مشروع مطر، مشروع غير ربحي الغرض منه نشر كتب يمكن للطلبة المكفوفين الدِّراسة منها.

فكرة المشروع تعتمد على المتطوعين، عندهم قروبين على الفيسبوك:
- قروب تحويل الكتب المكتوبة لكتب صوتية
- وقروب لتحويل الكتب الورقيَّة لملفات Word عشان تقدر أجهزة المكفوفين تقرأها.

أنت كمتطوِّع كل اللي عليك أنّك تدخل للقروب اللي تحب تساعد فيه، وتستنى الأدمن لعند ما ينزلوا طلب لكتاب، ومن بعدها لو لقيت الشروط مساعداتك تبعث للأدمن رسالة وهو حيبعث لك الصفحات اللي المطلوب تخدم عليهم وبعد تكمل ترسلهم لإيميل المشروع.

أحلى ما في المشروع أنَّ كل الطلبات اللي حتخدم عليها هي طلبات من ناس كفيفين ومحتاجينها لدراستهم او غيره، يعني مش حتخدم على كتاب وأنت مش عارف هل حيستفيد منّه حد ولالا، أنت هكي ضامن بعون الله أنّك حتفيد.

سيدنا محمَّد -ﷺ- قال: "منْ سَلَكَ طَريقًا يَبْتَغِي فِيهِ علْمًا سهَّل اللَّه لَه طَريقًا إِلَى الجنةِ.." وقال في ذات الحديث: " وفَضْلُ الْعَالِم عَلَى الْعابِدِ كَفَضْلِ الْقَمر عَلى سَائِرِ الْكَوَاكِبِ.."

تخيَّلوا معاي لما تكون فوق من كونك طالب للعلم ناشر له ومساعد عليه، كيف حيكون جزاؤك؟ 💙

+ اللي ما يستخدموش في الفيس فيه تطبيق تقدروا تخدموا منه: مشروع مطر

(( ﺃﺻﺒﺤﻨﺎ ﻭ ﺃﺻﺒﺢ ﺍﻟﻤﻠﻚ ﻟﻠﻪ، ﻭ ﺍﻟﺤﻤﺪ ﻟﻠﻪ، ﻻ ﺇﻟﻪ ﺇﻻ ﺍﻟﻠﻪ ﻭﺣﺪﻩ ﻻ ﺷﺮﻳﻚ ﻟﻪ، ﻟﻪ ﺍﻟﻤﻠﻚ ﻭ ﻟﻪ ﺍﻟﺤﻤﺪ ﻭ ﻫﻮ ﻋﻠﻰ ﻛﻞ ﺷﻲﺀ ﻗﺪﻳﺮ ﺭﺏِّ ﺃﺳﺄﻟﻚ ﺧﻴﺮ ﻣﺎ ﻓﻲ ﻫﺬﺍ ﺍﻟﻴﻮﻡ ﻭ ﺧﻴﺮ ﻣﺎ ﺑﻌﺪﻩ ﻭ ﺃﻋﻮﺫ ﺑﻚ ﻣﻦ ﺷﺮ ﻣﺎ ﻓﻲ ﻫﺬﺍ ﺍﻟﻴﻮﻡ ﻭ ﺷﺮ ﻣﺎ ﺑﻌﺪﻩ ﺭﺏِّ ﺃﻋﻮﺫ ﺑﻚ ﻣﻦ ﺍﻟﻜﺴﻞ ﻭ ﺳﻮﺀ ﺍﻟﻜﺒﺮ، ﺭﺏَّ ﺃﻋﻮﺫ ﺑﻚ ﻣﻦ ﻋﺬﺍﺏٍ ﻓﻲ ﺍﻟﻨﺎﺭ ﻭ ﻋﺬﺍﺏ ﻓﻲ ﺍﻟﻘﺒﺮ ))

1- "ما قلَّ وكفى خير مما كثر وألهى" :
طبقوها على قائمة الأشخاص اللي تتابعوا فيهم على مواقع التواصل.
على البرامج اللي تستخدموا فيهم.
وحتى على أهدافكم وطموحاتكم الواجدات لو ما عرفتوش توفقوا بيناتهم.

2- تخلَّص من فوبيا فوات الأشياء:
خلي ساعة أوساعتين في يومك بس للنت ، مش حيفوتك شيء !

