"الأمراض تُرِي وجود الله"
والزهري دليل على أن فيه رب، خالق للكون، وللإنسان، ولكائنات أخرى قد تكون وسيلة رحمة أو وسيلة عقاب..

زي البكتيريا مثلاً، البكتيريا كائن بدائي استفادت منه البشرية هلباااااا في مختلف المجالات، وفي نفس الوقت، الكائن البدائي جداً هذا واللي هو عبارة عن خلية وحيدة، ممكن يسبب مرض قاتل ويودي بحياة إنسان، كشخص مثلاً خالف أوامر الله، مثلاً!

تعالوا شوفوا معاي الأعراض:
العلامة الأولى للمرض ظهور تقرحات في منطقة الإصابة، علامة مُنفِرة.

الثانية: طفح جلدي، واللي هو برضو علامة بشعة ومنفرة مش حتخلي الناس تحبذ تقترب من الشخص هذا، وهذا لوحده حيكون عقاب ليه لأن الطفح الجلدي مش حيكون مصحوب بحكة مثلاً أو أي أذية أخرى، يعني اشمئزاز الناس كافي.

الثالثة وأقوى واحدة: إصابة الجهاز العصبي، خصوصاً ظهور "مشية جر القدمين"

الفكرة اللي شرحها الدكتور أن مرض الزهري كان مرض خطير جداً وقاتل في القرن الثامن عشر، وحسب ويكيبيديا كان من قبل حتى، من حوالي القرن الخامس عشر وربما من عصور أقدم، المهم أن في الفترة هديكا وحتى اكتشاف العلاج، كانت الطرق غير معبدة، وماكانش فيه كهرباء وإضاءة جيدة وما إلى ذلك، فالشخص اللي كان يوصل للمرحلة هذه، كان يصيبه خلل عصبي يؤدي إلى أنه يخليه يجر رجليه عشان يقدر يمشي، فيترك علامات أقدامه على الأرض -فتبين للعِيان أن الشخص هذا مشي من مكانه لمكان آخر مثلاً-، العلة الأخرى كانت أن الشخص حيفقد الإحساس في رجليه فلما يمشي في الليل أو وقت الظلام مش حيقدر يميز طريقه وحيطيح، فالبالتالي:

معاش فيه تنسريف في الليل، لأنه لو مش مهتم بأنه حينعرف من آثار أقدامه، مش حيقدر يتصرف أصلاً في الظلام.

( إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا ) 💙

Do you believe in coincidences..?
I'm not sure I do.

" ستهاجرون الى اوربا ، وتلتزمون بالقانون ولا ترمون أعقاب السجائر على الارض .. ولا تدخنون في الاماكن العامة ، وتعبرون من الأماكن المخصصة للعبور ، وسيكون لديكم حس أمني حتى لو سرقت قطة من امام نافذتكم ، ستبلغون الشرطة.
ستلبسون حزام الأمان عند قيادة السيارة وتضعون مقعدخلفي لطفل ، وتقفون في الطابور حتى لو بلغ كيلومتر ، وعندما تحصلون على الجنسية الاوربية وتنتخبون من يمثلكم ، ستبحثون عن تاريخه وماضيه ومهنيته، لوفعلتم كل هذا في بلادكم لما كنتم قررتم الهجرة"

"دعوا صلاح الدين في ترابه واحترموا سكونه، فإنه لو قام حقاً فيكم، فسوف تقتلونه.."


@RelatedRandomness

مش حنعرف نوصف جمال قصائده وقوتهن، ولا حنعرف نتكلم عن الأثر اللي حيخلوه في أذهانكم، ولا عن المتعة اللي حتحسوا بها وقت يثبتوا في أدمغتكم، بس حنقول لكم: اقرؤوا واستمعوا لقصائد أحمد مطر 💙
حتحبوهن، وحتحبوه !

عشان خسارة الحاجات الحلوة تقعد معلقة فوق والناس الجديد ما يشوفوهاش .. 💙

( إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا ) 💙

( إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا ) 💙

بما أن كورونا بدي محيط بينا فأعتقد الوقت حان أن كلنا نتعرفوا عليه وعلى كيف نحموا أنفسنا منه، ومع كثرة المعلومات والأخبار والإشاعات وبدون تثبت أعتقد بدي فيه معلومات خاطئة هلبا على الموضوع هذا..

