📓🌓 ቅምሻ 🌗📓

.........ኢትዮጵያ ውስጥ በየቢሮው ዛሬ ከምሳ በፊት ምን ሲሰራ ዋለ ብትይኝ፤ የምሰጥሽ መልስ ማናጀሮች የኮምፒውተር ጌም ሲጫወቱ፣ ፀሐፊዎች ተሰብስበው ተራ የመንደር ወሬ እያወሩ፣ የበላይ አለቃቸው ሊያሽኮረምማቸው መፈለጉን ሲተርኩ፣ ሌላው የቢሮ ሰራተኛ በቢሮ ስልክ ከወዳጅ ዘመዱ ጋር ረጅምና እርባና ቢስ ወሬ ሲያወራ፣ የቀረው እንደኔና እንደአንቺ ሲሟገት፣ ሌሎቹ በስብሰባ ሰበብ እሽግ ውሀ ሲጎነጩ... ወዘተ ነው። ስልክ እያወራ ወይም ቢሮውን ዘግቶ የእኔ አይነት የኮምፒውተር ጌም ሲጫወት የነበረ ማናጀር በጌሙ በጣም ከመመሰጡ የተነሳ ባለጉዳይ መምጣቱ በፀሐፊው በኩል ሲነገረው "ስብሰባ ላይ ነው" በያቸው ብሎ ሲመልስ ነው የምሳ ሰዓት የሚደርስለት። ከሰዓትም እንደዚያው። ወይኔ ቹ የኢትዮጵያን ቢሮክራሲ ተዟዙረሽ የማየት እድል ቢገጥምሽ ከመገረም አልፈሽ ጨርቅ ወደመጣል ታመሪያለሽ። እንዲያውም በአጭሩ ይችን አገር ያደቀቃት ሌላው ችግር ስብሰባ ነው። ስብሰባና ጭብጨባ የዚች አገር አንኳር ችግሮች ናቸው። ታምኛለሽ .... በየመንግስት መስሪያ ቤቱ ቢያንስ በሳምንት አራት ቀናት የሙሉ ቀን ስብሰባ አለ። ከስድስቱ ቀናት ወይም ከአምስት ቀን ተኩል ውስጥ አራት ቀናት በስብሰባ ያልቃል! ከስብሰባ ይልቅ ግምገማ ቢባል ይሻላል። በዚህ ምክንያት ብቻ በየዘርፉ ያሉ ባለጉዳዮች ለአንዲት ፊርማ ልክ እንደ ኢሚግሬሽን ሦስት ወር ይጉላላል! ለአንዲት ፊርማ! ለምን?.... ፈራሚው ስብሰባ ላይ ነዋ! በዚህም ላይ በእያንዳንዷ ስብሰባ ለተሰብሳቢው በመስሪያ ቤቱ በጀት እሽግ ውሀ ይቀርብለታል። ለ30 ደቂቃ ስብሰባም ቢሆን የ30ሺ ብር ውሀ ሊቀርብ ይችላል። ያውም ላይጠጡት ከፍተው ተጎንጭተው ትተውት ለሚወጡት ውሀ! ደንብ ነውና ይቅርብኝ የሚል የለም። ስለዚህ ሳይጠማቸው ይጠጡና አስተርፈውት ይወጣሉ። ከዚህ ቢሮ ወተሽ ጥቂት መቶ ኪሎሜትር ስትጓዥ አንዲት ዳቦ አጥተው በረሀብ የሚሞቱ ልጆች ታገኛለሽ። በስብሰባው ላይ ግን ስለ ረሀብ አይነሳም። እድገት ነው የሚተነተነው። ኢትዮጵያውያን ዜጎች ምንም አይነት ጉዳይ ይኑራቸው ያለወረፋ ሊፈፅሙት የሚችሉት አንዳችም ጉዳይ የለም። ቴሌ ወረፋ፣ ፍርድ ቤት ወረፋ፣ ሆስፒታል ወረፋ፣ መሬት አስተዳደር ወረፋ፣ መንገድ ትራንስፖርት ወረፋ፣ መዘጋጃ ቤት ወረፋ፣ ፖስታ ቤት ወረፋ፣ መብራት ሀይል ወረፋ፣ ውሀ ልማት ወረፋ በቃ ሁሉም ቦታ ወረፋ! ለምን?....ስብሰባ!....። ከዚያስ? ጭብጨባ!.... ከዚያስ? የባለጉዳይ መጨናነቅ። ከዚያስ? ወረፋ የሰለቻቸውን ሰዎች ለማበርከት መጣር። ከዚያስ? ባለጉዳዩን ለጉቦ ማመቻቸት። ከዚያስ? በጎን እያስጨረሱ መዝረፍ! ይህ ነው ትክክለኛው አሰራር።
ገፅ 178-179 እኔና ቹ

❣ እናመሠግናለን ❣
#share #participate #comment
@R_e_a_d_e_rs

📗📒📕📘📗📒📕👇
@Readers_To_Know
📚📚📚📚📚📚📚📚

ለመላው የእስልምና እምነት ተከታዮች እንኳን አደረሳችሁ!

🌿🌿🌿 🌿🌿🌿
🌿 🌿 🌿 🌿🌿
🌿🌿🌿 🌿🌿🌿
🌿 🌿
🌿 🌿🌿🌿🌿
🌿🌿 🌿 🌿
🕌 ሙባረክ 🕌

በዓሉ የሰላም የፍቅር ያድርግልን! መጪው ግዜ ከገባንበት ችግር ተላቀን ደማቅ ደማቅ በዓሎችን እንደድሮው ተሰባስበን የምናከብርበት ያድርግልን!
ሰላም ፍቅር ለሁላችሁ ተመኘሁ!

