وين تروح المعلومات لمن نمسحها باجهزتنا الالكترونية؟


لمن نمسح شي من الجهاز ميختفي
يبقى موجود و ميروح منة ايشي
شلون زين؟

لمن نمسح ملف إحنا مجرد مسحنا عنوان هلشي بلذاكرة و النظام يعتبر الحيز مال الملف فارغ
بس هو لساه موجود بيه الملف


للتوضيح خل نتخيل انت واكف و دتاشر بايدك على صندوك (نفرض الصندوك هو الفايل)
ف انت واكف دتاشر على الصندوك و لمن يجي واحد يسالك "هالمكان فارغ؟" انت تكلة لا اكو صندوك هنا

لمن نريد نمسح الصندوك ف الي يصير كانما نزلت ايدك و كمت متاشر على الصندوك و لمن يسالك واحد على مكان الصندوك فارغ لو لا
انت تكلة اي فارغ (مع ان الصندوك لساه موجود)

بضبط نفسلشي يصير لمن تمسح ملف
مجرد الشي الي يدل على مكانه ينمسح
و النظام يعتبر المكان فارغ
(مع العلم هذا "المكان الفارغ" لساه بيه الملف)



زين بهالحالة احنة مو نمسح ملفاتنا القديمة و نكدر ننزل ملفات جديدة بدالها؟
صحيح بس شلون يصير هلشي
النظام رح يخزن المعلومات الجديدة بنفس مكان المعلومات القديمة
يعني لمن النظام يريد يخزن ملف جديد يسوي overwriting على الملف القديم
ف الملف القديم بهالحالة يلا يروح من الذاكرة و يصير بداله الملف الجديد


لذلك لمن نمسح كلشي من ذاكرة الموبايل مثلا
نكدر نرجع كلشي جان عالذاكرة او اغلب الاشياء ببرامج بسيطة



https://en.m.wikipedia.org/wiki/Data_erasure

https://en.m.wikipedia.org/wiki/Data_remanence

https://www.reddit.com/r/YouShouldKnow/comments/1e4p7g/ysk_how_deletion_works_on_a_computer_and_why/

زين شلون افرغ ذاكرة جهازي بشكل حقيقي لمن اريد ابيعه مثلا؟
اكو طريقة سهلة كلش
هو ان ورة ما تفرمت جهازك ترجع تملي الذاكرة كلها من جديد

يعني ممكن ان ورة ما تفرمت جهازك تكدر تفتح الكامرا و تسجل فيديو لحد ما تنملي الذاكرة
و تمسح الفيديو
و ترجع تسجل فيديو لحد متخلص الذاكرة مرة لخ
و فرمته و انطيه للمشتري


بهلطريقة رح يصير اوفر رايتنك على فايلات الجهاز مرتين بحيث تتلاشى الفايلات القديمة

*ماكو رقم محدد لعدد تكرار العملية مال ال overwriting حتى تمحي بياناتك نهائيا
قسم يكولون لازم الواحد يسويها مرتين و قسم يكولون لازم تسويها 35 مرة!
_______________

اكو حالة مرات تصير للذاكرة الي هي ال bad sector
هاي معناها ان جزء من الذاكرة متضرر بشكل دائمي ف النظام ميكدر يوصل لهلمكان من الذاكرة ف رح تبقى المعلومات بذاك المكان للابد


https://en.m.wikipedia.org/wiki/Bad_sector

*فكرة تسجيل الفيديو علمود تملي الذاكرة اخذتها من التقنية من اجل السلام
https://youtu.be/27i6eHrJzSY

المتجر //
اول جزء بالمتجر تكدرون من خلاله تتبرعون بنقاطكم لجمعيات خيرية ^^

شباب هالبرنامج كلش يفيد اذا واحد يريد يساعد الناس او نفسه
شايفة قبل بس ممجربه صراحة

شلون تكدرون تساعدون احد فاقد البصر من بيتكم و من مكان راحتكم؟

برنامج Be my eyes
يخليكم بنتورك متطوعين تساعدون فاقدين البصر بمهام يومية بسيطة
كل الي تسويه اني تسوون فيديو كول انت و الشخص فاقد البصر و تساعده بمعلومات البيئة الي حوله
و متطول ابد

شلون يشتغلون؟
ورة متسوون حساب و تحددون الوكت الي انتوا بيه اكتف
لمن احد فاقدي البصر يريد مساعده
رح يدز البرنامج اشعارات لاكثر من متطوع
و اول واحد يستجيب يربطهم

و مراح تجيك هواية طلبات شكم طلب بلشهر
و على وكت فراغك
و متطول المكالمة

تخيل شلون ممكن تساعد شخص خلال يومه و ممكن يفرح بهالمساعدة



البرنامج حائز على هالجوائز
• Dubai Expo 2020 Global Innovator
• Winner of Google Play Awards 2018 - Best Accessibility Experience
• Winner of GOV Design Awards 2018 - Digital Experience