3- اتبع نظام جلسات العمل:
فكرة جلسات العمل زي تقنية الطماطم حتساعدك هلباااا على أنَّك تركز وتنظم أفكارك، ووعد منِّي حتزيد إنتاجيتك..

4- لا تضحِّ بنصيبك من العزلة:
ما تخليش مشاغل الحياة تحرمك من نفسك، تقعميزتك مع روحك حتطلع منها بهلباااا فوائد، حتى لو كنت انطوائي، تقعميزتك مع روحك تعني أنت وأفكارك فقط، بدون نت ولا مسلسلات ولا غيره..

5- كن واعيًا بحجم المشكلة:
ولو ما عرفتش قداش قاعد يضيع منك وقررت تعالج مشكلة التشتت وضياع الوقت فمافيش حد حيقدر يساعدك ..

مناقشة الموضوع كاملة والتفاصيل موجودة في فيديو علي محمد علي، وعنده هلبا فيديوهات في مناقشة وعلاج المشكلة هذه وحيساعدكم هلبا، Take a deep look
وكل التوفيق في امتحاناتكم 🌚💙


https://youtu.be/1h6CFC5GfCw

حلول لمشكلة انعدام التركيز لطلبة الشهادة 💙✨

قناة المصحف بادية في دورة للسيرة النَّبويَّة للمهندس أيمن عبد الرحيم 💙
6 محاضرات كل يوم نشوفوا ساعة، لعلَّنا نعرف رسول الله أكثر فيعظم حبُّه في قلوبنا فيحشرنا الله معه ومع من أحبَّه 💙🌱

بسم الله
بداية دورة السيرة
انهارده أول حلقة إن شاء الله تعالى
https://m.youtube.com/watch?v=Am_bpSnd4LQ

The fact that someone has a different path than yours doesn't mean they're following a wrong one. It just means that they're different and you may learn something from each other.

الفيد هذا حلو هلباا ومريح جدًّا، خشُّوا شوفوه بعون الله حيفيدكم ويخفف من الضغط النَّفسي اللي نمروا بيه في الفترة العمريَّة هذه.

السَّبع نصائح باختصار كالعادة للكسلانين 🌚💙:

1- متستعجلش
2- جرب
3- ابحث عن حلمك الشخصي
4- اصبر
5- اتجوز بدري
6- حافظوا على صحتكم واستغلوا وقتكم
7- صلحوا علاقتكم بالله

https://youtu.be/7i-ry-CCwJQ

مقرر السيرة المحاضرة التانية بإذن الله نسمعها انهارده وبكرة
https://www.youtube.com/watch?v=aTP6m6rKKIQ

السلام عليكم ...عائلة داروا حادث
محتاجين فصيلة دم AB+
مصحة الاستقلال سوق الجمعه ..انا فاعل خير ومانعرفهم للتواصل معاهم
0914882197
0945665042

الفصيلة هذه نادرة فاللي يقدر يساعد ما يقصرش
"وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا"

صُبِّحتم بالبركات 🤍✨
بما أنَّ فاضل شهرين بس على نهاية العام الحالي وبما أنَّ معظم النَّاس يشكوا من أنَّه ضاع العام بدون فائدة تذكر، شن رأيكم نصلحوا الحاجة هذه بأنَّا نديروا كل يوم حاجة مفيدة لمدَّة ساعة؟
ساعة وحيدة بس من كل يوم من اليوم لعند نهاية العام.
نهاية العام حنلقوا أنفسنا طلعنا ب60 يوم استثمرناهم صح.❣

- "كن أنت التغيير الذي تريد أن تراه في العالم."

- "اللي مش حيتغيّر مع الوقت، الوقت يغيّره، لذلك اتغيّر بمزاجك."

- إن كنت ستتغير فكن أنت المسيطر على مسار تغييرك.

أيًّا كان التغيير اللي تبي تديره في حياتك الحاليَّة، أي قرار تبّي تتّخذه عشان تحسن بيه مسار حياتك، لازم تكون في داخلك كامل القناعة بيه وبتأثيره.

مهمَّة اليوم حتساعدنا أنَّ نستمرُّوا في التحدي وفي أي تحديَّات أخرى في حياتنا 👇💙:

إرادة التغيير، مصطفى حسني

29:02 دقيقة
#1