خۆزگە ئەو هاورێیەم وازی لەم فعلە قۆرانە دەهێنا و ئەوەندە قسەی لەگەڵ کچاندا نەدەکرد و دەبوو بە پیاو و تێدەگەشت دونیا هەر ئەم دوو ڕۆژە نیە و کەمێک بیری دەکردەوە و وازی لە خوێڕێتی دەهێنا و ڕەقەمی هەمویانی دەدا بە من.
...

لە وێنەکەدا، تووند دەستی یەکترمان گرتبوو ..
سەری لەسەر شانی چەپم بوو، بەبێدەنگی
چاوەکانی داخستبوو ..
وێنەکە چەند گوناح بوو ..
چوارچێوەی نەبوو،
دیوارێک نەبوو، پێیدا هەڵبواسین...
مرۆڤەکانی ناو وێنەکە چەند بەدبەخت بوون،
بستێک ئاسمانیان نەبوو لە ژێریدا
دووبارە دەستی یەکتر بگرنەوە،
سەیری چاوەکانی یەکتری بکەن .
ئەگەر لەپشتی هەر وێنەیەکەوە چیرۆکێک
هەبێت.
ئەو وێنەیەی من و ئەو حیکایەتی کۆتا دیداری
دوو مرۆڤی داماوی دەگێڕایەوە ..
کە بەناو دۆزەخدا تێپەڕی بوون، تا یەکترببینن
باسی گریانی دوای خۆرئاوابوونی دەکرد،
کە هەر یەکێکمان بەتەنها و بەبێ یەکتر
بەدڵێکی تەنگەوە
بە یەکێک لە کۆڵانە تاریکەکانی شاردا
بەبێ ئومێد، بەبێ داهاتوو، دوور لەچاوەکانی یەکتر دەگەڕاینەوە بۆ ماڵ.

...

کۆمەڵێك شتی زۆرم خۆشویستن، بەڵام ڕۆیشتن، زۆر ڕامکرد بۆئەوەی بیانگێڕمەوە بەڵام ئێستا ماندووم، وەك ئەو چاوەی چەند ڕۆژێکە خەوی لێنەکەوتووە، ئەقڵیشم لەبیرکردنەوە ناوەستێ، هیلاك بووم بڕیارمدا لێگەڕێم شتەکان بڕۆن، بڕیارمدا دانیشم و ئەو دڵەم لەباوەش بگرم کە ساڵانێکە ئازار دەکێشێت.

...

هەندێک ڕۆژ لە تەمەنت هەیە پڕپڕە لە دڵتەنگی، هەندێک ڕۆژ گوێت لە گریانی خۆتە و دونیا لە هیچ نا، لە گۆڕێکی تەنگ دەچێت. شەوێک لە ژیانت هەیە هەرچەند دەکەیت بڕوا ناکەیت ئیتر ڕۆژەکانی داهاتووت بەبێ چاوەکانی ئەون. بڕوا ناکەیت کە ئیتر گەیشتووی بە شوێنێک لەم ژیانە جارێکی تر سێبەرەکانیشتان بە تەنیشتی یەکدا تێ ناپەرن، ئیتر ئێوارانێک کۆڵانێکی تەنگەبەر نییە شانی تۆ و ئەو لەیەکتر نزیک بکاتەوە. بەڵام لە هەزار شەوی درێژی چاوەڕوانیدا دەتهێڵنەوە و ئێوارانت پڕ دەکەن لەهەناسەی سارد.
...

