بيطلع بالتلفزيون بس نطروا عليهم.

اسمع اسمع.

فوضى فوضى. 😂😂

عندي اختبار رياضيات و اخر درسين مو دارسهم، بس هل هذا الشي راح يمنعني اني اييب كامل. ؟ طبعًا لأ.

ابشركم يبت كامل بالاختبار كان حيل سهل. 🤝

لحقوا عليهم مسوين عروضات بعد. 😂

الأهم من هذا.

ㅤ

مبارك عليكم الشهر اخواني و خواتي ♡.
تقبل الله منا و منكم صالح الأعمال، اسأل الله أن يبارك لكم و يغفر لكم في هذا الشهر، بـ مناسبة هذا الشهر الفضيل حاولوا تستغلونه بالطاعات و العبادة و التسبيح و ذكر الله بـ كل وقت لحد ما تصير عادة عندكم 🤍.

باخذ دقايق من وقتكم و انصحكم بـ عدة اشياء تسوونها بـ رمضان و ان شاء الله تستمرون فيها بعد رمضان علشان تغيرون فيها من حياتكم و من ذاتكم.

شهر رمضان من افضل الشهور الي ممكن تفتح فيها صفحة يديدة من حياتك و تغيرها بـ شكل جذري و تصير انسان يديد، انسان ما يتبع الشهوات و الناس، انسان مستقل في رأيه و توجهاته في الدنيا، انسان مدرك للواقع، انسان ناجح. النصايح الي راح اكتبها ما يهم ترتيبها كثر ما يهم انك تلتزم فيها و تفهم ليش انت قاعد تسويها و شنو المغزى منها.

- النصيحة ١ : اترك التليفون ، كثر ما تقدر اترك تليفونك ولا تدخل برامج الـ Social Media الا حق الضرورة. مافي شي راح يضيعك بالدنيا غير البرامج هذي لأنها تاكل وايد وقت و فيها خوارزميات تبي تغير من طريقة تفكريك و تخليك انسان كسول بدون هدف مفيد، من الحين حاول انك تستخدم التليفون اقل و خلها عادة عندك مو بس بـ رمضان.

- النصيحة ٢ : اترك العادات السيئة ، هذي فرصتك انك تترك كل عادة سيئة، مثل إدمان الالعاب، الأكل الغير صحي أو أكل المطاعم، النوم القليل الي يكون ٤ ساعات و جذي، التفكير السلبي و التمسك بـ اخطائك القديمة، الكلام البذيء الي ممكن يطلع منك بدون قصد، و بعض العادات السيئة الي كلنا عارفينها.

- النصيحة ٣ : اكسب عادات زينة او جيدة راح تطور من نفسك و تفكيرك بالمستقبل، عادات زينة مثل القراءة، او تكتسب هواية يديدة راح تحبها او تطور من نفسك بالهواية الي تحبها، تقرا اذكارك قبل النوم و بعد ما تقوم من النوم، التمارين أو الرياضة سواء كانت رفع اثقال او Calisthenics هذي حيل مهمة و لازم تسويها، تخيل تقابل ربك بالآخرة و انت منظر جسمك تبن.؟ ، اشرب ماي وايد، خلك انسان واقعي و منطقي لا تمشي ورا مشاعرك و احاسيسك و كلام غيرك، السكريات و الدهون قلل منها، حاول تتصدق وايد في كل وقت، خلك إنسان صبور، لا تعصب على اشياء تافهة، ثق بـ ربك لا تخسر ثقتك فيه و تستسلم، احمد ربك على كل النعم و فكر بالنعم الي عطاك اياها ربك، اقرا قرآن و حاول تختمه بـ كل وقت مو بس بـ رمضان.

- النصيحة ٤ : تعلم عن قناعة ، دايمًا لما تتعلم بالمدرسة او برا بالمدرسة خل الموضوع يكون عن قناعة و لأنك مقتنع بأن الشي هذا راح يفيدك و راح يغير من طريقة حياتك و طريقة فهمك للحياة و الاشياء الي حولك، اغلبنا ندرس علشان نسبة او شهادة و هذي اكبر غلطة ما راح تخليك تتطور بالمستقبل و تقلل من قيمة أهدافك.

- النصيحة ٥ : الأكل الصحي ، هذا الشي ممكن يكون صعب على وايد ناس بس لو قدرت تطبقه راح يفيدك بـ شكل كبير، الصيام مفيد حق جسمك و يجدد جسمك و يقويه بـ شكل مو طبيعي بس شالفايدة من كل هذا اذا بعد المغرب راح تاكل كل شي جدامك و ما تخلي صحن حلا او ككاو الا و كليته. ؟ 😂

- النصيحة ٦ : الكسل ، حاول تقضي و تقتل على الكسل بـ شكل نهائي و خلك انسان نشيط لا تأجل ايّ شي عندك لين اليوم الثاني، ضبط يومك و رتب اهدافك اليومية و الاشياء الضرورية الي لازم تسويها بـ يومك، العادة هذي اذا قدرت تكتسبها راح تغيرك جذريًا.

