في ليلة الجمعة صلوا عليه وسلموا تسليمًا 🌸

{ إِنَّ اللَّهَ قَادِرٌ } 🌸

على تحقيق أُمنياتك،على تغيير حالك إلى الأفضل في لحظة، على جبّر قلبّك ❤️

توكلي على الله، والجأي لهُ وحده، حشاهُ الكريم أن يردّك خائبة!

#قيام_الليل

نصيحة سريعة 🌸

قبل ماترقدي، وتغمضي عيونك الجميلات
صلّي قيامك و لو ركعة، أحكي فيها لله كل شعورك وأحمديّه على كل نعمة في هاليوم، فضفضي وأدعي 💗


ماترقديّش زعلانة!ولو مضطرة ترقدي عشان بتوعي بدري، أخري نومتك عادي وحسني مزاجك قبل ماترقدي لأن الشيء هذا هايأثر في صباح ثاني يوم..


أقري سُورة الملك وآيات الكرسي و المعوذات وخليك متوضية وارقدي على جنبك الأيمن 🌸

فكري في أفكار حلوة، وأن الجبر قريب، وأن الله انعم عليك بنعم واجد مافيش عند غيرك، ابتسمي لأن ابتسامتك جميلة، تذكري إن الله القادر ولا يعجزه أمرك وهو عليه هيّن.. 🌸


غمضي عيُونك على أمل ..

Good morning ☘
صباح الخير مُميزات، يومكن حلو يا ربّ..

〰️〰️

من قبل في سؤال مار عليا، والّي هوا: كيف نبدأ صباحنا ؟
أو كيف نصنعوا صباح سعيد ؟

بدايةً مقتنعة بأن بداية يومك تأثر فيه كامل، صحيح بإمكاننا نغيّروا مودنا في نهاية اليوم، ولكن الصبح بذات له تأثير على باقي يومك سواء تأثير إيجابي أو سلبي ☘
〰️〰️
- كيف يكون تأثيره إيجابي ؟ 🌸

اول ماتوعي صلّي، وأقري آذكار الصباح، إبتسمي لنفسك في المراية 🤍

قولي لنفسك كلام إيجابي، حتى لو في عقلك بس، أو في تذكير أنا دايرته كل صبح يجيني 🌸

أبديه بهدوء، وحسي بالإمتنان لله عز و جل على كل نعمة في حياتك، و لو مش في بالك قائمة إمتنان، ديريّها وأقريها كل صبح وخوذي نفس عميّق 🌸

الإنجازات الصباحية لها تأثير جميل بككل، أكتبي 3 اهداف أو حتى 2 حسب مقدرتك حدديهن و انجزيهن في بداية يومك💪

وخلّي من ضمن أهدافك قراءة حتى صفحتين من القرآن الكريم، ولو كنتي مشغولة تذكري إن " مازاحم القرآن شيئًا إلا باركه " 🤍☘

جانب العناية بالذات مُهم، رتبي شعرك والبسي لبسة تحبيها المهم تشوفي فيها نفسك لطيفة، وحطي عطرك الّي تحبيه 🌸

شرب المية، والفطور كذلك مُهم وضروري ..

〰️〰️

🤍

- تكملة باقي البوست -


- شن الأخطاء أو الأشياء الي نتجنبوهن؟

الدوشة وكثرة الكلام - مرات يكون مش خطأ ولكن هذه وجهة نظر لا أكثر-

نحس إن لما تكلمي حد أول ماتوعي، اول تبدي سهاري هاتضيعي وقتك وماتستفيديش بوقت الصباح الثمين !
لذلك لا أُفضل عن نفسي ☘

التفكير بسلبية، تعرفن شن أضراره وديما مصدعتكم بيه مش هانحكي 😂 بس بجد هايأثر في باقي يومك..

الأعصاب والعياط على الصبح، أحيانا نتعصب في الصبح الصراحة وفعلًا هذا خطأ وديما يأثر في باقي يومي.. ولذلك نتجنب أي شيء ينرفز على الصبح 🌸

حاولي تخلّي الجو هادي ومافيش دوشة ولو ماقدرتيش لا بأس عادي المهم تكوني حاسة بهدوء وأعصابك رايقة 🌸

〰️〰️

نستكفي بهالنقاط، وإن شاء الله يومكن جميل ومليان حاجات سمحة

‏قبل أن تنام،اجمع أمنياتك بَينَ كَفيك ثمّ بَعثرها قَريبًا مِن السَماء، لا تَجعل لأحلامكَ نِهاية ولا تَعتقد أن تَحقيقُها مُحالْ 🌸


#قيام_الليل 💚

ماتنسونيّش من دعائكم 🥺 💚💚

{‏فَاسْتَجَابَ لَهُمْ رَبُّهُمْ} 🌸

النقد من الأشياء الّي يصعب تقبلها،ولكن في إستراتيجيات تزيد من إحتمال تقبل النقد 🌸

• إخلطي النقد بالمدح لتقللّي من اثرهُ السلبِي
يعنِي مثلًا :
نقولوا لُو إنت أستاذة وبتنقدّي طالبة 🤔
قوليلها : انتِ شاطرة بكل ومشاركاتك ديما ذكية، ولكن خطك مش واضح، وأنا واثقة فيكِ بأنك تقدّري تخليه أفضل

أول شيء: تمدّحي قبل النقد، ثم تنتقدي الشيء، ثم انهِ الكلام بثناء آخر زي الطريقة الّي فوق وأما تمدحي لازم يكون في صفات حقيقة وليس مجاملة دوري على الجانب المُشرق وإمدحيه 🌸

#ملاحظة_هامة 🆗️
ماتنتقدّيش حد قدام مجموعة، خلّي النقد بينك وبينه
زي مِثال الطالبة خوذيها بروحها مش قدام باقي الطالبات 🌸

وأعلمِّي إن هناك أشياء لا يجب إن تنقدّي فيها
مثلًا: كَ طريقة إختيار الملابس، الألوان، التنسيق
هنا الشيء يرجع لذوقها وإختيارها الخاص وخصوصيتها يجب عليكِ ألا تتدخلّي ابدًا 🌸

دُمتن بخير وسلامة 💗🏃‍♀️


-رَيَان رياض

Good Morning 💙