للي يريد ينزلة

للاندرويد https://play.google.com/store/apps/details?id=com.bemyeyes.bemyeyes

لل ios
https://itunes.apple.com/us/app/be-my-eyes-helping-blind-see/id905177575?mt=8

سوري لان مدانزل شي بس لان عندي امتحانات هلفترة و 9/1 أخلص
بس حبيت اعلق على سالفة انتشرت و هو مقارنة حريق الامزون بحريق كاتدرائية نوتردام

صراحة المقارنة غبية لان الغابة و الكاتدرائية ثنينهم مهمات
وحدة تنوع حياة برية و وحدة شي تاريخي
ف أتمنى البشر يعوفون هالحركة

بلاضافة للشي اللاخ الي اريد احجي عنه بشكل مفصل اكثر بس معندي وكت فهاي نبذة بسيطة
ان هل فعلا غابات الامازون رئة العالم؟
لا طبعا
مصطلح "رئة العالم" مجرد تعبير مجازي لان هي تحتوي تنوع حيواني هائل
بس هل هي أهم مصدر اوكسجين؟ لا
تبقى مصدر مهم جدا بس 70 بالمية من الاوكسجين بالارض سببه الأحياء المائية بالبحار و المحيطات

و اكثر غابات تنطي اوكسجين هي من روسيا

غابة تايكا تحديدا الي بصيبريا تنتج اوكسجين يعادل كل انتاج الاوكسجين بكل غابات العالم

*للي ميعرف وين غابات الأمازون ف هي بامريكا الجنوبية تشمل دول مثل البرازيل و فنزويلا و كولومبيا و غيرها

https://earthsky.org/earth/how-much-do-oceans-add-to-worlds-oxygen

https://www.nationalgeographic.org/activity/save-the-plankton-breathe-freely/

نزلتها بلستوري مال انستكرام ف كلت ادزها هنا هم
توضيح اكثر لسالفة الامازون




https://earthsky.org/earth/how-much-do-oceans-add-to-worlds-oxygen


https://www.nationalgeographic.org/activity/save-the-plankton-breathe-freely/



https://relay.nationalgeographic.com/proxy/distribution/public/amp/environment/2019/08/why-amazon-doesnt-produce-20-percent-worlds-oxygen


https://undark.org/2019/09/03/amazon-rainforest-fires-will-not-deplete-earth-oxygen/


https://www.factcheck.org/2019/09/amazon-doesnt-produce-20-of-earths-oxygen/


https://writersbeat.com/the-taiga-lungs-of-the-world-t9653.html

خرافات منتشرة
-------------
من اكثر الخرافات المنتشرة هي لمن تتعرض للبرد رح تتمرض
هلمعلومة خطا لان المرض سببه بكتريا او فيروسات تنتقل للجسم و تسبب المرض
ف ممكن تتمرض بمكان دافي مادام البكتريا او الفيروسات المعينة موجودة

*البكتريا و الفيروسات المسببة للامراض كل سنة تتغير و تجي أنواع غيرها لذلك ماكو لقاح دائم للامراض الموسمية

https://www.mayoclinic.org/diseases-conditions/fever/symptoms-causes/syc-20352759

https://www.medicalnewstoday.com/articles/168266.php

https://medlineplus.gov/fever.html

-----------------------------------

حلاقة الشعر بالموس تخلي الشعر اثخن و اقوى
هاي ايضا خرافة مشهورة و ما الها اي صحة
الشعر يبقى نفسه من ناحية الثخن و القوة بس

https://www.mayoclinic.org/healthy-lifestyle/adult-health/expert-answers/hair-removal/faq-20058427

-----------------------------------

"سور الصين العظيم ممكن الواحد يشوفه من القمر"
هالمعلومة ايضا خطا
سور الصين العظيم ميبين نهائيا من القمر و حتى من محطات الفضاء القريبة داخل مدار الارض هم ميكدر الواحد يشوف سور الصين العظيم منها

https://www.nasa.gov/vision/space/workinginspace/great_wall.html

-----------------------------------

"الانسان عندة 5 حواس"
هالمعلومة ناخذها من صف اول ابتدائي بالمدرسة بس هي خطا
الإنسان عندة كلش هواية حواس
مثل الجوع و الالم و التوازن و التسارع و درجة الحرارة و غيرها

https://www.press.jhu.edu/news/blog/how-many-senses-do-we-have

https://en.m.wikipedia.org/wiki/Sense?wprov=sfla1(ويكيبيديا مو مصدر بس للي يحب يقرة اكثر عن الموضوع)

باجر انزل وجبة اخرى من الخرافات

-----------------------------------

"لمن تلزم عصفور مفقس جديد و ترجعة للعش امه مراح تتقبلة و متنطيه اكل و تعوفه يموت"
هالمعلومة هم خطا و اعتقاد الناس انها بسبب ان الطير تصير بيه ريحة الشخص الي لزمه
بس الطيور اصلا معدهم حاسة شم قوية
ف مراح يعوفوهم

https://www.nationalgeographic.com/science/phenomena/2015/06/29/should-you-put-a-baby-bird-back-in-the-nest-depends-if-its-cute/

