نحكي لكم قصة قصيرة واستحملوني 😂

من شهور وأنا نعاني من حاجة اسمها Reader's Block 😂 المهم الحاجة هذه تخلي واحد يحب القراءة وما يقعدش بلاها يمل منها فجأة ومن غير سبب، المهم البلوك هذا قعد معاي فترة قعدت نحس في كل الكتب اخيه وضعيفات ومش محبوكات ومملات وحتى لو لقيت كتاب نفس ما نحب ما نقدرش نكمل فيه ونفوته، نزِّلت أطنان pdfs 😂 روايات عالمية على كلاسيكية على دوواين شعرية على كتب تنمية بشرية كل ما تقابلني حاجة ننزلها وبرضو بلا فائدة، وبديت نتعقد وضايقني الموضوع لأن القراءة بالنسبة لي وسيلة لتخفيف الضغوط اللي نمر بها ونتسلى بها الحق، المهم إلى أن قررت نغامر ونبدأ نقرأ "إيكادولي" اللي كان عندي رغبة كبيرة نشريه ونقراه لكثرة التقييمات الإيجابية اللي عليه، وفعلاً غامرت ونزلته، ويبدو أنه حيكون منقذي من الريدرس بلوك الشرير 😂❤️

إيكادولي:
رواية خيالية للكاتبة حنان لاشين.
عدد الصفحات: 316.

تحكي القصة عن شاب اختاره كتاب إيكادولي -واللي يعني باللغة النوبية "أحبك"- ليكون المحارب اللي حيحدد محتواه، وبهكي بدأ أنس رحلته في مملكة البلاغة واللي حيتعلم من خلالها القارئ دروس وأخلاق جميلة جداً وحتضيف في رصيده إن لم يكن اللغوي فالخُلقي إن شاء الله - وهذا الهدف الحقيقي من الروايات -.

الرواية ج م ي ل ة جداً وبس تقطعوا شوط فيها حتحبوها وحتتعلقوا بها زي ما تعلقت بها وحتوجعكم لما تنتهي، الله! قد ايش ليَّ ما توجعتش على رواية لما انتهت!
لو كنتوا تعانوا من: "Reader's Block" ألقوا عليها نظرة، يمكن في إيكادولي حتلقوا الحل. ❤️🤷‍♀

(ملاحظة: ماتستعجلوش على الرواية وحتى لو حسيتوا بأحداث مش مفهومة كملوا للآخر وحتفهموا، آسسسفة 🌚)

‏صوره التقطت من قبل الصحفي الفرنسي غاستون شيرو في طرابلس في شهر ديسمبر سنة 1911م وتوثق عمليات الإعدام التي نفذتها قوات الاحتلال الإيطالي في حق المجاهدين الليبيين، شيرو كان صحفيا تواجد في ليبيا سنة 1911م لتغطية أحداث الحرب وقد نشرت صوره ورسائله مؤخرا في كتاب.

صورة تاريخية للإعدامات الجماعية للمقاتلين الليبيين من قِبل الإحتلال الإيطالي لـ ليبيا ..

جرد الأجداد عزما مرهفَ،
حين ناداهم منادٍ للكفاح ..
ثم ساروا يحملون المصحفَ،
باليد الأولی وبالأخری السلاح 🇱🇾❤️

طبعاً نعرفوا كلنا أن اليوم: 24 ديسمبر، هو اليوم الوطني، وهذا ليش عطلنا، بس اللي فيه نسبة كبيرة مش فاهمينّه أنّ راه اليوم هذا مش زي أول سبتمبر أو سبعطاش فبراير، إلخ..
اليوم هذا هو اليوم الوطني الليبي، يعني اليوم اللي منَّه بدي فيه حاجة اسمها ليبيا، وبدي فيه وطن حقاني يشملنا من طبرق لرأس جدير، اليوم هذا ما ليشي علاقة لا بطائفة ولا بجهة ولا بأي توجُّهات سياسيَّة، ومش عيب أبداً لو فرحنا بيه!

