يخي في بعض الدكاترة مادري شلون صايرين فيهم تكبر مو طبيعي، ادز له ايميل ثلاث اسطر اسأله عن الكويز و شنو الجباترات الي داخلة فيه و اخر شي يرد عليّ بكلمتين. 💀💔

🤝🏻.

اقوى Cheat Sheet بالعالم يا انا يا امتحان الفيزياء، المشكلة إنه مو الفاينل لو الفاينل بحط الكتاب كله. 🔪

الـ Cheat Sheet حق الي ما يدري إهي تكون ورقة وحدة بطن و ظهر تكتب فيها الي تبيه و تدش فيها الامتحان، طبعًا الدكتور ما يخليك تسوي جذي إلا لأنه بيحط امتحان من المريخ.

الحين انا بثنعش وجايب كورس اول 62 وكورس ثاني لو اشد حيلي جبت 70 تنصحوني اعيد سنه ولا

يبي رايكم و نصيحتكم الي عنده وجهة نظر و يقدر يفيده بشي لا يقصر. 🤝🏻

عن نفسي إذا الواحد كان له خلق و عنده طيلة بال و يقدر يصبر هالمُدة يعيد بدون ما يتردد و اييب نسبة اعلى علشان يدخل مكان سنع، عنده عطلة الصيف يمديه يخلص كمية ثاني عشر كلها خاصًة إنه في مصادر وايد للدراسة.

و هم اعرف ناس ما شاء الله عادوا السنة و كانوا بنفس دفعتي و يابوا نسب عالية و ربي وفقهم و أمورهم طيبة فـ الموضوع حيل يرجع للشخص نفسه.

هالملفات سويتهم لما كنت بـ ١٢ و لازم احللهم عدل، فـ حق الي للحين بـ ١٢ راجعوا منهم خاصًة آخر ملفين حلوين. 👀✨️

المُهم باجر بيكون اخر يوم حق امتحاناتي الفاينل و أخيرًا بخلص هالكورس على خير، ما بغى يخلص. 🔥

بس المشكلة باجر عندي فاينلين مو فاينل واحد. 💀💔

بس تصدقون احس يمكن نص الدكاترة ما يجيكون و يدققون على البروجكتات وايد كله قاعد اييب فيهم ١٠٠ و محد كاتب عليهم ملاحظات، طبعًا اكيد الحمدلله دامها درجات اب بلاش ما نقول لأ. 🏃🏻‍♂️🤝🏻

احلى شي لما درجة المادة تنزل بعد امتحان الفاينل بجم ساعة، متخيلين المفروض اييب ١٠٠% بس حرام نقصت من سؤال واحد بالفاينل، يلا عادي الحمدلله بالحالتين درجة حلوة. 💫

الحين الواحد صج يقدر يرتاح بعد ما خلص هالكورس. 💆🏻‍♂️❤️‍🔥

هم ناطر متى تنزل درجات المواد الثانية في بعضهم شوي طولوا، العادة بسرعة يخلصون.

وايد يغلطون هالغلطة بدون ما يدرون و يمكن يستهينون فيها.