-----------------------------------

"البشر يستخدمون بس 10 بالمية من ادمغتهم"
الي يصدك بيها معناها فعلا يستخدم بس 10% من دماغه
https://www.psychologicalscience.org/uncategorized/myth-we-only-use-10-of-our-brains.html

-----------------------------------

"لمن تبلع العلج تحتاج 7 سنين حتى تهضمه"
هالمعلومة هم غلط
العلج مينهضم بلمعدة و انما يخرج خارج الجسم طبيعي
و باغلب الحالات ماكو خطر ببلع العلج (مع انه هو غير مصمم للبلع)
* إذا الواحد بلع كمية جبيرة من العلج ف ممكن يسوي هلشي انسداد بالامعاء

https://www.mayoclinic.org/digestive-system/expert-answers/faq-20058446

https://kidshealth.org/en/kids/swallowed-gum.html

هواية ناس يكولون ليش الكل يريد يدخل مجموعة طبية؟
و يعتبرون النجاح على المجموعة الطبية بس
و يكولون هالفكرة غلط

المشكلة مو بالفكرة
المشكلة بترتيب الدولة

يعني حاليا فعلا عدد الشهادات الي ممكن الواحد يشتغل بيها قليل كلشش
بسبب انعدام فرص العمل
يعني حتى الشركات الي دتدخل للعراق قليلة
الي هي توفر شغل

يعني لمن تجي شركة للعراق مهما كانت
اولشي رح يشتغلون المهندسين المدنيين لبنائها
وراها حسب تخصصها مثلا ممكن اشياء بالليزر تشغل مهندسين ليزر
اجهزة طبية
تشغل مهندسين طبيين
هاي كمثال
وراها الشركة رح تحتاج ترتب حساباتها
رح تحتاج خريجين ادارة و اقتصاد بالمحاسبة مثلا
و لان الشركة لازم تمشي علقانون تحتاج محاميين
تحتاج عمال نظافة
رح تشغل ناس معدهم شهادات كلية اصلا
وراها رح تحتاج خدمات من كهرباء و مي
تشغل ناس بشركات المي و الكهرباء الي رح تزداد اذا زاد الطلب علكهرباء
و بهالحالة رح نشغل بعد ناس بغير مجال

و همة رح يحتاجون اشياء استهلاكية الشركتين مثلا شركة الكهرباء رح تحتاج نفط
و الشركة الاولانية تحتاج مواد اولية لشغلهم
رح يعتمدون عل غيرهم من الشركات الي هم رح تشغل بعد ناس حتى تسد الطلب


الي ديصير بالعراق محد يفتح مشروع قوي
بسبب المكان خطر و الدولة متدعم هلشي

يعني لو بس والمارت يجون للعراق هاي شكد ناس رح تشتغل!
و بعد متصير بس الشهادات الطبية الها أهمية

لان حاليا الناس حقهم يتجهون للتخصصات الطبية لان هي الوحيدة الي دايما الواحد يكدر يشتغل بيها
لان شي محد يكدر يتخلى عنة

يعني الواحد ممكن ميروح لمهندس معماري علمود يصمم بيته
و لا يروح لمهندس مدني يبنيلة البيت
يروح لخلفة معتدةشهادة
ف كعدوا المهندسين
بس لمن واحد يمرض معندة حل غير الطبيب
لمن يريد يشتري دوة معندة حل غير الصيدلية
هذني الأشياء الأساسية مثل الطب مستحيل الواحد ميشتغل بيها لان الناس حتستمر تمرض

نفسلشي لمن يسوون ضرايب عالية على الدوة
المبيعات تبقى نفسها!
بس لو سووا ضريبة على الببسي
رح تقل مبيعات الببسي
لان مو شي اساسي

و نرجع لسالفة الي يريد يبني يروح لخلفة و ميروح لمهندس هم ترجع ع الدولة
لان غالبا ذولة يبنون بدون مواصفات قياسية للبناء
بالتالي يسبب مشاكل

ف حرفيا الحل بيد الدولة
يوفرون امن
و خدمات أساسية
و تسهيلات للاستثمار و دخول الشركات
و تسهيل فتح الشركات
حتى يصير اكو شغل لكل الشهادات

بس راي الناس مال الطبية احسن مجال واحد يدخلة لمن يريد يعيش بلعراق ابدا مو غلط
لان هذا الواقع



و ملاحظة
اني اشوف مطلب الناس للتعيين مال الدولة و مطلب توفير تعيين للطلاب مال مختلف التخصصات مطلب غبي
راحت ايام الاشتراكية و حاليا النظام الماشي هو الراس مالي
راتب التعيين بلعراق و باغلب الدول minimum wage
اذا الواحد يريد شغل محترم ف يشتغل وية شركات

هلجريدة هواية شفتها كلش سواء بالفيسبوك او الواتس اب
ف هل فعلا استخدام الأجهزة او التواجد بالقرب منها يسوي سرطان او اي مشاكل صحية؟