My Own Personal Rating ❤️‍🔥

2023-yildagi Tanishuv Postimni o’zim baholaydigan bo’lsam:

Personality – 8/10. Kanal egasi kim ekanligini asosan natijalarim va sertifikatlarim aytib turibdi. Lekin o’zim haqimda 1-2 qiziqarli/unique ma’lumot qo’shib ketishim mumkin edi.

Speciality – 10/10. Kanal qanday yo’nalishda yuritilishi aniq ko’rsatilgan. Ingliz tili, ayniqsa Multi-Levelga mo’ljallangani.

Trust – 10/10. Natijalarim men blogimda ulashib boradigan ma’lumotlar va darslarga bemalol ishonib, amal qilsa bo’lishini isbotlab turibdi.

Attractiveness – 10/10. Post haddan tashqari kaaatta emas. O’quvchini o’zidan bezitib qo’ymaydi. Sertifikatlar o’quvchi e’tiborini o’ziga tortib oladi.

Visual appeal – 10/10. Postda paragraflardan unumli foydalanilgan. Shrift turlari yaxshi tanlangan (4+ ta shrift ishlatilgan: simple text, bold, italic, underline). Emojilar ham me’yorida qo’llanilgan. Simple, professional yozilgan va o’qishga oson.

CTA – 0/10. Tanishuv postini o’qib chiqqan obunachi harakatga chaqirilmagan. Reaksiya bosish yoki komment yozish – masalan, o’zini tanishitirish – so’ralmagan :(

Overall: 8/10. 2023-yilda endi kanal ochib yuritishni boshlagan paytlarimda shunaqa kamchiliklarim bo’lgan ekan ✌️

✈️ Join: @RecordBlogging

Just Document 📄

Blogging sferasida “Just Document” degan termin bor. Tarjimasini o’zingiz bilsangiz kerak — “Shunchaki Yozib Qo’y” (yoki shunchaki hujjatlashtirib / ro’yxatlashtirib qo’y).

Siz kun davomida bajaryotgan ishlaringizni blogingizga “shunchaki yozib qo’yish” orqali ham blogingizni tartibli, chiroyli va foydali yurita olasiz. Ya’ni, blogingiz — kichik bir shaxsiy kundaligingizga aylanadi. Ko’pchilik bloggerlar kanalini shunday yuritadi aslida.

Qilishingiz kerak bo’lgan yagona ish — kun davomida shug’ullanyotgan mashg’ulotlaringiz va amallaringizni shundoqqina bir rasmga yoki videoga olib, ostiga kichik bir izoh yozib kanalga yuborish. Uzundan-uzun izoh yozish shart emas.

Muhimi, kontent formatini ko’paytiring: rasm + text, video + text, shunchaki text, 1 daqiqalik dumaloqcha kombinatsiyalarini balansda saqlang. Shunda kuzatuvchilaringiz ham zerikib qolmaydi.

Masalan, biror CEFR Reading bajardizmi, ichidan o’rganib olgan TOP 10 ta yangi so’zlarni oddiy bir text formatda joylang. Ingliz tilida biror serial yoki multik ko’rdizmi, eng qiziq joyini 1 daqiqalik dumaloqcha video qilib joylang. Biror kitob o’qib tugatdizmi, uni rasmga olib, kichik bir izoh yozing kitob haqida. Uni reyting qilib baholang, kimlar uchun ideal ekanligi, nima mavzular yoritilgani haqida yozing. Muhimi — yozing!

Kuniga 100 ta post qo’yib yubormang. Lekin 0 ta ham bo’lmasin. 5-8 ta post bir kun uchun ideal!

👣 Bular hali kanalini qanday yuritishni bilmay, ikkilanib turganlar uchun instruksiyalar. Agar sizda aniq bir yo’nalish va imkon bo’lsa, albatta o’z yo’nalishingiz bo’yicha ekspert kontentlar (video darslar, educational postlar) ham qilib borishingizni maslahat beraman. Aks holda, just document! 🖋

✈️ Join: @RecordBlogging

Obunachilar sonini oshirish | 2-usul:
Linkli konkurs 🔗

Bu usul shaxsiy blogida o’rtacha 300-5,000 ta obunachiga ega bo’lgan bloggerlar uchun to’g’ri keladi. Minimal summa bilan, obunachi sonini 0.5x ga ko’paytirib olishlari mumkin bo’ladi.

