқтирмоқчиман, холос.

Унутманг, миллат тақдири сиёсатшунослар билан думалоқ стол атрофида эмас, синф хоналаридаги парталарда, ўқувчи ва ўқитувчилар билан ҳал бўлади.

Яна бир гап.
Келажак ёшлар қўлида, деймиз.
Йўқ. Келажак ёшлар қўлида эмас.
Келажак шу ёшларни тарбиялаётган катталар қўлида.
Бу ҳам ҳақиқат.

ОТМГА кирган боладан ота-она ва мактаб манфаатдор.

Ҳаётга тайёр боладан жамият ва давлат манфаатдор.

Энди ўйланг, бизга қай бири муҳим.

Назаримда таълим тизими фақат бир томонлама бўлиб қолаяпди.
Фокусимиз ўқувчиларнинг фақат олийгоҳларга киришига, мактаб, туман, шаҳар рейтингини оширишга қаратилган бўлиб қолаяпди.

Бизга ОТМ ларга кирган бахтли битирувчилар эмас, жамиятда ўз ўрнини топган бахтли инсонлар керак.

Эркинжон Ярашев
"Таълим фидокори" кўкрак нишони соҳиби.
Мактабгача ва мактаб таълими аълочиси

@Renessansstudy

Bugungi yoshlar jamiyatdan deyarli uzilib bo'ldi. Ularning o'z yo'li bor, ammo bu yo'l jamiyat bilan parallel ketyapti: bu - orzu-havas va maishiy yo'l.

Jamiyatda nima bo'lyapti, kim qancha pullarni yeb yuboryapti, xavf-xatar aslida nimada - birortasi bilan ishi yo'q. Balki, bu ongli qilingandir, bilmadim.

@Renessansstudy