لو كنت قوي في ال Grammers وال Listening بس لما تجي بتتكلم ولا تكتب تحس روحك ما زلت أقل من المستوى المطلوب، على الأغلب مشكلتك في المصطلحات والعبارات اللي تختار فيهم.

1- English Idioms and Phrases:

البرنامج هذا بسيط نوعاً ما كاستخدام بس مفيد جدّاً وشخصيّاً استفدت منه.
الغرض من التطبيق هذا أن يطورك من الناحية البلاغية، حتتعلم ثلاث حاجات فيه:
- التشبيهات الشائعة
- حروف الجر والأسماء
- المصادر
واللي تتعلمه تقدر تدير فيه اختبار
العيوب: مالقيتش ولا عيب الحق 💙🔥

2- WordUp:

التطبيق هذا نحبَّه هلبا واستفدت منه هلبا 💙
أول مرَّة تستخدمه حيدير لك كويز لطيف 😆💙 بيش يختبر نسبة المصطلحات اللي تعرفها، بعدين كل ما تخش يعطيك مجموعة كلمات يسألك على معناها وتجاوب ولو غلطت يقول لك الصَّح ويعاود يسألك عليها مرَّة أخرى بعد كم يوم.

بالطَّريقة هذه حتتثبت الكلمات في ذاكرتك طويلة الأمد 💙

الزوز سمحات وسهلات الاستخدام ومن أفضل التطبيقات اللي جربتهم 💙🔥

كبروا حتى يبلغ تكبيركم عنان السماء..
كبروا فإن الله كبير يستحق الثناء ❤

كبروا حتى يبلغ تكبيركم عنان السماء..
كبروا فإن الله كبير يستحق الثناء ❤

@RelatedRandomness

اللَّهُمَّ إنِّي استودعتك نفساً لا أعلمها، أنت تعلمها.
اللَّهمَّ آنس وحدتها، وفرِّج كُربتها، وقوِّ عزيمتها، وحقق رجاءها، واملأ حياتها بهجة وسعادة، وامنحها عمراً مديداً، وزوجاً طيباً يشاطرها الحلو والمرَّ وذريَّة صالحة، إنَّك سميع الدعاء. 💙

( إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا ) 💙

عاد عِيدكُم وكُل عامٍ وأنتم ومن تحبون بخير ❤️

كبروا حتى يبلغ تكبيركم عنان السماء..
كبروا فإن الله كبير يستحق الثناء ❤

@RelatedRandomness

- ما عمركش تخلي شيء يقنعك أنك ماليكش قيمة. رد بالك تتردد تبعد حد عن حياتك لو حسسك بالشيء هذا. أنت مهم، أنت مميز، لو ماكانش ليك دور مميز في الحياة، ما كانش ربي حيخلقك، وأي حد ما يقدرش يشوف الشيء هذا فيك أخرجه من حياتك!
أنت مهم وحياتك مهمة، أوقف على رجليك وأثبت لنفسك الشيء هذا ..💙!

وكل ما تحس بأن حياتك ماليهاش قيمة، تذكر، أن الله لا يخلق شيئاً باطلاً.

@Quran63bot ..💙

( إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا ) 💙

عندي خوي يقرأ شهادة ثانوية، نهدرز معاه بكري مشي قال لي أني مشكلتي ما نقدرش نركز في القراية، نقعمز بنقرا نلقى روحي سرحت ونفكر في مائة حاجة وأي حاجة المهم ماليهاش علاقة بالقراية..
واضح جدًّا شن مشكلته خوي، واللي هي مشكلة معظم أبناء جيلنا، أن تركيزنا ضعيف، ولما نفكروا فيها ليش؟ حنلقوا أنَّ كلنا جل يومنا يمشي بين انستا وفيس وواتس ويوتيوب، وشويييية وقت هو اللي نستثمروا فيه في دراسة أو عمل أو ممارسة هواية أو أي شيء يتطلب تركيز وتفرغ..

يقولوا لو حطيت يدك على المشكلة حتعرف كيف تحلها، اهو حطينا يدينا على المشكلة، زعما شنو الحل..؟

1- "ما قلَّ وكفى خير مما كثر وألهى" :
طبقوها على قائمة الأشخاص اللي تتابعوا فيهم على مواقع التواصل.
على البرامج اللي تستخدموا فيهم.
وحتى على أهدافكم وطموحاتكم الواجدات لو ما عرفتوش توفقوا بيناتهم.