🕌🕌🕌🕌🕌🕌🕌🕌
@Readers_To_Know
🕋🕋🕋🕋🕋🕋🕋🕋

📓🌓 ቅምሻ 🌗📓

........" 'ዓለማችን ውስጥ ካሉ ሰባት ቢሊዮን ህዝቦች ውስጥ ሞትን የማያውቅ የለም። ስለ ሞት የማያውቅ ሰው የለም። ሞት መኖሩን ሁሉም ያውቃሉ። በትክክል ሞት መኖሩን የተረዱት ግን በጣም ጥቂቶች ናቸው ብዬ አምናለሁ። ሞት መኖሩን ማወቅ ብቻውን ማወቅ አይባልም። ሞት መኖሩን አውቃለሁ፤ ስለዚህ እንዴት መኖርና እንዴት መሞት ነው ያለብኝ? ብሎ ራሱን የጠየቀና ምላሹንም ያገኘ፣ ምላሹን አግኝቶም በተግባር ሞት ከመኖሩ ጋር በተገናዘበ መልኩ ህይወቱን የሚመራ ብቻ ነው ሞት ስለመኖሩ ያወቀ ሰው የሚባለው። ይህን የተረዳ ሰው ምንግዜም ለህሊናው ተገዢ ሆኖ ይኖራል። አለአግባብ ለመበልፀግ ሲል የሚሮጠውን ሩጫ ያቆማል፤ ለገዘፈ ሀብት ብሎ በግፍ የሰው ነፍስ ከማጥፋት ይቆጠባል። ሞትን ማስቀረት ከማይችል ከባዕድ አምልኮ ራሱን ያገላል። በዚህም ከመጥፎ ተግባር ይቆጠባል። አሟሟቱን አሳምሮ ኑሮውን በአግባቡ ይመራል። ወራሽ ሳይኖረው በዘጠና ዓመቱ ሲዘርፍ በኖረው ገንዘብ ረጅም ህንፃ መስራቱን ያቆማል። ሊሰራ የሚችለው በሀቅ ገንዘቡን ብቻ ይሆናል። ሞት መኖሩን የተረዳ ባለስልጣን በይው አገር መሪ ህዝቦቹን እያስራበ በውጪ አገር ባንኮች ቢሊዮን ዶላሮችን ማስቀመጡን ይተዋል። ስለዚህ በኔ ፍልስፍና የሰው ልጅ የመጨረሻው የጥበብ ጣሪያው ላይ ደረሰ የሚባለው ሞት መኖሩን ሲያውቅና ሲረዳ ነው ባይ ነኝ። ታውቂያለሽ እኔ በእያንዳንዷ የህይወት ጉዞዬ ላይም ሆነ እለት ተእለት የምፈፅመውን ማናቸውንም ተግባር ከመጨረሻዋ ህይወቴ ጋር አገናኛታለሁ። እኔ ለመሞት እያጣጣርኩ በህመም ይሁን በእድሜ ማብቃት ምክንያት አልጋ ላይ ተኝቼ ማሰብ የምፈልገው ያለፈ የህይወት ጉዞዬን ነው። ያንን አስቤ ምንም አይነት የሚፀፅት መጥፎ ስራ አለመስራቴን ከተረዳሁ በቃ! ፈገግ እንዳልኩ እሞታለሁ ማለት ነው። በዚያን ጊዜ ሞትን መፍራት አይታሰብም። ከሞት በኋላ ስላለው ነገር መጨነቅም አይኖርም። አየሽ ለህሊና ተገዢ መሆን የፈለኩትም ሆነ የሆንኩት ለጥቅሜ ስል ነው። ይህችን ጥቅም ማጣት አልፈልግም። ይህንን በመረዳቴ ነው ራሴን እንደ እድለኛ የቆጠርኩት።'

'ፍፁም ሆነህ ግን መሞት አትችልም።'

'አልችልም። የአቅሜን ያክል ነው የምጠነቀቀው። ከአቅም በላይ ሆኖ ለፈፀምኩት ተግባር ልፀፀት አይገባኝም ይቅርታ ልጠይቅ ብቻ ነው የምችለው።'' ......"

ምንጭ:- እኔና ቹ ገፅ 165
ደራሲ ፍሰሀ
❣ እናመሠግናለን ❣
#share #participate #comment
@R_e_a_d_e_rs

📗📒📕📘📗📒📕👇
@Readers_To_Know
📚📚📚📚📚📚📚📚

🍃🍂🍃🍂🍃🍂🍃🍂🍃🍂🍃🍂
🥀ሰላም የዚህ ቻናል ቤተሰብ አባላት እንደምን አላችሁ! የቤት ውስጥ ቆይታ እንዴት ይዞአችኋል? መፅሐፍትን እያነበባችሁ ግዜያችሁን የምታሳልፉ እንዳለችሁ ተስፋ እናደርጋለን። እናም ካነበባችሁት በጥቂቱ ማካፈል ለምትፈልጉ 👉 @R_e_a_d_e_rs ላኩልን።

🦠🦠🦠🦠🦠🦠🦠🦠🦠🦠🦠🦠
🦠አንገብጋቢ ካልሆነ ከቤት አንውጣ
🦠ርቀታችንን እንጠብቅ
🦠እጃችንን እንታጠብ
🦠የእኛ ጥንቃቄ ለወገኖቻችን መሆኑን
🦠እናስብ።
🦠🦠🦠🦠🦠🦠🦠🦠🦠🦠🦠🦠

❣እናመሰግናለን ❣
የቤተሰባችን ቁጥር እንዲጨምር #share ማድረግ እንዳይረሳ

@Readers_To_Know
📓📓📓📓📓📓📓📓

🍂6710 ላይ፦

A - 1 Birr 💵
B - 10 Birr 💷
C - 50 Birr 💴
D - 100 Birr 💶
በመላክ ❤️ለልብ ህሙማን💔 ወገኖቻችን መድረስ እንችላለን!

🧞‍♂ ሁሌም ድጋፋችሁ አይለያቸው! 🧞‍♂

@Readers_To_Know
📓📓📓📓📓📓📓📓

😂🎩 ለፈገግታ 🎩🤣

...አንድ ሰውዬ ሁልጊዜ ወደ ቡና ቤት ጎራ ሲል አንድ አይነት መጠጥ በሶስት የተለያዩ ብርጭቆዎች በማዘዝ ፊት ለፊቱ ደርድሮ በየተራ ከሶስቱም እየተጎነጨ ነው የሚጠጣው። ታድያ ይህ ከሰው ለየት ያለ ባሕሪው የሚያስገርመው የመጠጥ ቤቱ አስተናጋጅ አንድ ቀን
" ይቅርታ ወንድሜ! ... ሁልጊዜ አንድ አይነት መጠጥ በሶስት ብርጭቆ እያዘዝከኝ ሁሉንም የምትጠጣው ግን አንተው ነህ፤ ከዚህ ሁሉ አንዱን ጠጥተህ ስትጨርስ ሌላውን ባመጣልህ አይሻልም?" ሲል ይጠይቀዋል።
ሰውየውም "የለም! የለም! አየህ! ይህ ትልቅ ምክንያት አለው፤ አንዱ ብርጭቆ የኔ ድርሻ ሲሆን ሁለቱ ግን ለስራ ፊልድ የሔዱ በጣም የምወዳቸው ጓደኞቼ ድርሻ ነው። ስለዚህ እነሱን ለማስታወስ ስል ነው በሶስት ብርጭቆ አዝዤ የምጠጣው" ሲል ይመልስለታል።
ታድያ አንድ ቀን ሰውየው አለወትሮው ሁለት ብርጭቆ መጠጥ ብቻ ቢያዘው፤ አስተናጋጁ ግራ በመጋባት "ውይ!! ዛሬ ምነው ሁለት ብቻ አዘዝከኝ?! አንዱ ጓደኛህ ሞተ እንዴ?" ሲል ይጠይቀዋል።....

