مراجعة مفيدة جداً لكتاب كُل تحرَّك نَم💙

الفيديو مدته 27 دقيقة، بس حتى لو كنت من الأشخاص الملولين وذوي " التفكير المشتَّت " -زيِّ- مش حتمل وحتكمله للأخير، النصائح اللي فيه بسيطة بس لو اتُّبعت حتدير تغيير ملحوظ في حياتك -والعلم عند الله-



https://youtu.be/4JHMHrDotyk

اعقلها وتوكَّل على الله 💙

#5

تعالوا نحكيلكم على حاجة نمر بيها وديما مسيطرة على تفكيري، عندي مشكلة ما نعرفش هل هي "مماطلة" أو "ضعف عزم/شخصيَّة" بس معضلتي أنّي لمّا نتّخذ قرار في إنّي نبدا في تغيير معيّن أو إضافة معيّنة لحياتي، نخش في دوّامة من ال"ماذا لو؟"، كميّة تخيلات عن ماذا لو فشلت؟ كيف حيكون شكلي لو ردوني؟ كيف وكيف وكيف؟ وخلاص تم أني فشلت في الموضوع قبل حتّى ما نبدأ وفي الأخير معاش ندير شيء ونقعمز نتحسر على تردّدي وضعف العزيمة عندي.
يقولوا لو حطيت يدّك على المشكلة حتلقى الحل، المشكلة لقيتها بس للأمانة مانقدرش نقول إنّي حليتها بنسبة 100% بس على الأقل وصلت لحل ولو كان صغير:

الفكرة الأولى اللي لازم تغرسها في عقلك إنَّ:
مافيش جهد يُبذل إلّا ووراه مقابل، أقل شيء حتتعلم درس.

ثاني شيء إنّ طعم الحياة الحقيقي تذوقه بعد ما تتعب، لو تبي توصل لشيء بدون لحظات فشل ومواقف محرجة فمش حتحس بأي شيء لما توصل لهدفك.

وفي برضو هاك بسيط تقدر تديره عشان تتغلب على أي شيء صعب أو حاجز في حياتك أنك تشوف للجانب الممتع اللي فيه.

+ خوذوا لفَّة على ال TED Talk هذا فادني هلبا وحتلاقوا فائدة منّه إن شاء الله 💙

The Super Mario Effect
سيطر على عقلك وحتتعلّم أكثر 💙

#7

( إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا ) 💙

في أيَّام انُّوضوا الصُّبح نفسيتنا تعبانة ونحسُّوا أنَّا مانبُّوش نكملوا اليوم، مرات بسبب مشكلة مرينا بها، خبر مش حلو سمعناه، تغيُّرات في مستوى الهرمونات، لمختلف الأسباب. 🤷‍♀

الشَّيء هذا طبيعي جدًّا وبشري جدًّا، بس ممكن يولِّي مشكلة لو خليناه يسيطر على مجرى حياتنا، خصوصًا لو استمرَّ معانا لفترات طويلة.

فااااا وبما أنَّ الشِّتاء دخل، والعقد النَّفسيَّة بتبدأ تطلع لسبب ما 😂 خلِّ نشوفوا حاجات بسيطة نسيطروا بيها على النَّفسيَّة. 😂💪

‏وَلَقَدْ نَعْلَمُ أَنَّكَ يَضِيقُ صَدْرُكَ بِمَا يَقُولُونَ *فَسَبِّحْ بِحَمْدِ رَبِّكَ وَكُن مِّنَ السَّاجِدِينَ