2- تخلَّص من فوبيا فوات الأشياء:
خلي ساعة أوساعتين في يومك بس للنت ، مش حيفوتك شيء !

3- اتبع نظام جلسات العمل:
فكرة جلسات العمل زي تقنية الطماطم حتساعدك هلباااا على أنَّك تركز وتنظم أفكارك، ووعد منِّي حتزيد إنتاجيتك..

4- لا تضحِّ بنصيبك من العزلة:
ما تخليش مشاغل الحياة تحرمك من نفسك، تقعميزتك مع روحك حتطلع منها بهلباااا فوائد، حتى لو كنت انطوائي، تقعميزتك مع روحك تعني أنت وأفكارك فقط، بدون نت ولا مسلسلات ولا غيره..

5- كن واعيًا بحجم المشكلة:
ولو ما عرفتش قداش قاعد يضيع منك وقررت تعالج مشكلة التشتت وضياع الوقت فمافيش حد حيقدر يساعدك ..

مناقشة الموضوع كاملة والتفاصيل موجودة في فيديو علي محمد علي، وعنده هلبا فيديوهات في مناقشة وعلاج المشكلة هذه وحيساعدكم هلبا، Take a deep look
وكل التوفيق في امتحاناتكم 🌚💙


https://youtu.be/1h6CFC5GfCw

@Quran63bot ..💙

( إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا ) 💙

القصيدة هذه انتشرت هلبا أيام ال2011 ومن فينا ماسمعهاش؟ ومن ما أثرتش فيه حتَّى شوية؟
معظمنا بعد زمن الثورات قعدنا نحسوا أنَّ وقتها تم ونسيناها، الحقيقة وقتها ما تمِّش ولا حيتم؛ حيقعد التخاذل في حكَّام "أمَّتنا" إلى يوم يُبعَثون. واللي يكسر الخاطر أنَّا قعدنا نشوفوا فيه بعيوننا وماشيين بمبدأ "اخطى رأسي وقص" متجاهلين فكرة أنَّ رؤوسنا قاعدة تقرب من المقصلة في كل يوم !

ويبقى الطفل في صدري يعاديكم، يقاضيكم، ويعلن شعبنا العربي مُتَّحدًا !

في دراسة نشرت على Science Journal أثبتت أنَّ الEnveloped Viruses زي كورونا ممكن تنتقل عن طريق الكلام.

ال Enveloped Viruses عبارة عن فايروسات تنتقل عبر السوائل بما في ذلك الرذاذ اللي يخرج من الجسم لما نعطسوا ولا نكحوا، مؤخرًا وبعد انتشار كورونا فيه مجموعة علماء داروا بحث يشوفوا هل الهدرزة ممكن تساهم في انتشار المرض ولقوا أنَّ فعلًا فيه رذاذ يطلع من الفم أثناء الكلام وممكن الفايروس ينتقل من خلاله.

مش حنقولوا أقطعوا الكلام ومعاش تهدرزوا، بس المفروض الشيء هذا ينضاف لقائمة الحاجات اللي تخلينا نبطلوا عناد ونخافوا ربي ونلتزموا بالكمامات!

باهي شن أفضل نوع كمامات نقدر نستخدمه ونتطمن أنَّ مش حتنتقلي العدوى؟
- أفضل ماسك حتى الآن N95 اللي من غير صمامات.
حسب الدراسة احتمال انتقال الرذاذ من خلاله 0.1% بس !

- باهي والSurgical Mask نسبة كبيرة من الليبين يستخدموا في النوعية هذه..؟
حسب الدراسة الكمامة الطبيَّة ثاني أفضل خيار.

- الكمامات المصنوعة يدويًّا من القطن مستواها مش سيء، أضعف من الكمامة الطبيَّة ولكن تظل فيه نسبة حماية من الرذاذ.

- الحلوين اللي يربطوا في باندانة وهمَّ طالعين من السيارة 🙂
زيها زي قلتها !

- أوشحة الصوف اللي تلتف على الرقبة تزيد خطر الإصابة ل110%

المصدر .. 💙