ሰውየውም " የለም! የለም!፦ ሁለቱም ኧረ ደህና ናቸው!! እኔ መጠጥ ስላቆምኩ፤ የራሴን ድርሻ ቀንሼ ነው" ብሎት እርፍ 😂😂😂😂
ምንጭ፦ እስኪ ዛሬ እንኳን እንሳቅ በቅዱስ-ሀብት በላቸው

❣ እናመሠግናለን ❣
#share #participate #comment
@R_e_a_d_e_rs

📗📒📕📘📗📒📕👇
@Readers_To_Know
📚📚📚📚📚📚📚📚

🧞‍♂👣 ከዚም_ከዛም 👣🧞‍♂

እንኳን ለሰኔ 1 ሰኞ አደረሳችሁ 😂

🦋. Quote :- A soft nature of a person does not mean weakness. Remember, nothing is softer than water, But it's force can break the strongest rock.

🌙. በመጀመሪያ ጨረቃ ላይ የወጣው የሶቤት ተወላጅ ኮሎኔል ዩሪጋጋሬ ይባላል። 🌎መሬትን ለመዞር አንድ ሰዓት ከአርባ ደቂቃ ፈጅቶበታል።

🔭. በ1593 ኢጣሊያዊው ጋሊሊዮ ( Galileo ) ቴሌስኮፕን ( telescope ) ፈጥሮ ነበር።

🎞. "meet the zoo" የ18 ደቂቃ ቪድዮ የመጀመሪያው የ📽Youtube video ነበር።

❣ እናመሠግናለን ❣
#share #participate #comment
@R_e_a_d_e_rs

📗📒📕📘📗📒📕👇
@Readers_To_Know
📚📚📚📚📚📚📚📚

​​......" THIS IS LIFE.
You are not beautiful, just your age is beautiful. It doesn't matter how you look and what's your skin colour cause everything will change with age. At the end you need a holding hand, not a perfect body and beautiful face...
Everyone is beautiful in there own way. You are not fat, slim, small, ugly, black, white. You are you and that's great. Don't judge anyone with their temporary appearance.".....


@Readers_To_Know

ተጠየቅ! - በላ ልበልሀ የጥንቱን የጧቱን ላሳይሀ!

ዘመኑ ድሮ ነው፤በዳግማዊ ምኒልክ ዘመነ-መንግስት።
ንጉስ ችሎት ተዘጋጅቶ ፣ሸንጎ ተሰርቶ አፄው ከመኳንንቱ ጋር ተሰይመዋል።ተሟጋቾቹ በአንድ ሰፊ መሬት የ"ይገባኛል" ክስ ለረጅም ጊዜ ሲከራከሩ ኖረው በመጨረሻም ንጉስ ችሎት የቀረቡ ሁለት ተዋቂ አርበኞች ናቸው።በተለያየ የጦር ሜዳ የፈፀሙት ጀብድ መሬቱን እንደሚያሰጣቸው በማመን ጀግንነታቸውን ለመዘርዘር አሰፍስፈዋል።

በመጀመርያ አንከስ የሚለው ግዙፍ አርበኛ ተነሳና እየተንጎራደደ" ንጉስ ሆይ!እግዜር ያሳይዎ፤መላዕኩ ያመልክቶ! እኔ አሽከሮ ደረቴን ለጦር እግሬን ለጠጠር እየሰጠሁ በብዙ ጦር ሜዳወች ለቁጥር የበዛ ጀብዱ ፈፅሚያለሁ።ጌታየ ጃነሆይ እዚህ ያላችሁ መኳንንትም ለዚህ ምስክር ናችሁ። ሌላው ሌላው ይቅርና አንዴ ከጠላት ጋር ስታኮስ በ17ጥይት እግሬን ተመትቼ መቁሰሌ አይዘነጋም።ስለዚህ መሬቱ የሚገባው ለኔ እንጅ ለሱ አይደለም።" አለና ሱሪውን ሰብሰብ አርጎ ጠባሳውን አሳየ።
ይሄኔ ሁለተኛው ባለጉዳይ ሲበዛ አፈ ጮሌና ብልህ ነበርና ወደ መጀመርያው ተናጋሪ በፌዝ እያየ"አይ የኛ አርበኛ!በ17ጥይት እግርህን መመታት ሙያ መሰለህ?
ለምን አንዱ ሲመታህ ዞር አትልም ነበር! እንደ ግድግዳ ተገትረህ ኢላማ ሲማርብህ ቢውል ግድ አለኝ እንዴ!" ብሎ ሲወርፈው የተሰበሰበው ታደሚ አንዴ በሳቅ አውካካ። እጅግ ከመሳቃቸው የተነሳ እንባቸው የሚወርደው እምዬ ምኒልክ እንደምንም ወደ መጀመርያው ተናጋሪ ዞረው" በል ለአንተ ሌላ መሬት እንሰጥሀለን ልጄ!ይሄኛው ለሱ ይገባል።"ብለው አሰናበቱት።

