نصائح ما نسمعوش فيها هلبا:

1/ حاول ما تزورش المستشفى إلى لو كان أمر طارئ:
سنونك يستنوا عادي، وحب الشباب، وكشف النظر، كلها حاجات تقدر تستنى، لو الموضوع مش مستاهل، ما تمشيش لأن المستشفى ممكن تكون فيه حالات إصابة مش مكتشفة لتوا.

2/ ما تزورش الأماكن المزدحمة:
الله يرحم والديك، المدارس والجامعات والمراكز اللي عطلت عطلت بيش يقل الاختلاط، ماتكونش جاهل وسطحي وتشوفها فرصة بيش تقوي روابطك ولا تغير جو، احني مش في عطلة نص السنة، الله يفتح عليك الزم بيتك قدر المستطاع وثقِّف نفسك ولا رفه على روحك من دارك.

3/ ما تزورش الأماكن الرطبة والمبللة:
الكورنيش، ولا سوق الحوت، تقدر تعيش بلاهم عادي.

4/ افتح شبابيكك، هوي حوشكم وخلي الشمس تخش له.

5/ ما تاكلش طعام مش طايب كويس (اللحم أو الدحي مثلاً حاول تتأكد أنه طايب كويس).

6/ القطط والكلاب بريئين، ما تهملوهمش عشان سمعتوا أن الفايروس ينتقل من الحيوانات!

أعراض المرض:
- التهاب في الحلق.
- صعوبة في التنفس.
- كحة جافة.
- حمى.

لو عندك من الأعراض هذه وشاكك في روحك، رجاءً خليك في حوشكم وما تقعدش تتمشى في الشارع وتتلاقى مع الأولاد ولا تزور خوالك!

- كلم الطبيب لو تقدر قبل ما تزوره عشان يهيأ نفسه.
- ألبس الماسك وأنت ماشي للمستشفى.
- كل ما كان اكتشاف الإصابة أبكر، كل ما كانت النتيجة أفضل وفرص الشفاء أعلى.
ماتخافش!

بالنسبة للماسكات:

1/ لو كنت مش مصاب فأنت مش في حاجة ليه:
خليه للناس المريضة أو اللي تتعامل مع حد مريض.

2/ الماسك الطبي (Surgical mask) اللي يستخدموا فيه الدكاترة يعتبر أفضل نوع للحماية.

3/ماسك N95 ينصح به برضو ولكن يضل السيرجيكال ماسك أفضل.

4/ لما تجي بتنحي الماسك ما تلمسش الفلتر لأنه حيكون مليان ميكروبات، نحيه من الستيك متاعه وارميه على طول واغسل يديك.

5/ الماسك يقعد صالح للاستخدام حتى 8 ساعات متواصلة.

Can masks protect against the new coronavirus infection?

وبما أن من أول نقطة قلت انتبهوا للمصادر وما تتناقلوش الإشاعات فهذه مصادري:

- محاضرة د.ناجي عن النصائح الواجب اتباعها حسب منظمة الصحة العالمية (حوالي 16 دقيقة):

https://www.facebook.com/1395759134055293/videos/2524337214493072/

الموقع الرسمي لمنظمة الصحة العالمية:

- When and how to use masks

https://www.who.int/emergencies/diseases/novel-coronavirus-2019/advice-for-public/when-and-how-to-use-masks

- الدليل الإرشادي للأطباء من أجل التعامل مع الحالات المشتبهة أو المؤكد إصابتها بفيروس كورونا، من المركز الوطني لمكافحة الأمراض.👆

خلو عندكم وعي صحيح وانشروا المعلومات الصحيحة والموثوقة بين أقاربكم وأهلكم.
ما تقعدوش تتجاهلوا في المعلومات لأن مرات تمروا بموقف وتنقذوه بتصرف بسيط من معلومة صحيحة خذيتوها..💙

- اللهم إنا نعوذ بك من البرص والجنون والجذام ومن سيء الأسقام.
ماتنسوش الدعاء والاستغفار..

شخصياً، بادية من فترة نتعلم في لغة فرنسية على Duolingo وحنزيد نكثف تعليمي ليها الفترة هذه، ونزلت لكم ريفيو ع البرنامج فوق ..

- المهارة الجديدة اللي بدأت فيها هي "الذكاء العاطفي" وهذا شيء للأمانة ينقصني جداً 😓 فعندي رغبة أني نطوره بما أني فاضية، وأعتقد النقطة هذه تنقص الكثير مننا ..
المهارة بدأت في تعلمها من منصة إدراك وهذا الرابط:

https://www.edraak.org/specialization/specialization/ei-v1/

بعون الله حنحكي لكم عليها قريباً شن الفائدة منها ولمن موجهة .. 💙

- وحنجرب الRope jumping أو "نط الحبل" كرياضة منزلية بما أنه محجورين في الحوش وحياتي حتبدا أكل وبدون حركة 😂
ولو لقيت قناة على اليوتيوب محتواها مفيد حنقول لكم بعون الله ..
أنتم بس الزموا بيوتكم وكثفوا الدعاء..💙

ولو استفدتوا مني في حاجة انشروها 🌚💙

على كلٍّ حاولوا تسترجعوا هواياتكم الفترة هذه، لو تحبوا الرسم وليكم فترة عليه ارسموا وحاولوا تطوروا من مهاراتكم، تحبوا الكتابة اكتبوا وانشروا على بروفايلاتكم، تحبوا الخط اكتبوا أسماء أصحابكم بطرق جديدة واهدوها لهم، تحبوا التصوير/التصميم خوذوا كورسات أونلاين، النت عندك مايساعدش تفتح فيديوهات اقرأ على الشيء اللي تحبه قراءة مش شرط فيديو، المهم ما تقعمزوش هكي 💙
وما تخلوش الطاقة السلبية متاع كورونا أو الحرب أو أو تثبطكم، الرسول -صلى الله عليه وسلم- قال: 《إذا قامت الساعةُ وفي يد أحدكم فسيلة فليغرسها》، ما توقفوش حياتكم عشان شيء زي هكي وما تبتعدوش عن الله 💙✨

قال رسول الله ﷺ : أكثروا من الصلاة عليّ ليلة الجمعة ويوم الجمعة فإن صلاتكم معروضة عليّ.اللهم صل وسلم وبارك على حبيبنا محمدﷺ.

I know I can't see your face, but I can tell that you look sad, that you're sad, and I don't know whether you're going to read this or not, but, in case you did, I want you to know that it will pass and you will be more than fine, you will succeed in something and you will be happy, you'll laugh, you'll love, you'll have some very precious moments, I may or may not be there, yeah, but I will be happy for you either way, and I will pray for you every day, so you can pass those hardships you're going through, and so you can live, happily and successfully, just don't give up on life, please, and keep fighting for your ambitions.

دوولينغو: تطبيق لتعليم اللغات، طريقة استخدامه سهلة، ويمشي مع الكبار والصغار اللي يقدروا يكتبوا ويقروا، واجهة لطيفة وواضحة، وآلية تنافسية تخليك تتحمس أنك تتعلم مفردات أكثر لو كنت من الأشخاص اللي يحبوا التفوق.

البرنامج فيه تدريب على مهارات الاستماع، التحدث والكتابة.

- 6 دقائق قبل ما ترقد اسمع فيهم المنجية من عذاب القبر .. 💙

- "أشرقت نفسي بنور من فؤادي، حينما رددت يا رب العباد.."💛

"غداً ستشرق للمدى، وغداً ضياؤك ينتشر.."💛