Havaskor kanallardan ajralib turish uchun, blogning avatar rasmi quyidagi xususiyatlarga ega bo’lishi kerak:

1️⃣ Original. Blogning rasmi haqiqiy, o’zingizning rasmingiz bo’lishini maslahat beraman, ayniqsa yigitlarga. Boshlanishiga, o’z gallareyangizdan biror tiniq tushgan suratingizni kanal avatariga qo’ysangiz bo’ladi. Lekin blogingiz rivojlanib, obunachilar soni va daromadingiz o’sgani sari, professional fotostudiada professional kamerada kanal avatari uchun alohida suratga tushishingiz mumkin. Ko’pchilik katta bloggerlar shunday maxsus tushgan suratini qo’yadi kanal avatariga. Yuzingiz katta va tiniq ko’ringani, orqa fonda detallar iloji boricha kamroq bo’lgani ma’qul. Xira, sifati yomon rasmlar qo’ymang.

2️⃣ Agar ayol kishi bo’lsangiz va yuzingiz va tanangizni ijtimoiy tarmoqlarda ochiqlashni afzal ko’rmasangiz, zarari yo’q. Bu narsa sizni kelajakda obunachilaringiz bilan aloqalaringizga yoki daromadingizga aytarlik ta’sir o’tkazmaydi. Asosiysi, yuzingizni ochiqlamasangiz ham, blogingizda samimiylikni yo’qotmang va shaxsiy lifestyle kontentlar ham qilib, auditoriyangiz bilan emotsional bog’liqlik o’rnatib oling. Ular sizni yuzingizni ko’rmasa ham, shaxsiyatingizni, xarakteringizni, kimligingizni bilsin, his qilib tursin, hurmat qilsin. Kanal avatariga kelsak, o’zingiz tushgan biror rasmni yuz qismingizga to’liq yoki yarim berkitib (bijir-bijir orqali yoki biror emojilar orqali), shunday rasm qo’yishingizni maslahat beraman. Lekin tepadagi ikkinchi rasmdagidek avatarlardan foydalanmang! Birovning yoki pinterestdan olingan rasmlarini ishlatmang.

Xulosa: Blogingizda yuzingizni ochiqlamasligingiz aytarlik ahamiyatga ega emas. Muhimi — shaxsiyatingizni ochiqlang, kuzatuvchilaringizni sizni mavjudligingizni his qilib tursin va sizga ishonsin.

✈️ Join: @RecordBlogging

Kanal Biosi

Shaxsiy blogingiz biosini risoladagidek qilib qo’yish — kanal upakovkasi jarayonidagi eng oxirgi qadam.

Kanalning bio qismiga o’zi atigi 250 dona “character” (belgi, harflar) yozish mumkin xolos. Maksimal chegarasi shu. 250 dan ortiq harfli narsa sig’maydi, yozib bo’lmaydi uyog’iga. Demak, shu 250 talik joydan unumli foydalanish kerak.

Havaskor kanallardan ajralib turish uchun, blogning biosi 5 qator bo’lib, quyidagi xususiyatlarga ega bo’lishi kerak:

1️⃣ 1-qator: Shior yoki unikal ta’rif
Uni o’qigan odam siz haqingizda tasavvurga ega bo’lishi yoki maqsadingiz/missiyangizni bilib olishi kerak. Masalan: “Foydali ilmga tikilgan sarmoya, ikki dunyoda ham foyda beradi!”

2️⃣ 2-qator: Yo’nalishingiz

3️⃣ 3-qator: Tajribangiz

4️⃣ 4-qator: Eng asosiy/katta natija, yutug’ingiz

5️⃣ 5-qator: Aloqa uchun akkaunt yoki bot manzili

👣 Bu “5 qator” shunchaki bir formula. Hammada ham bio aynan shunday bo’lishi majburiy emas. Lekin shunday bo’lsa, ancha tartibli va professional ko’rinadi kanal eng boshidanoq. Asosiysi, haddan tashqari ko’p emojilar ishlatmang. Qatorlar orasida joy tashlang. “•” yoki “—” belgilaridan foydalaning.