#share #participate #comment👇
@R_e_a_d_e_rs

@C_h_aa

📗📒📕📘📗📒📕👇
@Readers_To_Know
📚📚📚📚📚📚📚📚

​​🎥📻 ከታሪክማህደር 🎙🎞

°°°°°°°°°°°°°°°°°°°°°°°°°°°°°°°°°°°°°°°
💡 የአና ማስታወሻ 💡

ይህን ግለ ታሪክ የፃፈችው አና ትባላለች - ሙሉ ስሟ አና ፍራንክ። አሁን በሕይወት የለችም። በዚች ዓለም ላይ በሥጋ የኖረችው ለ15 ዓመታት ከዘጠኝ ወራት ብቻ ነው። በአውሮፓውያኑ አቆጣጠር ከ1929 እስከ 1945 ዓ.ም። በመንፈስ ግን አሁንም አለች፣ ወደፊትም ትኖራለች።
1943 ዓ.ም ላይ የናዚ ወታደሮች አምስተርዳም ውስጥ አገር ሰላም ብለው ይኖሩ የነበሩ አይሁዶችን ከየቤታቸው እየለቀሙ ወደ ኦሽዊትና ወደሌሎች የግድያ ጣቢያዎች ማጋዝ ሲጀምሩ የአና ፍራንክ ቤተሰቦች ከግድያው ለማምለጥ ቀደም ብለው አዘጋጅተው ወደነበረው አንድ ሚስጥራዊ የመደበቂያ ሥፍራ ያመራሉ። ይህ ምስጢራዊ ቦታ የአና አባት አቶ ፍራንክ የአስመጪና ላኪነት ቢዝነሱን ያካሒድበት በነበረ ሕንፃ ጣሪያ ላይ ይገኛል። የአና ቤተሰቦች በቁጥር አራት ነበሩ፤ ማለትም ራሷ አና ፍራንክ፣ አባቷ አቶ ፍራንክ፣ እናቷ ኤዲት ፍራንክ እና ታላቅ እህቷ ማርጎት ፍራንክ።
አና ፍራንክ የምትታወቀው በፃፈችው ግለ-ታሪክ ሲሆን በዚሁ መጽሐፍ እንደገለፀችው " የሔዋን ሕልም " እና " የኬዲ ሕይወት "የተሰኙ ልቦለዶችን ፅፋ ጨርሳ ነበር። በግለ ታሪኳም የአፃፃፍ ብቃቷን አሳይታለች፤ በዚህም የክፍለ ዘመኑ ታላቅ ሰው የሚለውን ማዕረግ ለመስጠት ከቀረቡ እጮዎች ውስጥ አንዷ ነበረች። እነዚህም አልበርት አነስታይን፣ ሲግመንድ ፍሮይድ፣ ቻርለስ ዳርዊን፣ ሉዊ ፓስተር እና አና ፍራንክ።
እናንተም ይህን መፅሐፍ እንድታነቡት እንጋብዛለን። እኛም በመጪው ጊዜ በአምስት ምዕራፎች በአጭሩ እናስቃኛችኋለን። ለጓደኞቻችሁ ማካፈልን አትርሱ ብቻችንን መብላት ባህላችን አደለምና!!!

°°°°°°°°°°°°°°°°°°°°°°°°°°°°°°°°°°°°°°°

❣ እናመሠግናለን ❣
#share #participate #comment
@R_e_a_d_e_rs

📗📒📕📘📗📒📕👇
@Readers_To_Know
📚📚📚📚📚📚📚📚

📓🌓 ቅምሻ 🌗📓

💡 የአና ማስታወሻ 💡

......~~~~~~~~~.......
🥀 ክፍል አንድ 🥀
......~~~~~~~~~.......

.......ወጣም ወረደ ኪቲ አሁን አንድ ነገር ገብቶኛል። ሰዎችን በሚገባ የምታውቂያቸው ደህና አድርገሽ የተጋጨሻቸውና የተጣላሻቸው ጊዜ ነው። ያኔ ብቻ ነው ትክክለኛ ባሕሪያቸው እንደ ማሾ ፏ ብሎ የሚታይሽ።.....
ገፅ 40
°°°°°°°°°°°°°°°°°°°°°°°°°°°°°°°°°°°°°°°
........አንድ ሰው ጥሩና ትክክል ነው ብሎ ላመነበት ዓላማ ሁሉ ተገቢውን መስዋእትነት ለመክፈል ዝግጁ መሆን መቻል አለበት።..........
ገፅ 50-51
°°°°°°°°°°°°°°°°°°°°°°°°°°°°°°°°°°°°°°°
........ግን ቁንጫን ታህል ደቃቅ ነገር ሰውን የሚያህል ግዙፍ ፍጡር እንግዲህ እንደ እብድ ልታወራጨው ከተቻላት በእርግጥም ተፈጥሮ ኮሚክ ናት! .........
ገፅ 66-67
°°°°°°°°°°°°°°°°°°°°°°°°°°°°°°°°°°°°°°°
.........ታዲያ ይሄን ሁሉ እያመነዠኩ ራስን ላለማስጨነቅ ያለው አማራጭ አንድ ብቻ ነው። አዎ ኪቲዬ መፍትሔው አንድ ነው። ማንበብ። ቢጥምሽም ባይጥምሽም ያገኘሽውን ሁሉ ማንበብ። በበኩሌ ቢያዋጣኝም ባያዋጣኝም እያደረሱ ያለሁት ይህንኑ ነው።...........
ገፅ 72
°°°°°°°°°°°°°°°°°°°°°°°°°°°°°°°°°°°°°°°
..........ሞትን ተደብቆ የመኖርን ችግር ላላየው ሰው መግለፅ በጣም አስቸጋሪ ነው በየዕለቱ የሚያጋጥሙሽ ሁኔታዎች ፈፅሞ ለማመን የሚከብዱ ናቸው። የሁኔታው አሳዛኝነት የደረሰበት ደረጃ ማንም ሰው በውስጡ ሊኖረው ከሚችለው የማዘን አቅም በላይ ነው።..........
ገፅ 76
°°°°°°°°°°°°°°°°°°°°°°°°°°°°°°°°°°°°°°°
............የዕድሜ ልክ ምኞቴን ደግሞ አንቺም ታውቂያለሽ ኪቲዬ "አንገቷን ቀና አድርጋ ዓለምን በሙሉ ዓይኗ ማየት የምትችል የምትሔድበትን የምታውቅና አረማመዷም እርግጠኝነት የሚታይበት ለነጎድጓድም ሆነ ለመብረቅ የማትደነግጥ " ብቻ ምን ልበልሽ "ይህ ቀራት የማትባል ምሉዕ ሴት መሆን ነው የምፈልገው!" .............
ገፅ 96/118/
............~~~~~~~~...............

~~~~ይቀጥላል~~~~~

የአና ማስታወሻ /አዶኒስ እንደተረጎመው/ ከሚለው መፅሐፍ በጥቂቱ ያስተምራል እንዲሁም የፀሐፊዋን ድንቅ ችሎታ ያሳያል ተብሎ በድጋሚ የቀረበ። ቆይታችሁ ከእኛ ጋር ይሁን!!!

❣ እናመሠግናለን ❣
#share #participate #comment
@R_e_a_d_e_rs

📗📒📕📘📗📒📕👇
@Readers_To_Know
📚📚📚📚📚📚📚📚

📓🌓 ቅምሻ 🌗📓

💡 የአና ማስታወሻ 💡

......~~~~~~~~~.......
🥀 ክፍል ሁለት 🥀
......~~~~~~~~~.......

..........ለምን ይሆን ሰዎች ስንባል አንዳችን በሌላችን ላይ ያለን እምነት እንዲህ የሳሳው? ያለ አንዳች ምክንያት ይህ ሊሆን እንደማይችል አውቃለሁ ያም ሆኖ አንዳንዴ ምን እንደማስብ ታውቂያለሽ ኪቲ መቼም መቼም ቢሆን በሰዎች ላይ (የራሴ በምትያቸው የቅርብ ሰዎች እንኳን) እምነት ሊኖርሽ እንደማይችል ስታውቂ በጣም የሚያስፈራና የሚጨንቅ ነገር አለው። .........
ገፅ 96-97

°°°°°°°°°°°°°°°°°°°°°°°°°°°°°°°°°°°°°°°

...........ስለ እውነት ነው የምልሽ ኪቲዬ ብኖርም ብሞትም እምብዛም ግድ የማይሰጠኝ ደረጃ ላይ ደርሻለሁ። ምን የሚያስጨንቀኝ ነገር አለ? ዓለም እንደው አና ጎደለች ብላ ጉዞዋን አታቆም ነገር። መሆን ያለበት ነገር ተወደደም ተጠላም የግድ መሆኑ አይቀርም ይልቅ ይህን ለማገድ መሞከሩ ነው ከንቱ ድካም።..............
ገፅ 103

°°°°°°°°°°°°°°°°°°°°°°°°°°°°°°°°°°°°°°°

...........ሀብትህ፣ ንብረትህ ቢጠፋብህ መልሰህ ስለማግኘትህ እርግጠኛ መሆን አትችልም እንደጠፋም ሊቀር የሚችል ነገር ነው። ደስታህ ግን ጠፍቶ ሊቀር የሚችል ነገር አይደለም። ጊዜያዊ በሆነ ከፈን ሊጋረድ ብቻ ነው የሚችለው። እናም በህይወት እስካለህ ድረስ ያንን ከፈን ልትገልጠው ዕድሉ አለህ። ያለምንም መሸማቀቅና ፍርሀት የሰማዩን መንበር በሙሉ ዐይንህ ማየት እስከቻልክ ድረስ ውስጥህ ሙሉ በሙሉ ንፁህ እስከሆነ ድረስ!..............
ገፅ 114

°°°°°°°°°°°°°°°°°°°°°°°°°°°°°°°°°°°°°°°

