ካነበብነው📖📜📰🗞

🔑 ቅምሻ 🔑

🦅 ክፍል ስምንት 🦅

........... በትክክል ያላደጉ ልጆች እንዴት ጥሩ ወላጅ ሊሆኑ ይችላሉ? ሰዎች ሙዚቃና ስፖርት ፣ እጅ ስራና እርሻ ከልጅነታቸው ሲማሩ ፣ ወላጅነትንና የትዳር አጋርነትን ግን በግምትና በመላምት የሚገቡበት መሆኑ አስገራሚ ነው ። አውሮፕላን አብርሮ በማያቅ ፓይለት በሚበር አውሮፕላን ውስጥ ማንም አይሳፈርም። ብዙ ልጆች የሚወለዱት ግን ትዳርና ቤተሰብ እንዴት እንደሚመራ በማያውቁ አዲስ ለማጆች ባቋቋሙት ቤት ውስጥ ነው። ...........
ከጎዳና ተዳዳሪው እስከ ሚሊየነሩ ፣ ከገበሬው እስከ ሳይንቲስቱ ፣ ከየኔ ብጤው እስከ ሀገር መሪው አብዛኛው ያገባል ይወልዳል ። ከዘጠና እጁ በላይ ግን ለትዳርም ሆነ ለወላጅነት ማይም ነው ቢባል ማጋነን አይሆንም ። በምድር ላይ ካሉ ስራዎች እጅግ አስቸጋሪ ለሆነው ሥራ እንዴት ይሆን ሰው ሁሉ እንዲህ ደፋርና ግድየለሽ ሊሆን የቻለው? በዚህ በማይማን ህብረት በተቋቋመ ተቋም ውስጥ እንደሚወለዱ ልጆች ምን አሳዛኝ ፍጥረት ሊኖር ይችላል? እንደ ትዳር የዕድሜያችንንና የሕይወታችንን ብዙ ድርሻና ዘመን የሚወስድ ምን አለ? ሰውን የማያህል ነገር ወልዶ እንደማሳደግስ ምን ከባድ ኀላፋነትስ አለ? ታድያ የትዳርና የወላጅነት ማይማን የተመሳቀለ ኑሮ ኖረው ወደዚህ አለም ያመጡትንም ሰው ህይወት እና አስተሳሰብ ቢያመሳቅሉ ይገርማል ? አስተሳሰብና አእምሮም በከፍተኛ ደረጃ የሚቀረፀውና የሚወሰነው ትምህረት ቤት ሳይሆን በልጅነት እድሜ በቤተሰብ ውስጥ ነው።..............
ገፅ 261
....... ለተሰበረ እግር መዳን ጄሶ እንደሚያስፈልግ የተሰበረ ልብንም ያለ እውነተኛ ጓደኛ መጠገን አይቻልም ። .......
ገፅ 269

~~~ይቀጥላል~~~

"የተቆለፈበት ቁልፍ 🗝"
ከሚለው መጽሐፍ በጥቂቱ የተወሰደ
ደራሲ :- ዶክተር ምህረት ደበበ

#share #comment #participate
@R_e_a_d_e_rs

@Let_us_read_bot

📗📒📕📘📗📒📕👇
@Readers_To_Know
📚📚📚📚📚📚📚📚

1.39K views19:08

Nice👍 15

ካነበብነው📖📜📰🗞 via @like

🧞‍♂👣 ከዚምከዛም 👣🧞‍♂

አማርኛ ከሌሎች ቋንቋዎች የተዋሳቸው ቃላት

በዋናነት ከ 4 ቋንቋዎች የተዋሳቸው ቃላት ሊጠቀሱ ይችላሉ፤ እነርሱም ዐረብኛ፣ ፈረንሳይኛ፣ ጣሊያንኛና እንግሊዝኛ ናቸው፡፡ የቱርክ እና የጀርመን ቋንቋዎችም ጥቂት ቃላትን ለሀገራችን ቋንቋዎች አበርክተዋል፡፡

🇸🇦🇩🇿 ከዐረብኛ የተዋሳቸው ቃላት
ሀዋላ፣ ጉምሩክ፣ ሰንዱቅ፣ ሱቅ፣ መጋዘን፣ ሽርክና፣ ወኪል፣ ሰነድ፣ ደላላ፣ መሃለቅ ወዘተ

🇫🇷🇫🇷ከፈረንሳይኛ ከወረስናቸው ቃላት መካከል ደግሞ “ኦፊሴል”፣ “ሞኖፖል”፣ “ሌጋሲዮን”፣ “ኮሚስዮን”፣ “ፔኒስዮን”፣ “ዲክላራሲዮን”፣ “ኦፕራሲዮን”፣ “ካሚዮን”፣ “ፍሪሲዮን”፣ “ሬኮማንዴ”፣ “ለገሀር (ላጋር)፣ “ቡፌ”፣ “ሌሲ ፓሴ”፣ “ዴኤታ”፣ “ ካፌ”፣ “ራንዴቩ”፣ የመሳሰሉት ይጠቀሳሉ፡፡

🇮🇹🇮🇹ከጣሊያንኛ ከወረስናቸው ቃላት መካከል እነዚህ ይገኙበታል “ፓስታ”፣ “ማካሮኒ”፣ “ላዛኛ”፣ "መኪና"፣“ስፓጌቲ”፣ “ስልስ” (ሳልሳ)፣ “አሮስቶ”፣ “ፋብሪካ”፣ “ጋዜጣ”፣ “ሊቼንሳ”፣ “ፉርኖ”፣ “ቪያጆ” (በመኪና የሚደረግ ጉዞ)፣ “ላቫጆ”፣ “ካሮሴሪያ”፣ “ካምቢዮ”፣ “ሞቶሪኖ”፣ “ፍሬን”፣ “ፊልትሮ”፣ “ሳልቫታዮ”፣ “ፖርቶ መጋላ”፣ “ፒንሳ”፣ “ቺንጊያ” ፣ “ፈረፋንጎ”፣ “ኩሽኔታ” “ኪያቤ”፣ “ካቻቢቴ” “ባሌስትራ”፣ “ቸርኬ” “ፒስታ” “ኮማርዳሬ” “ጎሚኒ” “ሮንዴላ” “ዲፍረንሻሌ” “ስፒናታ” “ሳልዳሬ” “ቡኮ”፣ “ፖምፓ” (ቧንቧ)፣ “አውታንቲ”፣ “ማኖ”፣ “ኢሊ ጎሬ”፣ “ቴስታ”፣ “ፑንቶ”፣ “ቦጦሎኒ”፣ “ካምቦ” ወዘተ…. የመሳሰሉት ተጠቃሽ ናቸው፡፡

🇬🇧🇬🇧ከእንግሊዝኛም እንደ “ፖሊስ”፣ “ባንክ”፣ “ሚኒስቴር”፣ “ካፒታል”፣ “ኤሌክትሪክ”፣ “ኮሌጅ”፣ “አካዴሚ”፣ “ኤክስፐርት”፣ “ዲሬክተር” ፣"ክሊኒክ" የመሳሰሉትን መጥቀስ ይቻላል፡፡

#share #comment #participate
@R_e_a_d_e_rs

@Let_us_read_bot

📗📒📕📘📗📒📕👇
@Readers_To_Know
📚📚📚📚📚📚📚📚

1.38K views08:44