العيب أن نحتفلوا بكل الأيَّام الأخرى وتلقى "المتعصِّبين" يطلقوا في بارود الزينة ويبيبوا ويهارجوا على النت ولما جي اليوم اللي فعلياً مفروض نجتمعوا فيه ونفرحوا بيه ونتذكروا خيرات بلادنا مافيش حد تفكر! عيب علينا بجديات وخسارة فينا بجديات بلاد زي ليبيا! 💔

الان كسوف الشمس في السعودية
26_12_2019
صورة من المدن التي شرقت فيها الشمس صباح هذا اليوم
#السعودية

"قال النَّبي _صلَّى الله عليه وسلَّم_:

(إنَّ الشَّمس والقمر آيتان من آيات الله، لا ينكسفان لموت أحد ولا لحياته، فإذا رأيتموهما فادعوا الله وصلُّوا حتى ينجلي)

صحيح البخاري..."

" قال الشيخ ابن عثيمين رحمه الله :

الكسوف إنذار من الله لعقوبة انعقدت أسبابها،
وليس هو عذاباً، لكنه إنذار، كما قال صلى الله عليه وسلم :
( يخوف الله بهما عباده ) ولم يقل : يعاقب الله بهما عباده.


"قال صلى الله عليه وسلم : ( إذا رأيتم ذلك فافزعوا إلى ذكر الله ) ما قال : قوموا ، وما قال : صلوا ، اذكروا الله ، ولكن قال : افزعوا ، افزعوا إلى ذكر الله واستغفاره ، وكبروا وتصدقوا وصلوا وأعتقوا ، كل هذه أشياء تدل على عظم هذا الكسوف ."

"والكسوف له سببان :
السبب الأول : التخويف : تخويف العباد إذا كثرت الذنوب ، ورانت المعاصي على القلوب ، نسأل الله العافية .

والسبب الثاني : كوني قدري : وهو ما يذكره لناس من أن سبب الكسوف حيلولة القمر بين الشمس والأرض ، وسبب الخسوف حيلولة الأرض بين الشمس والقمر ،
ولا يمتنع أن يجعل الله عز وجل أسباباً طبيعية لتخويف العباد " انتهى ."

- لقاء الباب المفتوح.

ركزوا على جزئيَّة "إذا كثرت الذنوب" واربطوها بكثرة الظواهر الطبيعية في الآونة الأخيرة.

وديما تذكَّروا أنَّ: ‏"وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ" ..
راقبوا الله في أفعالكم وأقوالكم وأكثروا من الاستغفار 💙

+ على حد علمي وبناءً على اللي قريته أنَّ مش حيظهر الكسوف في ليبيا، وفعلاً في طرابلس مابانش شيء، بس هذا ما يمنعش أن نكثروا من الاستغفار 🤷‍♀

( إِنَّ اللَّهَ وَمَلائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا ) 💙

أصحاب فصائل الدم النادرة مُحتاجينكم، اللي يقدر ما يترددش في أنه ينقذ نفس بريئة!

حطوا في بالكم: "من كان يؤمن بالله واليوم الآخر، فليقل خيراً أو ليصمت."
حقن الله دماء المسلمين.

فعلِّم ما استطعت لعلَّ جيلاً،
سيأتي يُحدِث العجب العجابا..
- أحمد شوقي


مش حنخلَّوا وضع البلاد والحرب يأثِّروا في همَّتنا، وحنحاربوا جهل الحروب بسلاح العلم ❤️

💌 وصلت لك رسالة جديدة
⏱وقت الرسالة: 2020/01/06 09:35
✉️ المحتوى : ↓↓
السلام عليكم، معليش أي شخص يمر على رسالتي يوقف شوية ويقرا كلامي بتركيز وتأني...



من فترة بابا كان مريض شوية وبعدين عدا عاين ودار فحوصات وكل شيء وعالج علاج كويس والدكاترة طمنوه وقالوله صحتك مية المية...بس بعد ما رد على دكتوره قالوله لازم تاخذ كم جرعة كيمياوية كوقاية لاه ولجسمه بيش كان فيه حاجة اتحول بدري بدري...


نبيكم تدعوله دعوة من القلب أن يتحسن ويقعد كويس وما اتأثرش صحته، نبيكم تدعوله مرة وحدة بس من القلب والله نبي نجمعله40دعوة غريب يقولوا دعوة الغريب مستجابة، والله أنا صغيرة ومازلت نبيه وما عندي غيره في الدنيا💔 الله يربحكم دعوة وحدة بس....


أي حد شاف رسالتي يديرله إعادة توجيه للقروبات والقنوات اللي عنده وربي يجعله هذا في ميزان حسناته❤️
----
💡يمكنك الرد بعمل رد على هذه الرسالة .