~~~~ይቀጥላል~~~~

የአና ማስታወሻ /አዶኒስ እንደተረጎመው/ ከሚለው መፅሐፍ በጥቂቱ ያስተምራል እንዲሁም የፀሐፊዋን ድንቅ ችሎታ ያሳያል ተብሎ በድጋሚ የቀረበ። ቆይታችሁ ከእኛ ጋር ይሁን!!!

❣ እናመሠግናለን ❣
#share #participate #comment
@R_e_a_d_e_rs

📗📒📕📘📗📒📕👇
@Readers_To_Know
📚📚📚📚📚📚📚📚

📓🌓 ቅምሻ 🌗📓

💡 የአና ማስታወሻ 💡

......~~~~~~~~~.......
🥀 ክፍል ሶስት 🥀
......~~~~~~~~~.......

............ አዎ ማንም ሰው "አፍሽን ዝጊ!"ብሎ ለጊዜው ዝም ሊያሰኝሽ ይችል ይሆናል-ግን ያሻውን ያህል እየተነሳ ቢፈርጥ የራስሽ የሆነ አመለካከት እንዳይኖርሽ ሊያደርግሽ ጨረሶ አይችልም።...............እና ማንንም ቢሆን ገና ለገና ትንሽ ልጅ ነው ብሎ የመሰለውን ሀሳብ ከመግለፅ ለማገድ መሞከር የስህተቶች ሁሉ ስህተት ይመስለኛል።..............
ገፅ 117

°°°°°°°°°°°°°°°°°°°°°°°°°°°°°°°°°°°°°°°

............. አሁን እያሰብኩ ያለሁት አለምን እየወረራት ስላለው ክፉ የጥፋት ደዌ ሳይሆን ደዌው ገና ስላልደረሰበት ውብ ጎኗ ነው።.................. የእኔ ምክር ደግሞ ይህ ነው። "ሂጂ ውጪ! ወደ ሰፋፊዎቹ መስኮች ውጪና በማይጠገበው የተፈጥሮ ውበት፣ እገሌ ከእገሌ ሳይል ለፍጡራን ሁሉ እኩል በሚፈነጥቀው ዕፁብ ድንቅ የፀሐይ ብርሀን ነፍስሽን አስደስች! -ሂጂ ውጪ! ርቆሽ የነበረውን ደስታሽን እንደገና ማግኘት ከፈለግሽ ወደ ሌላ ሳይሆን ወደራስሽ ውስጥና ወደ እግዚአብሔር ተመልከቺ! አዎ-ወደ ውስጥሽ አጮልቂ ወደ እግዚአብሔርም አንጋጪ! ከውስጥሽም ሆነ ከዙሪያሽ ስለራቁት ሳይሆን በውስጥሽም ሆነ በዙሪያሽ ስለቀሩት ውብ ነገሮች አስቢ! ይህን ማድረግ ከቻልሽ ርቆሽ የነበረው ደስታም ዳግም ሊቀርብሽ የግድ ነው!"..................በዚህ ላይ - አንድ የማያነጋግር ሐቅ አለ - ለራሱ ደስተኛ የሆነ ሁሉ ሌሎችንም ደስተኛ ያደርጋል። እንዲሁም ሰብዓዊ ወኔውና መንፈሳዊ የእምነት ጽናቱ ያልራቀው ሁሉ መቼም ቢሆን ምንም ዓይነት ምፅዓት መሀል ከስሞ አይቀርም። ..............
ገፅ 130-131

