الاشياء الي ملحكين عليها و رح تختفي بالمستقبل



القمر راح يروح بعيد عن الأرض و بعد ميصير عدنا خسوف!
بسبب ان القمر كل سنة يبتعد عن الارض بمقدار سنتيمتر
ف بعد 600 مليون سنة راح يصير بمسافة متخليه يحجب اشعة الشمس ف مراح يصير عدنا خسوف بعد



قبل متجف الارض بفترة طويلة رح تجف شلالات نياكرا (Niagara Falls)
مو المي يجف بس الشلال يجف
المي المندفع يسبب تآكل للصخرة الي ببداية الشلال و ترجع كل سنة الصخرة قدم للوراء
بسنة 52000 مراح يكون عدنا شلالات نياكرا و المي رح يبقى ببحيرة Erie
*هالشي مالة علاقة بالتلوث او الاحتباس الحراري




جبل رشمور و الوجوه الشهيرة عليه رح تختفي كلها
لان الكرانيت عندة معدل تاكل انج كل 10 سنة
وية سنة 7 مليون مراح يكون هلجبل موجود ولا الوجوه الي عليه

مصدر مصير نياكرا فولز وجبل رشمور
https://en.m.wikipedia.org/wiki/Timeline_of_the_far_future



الحلقات حول زحل رح تختفي!
بسبب ان الاجسام و الأقمار المحيطة بيه دتنسحب باتجاه الكوكب او تندفع للفضاء تدريجيا
ف خلال حوالي 50 إلى 100 مليون سنة مراح يكون اكو حلقات حول زحل
https://www.bobthealien.co.uk/saturn/rings.htm

‏هل تسائلت يوما ؟ ماذا لو توقفت الارض فجأة عن الدوران ، فماذا سيحدث ؟

تابع الثريد//

ثريد لطيف شباب
انصحكم

وين تروح المعلومات المحذوفة؟
لمن نمسح شي باجهزتنا شيصير بيها؟

فد شوية رح انزل عن الموضوع

وين تروح المعلومات لمن نمسحها باجهزتنا الالكترونية؟


لمن نمسح شي من الجهاز ميختفي
يبقى موجود و ميروح منة ايشي
شلون زين؟

لمن نمسح ملف إحنا مجرد مسحنا عنوان هلشي بلذاكرة و النظام يعتبر الحيز مال الملف فارغ
بس هو لساه موجود بيه الملف


للتوضيح خل نتخيل انت واكف و دتاشر بايدك على صندوك (نفرض الصندوك هو الفايل)
ف انت واكف دتاشر على الصندوك و لمن يجي واحد يسالك "هالمكان فارغ؟" انت تكلة لا اكو صندوك هنا

لمن نريد نمسح الصندوك ف الي يصير كانما نزلت ايدك و كمت متاشر على الصندوك و لمن يسالك واحد على مكان الصندوك فارغ لو لا
انت تكلة اي فارغ (مع ان الصندوك لساه موجود)

بضبط نفسلشي يصير لمن تمسح ملف
مجرد الشي الي يدل على مكانه ينمسح
و النظام يعتبر المكان فارغ
(مع العلم هذا "المكان الفارغ" لساه بيه الملف)



زين بهالحالة احنة مو نمسح ملفاتنا القديمة و نكدر ننزل ملفات جديدة بدالها؟
صحيح بس شلون يصير هلشي
النظام رح يخزن المعلومات الجديدة بنفس مكان المعلومات القديمة
يعني لمن النظام يريد يخزن ملف جديد يسوي overwriting على الملف القديم
ف الملف القديم بهالحالة يلا يروح من الذاكرة و يصير بداله الملف الجديد


لذلك لمن نمسح كلشي من ذاكرة الموبايل مثلا
نكدر نرجع كلشي جان عالذاكرة او اغلب الاشياء ببرامج بسيطة



https://en.m.wikipedia.org/wiki/Data_erasure

https://en.m.wikipedia.org/wiki/Data_remanence

https://www.reddit.com/r/YouShouldKnow/comments/1e4p7g/ysk_how_deletion_works_on_a_computer_and_why/

زين شلون افرغ ذاكرة جهازي بشكل حقيقي لمن اريد ابيعه مثلا؟
اكو طريقة سهلة كلش
هو ان ورة ما تفرمت جهازك ترجع تملي الذاكرة كلها من جديد

يعني ممكن ان ورة ما تفرمت جهازك تكدر تفتح الكامرا و تسجل فيديو لحد ما تنملي الذاكرة
و تمسح الفيديو
و ترجع تسجل فيديو لحد متخلص الذاكرة مرة لخ
و فرمته و انطيه للمشتري


بهلطريقة رح يصير اوفر رايتنك على فايلات الجهاز مرتين بحيث تتلاشى الفايلات القديمة

