نخلي الاستعباط على جنب شوي. 😂
جد جد بقول لكم كلام مهم بخصوص النسبة و الدراسة و العِلم بشكل عام و شوية نصايح بحكم اني شوي متنرفز من النسبة. (:

اتمنى نسبتكم تعجبكم و تدخلكم التخصص الي تبونه، و ما تخرب لكم الخطط الي كانت براسكم. اذا يبت نسبة حلوة وانت راضي عنها، فـ هذا كله من فضل الله ثم تَعبك انت و سهرك على نفسك، استغل عِلمك و نجاحك للشي الصح و خل عندك هدف سامي و عالي تغيّر فيه من وطنك و حضارتك و تكوِّن فيه جيل قوي، و دايمًا استغل الإمكانيات الي عندك إياها بالخير و خلها لوجه الله.
حق الناس الي ممكن تكون زعلانة على نسبتهم رغم تعبهم تذكروا انه النسبة ما تحدد مقداركم و انتم منو، فـ اتمنى محد يقلل من قيمته و يشوف نفسه كـ فاشل او مستواه طايح علشان نسبة بس + حتى المقارنات الي تصير بين الأهل و غيره من الكلام، هذي الأمور ما تحدد مستواكم و حاولوا تفهْمّون أهاليكم انتم فعلًا منو و شنو الإمكانيات الي عندكم، بالنهاية معتقداتك و أفكارك و مبادئك و أخلاقك و أعمالك اهي الي تحدد شخصيتك و انت منو و شنو مقدارك عند الله.
كثر ما تقدر كُن إنسان واقعي اترك عنك كلام التحفيز و الإيجابية الي بيدخلك بالطوف، حاول تتعايش مع الواقع و حط لك خطة تمَشّي فيها أمورك في حال نسبتك ما تساعدك بالتخصص، شغلة ثانية يمكن بعضكم يذكرها إلي اهي إنه النسبة مهمة للوظيفة إلي هي رزقته او الطريقة الي تييب فيها فلوس، تذكر إنه النسبة ما تقدر تغير من الأرزاق، بالحالتين رزقك ما راح ينقص علشان شهادة او غيره، أهم شي انك سويت الي عليك، و كل التعب الي انت تعبته كان لطلب العلم و لوجه الله و علشان ترفع و تمحي الجهل عن نفسك و عن العالم و تحاول تغيره للأفضل، مو علشان تلفت فيه الأنظار او تتعالى فيه او علشان توصل لـ منصب معيّن و يصفقون لك.

بحط لكم حديث قاله الرسول عليه الصلاة و السلام عن العِلم حيل غيّر من نظرتي على الدراسة و العِلم بشكل عام و ما خلاني اشوفها من منظور بس ابي نسبة عالية و اتحدى فيها غيري.

" لا تعلَّموا العِلمَ لتباهوا بِهِ العلماءَ ، ولا تُماروا بِهِ السُّفَهاءَ ولا تخيَّروا بِهِ المجالسَ فمَن فعلَ ذلِكَ فالنَّارُ النَّارُ "

و بس والله Peace و ان شاء الله توصل لكم الفكرة.
بالتوفيق ♡.

مسا مسا على الناس الكويسة. 🦦

شلونكم عساكم بخير. ؟
توني اتذكر إنه قناتي هذي للحين موجودة. 🚶🏻‍♂️

المهم ما عندي سالفة بس جذي حبيت اسأل عنكم و اشوف شالأخبار و نتطمن. 🏃🏻

+ راح ارتب الرسالة المثبتة علشان اخليها حق الكورسين الأول و الثاني.

اخخخ بس تذكرت ايام طابور الصباح لما استاذ البدنية يوقف فوق راسك و يخليك تسوي تمارين.

يا اخوان حديييي متحمس حق حلقة اسبوع الياي. 🏃🏻

من بداية السنة و انا ناطر تحول لوفي.

لا تقولي اوبنهايمر ولا بطيخ.

في احد راح فلم باربي. ؟

شدعوه محد راح له. 😂

معلش ما نزل عندنا اصلًا. 🥲

المهم باربي على جنب.

سويت لي قناة احط فيها المسلسلات الي قاعد اشوفها. 🦦