°°°°°°°°°°°°°°°°°°°°°°°°°°°°°°°°°°°°°°°

~~~~ይቀጥላል~~~~

የአና ማስታወሻ /አዶኒስ እንደተረጎመው/ ከሚለው መፅሐፍ በጥቂቱ ያስተምራል እንዲሁም የፀሐፊዋን ድንቅ ችሎታ ያሳያል ተብሎ በድጋሚ የቀረበ። ቆይታችሁ ከእኛ ጋር ይሁን!!!

❣ እናመሠግናለን ❣
#share #participate #comment
@R_e_a_d_e_rs

📗📒📕📘📗📒📕👇
@Readers_To_Know
📚📚📚📚📚📚📚📚

📓🌓 ቅምሻ 🌗📓

💡 የአና ማስታወሻ 💡

......~~~~~~~~~.......
🥀 ክፍል አራት 🥀
......~~~~~~~~~.......

.............በስጋ ከሞትኩ በኋላ እንኳን በመንፈስ መኖር እፈልጋለሁ -ስሜ አብሮኝ እንዲቀበር አልፈልግም! ስለዚህም ለዚህ ተሰጥኦ ያደለኝን እግዚአብሔርን አመሰግናለሁ። ራሴን በራሴ ማሳደግ እንድችል - ስለማንኛውም ነገር ጥሩ አድርጌ መፃፍ እንድችል - በውስጤ ያለውን ሁሉ ያለ ምንም ችግር መግለፅ እንድችል አድርጎ የፈጠረኝ አምላኬን ከልብ አመሰግነዋለሁ። ............
ገፅ 199

°°°°°°°°°°°°°°°°°°°°°°°°°°°°°°°°°°°°°°°

.............ለምንድነው በአንድ በኩል ይበልጥ የማውደም አቅማቸው በየእለቱ እየተራቀቀ የሚሄድ የጦር አውሮፕላኖች እና ቦንቦች ያለ ማቋረጥ በገፍ የሚመረቱትና በሌላ በኩል ደግሞ በዚህ የወደሙ ከተሞችን በአስቸኳይ መልሶ ለመገንባት የሚያስችሉ ተገጣጣሚ የሕንፃ አካላት ጎን ለጎን የሚመረቱት? መጀመሪያ ማውደም መልሶ ደግሞ መገንባት ምን የሚሉት ጨዋታ ነው? " ..............
ገፅ 238

°°°°°°°°°°°°°°°°°°°°°°°°°°°°°°°°°°°°°°°

..............ሕይወትን ሁላችንም እንኖራታለን። ግን ለምን እንዴትና የት እንደምንኖራት አናውቅም። ሁላችንም የምንኖረው ከዛሬ ነገ አንድ ቀን ደስተኛ እንሆን ይሆናል በሚል ተስፋ ነው- ይህም ነው የሁላችንንም ሕይወት የተለያየ የመሆኑን ያህል ተመሳሳይ የሚያደርገው።........ስንፍና፣ ግድየለሽነት፣ በዋልፈሰስነት፣ ጨዋታ ወዘተ ...ላይ ላዩን ሲታዩ ይስቡሻል ያምሩሻል- ሥራ ግን የማታ ማታ ይከፍልሻል- እርካታና ደስታንም ይሰጥሻል። ሥራ የማይወዱ ሰዎች ጨርሶ አይገቡኝም!.....................
ገፅ 239-240

°°°°°°°°°°°°°°°°°°°°°°°°°°°°°°°°°°°°°°°

~~~~ይቀጥላል ~~~~

የአና ማስታወሻ /አዶኒስ እንደተረጎመው/ ከሚለው መፅሐፍ በጥቂቱ ያስተምራል እንዲሁም የፀሐፊዋን ድንቅ ችሎታ ያሳያል ተብሎ በድጋሚ የቀረበ። ቆይታችሁ ከእኛ ጋር ይሁን!!!

❣ እናመሠግናለን ❣
#share #participate #comment
@R_e_a_d_e_rs

📗📒📕📘📗📒📕👇
@Readers_To_Know
📚📚📚📚📚📚📚📚

📓🌓 ቅምሻ 🌗📓

💡 የአና ማስታወሻ 💡

......~~~~~~~~~.......
🥀 ክፍል አምስት 🥀
......~~~~~~~~~.......

..............ሀይማኖት ያላቸው ሰዎች በእርግጥም ደስ ሊላቸው ይገባል። ምክንያቱም ከምድራዊው በላይ ባሉት ሰማያዊ ነገሮች ማመን መቻል የሁሉም ሰው ተሰጥኦ አይደለም። ለዚህም መታደል ያስፈልጋል። ሌላውን ተይውና ከሞት በኋላ አለ የሚባለውን ፍርድና ቅጣት እንኳን እኮ የግድ ልትፈሪው አይገባሽም።እነኚህ ጽድቅና ኩነኔ፣ ገነትና ገሀነም፣ ምናምን ምናምን የሚባሉ ነገሮች ሁሉ ለብዙ ሰዎች በቀላሉ የማይዋጡ እና የማይመስሉ ናቸው። ያም ሆኖ ሀይማኖት ግን ዓይነቱ ምንም ይሁን ምን - አንድን ሰው በቀጥተኛው መንገድ እንዲጓዝ የሚረዳና ውስጣዊ ሰላምን የሚሰጥ በጣም ጥሩ ነገር ነው። ለእኔ እንደሚታየኝ ዋናው ነገር በጥሬው ሲባል እንደምሰማው "እግዚአብሔርን መፍራት" አይደለም ዋናው ነገር ሰው የመሆንን ታላቅ ክብርና ንፁህ ሕሊናን ጠብቆ መቆየት መቻል ነው። እያንዳንዱ ሰው በእያንዳንዱ ምሽት መኝታው ላይ ጋደም እንዳለ ወደ እንቅልፉ ዓለም ከመግባቱ በፊት ቀኑን ሙሉ ስላሳለፋቸው ነገሮች ሁሉ አንድ በአንድ እያስታወሰ የትኞቹ ጥሩዎች የትኞቹ ደግሞ መጥፎዎች እንደሆኑ መመዘን ቢችል ዋነኛ ጨዋና ጥሩ ሰው መሆን በቻለ ነበር።አዎ ያን ጊዜ ሳታውቂው በእያንዳንዱ አዲስ ቀን መጀመሪያ ላይ ራስሽን የምታስተካክይበትንና የምታሻሽይበት መንገድ ለማግኘት ጥረት ማድረግ ትጀምሪያለሽ - ያለጥርጥርም በጊዜ ሂደት ማመን የሚያዳግት ያህል ብቃትን ለመጎናፀፍ ትችያለሽ። ማንም ሰው ይህን ማድረግ ይችላል-ምንም ወጪ የሚያስወጣ ነገር አይደለም - ግን ለሕይወት ምን ያህል እንደሚረዳ በቃላት መግለፅ አይቻልም። ...................
ገፅ 240

°°°°°°°°°°°°°°°°°°°°°°°°°°°°°°°°°°°°°°°

..............ያም ሆኖ አሁንም እንደያዝኳቸው ነው ያለሁት፤ እንደያዝኳቸው እንደምቆይም እርግጠኛ ነኝ። ምክንያቱም የሆነው ሁሉ እንዳለ ሆኖ አሁንም ቢሆን ሰዎች ከሥረ መሠረታቸው ጥሩዎች ናቸው ብዬ አምናለሁ።...................
ገፅ 251-252///(264)