فجبت لكم فيديو قصير للمبدع دكتور ناجي عن الحاجات اللي مفروض تعرفوها عليه:
- تاريخه
- أعراضه
- طرق الوقاية منه
وفي حوالي ال34 دقيقة فقط.. 💙

لازم تلقوا نظرة على الفيديو، عشان سلامتكم وسلامة الناس اللي تحبوهم وعشان ينتشر الوعي 💙

وما تنسوش تدعوا لبلادنا ربي يحفظها ويبعد عنها الأمراض والأوبئة ويفرج كربتنا 💙

https://www.facebook.com/1395759134055293/videos/1053182401712295/

الفيديو خفيف جداً وبسيط أي حد يقدر بفهمه مهما كانت خلفيته عن الفيروسات بسيطة، ما تتكاسلوش 💙

@Quran63bot
هذا ☝🏻 بوت عبارة عن رد آلي
يحتوي على تلاوات بصوت اكثر من شيخ، عبارة عن قائمة فيها اسماء بعض الشيوخ، اضغط على اسم الشيخ ويطلع تسجيلات لبعض السور بصوته.

( إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا ) 💙

نصائح مهمة وتتكرر هلبا:

1/أهم نقطة، أقروا وتابعوا فيديوهات عن كيف تحمي نفسك وشن مفروض تدير.
خوذ ديما المعلومات من مصادر موثوقة، وماتنقلش الكلام اللي تقراه على النت لو مافيش مصادر.

2/ عقم يديك لمدة 20 ثانية:
- سواء بالماء والصابون
- أو المعقمات اللي فيها كحول
الاثنين أثبتوا أنهم يقضوا على الفايروس إلى الآن.
متى..؟
- لما تكح/ تعطس.
- قبل/ بعد ما تطبخ.
- قبل/بعد ما تأكل.
- بعد استخدام الحمام.
- بعد المصافحة.
- وفي أي موقف تشوف أن يدك لازم تتعقم بعده.

3/ ما تلمسش: عيونك، خشمك، فمك قدر المستطاع.

4/ نظف تليفونك بكحول أو حتى قطعة قماش فيها صابون كل فترة وفترة.
وحاول لما تكون برا وتبي تتكلم بالتليفون انك تستخدم سماعات الجهاز أو سماعات بلوتوث.
(الموبايل ديما في يدينا وديما معانا وطبيعي يكون مليان هلبااا ميكروبات فمادا بيك ما تقرباش من وجهك لأن الفايروس سهل ينتقل لداخل جسمك عن طريق وجهك).

5/ غطي خشمك وفمك لما تعطس/ تكح.
بمنديل أو كوعك لو ماعندكش منديل.

النقاط هذو حطوهم بين عيونكم لأنهم أهم واحدات.

نصائح ما نسمعوش فيها هلبا:

1/ حاول ما تزورش المستشفى إلى لو كان أمر طارئ:
سنونك يستنوا عادي، وحب الشباب، وكشف النظر، كلها حاجات تقدر تستنى، لو الموضوع مش مستاهل، ما تمشيش لأن المستشفى ممكن تكون فيه حالات إصابة مش مكتشفة لتوا.

2/ ما تزورش الأماكن المزدحمة:
الله يرحم والديك، المدارس والجامعات والمراكز اللي عطلت عطلت بيش يقل الاختلاط، ماتكونش جاهل وسطحي وتشوفها فرصة بيش تقوي روابطك ولا تغير جو، احني مش في عطلة نص السنة، الله يفتح عليك الزم بيتك قدر المستطاع وثقِّف نفسك ولا رفه على روحك من دارك.

3/ ما تزورش الأماكن الرطبة والمبللة:
الكورنيش، ولا سوق الحوت، تقدر تعيش بلاهم عادي.

4/ افتح شبابيكك، هوي حوشكم وخلي الشمس تخش له.

5/ ما تاكلش طعام مش طايب كويس (اللحم أو الدحي مثلاً حاول تتأكد أنه طايب كويس).

6/ القطط والكلاب بريئين، ما تهملوهمش عشان سمعتوا أن الفايروس ينتقل من الحيوانات!