1️⃣ Ism (+ familiya). Blog nomi u blogni kimga tegishli ekanligini, uni kim yuritishini bildirib turishi kerak. Yigitlar ism-familyalari bilan nomlashlarini, ayollar esa ismlarini o’zi bilan nomlaganlari to’g’riroq (turmushga chiqqanda familiya o’zgarishi ehtimolini hisobga olish zarur).

2️⃣ Yo’nalish (yoki Pozitsiya / Tajriba). Blogni asosan qaysi yo’nalishda yuritishingizni ham blog nomiga qo’shish kerak (masalan: «Abror Rahmatullayev | Blogging»). Ya’ni, mutaxassisligingiz nima? Agar hali aniq bir yo’nalish tanlamagan bo’lsangiz, hozircha shunchaki ismingiz bilan yoki mana bunday tartibda nomlash mumkin: «Abror Rahmatullayev | Blog»

3️⃣ Anonim bo’lmaslik. Anonim kanal yuritishni shaxsan men tavsiya bermayman. Chunki hozirgi paytda Telegram platformasida kanallar ko’p. Auditoriyangiz kelajakda sizni aytgan so’zingizga amal qilishi yoki sizdan biror narsa sotib olishi uchun, u sizni va shaxsiyatingizni yaqindan tanishi muhim!

4️⃣ Oddiy shrift. Kanal nomida turli-tuman shriftlardan (italic, bold, ...) foydalanish ham o’ta murakkab ko’rinadi. Shunchaki simple, yet sophisticated bo’lishi uchun, oddiy shriftdan foydalaning. Ko’zga eng qulay va bejirim ko’rinadigan shrift shu.

5️⃣ Emojilar ishlatmaslik. Kanal nomida ortiqcha emoji va stickerlar ham tavsiya qilinmaydi. Professionallik — bu soddalik.

1️⃣ Ism (+ familiya) bilan tanlangan bo’lgani ma’qul. Yokida aynan sizning shaxsingizni bildirib turuvchi o’ziga xos username bo’lishi mumkin. Masalan, men ko’pchilik kanallarimni @MultiLevelRecord brendi ostida birlashtirganman va bu meni unikal belgim. Aslida kanal linkida yo’nalish yoki tajriba aks etishi shart emas. Asosiysi, u shaxsni bildirib turishi kerak.

2️⃣ 2 narsa kanal “username” ida bo’lmagani ma’qul: raqamlar va haddan tashqari ko’p tire belgisi “_”. Bular professional ko’rinmaydi.

3️⃣ Qisqa, lo’nda, e’tiborni tortuvchi. Kanalingiz “username” i iloji boricha shunday bo’lsa yaxshi. U linkni har bir postingiz pastiga qo’yasiz. Obunachilaringiz foydali postlaringizni do’stlariga share qilishganida, post ostidagi link orqali yangi obunachilar qo’shilaveradi. Undan tashqari, umumiy “search” qilganda ham oson chiqib keluvchi username bo’lsa yaxshi. Obunachilar soni biroz tezroq ko’tarilishiga yordam beradi. Shunchaki, o’zingizni kuzatuvchi o’rniga qo’yib ko’ring va sizga shu kanal kerak bo’lganda, nima deb qidiruvga bergan bo’lardingiz, shuni tasavvur qilib ko’ring.

4️⃣ Yopiq “private” kanal. Agar kanalingiz yopiq turdagi kanal bo’lsa, ochiq linkingizni bron qilib qo’yish uchun qo’shimcha ommaviy “public” channel ochib qo’yishingizni ham tavsiya beraman. U xuddiki bir portal vazifasini o’tab beradi. Muxriddin IELTS va Marvaridlar odatda shunday qilishadi.

1️⃣ Original. Blogning rasmi haqiqiy, o’zingizning rasmingiz bo’lishini maslahat beraman, ayniqsa yigitlarga. Boshlanishiga, o’z gallareyangizdan biror tiniq tushgan suratingizni kanal avatariga qo’ysangiz bo’ladi. Lekin blogingiz rivojlanib, obunachilar soni va daromadingiz o’sgani sari, professional fotostudiada professional kamerada kanal avatari uchun alohida suratga tushishingiz mumkin. Ko’pchilik katta bloggerlar shunday maxsus tushgan suratini qo’yadi kanal avatariga. Yuzingiz katta va tiniq ko’ringani, orqa fonda detallar iloji boricha kamroq bo’lgani ma’qul. Xira, sifati yomon rasmlar qo’ymang.

2️⃣ Agar ayol kishi bo’lsangiz va yuzingiz va tanangizni ijtimoiy tarmoqlarda ochiqlashni afzal ko’rmasangiz, zarari yo’q. Bu narsa sizni kelajakda obunachilaringiz bilan aloqalaringizga yoki daromadingizga aytarlik ta’sir o’tkazmaydi. Asosiysi, yuzingizni ochiqlamasangiz ham, blogingizda samimiylikni yo’qotmang va shaxsiy lifestyle kontentlar ham qilib, auditoriyangiz bilan emotsional bog’liqlik o’rnatib oling. Ular sizni yuzingizni ko’rmasa ham, shaxsiyatingizni, xarakteringizni, kimligingizni bilsin, his qilib tursin, hurmat qilsin. Kanal avatariga kelsak, o’zingiz tushgan biror rasmni yuz qismingizga to’liq yoki yarim berkitib (bijir-bijir orqali yoki biror emojilar orqali), shunday rasm qo’yishingizni maslahat beraman. Lekin tepadagi ikkinchi rasmdagidek avatarlardan foydalanmang! Birovning yoki pinterestdan olingan rasmlarini ishlatmang.

1️⃣ 1-qator: Shior yoki unikal ta’rif
Uni o’qigan odam siz haqingizda tasavvurga ega bo’lishi yoki maqsadingiz/missiyangizni bilib olishi kerak. Masalan: “Foydali ilmga tikilgan sarmoya, ikki dunyoda ham foyda beradi!”

2️⃣ 2-qator: Yo’nalishingiz

3️⃣ 3-qator: Tajribangiz

4️⃣ 4-qator: Eng asosiy/katta natija, yutug’ingiz

5️⃣ 5-qator: Aloqa uchun akkaunt yoki bot manzili

Personality – 8/10. Kanal egasi kim ekanligini asosan natijalarim va sertifikatlarim aytib turibdi. Lekin o’zim haqimda 1-2 qiziqarli/unique ma’lumot qo’shib ketishim mumkin edi.

Speciality – 10/10. Kanal qanday yo’nalishda yuritilishi aniq ko’rsatilgan. Ingliz tili, ayniqsa Multi-Levelga mo’ljallangani.

Trust – 10/10. Natijalarim men blogimda ulashib boradigan ma’lumotlar va darslarga bemalol ishonib, amal qilsa bo’lishini isbotlab turibdi.

Attractiveness – 10/10. Post haddan tashqari kaaatta emas. O’quvchini o’zidan bezitib qo’ymaydi. Sertifikatlar o’quvchi e’tiborini o’ziga tortib oladi.

Visual appeal – 10/10. Postda paragraflardan unumli foydalanilgan. Shrift turlari yaxshi tanlangan (4+ ta shrift ishlatilgan: simple text, bold, italic, underline). Emojilar ham me’yorida qo’llanilgan. Simple, professional yozilgan va o’qishga oson.

CTA – 0/10. Tanishuv postini o’qib chiqqan obunachi harakatga chaqirilmagan. Reaksiya bosish yoki komment yozish – masalan, o’zini tanishitirish – so’ralmagan :(