°°°°°°°°°°°°°°°°°°°°°°°°°°°°°°°°°°°°°°°

~~~~አና እናመሰግናለን!~~~~

የአና ማስታወሻ /አዶኒስ እንደተረጎመው/ ከሚለው መፅሐፍ በጥቂቱ ያስተምራል እንዲሁም የፀሐፊዋን ድንቅ ችሎታ ያሳያል ተብሎ የቀረበ። ከእኛጋር ስለነበራቹ እናመሰግናለን፤ ያመለጧቹን ክፍሎች ወደላይ በመሔድ መመልከት ትችላላችሁ።
👉ማካፈልን አይርሱ።

❣ እናመሠግናለን ❣
#share #participate #comment
@R_e_a_d_e_rs

📗📒📕📘📗📒📕👇
@Readers_To_Know
📚📚📚📚📚📚📚📚

👆👆👆👆👆👆👆👆👆👆
በደንብ ማንበብህን/ሽን አረጋግጪ
🍂🍂🍂🍂🍂🍂🍂🍂🍂🍂🍂

😂🎩 ለፈገግታ 🎩🤣

ሴትየዋ ሲፈጥራቸው ድምፃቸው ባያምርም ሁልጊዜ መዝፈን፣ ማንጎራጎር በጣም ይወዳሉ። የሚገርመው ነገር ታድያ ብዙ ጊዜ ማንጎራጎር ሲጀምሩ ባለቤታቸው ከቤት በመውጣት ደጅ ላይ ይቆማሉ። ይህም ነገር ብዙ ጊዜ መደጋገሙ ' እትዬን ' ግራ ቢያጋባቸው አንድ ቀን ባለቤታቸውን ..." አንድ ጥያቄ ልጠይቅህ ..... ኧረ ለመሆኑ ሁልጊዜ እኔ መዝፈን ስጀምር ለምንድነው ወደውጭ እየወጣህ የምትቆመው? " ሲሉ ይጠይቋቸዋል።
በዚህ ጊዜ ባልየው መለስ አድረገው " ምን ላድርግ ብለሽ ነው? ... ጎረቤቶቻችን ድምፅሽን ሲሰሙ የምደበድብሽ እንዳይመስላቸው ብዬ ፈርቼ እኮ ነው!!..."😂😂😂😂

ምንጭ፦ እስኪ ዛሬ እንኳን እንሳቅ በቅዱስ-ሀብት በላቸው

❣ እናመሠግናለን ❣
#share #participate #comment
@R_e_a_d_e_rs

📗📒📕📘📗📒📕👇
@Readers_To_Know
📚📚📚📚📚📚📚📚

​​🧞‍♂👣 ከዚምከዛም 👣🧞‍♂

🍂🍃🍂🍃🍂🍃🍂🍃🍂🍃🍂
የዛሬ ሳምንት እሑድ የፀሐይ ግርዶሽ ይከሰታል
🍃🍂🍃🍂🍃🍂🍃🍂🍃🍂🍃

°°°°°°°°°°°°°°°°°°°°°°°°°°°°°°°°°°°°°™
በሁሉም 🇪🇹ኢትዮጵያ🇪🇹 ስለሚታይ ስለ ቀለበታማዋ የፀሓይ ግርዶሽ🌗 የዕለቱ መረጃ ከመ/ሐ/ዶ/ር ሮዳስ ታደሰ እና ከዶክተር ጌትነት ፈለቀ በኢትዮጵያ አቈጣጠር እሑድ ሠኔ 14/2012 ዓ.ም. (በጁን 21/2020 እ.ኤ.አ)
💍ቀለበታዊ የፀሐይ ግርዶሽ (Annular Solar eclipse) በመላ ኢትዮጵያ ይከሰታል፡፡
°°°°°°°°°°°°°°°°°°°°°°°°°°°°°°°°°°°°°™
የፀሐይ ግርዶሽ ጨረቃ በፀሐይ እና
መሬት (🌕 🌙 🌍) መሃከል ስትገባና ፀሓይን እንዳናያት ስትጋርድብን የሚከሰት ክስተት ነው፡፡ የሠኔ 14ቱ ጨረቃ ፀሓይን ሙሉ በሙሉ መሸፈን ሳትችል ስትቀር በጨረቃ ጠርዝ ዙሪያ ቀለበት ሠርታ የምትታየን ሲሆን በደንብ ለተመለከታት
“እሳታማ ቀለበት” (ring of fire) ትመስላለች፡፡
የሠኔው ቀለበታዊው የፀሓይ ግርዶሽ በሁሉም የኢትዮጵያ ክፍል የሚታይ ሲሆን በአብዛኛው የሀገራችን ክፍል ፀሓይ 🗯ከ80 ፐርሰንት በላይ ተሸፍና በከፊል ግርዶሽነት ትታያለች፡፡ በደቡብ ኢትዮጵያ ክፍል ደግሞ ከ60-80 ፐርሰንት ተሸፍና ትታያለች፡፡
ዋናው ግርዶሽ በተለይ ፀሓይ 98 ፐርሰንት ተሸፍና እሳታማ ቀለበት ሠርታ የሚያይዋት አነስተኛ ከተሞች ቦታዎች ውስጥ በጊ፣ ሜቲ፣ መንዲ፣ ቡሬ፣ አገው፣ ግምጃ ቤት፣ እንጅባራ፣ ግሽ ዐባይ፣ ሞጣ፣ ዳሞት፣ ጋይንት፣ ነፋስ መውጫ፣ ጋሸና፣ ሙጃ፣ ዋጃ፣ ቆቦ፣ ኮረም፣ አላማጣ፣ ጊራራ እና ላሊበላ ናቸው፡፡
#Caution
በዕለቱ ያለ eclipse viewer ፀሐይን በዐይን ለመመልከት መሞከር❌ ☠የዐይን ብርሃንን☠ አሳጥቶ ስለሚያሳውር ጥንቃቄ ያድርጉ። መነጽሩም🕶 ቢሆን የISO certification የማያሟላና ተመሳስሎ የተሠራ ከሆነ የአልትራ ቫዮሌት ጨረርን ስለማይቋቋም ከመጠቀም ይቆጠቡ።

በተለይ ላሊበላው በዕለቱ የሚኖረው የአየር ሁኔታ ደረቃማና ደመና የሌለበት መሆኑና ከታሪካዊነቱ ጋር ተዳምሮ ይልቁኑ የግርዶሹ መስመር ንጉሥ ላሊበላ የሠራውን የፈለገ ዮርዳኖስን መስመር ተከትሎ የሚጓዝ መሆኑ ልዩ ያደርገዋል፡፡