- النصيحة ٧ : لوم نفسك لا تلوم غيرك او مجتمعك ، ايّ غلطة تصير بـ حياتك انت سببها و انت الي لازم تحلها، كل مشكلة تصير لك اعرف انك انت السبب فيها او على الأقل لك دخل بالموضوع و المشكلة، حاول تحلل و تعرف شنو غلطتك، و وين انت غلطت، و شلون الغلطة اصلًا بدت. انت مفتاح الحل حق كل مشكلة تصير لك.

النصيحة ٨ : اقعد مع اهلك ، هذي من الاشياء الي ضروري كلنا نسويها، حاول تقعد مع اهلك و سولف معاهم و قوّي علاقتك وياهم حتى لو كانت السوالف بيض، من بعد الله ما عندك احد الا اهلك، هم السبب في وجودك و جزء من سبب نجاحك بالدنيا و الآخرة، كلمهم عن يومك و كلمهم عن الاشياء الي انت تفكر فيها و تحس فيها و وجهات نظرك و ناقشهم و اكتسب الحكمة منهم و تعلم منهم حتى لو كانت امور بسيطة. بـ نفس الوقت خل تكون عندك استقلالية في الرأي و وجهة للنظر.

- النصيحة ٩ : لا تتشكى ، حتى وإن زادت همومك و مشاكلك لا تتشكى، الشكوى لغير الله مذلة، اذا تشكيت لغيرك كل كلامك راح يضيع بالهواء و الناس راح تواسيك مؤقتًا و تنسى مشكلتك او الأسوء من هذا ممكن ياخذونها ممسك عليك. كلنا نمر بـ صعوبات و ضغوطات لكن افضلنا و اقوانا اهو الي يقدر يتعامل معاها بـ نفسه بدون ما يتذمر منها.

اختصارًا لكلامي و التسع نصايح الي كتبتها فوق : قلل من استخدامك للتليفون ، اترك العادات السيئة ، اكتسب عادات زينة ، تعلم عن قناعة ، الأكل الصحي ، اقتل الكسل ، لوم نفسك لا تلوم غيرك ، اقعد مع اهلك ، لا تتشكى.

فعليًا اتمنى احد يطبق الكلام هذا و يستفيد من الي كتبته او على الاقل ياخذ فكرة عن انه شلون ممكن يطور من نفسه و ذاته، خاصًة لأنه كلام طالع من قلب و لأني ابي اشوف احد يتفوق عليّ و يكوِّن شخصية افضل مني، تمنياتي لكم بالتوفيق اخواني و خواتي في حياتكم و جميع أموركم ♡.
- خ .

اقدر اقول " تم تعبئة الكرش بنجاح ".

الي للحين ما قرا هالكلام ضروري تقراه اذا تبي تغير من نفسك للأفضل و تكون صاحب هدف، ابيكم كلكم اذا كبرتوا تكونون ناس مؤثرين على العالم و ناجحين بـ شتى المجالات ♡.

مساء الخير يا أصدقاء

أعتذر منكم لضيق وقتي ما وفِقت لكتابة موضوع رمضان ٢٣ ، بس شوفو هالملفين جداً ساعدوني بنتظيم جدولي الرمضاني واعتمدت عليهم

نصيحه من القلب : لا تعدون أيام رمضان بدون جدول وخطه تمشون عليها ، شُهر عظيم و الوقت فيه مُبارك لا تخسرون أجره و تحرمون روحكم من طمأنينه هالشهر ✨

ابدوا لو شي بسيط واستمروا عليه
• اكتساب عاده جديدة
•ترك طبع سيئ
•التزام بعباده
•ابتعاد عن مضيعات الوقت
•تقرب من الله
•الاجتهاد أكثر بالدراسه
•أكل صحي أكثر
• الدعاء بشكل أكبر

وغيرها أمور لو نظرتوا بداخلكم فيها لوجدتكم الكثير ، كل يوم ضيفوا شي وكملو علييه لين نهايه الرمضان بتصبح أفضل نسخه من نفسك وأقوى شخصيه وأنجح ، رمضان من أفضل الشهور اللي تساعدك تبدي صفحه جديده بحياتك وتغيرها ، جدد نواياك و ابدا فيها بـ طاقه جدية وجذرية

عسى ربي يوفقني و إياكم ويجعل بداية رمضان خير لنا ونهايتها تحقيق أمنيات ودعوات🤍

كلام كليم و سليم ١٠٠%. 👏🏼

+ more

https://t.me/RedStudyFiles/2589

يااااااااكلامهم يعطي دافع ✨

حرفيًا هذا وضعي كل يوم مع المدرسة. 😂