نسيت اقول لكم كل عام و انتم بخير. 🫶🏻🤍✨️

مع إنه ما اعترف بالتاريخ الميلادي.

المهم بكتب اهدافي حق هالسنة إلي ما راح احقق ولا وحدة منهم.

١. راح اقرا كتاب كل شهر.
٢. راح اعدل نومتي.
٣. راح ادرس اول بـ اول. 🤡
٤. مافي اكل مطاعم كله صحيّ.
٥. ما اطشر فلوسي على تفاهات.
٦. مادري بس حسيت في شي سادس.
٧. راح ارفع ابو الـ GPA.

راح ارجع السنة الياية اشوف شنو الي قدرت اسويه و شنو لأ، هَم راح اضيف على اللسته. 🤝🏻

نورٌ ما بين الجُمعتين | سورة الكهف 🩷 .

‏تُريد الملائكة تحرسك وأنت نايم؟

‏قال ﷺ: إذَا أوَيتَ إلى فِرَاشِكَ فَاقرَأْ آيَةَ الكُرسِيِّ، لَن يَزَالَ عَلَيْكَ مِنَ اللَّهِ حَافِظٌ، ولَا يَقرَبُكَ شيطَانٌ حتَّى تُصبِحَ.

“ Choose what helps you grow,
not what's easy. ”
- Dr. Fadi Dib

ممكن غيري يشوف هالشغلة بَسيطة أو عاديّة بس تَحمِل معاني وايد لي و قَدِرها عندي كبير حيل، أكثر من مُجرد كونها كوب للشُرب أو هدية، هذي هدية بسيطة من الدكتور للطلبة الي خذوا عنده بـ حكم إنه اليوم كانت اخر محاضرة لنا ويّاه، عطانا إيّاها بكل هدوء نهاية المحاضرة ولا كأنه شيّ كبير، لكنّ تأثِيرها المعنوي كافي يحفزك لـ سنين جدام، بس بالنسبة لنا كـ طلبة طريقة يعبر فيها شُكْرَه لنا و شكثر كنّا مميزين عنده مو بس طلبة عاديين أو شخصيات عابرة.

فـ أشكر الدكتور على كل مجهوده ويانا ما قَصرّ ويانا بـ شيّ و تميز بـ شرحه و مجهوده، إن شاء الله دوري و دور زملائي كـ طلبة ما نخيّب ظنه لأنه هذي الطريقة الوحيدة إلي اقدر اردّ له الجميل فيها. 🫡🤍✨️

نصيحة وايييد مهمة.

احس إني ايي هني اقول جم كلمة و اختفي.

بس المُهم.

لا تقولون حق ايّ احد جم عندكم بالبنككككك.

منو ما كان، و مو علشان لحد يحسدكم.

لأ.

لأنه راح تصيرون مكينة فلوس كل شوي راح يتسلفون منكم.

لأنه قاعدة تصير معاي و راح افلّس. 🤣💔💔

احنا ثالث اسبوع دوام و للحين احس بـ اجواء العطلة.