تو اپنے دل ہی دل میں بس مجھے آواز دیتا رہ
سماعت کو مری ورنہ یہ سناٹا پکڑ لے گا

مُحسِن اَسرار
@Rekhta

دیر سے سو کر اٹھنے والو تڑپو لیکن شور نہ ہو
تم کو حق ہے آئینوں کو توڑو لیکن شور نہ ہو

محسن اسرار

@Rekhta

گدائے شہرِ آئندہ تہی کاسہ ملے گا
تجاوز اور تنہائی کی حد پر کیا ملے گا

سیاہی پھیرتی جاتی ہیں راتیں بحر و بر پہ
انہی تاریکیوں سے مجھ کو بھی حصہ ملے گا

میں اپنی پیاس کے ہمراہ مشکیزہ اُٹھائے
کہ ان سیراب لوگوں میں کوئی پیاسا ملے گا

روایت ہے کہ آبائی مکانوں پر ستارہ
بہت روشن مگر نمناک و افسردہ ملے گا

شجر ہیں اور اس مٹی سے پیوستہ رہیں گے
جو ہم میں سے نہیں آسائشوں سے جا ملے گا

ردائے ریشمیں اوڑھے ہوے گزرے گی مشعل
نشستِ سنگ پہ ہر صبح گلدستہ ملے گا

وہ آئینہ جسے عجلت میں چھوڑ آئے تھے ساتھی
نہ جانے باد و خاک آثار میں کیسا ملے گا

اسے بھی یاد رکھنا بادبانی ساعتوں میں
وہ سیّارہ کنارِ صبحِ فردا آ ملے گا

چراگاہوں میں رُک کر آسمانی گھنٹیوں کو
سنو کچھ دیر کہ وہ زمزمہ پیرا ملے گا

اُسی کی وادیوں میں طائرانِ رزق جُو کو
نشیمن اور اُجلی نیند کا دریا ملے گا

اِسی جائے نماز و راز پہ اک روز ثروت
اچانک در کھلے گا اور وہ جھونکا ملے گا


ثروتؔ حسین


@Rekhta

شاخ نہال عمر ہماری نہ پھل سکی
یہ تو ہے وہ کلی جو نکلتے ہی جل گئی

آغا شاعر قزلباش
@rekhta

جنون لطیفہ
مشتاق احمد یوسفی

بڑامبارک ہوتا ہے وہ دن، جب کوئی نیا خانساماں گھرمیں آئے اوراس سے بھی زیادہ مبارک وہ دن جب وہ چلاجائے!چونکہ ایسے مبارک دن سال میں کئی بارآتے ہیں اورتلخی کام ودہن کی آزمائش کرکے گزرجاتے ہیں،اس لیے اطمینان کاسانس لینا، بقول شاعر، صرف دو ہی موقعوں پرنصیب ہوتاہے :
اک ترے آنے سے پہلے اک ترے جانے کے بعد
https://www.rekhta.org/tanz-o-mazah/junoon-e-latifa-mushtaq-ahmad-yusufi-tanz-o-mazah?lang=ur

@Rekhta

تیرا امام بے حضور، تیری نماز بے سرور
ایسی نماز سے گزر، ایسے امام سے گزر

علامہ اقبالؔ

@Rekhta

🔹آغا شاعر قزلباش

1871 - 1940دہلی

آخری کلاسیکی دور کے اہم شاعر، داغ دہلوی کے شاگرد

@rekhta

📔ای-رسالے: آج،کراچی

🔺آج،کراچی کے شمارے ریختہ پر

🖌ترتیب: اجمل کمال

@Rekhta

تاروں کا گو شمار میں آنا محال ہے
لیکن کسی کو نیند نہ آئے تو کیا کرے

افسر میرٹھی


@Rekhta

وہ میرے قتل کا ملزم ہے لوگ کہتے ہیں
وہ چھٹ سکے تو مجھے بھی گواہ لکھ لیجے

بیکل اتساہی

@rekhta

🔸بیکل اتساہی

1928 - 2016بلرامپور، گونڈا

ممتاز مقبول شاعر جنہیں ’اتساہی‘ کا تخلص جواہر لال نہرو نے دیا تھا۔ اردو شاعری کو ہندی سے قریب لانے کے لئے معروف

@rekhta

میں نے یوپی کا شہر گورکھپور نہیں دیکھا، ضرورت بھی نہیں پڑی۔ فراق گورکھپوری صاحب، مجنوں گورکھپوری صاحب اور پھر شمشاد نبی ساقی فاروقی سے مل لیا، ان صاحبان کا لکھا ہوا پڑھتا رہتا ہوں….یوں سمجھئے شہر گورکھپور میں جتنا کچھ دیکھنے اور جاننے لائق ہوگا، حسین اور دل آویز ہوگا، تقریباً سبھی دیکھ لیا۔ شہروں میں اور ہوتا بھی کیا ہے؟
جی ہاں! ساقی گورکھپور میں پیدا ہوا تھا۔

ڈھاکے میں اس نے ابتدائی تعلیم حاصل کی، کراچی یونیورسٹی سے بی اے کیا۔ ایم اے انگریزی میں پڑھ رہا تھا تو لندن روانہ ہوگیا اور لندن یونیورسٹی میں انگریزی ادب میں داخلے کی کوششیں کرنے لگا۔ یونیورسٹی والوں نے کہا، ”یہاں تمھیں بی اے دوبارہ کرنا پڑے گا۔“

جاری ہے........

📄خواجہ سگ پرست
🖌(اسد محمد خاں)

@Rekhta

اپنی انا کی آج بھی تسکین ہم نے کی
جی بھر کے اس کے حسن کی توہین ہم نے کی

اقبال ساجد
@Rekhta

گھر سے نکل کر جاتا ہوں میں روز کہاں
اک دن اپنا پیچھا کر کے دیکھا جائے


بھارت بھوشن پنت

@Rekhta

بچھڑتے وقت ایسا بھی ہوا ہے
کسی کی سسکیاں اچھی لگی ہیں

محمد علوی
@Rekhta

🔸محمد علوی

1927-2018احمدآباد

ممتاز ترین جدید شاعروں میں نمایاں۔ ساہتیہ اکادمی انعام یافتہ

@Rekhta

🔺آج کا لفظ

حجاب
(Hijab/ Veil)

عشق بھی ہو حجاب میں حسن بھی ہو حجاب میں
یا تو خود آشکار ہو یا مجھے آشکار کر

علامہ اقبال

@Rekhta

نقش کہن ہو کہ نو منزل آخر فنا
ہے مگر اس نقش میں رنگ ثبات دوام

علامہ اقبال
@rekhta

وہ بات سارے فسانے میں جس کا ذکر نہ تھا
وہ بات ان کو بہت ناگوار گزری ہے


فیض احمد فیض
@rekhta