شەو هەیە ئاهو حەسرەتی نەبوونی کەسێک خەریکە شێتت دەکات، دەستەکانت دەلەرزن و شەڕ بە دار و بەرد دەفرۆشیت.. شەو هەیە لێدانی دڵت باش نییە و پێویستە بچیتە سەربان و بەرامبەر مانگ دابنیشیت و بگریت، بگریت و گلەیی لە بەختی خۆت بکەیت؛ کە درەحتێک نییە هەواڵی ئەوی لێ بپرسیت.. کە پەنجەرەیەک شک نابەیت تا چاوی ئەوی لێوە ببینیت. ڕۆژێکی دووشەم، بیری دەکەیت و ماوەیەکی زۆرە هەواڵی نازانیت، شەو هەیە قۆڵی کراسەکەت لە شۆستەکانی بەرباران تەڕ تر دەبێت.. شەو هەیە هێندە بیری دەکەیت، دەگەیت بەجێگەیەکی ناشرینی ئەم دونیایە و تەنانەت گریانیش ئارامت ناکاتەوە .. شەو هەیە ئاسمان دڵی تەنگ دەبێت بۆت و مانگ بە بێ دەنگی بە دیارتەوە دادەنیشێ و سەیرت دەکات.. شەوێک نا .. ڕۆژێک نا، تەمەنێک بەدیار چۆڵی و تەنیایی خۆتەوە دادەنیشی و مردن هەر ئەوەیە؛ تەنها جارێک لەناو دەنگی ئازیزەکەی دڵتا گوێت لەناوی خۆت نابێت.
...

وتی: بیری دەکەم ..
پێم وت: مەگەر هیچ وێنەیەکی ئەوت لا نییە؟
هەناسەیەکی قوڵی هەڵکێشا و وتی:
سەیرکە! تۆ وای دابنێ وێنەی ئەوم لایە، بەڵام، چی لە وێنەیەکی بێ گیان بکەم؟
پێم وت: نەخێر .. وێنەی کەسێک کە خۆشماندەوێ و لەدوورترین جێگەی ڕۆحماندا هەناسەدەدات، کەهەمیشە یادەوەری ئەو کەوتووەتە نێوان ترپەکانی دڵمانەوە، یەکێکە لەشتە بەنرخەکانی تەمەنمان.. بڕوانە ئازییزم! وێنەیەک، کە خۆی پێتی بدات جیاوازە، دەتوانی هەموو ڕۆژێک قسە لەگەڵ وێنەکەیدا بکەی، دەتوانی لەشەوە درێژەکانی زستاندا لەچوارچێوەی بگری .. هەر بەتەنها مۆم نا، دەتوانی پەردەی پەنجەرەکەت دابدەیتەوە و چرای دڵتی بۆ دابگیرسێنی، دەتوانی بەدرێژایی ساڵ نازی هەڵبگری، عەتری لێ بدەیت و لەژێر سەرینەکەتدا بیخەوێنی.. پێم مەڵێ؛ وێنەیەک ئەرزشی نییە، ئەو کاتانەی کە تەنیایت و بایەکی سارد بەشەقامەکاندا تێدەپەڕێت، وێنەیەک؛ دەتوانێ لەجیاتی هەمووان لەلات بێ و لەئامێزت بگرێت.

...

هیچ ئومێدێکی نوێ نیە ، لە شارەکەی خۆتدا لە ژوورەکەی خۆتدا هەست بە غەریبی دەکەیت، ڕەشبین نیم بەڵام دڵخۆشی هەرگیز لە دەرگا نادات، من ئەمرم ئەمەش دواهەمین حیکایەتی منە.