በዚህ ሳምንት መ/ሐ/ዶ/ር ሮራስ ታደሰ ስለዚህ ፀሐይ ግርዶሽ የፃፈውን ይዘን እንቀርባለን።

ከመ/ሐ/ዶ/ር ሮዳስ ታደሰ እና ከዶክተር ጌትነት ፈለቀ
ስለ ግርዶሽ ምስጢር ማወቅ ከፈለጉ አንድሮሜዳ መጽሐፍን ከገጽ 188--204 ያንብቡ፡፡

❣ እናመሠግናለን ❣
#share #participate #comment
@R_e_a_d_e_rs

📗📒📕📘📗📒📕👇
@Readers_To_Know
📚📚📚📚📚📚📚📚

​​📓🌓 ቅምሻ 🌗📓

🍂🍂🍂🍂🍂🍂🍂🍂🍂🍂🍂🍂
በኮሮና ዘመን የሠኔ 14 የፀሓይ ኮሮና ልዩ ግጥምጥሞሽ
በመ/ሐ/ዶ/ር ሮዳስ ታደሰ (ተረጋግቶ የሚነበብ ጽሑፍ)

እንደሚታወቀው ግርዶሽ ለምድራችን ዐዲስ ጉዳይ አይደለም፤ ኢትዮጵያን ጨምሮ ሌሎች ሀገራት ግርዶሽን በሺዎች ለሚቆጠሩ ዓመታት ሲመዘግቡ ኖረዋል። ለምሳሌ ረጅም እድሜ ያስመዘገበው የጨረቃ ግርዶሽ ከ4000 ዓመት በፊት በሜሶፖታሚያ (መስጴጦምያ)
የታየው ነው፡፡
በ585 (ቅ.ል.ክ) ሊድያኖችና ፐርሺያኖች ጦርነት ላይ በነበሩ ጊዜ የፀሐይ ግርዶሽ በመከሠቱ ሁለቱ ባለንጣዎችም ቁጣ ሊሆን ይችላል ብለው ጦርነቱን አቁመዋል፡፡
በኢትዮጵያም በጻድቁ ዮሐንስ (አእላፍ ሰገድ) ዘመነ መንግሥት በ1661 ዓ.ም. ኅዳር 5 በ9ሰዓት ላይ ፀሓይ በጨለመች ጊዜ በዚህ ምክንያት ንጉሡ በዕለቱ ሞት ተፈርዶባቸው የነበሩት ወንጀለኞች እንዳይነኩ እንዳዘዙ በታሪካችን ተመዝግቧል፡፡
ለእኔና መሰሎቼ የሠኔ 14 የ2012 ዓ.ም. ግርዶሽ ልዩ ሲሆን ምክንያቶቼን በዐጭሩ ለማስቀመጥ እሞክራለኊ፡፡
🌞
🎬🎬1ኛ)
በኮሮና ዘመን የኮሮናን ግጥምጥሞሽ መታየቱ ነው፡፡ እንደ ሳይንሱ ጥናት ፀሐይ ከባቢ አየር ያላት ሲሆን የተለያዩ ሦስት ክፍሎችም አሏት፡፡ ፀሐይን ስናያት የሚታየን ብርሃናማው ውጫዊ ክፍል “ፎቶስፌር” (photosphere) ይባላል፡፡ ከርሱ ቀጥለው ያሉት ውጫዊ ከባቢ አየራት ደግሞ
“ክሮሞስፌር” (chromosphere) እና የፀሐይ የመጨረሻው “አክሊል” መስሎ የሚታየው
ከባቢ አየሯ ደግሞ በሳይንሱ “ኮሮና” (corona) ይባላል፡፡
በመሠረታዊ ነገሩ ኮሮና ማለት በላቲን ቋንቋ “አክሊል፣ የአበባ ጒንጒን” ማለት ነው፡፡ በ2012 ዓ.ም የተከሠተው የኮሮና ቫይረስም በማይክሮስኮፕ ሲታይ የአበባ ጒንጒን ወይም አክሊል ስለሚመስል ሥያሜው ከፀሓይ ሥያሜ እንደተሰጠው ልብ እንበል፡፡ ከፎቶስፌር ከሚወጣው ብርሃን ጥንካሬ አንጻር ኮሮናንም ቀን ላይ በዐይናችን ልናይ አንችልም፡፡
በሙሉ የፀሐይ ግርዶሽ ጊዜ ግን በዐይናችን ማየት እንችላለን፡፡ ያሁኑ ግርዶሽም ምንም “ቀለበታዊ የፀሓይ ግርዶሽ” ቢሆንም ግን 98 ፐርሰንት ፀሓይን የሚከልል በመሆኑ ወደ ሙሉ ግርዶሽ የተጠጋ ነውና ወደ ብርሃኑና ጨለማው ወደሚገናኝበት ጠርዝ ሆነን ቀለበቱ
በሚታይበት ሰዓት አካባቢ ኮሮናን ማየት እንችላለንና ግጥምጥሙ አስገርሞኛል፡፡

°°°°°™ ይቀጥላል ™°°°°°

🔔🔔🔔🔔🔔🔔🔔🔔🔔🔔
#Caution
በዕለቱ ያለ eclipse viewer ፀሐይን በዐይን ለመመልከት መሞከር❌ ☠ የዐይን ብርሃንን (አይናችን ሊፈስ ይችላል) ☠ አሳጥቶ ስለሚያሳውር ጥንቃቄ ያድርጉ። መነጽሩም🕶 ቢሆን የISO certification የማያሟላና ተመሳስሎ የተሠራ ከሆነ የአልትራ ቫዮሌት ጨረርን ስለማይቋቋም ከመጠቀም ይቆጠቡ። እንዲሁም የፀሐይ መነፅር ፣ ፍሎፒ ዲስክ ፣ የፎቶ ፊልም ፣የራጅ ፊልም እና የመሳሰሉት ቁሶች መጠቀም በዓይን ላይ ጉዳት ያደርሳል።

❣ እናመሠግናለን ❣
#share #participate #comment
@R_e_a_d_e_rs

📗📒📕📘📗📒📕👇
@Readers_To_Know
📚📚📚📚📚📚📚📚

በግርዶሹ ዙሪያ የተሰጡ ማሳሰቢያዎች
👇👇👇👇👇👇👇👇👇👇👇👇