Yakuniy qoida o’sha: Professionallik — bu soddalik!

✈️ Join: @RecordBlogging

My Own Personal Rating ❤️‍🔥

2023-yildagi Tanishuv Postimni o’zim baholaydigan bo’lsam:

Personality – 8/10. Kanal egasi kim ekanligini asosan natijalarim va sertifikatlarim aytib turibdi. Lekin o’zim haqimda 1-2 qiziqarli/unique ma’lumot qo’shib ketishim mumkin edi.

Speciality – 10/10. Kanal qanday yo’nalishda yuritilishi aniq ko’rsatilgan. Ingliz tili, ayniqsa Multi-Levelga mo’ljallangani.

Trust – 10/10. Natijalarim men blogimda ulashib boradigan ma’lumotlar va darslarga bemalol ishonib, amal qilsa bo’lishini isbotlab turibdi.

Attractiveness – 10/10. Post haddan tashqari kaaatta emas. O’quvchini o’zidan bezitib qo’ymaydi. Sertifikatlar o’quvchi e’tiborini o’ziga tortib oladi.

Visual appeal – 10/10. Postda paragraflardan unumli foydalanilgan. Shrift turlari yaxshi tanlangan (4+ ta shrift ishlatilgan: simple text, bold, italic, underline). Emojilar ham me’yorida qo’llanilgan. Simple, professional yozilgan va o’qishga oson.

CTA – 0/10. Tanishuv postini o’qib chiqqan obunachi harakatga chaqirilmagan. Reaksiya bosish yoki komment yozish – masalan, o’zini tanishitirish – so’ralmagan :(

Overall: 8/10. 2023-yilda endi kanal ochib yuritishni boshlagan paytlarimda shunaqa kamchiliklarim bo’lgan ekan ✌️

✈️ Join: @RecordBlogging

Just Document 📄

Blogging sferasida “Just Document” degan termin bor. Tarjimasini o’zingiz bilsangiz kerak — “Shunchaki Yozib Qo’y” (yoki shunchaki hujjatlashtirib / ro’yxatlashtirib qo’y).

Siz kun davomida bajaryotgan ishlaringizni blogingizga “shunchaki yozib qo’yish” orqali ham blogingizni tartibli, chiroyli va foydali yurita olasiz. Ya’ni, blogingiz — kichik bir shaxsiy kundaligingizga aylanadi. Ko’pchilik bloggerlar kanalini shunday yuritadi aslida.

Qilishingiz kerak bo’lgan yagona ish — kun davomida shug’ullanyotgan mashg’ulotlaringiz va amallaringizni shundoqqina bir rasmga yoki videoga olib, ostiga kichik bir izoh yozib kanalga yuborish. Uzundan-uzun izoh yozish shart emas.

Muhimi, kontent formatini ko’paytiring: rasm + text, video + text, shunchaki text, 1 daqiqalik dumaloqcha kombinatsiyalarini balansda saqlang. Shunda kuzatuvchilaringiz ham zerikib qolmaydi.

Masalan, biror CEFR Reading bajardizmi, ichidan o’rganib olgan TOP 10 ta yangi so’zlarni oddiy bir text formatda joylang. Ingliz tilida biror serial yoki multik ko’rdizmi, eng qiziq joyini 1 daqiqalik dumaloqcha video qilib joylang. Biror kitob o’qib tugatdizmi, uni rasmga olib, kichik bir izoh yozing kitob haqida. Uni reyting qilib baholang, kimlar uchun ideal ekanligi, nima mavzular yoritilgani haqida yozing. Muhimi — yozing!

Kuniga 100 ta post qo’yib yubormang. Lekin 0 ta ham bo’lmasin. 5-8 ta post bir kun uchun ideal!

👣 Bular hali kanalini qanday yuritishni bilmay, ikkilanib turganlar uchun instruksiyalar. Agar sizda aniq bir yo’nalish va imkon bo’lsa, albatta o’z yo’nalishingiz bo’yicha ekspert kontentlar (video darslar, educational postlar) ham qilib borishingizni maslahat beraman. Aks holda, just document! 🖋

✈️ Join: @RecordBlogging