@Redwantaha

نووسیبووت: پرچەکەی جارانت ماون؟ نووسیم: نەماون، نامێنن، تەنک بوون، زیاتریش تەنک دەبن، هەموو شتێک تەنک دەبێت. دڵیشم وەک جاران نیە، باش نیم، باش نابم، نان باش ناخۆم، بێزارم، لە خۆوە ڕقم لە هەمووو شتێکە، هاوار دەکەم، دەکێشم بە شتتدا، خۆم سەرخۆش دەکەم، درەنگ دەنووم، زوو هەڵدەستم، جاران نا. ئێستا، رقم لە نانی بەیانیە، هیچ شتێک وەک جاران نیە، درەنگ درەنگ دەچمە حەمام، بە پانتۆڵەوە دەنووم، جلەکانم فڕێ دەدەم، کانتۆر ناناسمەوە، تیڤیەکەم سوتاوە، کتێبەکانم بەخشیوون، ئەو ژنەی گەڕەک کە بۆتم باسکرد، نووسیم؛ ئەها ئەوەی هەمیشە لە بەر دەرگا دادەنیشت و جگەرەی دەکێشا؟ جار جارە نا، هەمیشە سڵاوێکی لێ دەکردم ئێستا نایکا، ڕق کە نا، خۆشەویستیشم لە بیرچوونەتەوە. نووسیبووت: ئەی من، منت لە بیرماون؟ نەمنووسی لە بیرم ماویت، نووسیم: هەمیشە دەتبینم، لێرە، لە ژورەکەم، لە ژوری میوان، لە حەوشەکەمدا، تۆ نازانیت، بەڵام ئێوارەێی لە شەقام بینمیت، خۆ دەتبینم هەمیشە، عەزییەکی درێژی خەنەییت لە بەرادا بوو، بینیمیت، دەستت، من ئەڵێم دەستت بوون، دەستت بوون لە ناو پێنج پەنجەی زبردا. پێدەکەنیت، پرچە کاڵەکەت هەوا دەیبردن، ددانە ڕێکەکانت لە سپێنەی چاوەکانت دەچوون، سوراوێکی سورت کردبوونە لێوت، هەنگاوت دەنا، هەنگاوێک، دوان و سیان و چوار، پێت لە سەر جێ پێی خۆت دادەنا، لە بەردەم دوکانێکی جلی ئافرەتاندا وەستان، بە دەست ئاماژەت بۆ کراسێکی کرێمی یەخە کراوە دەکرد، نووسیبووت کام جێ پێیانە؟ نووسیم: هیچم نەنووسی.

...

پرسی ئێستاش خۆشت ئەوێم وتم ئێستا و سەدان ساڵی تریش برینە شیرینەکەی دڵمی وەلێ هەرگیز بۆ چرکەیەک ناتوانم لەگەڵت بژیم ڕوح و دڵم وەک ئاوێنەیەکی شکاوی پارچە پارچە وایە لە هەر لایەک سەیری بکەی خۆتی تیا ئەبینی .

...

کاتێک ئەمە ئەنوسم هەست ئەکەم لە قەتیسکراوترین کەلێنی دوونیاوە هەناسە ئەدەم : ئێستا نازانم لەکوێی،؟ چی دەکەیت؟ باشیت یان نا؟؟ من کە ڕاھاتووم ھەمیشە ھەواڵی تۆم پێ بگات
،،عەیامێکە خەبەری تۆم بە نامەیەک پێ ناگات، ژمارەکەت شاشەکە بێدار ناکا،، نازانم حاڵت چۆنە؟ بەڵام بیزانە من باش نیم،، باش نیم چونکە ئێستا
نە تۆ شەو شاد دەکەی نە بەیانی باشێک وام لێدەکا زوو ھەڵسم و پڕ بدەمە موبایلەکە، دەڵێن مرۆڤ ھەموو شتێکی بیر دەچێتەوە بە پێی تێپەڕینی کات،، بەڵام مرۆڤ ڕادێت ئەگینا دەنگی پێکەنینتان و
دەستە نەرمەکان و ماچی لا ملتان، لەگەڵ بۆنی جل و یادگاریە جێماوەکانتان ھیچ کات بیر ناچێتەوە.. مەگەر دەکرێ مرۆڤ تامی شیرینی بەڵێن و ڕەنگی وەنەوشەی خەونەکانتان لەبیر بکا؟؟ نا ، من ئێستا ڕاھاتووم کە چیتر لە نامەیەکدا دیسان بۆم نانوسیتەوە خۆشمدەوێی،
ڕاھاتووم ئیتر من ھیچ کاتێک نابمەوە خاوەنی تۆ،، وەلێ لە نەبوونیت ھیچ کات ڕانەھاتووم
قسەکانم نااا وێنەکانت شاھێدن چەندە بیرت دەکەم،، نامە بێ گیانەکانت لە چنگ فرمێسکەکانم نازانن ھانا بۆ کوێ ببەن..
من لێرە
لە تەنیایی دیق دەکەم و دڵنیام تۆ دووبارە ھەواڵێکم ناپرسیتەوە.

...