Nima qilish kerak? 👇

1️⃣ Obunachilar orasida sovg’ali tanlov (konkurs) tashkillaysiz. 5 ta o’rin uchun sovrinlar qo’yasiz (masalan, kitoblar yoki Telegram Premium bo’lishi mumkin). Qimmat narsa bo’lishi shart emas, shunchaki kuzatuvchilaringiz qiziqadigan, siz ularga kerakli deb hisoblaydigan, “ular o’sha sovg’ani olish uchun 5-10 do’stini kanalimga taklif qilishdan qochmasa kerak” deb o’ylagan sovg’alar yutuqqa qo’yilsa bo’lgani. Sovg’alar qanchalik mehr, did va farosat bilan tanlansa, konkurs shunchalik muvaffaqiyatli o’tadi.

2️⃣ Sovg’alarni tanlab bo’lib, auditoriyangizga konkursni e’lon qilasiz 2-3 kun davomida yaxshilab. Sovg’aga nimalar qo’yilganini aytasiz. Tanlov necha kun davom etishini, qoidalarini tushuntirasiz. Konkurs davomiyligi o’rtacha 3-5 kundan ko’p cho’zilmagani ma’qul.

3️⃣ Tanlovga start berasiz. Qiziqish bildirgan obunachilaringiz sizga lichkangizga yozishadi. Siz tepadagi rasmda ko’rsatilgan tartibda har bir qatnashuvchi uchun maxsus link yaratib, har bir qatnashuvchiga berasiz. Ular o’zining shaxsiy berilgan linki orqali do’stlarini kanalingizga taklif qiladi. Siz qaysi qatnashuvchi nechta do’stini blogingizga taklif qilib qo’shganini ko’rib tura olasiz.

4️⃣ Tanlov oxirida eng ko’p do’stini taklif qilgan 1-, 2-, 3-, 4-, va 5-o’rinni egallagan obunachilaringizga va’da qilingan sovg’alarni topshirasiz. Va shuning bilan konkurs yakunlanadi. Obunachilaringiz soni sezilarli darajada o’sgan bo’ladi.

❗️ “Link konkurs” uyushtiryotganda 1 ta admin akkauntdan maksimum 50 ta yangi link yaratib, qatnashuvchilarga bera olasiz. 50 dan keyingi linklar va u link egalari nechta do’stini taklif qilgani sizga ko’rinmay qoladi.

Bu usul o’ta katta blog egalari (5K+) uchun tavsiya qilinmaydi. Chunki ko’p vaqt ketadi bittalab qatnashuvchilar savollariga javob berib chiqishga, ularni linkidan nechta odam qo’shilganini tekshirib, ularga axborot berib turishga.

✈️ Join: @RecordBlogging

Obunachilar sonini oshirish | 4-usul:
Telegram Premium Gift ⭐️

Yaxshi usul. Obunachilar xursand bo’ladi. Kanal egasiga ham foydasi bor — obunachiga hadya qilingan har bir Telegram Premium kanalga 4 ta boost beradi. Kanalniyam premium qilishga yordam beradi.

Bu usuldan qanday foydalanish kerak?

1️⃣ 2-3 nafar sheriklar toping. Ular xuddi sizdek yo’nalishda blog yurityotgan, auditoriyasi sizni target auditoriyezga mos tushishi kerak. Obunachilari soni ham siznikidan o’ta kam bo’lmasligi kerak. Siznikidan ko’p bo’lsa yaxshi, chunki o’sha kanallar orasida obunachi almashtirasiz. Ularni obunachisi sizni kanalizga o’tadi, sizniki ularnikiga.

2️⃣ Xarajatlarini sheriklar o’rtasida taqsimlab, birortangizni kanalingizdan 3-10 ta 3 oylik Telegram Premium Giveaway tashkillaysiz, xuddi yuqoridagi rasmda ko’rsatilganidek. To’lovlarini amalga oshirishingiz bilanoq, Telegram platformasining o’zi giveaway boshlanganini sizni kanalingizda e’lon qiladi avtomatik tarzda.

3️⃣ Sheriklaringiz giveaway e’lonini o’z bloglariga “forward” qilib yuborishadi. Va qarabsizki, giveaway ga kiritilgan kanallar orasida obunachi alishishni boshlaydi. Sheriklaringiz kanallaridagi kuzatuvchilar sizni blogizga o’tadi, siznikidagi ularni bloglariga qo’shiladi.

4️⃣ Giveaway da belgilangan sana yakunlangach, Telegram platformasining o’zi giveaway g’oliblarini random aniqlaydi va 3 oylik Telegram Premium topshiradi. Har bir topshirilgan premium uchun giveaway ga start bergan kanalga 4 tadan boost yoziladi.

Agar mabodo giveaway muvaffaqiyatli o’tmayotgandek tuyulsa, sheriklar bilan yana biroz pul tashlashib, xuddi o’sha platforma shakllantirib bergan giveaway e’lonini biror kattaroq kanalda reklama qildirsangiz bo’ladi.

✈️ Join: @RecordBlogging