Assalomu alaykum, yaxshimisizlar.

So‘nggi kunlarda bir holat ko‘p ko‘zimga tashlanyapti. Balki ba’zilar uchun arzimasdek tuyular, ammo bu biz doimo faxrlanib kelgan qadriyatlarimizdan biri edi.

Afsuski, hozir yosh yigitlarimizning ayrimlari metro yoki jamoat transportida ayollarga joy berishga shoshilmayapti. Bugun ham shunday bir vaziyatga guvoh bo‘ldim.

Metroda ikki nafar ayol qo‘llarida sumkalari bilan kirib keldi. O‘rindiqlarda esa bir nechta yigitlar bemalol o‘tirishardi. Shunda bir rus qiz o‘rnidan turib, ayollardan biriga joy berdi. Buni ko‘rib turgan yigitlardan esa hech kim ikkinchi ayolga joy berishni o‘ylamadi.

Shunda o‘zimga savol berdim: biz qayerga qarab ketyapmiz?

Aslida ayollarga hurmat ko‘rsatish, ularga joy berish — bu bizning milliy tarbiyamiz, madaniyatimiz edi. Kelinglar, kimligimizni unutmaylik. Kichik ko‘ringan bunday odatlar jamiyatimizning asl qiyofasini ko‘rsatadi.

Hurmatni yo‘qotmaylik. Chunki hurmat — insonning haqiqiy fazilatidir.

Koreys tilida nechta uzr bor deb so'rashsa 😁

𝗥𝗘𝗗  𝗧𝗢𝗣𝗜𝗞 𝗢'𝗾𝘂𝘃 𝗠𝗮𝗿𝗸𝗮𝘇𝗶

𝗞𝗼𝗿𝗲𝘆𝘀 𝘁𝗶𝗹𝗶 | 𝗧𝗢𝗣𝗜𝗞