وە من دڵم پڕە لەو قسانەی کە ناتوانم بۆ ھیچ خزم و تەنانەت ھیچ ھاورێ'یەکیش باس بکەم.
@Redwantaha

هەموو شتێك دەمرێت
پێکەنینەکانت
بزەی لێوت
ئاواتە شێتانەکانت
پەیوەندیەکانت....
تاکە شت کە هەرگیز کۆتایی
پێ نایەت غەمگینیە

...

شەوێک بەرلەوەی بیرتبکەم
دونیایەک قسەی نەوتراو لە دڵمدا هەبوو
وەلێ تۆ لێرە نەبویت بۆتی باس بکەم ڕۆژێک بەرلەوەی بڕۆیت ئاسودەییەک لە ڕۆحی مندا هەبوو
.پەنجەی هیچ خەمێکی بەر نەکەوتبوو بەنەبونی تۆ دونیا ژێر و ژوور بوو لەبەردەمی ئاوێنەکاندا زیاتر بێتاقەتی تۆم .لەکاتی خۆر ئاوا بوندا زیاترو زیاتر بەیانی دوای لە خەو هەڵسان لەتەنیاییدا زیاتر دڵم دەگوشرێت نازانم دەردەدڵ لای کێ بکەم . هەواڵت لە کێ بپرسم؟
ئەوینی تۆ هێندە قەدەخەیە
ئێوارانێک لەناو فرمێسکەکانی مندا بتناسنەوە
شاربەدەرم دەکەن
ئەی قەدەخەترین ئەوینی دونیا
لای کێ بڵێم بیرم کردویی..؟



@Redwantaha

هەمیشە کەسێک هەیە لەوانی تر ناچێت،
لە هەموو کەس زیاتر بیری دەکەی،
لە هەموو کەس زیاتر دڵت تەنگ دەبێت بۆی،
لە هەموو کەس زیاتر خۆشتەوێت،
کەچی ئەو کەسە هەرگیز نابێت بە هی تۆ.

...

ئێستا کاتژمێر یەک و سو پینج خولەکی شەوە لەسەر یەکێ لە قەڕەوێڵەکانی نەخۆشخانە پاڵکەوتوم یەکێ دێت؛یەکێ دەڕوات بڕێ جاریش لەودیو پەنجەرەکەوە
گوێم لە خشەخشێکی زۆری پێڵاوەکان دەبێت هەستێکی دڵنیاییم هەیە کە لەقاوشەکان خراپ دەگوزەرێ کاتێک پزیشک و پەرستارەکان بۆ دڵنیابوونەوە لەحاڵم دێنە دیدەنیم تۆ لێرەنیت تا ببینیت چەند بەحەسرەتەوە سەیریان دەکەم بەئومێدی ئەوەی یەکێک لەو هەمووە تۆ بيت من ئێستا چاوەڕوانی بینینی تۆم، نامەیەکت، دەنگت، ئەگەر بێیت،بەڵێن بێت بە دڵتەنگی نامرم.

@Redwantaha

هیچکاتێک هێندەی ئێستە وشەی ناو نوسینەکانم نەسڕیوەتەوە دەنوسم دەیسڕمەوە ، دەنوسم دیسان بەشایستەی نازانم و دەیسڕمەوە نازانم ئەوەی ناو دڵم چۆن کۆبکەمەوە و پێتان بڵێم ، بەڵام دانی پێدادەنێم
ڕۆژ و ڕۆژگارم سەیر لێدەڕوات دڵم خەمگین لێدەدات.

...

ھیچکات بە ئەندازەی ئەمشەو ھەستم بە بێ کەسی خۆم نەکردووە.

...

هەنێک برین هەیە لە ئینساندا
نە ڕۆژگار، نە قەدەر، نە تێپەڕ بوونی کات،
نە ڕۆیشتن و وون بوونت،
تەنانەت هاتنی مرۆڤێکی تریش تیماری ناکات
جگە لەخودی ئەو مرۆڤەی ئەو برینەی بۆ درووست کردووی.

...

زۆۆۆر ماندوم.

...

درەنگ یان زو لێرە دەرۆم، دەرۆم و دەزانم کەس ئاوڕێک لە ھەناگاوەکانم ناداتەوە.

...