*ماكو رقم محدد لعدد تكرار العملية مال ال overwriting حتى تمحي بياناتك نهائيا
قسم يكولون لازم الواحد يسويها مرتين و قسم يكولون لازم تسويها 35 مرة!
_______________

اكو حالة مرات تصير للذاكرة الي هي ال bad sector
هاي معناها ان جزء من الذاكرة متضرر بشكل دائمي ف النظام ميكدر يوصل لهلمكان من الذاكرة ف رح تبقى المعلومات بذاك المكان للابد


https://en.m.wikipedia.org/wiki/Bad_sector

*فكرة تسجيل الفيديو علمود تملي الذاكرة اخذتها من التقنية من اجل السلام
https://youtu.be/27i6eHrJzSY

المتجر //
اول جزء بالمتجر تكدرون من خلاله تتبرعون بنقاطكم لجمعيات خيرية ^^

شباب هالبرنامج كلش يفيد اذا واحد يريد يساعد الناس او نفسه
شايفة قبل بس ممجربه صراحة

شلون تكدرون تساعدون احد فاقد البصر من بيتكم و من مكان راحتكم؟

برنامج Be my eyes
يخليكم بنتورك متطوعين تساعدون فاقدين البصر بمهام يومية بسيطة
كل الي تسويه اني تسوون فيديو كول انت و الشخص فاقد البصر و تساعده بمعلومات البيئة الي حوله
و متطول ابد

شلون يشتغلون؟
ورة متسوون حساب و تحددون الوكت الي انتوا بيه اكتف
لمن احد فاقدي البصر يريد مساعده
رح يدز البرنامج اشعارات لاكثر من متطوع
و اول واحد يستجيب يربطهم

و مراح تجيك هواية طلبات شكم طلب بلشهر
و على وكت فراغك
و متطول المكالمة

تخيل شلون ممكن تساعد شخص خلال يومه و ممكن يفرح بهالمساعدة



البرنامج حائز على هالجوائز
• Dubai Expo 2020 Global Innovator
• Winner of Google Play Awards 2018 - Best Accessibility Experience
• Winner of GOV Design Awards 2018 - Digital Experience


للي يريد ينزلة

للاندرويد https://play.google.com/store/apps/details?id=com.bemyeyes.bemyeyes

لل ios
https://itunes.apple.com/us/app/be-my-eyes-helping-blind-see/id905177575?mt=8

سوري لان مدانزل شي بس لان عندي امتحانات هلفترة و 9/1 أخلص
بس حبيت اعلق على سالفة انتشرت و هو مقارنة حريق الامزون بحريق كاتدرائية نوتردام

صراحة المقارنة غبية لان الغابة و الكاتدرائية ثنينهم مهمات
وحدة تنوع حياة برية و وحدة شي تاريخي
ف أتمنى البشر يعوفون هالحركة

بلاضافة للشي اللاخ الي اريد احجي عنه بشكل مفصل اكثر بس معندي وكت فهاي نبذة بسيطة
ان هل فعلا غابات الامازون رئة العالم؟
لا طبعا
مصطلح "رئة العالم" مجرد تعبير مجازي لان هي تحتوي تنوع حيواني هائل
بس هل هي أهم مصدر اوكسجين؟ لا
تبقى مصدر مهم جدا بس 70 بالمية من الاوكسجين بالارض سببه الأحياء المائية بالبحار و المحيطات

و اكثر غابات تنطي اوكسجين هي من روسيا

غابة تايكا تحديدا الي بصيبريا تنتج اوكسجين يعادل كل انتاج الاوكسجين بكل غابات العالم

*للي ميعرف وين غابات الأمازون ف هي بامريكا الجنوبية تشمل دول مثل البرازيل و فنزويلا و كولومبيا و غيرها

https://earthsky.org/earth/how-much-do-oceans-add-to-worlds-oxygen

https://www.nationalgeographic.org/activity/save-the-plankton-breathe-freely/

نزلتها بلستوري مال انستكرام ف كلت ادزها هنا هم
توضيح اكثر لسالفة الامازون




https://earthsky.org/earth/how-much-do-oceans-add-to-worlds-oxygen


https://www.nationalgeographic.org/activity/save-the-plankton-breathe-freely/



https://relay.nationalgeographic.com/proxy/distribution/public/amp/environment/2019/08/why-amazon-doesnt-produce-20-percent-worlds-oxygen


https://undark.org/2019/09/03/amazon-rainforest-fires-will-not-deplete-earth-oxygen/


https://www.factcheck.org/2019/09/amazon-doesnt-produce-20-of-earths-oxygen/


https://writersbeat.com/the-taiga-lungs-of-the-world-t9653.html